|
ديوان الديوان مع روائع الشاعرة souad jaalouk
https://www.englishexercises.org/mak...alz820d40g.gif أعضاء وزائرى الفرح المسيحى الكِرام ، دُمتم فى صحة وأمان وسلام https://lh4.googleusercontent.com/pr...CvjWrCUeg=s0-d نُعلن الان عن إنشاء ديوان "الديوان " حيث الروائع حيث رائدة الأفنان نقدم لكم أيها السيدات والسادة باقة رائعة من قصائد المُبدعة البراقة أستاذة سعاد بلمسات الفن والإجادة https://3.bp.blogspot.com/-lIQNYj-vS...ws_3064696.gif فقط وفى الفرح المسيحى ، أنتظرونا مع مفاجأت عديدة وحصرية https://forums.imageslove.net/photos...454650_358.gif |
رد: ديوان الديوان مع روائع الشاعرة souad jaalouk
كم أنتَ مبدعٌ وخلّاقٌ يا أستاذ مينا كلماتُ الشّكرِ لو تجمّعت لن تفيكَ حقكَ ولن تعبّرَ عن فرحي واعتزازي بتواجدي معكم يا أغلى أخوة في الوجود دمْتَ أستاذ مينا ودام تألقكَ في هذا الصّرح المبارك والرّب يوفّقني وأبقى دائماً عند حسنِ ظنّكم بي وسأبدأ اليوم بأولى قصائدي هنا أطلب من الله أن تنال إعجابكم وتكون على قدرِ هذه المقدّمة الّتي زيّنتَ بها هذا الدّيوان الجميل |
رد: ديوان الديوان مع روائع الشاعرة souad jaalouk
لا أريد أن أكبر . . . أريدُ أن أظلَّ طفلةً . . . أتمرجحُ بين أحضانكِ يا قديستي . . . يا أمّي . . . لا أريدُ أن أكبر . . . أريدُ أن أبقى فراشةً في مرجكِ الأخضر غادةً . . . بين شجيرات الياسمين . . . فراشةً بين جوقات الحساسين . . . أتنفّسُ عطرَكِ مع طلعةِ كلِّ صباحٍ . . . أُعاندُ . . . أغضبُ . . . أتمرّدُ . . . أمامَ وجهكِ الضّحوكِ الوضّاحِ أسرقُ من ابتسامتكِ الهنية . . . شعائرَ ثورتي . . . ومن ثمّ بغنجٍ أغفو وأرتاح . . . لا أُريدُ أن أكبر . . . لا أُريدُ أن يفارقني وجهكِ القمريّ . . . ويغيبُ عن صباحاتي . . . أُريدُ لذلك العصفور الدّوريّ . . . أن يبقى معلّقاً على حدائد نوافذي . . . مُتشبثاً بتلك الدّوائر . . . يشدو بصوته الملائكيّ . . . ترنيمة اسمكِ الغالي لأَفتحَ عينيَّ وأركضُ . . . أركضُ . . . لأتعلّقَ بأطراف ثوبكِ . . . وأُعانقُ عمراً . . . هو لي . . . القمر . . والمدار . . . والقدر . . . أما قلْتُ لكِ يا أُمّي ؟ . . . يا نجمة لا تملّ السّهر . . . في فضاءٍ هو دنياكِ وغابة لوزٍ وصوَر . . . لا أريدٌُ أن أكبرَ . . . أريدُ أن أبقى بين يديكِ . . . طفلةً . . . تخافُ الكبر . . . وعالماً هو . . . غربة وأوهام وسفر |
رد: ديوان الديوان مع روائع الشاعرة souad jaalouk
جمييييييييييييييييلة ربنا يبارك اعمالك |
رد: ديوان الديوان مع روائع الشاعرة souad jaalouk
أختي ولاء شرّفتني وأسعدتني بمروركِ الآثر ألف شكرٍ لتشجيعكِ الدّائم |
رد: ديوان الديوان مع روائع الشاعرة souad jaalouk
قلّي : مين انتي ؟؟؟ - أنا ؟؟ وليش السؤال ؟؟؟ غربة سفر أنا وترحال ... - عيونك الغريبي !!!! ودتني ع دروب بعيدي ... حيّرتني ... شغلتني ... شرقتني وغربتني ... منين جيتي يا حلوي ؟؟؟؟ - أنا جيت من الليل !!!! من دروب بعيدي ... ندهني نجم سهيل ... وقلّي ليلك طويل .... لا تغيبي عنّي لا تغيبي ... - خبريني : بعيونك رحلات سفريني وعلى آخر معمّر ربنا منهن وديني ... - أنا يا رفيقي .... الوحدة طريقي ... وطفيت بإيدي قنديلي بعمّر بيت من الوهم بسكنهن انا بالحلم ... وبسرح بعالم ... انا عملتو وصورتو بإيدي .... |
رد: ديوان الديوان مع روائع الشاعرة souad jaalouk
تبقى ميّل ع هاك الساحة العيون ليك مشتاقة .. الساحة .. العين ... الدراج عم تبكي وناطرة الساعة بالساعة ... تبقى مرقلك مرقة خجولي ... وكحّل فيها عيوني ... المقعد الناطر ... متكي بفية هالقناطر مشتاق لعجقة ظنونك وظنوني حيران ..، خيّم الصمت بعد عربدة مجنوني ... عربدة حكايات ... بالهنا والقهر مجبولي ... العريشة الناطرة ايديك متلي ... مشغول بالها عليك ما صدقت ... عليي ما تسمّعت .. وصوب السما وراق مكتوبي ودتها .. لهفات حمّلتها تترجى دفا عينيك وتقلك قديش الدني مشتاقة ليك .. |
رد: ديوان الديوان مع روائع الشاعرة souad jaalouk
عصفور الياسمين لعصفور الياسمين حكاية معي وهي اشبه بالرواية فصولها صفحات كما المرايا حلقاتها مشوبة بخطوط مخفية داخل تلك الزوايا ... إنّما مضمونها بائن ولا من خفايا يحطّ على ياسمينتي كلّ صباح ويعود ليطلّ عليّ في المسايا حسبه أن يعرف فقط أنني هنا أنتظر تصفيق جناحيه انظر بملء عينيّ اليه أحمّله رسائل وآخذ منه آهات تصل اليّ من دوران عينيه ألمسه برفق وكأنّني عرفت المضمون فيغلّ تحت زهرات هي عشقه وخفق نبضه ويتلو همسه وكأنّه ينفض كلّ ما لديه |
رد: ديوان الديوان مع روائع الشاعرة souad jaalouk
روووووووووووووووووعة من اجمل ما قرأت |
رد: ديوان الديوان مع روائع الشاعرة souad jaalouk
الديوان دة تحففففة ، أستمرى يا أستاذتنا من فضلك ، أشعارك فى غاية الروعة
ربنا يبارك خدمتك |
رد: ديوان الديوان مع روائع الشاعرة souad jaalouk
ألم الكلمات كلمات تتناثر بخجل منتفضة ثائرة ... تخبر قصّة عشق غير القصص الآثرة .. قصّة لو تداولتها مكتبات الجن والأساطير الغابرة ... لكانت هي الأولى بين الحكايا الحاضرة ... لا يغفل عنها قلب محبّ ولا عين حبيب مع النّجمات وشعاعات القمر الخجولة ساهرة .... كلمات لو وزّعت هكذا ومن دون ترتيب كما طيور السّنونوات الّتي بإلم ديارها مغادرة ... لامتلأ الكون حبّاً وعشقاً وأغانٍ بالدفء دائرة ... تلك كلمات غير الكلمات في دواويني ... تنفلت منتفضة نحو العودة او اللاعودة ثائرة .... |
رد: ديوان الديوان مع روائع الشاعرة souad jaalouk
عم لملم صور ووراق عم لملم صور واوراق بكتابي كانو اعزّالرّفاق دار الزّمان وتفرفطوا الورقات ومركب الشّوق شقلب الأشواق أسامي بكتاب صفحاتو مدهبّي غربلتها وخبّيت منهن الحكي ووزّعتهن بين الحنايا والضلوع هودي عصارة عمر الولدني وبعد مشوار كلّو قسا وولوع كبرنا وكبر فينا الحنين صرنا ع الدّرب ويإيدينا شموع ناخود نفس من قلب الأنين ونحكي بالكاد همس العاشقين ونودي الآهات ومن مرّها نكتوي |
رد: ديوان الديوان مع روائع الشاعرة souad jaalouk
اعتذار لمملكة الشّعر مش مين ما كتب كلمة صار شاعر ومش مين ما رصّف حروف صار قادر الشعر مملكتو فريدي مش كلّ فارس بيعرف يتصيّد طريدي كتار كتير بينسبوا لإلهون الكلمة من هون وهون بيجمعوها بعلبة بينسوا إنّو الفرسان وأصحاب الكلمة العنيدي بيسهروا ليالي لحتى يخيطوا حروف القصيدي وتتزيّن بإحساس عالي وهمسة صلا اصواتها مديدي يااا ريت يا اللي بتسرقوا الكلمة وع حساب الشعر صرتو بالاسم شعّار بمدرسة الحب والحنين بكلمة بحرف مش رح توصلوا يا شطّار الشعر مرجلة وارتجال بمحضر الأشعار ان كان خواطر ولا قصيدي الها وزن وقافية بكل وقت الشّاعر حاضر سلاحو معو القلم والكلمة ودفتر صغير دفيان بين ضلوعو وفكر لا بل معمل من الأفكار بتصير نهر هادر او شي إعصار سعاد جعلوك مع كل احترامي للشعر وللشعّار هاوية أنا دائماً ولا أصنّف من الشعّار |
رد: ديوان الديوان مع روائع الشاعرة souad jaalouk
غربال هالدّني غربال مش ممكن تبقى على حال اليوم بتمشي معك وبتكون متل قلب محبّ وحنون وبكراااا بتغيّر وبتنسى كلّ اللي انقال وغربال هالدني غربااااال غرباااال وقديش أخدت منّا حكايات حلوة كانت إلنا وعند أوّل مفرق بيصادفنا السّهل بيصبح محااااال غرباااال هالدّني غرباااال |
رد: ديوان الديوان مع روائع الشاعرة souad jaalouk
بخاف بشي يوم بالصدفة ... إتلاقى فيك .. وشوف أمورك مختلفي ... وتطلع فيي واتطلع فيك ... بدك تحكيني وبدي إحكيك ... وتعود تفصل بيناتنا هاك الهوي ... بخاف بالوَما عينيي تحاكي عينيك بخاف يبيّن على وجي لهفتي عليك وأوقف محتارة .. ويمكن ملبّكي وشو بخاف انسى كلّ اللي انقال بنظرة وحدي تتغيّر الأحوال ... وارجع اسرق منك وتسرق مني غربة عمر .. ما كان فيها لا ذنبك ... ولا ذنبي |
رد: ديوان الديوان مع روائع الشاعرة souad jaalouk
رسالة لبيي ---------- من قديش يا بيي ضاقت الدني بعينيي ... من أوّل رحلتي المكوكيي ... ببحر هالدني الغنيي ... بالشقا والدموع ... بآهات غربة وولوع ... كنت لمركبي الشراع ... عينيك ع قد ما الدني بتساع كانت لقلبي ولدربي رفقاتي ... وملجا لتعبي ولكلّ شي فيي ... ومن يوم ما ع السفر نويت .. ومطرحك فاضي بقي بالبيت قديش من وقتها قلت انا يا ريت هالبسمي الحلوة الرضيي بقيت معنا وما خلّيت طير الشّوق يخبّر قصّة حنيني وبكل مطرح يسرق أنيني ويقول بلسان حالي ... يا ريت ... يا ريت ما فليّت يا أعزّ الناس يا رفيقي ويا صديقي يا مشكى ألمي ووجعي يا ... بيي |
رد: ديوان الديوان مع روائع الشاعرة souad jaalouk
إلو أوّل ما إلو تاني كلّ الحكي ... كلّ البكي ... كلّ الوعود الملبكي ع سفينة ما لها شراااااع تكسّرت مع موجات مغرّبي وتاهت على شط مجهول من خيطان القسا مجبول إلو أوّل وما لو تاني |
رد: ديوان الديوان مع روائع الشاعرة souad jaalouk
رغماً عنّي ...ألملمْ أشيائي وأرحل ... رغماً عنّي أهدُّ ذاكَ الحلم الأجمل ورغماً عنّي أقتلع جذوري من جذوري ... وأمضي مع طائر الفينيق ولا أسأل ... رغماً عنّي ...لا طوعاً اسعى للرحيل أنت ... أنت هدّمْتَ الحلم الجميل انا لا احاول الّا مرّة ومعك كسرْتُ الطّرقَ والسبيل ... وتقول لي الآن لمَ أرحل ؟؟؟ رغماً عنّي أفلْتُ عصافيري أطلقتها قلْت لها طيري .... يكفيني أنا مسجونة بأساطيري إرحلي وخذي معك كلّ ما أحمل من هموم الضجر ... خذي من آهات العمر ... خذي من لملمات الهمس عند الملتقى خذي ولا تعودي إلا عندما أرحل ... رغماً عنّي رغماً عنّي مزّقْتُ رسائلي .... رغماً عنّي ، بعثَرْتُ أشيائي لم أعد بحاجة لها ... فكلّ ما بها بعض ما لك وكلّ ما بها ... تعبّر عن كلّي وتسأل بعد لمَ أرحل ؟؟؟؟؟ |
رد: ديوان الديوان مع روائع الشاعرة souad jaalouk
وبعد غيبة سنين وسنين شو عدا ما بدا كومة هالحنين زرعنا مساكب فلّ ع طرقاتهن ما فرخت غير اللوعة والانين ومن كتر ما شجرة الياسمين بعتت مراسيل شوق تتقلون حنّ فيهن الوفا تخمين ؟؟ ودابت خيوط القسا ... وهاك الماضي الحزين ... تشتت بليل ما لو صدا وطل فجر جديد كأنو نهار العيد صيحات حلوة تردد غريبة هالدني غريبة بعد غيبة هالسنين مين انا مين ؟؟؟ |
رد: ديوان الديوان مع روائع الشاعرة souad jaalouk
أوراقي الممزّقة بين اوراقي ودفاتري ... أجلس اراجع افكاري ... امسك ورقة وبغنج اسويها وارمي أخرى كانت لدنياي هي البوح وملجأ اسراري خبّأت بها وجدي وأشواقي غبية انا ...كيف سطرْتُ وجدا وولهاً ... وبحبٍ مزيّف شوّهت أشعاري غبية انا ... بلحظة نسيت أسفاري وغرقت بين الورق والدفاتر اسطّر عشقاً كنت أظنه هو سفري نحو حدود الشمس والافلاك والمجرات ..كنت اراه كوكبا سابحا فقط في سماء عشقي وهيامي كنت أظنّه لا يحطّ الرحال الا في محطتي ومداري.... |
رد: ديوان الديوان مع روائع الشاعرة souad jaalouk
أحمالي التقيلي هالدرب الطويلي مفارقها عجيبي ع كل مفرق ومطل في لنا جروحات ما بتحل ولا بسفرات ... ولا بنهدات ولا بمراسيل فيهون خفايا الدّمعات ومواويل تبعت للما حدا سلامات محمّلي بوعود كانت من مدّة قليلي ع القلب والفكر والبال أكتر من الكون أحمالها تقيلي |
رد: ديوان الديوان مع روائع الشاعرة souad jaalouk
لو جمّعت من زهور الدني باقات ... ولو قطفت من السما النّجمات ... ولو حضّرت من خيوط الشمس هالات ... ومن كواكب السّيّارة الغمزات .... ولو .... ولو ... كلّ اللي بالسما من الغيمات .... حيّكتهون لإلِك شالات ... بيبقوا قلال عليك يا امّي ويا كل الأمّهات ..... بهالعيد شو بقدر قلك ... وعن صدق حبّي ... قديش بدي اشرحلك ... طالع ع بالي من كلّ زهرة ولون شيل نتفة عطر وقدملك .... ويا امي .....بحق كل الامهات ع قد ما اخترع من كلمات .... رح ضل بالتعبير مقصرة ... يا امي ... يا ام الهمّات |
رد: ديوان الديوان مع روائع الشاعرة souad jaalouk
من خلف طيّات الغمام ، أركض لإسترجع طفولة ضائعة ، بين فراشاتٍ تائقة للإنفلات عبثاً ودونما وجهة ... على شجيراتٍ حفرنا على جذوعها المالسة بعضاً من أسامينا ...فعلقت للذكرى حنيناً يسري في شرايين جذورها عطشاً للعودة ... ويا ليتها تعود أضغاث أحلام ما كنّا لنتركها ... لو بقيت كما كانت نابضة بأزاهير ضجّت فيها عيون القمر ...وتاق كلّ ليلة أن يطلّ ولو خلسةً ليزيّن ملاعب طفولة هاربة .... وعائدة في داخل كلّ منّا لننطلق لا حسيب ولا رقيب |
رد: ديوان الديوان مع روائع الشاعرة souad jaalouk
لو خيّروني ... وعن كلّ ما مضى .. وسألوني وبين المطرقة والسندان وضعوني ... والإجابة حالاً وفوراً ومن عيوني .. لا لا أنتظر أن تجيبوني ... وعبثاً محاولة العبث بجنوني ... أنا سأقدم على نفس الأشياء لأنّها من تدبير الذي بيده ... أمور هذا الكون ... والّذي يقول لها فلتكوني .. |
رد: ديوان الديوان مع روائع الشاعرة souad jaalouk
إلى متى ؟؟؟ لا شيء يقال ولا شيء يُحكى لا معاني تُجمع ولا عبارات تُشفى قواميس اللّغة كلّها تُنفى والمفرداتُ عن بكرةِ أبيها تُلغى أمامَ هذا الإرهاب الأعمى الّذي كلّ يومٍ بيننا يتكاثرُ ويتفشّى ويحصُدُ خيرةَ أبنائنا وشبابنا ولا من رادعٍ ولا من يتشكّى ... إلى متى يا ربّي إلى متى ... قلوب أمّهاتنا تدفع الثّمن وتتلوّى وآباءٍ ترفع الصّوت ولا حولَ ولا قوّة وزوجاتٍ وأخوةٍ وأخواتٍ تذرفُ دموعاً حارقة مرّة وأبناءٍ بيدٍ اليُتم تشرقُ على الحياةِ من دونٍ أبٍ تتربّى ... إلى متى يااا أبي السّماويّ ؟؟ إلى متى ؟؟؟ أما آنَ لهذا اللّيل أن يسدلَ ستاره ...؟؟؟ ويذهبُ في حالِ سبيله ... ويدع أولادنا بينَ أحضانِ الحبّ والرّأفة ... تنمو فرحةً وتشبُّ مرحةً لا خوف ... ولا رعبَ ... فقط أيادٍ تلوّح للخير ... معطاءة ... حلوة يا شهداء اليوم وأمس ...وغداً ناموا بين أحضان المسيح فلكم الحياة منه والوعد وأبديّة الذّكرى |
رد: ديوان الديوان مع روائع الشاعرة souad jaalouk
أبحثُ عنكَ بينَ الوجوه أبحثُ عنكَ بين الوجوه ... علّي ألمح طيفاً من محيّاكَ يا من بتَّ بلا عنوان أبحثُ عنك بين همسات النجومِ ... علّي أستنير درباً غمره ظلام وهجران أبحثُ عنكَ بين التماعاتِ شعاعات القمر ... علّي أسبح مع هدوءِمروره السّكران أبحثُ عنكَ بين دفاتري وأوراقي ودواوين سطّرتها بحبر اللّوعة ودموع شبه إنسان فما وجدتكَ يا قدري إلّا بين حنايا كياني على شواطئ مرمية ... منسيّة تنتظرُ السّفينة والرّبّانِ |
رد: ديوان الديوان مع روائع الشاعرة souad jaalouk
قاااال تعباااان .... قاااال تعبااااان من هالعمر تعباااان ندمااااان داير عم يفتّش على إنساااان مدري حلم بيوعا بيعزّ اللّيل !!!! مدري وهم عايش ببالو ملبّك و حيراااان وعصفور شارد لوحدو ع الطريق مجنون داير عم يفتّش على رفيق مكسور جناحو متل هاك الغريق يلوّح بريشو ويسرق النّظرة ويعود ع غصن يابس بعد ليلة حريق .... |
رد: ديوان الديوان مع روائع الشاعرة souad jaalouk
عنوان ضايع مجهول بسطور اللّهفة مشغول بيسأل عن احبابوا بعتم الدّني غابوا وتركوا القلب بعصف الشقا مجبول غربال من سنين وسنين ع درب مليان غربة وأنين بيغربل الإيّام بيسرق هاك الإحلام بيزرع بدالها الأوهام وبيترك ع بيادر العمر شلحات من خيطان الحمر مرسومة بريشات مش بقلام ع طيف رياح مجنونة من خلف طيّات الغمام تشرق بلمع البرق تخبّر عن قصّة عشق يحتار فيها الخلق بين هاك الغيمة المارقة ع السكت وبين عناوين ضايعة تفتّش ع مفرق هَنَا متروك بهالمسكونة |
رد: ديوان الديوان مع روائع الشاعرة souad jaalouk
حكاني ..... يمّا بكّاني مش همّ ... الهيئة ما عدْت أنا سئلاني الزّهر ع إمّو دبلان وتاكي والمسكبة يبست من المي نشفاني وعصفور صغيّر محتار بغناني يرفرف بجوانحو شبه يئسان وين راحت مرجة الشِّعر والقوافي ردّ الصّدى بصوت مغيّر وتقلان بصحرة الايّام ما عاد للواحة مكان ... تفرفطت وراق الزّهر وعربش البلّان وتركت وراها عمر ملبّك وبردان ع السّكت يوشوش هاك الحفافي { من خربشاتي } {غربال الشِّعر والغناني } |
رد: ديوان الديوان مع روائع الشاعرة souad jaalouk
تعبت منّا الإيّام وسرقتنا معها الأحلام وصرنا نمشيها بالقلب نعد وتسبقنا الأوهام آهات وشكوى مُرّة الحكي صاير بالمرّة وغماير الورد والياسمين دبلانة وراقو ومصفرّة الدروب مشتاقة ومحتارة عن ولفها تسأل اخبارا تسأل ويرد عليها الصدا ما في حدا ينده ما حدا لا تغلّي السؤال ولا تعاني بالمحال مجنون هالعمر ومكسورة فيه الجرّة |
رد: ديوان الديوان مع روائع الشاعرة souad jaalouk
خطيفة ~~~~ كانوا تنين لوحدهن وضايعين بصحرة عمر ومش واعيين صدفة ومرق ع الدرب شيخ جليل عم يمشي ع الهدا ومهدود منو الحيل وقّف واتأمل خوف القلبين وقلهون انتو رايحين لوين ؟؟؟؟ وشو وراكون قهر تاركين مش هم نعشق ونحب الهم نعرف نمشي ع الدرب وما نخلي خلفنا ولا قلب حزين عودوا لدياركون مسرعين وجففوا دموع الغاليين واستسمحوا وبوسوا منهن الايدين الندم ما بينفع بيضل حرقة عمر على مر الايام والسنين... |
رد: ديوان الديوان مع روائع الشاعرة souad jaalouk
بخاف بشي يوم بالصدفة ... إتلاقى فيك .. وشوف أمورك مختلفي ... وتطلع فيي واتطلع فيك ... بدك تحكيني وبدي إحكيك ... وتعود تفصل بيناتنا هاك الهوي ... بخاف بالوَما عينيي تحاكي عينيك بخاف يبيّن على وجي لهفتي عليك وأوقف محتارة .. ويمكن ملبّكي وشو بخاف انسى كلّ اللي انقال بنظرة وحدي تتغيّر الأحوال ... وارجع اسرق منك وتسرق مني غربة عمر .. ما كان فيها لا ذنبك ... ولا ذنبي |
رد: ديوان الديوان مع روائع الشاعرة souad jaalouk
من زمان كتير ما سيهرني القمر ولا بيعرف طريقي جنون السّهر من زمان كتير وقلبي عايش متهنّي مالو بشقا الحب والمحبّين بعيد ... أبعد من حدود السّفر .. ما لو بنهدات العاشقين ولا كان عندو نجمة بليلات القدر .. وكنت ع القلب مسكّرة هالباب وعايشي بدنية ما لها عتبات كرومي مشرّعة للحلا وللغنيّات ع الكاينة بتوّزع الضحكات وبتقول للقمر .... سهار لإلهن سهار .. أنا ما لي بدنيتك أي قمار ... جنينتي ورود لكل عاشق مشتاق بتفرّق هنا ... بتفرّق أشوااااااق ما في رسايل ولا صور كانت عتاق لحد ما بكتاب العشق سطّرت أوّل سطر ويا ريت ما سطرتو بوهم ... عالق ع محبرتو وقطعتلو تذكرة ... ما لها رجوع وما سمحت لقلبي البكي والولوع وتركتو هوي ومش انا الموجوع ... كنت ما بنطر من دنية قهر سفرات ترجعلي هاك السطر ومراجيح علقاني فوق ... ع حدود القمر .... |
رد: ديوان الديوان مع روائع الشاعرة souad jaalouk
قالتلو : تعا معي لننسى الماضي تعا معي نسكّر كتابك وكتابي ونرجع سوى طيرين نناغي ع حفاف العين طير شوي وإسبقك وتقلّي منّي لا تخافي تعا ع الكلّ نسكّر الباب ونرتاح من همّ الشقا والعذاب ونفلت ونحلّق بعالم الأحباب ما عاد فينا نحمل قسا مشتاق لينا كتير صار الهنى بيمد إيدو ونحن منرجعا غرقان فينا ومن قهرو علينا داب |
رد: ديوان الديوان مع روائع الشاعرة souad jaalouk
معليش لو جار الدهر شي نهار ... معليش نعرف طعم القسى والنار ... معليش هالدني من حولنا تنهار ... ومعليش كل الدني تمشي بعكس التيار ... بس اللي مش معليش انو سرقة منا ... تاخدوا الخيال والافكار ... وتغرقوا بعتم الليل وتضيعوا بدربكون نجم سهيل ... وتخلوا بهالوديان صهيل الخيل .... تبكي وجع تنطر سبع يرد حلا الكلمات وحنين الخاطرة والاشعار ... معليش هودي النا زوادة عمر خلاصة المشوار |
رد: ديوان الديوان مع روائع الشاعرة souad jaalouk
اليوم سألوني إذا كنت بيوم حبّيت تحيّرت وللعالي راسي هزّيت قلتلهن ليش ؟ وما رديت ... قالوا : إنتِ نبع من الحنيي قمار ورد ومزروعة بغنيي كتلة مشاعر غافيي ونديي سفرات ما لها حدود ولا هويي بتسافر مع كلّ قلب محروم بترجع مع نهدات وقلوب منسيي قلتلهن : أنا للمحبّة مشرعة البواب مش همّ كون بدنية الأحباب .. ومش هم دوق الضنا والعذاب بيكفي مدوبة عمري ع مدبح الأصحاب ببلسم جرح ... بداوي قلوب بنار الحبّ مكويي قالوا وهن رفقة عمر بمشوار إيّامي ... لعندو متلك قلب ... فوق فوق العادة وزّعتِ للكلّ الحنان وصلّتِ للدروب الأمان ... بعجقة هالدني نسيتِ قلب ... بعدو واقف وناطر ع هالدرب ... ناطر يتهنا ويرتاح وع الماضي يسكّر بمفتاح وبضحكي صفراويي من عيون سودا وشقيي قلت : سبقتني الإيّام بيعدتني الأحلام وحجّرت عاطفتي فيي وتحوّلت لسفرات ما بتنام لقلوب بيضا غرقاني ناطرة منّي الأماني وايد ما بتعرف الّا السلام من هيك انا بعيدة سفراتي مش قريبي واقداري مش بإيدي هودي الهن ومش بزيادي القلب اللي معوّد بدنية غربة يعطي وما يسأل ... كلّ لحظة .. بيكون البلسم والقوة وما تسألوني ... انا هيك مخططلّي زماني أعطي حبّ مش عادي إتنقل ببساتين كانت دبلاني نوّرها ... زهرّها وازرع فيها السعادة ومش همّ بستاني لو دبلان المهمّ إحمل لفوق ... لعندو زوّادي |
رد: ديوان الديوان مع روائع الشاعرة souad jaalouk
على نغمات عذبة اسمعها ... نغمات هي أشبه بالصلاة الحانية ... نغمات تخبر عن سكون اشتاقت أرواحنا لعشقها ثانية .... تسافر بنا الى عوالم أشبه بالاحلام الورديّة الهاربة ... كانت لنا فيما مضى منذ سنوات ماضية ... وأصبحت في دفاتر الزمن الغابر .... في مكاتب الذّهن وفي محارق المحابر ... نسيٌ منسيٌ وتنتظر الآذان الصاغية ... هي عشق للأرواح المشردة العاشقة .... تأتينا من غياهب الزّمن الجميل خجولة ... لائمة تحيي فينا الحنين وتذكي تلك اللّيالي الحالمة ... تمشي على شواطئ عواطفنا ... وتختال بشوق على عرش آمالنا ... تقول لنا بصمت العاشق المعذّب ... أنا هنا .. أنا هنا ... نغمات تتلاشى بعيدة ...بعيدة وكأنها منّا خائفة أحاول إرجاعها ... إمساكها ... ولكن .... أين للزّمن أن يعود ويرجع ... وأين للذكريات أن تنهض واقفة .... فهي تقرع الطبول لمشاعر ما عادت ... في دنيانا لها طرقا ومفارق سالكة ... |
رد: ديوان الديوان مع روائع الشاعرة souad jaalouk
يا ريتك ... يا ريتك إلي ويا ريتني إلك كنت بخبيك بقلبي وبتخبّى بقلبك ... يا ريتك قصّة بكتابي حروف مزخرفة بسما إيّامي غنية فرح ع شفافي تضل إهمس بإسمك ويا ريتك إلي ويا ريتني إلك كنت بقلّك كيف ألوان الدّني بزخرفلك ... بجيبها وبخطها قبالي ... وطير مسافر لعندك برسملك وكنت بخبّيك بقلبي وبتخبّى بقلبك ..... يا ريتك منّي .... ويا ريتني منك ... لحتّى تغلّ بقلبي وغلّ بقلبك ...... |
رد: ديوان الديوان مع روائع الشاعرة souad jaalouk
لم اعد بدارية ما الحلم !؟ ما الوهم !؟ ما الخيال !؟ لم أعد أميّز بين مراعٍ تضجّ فيها تلك الآمال ... ومراعٍ أصبحت قفرةً يلوح فيها ذاك الخيّال لم أعد بداريةٍ أهو سحاب ؟ أم دخاااان متطاير من البال سحاب يمرّ هازئاً ضاحكا بألف الف من الأشكال ... او دخان يعربد ازرق ويمحو معه دهشة السؤال .. لم أعد بداريةٍ سوى تشدّني تلك الآهات المحترقة نحو تلك ... تلك الجبال أهرب منها تارة .. اعدو كمن يركض الى الوراء أحاول للحظةٍ أن أنسى أنّني مربوطة بحبال ... |
رد: ديوان الديوان مع روائع الشاعرة souad jaalouk
بحلّفك يا طير رفرف بجوانحك يا طير وروح لديرة الاحباب خدلو بدربك نسايم الخير وكمشة زهر من مطل ضيعتنا معربشة ع حفاف هاك البير مشتهيي لشيطنة عجقتنا ... خبرو عن الدرب .. عن العين عن غفوة ساعات ع مزرابها جرّتنا خبرو عن التلة اللي اشتاقتلنا عن صخرة ناطرة بلهفة رجعتنا عن مساكب الياسمين اللي انزرعت مع فرحة ضحكتنا عن السهل ... عن النهر عن دقة جرس تعبان ... غافي غصب عنو وزهقان مشتاق يرّجع لمتنا خبرو عن ساحة هاك الدير الحيراني .. بتسأل عن لهفتنا وبالغالي بحلّفك يا طير ... ما تنسى الشجرات ع حفاف الشير قلو انسقوا من دموع فرقتنا ... ورفرف بجوانحك يا طير ... وخدلو معك نهدات غربتنا ... |
| الساعة الآن 12:13 PM |
Powered by vBulletin® Copyright ©2000 - 2025