اسفة
 

=اعتذري لأختك يا حبيبتي

-مش عاوزة

=البنت الحلوة لما تزعل أختها تقول لها sorry

-مش بحب

=طيب مش إنتِ زعلتي أختك

- ايوه

=وإنت بتحبيها

- اه
-
= طيب عارفه إننا لما بنزعل حد بنحبه بنحتاج نصالحه عشان ما يزعلش مننا

- عارفه
-
= أنا فاهمة إنك مش بتحبي تقولي sorry بس في نفس الوقت محتاجه تصالحي أختك
تحبي تعملي أو تقولي ايه لاختك تصالحيها به غير sorry

-هو انا ممكن احضنها وبس؟
-
=ممكن طبعا

وفعلا قامت وحضنت اختها وطبطبت عليها من غير ولا كلمه واحده ورجعت لي تاني

=حبيبتي شكرا علشان صالحتي اختك ومسبتيهاش زعلانه وعلشان كمان فهمتيني إنك لما تحبي تصالحي أختك مش بتحبي تقولي sorry وبتحبي تحضنيها

كده بقى عندنا طريقة صلح مناسبه للناس القريبه مننا
محتاجين كمان نفكر في طريقة صلح جديده للناس الأغراب اللى مش هينفع تصالحيهم بحضن لما تزعليهم قوي

وبعدها بيومين كانت أول مره لما تزعل عمتها تعرف تصالحها لأن بقى لها طريقتها الخاصه مع القريبين منها

يومياتي مع بنت أختي☺️
---------------------------------------

🌟الإعتذار مش لازم يكون بكلمة معينة ولكن
🥇ممكن يكون Action معين
🥇او كلمة تانية تؤدي نفس الغرض
🥇او تفسير للخطأ
🥇خليكي مرنة

💎الإعتذار بيبقى على حاجه البنت غلطت فعلا فيها مش على حاجه زعلت اللى قدامها وهو ملوش حق يزعل

💎يعني علميها أن سلوكها وأخلاقها هي المقياس مش رد فعل اللى قدامها هو المقياس

💎الإعتذار عن الغلط أخلاق لكن الإعتذار بسبب ومن غير سبب لكل الناس ضعف فرقي بينهم كويس

📌توته الحب والتعاطف وصناعة القرار والقيادة نقاط قوة عندها علشان كده كنت واثقة إنها هتصالح أختها بس بطريقتها الخاصة اللى هتقررها بنفسها

📌وده اللى خلاني مدخلش معاها في خناقات علشان تقول sorry غصب عنها ونوصل لحل مرضي من غير مشاكل

📌💎انتِ كمان تقدري تعرفي نقاط قوة بنتك وتتعاملي معاها على اساسها بحكمه ....

رد: اسفة
 

رد: اسفة