بسم الثالوث القدوس


كل سنة وانتم طيبين وبخير ربنا يعود عليكم الايام بخير
قبل ما ابدء موضوع احب اوضح انى الموضوع لا يمسح احد هنا
موضوعى هو بسيط اوى
وهو انى ناس كانت بتخدم فى كنيسة وحدة
وهما كويسين اووووووووووووووووووى وخدمتهم جميلة ومحبتهم لبعض كبيرة اوى
وفجاة حصلت مشكلة خلتهم يسيبوا الكنيسة
مش بس كده
كمان مش عازين حد من الكنيسة يكلمهم
هل المبنى ام الشخصية
هل ده طبيعى انى لو كنت فى مدرسة وتعرفت على ناس كويسين وناس تانية
هل هكره المدرسة بسسب المقالب
مش هتصاحب حد علشان المدرسة وحشة
وده بيحرج ولا لا
لما يجى حد يقولك انا هعملتى حظر او اجور او تجاهل من حياتى
بسبب ايه
من غير سبب
ده المثل بيقول على الحلوة والمرة كنا مع بعض
تيجى كده بعد المدة والفترة
تجاهل
سوالى بقى موقفك واحساسك ايه هيبقى وهتلتجى لمين
وتتصرف ازاى
هل هتكسر كرامتك
ولا هتبقى زى النسر

ياريت بليز عايزة اراكم ومشاركتم
كل اللى يدخل الموضوع لو سمحتى يريد
وشكرا لمحبتم ربنا يعوضك

المشاركة الأصلية كتبت بواسطة god is love (المشاركة 150000) فى مواضيع كتير احيانا بيكون حلها البعد او بتتحل مع الوقت طالما دى رغبتهم انهم يبعدو يبقى تحترميها ويمكن ده فيه خير ليكى انتى والارتباط المفروض يكون بالكنيسه وصاحب الكنيسه مش بالاشخاص وميرسى يا دودو يا قمر على طرحك للمناقشه الجميله دى

للأسف يا قمر فيه من النوعية دا كتير
ومنهم ناس معنا فى المنتدى
للأسف ناس كنت بتعتبرهم أكتر من أخواتي
وللأسف فى اول مشكلة بسيطة جدا
خدوا جنب لدرجة حتى مهنش عليهم يعديوا ولا فى مناسبة عامة أو خاصة أو مجرد سؤال
كأني سقط كم حياتهم
للأسف دي نرجيسية جامدة جدا وحب الذات فقط
لو الشخص دا بيدوا على خدمته مش هيهمه مين عمل ايه
وهيروح الكنيسة ويخدم بمحبة حتى لو كان عدوا
بس للأسف دا مش موجود
ربنا يبارك حياتك يا قمر

المشاركة الأصلية كتبت بواسطة jajageorge (المشاركة 150075) على فكرة انا واحد من الى بتتكلمى عليهم يعنى انا كنت باخدم فى كنيسة بشبرا لمدة عشرين سنة وفجأة جاء كاهن جديد عمل مشاكل معى لاول مرة فى حياتى وعلشان لاأصبح عثرة انسحبت وباخدم فى كنيسة جديدة رغم ارتباطى الشديد بكنيستى وقولت فى نفسى كل الكنايس لله

المشاركة الأصلية كتبت بواسطة روشا الفرفوشه (المشاركة 150101) انا مع مارى فى كلامها برده ناس من المنتدى كنت معاهم فى كل مشاكلهم اكتر من اهل ببتهم اكتر من امهم كنت اعرف كل حاجه عندهم وفجأه اتعملى دليت من كل حاجه بقيت وحشه ومش عيزنى عموما ربنا معاهم ميرسى على موضوعك الجيل دودو

المشاركة الأصلية كتبت بواسطة محتاجه لايدك ياربى (المشاركة 150212) طيب ليه منفكرش اننا نقعد مع بعض وبهدوء نحل المشاكل مهما كانت عمقها فكل مشكله ليها حل للأسف هو ده اللى عايزه الشيطان لانه هو عدو الخدمه وكل من يكرز بالخدمه المفروض اننا مننساقش وراءه لكن نقاومه شكرا للموضوع الجميل يا راندا ربنا يبارك حياتك

المشاركة الأصلية كتبت بواسطة femon (المشاركة 150430) stop...stop....stop انتي وهي وهووووووووووووو هي لا مشكله ولا حاجه انتي بتقولي ((( ناس كانت بتخدم فى كنيسة))) طيب مادام خدمه ...في كنيسه في منتدي..في اي مكان لمجد اسم المسيح...لازم واحد مهم جداًً يخدم معاكم يابشوات؟؟؟ عارفين مين هو ؟؟؟شوشو...باشا... انتِ رايحه تخدمي.. يقولك وانا هخدم معاكي.. رايحه تفتقدي يقولك هفتقد معاكي. يعني نفهم طول مادام فيه خدمة لازم ننتظر محاربات الشيطان طيب ليه الشيطان يعمل كده ؟؟؟ الشيطان بيحب الخدمه جداً... يحب يفرق ..يحب يهدم .. يحب يفشل كل شئ... ودا لازم كلنا نعرفه كويس... نعرف حيل ابليس ومقالبه وزرعه للخصام والفرقه بين الناس نصلح الموضوع ازاي؟؟؟؟ ابسط شئ ممكن الطرف الثاني يكون حد نقله كلام مش كويس.. نجلس معاه ونصفي الخلاف..ومافيش مانع انني اجئ علي نفسي شويه واعتزر الاول.. قبل مااعرف اني غلطان... وصدقوني كل المشاكل والخلافات بين الاحباب والاصدقاء بتيجئ من نقل كلام من شخص اخر لان الشيطان عدو الخير مايحبش حد يحب بعض.... اتمني اكون قدرت اوضح سبب كل المشاكل والخلافات وهو شوشو باشا ياريت نخلي بالنا منه وننفذ كلام الرب يسوع اللي بيقول لاتغرب الشمس علي غيظكم تحياتي لكل الناس الزعلانين ومش عايز اشوف حد زعلان من حد دول يومين قليلين وهنسافر للسما وياريت نترك ذكري حلوي وراناّ

المشاركة الأصلية كتبت بواسطة femon (المشاركة 150509) مش عايز اخلى فى حياتى اى ارتباطات باى حد كان معايا فى الخدمة ديه ولا مقابلات وفون ولا اى وسائل اتصال بمعنى صفحة واتقطعت كده الصورة وضحت يااستاذه الشخص اللي بيطلب كده (اذا كان ولد او بنت) يبقي نفسيته كبرت علي اصدقائه بمعني انه شافله ناس تاني احسن في نظرة كل دا عادي مادام مافيش غلط صدر مني خلاه او خلاها تبعد اكيه صفحه وقلبناها ونبتدئ من جديد ومن اول السطر والدنيا لا تتوقف عند شخص معين بل ستسير به او بدونه وفي النهايه نعمل stop او delete

المشاركة الأصلية كتبت بواسطة femon (المشاركة 150541) بس انا اللى مضايقنى ليه تعمل كده مع بعض وهى شخصية ده صح .................... ممكن اعرف طيب ليه عملوا كده كل واحد وليه شخصيه معينه وتختلف تركيب شخصيه كل واحد عن غيرة وماتقدريش تغيري تكوين شخصيات الاخرين عارفه مثلا الحديد في تكوينه يختلف عن الذهب عن الفضه عن الماس مش ممكن تصنعي كل المعادن بصورة واحده

المشاركة الأصلية كتبت بواسطة بنتك يايسوع (المشاركة 150544) بجد هى حاجه صعبه اوى وحصلت معايا قبل كده عايزة اقولك ان انا كنت مرتبطه بكنيسه جدا جدا بس فى فتره من الفترات حصلت مشكله مع بعض الخدام وللاسف كانوا نفس الخدام دول مدرسين عندى فى المدرسه صدقيني قعدت سنة كامله مروحش المدرسه وكان ممكن يحصلى فصل منها بسبب غيابى بس مكنتش بقدر اتواجد فى مكان هما فيه مش علشان بكرههم لا لكن جاتلى زى عقده بس الكنيسه مقدرتش اسيبها اطلاقااااا وكنت بروح حتى ولو هما فيها وعايزة اقولك انى اكتشفت فى النهايه ان انا وهما كنا غلطانين وكل طرف فاهم حاجه غلط عن التانى متتخيليش قدر الندم اللى كنت فيه كان عامل ازاى بجد عيشت ايام مبقدرش انام على سوء فهمى لانه زى ما قال فيمون طالما فى خدمه يبقي اكيد فى شيطان وده دايما بيحاول يوقع بين اولاد ربنا فياااااااااريت بجد تقعدوا مع بعض وتتفاهموا ولو هما رفضوا انتى قوليلهم انك مش زعلانه وفى انتظارهم فى اى وقت وانهم لو فى اى يوم كلموكى انتى مش هاترفضى وهتتقبلى بصدر رحب لانه لو هما صمموا على موقفهم وانتى اخدتى منهم موقف عدو الخير هايستغل ده كويس اوى وقادر انه يفرق بينكم اكتر واكترررررر ولو امكن ممكن تدخلى اب كاهن او امين خدمه فى الموضوع وهو يمحى سوء الفهم ده

المشاركة الأصلية كتبت بواسطة marina greiss (المشاركة 150683) لو واحدة مش عايزة تكلمنى اكيد مش هغصبها وهسبها لانى معملتلهاش اى حاجة هى تزعل من حد تروح تزعل منى انا كمان مع انى معملتلهاش حاجة يبقى العيب مش فيا يبقى العيب فيها هى بس لو انا باقية عليها هروحلها واكلمها واقولها انتى زعلانة منى لية وانا معملتلكيش حاجة بس لو لقتها برضة مافيش فايدة يبقى خلاص اصلى مش هبقى باقية على حد مش باقى عليا

المشاركة الأصلية كتبت بواسطة michael ebn-barbara (المشاركة 150747) بصي اقولك حاجه حلوه كل واحد بدماغه وتفكيره وانا اتعودت مافكرش في اسباب يعني بالبلدي كده حد عايز يبعد عني بسبب او من غير سبب براحته خالص هو شايف ان ده صح من وجه نظره يبقي خلاص وانا مش حازعل عليه الا لو كان حد قريب مني قوي ونشكر ربنا مش بيحصل كتير معايا او نادر لاني بحاول علي قد ماقدر احافظ علي صحابي وحبايبي وابعدهم عن اي مشاكل ممكن تخلي فيه مواقف زي ديه

المشاركة الأصلية كتبت بواسطة بنتك يايسوع (المشاركة 150752) اهاااااااااااااااااا انا كده فهمت لا طبعا الخادمه دى تفكيرها غلط جدااااااااااااااااا يعنى ايه تقطع علاقتها بناس مش عملولها حاجه بس لانها اتعرفت عليهم فى الخدمه اللى حصل فيها خلاف مع احد الاشخاص هى كده بتاخد ذنب ناس بناس تانى ده اولا ثانيا هو فعلا الناس ليهم حق انهم يزعلوا منها بس فى نفس الوقت يدوها العذر لانه ممكن تكون هى كمان انجرحت اوى من الطرف التانى ده فايبقي اللى بتعمله ده رد فعل مش اكتر وبعد كده هاترجع تكلمه تانى والمفروض ان اب اعترافها هو اللى يبقي على درايه كامله بكل تفاصيل الموضوع واذا كانت هى غلطانه فى طريقه تفكيرها يبقي يرشدها ويقولها تعمل ايه لان دى خادمه يعنى ربنا امنها على خدمه ولازم تبقي قد المسئوليه وانا اللى اعرف عن الخدمه الحقيقيه انها مش مجرد نزهه ادخل واخرج منها براحتى لا فى حاجه اسمها ان ربنا اختارنى للمكان ده لانه محتاجنى وهو لو مش عايزنى هايمشيني لكن مش مع اى مشكله اسيب الخدمه وكمان اقطع علاقتى بخدام ملهمش ذنب انا مش معاها اطلاقااااااااااااااااااااااااااااااااااا

المشاركة الأصلية كتبت بواسطة بنتك يايسوع (المشاركة 150587) طيب ياقمر ماانتى ممكن توضحيلنا اللى تقصديه او تحكى المشكله زى ماهى بطريقة مباشرة يعنى عشان نقدر نرد على حسب المشكله بدل ما كلنا بنتكلم بطريقه عامه لكن لو كانت حاجه خاصه فخلاص مش مشكله والاهم انك تلاقى حل بجد ربنا معاكوا ويبارك خدمتكم الجميله ياقمر

ياراندا يا حبيبتى
صدقينى بتحصل كتير

تلاقى خادم كويس جدا ومتابع كل اجتماعات الكنيسة ومواظب على القداسات ويمكن تقولى كمان دة ملاك
وفجاة تنصدمى فية ويقلب على الوش التانى
لعدة اسباب
منها ان مافيش جواة محبة حقيقية اللى المفروض يكون بيعلمها لاولادة فى مدارس الاحد كخادم
مافيش جوا قلبة تسامح وغفران
هى دى المحبة اللى المسيح علمهالنا
المحبة اللى تلتمس العذر لاصدقائها
مش علشان فرد واحد نسيب الخدمة ونسيب الكنيسة واقول ماحدش من الكنيسة دى يكلمنى خالص
ولا عايزة اشوف وشكم
دة مش صح
هو انتى جاية الكنيسة علشان ربنا و الخدمة ولا علشان شكليات مش اكتر كخادمة يعنى


ولسبب تانى ودة شوفت منة كتيييييييييييييير اوى ودى طبيعة موجودة فى ناس بجد وعن تجربة
اصحاب المدرسة مثلا بتربطك بيهم صداقة لمدة سنين كتيرة
وفجاة اول ما يدخلوا الجامعة تلاقيهم بيدلتوكى خاااااااااالص من حياتهم
من غير ماتكونى عملتى حاجة غلط فى حقهم اصلا
لمجرد انهم لقوا اصحاب تانى وحياة تانية
بتبقى الدنيا التانية واخداهم وشداهم اوووووى


نيجى للحل
الحل اننا مش هاينفع نعدل من شخصيتهم وقلبهم
مش هانشترى المحبة منهم لان ماكانش فى محبة اصلا من البداية
دة كان تعود مش اكتر لاصدقائها اللى سابتهم
كانت بتلاقى اللى يسمعها واللى تشكيلة وينصحها
فهى مثلا اختارت البعد فبراحتها
لقت اصحاب تانيين براحتها برضة
هو اينعم الانسان بيتجرح اووووووووووووى بسبب الموضوع دة
لانها صداقة سنين
ان كانت فى المدرسة او الكنيسة
وبيفتكر العشرة اللى كانت ما بينهم
بس ربنا بيعوضنا اكيد بحد يقدر معنى المحبة والصداقة بجد
وبمساعدتة بنحاول ننسى الاساءة دى علشان نقدر نكمل احنا خدمتنا

و نصلى لربنا ونقوللة انت قادر تغير القلوب وتصلح الحال لو دى مشيئتك
ولو مشيئتك فى انهم يبعدوا عنا لخير انت شايفة لينا
فلتكن مشيئتك برضة

ميرسى كتير على طرح الموضوع
طبعاً حرب عدو الخير لا تهدأ على أولاد ربنا
ومع الأسف ناس كتير بتقع فى فخاخ المنصوبة من عدو الخير لنا
بيكونوا أصحاب فى الخدمة ، العمل ، الكنيسة ، المنتدى ........
ومجرد ان حد يعاتب أو ينبة أو اتكلم مع الطرف الأخر فى أمور
وتكون مختلفة فى الأراء مع الطرف الأخر
كأن الطرف الأخر دة ما صدق ان فلان قال الكلمة دى
وكأنة فعل ابشع أنواع الجرائم معة !!!
وتكون جت الفرصة انهم يخسروا بعض
بمعنى ما صدق اصطاد خطأ !!
وببعد عن الكنيسة أو يخسر الناس
بجد بستعجب من مثل هذة الأمور
هم لا يدركون شئ ويكونون فريسة سهلة لعدو الخير
يجب ان ينظر الجميع اللى الحياة التى نعيشها بنظرة واعية
فالحياة مدرسة نتعلم منها وليس لأن نقف فى صدها
فالعمر يمر ونتعلم دائماً بما يقابلنا
فالحكيم هو من يستمر
والذى يقف هو من يخسر
لذلك يجب ان نعالج كل أمور حياتنا فى الخدمة ، المنتدى ، الكنيسة ، العمل ....
ان نعالج أمورنا بمحبة وحكمة
وأن ننتبة لعدو الخير وأن لا نعطية مكان فى وسطنا
لكى نكسر سهامة الموجهة لنا دائماً

المشاركة الأصلية كتبت بواسطة magdy monir (المشاركة 151269) انا مع رأى أختى مارى لو كان الكلام واضح ومباشر كانت الردود ستكون واقعية أكثر وستكون مفيدة لكل الأطراف لان عدم علم الأغلبية بالمشكلة جعل الجميع يتكلمون فى أتجاهات مختلفة وبعيدة كل البعد عن صلب الموضوع أو المشكلة وأحب أقول كلمة واحدة وهى أننا نصلى من أجل هذا الخادم أو هذه الخادمة أن ربنا يعطيه او يعطيها الحكمة والمحبة فى التعامل مع الجميع حتى لايخسر أو تخسر كل من حولها

المشاركة الأصلية كتبت بواسطة just dream (المشاركة 151393) بصراحه الموضوع جمييييييييييل جدا وانا بصراحه شفت قدامي زي كدا ناس بتسيب الخدمه وهمه اساسا اللي عاملينها وبعد ما الخدمه وقفت ع رجليها سابوها بسبب الخلافات طيب ماهو الخلافات والمشاكل دي ممكن نلاقيلها حل واللي مش عارفاه دا ممكن ناس بتغير المله بتاعتها كمان علشان كدا ويقولو ان هناك الناس بتقدر التعب اكتر بس دا بيحصل بسبب عدم التقدير بين الخدام او رئيس الخدمه نفسه اللي ماسك النشاط يعني وكمان لازم المحبــــــــــــــــــــــــــــه بدون محبه مفيش خدمه والاهم من دا ودا ان الواحد يخدم علشان ربنا مش علشان بشر وميرسي تاني ع طرح الموضوع يا قمر

المشاركة الأصلية كتبت بواسطة mena delpiero (المشاركة 151426) اولا كل سنة وانتي طيبة وشكرا علي الموضع اللي فعلا بنقابله سواء في حياتنا او خدمتنا في الكنيسة فعلا بتحصل كتير الموضوع اولا نتكلم بشكل عام اولا الخدمة هي ارسالية من الرب يسوع للشخص تجاه المخدمين مش مرتبط بالناس ولا الخدام اللي معاية واحيانا ولا المكان لان الكنيسة مش المبني الكنيسة هي ربنا وسط جماعة مومنين لكن ربنا طبعا عايز جماعة المومنين عايز الوحدة مش عايز كل واحد في طريق هتبقا خدمة فشلة بدون محبة ثانيا تصرف غريب جدا علي حسب ما ذكرتي ان اكون زعلان مع حد اسيب الباقي الا اذا من الممكن يكون في اشياء خفية للشخص ده عارفاها عن الباقين ثالثا لو انا هكون من الاشخاص االي رافض يكلمهم اول حاجة هتبع تعاليم الكنيسة هروح ليه واشوف ماله وبعدها اروح واروح معاية ناس تانية وبعدها اروح ومعاية شخصية دينية لكن عن مسائلة الكرامة والذات خاصا في عمل ربنا اظن انها مش من صفات الخادم طيب الخادم ده لم يقف قدام ربنا هيقوله ذاتي وكرامتي طيب وربنا اللي اخل نفسه وصار انسانا اللي احتمل الالم اللي شال ذنب كل شر عملناه من غير مايكون ليه سبب اللي دفن وسط القبور وهو رب الحياة كان فين الكرامة في ده لكن كان هناك الاعظم وهي المحبة من صفات الخادم الاساسية هي انكار الذات لكن لو بشكل خاص اول شئ المشاكل موجودة في كل مكان حتي ولو في الكنيسة و الا يكون المكان من غير انسان والمفروض الاشخاص اللي جوه الكنيسة اسمهم خدام يعني عندهم صفات اساسية اسمها محبة - تحمل - انكار للذات لازم اللي جوه الكنيسة ع الاقل يكون جوه الكنيسة مش تصرفاته زي ااولاد العالم ممكن كل الناس دي تكون بسبب هقول محبتهم لذاتهم يكونوا عثرة لناس غيرهم هيقولوا مهما في الكنيسة ومفيش اختلاف جوه زي بره لاحظت من ردودك ان الاستماع للطرف الاول بس لكن تتصرفي ازاي مع الشخص ده ممكن يكون هو في ضيق او وقت صعب عليه نلتمس الاعذار لبعض لان الانسان مش نظام الة ماشي بيها ثابتة دايما هيكون بطبيعة واحدة طول الوقت لكن ممكن في وقت يتغير نحاول نوصل معاه للتفاهم لو رافض نهائيا نترك الموضوع ونصلي اكيد لربنا انه يعدل افكاره لكن انا بضايق جدا فعلا لو حد اتصرف معاية كده انه من غير سبب يقول مش عايز اكلمك بس مش معني ده اني اتركه وعادي لو هو مصر علي انه خلاص مش عايز يشوف حد فعلا الدنيا مش هتقف علي حد لكن انا بحب مش من تصرف وحش من شخص اني اسيبه لازم افكر انه عمل معاية مواقف حلوة تانية ولو انتهي الموضوع بالرحيل يبقا فيه محبة خلاص انا حابب ابعد لكن لم تشوفني اقل حاجة تسلم مش ابقا عدوك وبجد الخادم ده هوصل ليه رسالة بس تكون في وقت مناسب بعد ما تمر فترة علي المشكلة هساله قيم نفسك من خلال كلمة ربنا هل فعلا انت كنت خادم ؟؟؟؟؟!!!!! (رسالة بولس الرسول إلى أهل كولوسي 3: 12، 13) 12 فالبسوا كمختاري الله القديسين المحبوبين احشاء رافات ولطفا وتواضعا ووداعة وطول اناة 13 محتملين بعضكم بعضا ومسامحين بعضكم بعضا ان كان لاحد على احد شكوى.كما غفر لكم المسيح هكذا انتم ايضا.

المشاركة الأصلية كتبت بواسطة sama smsma (المشاركة 151497) ياراندا يا حبيبتى صدقينى بتحصل كتير تلاقى خادم كويس جدا ومتابع كل اجتماعات الكنيسة ومواظب على القداسات ويمكن تقولى كمان دة ملاك وفجاة تنصدمى فية ويقلب على الوش التانى لعدة اسباب منها ان مافيش جواة محبة حقيقية اللى المفروض يكون بيعلمها لاولادة فى مدارس الاحد كخادم مافيش جوا قلبة تسامح وغفران هى دى المحبة اللى المسيح علمهالنا المحبة اللى تلتمس العذر لاصدقائها مش علشان فرد واحد نسيب الخدمة ونسيب الكنيسة واقول ماحدش من الكنيسة دى يكلمنى خالص ولا عايزة اشوف وشكم دة مش صح هو انتى جاية الكنيسة علشان ربنا و الخدمة ولا علشان شكليات مش اكتر كخادمة يعنى ولسبب تانى ودة شوفت منة كتيييييييييييييير اوى ودى طبيعة موجودة فى ناس بجد وعن تجربة اصحاب المدرسة مثلا بتربطك بيهم صداقة لمدة سنين كتيرة وفجاة اول ما يدخلوا الجامعة تلاقيهم بيدلتوكى خاااااااااالص من حياتهم من غير ماتكونى عملتى حاجة غلط فى حقهم اصلا لمجرد انهم لقوا اصحاب تانى وحياة تانية بتبقى الدنيا التانية واخداهم وشداهم اوووووى نيجى للحل الحل اننا مش هاينفع نعدل من شخصيتهم وقلبهم مش هانشترى المحبة منهم لان ماكانش فى محبة اصلا من البداية دة كان تعود مش اكتر لاصدقائها اللى سابتهم كانت بتلاقى اللى يسمعها واللى تشكيلة وينصحها فهى مثلا اختارت البعد فبراحتها لقت اصحاب تانيين براحتها برضة هو اينعم الانسان بيتجرح اووووووووووووى بسبب الموضوع دة لانها صداقة سنين ان كانت فى المدرسة او الكنيسة وبيفتكر العشرة اللى كانت ما بينهم بس ربنا بيعوضنا اكيد بحد يقدر معنى المحبة والصداقة بجد وبمساعدتة بنحاول ننسى الاساءة دى علشان نقدر نكمل احنا خدمتنا و نصلى لربنا ونقوللة انت قادر تغير القلوب وتصلح الحال لو دى مشيئتك ولو مشيئتك فى انهم يبعدوا عنا لخير انت شايفة لينا فلتكن مشيئتك برضة

المشاركة الأصلية كتبت بواسطة haia (المشاركة 151821) سلام ونعمة راندا . بأشكرك على موضعك المميز . وأسمحى لى بالدخول إلى الموضع من ناحية فلسفية . + لا نملك أى حق نهائى فى التخمين على الطرف الأخر . + لا نملك أى أسباب حقيقية جعلت الطرف الأخر يقرر الأبتعاد . +++ نملك فقط قرار مسموع بالأبتعاد . +++ لابد من أحترام الطرف الأخر . لانه بتصرفه هذا ، أثبت أنه أنسان على درجة عاليه من أحترام النفس لذاته ولغيرة ويظهر هذا فى ( قراره بالأبتعاد من غير مشاكل ) . وهنا نصل إلى المعطيات الفعلية من ردود الأفعال الغير متوقعة . وفن التعامل معها بدون أنحياذ أو تخمين . فى حالة أبتعاد شخص ما . هنا تظهر محبتك سواء الشخصية أو الدينية الشخصية بتكون حرفية السؤال عليه . الدينية بتكون عن طريق الأفتقاد والخدمة . لكن فى الحالة التى ذكرتيها فى حوارك . نجد أن المخدوم رفض الصداقة ورفض الخدمة وقرر الأبتعاد . الأبتعاد هنا هو محور فك شفرة الرسالة . الأبتعاد سوف يكون على الجميع وليست لشخص بعينه . هذا الشخص لا يضمر لكى أو لأى شخص أخر أى نوع من الحقد أو الكراهية . انه فقط قرر أن يبتعد عن الجميع . وهنا بيظهر سؤالك الملح . لماذا هذا القرار ؟؟؟؟؟؟ والموضع ببساطة . أن أى أنسان وفى أى لحظه . ممكن أن يمر بوقت معين . له مسميات مختلفة . مثال : فترة تركيز _ وقفة مع النفس _ خلود للسكون _ مراجعة حسابات _ أبتعاد عن الكل ........إلخ والتعامل مع الموقف بيحتاج حكمة عالية منك عن طريق الأتى : *** الهدوء الكامل وعدم التأثر النفسى من هذا القرار وتجميد الموقف بينكما . *** عدم الضيق من الشخص لأنه ببساطة لم يصدر منه أى شىء جارح . *** عدم محاولة عمل أى أتصالات أو محاولات لأثنائه عن قراره . صدقينى هى فترة . وبأكرر ليكى هى فترة . وبمعالجة الأمور بحكمة كما شرحتها ليكى سابقاّ . وجدنا أن 99% من هذه الحالات , رجعت بعد فترة . وكأنه لم يحدث شيئاّ . أتمنى أن أكون رديت على تساؤلاتك

المشاركة الأصلية كتبت بواسطة ramez5 (المشاركة 151854) ميرسى كتير على طرح الموضوع طبعاً حرب عدو الخير لا تهدأ على أولاد ربنا ومع الأسف ناس كتير بتقع فى فخاخ المنصوبة من عدو الخير لنا بيكونوا أصحاب فى الخدمة ، العمل ، الكنيسة ، المنتدى ........ ومجرد ان حد يعاتب أو ينبة أو اتكلم مع الطرف الأخر فى أمور وتكون مختلفة فى الأراء مع الطرف الأخر كأن الطرف الأخر دة ما صدق ان فلان قال الكلمة دى وكأنة فعل ابشع أنواع الجرائم معة !!! وتكون جت الفرصة انهم يخسروا بعض بمعنى ما صدق اصطاد خطأ !! وببعد عن الكنيسة أو يخسر الناس بجد بستعجب من مثل هذة الأمور هم لا يدركون شئ ويكونون فريسة سهلة لعدو الخير يجب ان ينظر الجميع اللى الحياة التى نعيشها بنظرة واعية فالحياة مدرسة نتعلم منها وليس لأن نقف فى صدها فالعمر يمر ونتعلم دائماً بما يقابلنا فالحكيم هو من يستمر والذى يقف هو من يخسر لذلك يجب ان نعالج كل أمور حياتنا فى الخدمة ، المنتدى ، الكنيسة ، العمل .... ان نعالج أمورنا بمحبة وحكمة وأن ننتبة لعدو الخير وأن لا نعطية مكان فى وسطنا لكى نكسر سهامة الموجهة لنا دائماً