|
الله يتخلى عن الإنسان
طلبته فما وجدته (نش 3: 1) أية مؤثرة جداً ومتعبة للنفس البشرية انسان يطلب الله فلا يجدة !!! اذاً لماذا يتخلى الله عن الإنسان ؟ موضوع للمناقشة والتحاور معاً ماهى الظروف التى تجعل الله يتخلى عن الانسان رغم ان ايات كثيرة فى الكتاب المقدس تأكد أن الله لا يتخلى عنا مهما كان حالنا اذاً لماذا نطلبة ولا نجدة ... |
رد: الله يتخلى عن الإنسان
هو موجود حقا. ولكن المهم هو أحساسك بوجوده والصلة به.. الإحساس بالحب والمتعة وو العشرة مع الله. الإحساس بالدالة، بحرارة اللقاء، وبسكني الله داخل القلب وعمله فيه. قد يكون الله موجودا معك، وأنت لا تشعر ولا تدرك. كما كلم السيد الرب مريم المجدلية بعد القيامة. ولكنها لم تشعر بوحوده. بل ظنته البستاني. وقالت له عن الرب " إن كنت قد أخذته" (يو 20: 15). بينما كان الرب يذاته هم الذي يكلمها وهي لا تدري, بل شعورها في ذلك الوقت كان " طلبته فما وجدته"..
و نفس الأمر حدث مع تلمذي عمواس. كان الرب معهما وهما لا يعلمان. بل يقولان له " هل أنت وحدك المتغرب عن أورشاليم، لم تعلم الأمور التي حدثت فيها؟!" (لو 24: 18). |
رد: الله يتخلى عن الإنسان
موضوع رائع ومميز اوى الرب يبارك تعب محبتكم
|
رد: الله يتخلى عن الإنسان
الله لايتخلي عن الانسان ابدا
بل يجربه وكل ماكان تمسكنا بيه اقوي وقت الشدائد كل ماا اقترب موعد حل الضيقه نشكر الله |
رد: الله يتخلى عن الإنسان
ربنا موجود ايما
بس احيانا احنا بنقول ان بنطلب ربنا وهو مش موجود بس علشان البعد عنة بنحس انة مش موجود لكن ربنا موجود موضوع رائع استاذ رامز |
رد: الله يتخلى عن الإنسان
الله لا يتخلى عن صنعة ايده ابدا
بس يمكن احنا ما نكون فى مشكلة او ضيق بنوضع لربنا حلين ونقول لكده او كده وننسى انى ربنا ربنا عنده حل تالت وبكده لما يجى الحل التالت نقول انى ربنا تركنا شكرا استاذ رامز ربنا يباركك |
رد: الله يتخلى عن الإنسان
ها انا معكم كل الايام الى انقضاء الدهر
اكيد موجود دايما لكن يجربنا شوية عشان يسمع صوتنا |
رد: الله يتخلى عن الإنسان
على الرغم من حنان ربنا علينا ومحبته لينا لكن ربنا مش بيحب الناس اللى تستغل هذا الحب بمعنى ان ربنا بيكره الخطيه خاصه المتكرره اللى من غير طوبه فاحنا بنخلى ربنا يشد علينا شويه وبرده علشان خاطر ينقذنا من الشر اللى بنجلبه لنفوسنا
ياريت كلنا نستمع جيدا لصوت ربنا علشانمنوصلش ربنا انه يشد علينا الموضوعده كان فى كتاب اليقظه الروحيه بالتفصيل من كتب البابا شنوده |
رد: الله يتخلى عن الإنسان
نعم الله يتخلى عن الإنسان ولكن ... الانسان عندما يفقد علاقتة مع الله هنا يتخلى الله عنة لكى يرجعة ( ارجع الى محبتك الأولى ) وكما يقول البابا شنودة الثالث أحيانا يكون سبب التخلي كبرياء إرتفعت فيها النفس إنسان يكبر في عيني نفسه، ويظن أنه قد أصبح شيئا وفي هذا الظن يفقد احتراسه، علي أعتبار أن الخطية لم يعد لها سلطان عليه!! ويريد الرب أن ينقذ هذا الإنسان من كبريائه وارتفاع قلبه. فيتخلي عنه قليلا، ليشعر بضعفه فلا يرتفع قلبه لأنه " قريب هو الرب من المنسحقين بقلوبهم" (مز 34: 18) وبابتعاد النعمة، بالتخلي المؤقت، قد يسقط الإنسان، ويهتز قيامه ويضعف فيعود ويحترس حتى من أقل الخطايا. ويتمسك بالرب بالأكثر وهكذا يتخلي الله، لا كعقاب وإنما كعلاج.. إنها نفس تزدري بالنعمة، وتهمل صوت الله داخلها فتقع في التخلي، حتى تعود وتستيقظ، وتعرف ما ينبغي عليها أن تفعله ولهذا نجد أن هذه النفس قد استفادت من التخلي |
رد: الله يتخلى عن الإنسان
ربنا عمره مابيتخلي عن حد ربنا ممكن يكون بيدخلنا في تجارب علشان نقرب منه او احيانا احنا بنكون مش حاسين بوجوده جنبنا فا ممكن يدينا التجربه اللي تقربنا منه ونحس بوجوده بس احنا بنحس ان ربنا اتخلي عننا في وقت التجربه ميرسي يا مستر للمناقشه والاراء الجميله ربنا يبارك حياتك |
رد: الله يتخلى عن الإنسان
اللة يتخلى عن الانسان ليمتحن ايمانه
ولكنه موجود |
رد: الله يتخلى عن الإنسان
موضوع رائع بجد وكل الأراء جميله فعلا لو ربنا فى مره اتخلى عننا لان حس بان احنا بعدنا قوى عنه وهو طبعا عارف ان الانسان فى الآخر هيرجعله لان مفيش فرح فى الحياه بدونه شكرا استاذ رامز لموضوعك الجميل ربنا يبارك حياتك |
رد: الله يتخلى عن الإنسان
اللة لم ولن يتخلى عنا فى اى لحظة بل بالعكس موجود معانا حتى فى وقت الضيق ويعطيناا لكتاب المقدس مثلا جميل ليوسف الصديق من الممكن ان نقول ان الللة تخلى عنة لكن اللة لة حكمتة فى كل شى يحدت فى حباتنا ولة وقتة وتدبيرة الصالح هو بس بيعلمنا تعليمة وبيعامل كل شخص بالطريقة الى بيفهم بيها مش تخلى عنة هو موجود فى كل مكان وزمان لانة قال لنا انا معكم كل الايام والى انقضاء الدهر
شكرا كتير مستر رامز على الموضوع الجميل الى الانسان ياخد بالة منو انا اللة موجود معانافى كل وقت |
رد: الله يتخلى عن الإنسان
الله لايتخلي عن الانسان ابدا
بل يجربه موضوع رائع جدااااااااا |
رد: الله يتخلى عن الإنسان
http://www.ahm1.com/vb/images/smilie...ainment-02.gif لم يكن من الممكن أن يتخلى الله عن الإنسان، وأن لا يسعى في طلبه ويعمل شيئًا لأجله. لأن الله يحب الإنسان، ويعرف أن الشيطان هو الذي أغواه وهو الذي خدعه. ولكن ليس من الممكن أن يسامح الله الإنسان بدون أن يعلن غضبه ضد الخطية. لأنه كيف يسامحه بدون أن يدفع ثمن الخطية ويوفي الدين؟! ليس لأن الله يريد الانتقام، ولكن لأن الله لابد أن يعلن قداسته. فلابد أن يظهر الله مدى كراهيته للخطية. و في نفس الوقت هو يريد أن يُخلّص الإنسان ويعرّفه مدى محبته. إن الله يريد أن يبين للإنسان بشاعة الخطية، ويجعله يكرهها. ولكن لا يكفي أن يسامحه الله ويغفر له، ولكن لابد أن يشفيه. لأنه لو غفر له بدون أن يدفع ثمن الخطية لن تظهر قداسة الله بوضوح في نظر الإنسان. فيقول الإنسان في نفسه إن الله من الممكن أن يقبل الخطية. أي أن الخطية شئ سهل بالنسبة لله ولا تعنيه في شئ. وبالتالى من الممكن أن يستسهل الإنسان الخطية ويعتبرها شيئًا عاديًا، ولا تستحق أن يحاول أن يتحرر منها ويتركها. لذلك كان لابد أن يعمل الله شيئًا يجعل محبته وقداسته تتقابلان معًا.. فيبين للإنسان مدى كراهيته للخطية، إلى جوار محبته الجارفة للإنسان. |
رد: الله يتخلى عن الإنسان
ربنا مش بيتخلى عننا
لانة مش هيسيب ولادة بس بيعلمنا ويبعتلنا تجربة ويسبنا هنفضل متمسكين بية وبوعودة ولا لا وبيدخل فى الوقت المناسب الوقت اللى يلحقنا فية علشان نرجع تانى لحضنة |
رد: الله يتخلى عن الإنسان
الله لايتخلي عن الانسان ابدا بس ممكن يجربه لما يحس انه بعد عنه اوي
شكرا مستر رامز علي الموضوع الرائع ربنا يباركك |
رد: الله يتخلى عن الإنسان
بجد موضوع اكتر من رااااااائع ويستحق المناقشه هى فعلا ايه صعبه جدا بس انا هجيبها بالتفصيل فى الليل على فراشي طلبت من تحبه نفسي طلبته فما وجدته هنا عروس النشيد بتقول (( على فراشي )) طلبته فما وجدته يعنى ممكن انا عندى كسل او تهاون فى حياتى الروحيه مع ربنا ممكن اكون انا بصليله وانا مش حاسه بيه او بقيمة الكلام معاه او ممكن اكون بتهاون فى عمل خطايا معينه واقول مش مهم دى صغيره ممكن كتير اسمع صوت ربنا يناديني لعمل شئ كويس لكن انا بكسل اسمع صوت وبفضل الاستمرار فى الخطيه واستنى ربنا لما ييجي ينقذنى بنفسه بقي (( على فراشي )) طلبته فماااااا وجدته دى الحاجه الاولى انى اقوم واطوف فى المدينه فى الاسواق وفى الشوارع اطلب من تحبه نفسي طلبته فما وجدته هنا عروس النشيد عملت خطوه ايجابيه وسلبيه فى نفس الوقت بمعنى انها قامت من كسلها وفكرت تدور على ربنا وده فى حد ذاته شئ رائع ولكن الشئ السلبى انها راحت تدور عليه فى الاسواق والشوارع يعنى معرفتش تختار المكان المناسب اللى تدور فيه على ربنا زى حد رايح مكان مش كويس لعمل خطيه معينه ويقول ربنا حافظ عليا رغم انه عارف انه مكان مش كويس فاكيد هطلب ربنا ومش هايرد مش لانه اتخلى عنى لكن عشان انا طلبته فى مكان غير مناسب او اكون قاعده فى وسط مجموعه من الناس قاعدين يدينوا وويجيبوا فى سير الناس ويتكلموا كلام مش كويس و ... و....... وانا قاعده ومبسوطه انى سمع كلامهم اكيد لو طلبت ربنا مش هايسمعنى لكن اول ما افكر اطلب ربنا بجد ربنا بيعمل حاجه حلوة معانا اوى وهى الايه اللى جايه دى على طول وجدنى الحرس الطائف فى المدينه فقلت ارايتم من تحبه نفسي فما جاوزتهم الا قليللا حتى وجدت من تحبه نفسي فمسكته ولم ارخه لما خرجت عروس النشيد تدور على ربنا ومع انها راحت تدور عليه فى المكان الغير المناسب الا انه نظر لنيتها وقلبها ورغبتها فانها تلاقيه فكانت دى كفايه عند ربنا وبعتلها الحرس الطائف فى المدينه ويادوب لحظات ولقيت حبيبها ولما لقيته عملت حاجه كويسه اوى قالت وجدت من تحب نفسي ( فمسكته ولم ارخه ) يعنى بمعنى اصح خلاص اتعلمت من غلطها وعرفت الفرق كويس اوى بين العيشه فى حسن ربنا واى عيشه تانيه عرفت انه بسبب تهاونها ربنا ممكن يسيبها عرفت ان فى حاجات ممكن تبعدها عن حبيبها فلما وجدته اتمسكت بيه اوووووى اوووووى يعنى ممكن ربنا يبعتلى كلمة مع كاهن او خادم او حد من اصحابى عن طريق عظه او ايه وكلمة فى الانجيل وغيره لكن ربنا لما بيلاقى النيه لابد انه يدلنا عن طريقه حتى ولو كنا بعيد عنه ومش عارفين طريقه هو اللى بيبعتلنا اللى يرجعنا ليه واحنا الللى بنتخلى عنه كتير وبنرفض سماع صوته دايما وبنقول ان هو اللى اتخلى ومش شايفينه قصادنا حتى وهو قريب وده للاسباب اللى قلتها فى الاول واللى فى غيرها اكيد بس كمان فى ايه صعبه جدااااااا قالها ربنا زمان بتاعت وان اكثرتم الصلاه فلن استجيب لكم ايه ده يارب معقوله مش هتستجيب حتى ولو فضلنا نصلى كتير مش يستجيب لصلاتنا انه ينفذلنا طلب شئ لا لكن يستجيب يعنى يسمع الصلاه حتى طيب ليه يارب ممكن تعمل كده يقول اه اصل شعبى ده بيطلبنى بشفتيه واما قلبه فمبتعد عنى كثيرررررررا يعنى ربنا مش محتاج كلام باللسان ربنا محتاج قلب يكلمه اصلنا مش هانخدعه بكام كلمة مذوقه ونقوله من فضلك اسمع واحنا نكون ابعد ما يكون عنه ربنا طالب حاجه وااااحده بسسسس يابنى اعطيني قلبك ولتلاحظ عيناك طرقى يعنى كل اللى علينا نحب ربنا بجد وهو عليه الباقى وصدقونى ربنا عمررررره ما بيتخلى عننا مهما كنا احنا بعيد بالعكس ده بيقرب اكتر لكن ممكن هو يحسسنا بكده لما نكون عايشين فى خطايانا علشان نخاف ونرجع ليه لان الخطيه هى موت وانفصال على الله وربنا هو الحيااااااه فحتى لو كان الله مش بيتخلى عننا لكن احنا بسبب الخطيه بننفصل تلقائيا عن الله ونحس انه اتخلى عننا وممكن كمان زى ما قلت هو اللى يحسسنا بكده مجرد احساس لكن مايكنش اتخلى عننا فعليا زى اب يغضب على ابنه لما يعمل شئ غلط وممكن يطرده بره البيت لكن يفضل مراقبه وشايف هو رايح فين ويفضل يوصى عليه كل الناس وفى اى زنقه يكون اول واحد ينقذه ربنا كده تمام بيحسنا بكده لكن دايما عينه علينا بيحرسنا حتى واحنا فى وسط خطيتنا وفى الوقت المناسب بيتدخل وبينقذنا من اى محنه او ضيقه ده رايي الشخصى واسفه اوووووووووى لو كنت طولت بجد بس بجد الموضوع رائع وشدنى اوى الكلام فيه وحسيت انى نفسي اقول حاجات كتييييييير ميرسي كتيييييييير لحضرتك استاذ رامز لطرح الموضوع الشيق ده ربنا يبارك خدمتك |
رد: الله يتخلى عن الإنسان
طلبته فما وجدته (نش 3: 1) متي تطلب النفس الرب ولا تجده؟؟؟؟ بعدما يكون الرب وقف علي الباب يقرع كثيراً...والنفس البشريه لاتعطي اهتماماً ولا اصغاءً لصوت الرب الذي يقول:(افتحي لي يا اختي يا حبيبتي يا حمامتي يا كاملتي لان راسي امتلا من الطل و قصصي من ندى الليل*) ولكن من تكاسل النفس وبرودتها الروحيه لاتستجيب لصوت الرب بل تقول:قد خلعت ثوبي فكيف البسه قد غسلت رجلي فكيف اوسخهما* لانها متنعمه وبارده روحياً.. ولكن عندما لايجد الرب من يفتح له يمضي ويعبر..وعندما تبدء التجارب والضيقات تحل بنا ..نبتدء نطلب الرب ونظن انه قد تركنا في ضيقاتنا ومشاكلنا...لكن الرب يقف وينظر ويري ويمد يده ويحل كل مشاكلنا بس بطريقته هو ..ولكننا كثيراً مانطلب من الرب حلول بشريه علي حسب اهوائنا ..واذا لم يحل لنا الرب حسب مزاجنا نتهم الرب بانه تخلي عنا ولم يسمع لصلاتنا |
رد: الله يتخلى عن الإنسان
ربنا عمرة ما بيتخلي عن الانسان بالعكسدة هو بيجربة
دة هو قال في الكتاب المقدي كل ما يعمل يعمل للخير للذين يحبون الرب يعني اي حاجة ممكن تحصل للانسان يجري بسرعة ويقول دة ربنا بعد عني دة ربنا سابني لكن لو في الاخر شاف ان اللي حصلة دة هيبقي هو الاحسن والافضل لية |
رد: الله يتخلى عن الإنسان
بالعكس يا رامز ربنا موجود ومعانا وعمرة ما تخلى عنا ابدا ابدا
احنا اللى بنبعد عنة وبنتخلى عن محبتة وبنتمسك بتفاهات وبنتمسك بارادتنا احنا مش ارادة ربنا يعنى مش بنبقى مسلمين لية حياتنا ونقولة خليك معانا دايما ان كان فى وقت فرح او ضيق لا بنفتكرة بس فى وقت الضيق وكمان احنا بنكون عايزين نمشى فى طريق سهل ومافيهوش تجارب ولا ضيقات يعنى بنهرب من ربنا ومن حبة لينا لان التجارب بتقوى الانسان وبتقربة من ربنا يعنى احنا اللى بنتخلى عن محبتة مش هو هو اللى بيحبنا من قبل ما نتولد عمرة ما سابنا لحظة واحدة هو اللى اتصلب على الصليب علشان بيحبنا يبقى ازاى يتخلى عنا وكمان احنا عايزين ربنا ينفذ لينا طلباتنا ويحل مشاكلنا اول ما نطلب منة زى ما نكون بنأمرة انة يحل مشاكلنا وربنا بيكون شايف الصالح لينا واللى ينفعنا وهو لية توقيتاتة ولكل شىء تحت السماء وقت يبقى لية نستعجلة احنا لو بنثق فى وعود ربنا لينا عمرنا ماهانحس انة بيبعد عنا او بيتخلى عنا ابداااااااااااااا وياريت ندور جوانا احنا اية اللى بعدنا كدة عن حضن ربنا واية اللى بعدنا كدة عن ربنا لان البعد دة بيألم ربنا اووووى وساعتها بنحس بقلوبنا العمياء انة هو اللى اتخلى عنا لو وقعنا فى ضيق او مشكلة |
رد: الله يتخلى عن الإنسان
الله لا يتخلى أبداً عن الأنسان الله لا يتخلى عن صنع يديه وأنما نشعر بذلك أحياناً عندما نقع فى ضيقة شديدة او يتأخر الله فى الأستجابة لنا فى طلبة معينة فالله لا ينظر مثنا للامور بصورة سطحية كنظرتنا نحن البشر ولكن نظرة الله تكون أعمق يعرف مانحتاجه وماينفعنا ويختار الوقت المناسب ليعطينا الأنسب لنا حسب مشيئته |
رد: الله يتخلى عن الإنسان
ربنا عمره ما بيتخلى عن اي انسان أحنا إللى مش بنشوف ربنا حتى ولو فيه لحظة وصل هذا الأحساس لينا بنكون أحنا السبب ربنا موجود ووافق معنا ومش بنعرف أنه كان معنا غير لما الموضوع بينتهى بنحس اد أيه كان ربنا كبير ووافق معنا احساسنا ان ربنا بعيد هو قلبنا إللى بيكون مشغول بغير شكرا يا رامز ربنا يبارك حياتك |
رد: الله يتخلى عن الإنسان
لم يكن من الممكن أن يتخلى الله عن الإنسان، وأن لا يسعى في طلبه ويعمل شيئًا لأجله. لأن الله يحب الإنسان، ويعرف أن الشيطان هو الذي أغواه وهو الذي خدعه.
ولكن ليس من الممكن أن يسامح الله الإنسان بدون أن يعلن غضبه ضد الخطية. لأنه كيف يسامحه بدون أن يدفع ثمن الخطية ويوفي الدين؟! ليس لأن الله يريد الانتقام، ولكن لأن الله لابد أن يعلن قداسته. فلابد أن يظهر الله مدى كراهيته للخطية. و في نفس الوقت هو يريد أن يُخلّص الإنسان ويعرّفه مدى محبته. إن الله يريد أن يبين للإنسان بشاعة الخطية، ويجعله يكرهها. ولكن لا يكفي أن يسامحه الله ويغفر له، ولكن لابد أن يشفيه. لأنه لو غفر له بدون أن يدفع ثمن الخطية لن تظهر قداسة الله بوضوح في نظر الإنسان. فيقول الإنسان في نفسه إن الله من الممكن أن يقبل الخطية. أي أن الخطية شئ سهل بالنسبة لله ولا تعنيه في شئ. وبالتالى من الممكن أن يستسهل الإنسان الخطية ويعتبرها شيئًا عاديًا، ولا تستحق أن يحاول أن يتحرر منها ويتركها. لذلك كان لابد أن يعمل الله شيئًا يجعل محبته وقداسته تتقابلان معًا.. فيبين للإنسان مدى كراهيته للخطية، إلى جوار محبته الجارفة للإنسان. |
رد: الله يتخلى عن الإنسان
انسان يطلب الله فلا يجدة !!! لشرح أية فى الكتاب المقدس , هناك معايير معينة لابد من الألتزام بها . وهنا نحن فى سفر نشيد الأنشاد . فى منظومة حب بين الرب والنفس البشرية . هذا الحب القوى من الرب الأله . أذا أستمر بالنكران والرفض من جانب النفس . سوف يأتى يوماّ بأن الأنسان يطلب الله فلا يجده . |
رد: الله يتخلى عن الإنسان
وقت الضيق بنلمس وجود ربنا
لان ربنا يعطى التجربة ومعها المنفذ لكن احنا فى بداية الضيقة بنكون حاسسين ان احنا لوحدنا لكن احنا منقوشين على كفه |
رد: الله يتخلى عن الإنسان
اقتباس:
ينصحنا سفر نشيد الأنشاد بالسير على نفس الطريق الذى ساروا عليه الأباء القديسين . وهذا واضح جدا فى الرد أعلاه |
رد: الله يتخلى عن الإنسان
أحـــيــانـــا . . . . . . . . . يمنع الـلـه عـنـك مـا تـريـد ... لـيـمــنـحـك ما تـحــتـاج إذا كـانت الأمـور تـجـرِي وفـقـاً لرغـبـتـك ف أنـت مـحـظـوظ... و إذا لم تكن كذلك ف أنت أكثر حظاً لانها تجري وفـقـاً لـرغـبة الـلـه فــابــتـــســم وقــل "أشـكـــــرك يــــــــارب". .................................................. ........................................ (يسوع) أثبتَ أنه حقيقي وثابت. أصدقاؤنا الأرضيون قد يخيبوننا ويتركوننا، في يوم يكونوا لطفاء وفي اليوم التالي يُحزِنوننا، لكن هذا الصديق لن يخدعنا أبداً، آه كم يحبُّنا! إن يسوع مُحبٌ ألزق من الأخ، هو المحِبُّ الذي يُحبُّنا في كل وقت (أمثال17:17). إنَّ حقيقة كون الرّب يسوع ليس حاضراً معنا في الجسد لا تَحِدُّ من حقيقة محبته، فمن خلال كلمته يتكلّم إلينا وبالصلاة نحن نتكلّم إليه، وبهذه الطريقة يجعل لنا من نفسه مُحباًّ حقيقياً نحن نحتاج إليه، وبهذه الطريقة يستجيب للصلاة. أيها الرَّب يسوع، إجعل لي نفسك حقيقة حيّة مُنيرة، أنت أكثر حضوراً، نراك بالإيمان، أنت أكثر حِرصاً من أي شيء أرضي، وأكثر مَعزَّة وأكثر قرباً من أي رباطِ قُرْبى أرضي. .................................................. ........................ يأذن الله للشدائد والضيقات أن تعكر صفو حياتنا ، وتعوج سبلها ، ويقف بعيدا متفرجا غير مبال . هذا ما يبدو لنا ، والحق أن الله يسمح بالعذاب والشدة ليرينا قيمة الضيق فى حياة المؤمن ويقوده الى الغوص فى الأعماق لاستخراج الكنز المدفون فيها . فالله معنا فى كل ضيق وكل شدة لا يترك أولاده ولا يهملهم " لأن...ه ...عون فى الضيقات وجد شديد " . لعلنا لا نرى يده المنقذة إلا فى نهاية الشدة فنفهم أنه رمى الى شئ معين من ورائها ، ولكن عيوننا أمسكت فلم تره يعمل لانتشالنا . لقد أحاطت بنا الظلمة ، واشتد سوادها ، فأعلمت عيوننا عن رؤية رئيس كهنتنا يتقدمنا ويشعر معنا ، ويرثى لحالنا . لا يجوز لنا ان نعتمد على الشعور والإحساس ، بل لنجعل الإيمان الحى نبراسنا متأكدين أن يسوع معنا يحامى عنا ، ويظهر حقنا ولو أن عيوننا البشرية لا تراه فلنره بعين الايمان وعندما نصل الى هذا الحد ، نسمع صوته الهادى الحنون يشجعنا ويثبت عزائمنا ويزيد اتكالنا عليه . إن الله قريب منك يا أخى فى الشدائد والضيقات كما فى الأفراح والأحزان |
رد: الله يتخلى عن الإنسان
الله لا يتخلى عنا
انما الرب من كثره شكايه ابيلس علينا فانه يسمح له ان يجربنا ليثبت له اننا نحبه ومنا من يثبت بالفعل ومنا من يسقط ويجعل ابليس يشتكى اكثر ولكن الله يجبنا ويضع لنا المخرج دائما واحيانا اخرى يكون الله واسع العلم والغير محدود القدره يرى ان التأخير في الرد افضل لنا ويمنع عنا شر فنحن المتعجلين دائما |
رد: الله يتخلى عن الإنسان
اذا لم تتـألم ... فكيــف ستعــرف اننـى الشـــافي ؟
اذا لـن تمــر بضيقــه ... فكــيف ستختبــرني كمنقــذ من الشــدائد؟ اذا لم تحــزن ... فكيــف ستعــرف تعـــزيتــي ؟ ... ... ان لـم تعتــرف بخطــئك ... فكيـف ستعــرف اننــى الغــافر ذنــوبك ؟ لـو كنت تعــرف كــل شــىء ... فكيـف كنت ستســـلم لى أمــرك؟ لـو لـم تكـن لديـك أى مشــأكل ... فكيــف كنت ستتكــل علــي؟ لـو لـم تجتــاز النــار ... فكيـف كنت ستتنقــــى؟ لـو كانـت لديـك كل القــوه ... فكيـف كنت ستتعــلم أن تلجــىء الىّ؟ لـو لـم أوبخــك ...فكيــف ستعــرف أننـى أحبــــــــــك؟†† |
رد: الله يتخلى عن الإنسان
ربنا مش بيتخلي عننا
بس ممكن يصبر علينا شويه علشان يجبلنا شئ احسن من الشئ اللي طالبينه بس ربنا عمره ما تجاهلنا |
رد: الله يتخلى عن الإنسان
ميرسى على مشاركة جميلة
|
| الساعة الآن 12:40 PM |
Powered by vBulletin® Copyright ©2000 - 2025