|
الخطية بتبعدني عن ربنا
سلام ونعمة
انا جديدة معاكم هنا والصراحه مش لقيت افضل منكم اطرح عليهم مشكلتي عشان يساعدوني انا مشكلتي اني بزعل ربنا علي طول وكل ما اتوب ارجع تاني للخطية ومش قادرة ابعد عنها ونفسي بجد اعيش زي اي بنت واكون ماشية مع ربنا وبس ياريت تنصحوني اعمل ايه عشان ابعد عن الخطية واحس بربنا معايا |
رد: الخطية بتبعدني عن ربنا
صلى ثم صلى ثم صلى صلى وقولى لربنا انا عايزة ابقى معاك وبحبك انت اكتر من اى خطية قوليله ارجوك ساعدنى ابعد عن اى خطية لانى ضعيفة وماليش غيرك اترجاه قوليله قوى كل ضعف فيا انت قوتى وملجاى وعليك هاتكل اتكلى عليه وهو مش هايسيبك صلى باستمرار بدموع من قلبك وتأكدى اللى يسيب اى حاجة علشان ربنا ربنا ابدا مش هايسيبة كلنا ممكن نقع تحت اى ضعف و اى خطية بس نحاول اننا مش بنستمر فى الغلط علشان بنحب ربنا اكتر وبنصلى لغاية مابنبعد عن الخطية الوحشة دى وكلنا هانصلى معاكى :) |
رد: الخطية بتبعدني عن ربنا
اها هصلي اكيد وانشاء الله يساعدني عشان ابعد عن الخطية
ميرسي ع ردك الجميل |
رد: الخطية بتبعدني عن ربنا
ربنا يسندك ويقويكى يا بنت الملك :) |
رد: الخطية بتبعدني عن ربنا
بصي يا قمر اهم حاجة تكوني بجد ناوية تبعدي عن الخطية وسيبي الباقي على ربنا طول ما انت قاعدة وجه على بالك الخطية دي صلي في سرك يارب يسوع ساعدني يارب يسوع ارحمني كذا مرة وار بعض واخرصي انك تتكلمي دائما مع اب اعترافك وتتناولي باستمرار ربنا معاكي يا قمر ويحافظ عليكي |
رد: الخطية بتبعدني عن ربنا
اقتباس:
|
رد: الخطية بتبعدني عن ربنا
اقتباس:
|
رد: الخطية بتبعدني عن ربنا
اقتباس:
وربنا بيتدخل فى الوقت المناسب زى الدهب اللى بيتحط فى النار علشان يطلع منها انقى واجمل احنا كدة ربنا بيحطنا فى تجارب صعبه جدا علشان ينقينا من الداخل خلى بالك حب الخطية اللى بيبعدنا عن ربنا فى فرق بين انك فعلا عايزة تتوبى وفرق بين انك بتحبى الخطية وبايديكى مش عايزة تسيبيها وفى نفس الوقت ضميرك مضايقك انك بتبعدى عن ربنا لو انتى فعلا عايزة تسيبى الخطية مافيش حاجة اقوى من حبنا لربنا اكرهيها وحاولى تبعدى عنها باى طريقة اسمعى مزامير وترانيم طول الوقت حطى قدامك علطول صورة المسيح المصلوب هاتتكسفى تعملى اى خطية وربنا يسندك :) |
رد: الخطية بتبعدني عن ربنا
اتمسكى أكتر واكتر بربنا واوعى تستسلمى لضعفك وكل ما تقعى فى الخطية قومى تانى وصلى كتييير واطلبى دايما معونةربنا وهو اكيد هيساعدك ويكون معاكى ويقويكى
|
رد: الخطية بتبعدني عن ربنا
اقتباس:
صلي من اجلي |
رد: الخطية بتبعدني عن ربنا
اقتباس:
صلي من اجلي يا اختي |
رد: الخطية بتبعدني عن ربنا
امسكى فى ربنا قوى وقوليله مش هسيبك غير لما تساعدنى
|
رد: الخطية بتبعدني عن ربنا
الإنسان طبيعته بيخطئ ولولا الخطية ما كان الرب يسوع يتجسد ويموت ويقوم في اليوم التالت وصعد لأجلنا
الجميع زاغوا وفسدوا واعوزهم مجد الله كل خطية بندخل فيها بتبقي بسماح من ربنا علشان نتعلم نفرق بين احنا فين وماشيين ازاي كبعد المشرق عن المغرب أبعد عنا معاصينا بنروحله ونقوله سامحنا ويغفر لينا .. اذاتكررت نفس الخطية ده معناه ان انا لسة محتاجة سندة جامدة من الرب اطلبها منه علشان يسندني ابتعد عن الخطية دي انا كتير بقع كلنا محتاجين سندة ربنا صلاة نقوله يارب يسوع اتحكم في تصرفاتي وسلوكياتي وافعالي وحواسي مش هقدر أعمل حاجة من غيرك اديني عنيك اشوف بيها اللي قصادي اوهبني قدميك اخطي بيها واديني ايديك أعمل بيها وسد الثغرات بصلبان نورانية واسوار من نور ونار تحرق العدو اللي بيشمت في وقوعي ساعدني اخطي واعبر لأجل صليبك ودمك مش لاجلي لاني ضعيفة ومقدرش يارب اسمع واستجيب ولك القوة والحمد والمجد يارب يسوع المسيح أمين أحيانا لما ربنا بيبقى عاوزنا نبقي في أحسن صورة بيسمح بالوقوع علشان نطلبه وفي كل مرة وقوع ونطلبه ونقوله قلبا نقيا اخلق فيا يالله وروحا جديدا جدده في داخلي في كل مرة ربنا بينقي بس واحدة واحدة مش علي طول مش فجأة بس الصبر والتسليم والرجاء في المسيح نطلب من جديد نلقي تجديد بس مش ظاهر فينا لنفسنا شوية شوية يتم الترك عن الخطية المعتادة مع المسيح مافيش يأس هو ميأسش من بطرس في إنكاره ولا من شاول في قهره ولا من اريانوس والي انصنا اللي مات علي ايده شهداء كتير انا بتكلم معاكي لأن انا نفسي محتاجة أتشجع وسؤالك شجعني أشكرك حبيبتي علي تشجيعك نصلي ونؤمن ونقول اعن ضعف إيماني نفك الرابطة ونرفع الحجر وهو يقول هلم خارجا يسوع معانا ويساعدنا وبطريقته يسعدنا ويوصلنا لبر الأمان نصلي من أجل بعض وربنا يسندنا صلي من اجلي يابنت ابونا ربنا يباركك ويبارك خدمتك حبيبتي |
رد: الخطية بتبعدني عن ربنا
طمنينا عليكى يا جميلة
يارب تكونى احسن من الاول ربنا يسندك ويبعد عنك عدو الخير |
رد: الخطية بتبعدني عن ربنا
اقتباس:
يارب يرحمني بقا :) ميرسي يا رينا |
رد: الخطية بتبعدني عن ربنا
اقتباس:
|
رد: الخطية بتبعدني عن ربنا
اقتباس:
|
| الساعة الآن 10:40 AM |
Powered by vBulletin® Copyright ©2000 - 2025