|
قصائد مجمعة للشاعر أيمن نادى اسحق
|
رد: قصائد مجمعة للشاعر أيمن نادى اسحق
قصيدة : مش هتكفى الكلمات اذا كنت فى حيرة واذا كانت مشاكلى كتيرة وظروفى صعبة مريرة موجود إله أمس واليوم والغد اللى هيجدد لى أملى اللى كان اتهد وهيفتح لى كل باب اتسد لأنه وضع لكل مشكلة حد مش ممكن تتعداه والماضى المؤلم هيخلينى أنساه لأنه اشترانى بدماه ورفع مقامى وعلاه وأنا لما قريت عن موته وألاماته وصلبه وجلداته عرفت انى قيمتى عنده بتساوى حياته ,انا لو هتكلم عن صفاته وعن الإحسانات مش هتكفى الكلمات ده هو علشان يحينى مات وعلشان يشفينى اتحمل الجلدات ولأن إلهى إله الإنتصارات أنا بيه هعدى كل الصعوبات بقلم الشاعر أيمن نادى إسحق |
رد: قصائد مجمعة للشاعر أيمن نادى اسحق
قصيدة : بالإيمان للشاعر أيمن نادى اسحق بالإيمان هاقدر أكبر اللى اتحد واتحصر واجمع اللى اتهد واتكسر هاقدر أفك اللى إتأسر واللى اتزل بالخطيه وعارها بالإيمان هولع شمعة كل ظلام الدنيا مايخفيش نورها حتى الريح متطفيش نارها بالإيمان هعيش فى الدنيا واصدق انى غريب فيها وان كل شهواتها لا تملا عينى ولا تغريها و كل ضيقاتها لا تحزن نفسى ولا تحنيها بالإيمان هتشجع وأقول يا نفسى ابعدى عن الخطية وانسيها واوعى تطولك شبكتها .. اوعى تغوصى فى بحرها اوعى تغريكى حلاوتها وتدوقى فى الاخر مرها افهمى حكايتها .اعرفى سرها ابعدى عن سكتها . ارفضى شرها . وعيشى فى أمان بالإيمان هاعيش فى تواضع وأنسى كبريائى وغرورى هرفض التمثيل فى مسرح العالم ومش هكمل دورى هارفض فكر ابليس منبع الشرور منبع الأحزان .بالإيمان بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
يا أبويا السماوى زى ما الحبيب بيترك زكرى .. فى قلب المحبوب أنا نفسى لسه فاكره. إحسانك وف حنانك بتدوب بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة أحبه للشاعر أيمن نادى اسحق أحبه أحبه لأنه صنع معى إحساناً لقد أعطانى ماء الحياة مجاناً أما هو فقد شرب خلاً أحبه لأنه صنع لكل مشكلة حلاً ولبحر همومى وضع حداً لن يتعداه العدو إبليس أبداً أحبه فهو ضمانى أحبه بكل كيانى أحبه فهو بالنسبة لى الأب وهو الحبيب والمحب بل هو الحب أحبه بل أنا مريض حباً وهو لى سيد وملك ورباً بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة الحبيب السهران عن حبى للرب يسوع بقلم الشاعر أيمن نادى يا نفسى انسى أى انسان أيا كان سواء فرحك أو جرحك وهان وسافرى مع المسيح رحلة وانتى فى نفس المكان ووانتى فرحلتك أطلبى شفاء بإيمان وفى نفس اللحظه وفى نفس الزمان هتحسى بشفاء ملأ كل الكيان وتملى شفاء وفرحى واسرحى فى عين المسيح زى الحبيب السهران ولما يغمض اسرحى فى الأجفان ومعاكى قلبى يسرح وهو يفتح بصى فى عينيه هتلاقى فيهم طيبة ومحبة وحنية خليكى بيهم متهنية وخليكى مستنية لما يغمض عينه تانى علشان يمتحنة واحس انه بعد عنى مع أنه لسه بإيديه ماسك لكنه بيشوفنى هتماسك وللا هضعف وعليه هتعالى ويفتح عينه وبعينيه يقول تعالى وإتأملى فى ايده قد ايه هيا قديرة وقد أيه هو قدير ووانتى فى نفس الرحلة المثيرة فى اللقاء المثير هيمسك ايدك ويضمنلك المصير دى ايديه ايدين بتعين بتفك الأسير وبتنسيه الحزن والغم وإتأملى فى الفم اللى قال لو نسيت الأم أنا لا أنساكى وإذاى انساكى وانا علشانك نزلت من السماء ووانتى فى نفس اللقاء انسى المشاكل والحزن والألم والداء انسى كل الأشياء وقربى من حضن المسيح ووانتى فى حضن المسيح والمسيح فى حضنك هيقولك مريت بحزن شبه حزنك علشان كده أقدر أعينك علشان تتغلبى على الأحزان واستمتعى بدقات قلب المسيح المليانه حنان أما قلبك انتى فهيداويه من جرح الموقف اللى صدمه وهيجددلك الأمل اللى كان الزمن هدمه وبغض النظر عن نجاحك فى الماضى من عدمه فى الحاضر وفى المستقل استقبلى روح القوة مش روح الفشل وخللى عندك دايما الأمل وأخيرا عودى من رحلتك بعد ماشفاكى فرحى الروح القدس اللى جواكى وانتظرى لما يرجعك لسماكى بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة في البعد عنك يارب - للشاعر أيمن نادى في البعد عنك يارب بـعـيـش زى رســام بـيــظهر فى كل أعماله الــحــــــزن بـــكـــل أشـــكالـــه .وألــــوانـه وزى مـوسـيـقار للشر بيـعـزف كل ألــحـانــه زى مـجـروح بيـــنـزف من جــرحـه زمانه زى أديــب بــيـكـتـــب فـى كـــــل روايــــاتـه عن قصة حياته . عن الى جرحه واللى خانه بـــكـــــــون زى خــــايـــن وأول مـــاخـــــان خـــان اللـى اتحمـل الــذل والـهـوان علشانه وراح للـشـــيــطـــان... وســـلــمـلــه كـــيانه فى البعد عنك كـــل مــا بمـشى طريق .... بلاقى فيـــه سد ..وكل ما بـهرب من ضيـق . بروح ل ضيق أشد ولمــا بـسأل لـيـه كـده....... مـش بـلاقـى رد . . مش بلاقى غير الحزن ده.. ودمـــع عـالـخـد بقلم الشاعر أيمن نادى أسحق |
رد: قصائد مجمعة للشاعر أيمن نادى اسحق
قصيدة: بعنوان حكايتى معاها عن حكايتى مع الخطية لما بقول كلمة أبويا : أقصد الرب يسوع ولما أقول كلام عن بنت : أقصد بالبنت دى الخطية حكايتى معاها ... أبويا كان كلامـه لـيـا إنـهــا بتخدعنى كان دايــماً يــقـولى سيــبها إسمعنى وأنا أقوله ماأقدرش جمالها بيمتعنى وأسـيـبــه وأروح لــيـــها وأمسك بإيــدى إيـديــها واسمــع كلامها وأغانيها وأعمل كل اللى يرضيها وكــنـــت فـــــى حـــضــنــها بـــرتــــاح و بــتـــــحــــــمــل عـــلــشــانها الجراح وأبويا يقولى يا ابنى دى مصاحبه دباح وانا فاكره بيقول كده علشان أبعد وكـــنـت بـــزيــــد وبـــقسى وبعند وأروحلها وأقولها أنا ليكى ولو الــــزمـــن دار بيـــكى أنا قدامك بحلف وبــوعدك انــــى دايـــمـــاً هـســندك وفى يوم وأنا ماشى شوفت المجرم الدباح معاها فوقفت وقولتها انا كتير ليكى حـلفت لكن خلاص حقيقتك عــرفت انتى بتظهرى من برراكى جـــمــيلة مـــا أحـــلاكــى لــكـــن مـــن جــــــواكــى بتخططى لموتى وهلاكى وراجعلك يا أبويا وبقولك عرفـتها على حقــيقتها عرفت شرها وقسوتها وكنت غلطان لما قولت حبها غمرنى وتــقـــولــــى إبــعـــد أقولك أعذرنى اهـــــو دلـــــوقـــتـــــى كـــــسرنــــى وجــرحـــنى وتعبنى وألمنى ودمرنى وراجعلك وأنا كلى أنين و جروح وبقولك أشــفــى قلبى المجروح وأنا مش هبيعـك تانى علشانها مش عايزها ومـش عايز حنانها ومـــش راجـــــع تــانى لمكانها كلمات / الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة : الشر وعاره : للشاعر أيمن نادى اسحق بـقـــالى أيــام وليالى وشهور وأنــا مـسـيـطر عـلـيـا شـعــور بيجذبنى لشر وبيجذبلى عـاره شـــر أمـــر مــن الـخل بمراره شر ياما ذل ناس فى كل العصور وخــــايـــف يــيــجـى عـليـا الدور ويذلــنـى ويـــعـــيشـنى مـكســور ويـتـعـــبـنــى ويــعـذبــنــى بـنـاره خايف أفضل فى الضلمه ومشوفش تانى النور خايـــف مـن يـوم ييــجى يتكشف فيه المستور واللى كـان مـخـفـى يتعـرف ويتكتب فى سطور وقــــلـــــــبـــــى تــــظـــهــــــــــــر أســــــــراره وده مـــش مــــجــــرد شــــعـــــور ده بـيــقــف قــــدامـى زى ســـــور ويــقـيــدى ويــخـلــيـنـى مــأســور و زى عبد مش عارف ياخد قراره ده سور نفسى أهدمه وأردمه هكــون مــســرور وبــمــعـــونـة وقـــدرة إلهـــى صــخـــــر الــدهــور أنـا هـا أقــوى عــليـه وأعــديـه وأعـيـــش منصور ساعتها بـس هحس بفرحة المرور وبطعم العبور لطــريــق الأمـــان -- طــريــق الـتــوبـة والإيــمان كلمات الشاعر: أيمن نادى اسحق |
رد: قصائد مجمعة للشاعر أيمن نادى اسحق
قصيدة لوحات حياتى عن المحبة الأخوية للشاعر أيمن نادى اسحق جميع لوحات حياتى فيها حزناً ورسوماتى لم يظهر فيها إلا لوناً لون أقرب إلى القلب وهو لون الحب الحب الذى ليس له قيمة ولا ثمناً فى هذا الزمن الذى لم أر مثله زمناً فالحب أنا أتخذه شعاراً وعلماً وبه لايهزمنى يأساً أو ندماً ولا أحتمل الحياة بدونه يوماً فهو يخفف عنى الألم دوماً ان أحببت بنت.فهى بالنسبة لى أخت فأنا لا أعشق فيها جسداً أو عيوناً ولا أترك مكاناً لأوهاما أو ظنواناً واذا اجتمعانا لا يكون معنا ثالث ملعوناً بل ثالثنا هو حارسنا وهو إلهاً حنوناً بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة أشعار ألمى عن الشيطان للشاعر أيمن نادى اسحق عن الشيطان بشكيلك يارب هو اشعار المى بيألفها وألحان حزنى بيعزفها ومشاهد ندمى بيوصفها حكايات ماضييا الحزينة بيرويها ويزرع فيها أفكار مهينة ويرويها وبيتمنى بكايا ونواحى وضعفى فى كل النواحى وكل أمنيته ان اتوهم وأنه يتحدانى وانى اتهزم من زمانى تكمل ساعدته لما يشوف أحزانى أو يشوفنى من غير هدف أو حتى امانى بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
محتاج انى اكون معاك أمين واترك الخطية اللى استعبدتنى سنين وقيدتنى وجعلتنى اعيش فيها سجين جعلت نفسى ذليلة وقلبى حزين محتاجلك يا إلهى انت المعين انت اللى اقمت المنحنيين وكسرت قيود المأسورين سمعت صراخ الذليل والمسكين محتاج أقرب منك لانك الأمين ولأنى لو بعدت عنك هروح لمين ده انت بالنسبة ليا المعتقد والدين وإيمانى بيك ده أمر يقين ده انت اللى بتحرسنى وتحمينى من المستكبرين وبتنقذنى وتنجينى من المستبدين بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة : فى الزمن ده للشاعر أيمن نادى فى الزمن ده الطيبة بقيت حاجة معيوبة والمبادىء معكوسة ومقلوبة والقيم خلاص بدأت تنهار وأى حاجة بالمصلحة بس محسوبة لكن الأمانة كأنها بضاعة مضروبة ومش موجودة غير فى الأشعار وعايشين رافعين شعار مش مهم قريبى أو قريبتى المهم نصيبى ومصلحتى وبيقولوا للصغار اسمعوا يا شطار اللى يمسكوا بالميه مسوه بالنار مش بنسى أبداً ان لسه فى ناس أصيلة لسه متاثرة بشخصية المسيح الجميلة لكنهم موجودين بنسبة ضئيلة وعايشين وسط الأشرار ورغم النقاء والعزوبة وبيقولوا على الناس دى انها من الزمن مغلوبة أصل الزمن دوار ووبيفهموا كده وكأن الزمن هو اللى باع ومن غير تمن بعد ما أمانوه على الأسرار بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة عن البابا شنودة ان اكتب عن جمالك شعر أو نثر . ده فخر ليا واعتزاز وإنك من مصر .ده شرف ليا وإمتياز لأن حكمتك ملهاش حصر . ودى حقيقه مش إنحياز قداستك علمتنا نقول ربنا موجود دى جمله بنهز الوجود وخرجت من قلبك جمل زرعت فى قلوبنا الأمل والثقه فى الرب يسوع ده احنا شوفنا فيك صبر وإبمان وطاعة لربنا وخضوع وصلاه فى خشوع .وأغلى دموع بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة : أوقات بخاف للشاعر أيمن نادى اسحق أوقات بخاف وبحس انى خوفى اصبح حاجة عادية بقيت بخاف من مستقبلى ومن ماضييا وبحس ان الزمن بيقدملى الخوف هدية ولما اقول هتشجع المرة ديا بكتشف انى خوفى بقى ظاهرة مرضية ونفسى بتفضل لا مطمنة ولا مرضية ولا عارفة تتشجع بالمشجعات الارضيه وانا لا هيطمنى احساس وحنان من ناس ولا علاقات ودية ولا بحلم أحلام وردية أنا لا محتاج تاج وملك ولا كنوز زهبية وفضية انا محتاج لمسة من أبويا وفاديا بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة المرأة الفاضلة للشاعر أيمن نادى اسحق صعب على العبد يعصى . سيده الأمير صعب على الأم تقسى . على الطفل الصغير وصعب عليا أنسى . صاحبة القلب الكبير فاكرة استير فى ملكها وزمنا عارفة قيمة اللؤلؤة وتمنها قيمتك عند ربنا بتعلا بتفوق اللآلىء وأعلى عارفة الفرق بين شروق الشمس. وغروبها والفرق بين لغة الحب والهمس . وصراخ الناس وحروبها ده الفرق بين المؤمنة الأميرة . وبين الشريرة بعيوبها بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة : عن نشيد الأنشاد للشاعر أيمن نادى اسحق عن علاقة الحب بين الرب يسوع والكنيسة سمعينى صوتك ولو بهمسة هشفيكى بلمسة واديكى من الكمال يا حبيبى انتا الجمال كلامك حلاوة .وكلك مشتهيات بتزيد فى عينى غلاوة .متوصقاهش كلمات من سماك بتنظرلى بتملكنى النظرات وأرفع فيك وأعللى ده إلهى حبيبى رب السموات أرسل ملاكه يحمينى ويكون ملاكى وأسمعه يقولى سبيتى قلبى بإحدى عيناكى لا تملك قلبى خليقة إللاكى عملتك كبرتك قدستك جلستك فى سماكى روحى لأصحابك قوليلهم حبيبى معروف بين ألوف وربوات ب البر والسماح والعدل والصلاح والإحسانات بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة : متزعلش . للشاعر أيمن نادى اسحق متزعلش لو من كتر الألم مش قادر تتحمل ومن كتر الخوف مش قادر تكمل متتاثرش بالناس الكدابة اللى بتتجمل لأن مرورك بفترة ألم ده بيحسسك بنعمة الراحة ووجود الكدابين ده بيعلمك قيمة الصراحة وخوفك بيعرفك قيمة اللى بيتعامل معاك بحنية طيبة وسماحة متزعلش ومتتأثرش باللى دايماً بيحسسك بندم واللى بيدوس على مشاعرك بالقدم وإتمسك باللى بيخلق م العدم ولو معندكش افتكر ان كل الكون كان معدوم وان أى شىء بيتغير فى ليلة ويوم خليك فى انتظار الإشراقة والأمطار اتعلم متتأثرش بالغيوم بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة رب الأكوان للشاعر أيمن نادى اسحق حبيت أسأل رب الأكوان . سؤال صغير إزاى رغــم الإيـمـان. بـتـهـان وبـتـعـيـر وبعدها بحوالى ساعة . فضلت متحير أكتب عن محبة يسوع ولللا عن الوداعة. ولللا عن أمانته اللى مستحيل تتغير إلهى متواضع رغم انه قدير ومهوب ووديع ووداعته بـتـمـلـك الـقـلـــوب ورغم ان البشر بتبيع مـحبته بتفيض ينابيع ..وأمـانـتـه أمـانة عجيبة .. بـيـذكــر إننا تـراب ولو واجهتنا أفكار غريبة.بيأمر ممنوع الإقتراب بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة اللى بينى وبين إلهى للشاعر أيمن نادى اسحق اللى بينى وبين إلهى حب بيوصل لمرحلة العشق وما بعده ولما الدنيا بتضيق بيا بفتكر وعده ولما إبليس يغير ويحسدنى بشعر بالثقة والإيمان .ومبخفش من الشيطان لأن المؤمنين والقديسين معروف عنهم الصمود لأن إلهم منذ الأزل موجود منذ القديم وكائن قبل أن يكون أبونا ابراهيم وأنا لما بطلب حماية وتطهير الدم الكريم وأرنم أو أسمع ترانيم بحس أنه أجلسنى فى السماويات وانسى حزنى والأوليات وافتكر كلام خادم قال كلمات بديعة قال ان يسوع لما بيشوفنى بصلى من كتر حبه ليا دقات قلبه بتكون سريعة وأنا كمان لا بسمع صوته جوايا بسرعة قلبى بيدق لأن من غيره يستحق أسكب عليه الطيب وبدموعى أغسل القدم لأن الحب بين الله والإنسان موجود منذ القدم قبل الحب بين الرجل والفتاة وأهم من عشق كرة القدم يارب ادينا قلب جديد وشيل القلب اللى قدم بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة رغم التحديات بشكر الرب اللى بيرشدنى وبيوجهنى ورغـم الـتـحديـات الـلـى بـتـواجـهـنـى نفسي لسة صابرة وبالإيـمـان والمثابرة.والإرادة رجعت أألف شعر كالعادة وكتبت فى هذه المرة ان لو الظروف مرة.بردو هحس بالسعادة واللى بيميز كتاباتى المرادى انى غيرت حساباتى وحققت مرادى ويا خطية رغم انك بتزدادى إلا انى اختارت بعادى.عنك وهروبى ورفضت رسوبى.فى الإمتحان وحسبت ان آلام هذا الزمان والذل والهوان.وتعايير الناس كلها أمور لا تقاس بالمقارنة بالأمجاد وبالتاج على الراس بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة أيامى اللى ليكى ..عن الخطية ..للشاعر أيمن نادى اسحق أيامى اللى ليكى عدت وفاتت وأحلامى بيكى خلاص ماتت ودلوقتى ببعد وبسيبك لأنى فاهمك بكل ألاعيبك عارفك شريرة وده عيبك ده المكر اللى جواكى قسى قلبك وخللاكى عايشة علشان تعدى ضحاياكى عايشة واللى بترسميه.إنك تهدى كيان اللى بتسميه. أغلى إنسان وبتقولى إنه حبيبك وإنه نصيبك علشان كده ببعد وبسيبك عايشة واللى بيشتريكى بتبعيه واللى حنين عليكى بتوجعيه واللى بيحميكى بتضيعيه ومش بيشوف منك غير تعزيبك علشان كده ببعد وبسيبك بسيبك لأن اللى بيمشى معاكى مستقبله بيتهد والطريق قدامه بيتسد وبيكون مكانه وسط ضحاياكى بيتعد واللى بيعيبه انه بياخد نصيبه من تدميرك وتخريبك. علشان كده ببعد وبسيبك بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة انت النصيب : عن الرب يسوع لما كل الناس بيبعدوا عنى بتكون إنت قريب ولما الكل يكرهونى بلاقيك إنت الحبيب علشان كده حبى ليك حب رهيب وأملى فيك مش ممكن يخيب دإنت نورى لما النور بيغيب وإنت سندى وإنت النصيب وإنت فرحى لما بكون كئيب ولما صورتى بتتشوه من الغريب انت بتشوفنى جميل وخالى من العيب أصلك علشان تجملنى إتحملت التعزيب وأنا مهما إبليس يرمى سهامه عليا . وغرضه التخريب سهمه هيقرب منى لكن مش هيصيب لأنى محمى فى دم الصليب وده الأمر العجيب الأمر العجيب إن الإله العرش والمجد يسيب وييجى وينجى الإنسان من الموت المريب أصل هو الله اللى بيعلم الغيب علشان كده حبى ليه حب رهيب أملى فيه مش ممكن يخيب ده هو نورى لما النور بيغيب وهو سندى وهو النصيب كلمات :الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة عن أبونا كاراس . بقلم أيمن نادى مهما عبرت عن حبى ليه بكلمات. الكلمات عاجزة عن التعبير. ده فـيـه أجـمـل الـصفـات . تواضع وانكار للذات مالوش نظير. ده انا بستمتع بوعظاته وبالتأملات .اللى بيحضرها واللى بدون تحضير. أبونا كاراس انسان بيحب الناس حب فريد من نوعه. .حب أصيل.. وبـيـتمنى ل للى بيمثل الإيمان توبته ورجوعه .. وانه يبطل تمثيل. أبونا كاراس من أول ما يرن الجرس . لحد لما يرن الجرس. دايماً بيجيب م الآخر بيجيب الخلاصة ومربط الفرس. بيقول الحياة فرص.. والشاطر اللى لما تهب رياحه يغتنمها. ويقدم للمسيح حياته ويسلمها. بقلم أيمن نادى اسحق |
رد: قصائد مجمعة للشاعر أيمن نادى اسحق
قصيدة زى الألف للشاعر أيمن نادى اسحق قصيدة : زى الألف مش هابالغ وأقول انى كامل الأوصاف لكن صدقينى أختلف عنهم كل الإختلاف فى كل أمورى مختلف مش مجرد شاعر بجمع الحرف جنب الحرف والألف جنب الألف ولو فاكرة انى علشان الشعر بس بمسك قلم وكراسة وانى خلصت دراسة أحب أقولك انى لسة فى مدرسة بدرس الكلمة المقدسة اللى بتخلينى أفوق من الأوهام وأخرج من الإنكسار والإنهزام واصبح فى كل أمورى مختلف منتصب زى الألف منتصر زى الأبطال وانتصارى مايتوصف رائع وأروع ومبدع وأجمل من انه يتشاف ومش من الإنصاف تشبهينى بيهم وتخلى بــعـد إسـمـى كاف انتى قبل اسمك دى آر ولو مصرة توصفينى وتشبهينى وعندك كل الإصرار انتى مش عندك كل الأسرار عندك جزء من المعرفة عن الماضى اللى كان مضر والحاضر اللى مش مر والمستقبل سر ميعرفوش غير ربنا وحده وبعض القديسين بروح النبوه حسب وعده سر الرب لخائفيه انا حد لو هتوصفيه قولى انى زى كل البشر روحى لعبرانيين الأصحاح الحادى عشر قولى انى رجل من رجال الإيمان الأبرار إتحمل الذل والعار والظلم اللى زاد اتعرض للإطهاد اتغلب على الأمراض انا شخص عرف ان الغم فى قلب الرجل يحنيه زى ما الإنجيل وصف ف أنتصب زى الألف بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة: إعادة إتصال . للشاعر أيمن نادى اسحق لما ببعد عن الصلاة والقراية فى الكتاب. بحس بحزن واكتئاب واشعر ان أهم حاجة ناقصانى.. واحس ان ربنا بعيد وببقى شبه المريض اللى محتاج طبيب نفسانى.. ولأن الطبيب النفسى هو اصلاً طبيب بشرى فأنا بأجل الحل البشرى وأطلب أولاً الحل الربانى.. وبرجع أعمل مع الرب إعادة إتصال والرب يعمللى إستئصال لأفكار سلبية ضغطانى.. منها فكرة تقولى انتا محروم من أشياء ويمكن تتحرم من الماء أرد وأقول كلمة ربنا راويانى.. وابليس يقولى هتعيش ازاى فى زمن كتر فيه الداء. ويكون ردى : مكتوب إلهى ينجينى من الوباء. لأنه حصنى وملجأى وضمانى.. بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة :عن( مينا جمال وديع) . قصيدة بعنوان ( شخصية أمينة وتؤتمن ) وانا بفكر يا ترى أكتب عن مين وأزيع.أبياتى الجديدة صوت فى قلبى يقولى اكتب عن مينا جميل وديع .قصيدة كان ردى طبعاً حاضر لأنه مفيش زيه فى العالم الحاضر استاذ مينا.. من زمن غير الزمن شخصية أمينة.. وتؤتمن بكتب عنه لأنه شخصية نقية صافية ومش مهم بقى لو مش مترتبة القافية لأن كل الأبيات غير كافية توصف حد بيبحث عن الكمال أيوه هو بهذا القدر من الجمال والتواضع والحب للناس وللرب.يستاهل يكون أب كاهن وراعى. وبعد سماعى . واستجابتى لصوت قلبى .بصلى لربى يحميه من الحسد والغيرة ومن شر الناس الشريرة وبطلب من ربنا يحرسه لأن العالم مقدرش يلوثه ولما اكتب شعر عنه مش لازم أدرسه ده يكفينى انى اكون شاعر.. بالفخر لأنى أعرفه هو شخصية تجذب الشاعر. أنه يوصفه بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة :إتكبر وعظم اسمك. للشاعر أيمن نادى إضـطـهـد اولاد الــمـسـيـح استمر فى الإهانة والتجريح قول عليهم كلام مش صحيح بس افتكر ان دى مجرد بداية إستمر فى زرع إثمك إتـكـبر وعـظـم إسمك إرسم لحياتك خطة وإفتخر برسمك إستمتع بشرك للغاية بس بعد إذنك هقولك على شىيء غصب عنك مصباح المؤمن هيضىيء ولو أيامك بتعدى بطيئة و عمرك بيمر بطىيء هيجىي وقت وتيجىي النهاية نهاية شرك وإنائك الفاخر هيمتلى بالشر على الآخر ويفيض على ايديك.شوف كام مرة كنت ساخر بالمؤمنين وبالمسيح وبالكتاب آية آية وتبدأ تحصد كل اللى زرعته شــوف كـام واحـد خـدعـتـه وتجيلك الضيقات والعذابات لان كلام ربنا باذنيك سمعته لكنك رفضت طريق الهداية بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة إيمانى ضعيف للشاعرأيمن نادى بيبقى ايمانى ضعيف..لما بسمع الأخبار بشوف جليات مخيف.. وجبار ورغم انى بصلى بالذهن وبالروح .. لكنى مش داؤود والرب يقول جعلت أمامك باب مفتوح ..ومن ضعف ايمانى شايفه مسدود لكن لما بفتح الكتاب واقرا منه سطور .واركز فيها وافهما بحول عينى عن على الواقع المنظور .وانسى الدنيا بمخاوفها وأوهامها ولو الخوف عاد..والمرض زاد وكتر ينجيك من فخ الصياد. ومن الوبأ الخطر ده ف مزمور واحد وتسعين. وناس كتير اختبروه وفى اشعياء تسعة واربعين فتعلمين انى انا الرب الذى لايخزى منتظروه بقلم الشاعر أيمن نادى اسحق |
رد: قصائد مجمعة للشاعر أيمن نادى اسحق
قصيدة : حقيقة مكتوبة.. بقلم الشاعر أيمن نادى إبليس بيخلينى أركز على ضعفى وأجلد ذاتى وأفتكر عيوبى وأنسى ميزاتى مع إن الرب قال لذاتى مع بنى أدم.والرب ...وضح حبه ليكى يا نفسى وقال تانى حولى عنى عيناكى.. لأنهم قد غلبتانى وعوضاً عن كونك مبغضة سماكى : المحبوبة . ودى حقيقة مكتوبة ..وإعلان أتانى خلانى ارفض كذب إبليس وأكون لظنونه هادم. وأى فكرة بيرميها إبليس عليا بلاقى الرب صاددها دى عظامنا عاددها . وحتى شعور رؤوسنا عاددها والنفس اللى بتجيله متواضعه بيأيدها ويعينا ويعضددها وهيا بتواجه موقف صعب أو خبر صادم..بقلم الشاعر ايمن نادى اسحق |
رد: قصائد مجمعة للشاعر أيمن نادى اسحق
مشــركه مثمــره ربـنا يفـرح قلبــك |
| الساعة الآن 10:24 PM |
Powered by vBulletin® Copyright ©2000 - 2026