|
مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
مسابقة عيد ميلاد منتدى الفرح المسيحى الرابع 2009م-2013م ما أحلى أن نجتمع معا السؤال رقم(1) ألقاب الشخصيات الكنسية اليك ألقابا أطلقت على بعض المشاهير من الشخصيات الكنسية والمطلوب أن تعرف صاحب كل لقب: 1-عمود الدين 2-كوكب البرية 3-رئيس المتوحدين 4-أب الشركة 5-أبو طرحة 6-الكرام 7-ضد العالم 8-محب والده 9-العمودى 10-الناطق بالالهيات 11-فم الذهب 12-رسول الأمم 13-رسول الختان 14-الرجل الكامل حبيب مخلصنا الصالح 15-أبو التاريخ الكنسى 16-أبو الاصلاح السؤال رقم(2) البرقية الغامضة تلقت احدى العرائس المسيحيات ليلة زفافها برقية تهنئة لم يكن فيها الا ما يأتى ر أ 3 10 و 4 11 فاندهشت ولم تستطع أن تفك رموزها.ولكنها حين عرضتها على عريسها ضحك وفسرها لها بسهولة.واتضح أنها تحوى أمنيات غاية فى الجمال.فهل تعرف كيف توصل العريس الى ذلك؟ السؤال رقم(3) أين الوالد؟ سألت الأم أولادها الخمسة عندما عادت الى المنزل بعد زيارة صديقة لها: -هل تعلمون أين ذهب والدكم؟ فقال الولد الأصغر:(انه ليس فى مكتبه يا ماما) وقال الولد الثانى:(انه غادر المنزل منذ مدة) وقال الثالث:(نعم..انه ذهب الى الكنيسة) فقال الرابع معترضا:(لا..بل خرج ليشترى لنا هدايا العيد) فقالت أخته:(لا.ليس ذلك صحيحا يا أخى) فاذا علمت أن أربع اجابات كانت صحيحة واجابة واحدة غير صحيحة فأين كان الوالد؟ السؤال رقم(4) ما هو الدير الذى يوجد بداخله مسجد على بعد 10 أمتار من كنيسته الكبرى؟ السؤال رقم(5) ألقاب متعلقة بالشهداء المطلوب معرفة الأشخاص الذين أطلقت عليهم الألقاب الآتية: خاتم الشهداء أمير الشهداء أول الشهداء كاتب سير الشهداء السؤال رقم(6) عن اسفار صموئيل والملوك الكاهنان-من هما؟ جوز كهنة..حفيظ يا حفيظ---------سيرتهم وحشة تغيظ كان كل نفر م الشعب-------يدى ذبيحة للرب يلطشوا منها بالغصب-------غضب الله من دا الذنب فى الحرب بقوا هالكين-----فى يوم واحد..لتنين السؤال رقم(7) عن اسفار صموئيل والملوك القاسى-من هو؟ رفض كلام المشايخ-------سمع كلام الشباب وكان جوابه بايخ--------وقاسى(للنواب) الثورة قامت ضده-------عشان كلامه المثير وما بقاش تحت يده-------غير سبط واحد لا غير السؤال رقم(8) عن اسفار صموئيل والملوك نبيهة-من هى؟ نبيهة وقلبها منور------وجوزها غبى ومتهور وقع بلسانه يوم وقعة-----بقت نار الغضب والعة لكين هى بهديتها------وذوقها الحلو طفتها السؤال رقم(9) عن اسفار صموئيل والملوك الماء المسكوب-من هو؟ أبطال خاطروا بأرواحهم وجابوله المية اللى طلبها مروا وسط الأعداء وجابوها ولكين قال مش ح أشربها دى دم(رجال أبطال).وبسرعة قصاد الرب.سكبها السؤال رقم(10) عن اسفار صموئيل والملوك موت الشريرة-من هى؟ حدفوها من طاقة فى الحيط-------بقى جسمها بشدة مخبوط وفوق جسدها داس الخيل--------والدم كان بغزارة يسيل وجت ساعتها كلاب جعانين------من لحمها بقوا شبعانين ما سابوش غير عضم الكفين------والجمجمة ويا الرجلين كان موتها عبرة للظالمين-------الغاصبين حق المساكين |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
سلام ونعمه
طيب انا هأشترك معاكم فى المسابقة بس هنا فى الموضوع لم توضح هل نفس الشروط دى انتظرونا غدا الأحد 15 سبتمبر 2013(المسابقة الكبرى للفرح المسيحى) فى العيد الرابع للمنتدى-جوائزقيمة ياريت لو كدة تضفها مع الموضوع علشان اللى اول مرة يدخل المسابقة |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
وانا كمان معاكم فى المسابقة
لغاية الان اسئلة كويسة عقبال الباقى |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
السؤال رقم(11)
عن سفر الأمثال اطمئنان فى البرد-من هى؟ لو حتى كان تلج بينزل------ف ليلة صعبة شتوية وناس كتير قوى بردانة-------بتبقى مطمنة هى اكمنها كاسية عيلتها-------بهدوم كتيرة مدفية السؤال رقم(12) عن البشائر الأربع وسفر الأعمال لقاء فى الصحراء-من هو؟ رحت فى صحراء(العربية).وهناك الرب كشف لى.أعلى الأسرار المسيحية زودنى فيها بالنعمة.وادانى قوة للخدمة.رحت أنادى الدنيا بهمة السؤال رقم(13) عن البشائر الأربع وسفر الأعمال الوالى المرتعب-من هو؟ سمع عن القداسة-------وعن يوم الحساب م الرسول المتقيد-------حصل له ارتعاب مع انه كان الوالى------العظيم المهاب السؤال رقم(14) عن قديسى الكنيسة قديسة-من هى؟ هى قديسة مصرية-------كانت فى الأول وثنية احتملت عذابات وحشية------م السلطات الرومانية باسمها فى القسطنطينية------بيعة لها شهرة مدوية حوّلها سلاطين تركيا-------جامع ومعارض أثرية السؤال رقم(15) عن قديسى الكنيسة قديس-من هو؟ صلى على(زهرة باشا)------بنت محمد على باشا وبفضل الرب شفاها-------ومن الشيطان نجاها والأموال اللى أخدها-------لجنود القصر أعادها قال للباشا:احلى هدية-----عطفك ع(النصرانية) فى التوظيف ياخدوا نصيبهم----و ف بنا كنايسهم سيبهم السؤال رقم(16) عن قديسى الكنيسة صاحب الجمل-من هو؟ قديس ويا ما معجزات باهرة عمل ويا ما فى دنياه من الهزء احتمل فى صورته دايما يترسم جنبه جمل السؤال رقم(17) عن قديسى الكنيسة القديس الشاعر-من هو؟ قديس منسوب للسريان-----يمتاز بالشعر الرنان به حارب بدع الشيطان------به وضح أسس الايمان خلاها ثابته فى أذهان-------البسطا طول الأزمان السؤال رقم(18) عن عقائد وطقوس الكنيسة ما اسم الكتاب؟ أنا فىّ التذكار------أنا فىّ الأخبار يقرأنى القسيس-----بعد(الابركسيس) السؤال رقم(19) أذكر واحد أصبح اثنين اثنين أصبحا ثلاثة ثلاثة أصبحوا أربعة أربعة أصبحوا ستة خمسة أصبحوا عدد كبير جدا 11 أصبحوا 12 السؤال رقم(20) أذكر أربعة شخصيات فى الكتاب المقدس لا تتغير أسماؤهم لو قرأت بالعكس |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
نفس الكلام أخى رامز ونفس الشروط موضوع انتظرونا كنت عامله عبارة عن اعلان والمسابقة تبقى لوحدها لكن لو فى أى تعديل للنظام والشكل الجمالى حضرتك اتفضل اعمله يا أستاذ رامز |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
انا معاكوا اكيد
|
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
السؤال رقم(21)
من هو؟ الوحيد فى أمثال السيد المسيح أعطى له اسما السؤال رقم(22) من هو؟ ميت أقام ميت السؤال رقم(23) من هو؟ مات واحد وقام اثنين السؤال رقم(24) حزر فزر 1-السفر الوحيد الذى كتب مرتين 2-الآية الوحيدة التى نطق بها السيد المسيح ولم تذكر فى الأناجيل الأربعة 3-التلميذة الوحيدة المذكورة فى الكتاب المقدس 4-السفر الوحيد الموجه الى امرأة 5-الوحيد الذى لم يأكل خبزا 6-السفر الوحيد فى العهد الجديد الغير منتهى بكلمة آمين 7-النبى الوحيد الذى ذكر اسم المسيح فى سفره |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
السؤال رقم(25)
اليك أسماء بعض القصص والروايات الخالدة الأجنبية والعربية أذكر اسم المؤلف؟ 1-البؤساء 2-حلم ليلة صيف 3-قصة مدينتين 4-الأيام 5-الأجنحة المتكسرة 6-كوبرى الناموس 7-غادة الكاميليا 8-دعاء الكروان 9-ذهب مع الريح 10-أوليفر تويست السؤال رقم(26) اليك بعض الاختراعات والاكتشافات أذكر اسم المخترع أو المكتشف؟ 1- قانون الجاذبية 2-النظرية النسبية 3-التليفون 4-البنسلين 5-التليفزيون 6-الديناميت 7-معجزة أول طفلة أنابيب 8-مكتشفة الراديوم 9-البكتريا 10-التليسكوب السؤال رقم(27) من؟ معروف انى قاضى عادل-------والكل لأحكامى خاضع أنا فى ايديا كفين لكن--------ما فيش فيها أى صوابع أصدر حكمى بدون ما أتكلم------وما فيش حد يثور ويمانع السؤال رقم(28) من؟ من يوم ما صاحبتك-------بامسك فى رقبتك واركن على صدرك-------دا جمالى يسرك لا أنت بتتضايق------ولا أنا باتخانق السؤال رقم(29) من؟ فى فطورنا وغدانا وعشانا------تخدمنا وتكون ساكتة وراضية فى بقنا تدخل مليانة-------وبسرعة تخرج منه فاضية السؤال رقم(30) ما هو؟ الحيوان الذى أعتقد الناس قديما أنه نبات |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
السؤال رقم(31)
هذا سؤال رياضى وللتقريب السؤال عن نجم رياضى فى كرة القدم ومعتزل ابو اسم عالمى-------فى كل مفكرة حريف وله مكانة------مش غاوى منظرة وجه لعب فى مصر-----وشوفنا المقدرة لو جات له أى كورة-----بيلف بمعلمة ويفوت ويحط كورة------فى الجون مكشرة براسه أو برجله------ده مين ده يا ترى أسطورة الملاعب------مراية كل لاعب للكورة معجزة عرفتوه ولا لسه------أبو سمرة السكرة سلام كبير يا عم------علشان الجوهرة السؤال رقم(32) سؤال فى الذكاء والخداع والمطلوب التركيز فى كل كلمة اذا كان أول أمس يوم شم النسيم فأى يوم سيكون بعد غد السؤال رقم(33) سؤال فى الذكاء والخداع والمطلوب التركيز الشديد فى كل كلمة صبى يعمل عند تاجر ويأخذ كل يوم اتنين جنيه فكم يأخذ كل شهر السؤال رقم(34) سؤال فى الذكاء والخداع والمطلوب التركيز فى كل كلمة عصابة تخطط لسرقة قصر له 3 أبواب مشدد عليها الحراسة الباب الأول يقف عليه 3 كلاب حراسة متوحشة والباب الثانى يوجد عليه أسد ميت من الجوع والباب الثالث عليه كاميرات تصور كل الداخلين للقصر..فمن أى باب يمكن دخول القصر؟ السؤال رقم(35) سؤال فى الذكاء والخداع والمطلوب التركيز فى كل كلمة شاهد المتفرجون فى السيرك استعراض البط حيث شوهدت بطة أمام بطتين وبطة خلف بطتين وبطة وسط بطتين وكان عددهم أقل ما يمكن..فكم كان عددهم؟ |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
أخوتى الأحباء هنرجع تانى للأسئلة الدينية فى الأسئلة رقم
36 و37 و38 و39 ولكن هاتكون عن طريق الصور السؤال رقم 36 اسمه(حدد الطريق)بالقلم الرصاص أول حاجة ازاى يوصل الراعى للخروف الضال تانى حاجة ازاى توصل مريم المجدلية للتلاميذ لكى تبلغهم بقيامة المسيح وده هايكون فى الرسالة اللى جاية |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
|
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
بعد كده السؤال رقم 37
باسم من قال هذه العبارة وأيضا بالتوصيل بالقلم سواء رصاص أو غيره وده فى الرسالة القادمة |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
كده الاسئلة صعبة شويتين
هههههههههههههههه |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
|
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
أنا يا راندا هالغى حكاية انه لازم يكون الاجابة كلها صحيحة وهيبقى لو الاجابة صحيحة لحد 75% الفريق هاياخد الجوائز الكبيرة الأولى اللى أنا قولتها |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
بعد كده السؤال رقم 38
وده لأقوياء الملاحظة وهى صورتين للقديس الأنبا أنطونيوس والمطلوب معرفة الاختلافات فى اختلافات كتير لكن المطلوب 5 اختلافات فقط وده فى الرسالة القادمة |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
|
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
بعد كده السؤال رقم 39
وده كلمات متقاطعة دينية هايكون فى لوحتين للكلمات المتقاطعة المطلوب اختيار لوحة واحدة فقط لحلها(يعنى الأسهل) وده فى الرسالة القادمة |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
|
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
بعد كده فاضل آخر حاجة وهو السؤال رقم 40
وده 6 صور منهم 5 صور لشخصيات مشهورة والمطلوب معرفة من هم وصورة واحدة لمكان والمطلوب معرفة اسم هذا المكان وده فى الرسالة القادمة |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
|
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
كده أخوتى الأحباء المسابقة اكتملت وأى حد عنده استفسارات أو أسئلة أو اقتراحات أنا تحت أمركم |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
هههههههههههههههههههههههه
كل ديه اسئله الرحمه يا عم الحاج هههههههههههههههههههه الله المستعان هههههههههههههههههههههه |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
جاري الاجابة وهخلص وابعتها علي الرسائل الخاصة
|
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
تم ارسال بعض الاجابات وغدا هتكون كل الاجابات موجودة باذن الله
|
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
على فكرة المسابقة حلوة اوى
واسئلتها جميلة بس سهل اوى وصعب شوية وصعب شوتيتن بس بجد روعة اولا الفريق يعلن اسمه هنا ولا عادى يبعتوا الاجابات على طول ثانيا الاجابات كلها مرة واحدة ولا على اجزاء |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
صحيح يا راندا الأسئلة متدرجة بين السهولة والصعوبة وممكن لما تبعتى تقولى مين اللى معاك وممكن تبعتى جزء جزء وآخر ميعاد يوم 6 أكتوبر |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
مسابقة جميلة جداً |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
انا موجودة طبعا
وهشترك فها اكيد انا اشتركت حلاص جاري الحل يارب اكسب |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
بالنسبة للصور الوصول للخروف
ومريم المجدلية ازاى ابعت لحضرتك الاجابة |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
هو المفروض يا راندا انك أول حاجة تحددى طريق الوصول بقلم مع تجنب التقفيلات وبعد كده ترسليها بعد تحديد معالم الطريق |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
كم اختلافات فى الصورة مطلوبة
|
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
مطلوب 5 اختلافات فقط |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
اييييييييه الاسئلة دية كلها
حراااااااام هجيب وقت منين بس :( |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
هههههههههههههه معلش لازم المسابقة تكون على مستوى المنتدى وأعضاؤه وبعد النتيجة والفرحة والفوز هتقولى على الوقت اللى كنت بتحلى فيه المسابقة أنه كان أسعد الأوقات |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
انا شايفه كله بيجاوب لوحده ومش شايفه فرق خالص
|
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
فى أعضاء بلغونى بأسماؤهم واسم الفريق النازلين بيه المسابقة |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
معلش انا جايه متأخر
هى المسابقه خلصت ولا لسه مستمره بصراحه مسابقه جميله واسئله متنوعه سهله وصعبه يعنى شامله ربنا يباركك |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
معلش انا جايه متأخر
هى المسابقه خلصت ولا لسه مستمره بصراحه مسابقه جميله واسئله متنوعه سهله وصعبه يعنى شامله ربنا يباركك |
رد: مسابقة عيد ميلاد منتدى الفرح المسيحى الرابع 2009م-2013م..ما أحلى أن نجتمع معا
آخر ميعاد يوم الأحد 6 أكتوبر |
| الساعة الآن 10:05 PM |
Powered by vBulletin® Copyright ©2000 - 2025