الارض مش هتمشي
 

الأرض مش هتمشي

لما بنتي كان عندها سنة وشهر

كان الناس حوليا كلهم بيقولولي دي متأخره قوي في المشي
ويقارنوها بأطفال تانية مشيت قبل كده

ولما ضغطهم زاد عليا روحت لمامتي وعيطت من ضغط الناس وسألتها هي كده متأخره فعلًا

قالتلي لأ

وبعدين مستعجليش الأرض مش هتمشي

اللي مشي عند ٩شهور و١٠ شهور واللى مشي عند سنة وسنه وشويه كلهم في الأخر بيمشوا زي بعض طالما في اطار النمو الطبيعي
وسيبك من كلام الناس

الخلاصة:

كلمة للأم
مش كلام الناس هو المقياس أبدًا
وكل حاجه ولها مقياسها الصح
دوري على المقياس الحقيقي بعيدًا عن كلام الناس
في النمو مثلاً هتلاقي المقياس السمات الطبيعية للمرحله العمرية
في الأخلاق مثلًا هتلاقي المقياس الدين والعُرف تبع لمرجعيتك
وهكذا

كلمة للجميع
من فضلكم متضغطوش على الأم الجديدة طالما الوضع طبيعي ومتقارنوش ولادها بحد

الأطفال مش robots دول بشر بتختلف قدراتهم ومهاراتهم من طفل لطفل

رد: الارض مش هتمشي
 

رد: الارض مش هتمشي