منتدى الفرح المسيحى - يارب افتح عنينا فنشوف الحقيقة كاملة زى غلام أليشع

https://upload.chjoy.com/uploads/170025746346721.jpg

جيش.. ومش أي جيش جاي للحرب ومستعد بكل قوته ..
وعلى قد ما الموقف من على الجبل يبان مخيف وسواد في سواد
وغلام واقف مش شايف بس غير مركبات وجيوش العدو..
يجي هنا دور القائد إليشع ويعمل رد فعل مختلف..
وَصَلَّى أَلِيشَعُ وَقَالَ: «يَا رَبُّ، ٱفْتَحْ عَيْنَيْهِ فَيُبْصِرَ». ملوك الثاني ٦: ١٥
عشان يشوف المشهد بعينه الروحية
يشوف خيل ومركبات بس من نار حواليهم بتحميهم ..
يشوف إن اللي معاهم أقوى وأكبر بكتير من اللي عليهم..
يشوف يد الله القوية في المشهد.. يشوف إنه مش متساب لمهب الريح.
شكرًا عشان روحك اللي فينا وإنك بتسمع تنهدات قلوبنا المرفوعة ليك
في كل تفصيلة صغيرة ف يومنا ..
يارب افتح عنينا فنشوف الحقيقة كاملة زى غلام أليشع..
نشوف الواقع بعينيك، قدام نور كلمتك كل حاجة بتختلف.. مستنينك 🙏