|
انت لـــــيـــه مكنتـــــــش كـــــده؟؟؟
ياريت كل واحد يدخل يقولنا ايه سر تغيروه
انت ليه مكنتش كده http://im42.gulfup.com/nZvH7.jpg ممكن يكون شخص اللى غيرك او مواقف بتحصل قدامك او معاك شخصيا تخليك تقعد وتقول انت ليه مكنتش كده ممكن للاحسن وممكن للاوحش |
رد: انت لـــــيـــه مكنتـــــــش كـــــده؟؟؟
اكيد كل انسان بيتعرض لصدمات او تجارب او ضغوط ممكن تقلب حياتة راس علي عقب و رغم اني دكتورة امراض نفسية انا من يوم وفاة تيتا و انا مقلوبة ومش طبيعية و رغم انها عدت ال4شهور انا مازلت لحد اليوم ابكي رحيلها كانها توفيت امس ودة الموقف او التجربة اللي قلبت حياتي و خلتني اقول انا مكنتش كدة و دة امر الله بس كتير بيكون غصبن عني لان شعور وفاة الام احساس صعب اوي ربنا ما يكتبة علي احد ابداااااااااااااااااااااا |
رد: انت لـــــيـــه مكنتـــــــش كـــــده؟؟؟
علشان كل يوم بنقابل ناس بتغير فينا وتجرحنا
علشان كل يوم بتحصل معانا مواقف بتموت فينا حاجات كتيييير علشان بنوصل لمرحله احنا مش عايزين نتكلم مع حد تانى غير مع ناس معينه علشان شايفين ان الدنيا ما بقيتش زى زمان والناس مش كلهم كويسين معانا علشان بنلاقى اقرب ما لينا هو اللى بيكون سبب فى وجعنا دى وجهه نظر شخصيه مش حاجه عامه يعنى وممكن اللى بيغيرنا تكون حاجات من جوانا احنا |
رد: انت لـــــيـــه مكنتـــــــش كـــــده؟؟؟
توبيك جميل اوى يا قمر
انا كنت طيبه قوى (هبله ) واتكلم بعفويه جدا مع الناس وبعدين لقيت الناس مش زى بعض واللى يتلكك واللى يلوع الكلام فتعلمت لازم كل كلمه تكون بحساب ومرغيش كتير مع حد بقيت حريصه جدا جدا فى كل معاملاتى وده يمكن يكون للأحسن انا شايفه انه احسن بكتير لأنه بعدنى عن مشاكل اكتر |
رد: انت لـــــيـــه مكنتـــــــش كـــــده؟؟؟
أكيد الواحد مكنش كدا
كان مش شايل هم حاجة فى الدنيا دوقتي شايل هم الدنيا كلها المسئولية كبيرة على الواحد + احلام كتير نفسه انها تتحقق = حياه صعبة جدا شكرا يا قمر ربنا يباركك |
رد: انت لـــــيـــه مكنتـــــــش كـــــده؟؟؟
علشان لازم نتغير
محدش بيفضل بحاله |
رد: انت لـــــيـــه مكنتـــــــش كـــــده؟؟؟
أكتب وبعد أن عرفني الرب يسوع المسيح شكراً جزيلاً أختي العزيزة كاتى... وبعد أشكر الرب كل شيء للأحسن والأروع والأبدع اليوم بقوة الرب يسوع ناس كثيرة تشفى من أمراض مزمنة وكسور مختلفة وعلل عجز الطب عن علاجهم وناس كثيرة المسلمون وغيرهم يقبلون الرب يسوع المسيح مخلص لحياتهم وأهل بيتهم...واليوم أولاد الرب المملوئين بالروح القدس وثمارها يمجدون الرب في سماء الدنمارك في لمساتهم الشافية والبشارة ونشر ورفع إسم إلهنا عالياً المستحق كل المجد في الطرقات والتجمعات ليعرف الكل والمسكونه كلها "وَلَيْسَ بِأَحَدٍ غَيْرِهِ الْخَلاَصُ. لأَنْ لَيْسَ اسْمٌ آخَرُ تَحْتَ السَّمَاءِ، قَدْ أُعْطِيَ بَيْنَ النَّاسِ، بِهِ يَنْبَغِي أَنْ نَخْلُصَ." (أعمال الرسل 4 : 12). فقط في الرب يسوع المسيح له المجد وزمان ليه مكنتش كده ؟؟ لأني مكنتش عارف مين هو الرب يسوع المسيح |
رد: انت لـــــيـــه مكنتـــــــش كـــــده؟؟؟
توجد مواقف صعبه تغير الانسان عن طيبته وعفويته التي يحيا بها لكي يساير المواقف الجديده... وتوجد ايضاً مواقف مفرحه تغير الانسان للاحسن وتفتح قلبه وذهنه للحب وللحياه وللسعاده .. فكل موقف وله تأثيرة علي حياة الشخص |
رد: انت لـــــيـــه مكنتـــــــش كـــــده؟؟؟
اتغيرنا لاننا لازم نتغير من اللى بنشوفة حولينا
تعاملى الناس بطيبة بيقولوا عليكى هبلة وساذجة تحبيهم وتحكى معاهم يملوا منك ويعاملوكى معاملة مش حلوة ويتهربوا منك طيب ولية مفيش حد يستاهل وخلينى فى حالى افضل واعاملهم زى ماهما بيعاملونى ..ا + ا = 2 من اكتر علشان كدة اتغيرنا لاننا مااتوقعناش منهم كدة وحاجات كتير لو فضلنا نحكى عاوزة صفحات ميرسى كاتى للطرح الرائع ربنا يباركك |
رد: انت لـــــيـــه مكنتـــــــش كـــــده؟؟؟
ممكن يكون الطرف الأخر هو اللى أتغير ويعتقد الأخر أن البعض هم الذين تغيروا ليس معنى أن فلان أخذ موقف يبقى أتغير الإنسان صاحب المبدأ لا يتغير ابداً ولكنه يأخذ مواقف فى الأوقات المناسبة ... ويفضل على مبدأه ثابت دون تغيير .... علشان كدة دايماً يقال أن فلان عندة مبدأ لا يتغير المبدأ ليس كلمه عابره او جمله صارخه واعظم الأشخاص هم اصحاب مبادىء والمبدأ جزء من تركيبة الانسان وطبيعة شخصيته وبدونها يصبح الشخص كالورقة تتقاذفها الريح |
رد: انت لـــــيـــه مكنتـــــــش كـــــده؟؟؟
ظروف الانسان هى اللى بتغيره بس مش بتغيره من جوة ولا بتغير محبته للى حواليه ممكن تخليه منشغل شوية عن الناس اللى بيحبهم بسبب ظروفه وهما يفتكروة انه بعد عنهم بأرادتة لكن دة بيبقى غصب عنه كتير بنحكم على اللى حوالينا من غير مانعرف ظروفهم اية بنكون شايفينه بيضحك ويهزر لكن مايعرفوش اية ظروفة ياريت نقدر ظروف غيرنا ونلتمس ليهم العذر فى اى موقف لغاية ما يظهر عكس كدة ولو هاقول شخصيا على اللى غيرنى للاحسن وقربنى من ربنا هو الألم والمرض تجربه صعبة بس قربتنى فعلا من ربنا وغيرتنى للاحسن |
رد: انت لـــــيـــه مكنتـــــــش كـــــده؟؟؟
فعلا بتحصل مواقف كتير فى حياتنا وبنقابل ناس ممكن يغيرونا
احيانا التغيير بيبقي للاحسن واوقات يبقي للاسوأ سواء بتاثرنا بيهم او بصدمتنا فيهم انا اكتر موقف اثر فى حياتى وشقلب كيانى يوم وفاة والدي مع انه عدي عليه حوالى 9 سنين بس تاثير صدمة فراقه لسه موجود لحد دلوقتى بالنسبة للتغيير للاحسن ففى ناس قابلتهم قريبيين اوى من ربنا زي اب اعترافى و خادمه ... واللى كان ليهم الفضل انى اعرف ربنا معرفه حقيقيه كمان وجودى هنا فى المنتدى وسط مجموعه بتحمل كل معانى الاخوه والمحبه اتعلمت منهم الكتيييير ولاقيت معاهم حاجات كتير كنت مفتقداها فحياتنا مش ثابته على حال احيانا بنتغير للاحسن واحيانا للاسوأ على حسب ما يمر بينا من احداث واشخاص ....... |
رد: انت لـــــيـــه مكنتـــــــش كـــــده؟؟؟
طول ما الدنيا بتتغير كل يوم والاحداث بتختلف لازم نتغير علشان نعرف نتاقلم
بس للاسف فى حاجات حلوى كتير بتضيع مننا ممكن بنكتسب حاجات تانيه بس مش بتكون بنفس درجه البراءه والطفوليه اللى بنتولد بيها |
رد: انت لـــــيـــه مكنتـــــــش كـــــده؟؟؟
التغير من طبيعة الحياة
شكراً على الموضوع الجميل ربنا يبارك خدمتك |
رد: انت لـــــيـــه مكنتـــــــش كـــــده؟؟؟
طبعا الواحد اتغير كتير عن زمان لكن سبب كل المشاكل هو الناس اللى عايشة من غير مبادىء وزى ما قال الأستاذ رامز الانسان صاحب المبادىء لا يتغير ابدا ولكنه يأخذ مواقف فى الأوقات المناسبة واعظم الأشخاص هم اصحاب المبادىء واحب اقول أن اكتر ناس تعبانة وبتتعذب فى الدنيا هم اصحاب المبادىء لان مواقفهم مع جميع الناس مواقف راقية وبكل براءة ولكنهم بيلاقوا مفاجآت من بعض الناس معاملة كويسة-أمامها معاملة سيئة يخدم بعض الناس-أمامها ردود معاكسة..وهكذا والانسان الذى يتغير فى كل لحظة تبع المصالح لا احترام له فى المجتمع وأيضا زى ما قالت رونيا هناك بعض الظروف بتبقى صعبة زى رحيل الأم وأنا عن نفسى مجرب رحيل الأم وبعتبر يوم رحيل الأم هو(علقة العمر الاليمة) ولكن على الانسان القوى مهما كانت الظروف أن يكون اقوى منها يكون قوى فى الظروف الصعبة بالمسيح والقرب من الكنيسة علشان الظروف متأثرش عليه تأثير كبير ويكون تأثيرها اقل القليل |
رد: انت لـــــيـــه مكنتـــــــش كـــــده؟؟؟
أكيد الواحد مكنش كدا كان مش شايل هم حاجة فى الدنيا
دوقتي شايل هم الدنيا كلهاالمسئولية كبيرة على الواحد احلام كتير نفسه انها تتحقق حياه صعبة جدا |
رد: انت لـــــيـــه مكنتـــــــش كـــــده؟؟؟
ميرسى كتتتتتير لمروركم الرااااااااااااااائع
ربنا يباركم جميعا |
| الساعة الآن 12:40 AM |
Powered by vBulletin® Copyright ©2000 - 2026