منتدى الفرح المسيحى - ربنا شايف مابين السطور ماتقلقش

https://upload.chjoy.com/uploads/169956199838011.jpg

في ناس فاكراك ياما هنا وياما هناك
بس عمرهم ماشافوك وانت بتقول يارب استرها وانت الغني
وناس فاكراك انك جامد وقوي علشان بس عمرك ماقولت انك تعبان
وناس فكراك انك طول الوقت مبتسم
بس هما مشافوش دموعك وانت لوحدك
وناس فاكراك انك روحاني
بس هما مش عارفين انك بتعافر ودي نعمه ربنا
وناس فكراك انك ثابت ومش بتهتز بس عمرهم ماشافوك
وانت بتصرخ كتير لربنا من خوفك
وناس شايفاك انك قاسي وصعب بس عمرهم ماشافوك
وانت بتقول يارب انت عارف قلبي
وناس شايفاك انك اجتماعي وكل الناس حواليك
بس عمرهم ماشافوك وانت وحيد
نهايه الامر الله فاحص القلوب وعارف اللي جوه
هو شايف دموعك وانت بتضحك وسط الناس
شايف كسرتك وانت بتسند الناس
شايف خوفك وانت بتطمن الناس
شايف احتياجك وانت بتشبع الناس
شايف تعبك وانت ثابت قصاد الناس
شايف وحدتك وانت وسط الناس
أطمن يسوع عارف اللي جوه وده بس اللي بيخلينا
عارفين نكمل في إلارض
ربنا شايف مابين السطور ماتقلقش