|
اللى هيحل السؤال الرهيب ده له جائزة(كارت شحن 10 جنيه)
اخوتى الأحباء اللى هيحل السؤال الرهيب ده له جائزة(كارت شحن 10 جنيه) مطلوب ذكر 10 فوائد للعينين خلاف النظر أدنى حد للاجابة للحصول على الجائزة(6 فوائد) |
رد: اللى هيحل السؤال الرهيب ده له جائزة(كارت شحن 10 جنيه)
نقول مثلا انها مصدر التجارة هههههههههههههههه 1_مصدر الدخل والرزق لطبيب العيون 2_مصدر الدخل والرزق لاصحاب محلات النظارات 3_مصدر الدخل والرزق لمحلات ادوات التجميل الريميل والمسكراوالحكل وغيرها 4_ممكن برده نفهم منها الكلام من لغة العيون 5_العين برده هى بنستخدمها وقت الفرح والحزن بتساعد على اظهار المشاعر 6_العين بكمل الوجه يعنى لمسة جمال 7_معرفة الانسان اذا كان فرحان او حزين من عينه بس طبعا مش كل الاشخاص 8_مفيدة برده فى النوم علشان اعرف انام لازم اغمض عينى بس مش عارفة جارى التفكير |
رد: اللى هيحل السؤال الرهيب ده له جائزة(كارت شحن 10 جنيه)
انا هكمل كلام راندا
_ العين ذات فائدة لمؤلفي الاغاني فلولا العين لما وجدوا شئ يتغزلون فيه _ العين من اهم الادوات الضروريه في المجاملات الاجتماعيه اذ يقول الشخص للاخر من عيوني او تسلم عيونك _ نغمز بهما لشخص حتي لايفتح موضوعا معينا للحديث امام شخص اخر _ العين مهمة للحاجب لانها تعطية شكل - واهم حاجه اننا بنشوف بيها لولا كده مكناش نقدر نشوف اللى قدامنه |
رد: اللى هيحل السؤال الرهيب ده له جائزة(كارت شحن 10 جنيه)
انا اعرف اهم فايده للعين وحياتنا كلها كمان اذا كانت عينك بسيطه فجسدك كله نير ونور العينين يفرح القلب |
رد: اللى هيحل السؤال الرهيب ده له جائزة(كارت شحن 10 جنيه)
ههههههههههههههههههه
ايه دا كل الواحد يجيب حاجات تانية منين ماشي يا دودو سيبي للغلابة اللي زينا حاجة ربنا يسمحك |
رد: اللى هيحل السؤال الرهيب ده له جائزة(كارت شحن 10 جنيه)
ههههههههههههههه
كل ده انا مش لاقية كلام اقوله انا اجيت اتفرج بعينى اهو هههههههههه |
رد: اللى هيحل السؤال الرهيب ده له جائزة(كارت شحن 10 جنيه)
اعلان الفائز فى المسابقة فازت بنتك انا(راندا) بكارت شحن(10 جنيه) وفازت أيضا كاتى بكارت شحن(10 جنيه) وماريا اجابتها جميلة اوى كما أشكر مارى واوفا على المشاركة الغالية وأضيف أنا أيضا من عندى العين هى سبب وجود الحاجب فى الدنيا فلولاها لما وجد الحاجب مهمة جدا للممثلات اذ تستخدمها الممثلة فى البكاء المتواصل خلال تمثيلية السهرة فى التليفزيون من فوائد العين أننا نغمضها لنحلم بأتوبيس فاضى |
رد: اللى هيحل السؤال الرهيب ده له جائزة(كارت شحن 10 جنيه)
9_وكمان العنصر الاساسى علشان تكمل المفاجئات الحلوة والهدايا اول كلمة غمض عينك هههههههههههههههههه افتح عينك |
رد: اللى هيحل السؤال الرهيب ده له جائزة(كارت شحن 10 جنيه)
ميرسى استاذ ناصر ربنا يباركك
|
رد: اللى هيحل السؤال الرهيب ده له جائزة(كارت شحن 10 جنيه)
ايه ده انتو بتجاوبو بسرعه كده ليه
طيب انا عايزه سؤال تاااااااااانى |
رد: اللى هيحل السؤال الرهيب ده له جائزة(كارت شحن 10 جنيه)
عيزين اسئله تانى
يلا يامستر ناصر |
رد: اللى هيحل السؤال الرهيب ده له جائزة(كارت شحن 10 جنيه)
مرمورة كاتى حاضر هانزل المجموعة التانية من الأسئلة |
رد: اللى هيحل السؤال الرهيب ده له جائزة(كارت شحن 10 جنيه)
راحت عليا العشره جنيه
:confused: ههههههههههههههههههههه |
رد: اللى هيحل السؤال الرهيب ده له جائزة(كارت شحن 10 جنيه)
هههههههههههه انتظر المجموعة التانية يا مايكل |
رد: اللى هيحل السؤال الرهيب ده له جائزة(كارت شحن 10 جنيه)
ايه ده فيه توزيع فلوس كمان
حلو خالص دى العيدية ولا ايه ياناصر هههههههههههههههه |
رد: اللى هيحل السؤال الرهيب ده له جائزة(كارت شحن 10 جنيه)
بشتغل بيها علي الميكروسكوب يختي
|
رد: اللى هيحل السؤال الرهيب ده له جائزة(كارت شحن 10 جنيه)
العيد قرب خلاص يا اوفا والهدايا هاتكتر ههههههههههههه المجموعة التانية من الأسئلة غدا الساعة التاسعة مساء انتظرونا |
رد: اللى هيحل السؤال الرهيب ده له جائزة(كارت شحن 10 جنيه)
واحنا مستنيين الساعه 9 تمام
وطبعا انا اللى هجاوب ماشى يعنى لو اتأخرت شويه محدش يجاوب استنونى هههههههههه وبذات فوفه عرفها بتحبنى قوى البنت دى |
رد: اللى هيحل السؤال الرهيب ده له جائزة(كارت شحن 10 جنيه)
اقتباس:
لا متخافيش يا كاتى مش ممكن اتعدى عليكى بس ياريت تعرفى تحلى ياروحى |
رد: اللى هيحل السؤال الرهيب ده له جائزة(كارت شحن 10 جنيه)
هه
هى بقيت مجموعات كل سنة وانتم طيبيبن ربنا يفرح قلوبكم على طول يارب صلواتكم ليا |
رد: اللى هيحل السؤال الرهيب ده له جائزة(كارت شحن 10 جنيه)
اخوتى الأحباء بمناسبة السنة الجديدة وعيد الميلاد هننتهز الفرصة دى ونعمل السؤال اللى جاى عن القديسة العذراء مريم والسؤال ده هيكون شامل ومكون من 12 سؤال صغير بعدد شهور السنة واللى عايز ينزل الاجابة هنا مفيش مانع واللى عايز يبعت الاجابة فى رسالة خاصة مفيش مشكلة والجائزة للمركز(الأول) العذراء مطلوب الاجابة على الأسئلة مع ذكر(الشاهد) 1-الى أية مدينة تنسب القديسة العذراء؟والى أى اقليم؟ 2-متى عادت العذراء الى هذه المدينة بعد سفر طويل؟ 3-أين ورد ذكر أخت لمريم العذراء؟ 4-أين عاشت العذراء بعد صلب السيد المسيح؟ومع من؟ 5-اذكر معجزة تدخلت العذراء فى اتمامها؟ 6-أين ورد أن العذراء كانت تصلى مع رسل المسيح؟ 7-كم شهرا قضته العذراء مع اليصابات فى حبلها؟ 8-اذكر موضعين فى العهد الجديد عن بشارة الملاك للعذراء بالحبل المقدس؟ 9-ما هى النبوءة التى وردت فى العهد القديم عن انجاب العذراء لابنها واسمه؟ 10-متى طلبت العذراء مقابلة السيد المسيح؟ 11-اذكر التأثير الروحى للعذراء على أليصابات لما زارتها؟ 12-أين ورد فى الانجيل أن العذراء كانت هى أيضا فى حاجة الى الخلاص؟ |
رد: اللى هيحل السؤال الرهيب ده له جائزة(كارت شحن 10 جنيه)
سؤال: إلي أية مدينة تنسب القديسة العذراء؟ وإلي أي إقليم؟
الإجابة: تنتسب العذراء إلي الناصرة مدينة من الجليل {لو26:1}. 2 سؤال: متي عادت العذراء إلي هذه المدينة بعد سفر طويل؟ الإجابة: عادت إلي الناصرة بعد موت هيرودس {مت2: 22،23}. 3 سؤال: أين ورد ذكر أخت لمريم العذراء؟ الإجابة: ورد ذكر أخت السيدة العذراء، ضمن الواقفات عند الصليب. وزوجها هو كلوبا {يو25:19} وأولادها يعقوب الصغير، ويوسي، وسالومة {مر40:15}. 4 سؤال: اين عاشت العذراء بعد صلب السيد المسيح؟ ومع من؟ الإجابة: عاشت السيدة العذراء مع القديس يوحنا الحبيب بعد السيد المسيح {يو27:19}. 5 سؤال: اذكر معجرة تدخلت العذراء في إتمامها؟ الإجابة: معجزة تحويل الماء إلي خمر في عرس قانا الجليل، تدخلت السيدة العذراء من أجل إتمامها {يو3:2}. 6 سؤال: أين ورد أن العذراء كانت تصلي مع رسل المسيح؟ الإجابة: ورد أن العذراء كانت تصلي من رسل المسيح في {أع14:1}. 7 سؤال: كم شهراً قضته العذراء مع إليصابات في حبلها؟ الإجابة: قضت العذراء ثلاثة أشهر مع أليصابات في حبلها لأنه عندما بشرها الملاك كانت أليصابات في الشهر السادس من حبلها {لو36:1}. 8 سؤال: اذكر موضوعين في العهد الجيد عن بشارة الملاك للعذراء بالحبل المقدس؟ الإجابة: بشارة الملاك للعذراء بالحبل المقدس وردت في {لو1: 26-38} وبشر الملاك يوسف النجار بهذا في {مت1: 20-23}. 9 سؤال: ما هي النبوءة التي وردت في العهد القديم عن إنجاب العذراء لإبنها وإسمه؟ الإجابة: ورد في {أش14:7}. هوذا العذراء تحبل وتلد إبنا وتدعو إسمه عمانوئيل. 10 سؤال: متي طلبت العذراء مقابلة السيد المسيح؟ الإجابة: طلبت العذراء مقابلة السيد المسيح في {مت12: 46،47}. 11 سؤال: اذكر التأثير الروحي للعذراء علي أليصابات لما زارتها؟ الإجابة: " لما سمعت إليصابات سلام مريم، اتركض الجنين في بطنها وامتلأت اليصابات من الروح القدس " {لو41:1}. 12 سؤال: أين ورد في الإنجيل أن العذراء كانت هي أيضاً في حاجة إلي الخلاص؟ الإجابة: ورد ذلك في تسبحة السيدة العذراء حينما قالت " وتبتهج روحي بالله مخلصي " {لو47:1}. |
رد: اللى هيحل السؤال الرهيب ده له جائزة(كارت شحن 10 جنيه)
اخوتى الأحباء بمناسبة السنة الجديدة وعيد الميلاد هننتهز الفرصة دى ونعمل السؤال اللى جاى عن القديسة العذراء مريم والسؤال ده هيكون شامل ومكون من 12 سؤال صغير بعدد شهور السنة واللى عايز ينزل الاجابة هنا مفيش مانع واللى عايز يبعت الاجابة فى رسالة خاصة مفيش مشكلة والجائزة للمركز(الأول) كل سنة وحضرتك طيب ربنا يعوض تعبك مطلوب الاجابة على الأسئلة مع ذكر(الشاهد) 1-الى أية مدينة تنسب القديسة العذراء؟والى أى اقليم؟ الناصرة 2-متى عادت العذراء الى هذه المدينة بعد سفر طويل؟بعد موت هيرودس 3-أين ورد ذكر أخت لمريم العذراء؟عند الصليب 4-أين عاشت العذراء بعد صلب السيد المسيح؟ومع من؟فى بيت يوحنا 5-اذكر معجزة تدخلت العذراء فى اتمامها؟تحويل الماء الى خمر 6-أين ورد أن العذراء كانت تصلى مع رسل المسيح؟7-كم شهرا قضته العذراء مع اليصابات فى حبلها؟ ثلاثة شهور 8-اذكر موضعين فى العهد الجديد عن بشارة الملاك للعذراء بالحبل المقدس؟بشارة العذراء وبشارة يوسف النجار 9-ما هى النبوءة التى وردت فى العهد القديم عن انجاب العذراء لابنها واسمه؟ نبوة اشعياء النبى 10-متى طلبت العذراء مقابلة السيد المسيح؟هالعذراء تحبل وتلد لما كان بيعلم الشعب وجاوا تلاميذه وقالوا هوذا امك واخواتك يطلبونك 11-اذكر التأثير الروحى للعذراء على أليصابات لما زارتها؟سجد الطفل يوحنا فى بطن امه اليصابات 12-أين ورد فى الانجيل أن العذراء كانت هى أيضا فى حاجة الى الخلاص؟فى تسبحة العذراء |
رد: اللى هيحل السؤال الرهيب ده له جائزة(كارت شحن 10 جنيه)
اعلان الفائز فى السؤال الثانى الفائز هو marmora elamora والجائزة هى(كارت شحن 10 جنيه) وكانت الاجابات صحيحة تماما مع ذكر الشاهد وأيضا كان الفائز بالسؤال الأول هو بنتك انا(راندا) وكانت الاجابات كاملة والجائزة هى(كارت شحن 10 جنيه) مبروك للفائزين |
رد: اللى هيحل السؤال الرهيب ده له جائزة(كارت شحن 10 جنيه)
الف مبروك
بنتك انا مرموره |
رد: اللى هيحل السؤال الرهيب ده له جائزة(كارت شحن 10 جنيه)
الف مبروووووووك
متنسوش الكارت بنص بس انا موش طماعه خااااااااااااالص |
رد: اللى هيحل السؤال الرهيب ده له جائزة(كارت شحن 10 جنيه)
انا الأسئلة اللى جاية :cool: هأقفل الموضوع علشان أعرف اجاوب براحتى :rolleyes: :D :D :D مبروك للفائزين |
رد: اللى هيحل السؤال الرهيب ده له جائزة(كارت شحن 10 جنيه)
...هأقفل الموضوع علشان أعرف اجاوب براحتى هههههههههههههههه |
رد: اللى هيحل السؤال الرهيب ده له جائزة(كارت شحن 10 جنيه)
الله يبارك فيكم ميرسى
|
رد: اللى هيحل السؤال الرهيب ده له جائزة(كارت شحن 10 جنيه)
اقتباس:
متقلقش انا مش بمشى من اللعبه دى يعنى اول ما يجى السؤال هقولك والهديه بالنص طبعا ههههههههههههههههههه |
رد: اللى هيحل السؤال الرهيب ده له جائزة(كارت شحن 10 جنيه)
وااااااااانا روحت فين
بقولك ايه الكارت بنص |
رد: اللى هيحل السؤال الرهيب ده له جائزة(كارت شحن 10 جنيه)
وانا معاكى يا كاتى
ههههههههههههه |
رد: اللى هيحل السؤال الرهيب ده له جائزة(كارت شحن 10 جنيه)
ايه ده انا دخلت متأخر ولا ايه هعهعهعهعهعه انتوا مش عايزين اسئله انتوا عايزين شاحن انا عارفاكم كويس هههههههههههه
|
رد: اللى هيحل السؤال الرهيب ده له جائزة(كارت شحن 10 جنيه)
كونوا مستعدين لمجاوبة كل من يسألكم عن سبب الرجاء الذى فيكم النهاردة هنسأل سؤال واحد بس بمناسبة الأعياد علشان الكل يجاوب ويكسب هدفنا من المسابقة زى ما بيقول الكتاب المقدس فتشوا الكتب الهدف الأول أن نستفيد معلومة جديدة وهى دى جايزتنا الحقيقية السؤال هل تزوج القديس يوسف من السيدة العذراء؟ مع التوضيح اذا كانت الاجابة بالنفى أم بالايجاب وتأكيد من الكتاب المقدس |
رد: اللى هيحل السؤال الرهيب ده له جائزة(كارت شحن 10 جنيه)
هل تزوج القديس يوسف من السيدة العذراء؟
يجب في البداية معرفة الفروق بين معنى الخطبة في الكتاب المقدس والزواج في الكتاب المقدس والعادات اليهودية في تلك العصور والفروق بينها وبين عصرنا الحالي، حتى لا يحدث لبس بين الحاضر والماضي.. حتى بين الأديان حاليًا بالطبع يوجد فروق في المفاهيم والعادات وما قبل وما بعد الزواج.. كان الزواج حسب التقليد اليهودي يتم على مرحلتين: خطبة ثم زواج. فبعدما تتم بعض الترتيبات المالية يخطب العروسان في بيت العروس. هذه الخطبة في الحقيقة تعادل الزواج السائد حاليا في كل شيء ما خلا العلاقات الجسدية. فالمخطوبة تُدْعى"زوجة"، وتصير أرملة أن مات خطيبها، وتتمتع بجميع الحقوق المالية كزوجة أن ترملت أو طلقت. وفي حالة الخيانة وراء خطيبها تسقط تحت ذات العقوبة كزوجة خائنة. وكزوجة لا يقدر أن يتخلى عنها خطيبه بغير كتاب طلاق. من هنا نستطيع أن ندرك سرعة دعوة القديسة مريم "امرأة يوسف"رغم كونها مخطوبة وليست متزوجة. و ذلك حسب النص الكتابي .. فستلد ابنا و تدعو اسمه يسوع لانه يخلص شعبه من خطاياهم و هذا كله كان لكي يتم ما قيل من الرب بالنبي القائل هوذا العذراء تحبل و تلد ابنا و يدعون اسمه عمانوئيل الذي تفسيره الله معنا فلما استيقظ يوسف من النوم فعل كما امره ملاك الرب و اخذ امراته و لم يعرفها حتى ولدت ابنها البكر و دعا اسمه يسوع متى 1: 20-25 كما لم يكن زواج العذراء مريم من يوسف النجار الا بهدف حفظ و رعاية القديسة مريم حيث لم يكن ممكنا ان يستمر وجودها للخدمة بعد سن البلوغ كما كان من المستحيل ان تظل فتاة بالغة بدون زواج في المجتمع اليهودي !!!!!!!!!! ثانيا ان سبب خروج القديسة العذراء مريم من الهيكل هو وصولها لمرحلة البلوغ عند البنات |
رد: اللى هيحل السؤال الرهيب ده له جائزة(كارت شحن 10 جنيه)
نعم كانت متزوجة لكن ليس بالمعنى السائد حاليا ولكن حسب الناموس اليهودى لانى المخطوبة زمان كانت فى حكم المتزوجة ولا يجوز فك الخطوبة(الزواج) لانه بمعنى ذلك طلاق ولا يجوز الطلاق |
رد: اللى هيحل السؤال الرهيب ده له جائزة(كارت شحن 10 جنيه)
الاعلان عن الفائز فى سؤال هل تزوج القديس يوسف من السيدة العذراء؟ الفائزة هى كاتى الف مبروك والى اللقاء فى السؤال القادم |
| الساعة الآن 03:51 PM |
Powered by vBulletin® Copyright ©2000 - 2026