منتدى الفرح المسيحى - متستعجليش على ماسكة الموبايل

متستعجليش

متستعجليش على ماسكة الموبايل طول الوقت
بكره الصغيرة تكبر وتنشغل في دراسة أو زواج أو سفر

ويفضل عندك وقت أكتر من إنك تمليه بالموبايل

ووقتها أكتر حاجه هتفضل ما بينكم رصيد الذكريات الحلوة

اللى هتكوني عملتيها واستمتعتوا بيها مع بعض من بدري
أو الموبايل لهاكي عنها وبتدوري على دقيقه منها دلوقتي ومش لاقيه

سيبي موبايلك على جمب واستمتعي بوقتك مع بنتك وصناعة ذكريات جديدة قبل ما رحلة التربية تخلص بسرعه
---------------

ممكن في الوقت ده:

🍄تلعبوا لعبة بتحبوها مع بعض

🍄تعملوا عمل خيري مع بعض

🍄تمارسوا هواية

🍄تقعدوا تتكلموا وتدردشوا كأصحاب

🍄تخرجوا لوحدكم أو مع العيله حتى لو خروجه بسيطه

🍄تدخلوا المطبخ تعملوا أكلة مشتركة
-------------------

صدقيني هتستمتعي مع بنتك أكتر بكتير وهتعلميها وتربيها بطرق غير مباشرة وهتحافظي على سلامها وصحتها النفسية