|
ساعدونى يا بنات
ساعدونى يا بنات
عايزه حل شعرى بيسقط جامد جداااااا جداااااااا عايزه حاجه مجربه تمنع سقوطه ﻷنه بينزل خصل |
رد: ساعدونى يا بنات
احسن حاجه تروحي ل دكتور تكشفي عليه وهو اللي يقولك علي علاج
|
رد: ساعدونى يا بنات
رحت كتيييييييير يا ميرو مفيش فايده
زيوت وشامبوهات ومفيش نتيجه |
رد: ساعدونى يا بنات
بصي نصيحة مجربة
هدي نفسك لان النفسية اهم حاجة وبطلي أي ادوية بتاخديها واصبري شوية مع اكل فاكهه وخضروات كتيرة |
رد: ساعدونى يا بنات
معرفش اعمل كده يا مارى
وبالنسبه للفواكه والخضروات مليش فيها خالص |
رد: ساعدونى يا بنات
هو انا دايماا بسمع لو النفسيه مش كويسه الشعر ينزل
فانتي بتقولي جربت حاجات كتير وبردو مافيش فايده يبقي كدا زي ما قالتلك ماري هدي نفسك شويه ونفسيتك عشانك وعشان شعرك |
رد: ساعدونى يا بنات
ماهو اكيد لو فيه حاجه بتزعلنى بزعل
وانا قليل لما بكون مبسوطه وانا عارفه ان ده سبب اساسى للشعر والبشره بس عايزه اى خلطه ولا حاجه تفيد ولو حبه صغننه |
رد: ساعدونى يا بنات
مادام النفسية مش كويسة
يبقى مفيش حاجة هتنفع |
رد: ساعدونى يا بنات
انا واحده عندها نفس مشكلتك
وجابت امبولات من الكويت وكانت بدلك فروة الراس بيها وبقى شعرها جميل اوى لكن مفيش علاج فى مصر غير امبولات برضوه اسمها شعر الحصان او حاجه زى كده ونتيجتها فعاله بس مش مع كل الناس وكمان غاليه جدا الامبول الواحد ب150ج وواحد طبعا مش هيكفى فروة الراس |
رد: ساعدونى يا بنات
طيب امبولات الكويت اسمها ايه
|
رد: ساعدونى يا بنات
هقولك انا ع حاجتين حلوين اوى امشى عليهم
برشام اسمه هيرتون وبخاخه اسمهاا هيرجين اسالى عنهم حته الصيدلى دول حلوين اوى بس برضو لو بتتعصبى جامد خفى العصبيه علشان دى سبب كمان هيا والزعل |
رد: ساعدونى يا بنات
بصى كل اللى اقدر افيدك بيه
انى اختى كان شعرها بينزل جامد راحت قصاه كاريه وجابت مجموعه زيوت وعملته حمام زيت وبطل يقع وبقى ناعم وجميل جدا لو عايزة اسامى الزيوت دى قليلى وانا اسالها واقولك عليها او ممكن تدخلى على جوجل هتلاقى وصفات طبيعيه كتيره جدا لنزول الشعر |
رد: ساعدونى يا بنات
بصي يا دودو الحل فعلا تروحي لدكتور
بس انا بستخدم زيت سمسم وزيت جرجير وزيت لوز حلو وزيت توم وخلاصة صبار بلدي بخلطهم مع بعض واعملهم حمام زيت اسيبهم اربع ساعات بعدين اغسله بس هو مش بيقلله قوي بس بمنع القشرة ويغذيه وجربي زيت الخروع حلو اووووووووووووي |
رد: ساعدونى يا بنات
انا يا حنان عايزاها انا شعري ناعم بس خف اوي وبيطول بالمرار
|
رد: ساعدونى يا بنات
شكرا خالص ليكم تعبتكم
الدكتور عطانى اسبريه وزيت وبرشام وكل ده ومجابش نتيجه بس انا ضعيفه ف الاكل جدا |
رد: ساعدونى يا بنات
شوفي يا دودو ... طبعا كلام كل اخواتي صح جدااا بس لازم تاكلي خس وجرير وسبانخ وفلفل الوان ( احمر واصفر ) وطبعا فاكهة ( تفاح وكيوي ) اكتر وفي فيتامين اسمه ( فيتازينك ) سعرة رخيص بس مفعولة راائع وطبعا والأهم .. لازم تهدي اعصابك شوية واستخدمي شامبو جونسون اطفال ولو بتعملي استشوار .. ياريت تقللي جدا.. وبلاش صبغ الشعر http://al3aby4yy.com/files/image/Cut...or_DressUp.jpg والاستشارة بعد شهر ياقمر .. هههههههههه |
رد: ساعدونى يا بنات
الحمدلله يا قمرات
بقى كويس خف حبه السقوط كشفتله كتير اخر كشف بقى هو اللى جاب نتيجه زيت واسبرية بخاخ لو حد عايز الاسماء تحت امركم بس كويسين خالص وكمان بيطول الشعر انا شعرى طويل بس بيقع وحاليا الحمدلله احسن |
| الساعة الآن 03:52 AM |
Powered by vBulletin® Copyright ©2000 - 2026