عارفة يعني إيه إحنا صحاب ؟
يعني تطلعي فرمان إنه لو عايزة انكد
انكد معاكي انتِ بس...
علشان صورتي تفضل حلوة قدام الناس
♥
... عارفة يعني إيه إحنا أصحاب ؟
يعني تحطي لىّ كلمة توجع في وسط كلامك معايا
علشان تفوقيني عن حاجة غلط انا بعملها
♥
عارفة يعني إحنا أصحاب ؟
يعني لما الاحداث تخلي مخي يشل عن التفكير
اجيبك تفكري لىّ بصوت عالي
♥
عارفة يعني إيه إحنا أصحاب ؟
يعني مهما تلف الدنيا بينا و نبعد عن بعض
أول ما يبقى في مشكلة ،
أنا أول حد يترفع عليه سماعة التليفون
♥
عارفة يعني إيه إحنا صحاب ؟
يعني تشكري فىّ قدام حد من اهلى
و انا اعرف بعد كدا صدفة
♥
عارفة يعني إيه إحنا أصحاب ؟
يعني لما اتعصب عليكي
تلتمسي لي ميت عذر
و تعتذري لنفسك نيابة عني
♥
عارفة يعني إيه إحنا صحاب ؟
يعني تبطلي تعملي الموبايل سايلنت و انتي نايمة
علشان انا ممكن اكلمك أخد رأيك في حاجة هبلة
♥
عارفة يعني إيه إحنا أصحاب ؟
يعني مهما حاولت أخبي عليكي مصيبة انا عملاها
اول ما يجي وشي في وشك ..
أقر بكل حاجة
♥
عارفة يعني إيه إحنا أصحاب ؟
يعني استمتع بإني انكش فيكي على الفون
لحد ما تهدديني انك هتقفلي السكة في وشي
♥ ♥♥♥

عرفتي يعني ايه احنا اصحاب؟

عارفة يعني إيه إحنا أصحاب ؟
يعني تحطي لىّ كلمة توجع في وسط كلامك معايا
علشان تفوقيني عن حاجة غلط انا بعملها
.
هو دا معنى الصداقة بجد
ميرسى يا جميلة