|
بايدى صلبتك
بإيدى صلبتك، بصوتى نكرتك، وبإيدي بعتك ولا يوم رجعت ليك. هربت و نادتنى، بحبك مليتنى، و رافض رجوعى مصمم اقسي عليك. تفدينى و انا بنكر اسمك و شارينى و ياما بإيدى بعتك، تحضننى و انا كلى آثام، بإيدي انا طعنت فى جمبك. https://upload.chjoy.com/uploads/1461536997711.jpg |
رد: بايدى صلبتك
صورة فى غاية الروعة ربنا يفرح قلبك |
رد: بايدى صلبتك
رووووووووووووعه
|
رد: بايدى صلبتك
مارى
ميرو ميرسي كتير على مروركم الغالى |
رد: بايدى صلبتك
كان المفروض تستاذنى من الكاتب قبل ماتنشريها
|
رد: بايدى صلبتك
اقتباس:
على فكرة انا معرفش مين كاتبها عشان استأذن هى عجبتنى فنشرتها مش اكتر ولو فيه اى ملاحظات كان ممكن حضرتك نتكلم فى رسالة خاصة مش بالطريقة ديه وشكرا |
رد: بايدى صلبتك
اولا انا بعتذرلك لانى مش قاصد اضياقك
ثانيا لما جيت ابعت على الخاص طلب منى انى انشر 25 موضوع وانا مش هعمل كده ثالثا ممكن من فضلك تمسحيها رابعا لو الترنيمة مش عندك ممكن ابعتهالك كاملة mp3 دا علشان اصالحك |
رد: بايدى صلبتك
حضرتك هى مش منزلاها فى قسم مواهب مسيحية
ولا كاتبة اسمها تحت الكلمات ولا راحت عملت الترنيمة بصوتها وسجلتها باسمها يعنى ماتقلقش ماحدش بياخد تعب حد هنا وينسبه لنفسه :) دى كلمات جزء من ترنيمة عجبتها ونقلتها للفائدة والتعزية مش اكتر :) النت كله مليان ترانيم معروفة مكتوبة مش مكتوب عليها اسم الكاتب حضرتك شرفتنا ونورتنا وربنا يعوض تعب محبتك واحنا اسفين لو ضايقنا حضرتك قولنا اسم حضرتك علشان نكتبه تحت الترنيمة |
رد: بايدى صلبتك
اقتباس:
انا فعلا اتضايقت جدا..... بس زى ما سما بتقول لحضرتك انا مكتبتش اسمى عليها ده اولا ثانيا ..مفيش اى حد جوه المنتدى بيسرق تعب حد وأظن أن النت والفيس مليانين ترانيم مش مكتوب عليها أسماء ثالثا ...انا اسفة مش همسحها لان الموضوع مش مستاهل كل إللى حضرتك عامله ده لان فيه ناس بتفرح لما يتنشرلها حاجة جوة منتدانا منتدى الفرح المسيحى رابعا بقا وده الأهم انا محطيتش اسمى عليها عشان امسحها |
رد: بايدى صلبتك
صدقونى انا لما اتكلمت مكنش قصدى انتوا او المنتدى بس انا اتسرق منى ترانيم واتعملت فى شرائط وعلى فكرة انا بحترم كلمكوا جدا وياريت محدش يكون زعلان منى ... وربنا يعوض تعبكوا
|
رد: بايدى صلبتك
اقتباس:
حقك طبعا تخاف على كتاباتك وبالفعل قولت لحضرتك اكتبلى اسمك هنا علشان اكتبه تحت الكلمات :) منتظرة رد حضرتك :) واهلا بيك فى الفرح المسيحى ولو تحب تكتب اى كلمات باسمك عندنا بقسم المواهب فأهلا بيك منتدى المواهب |
رد: بايدى صلبتك
ميرسى على مشاركتك ربنا يبارك خدمتك اهلاً بك Emo يشرفنا انك تشارك معانا بكل أعمالك ولو فى أى حاجة موجودة ليك فى المنتدى ابعتلى لينكها فى رساله خاصة وهأضيف اسمك عليها لحقوقك اغلب اللى بيشارك فى المنتدى ممكن بيكون وصل له مثل هذة المواضيع من خلال مواقع التواصل الإجتماعى ، وبيتم المشاركة بها هنا لكن لما حد بيثبت ان هو صاحب هذة الكلمات بيراسل أحد الأدمنز أو المسئولين وبيتم التعديل على الموضوع ووضع اسمه :) بس أهم حاجة اثبات ذلك ان فعلاً سواء هذا الموضوع أو غيرة ينتسب اليه الموضوع بسيط معانا ماتقلقش :) اهلاً بك مرة اخرى فى الفرح المسيحى |
رد: بايدى صلبتك
عادى الموضوع مفيهوش زعل وأهلا بيك فى منتدى الفرح المسيحى:) |
| الساعة الآن 01:46 AM |
Powered by vBulletin® Copyright ©2000 - 2025