|
مليش غيركم اقدر اتكلم معاة
انا بجد مخنوقة اووووووووى مش عارفة اعمل اية هو موضوع لية علاقة بالارتباط قولولى اعمل اية كان فى واحد معجب بزميلى ف الشغل هو اخلاق جدا جدا جدا وابن الكنيسة ومحترم جدا هو من المنيا المهم هو قابل مامتها واخواتها علشان اخوها شافها قبل كدة معاة ف الطاحونة وقابلهم واتكلم معاهم المهم ان انا وهو اتعرفنا على بعض وكان بيجى الشغل عندنا وبناكل مع بعض وضحك وهزار علطول المهم هو متفاهمش مع زميلتى دية وسابها يوم العيد (عيد القيامة اللى فات ) وكان بيكلمنى وبيلمح انة معجب بيا وانا بصراحة منكرش انى اعجبت بية وانا وهو حبينا بعض بس طبعا زميلتى اللى ف الشغل مش سيباة ف حالة وبتكلمة وبتروحلة شغلة وانا وهو كنا بنتقابل المهم ان انا قبل كدة عملتلة مشاكل كتير اووووووووى ف شغلة وف حياتة هو انسان على فكرة بحسة انة ملاك على الارض مبيحبش يزعل حد منة مينفعش يجى على زميلتى دية ويجرحها بيخاف على مشاعر الناس اوى المهم انا وهو اول لما ارتبطنا انا حكيت لاخويا وماما ف البيت وعرفتة ان البيت عندى يعتبر عارف بموضوعنا المهم اليومين اللى فاتوا حصلت مشكلة بينة وبين زميلتى دية لانها لسة بتكلمة ف بيكلمنى وهو مضايق ومخنوق اقعد اقولة مالك يقولى مفيش انا هقفل بصراحة اتنرفزت لانى كنت عمالة اكلمة وهو انتظار ومش بيعبرنى اتنرفزت علية وشدينا مع بعض تانى يوم اقعد اكلمة ميرضش عليا وعمالة ابعتلة رسايل وفونة مقفول ويفتحة يعمل فون ويقفلة تانى اعصابى كانت تعبت اوى تانى يوم روحت الشغل اعصابى منهارة وتعبانة وعمالة اعيط طبعا زميلتى بتقولى مالك قولتلها مفيش هى كانت حاسة ان فى حاجة بينى وبينة قالتلى تعبك دة وعياطك بسبب ولد يعنى بسبب الحب احنا مكناش عاوزين نقولها دلوقتى علشان منجرحهاش انا والانسان اللى بحبة ف المهم لقيتها بتقولى انتى بتحبى فلان علية هو طبعا قولتلها بصراحة اة انا عارف انى اتسرعت انى قولتلها بس بصراحة اعصابى كانت تعبانة اوى مش لاقية حد اتكلم معاة غيرة وهو مش بيكلمنى كنت بموووووووووووووت وماصدقت لقيتها بتفتح معايا الكلام ف الموضوع دة وف الاخر بقولها انا عاوزة اشوفة عاوزة اطمن علية قالتلى لا بس اهم حاجة يامارينا هو قالك انة بيحبك قولتلها لا مع انة قالهالى قالتلى وكنتوا بتشوفوا بعض قولتلها لا مع اننا كنا بنتقابل انا انكرت كل دة علشان مش اعملوا مشاكل بس عرفت بعد كدة انها رايحة تقابلة استأذنت من الشغل ومشيت وكلمتها لقيتهم مع بعض وشوفتهم ف المترو وهو شافنى عقبال ماعديتلهم الناحية التانية لقيتة ركب وعنيا كانت ف عنية وكنت منهارة وهى ركبت معاة ومشيوا اكتر موقف اتوجعت فية وكنت ميتة وكلمت زميلتى اللى من الشغل وقولتلها دة بيتسلى بيا وبيكى نفس المواقف اللى بيعملها معايا دلوقتى كان بيعملها معاكى انا مش عوزاة تانى لانى كنت مجروحة بجد المهم قعدنا حوالى يومين مش بنكلم بعض بس واحدة زميلة ليا تانى كلمتة وقالها طمنينى عليها هى عاملة اية دلوقتى انا قلقان عليها من كلامة عليا معاها ادانى القوة انى انا اللى اكلمة وفعلا كلمتة وقالى انتى لية عملتى كدة لية قولتلها على اللى بينا انتى خلتيها تاخد عنى فكرة وحشة المهم انا سيبت الشغل علشانة لانها عاجلا ام اجلا كانت هتعرف بالموضوع بس هو مغلطنى انى قولتلها الموضوع مش بمحبة انا قولت بكراهية وفعلا دة اللى حصل المهم هو من اقل حاجة بيقولى انا هبعد انا مش عارف افهمك وانتى مش قادرة تفهمينى بصراحة بتعب اوووووووووووى خلاص انا حبيتة ومش قادرة ابعد عنة صعب انى انساة لانى حاولت كتيييييير اوى ومش قادرة المهم انا البيت عندى دلوقتى عارف بكل دة واخويا طالب منى انى ابعد عنة ولو لقانى بكلمة تانى هياخد منى الفون بتاعى وهو خد رقمة من الفون بتاعى امبارح ولما كلمت حبيبى دة وقولتلة اخويا خد رقمك بيقولى وانا المطلوب منى اعمل اية يعنى انتى عارف ان دلوقتى بينى وبينك فى شرخ كبيير اوى وعندى مشاكل كتير الدنيا كلها متلغبطة معايا قولتلة انا بس عوزاك تكلمة تيجى منك انت علشان تكبر ف نظرة ويعرف انى بحب راجل وتقولة انا عندى مشاكل ومنين ماتخلص انا هاجى واتقدملها بيقولى بصراحة كدة انا حاسس انى بدبس واخوكى لو كلمنى هقولة خلاص انا مش هكلمها تانى بقولة يعنى انت كدة بتبيعنى وبتتخلى عنى دة انا ياما وقفت معاك ف مشاكلك بتتخلى عنى بالسهولة دية بيقولى انا عندى مشاكل كتير اوى ومش فايق انا حاسس انكم قاعدين فاضيين وبتخططوا وترسموا هو دماغة كبيرة اوووووووووووى انا ساعات كتير بحس انى مش مغلطاة ف كل حاجة وساعات كتير بحس انى باجى على نفسى كتير علشانة بس هو علطول بيقولى انا مش باجى عليكى ف حاجة قولولى اعمل اية انا كتبت هنا الموضوع دة علشان واثقة ف رايكم انا عارفة ان الموضوع كتييييييييييييييييير اووووووووووووووووووووووووووووووووووى بس بجد مش لاقية حد اتكلم معاة انا بموووووووووووووووووووووووووووووووووووووووووووووووو ووووووووووووووووووووووووت وانا اسفة جدا على انى طولت عليكم بس من فضلكم خليكم جمبى لانى فعلا محتجالكم اووووووووووووووووووووووووووووووووووووووووى |
رد: مليش غيركم اقدر اتكلم معاة
يا مارينا واضح جدا أنه بيتسلى بيك وبصحبتك ونفس الكلام إللي بيقوله ليكي وبيقوله لصحبتك يعني بيلعب على الناحتين وشكله مش ناولي على الارتباط بيك ولا بصحتك هو أكيد ظروفه على أده ولسة بدري لما يفكر بالارتباط فبيتسلى ببنات الناس مش اكتر وللأسف انت صدقني الفيلم اللي عمله عليكي نصيحة لأي بنت متخرجيش من اي انسان وتقابليه برة بيتك أو كنستك علشان اول ما تخرجي معاه أكيد بيقول في نفسه أكيد خرجت مع قبلي كتير وبكدا هو بيكمل معاكي تسليه لكن البنت الجدعة لما واحد يقولها قابلين تصده وتقوله ليه وعشان ايه عايز تقبلي يبقى فى علم اهلي وبطريقة طبيعية مارينا ابعدي عنه ارمي شريحة التليفون ومتكلمهوش تاني ابدا مها عمل خلي كرامتك بالدنيا حتى لو هو عمل ايه دا ولد لعبي خلي بالك البنت سمعة لو سمعتك حاجة مستها مش هيبقى كويس ربنا معاكي ويحافظ على كل بناته |
رد: مليش غيركم اقدر اتكلم معاة
هو منكرش انة بيحبنى قدام زميلتى اللى هى بتحبة دية
هو قالها كل حاجة مارينا قالتهالك صح انا فعلا بحبها وهو يعتبر جاهز انة يتقدم بس هو عندة مشاكل كتييييييير جدا هو فعلا مش بيحب زميلتى دية انا واثقة من كدة هو بس محتاج لشوية وقت ليا ولية علشان يقدر يعتمد عليا ف اى حاجة تانى لان قبل مالمشاكل دية كلها تحصل كان بيقولى امتى اخلص من موضوع ارتباطى القديم دة علشان اقدر اجيلك واتقدملك وبعدين هى لو كلمتة او اى حاجة حصلتلة بيقولى عليها وهى من بعد اما انا سيبت الشغل بتقولة بتكلم مارينا قالها اة بكلمها اطمن عليها |
رد: مليش غيركم اقدر اتكلم معاة
حبيبتى مارينا مافيش حد يعمل كدة فى حد بيحبه ابدا لو بصيتى للموضوع ككل بعقلك مش بقلبك هاتفهمى انه يقدر يبيعك بسهوله جدا يعنى سهل عليه انه يبيع ومايقدرش وقوفك جنبه ولو انتى اللى تهميه اوى ماكانش قالك قولتيلها ليه اللى بيحب حد ولا هايهمة اى حد تانى وخصوصا انهم سابوا بعض خلاص يبقى رجعلها تانى علشان بيحبها هى مش انتى وانتى كنتى الوسيلة اللى اختارها علشان تنسية المشاكل اللى بينهم وانتى فعلا عملتى كدة لكن وقت الاختيار مش هايختار الارتباط بيكى لانه من البداية ماكانش بيحبك هو كان متعلق بيكى بس علشان تنسيه اللى بينه وبينها او علشان حاجة تانية خااااااااااالص انه يغيظها بيكى علشان ترجعله حتى لو اضطر انه يقولها انه بيحبك مش مهمة اوى الحكاية دى عندها لان المهم فى النهاية هى هاتكسب وهايتخطبوا فمش فارق معاها يحبك ولا لا وللاسف دة اللى حصل واتغاظت منك ورجعتله وبيخرجوا مع بعض حبيبتى الحب تضحية وانه يضحى بزعل اى حد تانى غير زعل حبيبته فوقى يا حبيبتى من الوهم اللى كنتى عايشة فيه دة ماكانش حب بمعناه اللى انتى عايزاه انتى قلبك طيب ومش دة الشخص اللى يستاهلك ويستاهل انه يحميكى من اى حاجة فى الدنيا وانه يكون راجل يشيلك جوة عينيه ربنا كتير اوى بيفوقنا فى الوقت المناسب علشان تكونى طلعتى من التجربة دى بدرس عمرك ماتنسيه ابدا ومايحصلش معاكى مرة تانية لان اللى يسيب انسانه بتحبة ويروح لواحدة تانية وبعدين يرجع تانى للاولى ويسيب التانية مايستحقش ابدا نقول عليه راجل دة بيتسلى يا حبيبتى وربنا يقويكى واسمعى كلام اخوكى لانه مافيش حد فى الدنيا هايخاف عليكى أدة اهوكى اللى بيكبرك وبيرفع من كرامتك ماتنسيش حتة الكرامة دى اللى لو دوسنا عليها علشان حب موهومة بيه انتى اللى هاتخسرى كرامتك قدام نفسك وقدام الشخص دة فكرى بعقلك وماتظهريش ضعفك قدامهم وحاولى توصلى ليها انك كنتى موهومة وفوقتى فى الوقت المناسب ماتديش الفرصة لحد انه يستغل ضعفك ياحبيبتى افرحى مش تعيطى وتحزنى اة افرحى ان ربنا انقذك وربنا يكون فى عونها وينقذها هى كمان لانه مادام سابها وراحلك وبعدين سابك وراحلها لو اتخطبوا بقة تأكدى مليون فى المية انه هايسيبها ويلعب بعواطف واحدة تانية لو حصل بينه وبين خطيبته اى مشكلة تعكنن عليه حياته وخليكى فاكرة انه الك انتوا بتدبسونى انتى واخوكى اللى بيفكر التفكير دة تاكدى بجد انه مش هايرتبط بيكى ابدا لانك كدة فعلا شايف انك بتدبسية وماتزعليش من كلامى لاننا لما بنحب بنكون مش شايفين او بنفكر غير بقلبنا وبس علشان كدة انتى اخدتى رأينا وربنا معاكى يا حبيبتى ويفرح قلبك باللى يستحقك بجد :) |
رد: مليش غيركم اقدر اتكلم معاة
بصى يا مارينا
من واقع انى اخ ليكى وانتى اختى الولد د بيتسلى بيكى انتى وزميلتك الولد دا لا ملاك ولا حاجه الولد دا لقى انك محتاجه لحد تقربى منه فعمل عليكى الدور دا بصفتى اخ ليكى انا موافق على اللى اخوكى قاله لان الولد دا هيلعب بمشاعرك وصدقينى انا عندى خبره كبيره بالمواضيع دى لان انا ليا اصدقاء كتير جدا واتحكالى حاجات زى كدا كتير بجد ابعدى عنه واقطعى علاقتك بيه لان ما عندوش مبدأ بيقابلك وبيقابلها بيكلمك وبيكلمها اسمعى الكلام وابعدى عنه |
رد: مليش غيركم اقدر اتكلم معاة
حبيبتى الخطوة دى صعبه عليكى انا عارفة بس تاكدى لو طلبتى من ربنا يخرجك من الموضوع دة هايكون جنبك صدقينى واطلبى منك كمان انه يكشفلك حقيقته لو مش مقتنعة بكلامنا مارينا احنا شوفنا حوالينا كتير وشوفنا تجارب كتير فى حياه اصدقائنا واللى حوالينا اخوكى بيحبك وبيخاف عليكى انتظرى عمل ربنا يا مرمر ياحبيبتى وهاتعرفى انك كنتى فعلا موهومة بالحب دة |
رد: مليش غيركم اقدر اتكلم معاة
ياسمسمة هو لو عاوزها هيرجعلها لانها هى فعلا اللى بتجرى ورااة وف كلامة معايا لما اقولها روحلها بيقولى انتى اكتر واحدة عارفة انها مستنية منى اشارة بس لكن انا مش عاوزها هو بس مش قادر يجرحها او اى حاجة علشان معاهم ارقام اخواتة ف البلد وكلمتهم قالتلهم دة بيحب زميلتى وخربيتلة الدنيا ف البلد انا لية طيب مش قادرة انساة ومش قادرة افوق من اللى انا فية
بصراحة لغاية دلوقتى كل اللى يعرف موضوعنا يقولى ابعدى عنة هو بيتسلى بيكى هو لو بيتسلى بيا كان استغل فرصة انى بحبة انا حتى لما كنت مضايقة منة قولت لزميلتى دية قولتلها اللى هو بيعملة فينا هيتعملة ف اختة لما قولتلة انا بصراحة قولت كدة قالى لية طيب انا عمرى ماعملت حاجة وحشة ف اى حد بامانة المسيح هو مش وحش اوووووووووووووووووى كدة هو احلى شخصية انا شوفتها ف حياتى بس على رأى زميل ليا بيقولى انا لية شايفك انتى اللى شايلة الهم ف كل حاجة وفى غلطة كبيرة اوى انا عملتها بس انا عملتها بحسن نية علشان مش عوزاة يضيع من ايديا اتصلت بية من رقم اخويا وقولتلة دة رقم اخويا علشان لو كلمك متردش علية علشان انت مش ناقص كفاية اللى انت فية وهو مسافر بلدة يوم الاربع اللى جاى بيقولى هسافر ومش هرجع ولما لقانى زعلانة بيقولى واحتمال بردة ارجع |
رد: مليش غيركم اقدر اتكلم معاة
انا بجد مش عارفة اقولك
ايه علشان مش عايزة اضايقك بس عندى حل كويس ومجرب كتير اوى اكلمى مع اب اعترافك وحددى فترة تصلوا انتى واب اعتلاافك وكل اللى تعرفيه مش شرط مع بعض والاب الكاهن يذكر الموضوع على المذبح وسيبى للموضوع لربنا وقوليله ارشدنى يارب وانسى قلبك شوية وحكمى عقلك وسيبى ربنا يبين مشيتئه |
رد: مليش غيركم اقدر اتكلم معاة
انا محتجالكم كمااااااان تصلولى كتييييير اووووووووووووووووووووووى
لانى لغاية النهاردة مش قادرة اتخيل انة بيتسلى بيا لانى مصدقاة ف كل حاجة صلولى ان ربنا ينورلى عقلى وقلبى واقدر اشوف الحقيقة دية |
رد: مليش غيركم اقدر اتكلم معاة
يا مرمر لو بيحبك صدقينى مش هايخاف ابدا على اى حاجة فى الدنيا غير مشاعرك انتى وبس اينعم لازم يخاف على مشاعرها برضه لكن انتى اللى تتحطى فى الدرجة الاولى مش هى المفروض يضحى علشانك انتى مش علشانها هى المفروض يعتذر بكل احترام لاهلها ويوقلهم انا اسف ظروفى وحشة مش هاقدر اكمل او ارتبط ببنتكم وقدامى كتير هايطلع انسان محترم فى نظرهم انه مالعبش بعواطفها اكتر من كدة والموضوع هايخلص حتى لو اخدله كلمتين وحشين منهم مش اى كلام يتقال يامارينا يبقى لازم فعلا نصدقة ياما اتقال لبنات كتير انهم اهم حاجة فى حياة الشخص اللى بيحبها وانه مستعد يضحى وانه ... وانه ... لكن بتندم بعد كدة لما تعرف انه كلام وخلاص انتى ماتعرفيش هما متفقين على اية او بيقولوا اية يخليها متعلقة بيه كدة وماسابتهوش وهى عارفة انك بتحبيه الكلام مش بفلوس يا مرمر ولا هو مرتبط بيكى وقال لاهلك زى ما قال لاهلها فاهمانى يعنى ظروفة حلوة معاها وقال لاهلها وجة عندك انتى ظروفة وحشة ومش هايقول لاهلك وبيفكر ان دى تدبيسة منك ومن اخوكى عارفة يعنى اية انه يقولك انتوا بتدبسونى يعنى مش هايتقدملك صدقينى عارفة لو ربنا رايدلك الشخص دة حتى لو انتى سيبتيه هايعمل المستحيييييييييييييييييييييييييل علشان ييجى يتقدملك حتى لو ظروفة لسة مش حلوة علشان مش يخسرك |
رد: مليش غيركم اقدر اتكلم معاة
بصي يا مارينا
لو هو مش بيحبها ليه بيخرج معاها وانت شوفتيه بعينك لو هي بتطرده بسهولة عندي شغل لكن دا خارج معاها يعني عو عايز كدا يا بنتي بيتسلى بيكي وبيها وأكيد فيه غيركم إللى بيحب حد مش ممكن يزعله ولا يضايفة دا لو بيحب بجد لكن الواضح انك مش فارقه معاه وأنه بيقول كلام ليكي زي ما بيقوله لصحبتك أكيد بيقولها انك بطرديه وانك تعباه يعني الموضوع واضح ابعدي يا مارينا خلي كرامتك فوق قلبك انا عارفة الموضوع بيوجع فى الأول لكن بعد كدا هتضحكي على الايام دي ابعدي ابعدي كرامتك بالدنيا |
رد: مليش غيركم اقدر اتكلم معاة
بس هو فعلا ظروفة كانت حلوة لما كانت معاة واليومين دول فعلا عندة مشاكل كتييييييير وعلى فكرة اهلها ف البيت فاكرين ان الموضوع انتهى لان ظروفة مش حلوة
ميعرفوش ان بنتهم لسة بتكلمة انا مش قادرة اشوف غيرررررررررررررررررررررررررررررررررررررررررررررررر رررررررررررررررررررة قلبى مجروح اووووووووووووووووووى من كلامة دة بس عندى استعداد اتحمل اكتر من كدة علشان بحبة اوووووووووووووووى ومش هقدر اخسرة حتى لو لينا نصيب اننا نبعد عن بعض ومنرطبتش ببعض مش هقدر اخسرة صديق ليا كنا حلووووووووووووووووين اووووووووووووووووووووووووى الاول اووووووووووووووووووووووووووووووووووووووووووووووووو ووووووووووووووووووووووووووووووووووى |
رد: مليش غيركم اقدر اتكلم معاة
هو بيضطر يكلمها ويقابلها علشان هى يعتبر ماسكة علية ذلة اللى هى ارقام اخواتة
واللهى ماشيفاة وحش انا شايفة ان مفيش زية ف الدنيا كلها انا حتى لما بقولة انا عندى مشاكل ف البيت علشان موضوعى انا وانت بيقولى انتى السبب فيها انا موجوعة اووووووووووووووووووووووووووووووووووووووووووووووووى وعلى فكرة انا ضعيفة جدا وهو اللى كان بيقوينى وهو عارف ان هو اللى بيقوينى مش حد غيرة |
رد: مليش غيركم اقدر اتكلم معاة
خلاص يا مارينا زى ماتحبى مادام دة رأيك يبقى انتى مستعدة تخسرى وتنجرحى اكتر ومستعدة كمان تتحملى نتيجة تفكيرك لو بجد محتاجة لرأينا مش معقول ان كلنا شايفين الموضوع غلط اينعم انتى اللى جوة المشكلة لكن قادرين نستنتج من المواقف اللى حكيتيها لان الانسان مواقف مش اكتر والانسان فعلا بيبان على حقيقته فى المواقف اللى زى دى زى ما قولنالك حاولى مش هاتخسرى حاجة لو حاولتى اللى مايدخلش ربنا فى علاقة ارتباط ربنا مابيكونش وسطيهم ابداااااااااااااا حاولى علشانك انتى مش تنسية لا مش هانطلب منك كدة لكن زى ما قولنالك اطلبى مشورة ربنا واب اعترافك وشوفى رأينا كلنا متنفقين على كدة مش يمكن دة يكون صوت ربنا ليكى ؟ لما تلجأى ليه يغير كل اللى فى قلبك وتعرفى مين الصح ومين الغلط انتى ولا هو روحى لاب اعترافك يا مرمر فكرى فى نفسك شوية علشان تقدرى تعيشى فى الدنيا دى ياااااااااما هاتتعلمى يا مرمر صدقينى |
رد: مليش غيركم اقدر اتكلم معاة
بصى يا مارينا
دا لو فعلا امين فى كلامه قوليله يتقدملك انتى بنت اى كلمه هتقال عنك هتأثر على سمعتك لكن هو الموضوع مش فارق معاه اهو وقت وبيضيعه لو هو امين فى كلامه معاكى هيجى وعلى الاقل يقلبل بابا وماام واخوكى ويتكلم معاهم لكن لو هرب واتحجج دا يبقى سورى بيضيع وقت |
رد: مليش غيركم اقدر اتكلم معاة
طيب صلولى كتيييييييييييييييييييييييييييييييييييير
انا بجد بموت قولوا للانبا ونس ميسيبنيش لوحدى ف اللى انا فية دة اكيد هو حاسس بيا لانة اقرب واحد ليا صلولــــــــــــــــــــــــــــــــــــــــــــى ان ربنا يدينى القوة |
رد: مليش غيركم اقدر اتكلم معاة
انتى اختنا وتهمينا يا مرمر ويهمنا انك ماتنجرحيش من شخص عرف بجد انه يجرحك ويزعلك ماتسمعيش لنفسك ولقلبك وبس يا مرمر لاننا قولنالك ان انتى الاهم انتى اللى المفروض يضحى علشانك ومايخافش ويتحدى الدنيا كلها علشانك انتى حتى لو كلمت اخواته او طوب الارض عنه او معاها تليفوناتهم دة مش مبرر ابدا الانسان اللى بيخاف كدة على نفسه هو وبس يبقى عمره ماهايخاف عليكى الدنيا مش حب وبس يا مرمر الارتباط يعنى مسئولية وتضحية واهتمام وتحدى للعالم كله علشان الشخص اللى بنحبه ويكون فى محاولات كتيرة علشان مايضيعش من ايدينا لكن هو للاسف تخلى عنك وانتى مش شايفة كدة خاااااااااااااااالص هو بتاع كلام وبس ودة اللى لازم تفهميه الكلام سهل اوى يا مرمر انه يتقال لكن التفيذ عنده هو صعب هانصليلك كلنا يارييييييييييت علشان ربنا يكشفلك الحقيقة ويقويكى على ضعفك مش عيب اننا نكون ضعفاء بس مش نستسلم للضعف دة ونطلب من ربنا انه يحل ويكشفلك الحقيقة قدام عينك |
رد: مليش غيركم اقدر اتكلم معاة
https://upload.chjoy.com/uploads/1371642158641.jpg
ماهو مش معقول هتسيبنى موجوعة كدة كتييييييييييير ياتنهى الموضوع باى شكل من الاشكال ياأما تخلية يستمر بس من غير مشاكل انا تعبت اووووووووووووووووووووووووى مش قادرة استحمل انا لو جبل كان زمانة اتهد |
رد: مليش غيركم اقدر اتكلم معاة
https://upload.chjoy.com/uploads/1371642158641.jpg
ماهو مش معقول هتسيبنى موجوعة كدة كتييييييييييير ياتنهى الموضوع باى شكل من الاشكال ياأما تخلية يستمر بس من غير مشاكل انا تعبت اووووووووووووووووووووووووى مش قادرة استحمل انا لو جبل كان زمانة اتهد |
رد: مليش غيركم اقدر اتكلم معاة
انا اسفة فى كلامى يامرمر
بس ده لمصحتك يابتبتى فوقى من اللى انتى فيه ده انسى قلبك وحكمى عقلك تقدرى تسالى نفسك ايه المدة او الفترة بين اللى انتى بتقولى عليه حب ده على كلامك انه ساب حبيبته الاول فى يوم العيد وابتدى المشوار معاكى من بعد العيد يعنى الفترة خمسن يوم لسه كمان مش كملت يااختى ده مش بيحبك ولا بيحبه انا اللى اعرفه علشان الواحد يقفل صفحة ويبتدى صفحة تانى لازم ينسى الوقت الفترة فوووووووووووووووووووووووووووووووووووووووقى لنفسك وحمكى ونفسك وبجد هتندمى انك عرفتى الشخص ده مش هتكونى موجوعة ولا حاجة فكرى فى سمعك اهلك مشاعرك كرامتك واكيد ربنا هيرشدك ومش هتندمى انا اسفة لو كلامى جرحك بس لمصحتك مش اكتر |
رد: مليش غيركم اقدر اتكلم معاة
معلش يا مرمر يا حبيبتى ربنا فى الوقت المناسب هايتدخل لمصلحتك انتى هاتعرفى الصح من الغلط هو ليه حكمته اللى هاتقويكى بعد كدة كلنا مرينا بمشاكل وضيقات ماحدش فى الدنيا يقدر يستحملها لكن فى نفس الوقت ربنا مش بيحمل حد تجربة فوق احتمالة كل حاجة فى حياتنا بنستفيد منها حتى لو كانت ضيقة او تجربة صعبة اطلبى من ربنا بس بدون ملل يعنى اطلبية كل يوم بإلحاح انه يريح قلبك ويوضح ليكى كل حاجة انتى مش شايفاها لغاية ما ييجى الوقت المناسب اللى هاتحسى فيه انك مرتاحة من نهاية المشكلة دى وهاتفرحى صدقينى انك كسبتى نفسك انتى الوحيدة اللى تقدرى تقوى نفسك لو انتى عايزة وتقدرى كمان تقفى على رجلك من تانى ويكون كلك ثقة ان لو حد عايزك هاييجى لحد عندك ويتحدى العالم كله علشانك مش انتى اللى هاتروحيله وتقوليله انت عايزنى ولا لا لان كل شيء واضح خليكى قوية يامرمر واشغلى نفسك بأى حاجة علشان تمنعى نفسك من التفكير وربنا هو اللى هايتصرف |
رد: مليش غيركم اقدر اتكلم معاة
حبيبتى مارينا اولا واهم حاجه فى اى علاقه ناجحه ان القلب والعقل يبقوا متفقين وانتى لاغيه عقللك تماما وسامحينى انتى لو شغلتى عقللك لدقيقه واحده هتتاكدى انه خطا كبير وبدايه الخطا من عندك انتى اولا ازاى تبصى لخطيب صحبتك حتى و لو سابها اكيد هى مش بسهوله هتضحى بيه سامحينى هو لو انسان امين مع نفسه ومعاكم البنات كتيرر يعنى هو لو فعلا بيخاف على مشاعرالناس يختار صحبتها خلاص مفيش بنات وبعدين يعنى ايه حاسس انه بيدبس هو لما يكلم اخوكى ويطمنه يبقى بيدبس مفيش دااااااااعى انك تضيعى وقتك ومشاعرك ديه علاقه فاشله لما بدايتهاكل المشاكل ديه يبقى النهايه هتكون ايه ...... اتكلمى مع نفسك بصراحه انتى اللى هتفوقى نفسك بنفسك لازم القرار انتى اللى تاخديه صلى واطلبى صوت ربنا فتره صعبه وتعدى لكن حاولى تنهى الموضوع بسرعه جدااااااااااا ربنا معاكى يعطيك حكمه وحسن تصرف طمنينا عليكى احنا كلنا معاكى وهنصلى من اجللك |
رد: مليش غيركم اقدر اتكلم معاة
انا قدرت اقولة انى هبعد عنة وانى هسيبة
بس مكلملتش كام ساعة ولقيت نفسى بكلمة اطمن علية ولقيتة كان متفق مع زميلتى وكان عاملى مفاجأة يوم عيد ميلادى وكان هيعملى عيد ميلادى علشان هو يوم السبت الجاى وانا مكنتش اعرف مكنوش عاوزين يقولولى احلى اخبار بسمعها ف اليوم اللى ببعد عنة فية |
رد: مليش غيركم اقدر اتكلم معاة
انتي تشكري ربنا جداً لانه كشفه علي حقيقته فكري بعقلك مش بقلبك وانتي تعرفي حقيقة الشخص دا الانسان اللي يلعب بمشاعر الاخرين ويمثل دور الحب والملاك الطاهر لايصلح ان تفتحي قلبك له ..تمسكي بصلوات المذبح والرب قادر ان يخلصك من هذا الشخص ويعطيكي انسان من بين يديه |
رد: مليش غيركم اقدر اتكلم معاة
اولا انا بحييكي علي شجاعتك وانك اتكلمتي ودا معناه ان اراتك قوية وتقدري باذن ربنا تغلبي اي مشاعر سلبية جواكي
اولا انتي بتقولي انه ميقدرش يجرح مشاعرها طب ليه قادر يجرح مشاعرك انتي الحاجة التانية ان ده انسان مريض بيحب ان البنات تجري وراه بدليل لما سابها هي كانت بتطارده وادي دلوقتي رجعلها وانتي الا بتكلميه انا هحكي لك علي موقفين مريت بيهم مع اصحابي وانتي احكمي بنفسك تحبي تكوني مين فيهم الاول ان كان في واحدة اتخرجت من الكلية وعاشة حياتها عادي واتقدم لها واحد وقبل الخطوبة الموضوع لم يكتمل وبعد اربع سنين اتقدملها واحد من زمايلها في الجامعة وبعد الخطوبة قالها انه كان متابع اخبارها من اربع سنين بس كان عنده التزمات ومكنش يقدر يتقدملها علشان ميظلمهاش معاه استني لما ظروفه اتحسنت واتقدم لها دي شخصية تستحق الاحترام والتقدير اما التانية في واحدة كانت بتحب واحد وكانو مخططين لكل حياتهم وفجأة عمل معاها مشكلة من غير سبب وفي ظرف اسبوع كان اتجوز وبعد كدة اكتشفت انه كان خاطب واحدة وسابها فكان مستخدمها علشان يغيظ خطيبته ولما الامور اتصلحت بينه وبين خطييبته سابها ولكي ان تتخيلي الجرح الا سببهولها اسمعي لكل الكلام الاتقال لكي من اخواتك في المنتدي لان مفيش حد من مصلحته انه يضايقك بكلامة بل بالعكس كلهم بيحبوكي وخايفين عليكي انا عارفة ان الموضوع صعب عليكي بس زي ما قلت لك ان انتي ارادتك قوية وتقدري تتخلصي من المشاعر دي بقوة ربنا شوفي عندنا اب كاهن علمنا ديما اننا نحط الموضوع علي المذبح لمدة ثلاثة ايام اعملي كده وصلي ٣ ايام وولعي شمع قدام صور القديسين في البيت عندك وانا واثقة ان ربنا هيتدخل ربنا معاكي ويرعاكي |
رد: مليش غيركم اقدر اتكلم معاة
انا فعلا بشكر اووووووووووى (الام ايرينى )
ممكن تكونى انتى قدرتى فعلا تفهمى شخصية شوية وانة فعلا بيحب ان البنات تجرى وراة واحب اقولكم حاجة صدمتنى دلوقتى حاااااااااااااااالا ان الاستاذ ارتبط واحدة زميلتى كلمتة وقالتلة ان انا تعبانة اوى من غيرة وهو قالها انا عايش حياتى عادى جدا وهرتبط بواحدة من البلد ههههههههههههههههههههههههههههه انا كرامتى اداس عليها من واحد زى دة هموت واخد بحقى منة هموت واخد منة حق وجع قلبى والمى هموت واخلية يتوجع زيى كدة واكتر بس برجع ف الاول والاخر اقول ربنا يسعدة ويفرحة ويسامحـــــــــــــــــــــــــــــــــــة على اللى هو عملة فيا صلولى كتير جدا علشان خاطرى |
رد: مليش غيركم اقدر اتكلم معاة
علي فكرة انتي كدة خلاص خفيتي والا انتي فيه ده عامل زي فترة النقاهة بس الا انا متأكدة منه انك هتخرجي من التجربه دي قوية جدا هتعرفي تقولي لا لاي حاجة غلط وارادتك هتكون قوية جدا ابقي افتكري الكلام ده وكمان لازم تشغلي وقتك ورينا همتك في المنتدي عايزة قريب اشوف لكي موضوعات ربنا معاكي ياحبيبتي ويرعاكي
|
رد: مليش غيركم اقدر اتكلم معاة
اقتباس:
بجد بشكركم كلكم اووووووووووى |
| الساعة الآن 07:38 AM |
Powered by vBulletin® Copyright ©2000 - 2025