منتدى الفرح المسيحى - مافيش حاجه بتضيع عند ربنا

https://upload.chjoy.com/uploads/169980364615641.jpg

بحب وبتطمني بالذات في الظروف اللي زي دي
جملة ( مافيش حاجه بتضيع عند ربنا)
حزن الناس مش هايضيع
وغياب الامان معموله عنده الف حساب
والاحساس بالخطر متخططله
اليُتم عنده في حته خاصه
والمستضعفين بيناله من قوته
ال بايتين الليل وحدهم
والنايمين في الشارع
الخمسه المتغطيين ببطانيه واحده
اللي لسه تحت الانقاد
واللي بيحاولوا يطلعوهم
العطشانين
والجعانين
المحتارين
والتايهين عن اهاليهم
المفقودين
واللي فقدوا
اللي صوتهم مش واصل
واللي اتنبح حسهم
مافيش حاجه بتضيع عند ربنا …
بحبها ،وبخاف نُعجب بالجملة
وننسى إن احنا لينا دور في اي حاجه حلوة
من اللي ممكن تحصل