بمناسبة عيد نياحة الام ايريني طيبة الذكر
 

تماف إيريني ترى الشهداء كورال مار مرقس
رأت الشهداء كورال مار مرقس
من تاماف / ايرينى رئيسة دير ابو سيفين
إجتماع تاماف إيرينى رئيسة دير الشهيد العظيم فيلوباتير مرقوريوس أبى سيفين بأهالى كورال فريق أبناء الرسل (كنيسة
مارجرجس هليوبوليس) شهداء خدمة التسبيح ليلة عيد النيروز بمقر الدير بالقاهرة سنة
1999:أنا كنت باصلى فى قلايتى وقت الحادث لقيت نفسى إنتقلت بالجسد لمكان الحادث وشفته بالتفصيل واتألمت جداً وقلت بإسم الصليب أنا فين ؟ إيه إللى باشوفه ده ؟ مين دوّل ؟ سمعت صوت" رحلة كورال مارجرجس هليوبوليس" وشُفت عامود نورنزل رأسياٍ اوله داخل السماء ونهايته على الأرض فوق الأُتوبيس ولما نزل عمود النور حسّيت بسلام وظهر حوالين العمود صفين من الملايكه حلوين ومنورين بطول العامود وبيسبحوا تسابيح جميله وكل واحد من شبابنا يسلم الروح يلبس توب نورانى هفهاف والروح تأخذ نفس شكل الجسد بس على أحلى ويبقى منوّر والملايكه تدى لكل واحد يسلم الروح تاج على رأسه وصليب فى يمينه وشمعه طويلة فى يساره واللهيب بتاعها نور مش نار وألاقيه هو كمان يسبح نفس تسابيح الملايكه وإختلطت أصوات تسابيح الملايكه بتسابيح كورال السماء فى زفة جميلة فى مقدمتها الست العدرا أم النور وهى جميلة جداً ومضيئه ودايماً الست العدرا تظهر فى توب سماوى فيه صلبان زهبيه ولكن المره دى توبها نورانى لون العامود النورانى وبرضه فيه صلبان زهبيه وسمعت صوت مليان حنان وحب وله رنبن جميل يقول "هلموا إلىّ تعالوا إلى الفردوس" وطلعت الزفة لفوق الست العدرا إختفت الأول وورائها الملايكه ووراهم القديسين الأبرار(الخورس السماوى) وبعد أن إختفى الكل طلع العامود رأسى زى ما نزل وإختفى فى السماء وأنا إتمليت فرح وسلام يا بختهم اغتصبوا الفردوس فى لحظات وإحنا بنجاهد فى الرهبنه عشرات السنوات وياريت نقدر نحصل على مكانهم فى السماء أخذوه بالسهل وبصراحه ربنا حنين إختطفهم فى أحسن ساعة لهم لو كانوا عاشوا بعد كدة مكانوش هيحصلوا على المجد إللى حصلوا عليه وياريت كلنا نجاهد ونتوب علشان يكون لنا نصيب مع أولادنا فى السماء ونحصل على المجد إللى هم فيه دلوقتى وإحنا مش لازم نحزن ابداً ولا نبكى وأنا بصراحه ماكنتش هاحكى لحد الرؤيه دى لكن اب إعترافى أمرنى لأنها معزيه وقال لى إنتى شوفتيها مش من أجل نفسك لكن من أجل تعزيه الأهالى ليه نحزن وإحنا بقالنا شفعاء فى السما إحنا نفرح ونتعزى لأننا إطمأنينا عليهم كلهم فى حضن رب المجد وعايزين نستفيد من الحادث دة اننا نعيش دايماً مستعدين محدش عارف هيروح إمتى نبقى حلوين وننفذ الوصايا ونعيش حياة التوبة علشان لا نُحرم من مجده , أولادنا دوّل بيفكرونى بالأيه "والمستعدات دخلن معه إلى العرس" كانوا معترفين كلهم ومتناولين من الأسرار المقدسه وروحوا وهم فى أحسن حاله وهم بيعملوا عمل بمحبه عمل من أجل الفقراء والسما حلوه جميلة وأنا أحب أحكى لكم شوية حكايات عن الفردوس............ .......

رد: بمناسبة عيد نياحة الام ايريني طيبة الذكر
 

شهود على تماف إيريني
وفى مقالة بعنوان " شهود‏ ‏علي‏ ‏تماف إيريني حب‏ ‏أبي‏ ‏سيفين‏..‏
سر‏ ‏آلاف‏ ‏المعجزات
" تحقيق الأستاذ :فيكتور‏ ‏سلامة نشرت فى جريدة وطنى بتاريخ 12/11/2006 م السنة 48 العدد 2342 قال القمص‏ ‏توما‏ ‏البراموسي‏ ‏أب‏ ‏اعتراف‏ ‏الراهبات‏..‏ومنذ‏ ‏أن‏ ‏كلفه‏ ‏قداسة‏ ‏البابا‏ ‏شنودة‏ ‏الثالث‏ ‏بهذا‏ ‏في‏ ‏فبراير‏ 2003
‏وهو‏ ‏يلتقي‏ ‏بالأم‏ ‏تماف‏ ‏إيريني‏ ‏في‏ ‏اعترافاتها‏,
‏كان‏ ‏قريبا‏ ‏منها‏ ‏لأكثر‏ ‏من‏ ‏ثلاث‏ ‏سنوات‏ ‏عرف‏ ‏خلالها‏ ‏الكثير‏ ‏عنها‏..‏عن‏ ‏هذا‏ ‏الكثير‏ ‏قال‏:‏
‏** ‏كانت‏ ‏إنسانة‏ ‏علي‏ ‏درجة‏ ‏عالية‏ ‏من‏ ‏الروحانية‏ ‏لاتنقطع‏ ‏عن‏ ‏الصلاة‏ ‏حتي‏ ‏وهي‏ ‏في‏ ‏أشد‏ ‏الآلام‏..‏
كان‏ ‏حبها‏ ‏عميقا‏ ‏للصلاة‏ ‏والقديسين‏ ‏وخاصة‏ ‏أبي‏ ‏سيفين‏ ‏إذ‏ ‏كانت‏ ‏تتحدث‏ ‏عنه‏ ‏كصديق‏ ‏وأخ‏ ‏وأب‏,‏وكانت‏ ‏تحب‏ ‏الصليب‏,‏وطلبت‏ ‏من‏ ‏ربناصليب‏ ‏المرض‏ ‏وحقق‏ ‏لها‏ ‏طلبها‏..‏وكانت‏ ‏أسعد‏ ‏أيام‏ ‏حياتها‏ ‏عندما‏ ‏يشتد‏ ‏عليها‏ ‏المرض‏,
‏وعندما‏ ‏كنت‏ ‏أقول‏ ‏لها‏ ‏ربنا‏ ‏يشفيك‏ ‏كانت‏ ‏تسرع‏ ‏في‏ ‏الرد‏ ‏وكلماتها‏ ‏تسبق‏ ‏كلماتي‏ ‏قائلة‏ ‏ربنا‏ ‏يعطيني‏ ‏السماء‏.‏
‏** ‏كانت‏ ‏أمينة‏ ‏جدا‏ ‏في‏ ‏خدمة‏ ‏بناتها‏,‏وخدمة‏ ‏الدير‏,‏وتحبهن‏ ‏من‏ ‏كل‏ ‏قلبها‏,‏وتلتمس‏ ‏الأعذار‏ ‏لأي‏ ‏خطأ‏ ‏منهن‏,‏وتبحث‏ ‏عن‏ ‏راحتهن‏.‏
‏** ‏كانت‏ ‏محبة‏ ‏للناس‏,‏شفوقة‏ ‏علي‏ ‏الفقراء‏,‏تعطي‏ ‏بسخاء‏,‏ومن‏ ‏عطائها‏ ‏أنها‏ ‏كانت‏ ‏تعد‏ ‏وجبة‏ ‏كل‏ ‏أسبوع‏ ‏للمسجونين‏ ‏وفقراء‏ ‏المنطقة‏,‏وكانت‏ ‏كريمة‏ ‏جدا‏ ‏في‏ ‏عطائها‏ ‏فكانت‏ ‏الوجبات‏ ‏التي‏ ‏تعدها‏ ‏لهم‏ ‏أحسن‏ ‏من‏ ‏وجبات‏ ‏الدير‏.‏
‏** ‏كانت‏ ‏تمتاز‏ ‏بعزة‏ ‏النفس‏,‏فلم‏ ‏تطلب‏ ‏من‏ ‏أحد‏ ‏أي‏ ‏شيء‏ ‏للدير‏ ‏مهما‏ ‏كان‏ ‏احتياجها‏...
‏ولم‏ ‏تكن‏ ‏تطلب‏ ‏أي‏ ‏معاونة‏ ‏أو‏ ‏مساعدة‏ ‏من‏ ‏أحد‏ ‏إلا‏ ‏إذا‏ ‏قدمها‏ ‏من‏ ‏تلقاء‏ ‏نفسه‏ ‏وبإلحاح‏,
‏وكانت‏ ‏ترفض‏ ‏أن‏ ‏تأخذ‏ ‏أي‏ ‏مبالغ‏ ‏في‏ ‏يدها‏,‏وعلمت‏ ‏بناتها‏ ‏هذا‏ ‏أيضا‏,‏
وخصصتصندوقا‏ ‏متحركا‏ ‏يقدم‏ ‏لكل‏ ‏من‏ ‏يريد‏ ‏أن‏ ‏يدفع‏ ‏مالا‏ ‏ليضع‏ ‏بنفسه‏ ‏عطاياه‏ ‏في‏ ‏الصندوق‏.‏
‏** ‏كانت‏ ‏تمتاز‏ ‏بنقاء‏ ‏القلب‏ ‏والطهارة‏ ‏وتواظب‏ ‏علي‏ ‏الاعترافات‏,‏
وعندما‏ ‏كنت‏ ‏أذهب‏ ‏يوم‏ ‏الخميس‏ ‏من‏ ‏كل‏ ‏أسبوع‏ ‏لإقامة‏ ‏قداس‏ ‏بالدير‏ ‏وأخذ‏ ‏اعترافات‏ ‏الأمهات‏ ‏بالتناوب‏-‏مرة‏ ‏كل‏ ‏شهر‏- ‏كانت‏ ‏تتقدم‏ ‏للاعتراف‏ ‏كل‏ ‏أسبوع‏,‏وعندما‏ ‏حدثتها‏ ‏في‏ ‏هذا‏ ‏وطلبت‏ ‏منها‏ ‏أن‏ ‏تكون‏ ‏اعترافاتها‏ ‏كل‏ ‏شهر‏ ‏كالراهبات‏,‏قالت‏ ‏ليالمفروض‏ ‏الرئيسة‏ ‏يكون‏ ‏اعترافها‏ ‏كل‏ ‏يوم‏ ‏مش‏ ‏كل‏ ‏أسبوع‏..‏كانت‏ ‏تخاف‏ ‏الله‏ ‏في‏ ‏كل‏ ‏شيء‏.‏
‏** ‏كانت‏ ‏إنسانة‏ ‏راهبة‏ ‏يظهرالنسك‏ ‏في‏ ‏حياتها‏,‏
فقلايتها‏ ‏بسيطة‏ ‏جدا‏,‏وكانت‏ ‏توفر‏ ‏للأمهات‏ ‏كل‏ ‏وسائل‏ ‏الراحة‏ ‏في‏ ‏قلاياتهن‏..
‏لم‏ ‏يكن‏ ‏لها‏ ‏مكتباوكان‏ ‏في‏ ‏قلايتهامنضدة‏ ‏صغيرة‏ ‏تكتب‏ ‏عليها‏..‏
وكانت‏ ‏تنام‏ ‏علي‏ ‏الأرض‏ ‏وفي‏ ‏الأيام‏ ‏الأخيرة‏ ‏من‏ ‏حياتها‏ ‏وضعوا‏ ‏لها‏ ‏سريرا‏ ‏طبيا‏ ‏لظروفها‏ ‏الصحية‏.‏
إنجيل‏ ‏باكر
‏* ‏القمص‏ ‏بيشوي‏ ‏ناروز‏ ‏وكيل‏ ‏مطرانية‏ ‏قنا‏ ‏كان‏ ‏هو‏ ‏وأسرته‏ ‏في‏ ‏صفوف‏ ‏المودعين‏..
‏جاءوا‏ ‏ليأخذوا‏ ‏بركة‏ ‏وداع‏ ‏حبيبتهم‏ ‏الأم‏ ‏تماف‏ ‏إيريني‏..‏بعد‏ ‏القداس‏ ‏الإلهي‏..‏قال‏:‏
‏** ‏سمعت‏ ‏الآية‏ ‏في‏ ‏إنجيل‏ ‏باكركانت‏ ‏قوة‏ ‏تخرج‏ ‏منه‏ ‏وتشفي‏ ‏جميع‏ ‏الذين‏ ‏يلمسونه‏ ‏
وكأن‏ ‏رب‏ ‏المجد‏ ‏يسوع‏ ‏المسيح‏ ‏أراد‏ ‏أن‏ ‏يحدثنا‏ ‏في‏ ‏يوم‏ ‏انتقالها‏ ‏عن‏ ‏عظمة‏ ‏أعمالها‏,‏فما‏ ‏أكثر‏ ‏المرضي‏ ‏الذين‏ ‏جاءوا‏ ‏يطلبون‏ ‏الشفاء‏,
‏فكانت‏ ‏بقوة‏ ‏إيمانها‏ ‏ومحبة‏ ‏القديس‏ ‏أبي‏ ‏سيفين‏ ‏تشفي‏ ‏الناس‏ ‏وتفرحهم‏.‏
‏** ‏عرفت‏ ‏تماف‏ ‏إيريني‏ ‏في‏ ‏السبعينيات‏ ‏عندما‏ ‏كنت‏ ‏آتي‏ ‏إلي‏ ‏الدير‏ ‏مع‏ ‏المتنيح‏ ‏الأنبا‏ ‏مكاريوس‏-‏أسقف‏ ‏قنا‏-
‏وكان‏ ‏أب‏ ‏اعترافها‏ ‏واعتراف‏ ‏كل‏ ‏أمهات‏ ‏الدير‏..‏كان‏ ‏الأنبا‏ ‏مكاريوس‏ ‏قديسا‏,
‏ولكننا‏ ‏عندما‏ ‏كنا‏ ‏نجلس‏ ‏مع‏ ‏الأم‏ ‏إيريني‏ ‏كنانشعر‏ ‏بقوة‏ ‏روحية‏ ‏تملأنا‏ ‏وكأننا‏ ‏نجلس‏ ‏في‏ ‏أورشليم‏ ‏السماوية‏..‏
كنا‏ ‏نري‏ ‏فيهاطاقة‏ ‏نطل‏ ‏منها‏ ‏علي‏ ‏الأبدية‏..‏ونشعر‏ ‏بعزاء‏ ‏فائق‏ ‏وفرح‏ ‏وسلام‏ ‏عجيب‏ ‏بمجرد‏ ‏دخول‏ ‏الدير‏.‏
‏** ‏أية‏ ‏مشكلة‏ ‏كانت‏ ‏توضع‏ ‏بين‏ ‏يديها‏ ‏وتصلي‏ ‏لأجلها‏ ‏كان‏ ‏لابد‏ ‏أن‏ ‏تحل‏...‏
عن‏ ‏تجربة‏ ‏أولادي‏ ‏تعرضوا‏ ‏لمشاكل‏ ‏صحية‏ ‏ودراسية‏ ‏واجتازوها‏ ‏بصلوات‏ ‏أمنا‏ ‏إيريني‏..‏ومهما‏ ‏كانت‏ ‏متعبة‏ ‏ومثقلة‏ ‏كانت‏ ‏تقابل‏ ‏الكل‏ ‏وتتحدث‏ ‏إليهم‏ ‏في‏ ‏عذوبة‏ ‏ورقة‏ ‏وأمومة‏ ‏ولاتترك‏ ‏أحدا‏ ‏يعود‏ ‏إلا‏ ‏وهو‏ ‏فرحان‏ ‏ومسرور‏.‏
‏ ‏جاذبية‏ ‏المحبة
‏* ‏الدكتور‏ ‏إيهاب‏ ‏فلتاؤس‏ ‏من‏ ‏أبناء‏ ‏الأم‏ ‏إيريني‏ ‏المقربين‏ ‏إليها‏..‏كان‏ ‏يشرف‏ ‏مع‏ ‏المحبين‏ ‏علي‏ ‏تنظيم‏ ‏مراسم‏ ‏وداعها‏..
‏حكي‏ ‏عن‏ ‏بعض‏ ‏الجوانب‏ ‏في‏ ‏حياة‏ ‏الأم‏ ‏إيريني‏ ‏قائلا‏:‏
‏** ‏اقتربت‏ ‏منها‏ ‏منذ‏ ‏أكثر‏ ‏من‏ ‏عشرين‏ ‏عاما‏,‏ومن‏ ‏كان‏ ‏يقترب‏ ‏منها‏ ‏لايستطيع‏ ‏أن‏ ‏يبتعد‏ ‏عنها‏,‏
كانت‏ ‏تجذبنا‏ ‏إليها‏ ‏بمحبة‏ ‏قلبها‏ ‏الكبير‏ ‏وبحنان‏ ‏الأم‏..‏كانت‏ ‏أما‏ ‏حنونة‏ ‏علي‏ ‏الجميع‏..
‏إنها‏ ‏طراز‏ ‏نادر‏ ‏في‏ ‏هذا‏ ‏الزمن‏ ‏لإنها‏ ‏كانت‏ ‏حاملة‏ ‏رسالة‏ ‏من‏ ‏عند‏ ‏الله‏..‏
وكنت‏ ‏ألجأ‏ ‏إليها‏ ‏في‏ ‏الكثير‏ ‏من‏ ‏المواقف‏ ‏فكانت‏ ‏بصلواتها‏ ‏تحل‏ ‏كل‏ ‏المشاكل‏,‏حتي‏ ‏أصبحت‏ ‏لا‏ ‏أتردد‏ ‏في‏ ‏اللجوء‏ ‏إليها‏ ‏في‏ ‏كل‏ ‏كبيرة‏ ‏وصغيرة‏ ‏في‏ ‏حياتي‏..‏وما‏ ‏حدث‏ ‏معي‏ ‏حدث‏ ‏مع‏ ‏آخرين‏ ‏كثيرين‏,‏رأيت‏ ‏بعيني‏ ‏وسمعت‏ ‏بأذني‏ ‏عن‏ ‏آلاف‏ ‏الحالات‏ ‏لمرضي‏ ‏كانوا‏ ‏بلا‏ ‏أمل‏ ‏في‏ ‏الشفاء‏ ‏حدثت‏ ‏معهم‏ ‏معجزات‏ ‏وسجلوها‏ ‏في‏ ‏الدير‏
‏بتقارير‏ ‏طبية‏ ‏قبل‏ ‏المعجزة‏ ‏وبعدها‏..
‏وكانت‏ ‏تماف‏ ‏إيريني‏ ‏تنسب‏ ‏كل‏ ‏المعجزات‏ ‏إلي‏ ‏القديس‏ ‏أبي‏ ‏سيفين‏,‏وفي‏ ‏الحقيقة‏ ‏أن‏ ‏تماف‏ ‏وأبي‏ ‏سيفين‏ ‏كانت‏ ‏تربطهما‏ ‏علاقة‏ ‏قوية‏ ‏جدا‏,‏ولكننا‏ ‏في‏ ‏المسيحية‏ ‏لانعلن‏ ‏عن‏ ‏قديسينا‏ ‏أثناء‏ ‏حياتهم‏,‏وقد‏ ‏صدر‏ ‏حتي‏ ‏الآن‏ ‏سبعة‏ ‏أجزاء‏ ‏من‏ ‏كتب‏ ‏تحمل‏ ‏الآلاف‏ ‏من‏ ‏المعجزات‏.‏
‏** ‏في‏ ‏الأيام‏ ‏الأخيرة‏ ‏من‏ ‏حياتها‏ ‏كانت‏ ‏تتحامل‏ ‏علي‏ ‏نفسها‏
‏رغم‏ ‏شدة‏ ‏آلام‏ ‏المرض‏ ‏وتقابل‏ ‏أولادها‏ ‏خاصة‏ ‏إذ‏ ‏ما‏ ‏أحست‏ ‏أن‏ ‏أحدهم‏ ‏يواجه‏ ‏مشكلة‏ ‏تحتاج‏ ‏إلي‏ ‏صلوات‏.‏
مفاجأة‏ ‏البركات
‏* ‏المعلم‏ ‏إبراهيم‏ ‏جرجس‏ ‏جريس‏ ‏
صاحب‏ ‏شركة‏ ‏مقاولات‏ ‏معروف‏ ‏بمحبته‏ ‏للآباء‏ ‏والأديرة‏,‏
فلم‏ ‏يكن‏ ‏مفاجأة‏ ‏أن‏ ‏أراه‏ ‏مبكرا‏ ‏في‏ ‏دير‏ ‏أبي‏ ‏سيفين‏..‏المفاجأة‏ ‏كانت‏ ‏فيما‏ ‏حكاه‏ ‏عن‏ ‏الأم‏ ‏إيريني‏..‏قال‏:‏
‏** ‏أعرفها‏ ‏منذ‏ ‏أكثر‏ ‏من‏ 25 ‏سنة‏..‏وكات‏ ‏سبب‏ ‏بركة‏ ‏كبيرة‏ ‏في‏ ‏حياتي‏ ‏وأعمالي‏..‏
وأخذت‏ ‏بركة‏ ‏الاشتراك‏ ‏في‏ ‏تعمير‏ ‏دير‏ ‏أبي‏ ‏سيفين‏ ‏وإنشاء‏ ‏مبان‏ ‏جديدة‏ ‏وسكن‏ ‏للراهبات‏ ‏وكنيسة‏ ‏وسور‏ ‏للدير‏..
‏وكانت‏ ‏كل‏ ‏الأعمال‏ ‏تمضي‏ ‏في‏ ‏سهولة‏ ‏غير‏ ‏عادية‏ ‏وكنا‏ ‏نلمس‏ ‏بركة‏ ‏المكان‏..‏كانت‏ ‏دقيقة‏ ‏ومنظمة‏
‏وتلفت‏ ‏الأنظار‏ ‏في‏ ‏محبة‏ ‏دون‏ ‏أن‏ ‏تتدخل‏ ‏في‏ ‏عمل‏ ‏أحد‏..‏ومحبتها‏ ‏وبركتها‏ ‏جذبت‏ ‏الكثيرين‏ ‏للعمل‏ ‏من‏ ‏كل‏ ‏التخصصات‏.‏
‏** ‏عندما‏ ‏شرعت‏ ‏في‏ ‏بناء‏ ‏دير‏ ‏للراهبات‏
‏في‏ ‏سيدي‏ ‏كرير‏ ‏أخذت‏ ‏بركة‏ ‏العمل‏ ‏معها‏ ‏هناك‏..‏أذكر‏ ‏عندما‏ ‏بدأنا‏ ‏العمل‏ ‏هناك‏ ‏بعد‏ ‏عيد‏ ‏القيامة‏-‏أبريل‏ 1987- ‏كنت‏ ‏أتوقع‏ ‏أن‏ ‏يستغرق‏ ‏هذا‏ ‏العمل‏ ‏سنوات‏ ‏لأننا‏ ‏لانستطيع‏ ‏أن‏ ‏نعمل‏ ‏في‏ ‏هذا‏ ‏المكان‏ ‏إلا‏ ‏في‏ ‏شهور‏ ‏الصيف‏ ‏فقط‏..‏
ولكن‏ ‏فيما‏ ‏يشبه‏ ‏المعجزات‏ ‏كان‏ ‏كل‏ ‏شيء‏ ‏يتم‏ ‏بسرعة‏ ‏غريبة‏..‏ولايصدق‏ ‏أحد‏- ‏حتي‏ ‏أنا‏ ‏لم‏ ‏أصدق‏ ‏نفسي‏- ‏أن‏ ‏ينتهي‏ ‏بناء‏ ‏وتشطيب‏ ‏وتأثيث‏ ‏الكنيسة‏ ‏في‏ ‏شهرين‏ ‏فقط‏ ‏وهو‏ ‏عمل‏ ‏يستغرق‏ ‏عادة‏ ‏أربع‏ ‏سنوات‏..‏ولا‏ ‏أنسي‏ ‏أبدا‏ ‏هذا‏ ‏اليوم‏ -17 ‏أكتوبر‏ 1987- ‏أثناء‏ ‏قداس‏ ‏تدشين‏ ‏الكنيسة‏ ‏ظهر‏ ‏القديس‏ ‏أبو‏ ‏سيفين‏..‏وتمجد‏ ‏اسم‏ ‏الرب‏,‏وعرف‏ ‏الجميع‏ ‏سر‏ ‏بناء‏ ‏الكنيسة‏ ‏في‏ 60 ‏يوما‏..‏وأحمد‏ ‏الله‏ ‏علي‏ ‏أنني‏ ‏أخذت‏ ‏بركة‏ ‏هذا‏ ‏العمل‏,‏وبركة‏ ‏العمل‏ ‏مع‏ ‏أمنا‏ ‏إيريني‏,‏وهي‏ ‏بمحبتها‏ ‏الكبيرة‏ ‏لن‏ ‏تتركنا‏ ‏أبدا‏ ‏

رد: بمناسبة عيد نياحة الام ايريني طيبة الذكر
 

تماف إيريني وحكاية توبه
كنت فى كرير وباعمل إجتماعات للشعب يومياً لمد خمسة أيام .. أحكى لهم معجزات وبعد الإجتماع نأخذ بركة الحاضرين فى طابور واحد وأثناء وقوف الحاضرين فى الطابور لاحظت مدام تبكى بحرقه قلت لأمنا كيريا أحجزيها لى وسألتها ليه بتبكى ؟ قالت زوجى صعب خالص وأخلاقه وحشة جداً, عندنا ثلاثة أولاد على الرغم من ذلك يرجع من الشغل يأكل ويستحم ويخرج بعد ذلك ويجى كل يوم وش الصبح شارب ومترنح بيلعب قمار وخمرة ويروح الأماكن الوحشة ومصاحب ستات وحشين ولو كلمته كلمة واحدة يشتمنى ويضربنى لدرجة أنه كسر مره رجلى ومره يدى وأنا خايفه لو عرف أنى جيت الدير هايضربنى..تاماف قالت لها متزعليش هانصلى كلنا ونصوم 3 ايام وإنتى صومى معانا ونطلب صلوات أمنا العدرا والشهيد ..تانى يوم لم تحضر كذلك اليوم الثالث وفى رابع يوم جائت ومعاها زوجها وقال لى عايزك يا أمنا قلت له حاضر وقعدت معاه وقال لى أنا باعمل كل الخطايا والشرور وراح يحكى حاجة تقشعر لها الأبدان بقيت مش قادرة أسمع كلامه وأكمل قائلاً :لما رجعت من الشغل وسألت عن المدام وعرفت إنها فى الدير شتمت على الشهيد وعليكى لما قلت يا بس ولما رجعت المدام ضربتها علقة متينه وخرجت أسهر كالعادة وأشرب الخمر زى كل يوم ورجعت وش الصبح مترنح ونمت ولكنى صحيت على صوت دربكه جامده فى الغرفه فتحت عينى لقيت الشهيد أبى سيفين منوّر فى الضلمه وراكب على حصانه البنى وقال لى بتشتم علىّ وعلى امنا إيرينى ليه ؟ الحياة إن مهما طالت هتنتهى ويبقى الجسد تراب والروح تظل فى أبدية لا تنتهى , إما فى الفردوس لو أعمالها كويسة إما فى الجحيم والعذاب الذى لا يطاق .. لماذا لا تفكر فى أبديتك ! أين جدودك وأبوك وأمك ...كلهم ماتوا وإنت التانى هاتموت لماذا لا تستعد !؟ العمر بيجرى وبأعمالك ليس لك خلاص توب قبل ما تندم فى وقت لا ينفع فيه الندم مادمت حى لك الفرصه للتوبة لكن بعد ما تموت يتقفل باب الرحمة وأنت مش ضامن عمرك فى لحظة..صحبك الفلانى نام وماصحيش وكان مش عيان لماذا لا تستعد لاخرتك!؟ إنت بتعمل كذا وكذا وصارحه بخطاياه فإنسحق جداً وأخذ يبكى كالأطفال فقال له لا تحزن لك فرصة روح توب فسأل الشهيد هل ربنا يقبل توبتى طبعاً ربنا تجسد ليخلص الخطاه وكل إللى بيعملوا الشرور زيك لو ماتوا يروحوا الجحيم حيث الكآبه والحزن والآلآم والآنين والظلمه والتنهد والعذاب والدود الذى لا يموت والنار التى لا تطفىء والريحه الكريهة لكن اللى جاهدوا أو نفذوا الوصايا يروحوا الفردوس حيث الفرح والسلام والوجود الدائم فى حضرة الله. إستشهدت وأنا عمرى خمسه وعشرين سنه صحيح تعذبت كتير من أجل الله لكن إتمتعت الآن بمجد لا ينطق به وأبدية لا تنتهى قال الرجل للشهيد إزاى أتوب قال له روح الدير وخلى أمنا إيرينى تقول لك حكايتى وتعرّفك إزاى تتوب . وأدينى جيت وإللى تأمرى بيه أنا هأعمله وقعد يبكى شوفوا إزاى الصلاة بإيمان والصوم تقرب البعيد وتتوب الشرير... قلت له يروح لأب إعترافه أبونا /متياس روفائيل ووصيته عليه فى التليفون فقال لها :ياما شتمته وطردته قالت معلش ده أب هيسامحك وانوى ماتعملش الشر تانى ولا تروح الأماكن الشريره دى تانى وتقطع كل علاقاتك الأثيمه وتبطل إللى بتشربه ده وتحب ربنا وتروح الكنيسة وتعترف وتتناول وتحب بيتك وأولادك وتعمل لآخرتك ... ويتمجد الرب دلوقتى بقى كويس قديس وخادم وبقينا بنتعلم منه والبركه حلّت فى بيته ويعطى الكنيسة بإستمرارومتخصص فى جذب الشباب المنحرف تاب توبه حلوه ياريت نتوب ونجاهد علشان نروح نتمتع بالمجد مع أولادنا فى سماء هرب منها الحزن والكآبه والتنهد والضيق ولا نظن قد فقدنا أولادنا بل ربحناهم فى السماء وصاروا لنا شفعاء وأكتر حاجة تضايق إللى فى السماء إن حد يبكى عليهم ويكون غير متعزى دى نظرة قصيره إنا نفكر بيهم إنهم فرحانين ومبسوطين وفى مجد عظيم وإحنا نتعزى ونتوب ونجاهد لنصل إليهم ولربنا كل المجد إلى الابد أمين

رد: بمناسبة عيد نياحة الام ايريني طيبة الذكر
 

قصة ابو رمحين






تحكى تماف ايرينى على انه كان مره غفير حارس للارض القبلية فى دير الشهيد العظيم ابى سيفين سيدى كرير كان راجل عربى وبيسبب دايما مشاكل كثيرة وفى يوم طلبمبلغ كبير قوى ..قعدت اصلى طول الليل وأعاتب الشهيد ابى سيفين واقول له :دى ارضك اتصرف
تانى يوم الغفير راح مكتب المحامى بتاعنا وقال له : هات راسك ابوسها وحقك على ولما ساله ايه الحكايه قال
انا عايز ابو رمحين يرضى على انا لما جيت انام امبارح لقيت ضابط منير برمحين صحانى وقال لى قوم على حيلك
قلت له حاضر حاضر يا افندم وقمت منطور من مكانى وضربت له سلام
فقال لى:عارف انا مين قلت له لا يا افندم
قال لى : انا ابو سيفين صاحب الارض وانا ابو الراهبات وحكى لى انه استشهد على اسم المسيح ةانه نال عذابات كتيره وحكى لى قصة السيف التانى وفى الاخر قال لى بشدة : تمشى كويس أبسطك وتشوف خير كتير تضر أرضى وتتعب بناتى ح زعلك وتشوف متاعب كتيرة
فقلت له : خلاص حرمت انا ح امشى كويس تمام ثم اختفى من امامى فى لمح البصر ماقدرتش انام وقعدت استنى طلوع الشمس علشان أجى اعتذر لكم
وفعلا من يومها مشى كويس وكل مايتعوج نفكره على طول بالشهيد ابى سيفين والكلام اللى قاله
بركة شفعاته تكون معانا امين

رد: بمناسبة عيد نياحة الام ايريني طيبة الذكر
 

العذراء والام ايرينى




اشكر ربى والهى انه سمح بهذه التجربة الجميلة ليتمجد اسمه العظيم فى هذه البلد التى نقيم فيها وهى بلد اسلامية فى البداية كان زوجى يعانى من دم فى البول وتعب بسيط فى جنبه الشمال وازداد الدم بشكل فظيع لمدة اربعة ايام قبل اسبوع الالام وبعد عمل تحاليل واشعات تبين انه يوجد ورم فى الكلى الشمال وتسببت فى تضخم بالكليى وفى خلال ايام تمت العملية لتخوف الدكتور الجراح من انتشار الورم فى اجزاء اخرى من الجسم وتمت العملية والحمدلله بنجاح وتم عمل تحليل اخرى للاطمئنان من نجاح العملية والورم وكان معنا فى يوم العملية ستر من انبوبة رفات مارمينا ومنديل ابونا فانوس وكتاب لامنا ايرينى وكل اصدقائنا كانوا بيصلوا بحرارة لانهم كانوا بيحبوا زوجى جدا وخايفين عليه وفى نفس الحجرة كان يوميا يتعمل صلاه للرب ليتمم الشفاء لزوجى جميع الدكاترة اكدوا انه لازم من اخذ كيماوى لكى لا يرجع هذا الورم مرة اخرى وكان زوجى وانا متخوفين من الكيماوى ولكن لتظهر يد العذراء وامنا ايرينى طلبت منهم لا يجرب الرب على زوجى بالكيماوى وفعلا اكد لنا اكبر واعظم جراح شافى يوم سبت الفرح ان زوجى لايحتاج الى كيماوى ولاحتى مرة واحدة مثل مالدكاترة كرروا ولكى نفرح بقيامة رب المجد وهو اعظم طبيب فهو الجراح الشافى وببركة امنا العذراء مريم وامنا ايرينى لانه لم يتركونا ابد ولكى يتمجد اسم الرب فى هذه البلد

رد: بمناسبة عيد نياحة الام ايريني طيبة الذكر
 

رد: بمناسبة عيد نياحة الام ايريني طيبة الذكر
 

رد: بمناسبة عيد نياحة الام ايريني طيبة الذكر
 

تماف ايرينى وصلت لدرجة السياحة

كثيراً كانوا يبحثون عنها داخل الدير ولم يجدوها فكان يسمح لها رب المجد الانتقال بجسدها إلي أماكن كثيرة متفرقة لبعض الوقت فأنا أتذكر قصة واحد اسمه عم حنا، كان عنده مشكلة قضية رأي عام وكان موقفه في هذه المشكلة صعب جداً فجاءت للدير زوجته وابنته لمقابلة تماف ايريني وهما في حالة انهيار لأنه مهدد بالسجن وعند مقابلتها تكلمت معهما وبعثت لهما الهدوء والطمأنينة والسلام وقالت لهم «متخافوش هيطلع براءة» بس خدوا الزيت ده وخلوه يدهن منه. وبعد مرور 3 أيام ببركة رب المجد كنت في الدير ففوجئنا بدخول عم حنا وزوجته وابنته وعلي وجوههم علامات السعادة وعندما سألناه عما حدث قال أنا حصلتلي معجزة، وبدأ يقص لنا المعجزة وهي: إن القديس العظيم أبوسيفين ظهر لابنته قبل القضية بيوم وقال لها «متخفيش باباكي هيطلع براءة بكره وعلشان تتأكدي انك مبتحلميش خدي الزيت ده وخليه يدهن منه الصبح» وفعلاً في الصباح وجدت زجاجة الزيت موجودة ودهنت منه وبعد قليل جاءني استدعاء النيابة ففي كل مرة كانوا يحطوا الحديد في ايدي واركب العربية مع المتهمين في الخلف ولكن في هذه المرة قال لي الضابط «تعالي يا عم حنا اركب معايا العربية من قدام» وعندما ذهبت إلي المحكمة انتابني قلق شديد فاضطرب قلبي وقال مش معقول أنا هطلع براءة فصرخت من أعماق قلبي إلي أبوسيفين وتماف ايريني.
وأشهد أمام هذا المذبح الطاهر أني وجدت تماف ايريني أمامي بجسدها وشكلها وابتسامتها فشعرت بسلام داخلي فقالت «براءة يا عم حنا» وفي نفس اللحظة سمعت نطق المحكمة ببراءتي.
الدكتور ايهاب ويقول انا متذكر موقف تماف ايريني عندما زعلت منه بسبب إعلان الرؤية أمامنا جميعاً وقالت له ده ابوسيفين يا عم بس انت اتهيأ لك، ولكن عم حنا يؤكد أنها تماف ايريني بجسدها.

رد: بمناسبة عيد نياحة الام ايريني طيبة الذكر
 

معجزة لحبيب تماف ايرينى

تحكى ايرينى وتقول نظراً لاننى كنت اتسم فى طفولتى بالشجاعة ،ففى يوم 17/3/1985 حيث كنت فى الصف الاول الابتدائى وفى الحصة دخلت الفصل ووجدت احدى زميلاتى تجلس على مقعدى فظللت اقنع فيها انها تقوم من مكانى ولكنها رفضت ودخلت مدرسة الفصل وقالت لى اجسلى فى اى مكان ولكنى اصريت على مكانى وكانت المدرسة واقفة فى اول الفصل وانا فى المنتصف وكانت بيدها مسطرة وصوبتها تجاهى فجاء طرف المسطرة فى عينى اليمنى ...وفى الحال شعرت بدوار شديد وأحسست بما يشبه الماء ينزل من عينى فوضعت يدى على عينى وخفت ان ارفعها لانى شعرت بان كل مابداخلها ينزلق الى الخارج
واضطربت المدرسة واخذتنى للعيادة وارسلت المديرة اخى لماما من غير مايعرف وظنت ماما انها تريدها بخصوص الغياب فقالت لاخى اعتذر ليها و قولها ماما هاتيجى بكرة
فقالت المديرة خلاص ياجورج خد اختك وارجع معها ونحن فى الطريق قابلنا ماما فى الشارع وعندما رأت
منظر عينى صرخت وسقطت على الارض
وعندما ذهبنا للمستشفى وجاء والدى ويقول الاب :-
فأخبرنى الدكتور الأخصائى بعد الكشف عليها بحدوث إنفجار بالعين اليمنى وبروز القزحية وجرح بالقرنية مع وجود نزيف با لخزانة الامامية والعين لاترى الضوء وكما اخبرنى بضرورة اقرار بالموافقة على استئصال العين ،تردد ت ولكنى وافقت لان ده كان الحل الوحيد
ولكن كان هناك ساعة و نصف لحد ماغرفة العمليات تفضى
فذهبت لكنيسة العدرا بمسرة حيث تقابلت مع القمص مرقس بشارة واخبرته بما حدث فاعطانى ابونا زيت للشهيد ابو سيفين لادهن بيه الطفلة به فاسرعت الى المستشفى ووجدت احد الاباء الكهنة فاعطته الزيت المصلى وقام بدهن ايرينى به.
حضر بعد ذلك الطبيب ودخلت ابنتى الى العمليات وانتظرنا حوالى ساعتين بالخارج ولم نكف عن طلب صلوات الشهيد ابو سيفين واخيرا

وجدنا الطبيب يخرج من غرفة العمليات يضرب كفاً على كف وفى حالة تعجب وذهول
وكان يقول:- " ايه اللى حصل ؟ انا دخلت علشان أستأصل العين ،
فوجدت العين سليمة وكل اللى علىّ هو تثبيت العين فقط........."
قلت:" اشرح لنا يادكتور ماحدث.."
قال: انا مش عارف انتم بتعملوا ايه؟ ايه الزيت ده اللى انتم دهنتم به الطفلة؟.... كان فيه ايه؟
قلت:" ده زيت بركة أخدته من الكنيسة..."
قال انتم فيكم حاجة لربنا وربنا وقف معاكم .. على اى حال سيتم رفع القطن الموضوع على العين بعد 3 اسابيع
وبالفعل حدث هذا وسأل الطفلة عن رؤيتها فوجدناها ترى بوضوح

ثم تكمل ايرينى ماحدث لها وتقول:-

لما دخلت غرفة العمليات سمعت جرس كنيسة يرن بقوة ،ثم رأيت قبة كنيسة عالية وكبيرة جدا
وسمعت قداس وألحان جميلة ..ثم رأيت وراء القبة حصان لونه بنى محمر وواحد راكب عليه وماسك حديدين بيلمعوا زى الدهب فى ايديه .. وهو لابس لبس ضابط .. ووجهه كان مبتسماً .. الحصان كان بيرتفع لفوق لغاية لما ظهر من أمام القبة ثم نزل الضابط من على الحصان وجلس بجوارى على السرير ونادانى بإسمى..
"ايرينى .. ايرينى"
فتعجبت فى داخلى لانه عرف اسمى ،فوجدته يكرره مرة ثالثة فقلت " نعم"
فقال :"انتى ياحبيبتى بتعيطى ليه ؟
فقلت اصل عينى بتوجعنى............ ... فقال:" وانتى خايفة؟
فاجبته بشجاعة وقلت:"لا... انا مش خايفة ... انا عارفة ان بابا يسوع حيعمل لى العملية.."
فقال:" طيب انت متخافيش وانا هارجع ليكى عينك أحسن من الاول
بس قولى لبابا وماما انك لازم تتناولى اوعى تنسى يا إيرينى
ثم كرر الجملة مرتين بضرورة التناول..ثم طبطب على كتفى بإيده وقال
ماتخافيش .. ثم ركب الحصان وبدأ يرتفع الى اعلى لغاية مارجع من وراء القبة
وفعلاً حضر ابونا فى اليوم التالى وناولنى من الاسرار المقدسة...
ويقول الوالد : فى ذلك الوقت لم نكن قد تعرفنا على الشهيد ابى سيفين فظنت والدتها
انه مارجرجس .. فلما رويت ماحدث للقمص مرقس الذى اعطانى الزيت
قال لى : " انا الذى رأته ايرينى هو الشهيد ابو سيفين وله دير للراهبات فى مصر القديمة
فذهبنا اللى الدير وسجلنا المعجزة بعد فحص اكتر من دكتور والتقارير مرسلة مع المعجزة
فشكرا للرب الذى يعمل كل الخير لأولاده بشفاعة قديسيه
الرب يكون معاكم ويسندكم ويحفظ حياتكم بشفاعة ام النور مريم والقديس العظيم
فيلوباتير مرقريوس ابو سيفين وتماف ايرينى وجميع مصاف قديسيه..آمين

رد: بمناسبة عيد نياحة الام ايريني طيبة الذكر
 

معجزة لحبيب تماف ايرينى

تحكى ايرينى وتقول نظراً لاننى كنت اتسم فى طفولتى بالشجاعة ،ففى يوم 17/3/1985 حيث كنت فى الصف الاول الابتدائى وفى الحصة دخلت الفصل ووجدت احدى زميلاتى تجلس على مقعدى فظللت اقنع فيها انها تقوم من مكانى ولكنها رفضت ودخلت مدرسة الفصل وقالت لى اجسلى فى اى مكان ولكنى اصريت على مكانى وكانت المدرسة واقفة فى اول الفصل وانا فى المنتصف وكانت بيدها مسطرة وصوبتها تجاهى فجاء طرف المسطرة فى عينى اليمنى ...وفى الحال شعرت بدوار شديد وأحسست بما يشبه الماء ينزل من عينى فوضعت يدى على عينى وخفت ان ارفعها لانى شعرت بان كل مابداخلها ينزلق الى الخارج
واضطربت المدرسة واخذتنى للعيادة وارسلت المديرة اخى لماما من غير مايعرف وظنت ماما انها تريدها بخصوص الغياب فقالت لاخى اعتذر ليها و قولها ماما هاتيجى بكرة
فقالت المديرة خلاص ياجورج خد اختك وارجع معها ونحن فى الطريق قابلنا ماما فى الشارع وعندما رأت
منظر عينى صرخت وسقطت على الارض
وعندما ذهبنا للمستشفى وجاء والدى ويقول الاب :-
فأخبرنى الدكتور الأخصائى بعد الكشف عليها بحدوث إنفجار بالعين اليمنى وبروز القزحية وجرح بالقرنية مع وجود نزيف با لخزانة الامامية والعين لاترى الضوء وكما اخبرنى بضرورة اقرار بالموافقة على استئصال العين ،تردد ت ولكنى وافقت لان ده كان الحل الوحيد
ولكن كان هناك ساعة و نصف لحد ماغرفة العمليات تفضى
فذهبت لكنيسة العدرا بمسرة حيث تقابلت مع القمص مرقس بشارة واخبرته بما حدث فاعطانى ابونا زيت للشهيد ابو سيفين لادهن بيه الطفلة به فاسرعت الى المستشفى ووجدت احد الاباء الكهنة فاعطته الزيت المصلى وقام بدهن ايرينى به.
حضر بعد ذلك الطبيب ودخلت ابنتى الى العمليات وانتظرنا حوالى ساعتين بالخارج ولم نكف عن طلب صلوات الشهيد ابو سيفين واخيرا

وجدنا الطبيب يخرج من غرفة العمليات يضرب كفاً على كف وفى حالة تعجب وذهول
وكان يقول:- " ايه اللى حصل ؟ انا دخلت علشان أستأصل العين ،
فوجدت العين سليمة وكل اللى علىّ هو تثبيت العين فقط........."
قلت:" اشرح لنا يادكتور ماحدث.."
قال: انا مش عارف انتم بتعملوا ايه؟ ايه الزيت ده اللى انتم دهنتم به الطفلة؟.... كان فيه ايه؟
قلت:" ده زيت بركة أخدته من الكنيسة..."
قال انتم فيكم حاجة لربنا وربنا وقف معاكم .. على اى حال سيتم رفع القطن الموضوع على العين بعد 3 اسابيع
وبالفعل حدث هذا وسأل الطفلة عن رؤيتها فوجدناها ترى بوضوح

ثم تكمل ايرينى ماحدث لها وتقول:-

لما دخلت غرفة العمليات سمعت جرس كنيسة يرن بقوة ،ثم رأيت قبة كنيسة عالية وكبيرة جدا
وسمعت قداس وألحان جميلة ..ثم رأيت وراء القبة حصان لونه بنى محمر وواحد راكب عليه وماسك حديدين بيلمعوا زى الدهب فى ايديه .. وهو لابس لبس ضابط .. ووجهه كان مبتسماً .. الحصان كان بيرتفع لفوق لغاية لما ظهر من أمام القبة ثم نزل الضابط من على الحصان وجلس بجوارى على السرير ونادانى بإسمى..
"ايرينى .. ايرينى"
فتعجبت فى داخلى لانه عرف اسمى ،فوجدته يكرره مرة ثالثة فقلت " نعم"
فقال :"انتى ياحبيبتى بتعيطى ليه ؟
فقلت اصل عينى بتوجعنى............ ... فقال:" وانتى خايفة؟
فاجبته بشجاعة وقلت:"لا... انا مش خايفة ... انا عارفة ان بابا يسوع حيعمل لى العملية.."
فقال:" طيب انت متخافيش وانا هارجع ليكى عينك أحسن من الاول
بس قولى لبابا وماما انك لازم تتناولى اوعى تنسى يا إيرينى
ثم كرر الجملة مرتين بضرورة التناول..ثم طبطب على كتفى بإيده وقال
ماتخافيش .. ثم ركب الحصان وبدأ يرتفع الى اعلى لغاية مارجع من وراء القبة
وفعلاً حضر ابونا فى اليوم التالى وناولنى من الاسرار المقدسة...
ويقول الوالد : فى ذلك الوقت لم نكن قد تعرفنا على الشهيد ابى سيفين فظنت والدتها
انه مارجرجس .. فلما رويت ماحدث للقمص مرقس الذى اعطانى الزيت
قال لى : " انا الذى رأته ايرينى هو الشهيد ابو سيفين وله دير للراهبات فى مصر القديمة
فذهبنا اللى الدير وسجلنا المعجزة بعد فحص اكتر من دكتور والتقارير مرسلة مع المعجزة
فشكرا للرب الذى يعمل كل الخير لأولاده بشفاعة قديسيه
الرب يكون معاكم ويسندكم ويحفظ حياتكم بشفاعة ام النور مريم والقديس العظيم
فيلوباتير مرقريوس ابو سيفين وتماف ايرينى وجميع مصاف قديسيه..آمين

رد: بمناسبة عيد نياحة الام ايريني طيبة الذكر
 

امنا ايرينى والمولودة ايرينى

كان في واحدة متجوزة من 14 سنة وربنا لم يرزقهم باطفال ذهبوا لعدد كبير من الاطباء وقاموا بعمل عمليتين اطفال انابيب ولم يحالفهم الحظ ايضا المهم كانت في رحلة الي دير القديس العظيم ابي سيفين فراحت هي وزوجها وقابلوا امنا ايريني وقالتلها هيتجيبي ايريني بس خدي بركة جسد ابي سيفين وبعد كدة برضوا لم يحدث حمل وتنيحت امنا الغالية ايريني يوم 31\10 فذذهبت اليها هذة الزوجة يوم 1\11 لتودعها هذة السيدة قالتلها ياامنا ايريني انت لبوقتي في حضن المسيح وام الرب اتشفعيلي قدامهم عشان الحمل وفعلا بعدها بشهر شعرت باعراض الحمل فالاطباء كانوا عاوزين يعملوا اشعة علشان يعرفوا نوع الجنين وحجمة فهي قالتلهم اطمنوا دي بنت لان دي مش محتاجة اشعة لان السما هي اللي بشرتني اني هجيب ايريني بركة صلوا امنا ايريني تكون مع الجميع ++++++++امين+++++++++

رد: بمناسبة عيد نياحة الام ايريني طيبة الذكر
 

*** معجزة لامنا ايريني جميلة جدا ***

هو شاب يعمل
بأحد المطابع التى كُلفت بطباعة صور طماف إيرينى .

ولما رأى
القداسة فى الصور وكذلك عدد الصورالكبير الذى يطلب من
المطبعة بأستمرار..

طلب من
الخادم الذى يوصل الصور الى الدير أن يخذ منه ورقه
ويضعها عند قبر أمنا ايرينى وفعل الخادم ...

وفى الزيارة
التاليه للخادم للمطبعة ..

فوجئ بهذا
الشاب يسأله " أيه الىّ عملته فىّ ده"..

رد الخادم
"عملت فيك أيه؟ ..

" قال
الشاب ماذا فعلت بالورقة التى أعطيتها
لك"..

رد الخادم
"حطيتهالك عند أمنا أيرينى زى ماطلبت !"

ففوجئ
بالشاب يبكى ويقول له سأحكى لك ماحدث بسبب هذه الورقة

أنا معتاد
السهر يوميا مع أصدقاء السوء

وفى الليله
التى أعطيتك فيها الورقة ..

سهرت معهم
وكالمعتاد كان هناك أشياء خطاءة كثيرة من شرب خمر وخلافه

وعدت الى
المنزل بعد منتصف الليل ودخلت أنام فورا

وبعد قليل أحسست بشئ يوقظنى من النوم

وفوجئت
بأمنا معى فى الحجرة

صرخت
"أنتى أمنا إيرينى أنا عارفك من الصور"

ردت عليه
أيوه أنا

هو أنت مش
طلبت منى أصلى لك

قلت لها
"أنا؟"

قالت أيوه
أنت مش بعتلى ورقه أنهارده

هو يصّح
برده تطلب منى أصلى لك وبعدين تعمل اللى بتعمله ده ...

أنا مش عيزاك ترجع للحجات الوحشه دى تانى ... وأختفت بعد ذلك

وطلب هذا
الشاب من الخادم أن يأخذه معه للدير
لزيارة أبى سيفين وطماف إيرينى ويوعدهم مش حيرجع تانى للى كان بيعمله

ًصلاتها
تكون معنا.

رد: بمناسبة عيد نياحة الام ايريني طيبة الذكر
 

من معجزات الأم ايرينى رئيسة دير الشهيد العظيم مرقوريوس أبو سيفين للراهبات






النجاة من الموت

تقول إحدى الراهبات: أثناء سفر أمنا الغالية الى احدى رحلاتها العلاجية الى أمريكا فى 1999م كنت أقضى فترة فى ديرنا بالقناطر ، وذات يوم بعد أن أخذت حقنة الأنسولين ..لانى مريضة بالسكر .. خرجت من قلايتى بالدور الثالث وأخذت الأسانسير للنزول الى المائدة ، وفجأه انقطع التيار الكهربائى وتوقف الأسانسير فى المسافة بين دورين وكان الباب مصوجر لايمكن فتحه.. اخذت أخبط على حوائط الأسانسير من الداخل حتى يسمعنى أحد ، لكن دون جدوى.
ومن المعروف ان انقطاع التيار الكهربائى فى القناطر لايعود مرة ثانية الا بعد وقت طويل يصل أحياناً الى نصف يوم او اكتر، وفجأه شعرت بهبوط شديد ورعشة فى كل جسمى وعرق غزير كبداية كومة سكر واطى من حقنة الأنسولين .. فى الحقيقة من كترة تعبى، شعرت اننى فى حالة موت ولامفر منها، فقدمت توبة وأخذت أصلى وأبكى .. وقلت فى داخلى " كده برضه ياتماف دا انتى بتحسى بالناس كلها، مش حاسة بىّ .. حَ أموت وأنا داخل الأسانسير ..، وفى الحال لقيت حد بيفتح الباب ، ولكن كان هناك فرق حوالى مترين بين المكان الذى توقف فيه الأسانسير والدور التانى، فقلت :
"خلاص حَ أنط ولو انكسرت أحسن من المشكلة اللى أنا فيها ؛ لما جيت أنط ، لقيت حد بيمسكنى ويسندنى بالراحة لغاية مانزلت الدور التانى .. ووصلت عند أخواتى فى المطبخ وانا فى حالة انهيار من الموقف فأسعفونى بسرعة ، وحكيت لهن عما حدث والكل فى ذهول وتعجب : كيف يفتح باب الاسانسير المصوجر من ذاته ، لأنهن بعد ذلك وجدنه مغلقاً ومغلقاً فى مكانه بين الأدوار إذ أن التيار الكهربائى كان مازال منقطعاً ..

فى ظهر اليوم التالى ،اتصلت بنا أمنا الغالية تليفونياً من أمريكا لتطمئن على أخبارنا ، وسألت على الجميع واحدة واحدة .. وفى مثل هذه المكالمات تكون السماعة دائماً مفتوحة وكلنا بنسمعها فى وقت واحد ونكلمها ، إلا أنها فى نهاية المكالمة قالت:

فين أمنا (فلانة) عاوزة أسمع صوتها ... هى عاملة إيه دلوقتى؟ هىّ لسه عايشة؟
فأجبت : أنا عايشة بصلواتك يا تماف.
فقالت لى : إنتى أحسن من إمبارح؟
فقلت لها : هو أنتى حسيتى بيّ ؟!
فقالت لى : ماتعمليش كده تانى، إما تخلى أكل عندك فى القلاية أو إما تاخدى حقنة الأنسولين معاكى وتاخديها لما تنزلى.

فشكرت ربنا على محبته وحنانه وتعجبت على مواهبه الفياضة التى تفوق العقول والإدراك ، فيسمح لأمنا الغالية بأن تشعر بنا وترعانا، رغم بُعد المسافات عيناها دائماً علينا.
فليتمجد إسم الله فى قديسيه. بركة شفاعة وصلوات تماف إيرينى تكون مع جميعنا. آمين.

رد: بمناسبة عيد نياحة الام ايريني طيبة الذكر
 

بالفيـديو : معجزات ابى سيفين بصوت الام ايرينى

‫ظ…ط¹ط¬ط²ط§طھ ط§ط¨ظ‰ ط³ظٹظپظٹظ† ط¨طµظˆطھ ط§ظ„ط§ظ… ط§ظٹط±ظٹظ†ظ‰â€¬â€ژ - YouTube

رد: بمناسبة عيد نياحة الام ايريني طيبة الذكر
 

من معجزات الأم إيرينى شفاء الجنين من عيب خلقى




كتبت السيدة الفاضلة/ س . ن - اليونان

تزوجت وسافرت لأثينا - اليونان للعيش هناك وهناك اكتشفت اننى حامل وذهبت لعمل تحاليل وكانت النتيجة سيئة جداً حيث اكدت النتيجة ان هناك عيب فى الطفل وانه سوف يولد بعيب خلقى ولكنهم لا يستطيعوا تحديد العيب إلا عن طريق اخذ عينه من السائل الذى يوجد حول الجنين وهذة العملية بها خطر كبير على الطفل حيث توجد نسبة كبيرة انه بعد اخذ العينة ان يتم اجهاض للطفل.

وكنت فى حزن شديد جدا وكنت فى عتاب دائم لتماف ايرينى حيث اننى كنت اتمنى دائماً ان انجب فتاة واسميها ايرينى على اسم تماف ايرينى وذهبنا لأكثر من دكتور بالتحاليل والذين اكدوا ضرورة اجراء تلك العملية حيث انه من الافضل فى حالة وجود عيب خلقى عدم الاحتفاظ بالجنين. ولكننى رفضت القيام بتلك العملية وقررت عدم اجرائها وقلت لزوجى دى عطية ربنا لازم نقبلها وكنت دائمة على طلب امنا ايرينى وذهبنا لدكتور اخر والذى قرر انه علينا عمل تحاليل اخرى ويضا كتابة اقرار انه غير مسئول عن اذا كانت النتيجة الثانية للتحاليل مثل الاولى وقررنا الاحتفاظ بالطفل فهو غير مسئول.

وقد وافقت على ذلك وقلت اكتب اللى هو عاوزه وفي يوم قبل ذهابى لعمل تلك التحاليل واثناء ذهابى للنوم بكيت وعاتبت امنا يرينى والعدرا والبابا كيرلس وقلت كده برضه يا تماف انا نفسى فى بنت واسميها على اسمك اوعى تسبينى واثناء نومى شعرت بخبطة على اعلى بطنى و ظننت انها الطفلة وعند ذهابى لتكرار التحاليل وقبل اين يقوم الطبيب بوضع الجهاز قلت ايديك يا عدرا انتى وتماف قبل ايديه وقام الطبيب بالتحاليل وكانت التحاليل ان الطفلة سليمة 100% ولا يوجد بها عيب وكانت فرحتى كبيرة جدا جدا وكنت اراها على الشاشة تتحرك وقلت للطبيب هى بتتحرك بس انا مش حاسة بيها خالص فأكد لى الطبيب ان انا مش هحس بيها دلوقتى لسه شوية وقد فاتنى ان اقول انه حين بدأ الكشف وضع الاشعة على بطنى غير المكان اللى حسيت فيه بالضربة وقال هى لسة ما طلعتش فوق وهنا تأكدت شكوكى ان ربنا سمع لصلوات امنا ايرينى واثناء الولادة كنت بنادى عليها وتمت الولادة بسهولة نشكر ربنا وكان الدكتور الخاص بى وهو يونانى يبتسم جدا وكان فعلا فرحان وقال لى دى بجد معجزة خصوصا ان دى اول ولادة وكان مبسوط وقال ربنا كان معاكى.

ونشكر ربنا وجت ايرينى بنت جميلة وكان نفسى انزل واعمدها عند تماف في دير ابو سيفين بس معرفتش لكن علشان ربنا يعرفنى انه عمل معايا معجزة وبرضه مايزعلنيش اتعمدت فى كنيسة ابو سيفين بالاسكندرية علشان كنت بقول نفسى اعمدها عند ابو سيفين وتماف ايرينى وقد كان.
بركة صلوات امنا يرينى تحافظ علينا وتبارك ايرينى الصغيرة وتكون بنت المسيح ولألهنا المجد والكرامة إلى الأبد. أمين.

رد: بمناسبة عيد نياحة الام ايريني طيبة الذكر
 

رد: بمناسبة عيد نياحة الام ايريني طيبة الذكر
 

تماف ايرينى تزور حسنى مبارك مع ابو سيفين

http://www.youtube.com/watch?v=CPyhK...layer_embedded

رد: بمناسبة عيد نياحة الام ايريني طيبة الذكر
 

إجتماع تماف إيرينى رئيسة دير الشهيد العظيم فيلوباتير مرقوريوس أبى سيفين

بأهالى كورال فريق أبناء الرسل
( كنيسة مارجرجس هليوبوليس)
شهداء خدمة التسبيح ليلة عيد النيروز بمقر الدير بالقاهرة سنة1999:


أنا كنت باصلى في قلايتى وقت الحادث لقيت نفسي انتقلت بالجسد لمكان الحادث وشفته بالتفصيل
واتألمت جداً وقلت بإسم الصليب أنا فين ؟
إيه إللى باشوفه ده ؟ مين دوّل ؟

سمعت صوت " رحلة كورال مارجرجس هليوبوليس"
وشُفت عامود نور نزل رأسياٍ أوله داخل السماء ونهايته على الأرض فوق الأُتوبيس
ولما نزل عمود النور حسّيت بسلام وظهر حوالين العمود صفين من الملايكه
حلوين ومنورين بطول العامود وبيسبحوا تسابيح جميله
وكل واحد من شبابنا يسلم الروح يلبس توب نورانى هفهاف
والروح تأخذ نفس شكل الجسد بس على أحلى ويبقى منوّر
والملايكه تدى لكل واحد يسلم الروح تاج على رأسه وصليب فى يمينه وشمعه طويلة فى يساره
واللهيب بتاعها نور مش نار وألاقيه هو كمان يسبح نفس تسابيح الملايكه

وإختلطت أصوات تسابيح الملايكه بتسابيح كورال السماء فى زفة جميلة
فى مقدمتها الست العدرا أم النور وهى جميلة جداً ومضيئه
ودايماً الست العدرا تظهر فى توب سماوى فيه صلبان زهبيه
ولكن المره دى توبها نورانى لون العامود النورانى وبرضه فيه صلبان زهبيه
وسمعت صوت مليان حنان وحب وله رنبن جميل يقول "هلموا إلىّ تعالوا إلى الفردوس"

وطلعت الزفة لفوق
الست العدرا إختفت الأول وورائها الملايكه ووراهم القديسين الأبرار(الخورس السماوى)
وبعد أن إختفى الكل طلع العامود رأسى زى ما نزل وإختفى فى السماء
وأنا إتمليت فرح وسلام يا بختهم اغتصبوا الفردوس فى لحظات
وإحنا بنجاهد فى الرهبنه عشرات السنوات وياريت نقدر نحصل على مكانهم فى السماء
أخذوه بالسهل وبصراحه ربنا حنين إختطفهم فى أحسن ساعة لهم
لو كانوا عاشوا بعد كدة مكانوش هيحصلوا على المجد إللى حصلوا عليه
وياريت كلنا نجاهد ونتوب علشان يكون لنا نصيب مع أولادنا فى السماء ونحصل على المجد إللى هم فيه دلوقتى
وإحنا مش لازم نحزن ابداً ولا نبكى

وأنا بصراحه ماكنتش هاحكى لحد الرؤيه دى
لكن اب إعترافى أمرنى لأنها معزيه وقال لى إنتى شوفتيها مش من أجل نفسك لكن من أجل تعزيه الأهالى
ليه نحزن وإحنا بقالنا شفعاء فى السما إحنا نفرح ونتعزى لأننا إطمأنينا عليهم كلهم فى حضن رب المجد
وعايزين نستفيد من الحادث دة اننا نعيش دايماً مستعدين محدش عارف هيروح إمتى
نبقى حلوين وننفذ الوصايا ونعيش حياة التوبة علشان لا نُحرم من مجده ,
أولادنا دوّل بيفكرونى بالأيه "والمستعدات دخلن معه إلى العرس"

كانوا معترفين كلهم ومتناولين من الأسرار المقدسه وروحوا وهم فى أحسن حاله
وهم بيعملوا عمل بمحبه عمل من أجل الفقراء
والسما حلوه جميلة وأنا أحب أحكى لكم شوية حكايات عن الفردوس............ .....

رد: بمناسبة عيد نياحة الام ايريني طيبة الذكر
 

أبو طاقية وجلابية

راجل طيب نجار في أحدى قرى قنا اسمه عم رشدى
كان تقيا و بسيط خالص يشتغل شوية و يصلى شوية و يقرا الانجيل شوية
و مع انه فقير و يعيش عيشة الجفاف الا انه كان يعطف على الفقراء و قلبه كان مليان رحمة
كل ما يشوف حد غلبان يديله طاقية و الجلابية الداخلية الرخيصة ,
مراته تتخانق معاه انا اسهر و اخيط و اتعب و انت توزع !
كان يقول لها بعتهم قدامى فى السما........
مات و كفنوه و حطوه فى الصندوق و قبل ما يقفلوه اتحرك,
ارتعبوا الاهل قال لهم: ما تخافوش انا ها قعد معاكم 3 ايام فقط و بعدين اروح الفردوس تانى
ربنا رجعنى للارض علشان اقول رسالة ...
لما روحى فارقت جسدى الملايكة اخذتنى بزفة الى السما و طلعونى للفردوس
و هناك سجت قدام رب المجد و رحب بى بكل حب و حنان و قال لى انت كنت بتعمل رحمة كتير ياما لبست اخواتى الفقراء جلابيتك و طاقيتك و كنت بسيط و امر الملايكة يعملوا ترنيمة جديدة لقى نفسه بيسبح زى الملايكة تسابيح عمره ما قالها قبل كده و لا يعرفها و امرهم يزوروه مواضع الاباء الشهداء و القديسين وشاف كل قديس و شهيد و الملاك عرفه مين ده
و رب المجد قال له:
يا رشدى انت ها تنزل الارض تانى,
و رد عليه ليه يا رب خلينى معاك دى السما حلوة و كلها فرح و سلام.
قال له 3 ايام فقط و تيجى تانى علشان تقول للناس انهم يعملوا رحمة علشان ارحمهم فى السما و يعيشوا فى مخافتى و ينفذوا وصاياى علشان يتمتعوا بالمجد فى السما و فعلا رقد بعد 3 ايام.

و فى واحدة ارملة لها ابن وحيد ربته فى مخافة الله و اتخرج من كلية الهندسة و كان ها يخطب و هو امل امه الوحيد و راح فى حادثة......
امه حزنت عليه جدا و مش راضية تتعزى و فى يوم قالت انت يا ستى يا عدرا ام حنينة و مجربة مثلى عزينى.....
لاقيت قدامها قمر منور داخل الحجرة اتفلق نصفين و خرجت ستى العدرا منورة و متجسمة و قالت لها ابنك فى مجد عظيم ليه تحزنى عليه روحى لايرينى فى دير ابى سيفين و خليها تحكيلك حكاية ابو طاقية و جلابية علشان تتعزى و تعرفى اد ايه السما حلوة كلها فرح و سلام و تسابيح و نتمتع برب المجد بلا فراق.

رد: بمناسبة عيد نياحة الام ايريني طيبة الذكر
 

خالتى مفيدة

كنا أطفال أنا وخالتى مفيدة بس كانت أكبر منى
وكنا فى لعبنا نتخيل إننا راهبات والخاله كانت جميلة جداً ضغطوا عليها تتخطب وهى عايزة تترهبن
وقبل الإكليل كانت تبكى قدام صورة العدرا قائلة هايجوزونى يا ام النور وأنا عايزة أترهبن
إتجسمت الست العدرا من الصوره وقالت لها:
قوللى لأمك إن ماكنتوش ترضوا لى أروح الدير ستى العدرا هاتأخذنى عروس لإبنها يسوع المسيح رب المجد ..
أمها قالت دى بتخرف علشان تهرب من الزواج وفعلاً قبل الإكليل بيومين تنيحت كما قالت لأمها...

أما بنت أختها تماف إيرينى تعبت جدا وبكت عليها بمراره وحُرقه وهى صاحيه شافت عذارى كتيرلابسين أبيض ومنورين ولابسين صلبان ألماظ وتيجان من ضمنهم الخاله مفيدة
فرحت تماف قوى قوى وقالت مخاطبه خالتها إنتى مش مُتِ أُمال إزاى أنا شايفاكى ؟
ومين دول العذارى الحلوين دوّل ؟
قالت لها ربنا سمح تشُوفينا علشان تتعزى ولا تبكى تانى ودوّل عذارى عاشوا بطهاره فى العالم وجاهدوا
قالت لها خذونى معاكم..
قالت لها :إنتى هاتكبرى وتترهبنى ويبقى ليكى بنات كتير وبعدين تيجى معانا وإحنا دلوقتى رايحين نحضر الإحتفال بعيد إستشهاد القديسة دميانه وأوعى تزعلى ولا تبكى تانى دا إحنا فرحانين جداً والفردوس جميل خالص وإللى مجمله رب المجد يسوع لما حكت للعائله طلع فعلا يومها عيد إستشهاد القديسه دميانه وتعزى الكل

رد: بمناسبة عيد نياحة الام ايريني طيبة الذكر
 

أمنا إيلاريه

كانت راهبه قديسه ومرشحه للرئاسه تبتدى يومها الساعه 12 وتقعد طول الليل تسبح وتصلى
راحت السماء وهى راكعه بتعمل التسبحه ففى راهبه زعلت عليها قوى وكانت دايماً بتبكى عليها ..
وهى بتصلى جالها ملاك ورشم الصليب وقال لها إرشمى الصليب انا هاخدك رحلة للفردوس تشوفى القديسه إيلاريه ... طلعوا لفوق رأسياً ثم إتجهوا أفقياً لقيت نفسها فى مكان جميل مليان خضرة زى القطيفة مكان مليان فرح وسلام فيه ممرات يفصل بين كل ممرين نهر باللورى وكل واحد من القديسين واقف فى ممر وفى نهايته يرى رب المجد فى بهاء عظيم.

الملاك تركها مع أمنا إيلاريه وهى قالت لها ليه تبكى عليّ وأنا فى مجدً عظيم وراحه وسلام
وكلمتها عن السما وحلاوتها وقالت لها : إللى جنبك خضرته أكتر منك قالت لها !
علشان أنا كنت بخيلة محبش أسلف حاجتى ولو لقيت حد محتاج حاجة لا أهتم ...
الراهبه قالت له نفسى أروح لرب المجد ردت عليها ..
لا مينفعش لأنك جايه بالجسد تحرقك نار اللاهوت بَصت الراهبه لقت الملاك جاى وأخدها لرب المجد وكل ما تقترب منه تحس بفرح لا ينطق به وتتملى سلام وتحس بحراره تلسع وجهها.....

يتدفق من عينه حب وحنان وعطف ورقة مليان أبوه وكان نفسها تترمى فى حضنه
وقالت له يا رب مش عايزه أسيبك تانى قال لها لسه لكى رسالة لما تكملى خدمتك هاتيجى "أنا معاكى ماتخفيش "
وقال للملاك وريها مواضع القديسين ومكان أبوها وأمها الأتنين مكانهم جميل لكن الأم مكانها أحسن علشان كانت أكتر بساطه ونقاوة وبعدين الملاك مِسك إيدها ومشوا أفقى ثم رأسى لأسفل ورجعها قلايتها وقعدت بعدها وشها منوّر شهرين ..

لحظات شافت رب المجد فيها وشها ظل منوّر شهرين فما بال أولادنا إللى سبقونا ومتمتعين بحضن ربنا ومتمتعين بالفرح والسلام والمجد يبقى إزاى نزعل عليهم والراهبه دى قعدت سنه كامله متعزيه جداً مهما حصل من ضيقات ومتاعب أو أمراض .

رد: بمناسبة عيد نياحة الام ايريني طيبة الذكر
 

الأنبا مكاريوس

كان قديس كبير لكن قداستة مش ظاهره قوى
وكان طيب وفى نفس الوقت حكيم وكان بسيط ومتضع جداً مع انه أسقف إلا أنه منكر لذاته
يحب ربنا ويكتمل قانون صلواته وميطانياته مهما كان مريض أو كبر سِنه
وكان صريح وواضح وإللى فى قلبه على لسانه ويعمل رحمه كتير ويعطف على الكهنه
وكان بيبنى كنيسه على أسم الست العدرا وطلب ربنا لا تأخذنى إلا لما أكرسها
وخذنى وأنا بصلى القداس والرب أعطاه سؤل قلبه المهم أنه مرة جاتله أزمه قلبية شديده وفارقت روحه جسده وشاف القديس الجسد نايم ( الجسد المائت ) وإتاخد بزفة من الملايكه وأستقبله من القديسين الكبار الأنبا أنطونيوس والثلاث مقارات القديسون والأنبا باخوميوس والأنبا شنوده وفى نصف السكة وهم طالعين إعترضت الزفة ستى العدرا وبسطت يديها وقعدت تصلى يا إبنى وإلهى العظيم لك القدره والمجد والعظمه أنت قادر على كل شىء لو أرددت ترجع روح الأنبا مكاريوس لجسده لأنه طلب منى لا يتنيح إلا لما يكرّس الكنيسة إللى بيبنيها على إسمى

فسمع الجميع صوت قوى فيه رنين يقول ! أمين هكذا يكون
والملايكه دخّلوا روحه فى جسده وأحس بصعوبه كبيرة
وتماف إيرينى كانت هتسافر تحضر جنازة الأنبا مكاريوس فهو أب إعترافها وتعزه جداً
وقبل ما تسافر جالها تليفون مين بيتكلم ؟ أنا مكاريوس وحكى لها وقال أول واحدة أكلمك , قلت ألحقك قبل ما تيجى وتحضرى جنازتى المهم بعد ما كرّس الكنيسة
وهو بيصلى القداس عند القسمة تنيح وكان ماسك بالقربانة المتحوله لجسد الرب ولما وقع على الأرض المفروض القربانه تقع كمان لكن إرتفع جسد الرب بقوة إلهية ونط فى الصينيه وهذا واضح فى فيلم نياحه الأنبا مكاريوس ..

بعد نياحة الأنبا مكاريوس كان أحد أولاده يبكى عليه بحراره
وكان عنده إلتهاب شديد فى المراره يسبب له مغص صعب قوى لم يستطع النوم طوال الليل رغم تناوله للمسكنات والمضادات الحيويه وكان يبكى أبيه المتنيح الأنبا مكاريوس وفى الصباح وقف يصلى حوالى الساعه العاشره
وإذا ملاك الرب يظهر له قائلاً لماذا تبكى على الأنبا مكاريوس ؟
تعالى سوف آخذك إلى الفردوس لترى مقدار المجد إللى فيه الأنبا مكاريوس فلا تبكى عليه مره أُخرى
طلعوا إلى الفردوس فى مكان جميل مليان خضرة ليس لها مثيل وليس لها حدود مكان يدى الفرح والسلام بنور ساطع شديد ولامع ولقى الأنبا مكاريوس جاى خطوة خطوة ومسبى فى المجد لابس ثوب سماوى وماسك صليب ألماظ وقال لهذا الشخص شوف المجد إللى أنا فيه أوعى تبكى علىّ تانى أنا فى كنيسة الأبكار ولينا حرية نتجول فى الفردوس ..ا
الشخص قال له هو أنا مُت ؟ أجابه أنت جاى بجسدك أنا طلبت من أجلك إلى الرب يسوع لترى كم من المجد إللى أنا فيه حتى لا تبكى علىّ تانى
وقال هذا الشخص للانبا مكاريوس وما كل الألماظ إللى فى الصليب الذى تحمله ؟
إنه يا إبنى رمزللفضائل البساطه والنقاوه والمحبه والإتضاع لقد ظل هذا الشخص بالفردوس 3 ساعات كاملة خلال هذه الفترة فتحوا المتولين لخدمته وعلاجه باب حجرته فلم يجدوه بحثوا عنه فى كل مكان بمنتهى الإستغراب فلم يجدوه....
وعلى الرغم من ذلك مرّت على هذا الشخص تلك الساعات التى قضاها فى الفردوس كدقائق قليلة يا بختهم أولادنا سبقونا إلى الفردوس نطلب منهم يصلوا لأجلنا علشان نتوب ونستحق نروح السماء زيهم والتوبه تفتح لنا الباب باب السماء.
دى حكايات لتماف ايرينى بركة شفاعتها تكون معانا امين

رد: بمناسبة عيد نياحة الام ايريني طيبة الذكر
 

رد: بمناسبة عيد نياحة الام ايريني طيبة الذكر
 

*** ارملة وحيدة .. خالتى مفيدة .. رسائل تماف ايرينى **
من كتاب تماف ايرينى بركتها تكون معنا



*** ارملة وحيدة .. خالتى مفيدة .. رسائل تماف ايرينى **

والحديث هنا للقديسة امنا تاماف ايرينى بركة شفاعتها تكون معنا امين

تحكى امنا ايرينى :

فى واحدة ارملة لها ابن وحيد ربته فى مخافة الله واتخرج من كلية الهندسة ..........

وكان هايخطب .. وهو امل امه الوحيد ... وراح فى حادثة .....

امه حزنت عليه جدا ومش راضية تتعزى ... وفى يوم قالت انت ياستى ياعدرا ام حنينة
ومجربة مثلى ... عزينى ... لاقيت قدامها قمر منور داخل الحجرة اتفلق نصفين وخرجت
منه ست العدراء منورة ومتجسمة وقالت لها :

" ابنك فى مجد عظيم .. ليه تحزنى عليه ... روحى لامنا ايرينى فى دير ابى سفين
وخليها تحكيلك حكاية ابو طاقية وجلابية علشان تتعزى وتعرفى اد ايه السماء حلوة
كلها فرح وسلام وتسابيح ونتمتع برب المجد بلا فراق .

وتحكى ايضا امنا ايرينى عن خالتها مفيدة فتقول :

خالتى مفيدة .. كنا اطفال انا وخالتى مفيدة .. بس كانت اكبر منى وكنا فى لعبنا
نتخيل اننا راهبات والخالة كانت جميلة جدا .. ضغطوا عليها تتخطب وهى عايزة تترهبن
وقبل الاكليل كانت تبكى قدام صورة العدرا قائلة هايجوزونى ياأم النور وانا عايزة اترهبن
اتجسمت الست العدرا من الصورة وقالت لها :

" قولى لامك ان ماكنتوش ترضوا لى اروح الدير ستى العدرا هاتأخدنى عروس لابنها
يسوع المسيح رب المجد " .....

امها قالت دى بتخرف علشان تهرب من الزواج ... وفعلا قبل الاكليل بيومين تنيحت كما
قالت لامها ....

اما بنت اختها تاماف ايرينى تعبت جدا وبكت عليها بمرارة وحرقة ..... وهى صاحية
شافت عذارى كثير لابسين ابيض ومنورين ولابسين صلبان الماظ وتيجان من ضمنهم
الخالة مفيدة .... فرحت تاماف ايرينى قوى قوى وقالت مخاطبة خالتها انتى مش موتى
امال ازاى انا شايفاكى ؟ ومين دول العذارى الحلوين ؟ قالت لها :

" ربنا سمح تشوفينا علشان تتعزى ولاتبكى تانى ودول عذارى عاشوا بطهارة فى
العالم وجاهدوا " قالت لها تاماف ايرينى خدونى معاكم .. قالت لها " انتى هاتكبرى
وتترهبنى ويبقى ليكى بنات كتير وبعدين تيجى معانا .... واحنا دلوقتى رايحين نحضر
الاحتفال بعيد استشهاد القديسة دميانة ... واوعى تزعلى ولاتبكى دا احنا فرحانين
جدا والفردوس جميل خالص واللى مجمله رب المجد يسوع المسيح .....

فلما حكت ايرينى للعائلة طلع فعلا يومها عيد استشهاد القديسة دميانة .. وتعزى
الكل .

رد: بمناسبة عيد نياحة الام ايريني طيبة الذكر
 

*** فى قطار الصعيد *** رسائل تماف ايرينى ***

كان فيه راهبة تملآها نعمة الرب وكرست حياتها له من زمان وهى لاتزال فى عالمنا الحالى ولم تفارق الجسد ....

مند اكثر من 30 سنة كانت هذه الراهبة مرسلة الى صعيد مصر مع راهبة كبيرة فى
السن للتبشير "زى ماارسلهم المسيح اثنين اثنين " ....

فى طريقهم الى الصعيد قطارهم وقف ... لان قطار تانى عمل حادثة .. كانوا لوحدهم وكان الوقت نصف الليل ... وعليهم ان ينزلوا فى ظلام الليل ويغيروا الى قطار تانى رايح
برضه الصعيد ... راهبتين يقدروا يتصرفوا ازاى ؟

كل الركاب نزلوا بسرعة والراهبة الشابة بصت من القطار على الشارع المظلم .. وفجأة
لقيت راجل معاه فانوس بيقرب ويقولها :

" خلى بالك وانت نازلة ياامنا .. ناولينى الحقيبة بتاعتك " ... نور لهم سلالم القطار
والراهبة الشابة ساعدت الراهبة الثانية فى النزول من القطار .. وبطريقة مهذبة كان
بيطمئنهم طول الطريق ويقولهم :

" ماتخافوش القطار مش هايمشى من غيركم وكمان هتلاقوا مقاعد وكل
حاجة هتبقى تمام " .....

لما وصلوا القطار الثانى الراهبة الشابة ركبت وساعدت الراهبة الثانية تركب , والراجل
ركب معاهم ... القطار كان منور وشكل الراجل كان واضح , كان شكله مهدب ومبتسم
ووسيم ووجهه منور ...

اول لما دخل القطار كان فيه ضابطين قاعدين على كرسيين
فقاموا بسرعة لما شافوه وعملوا تعظيم سلام ....

بدأ القطار يتحرك ... الراجل اللى وجهه منور وباين عليه النعمة قال لللراهبتين يقعدوا
مكان الضابطين .. الراهبة الكبيرة شكرته : " احنا بنشكرك جدا .. عمرنا ماهننسى
جميلك ده .. احنا نتمنى انك تيجى تزورنا علشان نرد لك كرمك معانا ...

....... احنا
راهبات من دير ابو سيفين " القديس مرقوريوس " فى مصر القديمة " .....

فى اللحظة دى بص لها وقال لها : " انا القديس ابو سيفين ..... " واختفى ......

فى اللحظة دى كل الركاب القطار اتخضوا وكانوا هيتجننوا من اللى شافوه .........

راح فين الراجل اللى كان لسه بيتكلم ؟ مين هو ابو سيفين ؟

كل الحديث فى القطار كان : " مين هو ابو سيفين "؟ والاجابة كانت طبعا مع
الراهبتين .

بركة وشفاعة القديس مرقوريوس ابو سيفين تكون معنا امين

رد: بمناسبة عيد نياحة الام ايريني طيبة الذكر
 

رد: بمناسبة عيد نياحة الام ايريني طيبة الذكر
 

من كتاب معجزات تماف ايرينى
أبو طاقيه وجلابية
راجل طيب نجار فى احدى قرى قنا اسمه عم رشدى كان تقيا و بسيط خالص يشتغل شوية و يصلى شوية و يقرا الانجيل شوية و مع انه فقير و يعيش عيشة الجفاف الا انه كان يعطف على الفقراء و قلبه كان مليان رحمة كل ما يشوف حد غلبان يديله طاقية و الجلابية الداخلية الرخيصة , مراته تتخانق معاه انا اسهر و اخيط و اتعب و انت توزع !كان يقول لها بعتهم قدامى فى السما........ مات و كفنوه و حطوه فى الصندوق و قبل ما يقفلوه اتحرك, ارتعبوا الاهل قال لهم: ما تخافوش انا ها قعد معاكم 3 ايام فقط و بعدين اروح الفردوس تانى ربنا رجعنى للارض علشان اقول رسالة ... لما روحى فارقت جسدى الملايكة اخذتنى بزفة الى السما و طلعونى للفردوس و هناك سجت قدام رب المجد و رحب بى بكل حب و حنان و قال لى انت كنت بتعمل رحمة كتير ياما لبست اخواتى الفقراء جلابيتك و طاقيتك و كنت بسيط و امر الملايكة يعملوا ترنيمة جديدة لقى نفسه بيسبح زى الملايكة تسابيح عمره ما قالها قبل كده و لا يعرفها و امرهم يزوروه مواضع الاباء الشهداء و القديسين و شاف كل قديس و شهيد و الملاك عرفه مين ده و رب المجد قال له: يا رشدى انت ها تنزل الارض تانى, و رد عليه ليه يا رب خلينى معاك دى السما حلوة و كلها فرح و سلام. قال له 3 ايام فقط و تيجى تانى علشان تقول للناس انهم يعملوا رحمة علشان ارحمهم فى السما و يعيشوا فى مخافتى و ينفذوا وصاياى علشان يتمتعوا بالمجد فى السما و فعلا رقد بعد 3 ايام.
و فى واحدة ارملة لها ابن وحيد ربته فى مخافة الله و اتخرج من كلية الهندسة و كان ها يخطب و هو امل امه الوحيد و راح فى حادثة...... امه حزنت عليه جدا و مش راضية تتعزى و فى يوم قالت انت يا ستى يا عدرا ام حنينة و مجربة مثلى عزينى..... لاقيت قدامها قمر منور داخل الحجرة اتفلق نصفين و خرجت ستى العدرا منورة و متجسمة و قالت لها ابنك فى مجد عظيم ليه تحزنى عليه روحى لايرينى فى دير ابى سيفين و خليها تحكيلك حكاية ابو طاقية و جلابية علشان تتعزى و تعرفى اد ايه السما حلوة كلها فرح و سلام و تسابيح و نتمتع برب المجد بلا فراق.

رد: بمناسبة عيد نياحة الام ايريني طيبة الذكر
 

رحلة الي الفردوس!!!!!!!!!!!!
أمنا إيلاريه :

كانت راهبه قديسه ومرشحه للرئاسه تبتدى يومها الساعه 12 وتقعد طول الليل تسبح وتصلى راحت السماء وهى راكعه بتعمل التسبحه ففى راهبه زعلت عليها قوى وكانت دايماً بتبكى عليها .. وهى بتصلى جالها ملاك ورشم الصليب وقال لها إرشمى الصليب انا هاخدك رحلة للفردوس تشوفى القديسه إيلاريه ... طلعوا لفوق رأسياً ثم إتجهوا أفقياً لقيت نفسها فى مكان جميل مليان خضرة زى القطيفة مكان مليان فرح وسلام فيه ممرات يفصل بين كل ممرين نهر باللورى وكل واحد من القديسين واقف فى ممر وفى نهايته يرى رب المجد فى بهاء عظيم. الملاك تركها مع أمنا إيلاريه وهى قالت لها ليه تبكى عليّ وأنا فى مجدً عظيم وراحه وسلام وكلمتها عن السما وحلاوتها وقالت لها : إللى جنبك خضرته أكتر منك قالت لها ! علشان أنا كنت بخيلة محبش أسلف حاجتى ولو لقيت حد محتاج حاجة لا أهتم ...الراهبه قالت لها نفسى أروح لرب المجد ردت عليها .. لا ينفع لأنك جايه بالجسد تحرقك نار اللاهوت بَصت الراهبه لقت الملاك جاى وأخدها لرب المجد وكل ما تقترب منه تحس بفرح لا ينطق به وتتملى سلام وتحس بحراره تلسع وجهها..... يتدفق من عينه حب وحنان وعطف ورقة مليان أبوه وكان نفسها تترمى فى حضنه وقالت له يا رب مش عايزه أسيبك تانى قال لها لسه لكى رسالة لما تكملى خدمتك هاتيجى "أنا معاكى ماتخفيش " وقال للملاك وريها مواضع القديسين ومكان أبوها وأمها الأتنين مكانهم جميل لكن الأم مكانها أحسن علشان كانت أكتر بساطه ونقاوة وبعدين الملاك مِسك إيدها ومشوا أفقى ثم رأسى لأسفل ورجعها قلايتها وقعدت بعدها وشها منوّر شهرين ... لحظات شافت رب المجد فيها وشها ظل منوّر شهرين فما بال أولادنا إللى سبقونا ومتمتعين بحضن ربنا ومتمتعين بالفرح والسلام والمجد يبقى إزاى نزعل عليهم والراهبه دى قعدت سنه كامله متعزيه جداً مهما حصل من ضيقات ومتاعب أوأمراض .

رد: بمناسبة عيد نياحة الام ايريني طيبة الذكر
 

*** حكاية توبة *** رسائل تماف ايرينى *
*** حكاية توبة ... رسائل تماف ايرينى ***

والكلام لتماف ايرينى

بركة صلواتها وشفاعتها تكون معنا امين

كنت فى كرير وبأعمل اجتماعات للشعب يوميا لمدة خمسة ايام ... احكى لهم معجزات
وبعد الاجتماع نأخد بركة الحاضرين فى طابور واحد ....

واثناء وقوف الحاضرين فى الطابور ..

لاحظت مدام تبكى بحرقة .... قلت لآمنا كيريا احجزيها لى .... وسألتها ... ليه بتبكى ؟ ..

قالت ... زوجى صعب خالص واخلاقه وحشة جدا ....

عندنا ثلاثة اولاد ... على الرغم
من ذلك يرجع من الشغل يأكل ويستحم ويخرج بعد ذلك .. ويجى كل يوم وش الصبح ,
شارب ومترنح بيلعب قمار وخمرة ويروح الاماكن الوحشة ومصاحب ستات وحشين .....

ولو كلمته كلمة واحدة يشتمنى ويضربنى لدرجة انه كسر مرة رجلى ومرة يدى وانا
خايفة لو عرف انى جيت الدير هايضربنى ....

تماف ايرينى قالت لها متزعليش ... هانصلى كلنا ونصوم 3 ايام .. وانتى صومى معانا
ونطلب صلوات امنا العدرا والشهيد ابى سيفين ....

ثانى يوم لم تحضر , كذلك اليوم الثالث وفى رابع يوم جائت ومعاها زوجها ..

وقال لى عايزك ياأمنا قلت له حاضر وقعدت معاه وقال لى ..

" انا بأعمل كل الخطايا والشرور وراح يحكى ..

حاجة تقشعر لها الابدان " بقيت مش قادرة اسمع كلامه واكمل قائلا :

لما رجعت من الشغل وسألت عن المدام وعرفت انها فى الدير ...

شتمت على الشهيد ..

وعليكى لما قلت يابس ... ولما رجعت المدام ضربتها علقة متينة وخرجت اسهر كالعادة
واشرب الخمر زى كل يوم ورجعت وش الصبح مترنح ونمت .......

ولكنى صحيت على صوت دربكة جامدة فى الغرفة .. فتحت عينى ...

لقيت الشهيد
ابى سيفين منور فى الضلمة وراكب على حصانه البنى ....

وقال لى بتشتم على ..

وعلى امنا ايرينى ليه ؟ ..

الحياة ان مهما طالت هتنتهى ويبقى الجسد تراب والروح
تظل فى ابدية لا تنتهى ...

اما فى الفردوس لو اعمالها كويسة .... اما فى الجحيم فالغذاب لا يطاق ..

لماذا لاتفكر فى ابديتك ؟ اين جدودك وابوك وامك ...

كلهم
ماتوا وانت التالى هاتموت .... فلماذا لا تستعد ؟ العمر بيجرى وبأعمالك ليس لك
خلاص ...

توب قبل ماتندم فى وقت لاينفع فيه الندم ... مادمت حى لك الفرصة للتوبة
لكن بعد ماتموت يتقفل باب الرحمة ... وانت مش ضامن عمرك فى لحظة ......

صاحبك الفلانى نام وماصحيش وكان مش عيان .... لماذا لا تستعد لآخرتك ؟ انت
بتعمل كذا وكذا ... وصارحه القديس بخطاياه ...

فأنسحق جدا .. واخذ يبكى كالاطفال ..

فقال له لاتحزن لك فرصة .. روح توب ... فسأل الشهيد هل ربنا يقبل توبتى ..........

طبعا ربنا تجسد ليخلص الخطاه وكل اللى بيعملوا الشرور زيك لو ماتو يروحوا الجحيم
حيث الكأبة والحزن والالام والانين والظلمة والتنهد والعذاب والدود الذى لايموت والنار
التى لاتطفىء والريحة الكريهة .... لكن اللى جاهدوا او نفذوا الوصايا يروحوا الفردوس
حيث الفرح والسلام والوجود الدائم فى حضرة الله ...

استشهدت وانا عمرى خمسة وعشرين سنة .. صحيح اتعذبت كتير من اجل الله ..
لكن اتمتعت الان بمجد لاينطق به وابدية لاتنتهى ...

قال الرجل للشهيد ...........

ازاى اتوب ؟ قال له روح الدير وخلى امنا ايرينى تقول لك حكايتى وتعرفك ازاى تتوب ..

وادينى جيت لكى يا امنا واللى تأمرى بيه انا هأعمله ... وقعد يبكى ......

شوفوا ازاى الصلاة بأيمان والصوم تقرب البعيد وتتوب الشرير ......

قلت له يروح لاب اعترافه ابونا متياس روفائيل ووصيته عليه فى التليفون ..

فقال لها
ياما شتمته وطردته ... قالت معلش ده اب .. هيسامحك .. وانوى ماتعملش الشر
تانى ولاتروح الاماكن الشريرة دى تانى وتقطع كل علاقاتك الاثيمة وتبطل اللى
بتشربه ده وتحب ربنا وتروح الكنيسة وتعترف وتتناول وتحب بيتك واولادك .... وتعمل
لاخرتك ...

ويتمجد الرب دلوقتى بقى كويس قديس وخادم وبقينا نتعلم منه والبركة حلت فى
بيته ويعطى الكنيسة باستمرار ومتخصص فى جذب الشباب المنحرف ....

تاب توبة حلوة ... ياريت نتوب ونجاهد علشان نروح نتمتع بالمجد مع اولادنا فى سماء
هرب منها الحزن والكأبه والتنهد والضيق واحنا مبسوطين وفى مجد عظيم .

رد: بمناسبة عيد نياحة الام ايريني طيبة الذكر
 

رسائل تماف ايرينى ... شهداء التسبيح ***

اجتماع تاماف ايرينى رئيسة دير الشهيد العظيم فيلوباتير مرقوريوس ابى سيفين

اجتمعت تاماف ايرينى بأهالى كورال فريق ابناء الرسل "كنيسة مارجرجس هليوبوليس"
شهداء خدمة التسبيح ليلة عيد النيروز بمقر الدير بالقاهرة سنة 1999 ....
والكلام الاتى على لسان امنا ايرينى :

انا كنت بأصلى فى قلايتى وقت الحادث , لقيت نفسى انتقلت بالجسد لمكان الحادث وشفته بالتفصيل واتألمت جدا وقلت بأسم الصليب انا فين ؟ ايه اللى باشوفه ده ؟ مين
دول ؟ ...... سمعت صوت يقول " رحلة كورال مارجرجس هيلوبوليس" ................

وشفت عامود نور نزل رأسيا اوله داخل السماء ونهايته على الارض فوق الاتوبيس .....

ولما نزل عمود النور حسيت بسلام وظهر حوالين العمود صفين من الملائكة حلوين ومنورين بطول العامود وبيسبحوا تسابيح جميلة .. وكل واحد من شبابنا يسلم الروح ...

يلبس ثوب نورانى هفهاف .. والروح تأخد نفس شكل الجسد بس على احلى .........

ويبقى منور والملايكة تدى لكل واحد يسلم الروح تاج على رأسه وصليب فى يمينه ....

وشمعة طويلة فى يساره واللهيب بتاعها نور مش نار .... والاقيه هو كمان يسبح نفس
التسابيح الملائكة واختلطت اصوات تسابيح الملائكة بتسابيح كورال السماء فى زفة
جميلة فى مقدمتها الست العدراء ام النور وهى جميلة جدا ومضيئة .... ودايما الست
العدراء تظهر فى ثوب سماوى فيه صلبان ذهبية ولكن المرة ديه ثوبها نورانى لون العامود
النورانى وبرضه فيه صلبان ذهبية ......

وسمعت صوت مليان حنان وله رنين جميل يقول " هلموا الى تعالوا الى الفردوس "
وطلعت الزفة لفوق ... الست العدرا اختفت الاول وورائها الملائكة ووراهم القديسين
الابرار "الخورس السماوى" ..... وبعد ان اختفى الكل طلع العامود رأسى زى مانزل...
واختفى فى السماء ....

وانا اتمليت فرح وسلام ... يابختهم اغتصبوا الفردوس فى لحظات واحنا بنجاهد فى
الرهبنة عشرات السنوات ... وياريت نقدر نحصل على مكانهم فى السماء اخدوه بالسهل
وبصراحة ربنا حنين ... اختطفهم فى احسن ساعة لهم ... لو كانوا عاشو بعد كده
مكانوش هيحصلوا على المجد اللى حصلوا عليه .... وياريت كلنا نجاهد ونتوب علشان
يكون لنا نصيب مع اولادنا فى السماء ونحصل على المجد اللى هم فيه دلوقتى .......

واحنا مش لازم نحزن ابدا ولانبكى ......

وانا بصراحة ماكنتش هاحكى لحد الرؤية دى لكن اب اعترافى امرنى لانها معزية .....

وقال لى انتى شوفتيها مش من اجل نفسك لكن من اجل تعزية الاهالى .............

فليه نحزن واحنا بقالنا شفعاء فى السماء ... احنا نفرح ونتعزى لاننا اطمأنينا عليهم
كلهم فى حضن رب المجد .. وعايزين نستفيد من الحادث ده ... اننا نعيش دايما
مستعدين .. محدش عارف هيروح امتى .... نبقى حلوين وننفذ الوصايا ونعيش حياة
التوبة علشان لانحرم من مجده ... والسماء حلوة جميلة .

تاماف ايرينى - دير ابى سفين

رد: بمناسبة عيد نياحة الام ايريني طيبة الذكر
 

روحانية امنا ايريني
احب ارحب باحلي اخوات في المسيح واحب احكيلكم معجزة
تبين حنية قلب تماف وقلبها الحنون وروحانيتها التي لا يمكن
وصفها فراهبة تروي لنا هذه المعجزة الرائعة وتقول:
في عام 1985 عانيت من االام شديدة رغم انتظامي علي العلاج
فلم تتحسن حالتي وعلمت تماف الحنونة بذلك فقالت لي تعالي يا
بنتي اصليلك كانت تماف واقفة فانحنيت امامها واغمت عيني
فامسكت راسي بيدها وظلت تصلي فترة طويلة حوالي ثلث ساعة
في اثنائها فتحت عيني واذ بي اري منظرا سماويا عجيبا:

رايت امنا الغالية مرتفعة عن الارض ومحمول علي سحابة
ولم استطع ان افتح فمي او اتكلم من شدة زهولي بعد الانتهاء
من الصلاة نظرت الي تماف بابتسامتها الرقيقة وربتت كتفي
في امومة وحنان وربنا تمجد وزالت الامي في الحال.
وبكدة خلصت المعجزة وياريت تكون عجبتكم وشكرا
ولو عجبتكم ياريت تردوا علي الموضوع
بركات هذه القديسة العظيمة تكون معنا
امين

رد: بمناسبة عيد نياحة الام ايريني طيبة الذكر
 

العلاقه التى جمعت الام تماف ايرينى مع القديس ابونا يسطس الانطونى


نادرا جدا ما كانت تخرج تماف ايرينى خارج اسوار دير ابوسيفين للراهبات ويحسب لها انها فى احدى مرات خروجها النادرة لزيارة دير الانبا أنطونيوس بالبحر الاحمر انها التقت بالاب يسطس الانطونى وهى العلاقة التى تناولها الكثيرون بالاستفسار خاصة ماتردد ان الام ايرينى كانت معترضة على ملابس ابونا يسطس الانطونى
وبغض النظر عن هذه العلاقة الشائكة فان تماف ايرينى كانت شديدة الاعجاب بدير الانبا أنطونيوس وكثيرا ما كانت تحضر للدير بصحبة عدد من الراهبات لأخذ بركة ابونا يسطس الانطونى.

وبلغ اعجاب تماف ايرينى بدير الانبا أنطونيوس انها وصفت الدير انه فردوس الله على الأرض واشتهت ان يكون لها قلاية بجوار سور الدير وقيل انها لم تتردد فى التقدم بهذا الطلب الى رأس الكنيسة!

ونظرا لان تماف ايرينى لم تعش عصر الانبا أنطونيوس فانها اقتربت اكثر فأكثر من تلاميذه وعلى رأسهم المتنيح الاب يسطس الانطونى ومعروف عن الاب يسطس انه كان متجردا من كل شىء، ولا يمتلك سوى جلباب واحد ويأكل بواقى الطعام وهو ماكان يمثل لغزا للأم ايرينى
وذات مرة جاءت تماف ايرينى الى الدير ليلا بصحبة عدد من راهبات الدير وكان الوقت شتاء شديد البرودة وكان ضوء القمر خافتا وهناك امطار غزيرة على كل أرض الدير، وهناك فوجئت تماف ايرينى بابونا يسطس يقف فى حديقة الدير وسط الامطار الغزيرة ويعمل مطانيات اكثر من اربعمائة مطانية لدرجة ان تماف ايرينى طلبت من الراهبات مساعدتها فى تحديد ارقام المطانيات بالضبط!!

مرة اخرى شاهدت تماف ايرينى ابونا يسطس يجلس عند القصر وفجأة وجدت ان منارات الدير مشغولة بصلبان مضيئة والصلبان المضيئة ممتدة من المنارات حتى قلاية ابونا يسطس وعن سر اعجاب تماف ايرينى بابونا يسطس قالت انها كانت تتمنى ان ترى نموذجا من نماذج القداسة المعاش!!

ومن جانبها تقول تماف ايرينى انها كانت شديدة الانبهار بحياة هذا الراهب الناسك لدرجة انها كانت تستعد لان تظل مرافقة لتحركاته داخل الدير!

وفى احدى المرات وبينما كان يجلس ابونا يسطس على بوابة الدير جاء عقرب ووقف خلفه من اسفل الرأس وقبل ان تصرخ تماف ايرينى خوفا على حياة ابونا يسطس رأت ابونا يسطس يمد يده الى الخلف ويقبض عليه ولا يتركة إلا ميتا وهو ماجاء تأكيدا على كلام الرب ها انذا أعطيكم السلطان على الحيات والعقارب وكل قوى العدو ولا يضركم شىء!!

وتقول الام ايرينى انه بينما كانت تفكر فى كيفية الوصول الى مستوى القداسة التى كان عليها ابونا يسطس وهو رجل متجرد من كل شىء ولايستحم إلا مرة كل عام وهى كانسان قد تعودت ان تستحم كل يوم جاءها ابونا يسطس لمكانها وقال لها اللى بيأخذ حمام واللى لا يأخذ حمام هيدخل السماء، أهم حاجة نقاوة القلب

بركة صلواتهم تكون معانا امين

رد: بمناسبة عيد نياحة الام ايريني طيبة الذكر
 

معجزات الشهيد ابو سيفين
بصوت امنا ايريني

http://i63.servimg.com/u/f63/15/03/40/55/11971910.jpg

ظ…ط¹ط¬ط²ط§طھ ط§ط¨ظ‰ ط³ظٹظپظٹظ† ط¨طµظˆطھ ط§ظ„ط§ظ… ط§ظٹط±ظٹظ†ظ‰ - YouTube

رد: بمناسبة عيد نياحة الام ايريني طيبة الذكر
 

القديسة تماف إيرينى والأنبياء




" فقال الرب هل أخفى عن إبراهيم ما أنا فاعله " [ تك 18 : 17 ]
+ فى غضون عام 1982 م كان ديرنا العامر بسيدى كرير يتعرض لمشكلة كبيرة مع الجهات المختصة ستسفر عن هدم سور الدير البحرى .. وكان هذا الأمر يزعج أمنا الغالية جدا لأنه كان بغير وجه حق .. فطلبت من جميع الراهبات أن يرفعن صلوات خاصة بشأن هذا الموضوع .. وسافرت إلى كرير وكانت وكانت تجتمع كل يوم مع جميع الراهبات الموجودات بالموقع لرفع صلاة خاصة عند السور .. وبعد عدة أيام رأت أمنا الغالية هذه الرؤيا الإلهية :
رأت أنها تقف عند الأستراحة الصغيرة قبالة الطريق الطويل المؤدى إلى البوابة البحرية .. ثم رأت البوابة وهى تفتح على مصراعيها ويدخل وفد كبير يرتدى جلاليب بيضاء يتقدمهم رجل مثلهم وإنما عليه هيبة عظيمة جدا .. وأخذوا يتقدمون نحوها وهى فى نفس الوقت تفكر من عسى أن يكون هؤلاء ، ومن هو هذا الرجل العظيم المتقدم فهو لا يرتدى زيا كهنوتيا .. فما هى الطريقة التى ستسلم بها عليه ؟!
ولكن حينما أقترب منها ، نظرت وجهه يشع بالنور وكان ممسكا فى يده صليبا يضوى كألماظ ويلبس على صدره صليبا مثله ورأسه بدون شعر ، وخلفه 12 آخرون منيرون مثله لكنهم أقل منه فى الهيبة .. فضربت له ميطانية وقبلت يديه .. وقالت له : " نتشرف بمعرفة قداستكم " ..
فأجابها : " أنا أليشع النبى "
فقالت له : " تلميذ إيليا النبى ؟ .. "
فأجابها : " نعـــم " ...
فابتهجت تماف جدا وقالت له : " .. إنت نورت وباركت ديرنا .. لا .. إنت نورت وباركت الأرض كلها .. "
فقال لها : " أنا جاى من قبل الله لأوصل لك رسالة .. "
فقالت : " وما هى ؟ .. "
قال لها : " اللــه سيسمح للدير هنا بخسارة مادية صغيرة [ هدم الســور ] فلا تحزنوا ولا تضطربوا لأنها ستؤول لخيركم .. " ؛ ...
ثم دار حديث طويل سألته فيه أمنا الغالية عن بعض أمور خاصة .. وفى نهاية الحديث اختفى هو والذين معه ...
وقد تم بالفعل هدم السور بعد أيام قليلة ، هذه الخسارة التى أخفت فى طياتها منافع عظيمة غير متوقعة لمصلحة الدير كوعد الله الصادق وتدابيره الفائقة ..
بركة وصلوات أمنا تماف إيرينى تكون معنا آجمعين
ولإلهنا المجد الدائم إلى الأبد
آمين

[ منقول من الكتاب الخامس ( العملاق الروحانى .. فى الأفق الرهبانى ) .. إصدار دير أبو سيفين العامر بمصرالقديمة ] .

رد: بمناسبة عيد نياحة الام ايريني طيبة الذكر
 

تماف ايرينى توبخ عامل بيطبع صور

هو شاب يعمل بأحد المطابع التى كُلفت بطباعة صور طماف إيرينى . ولما رأى القداسة فى الصور وكذلك عدد الصورالكبير الذى يطلب من المطبعة بأستمرارطلب من الخادم الذى يوصل الصور الى الدير أن يخذ منه ورقه ويضعها عند قبر أمنا ايرينى وفعل الخادم ... وفى الزيارة التاليه للخادم للمطبعة فوجئ بهذا الشاب يسأله " أيه الىّ عملته فىّ ده" رد الخادم "عملت فيك أيه؟ " قال الشاب ماذا فعلة بالورقة التى أعطيتها لك" رد الخادم "حطيتهالك عند أمنا أيرينى زى ماطلبت !" ففوجئ بالشاب يبكى ويقول له سأحكى لك ماحدث بسبب هذه الورقة

أنا معتاد السهر يوميا مع أصدقاء السوء وفى الليله التى أعطيتك فيها الورقة سهرة معهم وكالمعتاد كان هناك أشياء خطاء كثيرة من شرب خمر وخلافه وعدت الى المنزل بعد منتصف الليل ودخلت أنام فورا وبعد قليل أحسست بشئ يوقظنى من النوم وفجئت بأمنا معى فى الحجرة صرخت "أنتى أمنا إيرينى أنا عارفك من الصور" ردت عليه أيوه أنا هوأنت مش طلبت منى أصلى لك
قلت لها "أنا؟" قالت أيوه أنت مش بعتلى ورقه أنهارده
هويصّح برده تطلب منى أصلى لك وبعدين تعمل اللى بتعمله ده ...أنا مش عيزاك ترجع للحجات الوحشه دى تانى ... وأختفت بعد ذلك
وطلب هذا الشاب من الخادم أن يأخذه معه للدير لزيارة أبى سيفين وطماف إيرينى ويوعدهم مش حيرجع تانى للى كان بيعمله

ًصلاتها تكون معنا...أمين

رد: بمناسبة عيد نياحة الام ايريني طيبة الذكر
 

من مذكرات تماف ايريني / شوفوا ازاي عادت للحياة بعد لدغة عقرب لها وعلي يد مين من القديسين

جوهرة السماء ومنارة الرهبنة - تماف ايرينى "1"



" لآنك انت اقتنيت كليتى نسجتنى فى بطن امى - مز 139 : 13 "

ولدت الطفلة فوزية " تماف ايرينى " فى اليوم الثانى من شهر امشير عام 1652 للشهداء الاطهار الموافق اليوم التاسع من شهر فبراير عام 1936 ميلادية .. من ابوين تقيين , الاب يسى خله والام جنيفياف متى الفيزى , عرفا بقداستهما وعمق حياتهما مع الله , وشكركتهما الحياه مع القديسين , وتسربلهما بفضائل عديدة خاصة عمل الرحمة , كما اتسما بأتساع مداركهما وحكمتهما المستنيرة فى تربية اولادهما فكانا :
" بارين امام الله سالكين فى جميع وصايا الرب واحكامه بلا لوم " ...

فنمت فى هذا المناخ الروحى هذه الثمرة المباركة التى كانت الهدية المختارة من السماء منذ لحظة ميلادها لتكون سفيرة لعالم السمائيين ..

تعثرت الام فى ولادة طفلتها البكر وكانت رغم الامها المبرحة ترفض الذهاب الى الطبيب . تأثر والدها الخواجة متى لالامها , فتوجه الى كنيسة الشهيد مارجرجس فى طهطا وظل يصلى ويبكى لكى يتحنن الله على ابنته بصلوات الشهيد وتضع مولودها بيسر وتقوم بسلام ...

فى نفس الوقت كانت الابنة جينفياف تصلى بدموع كثيرة وتطلب معونة القديسة العذراء مريم , وفى شدة الامها شاهدت الحجرة وقد اضاءت بنور سمائى بهى جدا وظهرت والدة الاله ويقف خلفها الشهيد العظيم مارجرجس ...

فتقدم الشهيد وخبط بيده بخفة على ظهرها ثلاثة خبطات , وفى الحال نزلت طفلة جميلة تلقتها السيدة العذراء على يديها ورشمتها بعلامة الصليب وقدمتها لامها قائلة : " دى مش بتاعتكم دى بتاعتنا .. لكن اهتموا بتربيتها " ...

ولكن على الرغم من فرحة الاسرة بهذه المولودة الجميلة , الا ان القلق كان ينتاب الوالدان لاعتقداهما انها ستموت سريعا بسبب كلام والدة الاله , وصار هذا الشعور ملازما لهما فى كل تصرفاتهما معها لذا حرصا على تربيتها بكل الرعاية والحب والحنان الزائد ...

فى حفل عائلى بهيج نالت الطفلة المباركة سر المعمودية المقدس على يد الانبا بطرس اسقف اخميم وسوهاج " 1920م - 1951م " فى دير الانبا شنودة رئيس المتوحدين , واخبرهم نيافته برؤيته لقديس القدير العظيم وهو يباركها عند خروجها من جرن المعمودية .. وبالفعل كانت الاسرة تلاحظ ان العناية الالهية تحيط بأبنتهما البكر وتؤازرها ...

ذات يوم كان الوالدان فى منزل الجد - والد الام - ومعهما طفلتهما التى كانت لا تزال تحبو اذ كان عمرها يتراوح مابين 8 اشهر وسنة , ... وعند المساء صعدوا جميعا الى سطح المنزل وكانت الام تحمل ابنتها .. وعندما ابدت رغبتها فى اللعب والنزول على الارض , اخذت الطفلة تصرخ وصار جسمها كقطعة الثلج وفقدت الوعى .. فظنوا انها ماتت بالفعل , فأسرع الجد لاستدعاء الطبيب .. وعرفت الام ان ابنتها قد لدغها عقربا لانها رأته .. فصرخت الام " ارصده يأانبا شنوده " رئيس المتوحدين الذى عادة ما يطلبه كل من يلدغ من حية او عقرب .. ففى الحال رأوا القديس طائرا فى الجو ثم اخذ الطفلة من حجر والدتها ونفخ فى وجهها ورشم على جبهتها علامة الصليب وقال للآم " ماتخافيش عليها دى بتاعتنا " .. وعلى الفور استردت الابنة الوعى , وعادت الى الحياة ..

رد: بمناسبة عيد نياحة الام ايريني طيبة الذكر
 

معجزة وسطع النور .. لتماف ايرينى
مدام ناصر .... تقول :

حضرنا للدير انا وزوجى ... وداخل مزار ابى سيفين قعدنا نصلى بدموع , وفى مزار امنا ايرينى كما بنبكى بحرقة شديدة لان بنتنا كانت واقع عليها ظلم من رئيسها فى العمل من جهة , ومن جهة السكرتيرة الخاصة بالمدير من جهة اخرى ...

والبنت فقدت سلامها وتعبت نفسيا وعصبيا , لدرجة ان الظروف دى اثرت على سلامة بيتها ...

فى وسط الحالة دى مالقيناش طريقة غير اننا نلجأ لربنا لاننا كنا حاسين بالمعاناه بتاعة بنتنا ... وكنا واثقين بالايمان ان ابى سيفين يقدر يعمل حاجة وامنا ايرينى زى ما كنا بنجليها فى الدير تقدر تعمل حاجة لانها ام وبتحس بولادها زى ما كانت بالجسد ...

فى المزار فضلنا نقول يرضيكى كده البنت تتهان وتتعب , ومفيش سبب غير انها بنت المسيح !

والعجيب ان الرد جه سريع جدا ...

لانه صدر قرار بالاستغناء عن خدمات هذا المدير وتركه للشركة , وتحويل السكرتيرة لعمل ادارى اخر ...

وعادت البسمة لابنتنا مرة ثانية لان ربنا قال لا اتركك ولا اهملك ... عينى عليك من اول السنة الى اخرها ...

رد: بمناسبة عيد نياحة الام ايريني طيبة الذكر
 

كده برضه ياتماف دا انتى بتحسى بالناس كلها، مش حاسة بىّ .. من اروع معجزات تماف ايرينى

تروى احدى الراهبات عن تماف ايرينى

" أثناء سفر أمنا الغالية الى احدى رحلاتها العلاجية الى أمريكا فى 1999م كنت أقضى فترة فى ديرنا بالقناطر ،

وذات يوم بعد أن أخذت حقنة الأنسولين ..لانى مريضة بالسكر ..

خرجت من قلايتى بالدور الثالث وأخذت الأسانسير للنزول الى المائدة ،

وفجأه انقطع التيار الكهربائى وتوقف الأسانسير فى المسافة بين دورين

وكان الباب لايمكن فتحه..

اخذت أخبط على حوائط الأسانسير من الداخل حتى يسمعنى أحد ، لكن دون جدوى ...

ومن المعروف ان انقطاع التيار الكهربائى فى القناطر لايعود مرة ثانية الا بعد وقت طويل يصل أحياناً الى نصف يوم او اكتر ...

وفجأه شعرت بهبوط شديد ورعشة فى كل جسمى وعرق غزير كبداية كومة سكر واطى من حقنة الأنسولين ..

فى الحقيقة من كتر تعبى،

شعرت اننى فى حالة موت ولامفر منها ،

فقدمت توبة وأخذت أصلى وأبكى .. وقلت فى داخلى "
كده برضه ياتماف دا انتى بتحسى بالناس كلها، مش حاسة بىّ ... حَ أموت وأنا
داخل الأسانسير ..،

وفى الحال لقيت حد بيفتح الباب ، ولكن كان هناك فرق حوالى مترين بين المكان الذى توقف فيه الأسانسير والدور التانى ،فقلت :

"خلاص حَ أنط ولو انكسرت أحسن من المشكلة اللى أنا فيها ؛

لما جيت أنط ،

لقيت حد بيمسكنى ويسندنى بالراحة لغاية مانزلت الدور التانى ..

ووصلت عند أخواتى فى المطبخ وانا فى حالة انهيار من الموقف

فأسعفونى بسرعة ، وحكيت لهن عما حدث والكل فى ذهول وتعجب :

كيف يفتح باب الاسانسير المصوجر من ذاته ،

لأنهن بعد ذلك وجدنه مغلقاً ومغلقاً فى مكانه بين الأدوار إذ أن التيار الكهربائى كان مازال منقطعاً ...

فى ظهر اليوم التالى ،

اتصلت بنا أمنا الغالية تليفونياً من أمريكا لتطمئن على أخبارنا،

وسألت على الجميع واحدة واحدة .. وفى مثل هذه المكالمات تكون السماعة دائماً مفتوحة وكلنا بنسمعها فى وقت واحد ونكلمها ،

إلا أنها فى نهاية المكالمة قالت:-

فين أمنا (فلانة) عاوزة أسمع صوتها ... هى عاملة إيه دلوقتى؟

هىّ لسه عايشة ..؟

فأجبت : أنا عايشة بصلواتك يا تماف ..،

فقالت لى : إنتى أحسن من إمبارح ،

فقلت لها : هو أنتى حسيتى بيّ ؟!

فقالت لى : ماتعمليش كده تانى ،

إما تخلى أكل عندك فى القلاية أو إما تاخدى حقنة الأنسولين معاكى وتاخديها لما تنزلى ...،

فشكرت ربنا على محبته وحنانه وتعجبت على مواهبه الفياضة التى تفوق العقول والإدراك ، فيسمح لأمنا الغالية بأن تشعر بنا وترعانا ...

رغم بُعد المسافات عيناها دائماً علينا ...

فليتمجد إسم الله فى قديسيه

رد: بمناسبة عيد نياحة الام ايريني طيبة الذكر
 

معجزه لتماف ايرينى على يد لانبا شنوده
كنت ومجموعة من خدام الدير في زيارة لدير القديس العظيم أبي سيفين للراهبات بمصر القديمة ودخلنا الكنيسة وتباركنا من جسد القديس أبي سيفين وخرجنا وطلبنا من الأم الراهبة المسئولة عن الضيافة أن نأخذ بركة ورؤية الأم إيريني فأجابت بأنها مريضة ولا تستطيع النزول لمقابلة الزوار . ولأن الخدام يعلمون جيداً أن للقديس الأنبا شنوده مكانة خاصة في قلب الأم إيريني قالوا للراهبة المسئولة أبلغي الأم إيريني إن الذين يريدون أن يأخذوا بركتها من دير القديس الأنبا شنوده بسوهاج وبعد ذلك يكون لها مطلق الحرية في موضوع المقابلة وفعلاً ذهبت الأم الراهبة إلي الأم إيريني وأبلغتها بذلك فوافقت للوقت بمقابلة الخدام وأمرت بإعداد مائدة طعام الغذاء للمجموعة كلها وما أن انتهوا من الطعام حتى وصلت الأم إيريني ورحبت بهم وجلست معهم جلسة روحية استفاد الجميع منها وقصت معجزة كبيرة ( 1 ) لها مع القديس الأنبا شنوده ولكن ألان لا نستطيع أن نسردها وننشرها لأننا لم نتمكن من أخذ إذن بذلك وقد ذهبنا أكثر من مرة للمستشفي لمقابلتها ولم نتمكن من ذلك ونطلب من الرب بشفاعة القديس الأنبا شنوده رئيس المتوحدين شفيعنا وشفيع الأم إيريني أن يتم لها الشفاء ( 2 ) ونرجع ونأخذ بركتها.

( وحكت لنا الأم إيريني في هذا اللقاء أنه كانت إحدى الراهبات الكبار في السن مريضة والتي كانت تتخذ القديس الأنبا شنوده شفيعها الخاص ولا تستطيع أن تترك الفراش أبداً وكانت تُحمل للكنيسة للصلاة أحياناً . وفي ليلة عيد نياحة القديس الأنبا شنوده رئيس المتوحدين عاتبته بشدة في عدم تمكنها من الذهاب إلي الكنيسة للاحتفال بعشية عيد نياحته وأخذتها غفوة ونامت وإذ بها تجد القديس الأنبا شنودة يوقظها ويقول لها قومي وتعالي نذهب للكنيسة فقالت له لا أستطيع فمد يده ورشم علامة الصليب على قدميها وأمسك بيدها وأقامها وأخرجها من القلاية وأختفي فوجدت نفسها تنزل إلي الكنيسة ودخلت ومجدت الله والقديس الأنبا شنوده والقديس أبي سيفين وذلك وسط تعجب ودهشة الراهبات وقصت لهم ما حدث وحضرت معهم التسبحة والعشية ومجدوا الله جميعاً على اهتمامه ومحبته لأولاده وشكروا القديس العظيم الأنبا شنودة رئيس المتوحدين شفاعته تكون معنا آمين )).

كل عطية صالحة وكل موهبة تامة هي من فوق نازلة من عند أبي الأنوار الذي ليس عنده تغيير ولا ظل دوران . (يع 17 : 1)
وكمان معجزة آخري مع امي ايريني


حكت لنا الام إيرينى هذه المعجزة :- قالت انها عندما كانت فى سن الاربعة سنوات انها تعرضت الى لدغة عقرب أثناء وجودها فى منزل العائلة كانت ستودى بحياتها فما كانت من الاسرة الا انها سلمت الامر الى الله ووضعوها على الفراش فى حالة غيبوبة تامه . وتشفعوا بشفيع الاسرة القديس العظيم الانبا شنوده رئيس المتوحدين فما هى الا دقائق معدودة حتى أفاقت من الغيبوبة وقامت من الفراش وشعرت بالشفاء الكامل ولاحظت انه لا يوجد اى اثر لمكان لدغة العقرب فمجدت الاسرة الرب بشفاعه القديس العظيم الانبا شنوده رئيس المتوحدين بركه صلواته تكون معنا أمين .
تم كتابة هذه المعجزة بعد نياحة الام ايرنى .

بركة وشفاعة تماف ايرينى تكون معانا جميعا أمين

رد: بمناسبة عيد نياحة الام ايريني طيبة الذكر
 

أولاً:- فى كتابة معجزاتها وهى فى الجسد على الأرض

تقول إحدى الراهبات :-
† " أثناء سفر أمنا الغالية الى احدى رحلاتها العلاجية الى أمريكا فى 1999م كنت أقضى فترة فى ديرنا بالقناطر ، وذات يوم بعد أن أخذت حقنة الأنسولين ..لانى مريضة بالسكر .. خرجت من قلايتى بالدور الثالث وأخذت الأسانسير للنزول الى المائدة ، وفجأه انقطع التيار الكهربائى وتوقف الأسانسير فى المسافة بين دورين وكان الباب مصوجر لايمكن فتحه.. لإاخذت أخبط على حوائط الأسانسير من الداخل حتى يسمعنى أحد ، لكن دون جدوى ...

ومن المعروف ان انقطاع التيار الكهربائى فى القناطر لايعود مرة ثانية الا بعد وقت طويل يصل أحياناً الى نصف يوم او اكتر ...


وفجأه شعرت بهبوط شديد ورعشة فى كل جسمى وعرق غزير كبداية كومة سكر واطى من حقنة الأنسولين .. فى الحقيقة من كترة تعبى،
شعرت اننى فى حالة موت ولامفر منها ،فقدمت توبة وأخذت أصلى وأبكى .. وقلت فى داخلى " كده برضه ياتماف دا انتى بتحسى بالناس كلها، مش حاسة بىّ ... حَ أموت وأنا داخل الأسانسير ..،


وفى الحال لقيت حد بيفتح الباب ، ولكن كان هناك فرق حوالى مترين بين المكان الذى توقف فيه الأسانسير والدور التانى ،فقلت :
"خلاص حَ أنط ولو انكسرت أحسن من المشكلة اللى أنا فيها ؛

لما جيت أنط ،لقيت حد بيمسكنى ويسندنى بالراحة لغاية مانزلت الدور التانى .. ووصلت عند أخواتى فى المطبخ وانا فى حالة انهيار من الموقف
فأسعفونى بسرعة ، وحكيت لهن عما حدث والكل فى ذهول وتعجب : كيف يفتح باب الاسانسير المصوجر من ذاته ، لأنهن بعد ذلك وجدنه مغلقاً ومغلقاً فى مكانه بين الأدوار إذ أن التيار الكهربائى كان مازال منقطعاً ...


فى ظهر اليوم التالى ،اتصلت بنا أمنا الغالية تليفونياً من أمريكا لتطمئن على أخبارنا ، وسألت على الجميع واحدة واحدة .. وفى مثل هذه المكالمات تكون السماعة دائماً مفتوحة وكلنا بنسمعها فى وقت واحد ونكلمها ، إلا أنها فى نهاية المكالمة قالت:-

فين أمنا (فلانة) عاوزة أسمع صوتها ... هى عاملة إيه دلوقتى؟
هىّ لسه عايشة ..؟
فأجبت : أنا عايشة بصلواتك يا تماف ..،
فقالت لى : إنتى أحسن من إمبارح ،
فقلت لها : هو أنتى حسيتى بيّ ؟!
فقالت لى : ماتعمليش كده تانى ، إما تخلى أكل عندك فى القلاية
أو إما تاخدى حقنة الأنسولين معاكى وتاخديها لما تنزلى ...،

فشكرت ربنا على محبته وحنانه وتعجبت على مواهبه الفياضة التى تفوق العقول والإدراك ، فيسمح لأمنا الغالية بأن تشعر بنا وترعانا ...
رغم بُعد المسافات عيناها دائماً علينا ...
فليتمجد إسم الله فى قديسيه
بركة شفاعة وصلوات تماف إيرينى والشهيد العظيم أبى سيفين فيلوباتير مرقوريوس أبو سيفين
تكون مع جميعكم
آميـــــــــــــــــــــــــن