|
عايزه رأيكم فى حلقة وائل ابراشى وازمتها مع الكنيسه
سلام ونعمه للجميع
كلنا طبعا سمعنا عن حلقة اوائل الابراشى اللى استقبل فيها ابونا شنوده واتكلموا عن الحشمه وخصوصا فى الافراح وكان ابونا منفعل وزعلان من لبس البنات وده اثار ازمه كبيره واهاج الرأى العام المسيحى والكنيسه اخدت قرارها بوقف ابونا عن الخدمه لحين انتهاء التحقيق معاه كل واحد فينا له رأى للموضوع ده ياريت اسمعه انا اول واحده هقول رأى انا طبعا ضد وجود ابونا فى الحلقه لأنه رمز للكنيسه تانى حاجه ضد انهم يتكلموا عن بنات او شباب الكنيسه بره كنيستنا تالت حاجه ضد شلح ابونا لأنه ممكن يكون غلط بحسن نيه فده لازم يتاخد فى الاعتبار وعجبنى اوى مداخله لقدس ابونا جوناثان رفعت كانت راائعه قال ايه على ما افتكر ان ده مش مكانه يا بونا شنوده ولا مجاله بدل ما تضيع وقتك بتلات اربع ساعات روح البيوت وكلم الاهل والاولاد اعمل مؤتمر وانصح ووجه الشباب اولادنا اللى بتتكلم عليهم دول هما اللى بيمسحوا الكنيسه بعد ما قدسك تروح هما اللى بيجهزوا انجح المؤتمرات مع الانبا موسى اتكلم جوه الكنيسه لكن مش هنا عايزه اسمع ارائكم جد |
رد: عايزه رأيكم فى حلقة وائل ابراشى وازمتها مع الكنيسه
هو فعلا المفروض اى لفت نظر لبنات وشباب الكنيسة يكون فقط داخل جدران الكنيسة فى صورة ندوة فى صورة عظة حتى لو كان فيه كتير لا يأخذو بالنصيحة لكن بصراحة ارجع واقول ان فعلا احيانا بنزودها اوى فى بهرجة الملابس وهذا التصرف بيلفت نظر الاشرار اللى مافيش على لسانهم غير النقد |
رد: عايزه رأيكم فى حلقة وائل ابراشى وازمتها مع الكنيسه
بصي يا ماريا العيب مش في وائل الابراشي العيب على الأب الكاهن إللي طلع في التليفزيون يهاجم من اجل الشهرة فقط مع أن الكنسية فى كذا موقف قالت محدش يطلع يتكلم باسم الكنيسة غير الأب الكاهن المسؤل لكن للأسف محدش بيهمه المصلحة فين زي من فترة طلع الأنبا بيشوي وطالب المسحيات بالاحتشام زي الأخوة المحجبات أيام مرسي الله يرحمه برضه دي كانت نوع من أنواع المجاملة للنظام عدو الخير بيخلي القدوة لنا سبب عثرة برضة لينا غير كدا مش كل البنات أو الستات لابسة عريان او لبس مستفز لا دي مجموعة صغيرة اغلبها من الشباب إللي عوزين احتواء وتوعية للآسف هما خليهم يثوروا على الكنيسة بسبب الكلام دا أحنا إللي بنخلي عدو الخير يعرف يشتغل ربنا موجود |
رد: عايزه رأيكم فى حلقة وائل ابراشى وازمتها مع الكنيسه
فاكر ين لما واحد سأل البابا شنوده قاله البنات بتلبس لبس وحش و بتجبلنا الكلام و انا غصب عني ببص عليه .... فاكر ين انا رد البابا لما قاله دي مشكلتك انت مش هما... انت داخل تصلي ولا تبص ... ولو انت ضعيف صلي انك ضعيف ... اما لو مش داخل تصلي و داخل عامل انك هدين البنات و تعايرهم يبقي دي فيها كلام تاني ... و يعني انت حليت كل مشاكلك الشخصية و جاي دلوقتي تحل مشاكل الكنيسة ... ادخل في حالك و اخرج في حالك ... و متنساش الخشبة اللي في عينك تخرجها قبل اللي في عين اختك .... البابا شنودة الثالث |
رد: عايزه رأيكم فى حلقة وائل ابراشى وازمتها مع الكنيسه
اقتباس:
متفقه معاكى جوجو ابونا مغلطش فى كلامه لأن فى لبس مستفز كتير اوى لكن الغلط لما يطلع على الهوا مع وائل الابراشى ويتكلم عن بناته بالشكل ده |
رد: عايزه رأيكم فى حلقة وائل ابراشى وازمتها مع الكنيسه
اقتباس:
اعطى الحلقه طابع رسمى حتى لو كان وجوده بحسن نيه ده مش هيعفيه من المسؤليه وحقيقى احنا دايما اللى بنسمح لعدو الخير بدخوله وسطنا |
رد: عايزه رأيكم فى حلقة وائل ابراشى وازمتها مع الكنيسه
حقيقى جونير موقف قداسة البابا شنوده كان حاسم جدا
لأنه كان عنده حكمه وللاسف بقيت قليله عند بعض الاباء |
رد: عايزه رأيكم فى حلقة وائل ابراشى وازمتها مع الكنيسه
هقولك وجهة نظري
ابونا غلط انا مش بدينه بس هو المفروض ماكنش قال كدا علي التلفزيون مش حلووو خالص والرد عجبني اوي انه بدل ما تطلع وتقول كدا روح البيوت افتقد وقول في البيوت كدا البنات اللي هتقولهم كدا قاعدين يابونا في البيوت اقعد معاهم في الساعتين دووول ده اجمل رد عجبني اووووي علي فكره ابونا مغلظش في كلامه غلطه الوحيده انها قالها في.مكان مش مكانة وكمان حاجه ما عجبتنيش ان اللي مش هيلبس محتشم مافيش اكليل ده تهديد يا بويا قولها لبنات بهزار كدا البت هتفرح بامانه مش كدا بردو وكمان الاخ اللي معاه والاتصالات ولعت يعني ابونا المفروض عارف ان ده هيحصل ايه لازمه ده من الاول مع ذلك انا مع قرار سيدنا بس ياريت لفترة وبعدين كمان كان وربنا يدينا النعمه والحكمة في التصرف |
رد: عايزه رأيكم فى حلقة وائل ابراشى وازمتها مع الكنيسه
اقتباس:
رد في منتهي الحكمه يا بوياااا |
رد: عايزه رأيكم فى حلقة وائل ابراشى وازمتها مع الكنيسه
اقتباس:
واحنا فى زمن صعب فلازم يكون فى حكمه فى التعامل والتليفونات زودت وسخنت الحلقه لدرجة واحده قالت انها سابت الارثوذوكسيه بسبب الكلام ده والتشدد فلازم الحوار يكون موجود ونفهم اولادنا وبناتنا ونعرفهم انهم غاليين عند ربنا مهما عملوا والحشمه فى رأى بتنبع من الداخل حقيقى انا كمان عجبتنى اوى مداخلة ابونا جوناثان |
رد: عايزه رأيكم فى حلقة وائل ابراشى وازمتها مع الكنيسه
بصى ياماريا
اولا مع احترامى الشديد لاستاذ وائل هو شخصية مستفزة جدا وعايز يسخن وبس من قلة المواضيع اللى فى البلد بيتدخل فى قرارات الكنيسة شخصية مستفزة جدا مش بس فى الموضوع ده وعجبنى جدا راى ابونا جوناثان رفعت ربنا يباركه ويعوض تعبه اما بالنسبة لدور ابونا شنوده هو دوره انه يعلم ويعظ بس مش ده المكان اللى يكلم فيه مع احترامى انا اسفة للمثال اللى هقوله انى واحدة معاها مشكلة مثلا مع جوزها عايزة تحل راحت دخلت المنتدى كله فى المشكلة بالعكس المشكلة هتتقعد زيادة وهيحصل عند من الاطرفين ده بالضبط اللى هيحصل مع البنات هى شايفة انى ده تحضر ويوم فى العمر وهيحصل عند مش علاج وهو فعلا لبس البنات فى الافراح بقى حاجة تتكسف بس مش تيجى كده على العام اقل حاجة هتقال انى ابوكم بيقول عليكم كذا اما حرام ابونا لازم البابا ياخد موقف علشان مش يحصل كده تانى تصورى منظر البنات عموما اما حد يكلم معاهم وطبعا فى بنات محترمة جدا فى لبسها حتى لو كانت العروسة نفسها انا شايفة انى راى قداسة البابا على الحلقة كان فى مكانه بحرمان كده بيدافع عن بناته |
رد: عايزه رأيكم فى حلقة وائل ابراشى وازمتها مع الكنيسه
اقتباس:
ابونا غلط لكن المفروض كمان الكنيسه تحط قواعد ومش اى كاهن يطلع يتكلم فى القنوات ويكون عثره لشعب الكنيسه فالكنيسه عليها دور كبير فى الموضوع ده خصوصا بعد انتشار الكم الهائل من الاقمار والقنوات اللى مالهاش حصر ومعاكى طبعا ان مدخلة ابونا جوناثان كانت ضربه قاضيه للأبراشى والحلقه كلها |
| الساعة الآن 10:17 PM |
Powered by vBulletin® Copyright ©2000 - 2025