|
معجزه حصلت معاااك ومعاكى ( البابا كيرلس السادس )
ازيكم يااحلى اخوات
اولا كل سنه وانت طيبيبن بعيد البابا كيرلس _ اكيد البابا كيرلس ليه مواقف مع كل واحد فينا ياريت ندخل ونحكى ايه اللى حصل بتفصيل http://im45.gulfup.com/sbGGb.jpg بركة صلواته تكون معاااااااااااااااكم جميعا |
رد: معجزه حصلت معاااك ومعاكى
بصي يا ستي مرة فى امتحان عملي كان فيه دكتور متعصب جدا وكان تقريبا حاطتني فى مخه الصفر كان فى اي امتحان شفوي وحظي الوحش فى امتحان أخر السنة فوجئ انه هو إللي هيصحح العينة إللي أمامي المهم قرب مني وكنت حاطة صورة البابا كيرلس جنبي أول ماشفة صرح قال بسم الله الرحمن الرحيم ورجع من الخصة نص متر وبعد ما تأثير الخضة راح قربي واداني الصفر برضة طبعا طلعت أللي جه عليا ضحك وقلت يابابا كيرلس اتصرف المهم دخلت الامتحان النظري والحمدلله جبت فيها جيد نشكر ربنا والبابا كيرلس شفيعي وحبيبي |
رد: معجزه حصلت معاااك ومعاكى
فكرة حلوة اوي ياقمر وجاري تثبيت الموضوع و ان شاء الله هقولك علي مواقف كتير بس معلش لما اخلص شغل الخدمة الاول ميرسي ياقمر |
رد: معجزه حصلت معاااك ومعاكى
فكره جميله جداااااااااااا ربنا يباركك
البابا كيرلس ليه مواقف كتييييييييييير معايا منها كان عندنا ماده اسمها الفارما والماده دى غلسه قووووووووووى اول حاجه عملها البابا كيرلس ان التاكسى اللى ركبته وانا رايحه الجامعه كان مشغل ترنيمه للبابا كيرلس حسيت ساعتها انه بيقولى انا معاكى وبعدها دخلت الامتحان النظرى وحليت كويس بس فى الشفوى دخلت لأتنين دكاتره كانوا حاجه صعبه قووووووووووووووووووى وتوقعت ان خلاص هأشيل الماده واتشفعت كتير بالبابا كيرلس وقلتله اهون عليكى يعنى انى اشيلها المهم لما ظهرت النتيجه لقيت نفسى ناجحه وبتقدير جيد كمان بركه شفاعته تكون معانا واكيد فى مواقف تانيه هأكتبها |
رد: معجزه حصلت معاااك ومعاكى
ميرسى كتير ان الفكره عجبتكم
وميرسى ليكى رونيا على تصبيت الموضع بصراحه احنا لو ناخد بالنا هنلاقى فى مواقف كتير البابا كيرلس كان معانا فيها ميرسى كتير على المعجزات الجميله ومستنيه اشوف الباقى ربنا معاكم |
رد: معجزه حصلت معاااك ومعاكى
موضوع جميل بركة القديس البابا كيرلس تكون معانا
|
رد: معجزه حصلت معاااك ومعاكى ( البابا كيرلس السادس )
انا حلمت بيه صراحة امبارح وظهر ف الحلم فى مكان دكتور كان بيكشف عليا عشان كنت رايح للدكتور النهاردة
شفاعته وبركاته معانا امين |
رد: معجزه حصلت معاااك ومعاكى ( البابا كيرلس السادس )
ميرسى كتير لمروركم
ايمى ماركو بركة صلواته تكون معاكم |
رد: معجزه حصلت معاااك ومعاكى ( البابا كيرلس السادس )
موضوع رائع جدا يا كاتى وفكرة جميلة جدا والبابا كيرلس هو اللى الهمك انك تقوليلنا الفكرة دى وياريت الموضوع ده يبقى متثبت على طول وعلى الدوام أنا البابا كيرلس عمل معايا معجزة وأنا فى الجيش أنا لما كنت فى الجيش كان فى صول(مساعد أول) مستأصدنى والصول ده كان ماسك ادارة الأفراد اللى مسئولة عن الملفات وأنا كنت خايف اوى انه يعمل حاجة فى الملف بتاعى وصليت بدموع للبابا كيرلس وكان فى صورة عندى للبابا كيرلس بحبها جدا فى حجم كف اليد وحلمت فى أحد الأيام بعد ما صليت انى داخل بسرعة وأنا خايف..داخل الى ادارة الأفراد ومفيش حد فى الغرفة وبادور على الملف بتاعى علشان اشوف ان الملف مفهوش حاجة ولقيت الملف وبقلب فيه ولقيت داخل الملف صورة للبابا كيرلس(وهى نفس الصورة اللى عندى اللى أنا باحبها وفى الرسالة اللى جاية هانزل صورة المعجزة..الصورة اللى لقيتها فى الملف وموجود عندى ومحتفظ بيها لحد النهاردة) وبعد ما لقيت صورة البابا كيرلس داخل الملف اتطمنت خالص وبعد ما صحيت استريحت خالص وعرفت ان البابا كيرلس بيقولى متخافش وأنا معاك وأنا موجود داخل الملف ومش هايقدر يعمل أى حاجة وفعلا قضيت بقية أيامى فى الجيش بسلام وحصلت على الشهادة(قدوة حسنة) وده كله بفضل ابويا وشفيعى قديس القرن العشرين القديس البابا كيرلس السادس |
رد: معجزه حصلت معاااك ومعاكى ( البابا كيرلس السادس )
|
رد: معجزه حصلت معاااك ومعاكى ( البابا كيرلس السادس )
معجزه جميله قوووى مستر ناصر
بركة صلواته تكون مع حضرتك |
رد: معجزه حصلت معاااك ومعاكى ( البابا كيرلس السادس )
انا لو قعدت من هنا للصبح مش هقدر اوفى حق البابا كيرلس على الى كان بيعملة معايا كايا انى كان كل فترة بيعمل زيارة ليا واخر زيارة كان المفروض اشوف فيها حاجة انا طلبها منة بس مش حصل نصيب وانا لسة بطلب منة الطلب دة وعلى امل انة يتحقق ببركة وشفاعة وصلاة شفيع عمرى وحياتى |
رد: معجزه حصلت معاااك ومعاكى ( البابا كيرلس السادس )
هو فعلا ياهانى بيعمل مع كل واحد فينا معجزات موش معجزه
بس ياريت ياجماعه انا عايزه المعجزه بتفصيل يعنى اى حد يفتكر المعجزه اللى حصلت معاه يدخل يكتبها على طول حته لو موقف صغير حته لو الشخص ده كتب معجزه حصلت معاه قبل كده موش مهم يدخل ويكتب تاااااااااااااااااااااااااااانى |
رد: معجزه حصلت معاااك ومعاكى ( البابا كيرلس السادس )
بركة صلواته تكون معاك هانى
ويحققلك اللى بتتمناه ويكون الصالح ليك |
رد: معجزه حصلت معاااك ومعاكى ( البابا كيرلس السادس )
موضوع جميل اوى وفكرته عبقريه جدا كاتى
اولا هو ايام الدراسه كانت كتبه وصوره موجوده على المكتبه ودايما نتشفع به ونخليه شفيع الماده الصعبه وكنا ننجح بصلواته ثانيا انا اول حمل ليا كان فى صعوبات فى الحمل وكنت معرضه لفقدان البيبى فكنت بتشفع بالبابا كيرلس ومارمينا والست العدرا والقديس يوسف وفعلا ربنا وقف معايا لاخر يوم وسميته مينا فى البيت وكيرلس فى المعموديه بركة صلاته تكون معنا امين |
رد: معجزه حصلت معاااك ومعاكى ( البابا كيرلس السادس )
البابا كيرلس معجزاته كتير
بس انا بصراحة مستنى منه معجزة للموضوع مهم ولو اتحقق هكتبها بس هو دايما بيقف معايا فى الامتحانات ميرسى على الموضوع يا كاتى ربنا يباركك |
رد: معجزه حصلت معاااك ومعاكى ( البابا كيرلس السادس )
ميرسى ماريا لتشجيعك وعلى المعجزه الجميله
وياريت لو عندك تانى معجزات وقف تانى جنبك البابا كيرلس موش تبخلى علينا وتدخلى تكتبيها ميرسى كيتر فادى بس انا عايزه كل الوقفات اللى ووقفها معاك البابا كيرلش تكتبها وانشاء الله هيوقف معاك وتيجى تكتبلنا المعجزه |
رد: معجزه حصلت معاااك ومعاكى ( البابا كيرلس السادس )
انا فى حاجة تانى كان معايا مشكلة وقلت لو اتحلت هاروح الطاحونة للبابا كيرلس وفعلا المشكلة اتحلت خلصت شغل روحت رايح الطاحونة وانا اما قربت اوصل قلت انا هخدها مشى من محطة المترو لحد الطاحونة وبالفعل عملت كدة وروحت وانا واقف بصلى قدام الصورة دية الصورة ابتسمت ابتسامة ملحوظة ليا انا فقط لانى مفيش حد من الى كانو جمبى لاحظ حاجة الا لما انا ابتسمت ليها شافونى انا فقط https://upload.chjoy.com/uploads/1394918634891.jpg |
رد: معجزه حصلت معاااك ومعاكى ( البابا كيرلس السادس )
معجزه جميله جداااااااااااا هانى بجد
|
رد: معجزه حصلت معاااك ومعاكى ( البابا كيرلس السادس )
وانا هحكلكم على موقف من المواقف اللى وقف معايا فيها حبيبى وشفيعى وابويا البابا كيرلس
هو زى عاته مبيكسفش حد بيطلبه فى الدراسه وكانت ايام امتحانات والماده دى صعبه جدااااا اغلبية القسم بينزل فيها المهم دخلت الامتحان تقريبا كده 3 اسأاله اجبارى غير اتنين اختيارى بينهم المهم انا مجوبتش سؤلين كاملين على بعض من صعوبة الامتحان اول مخرجت بفضلت اضحك مع صحابى وطبعا افتكرونى حليت الورقه كلها بس اول مرجعت السكن ورجعت الورقه كويس وانا كنت طلبة قبل الامتحان بس للاسف انا متسرعه جدااااا فلا كلامى المهم اتكلمت معاه بزعل وقولت كده خلاص نازله نازله فى الماده دى بس هو من طبته وحنانه مكسفنيش ونجحت فيها بجد مش عارفه ازااااااااى انا اتأسفتلك قلب كده كتير ودلوقتى بتأسفلك تانى ارجووووووووووك تسمحنى |
رد: معجزه حصلت معاااك ومعاكى ( البابا كيرلس السادس )
ياجماعه الموضوع ده مفتوح
وعايزين نشوف معجزات البابا ياريت لو حد عنده معجزه يكتبها على طول ماشى يااعضاء |
رد: معجزه حصلت معاااك ومعاكى ( البابا كيرلس السادس )
انهارده عشيه ابويا وحبيبى وشفيعى البابا كيرلس
عايزين كلنا نقوله كل سنه وانت طيب يا احن اب فى الدنيا https://upload.chjoy.com/uploads/1425820539671.jpeg ياريت اى حد معاه معجزه يحكى لينا عليها دى اقل حاجه نقدمها ليه اننا نعرف الناس كلها انه دايما واقف جنبنا |
رد: معجزه حصلت معاااك ومعاكى ( البابا كيرلس السادس )
معجزات البا كيرلس كتيره اوى
وهو قديس سريع الندهه بركة صلاته تكون معنا امين |
رد: معجزه حصلت معاااك ومعاكى ( البابا كيرلس السادس )
امين حبيبتى
بس احكلنا طيب عن اى معجزه |
| الساعة الآن 04:22 AM |
Powered by vBulletin® Copyright ©2000 - 2025