|
محدش فينا منجرحش بس جرح عن جرح بيفرق...في جرح صغير وبيروح مع الوقت, في جرح كبير وبيقعد كتير,, ممكن تكون اتجرحت بسبب صاحب غدر بيك ومطلعش زي ما كنت متوقع, ممكن تكون اتجرحت من ناس ظلمتك, اتعرضت للخيانة ؟؟ او ممكن تكون اتجرحت من اكتر حد كنت فاكر انه خاف عليك ..وطلع اكتر انسان أذاك !!!..ياااه كتير قوي بننجرج من "اقرب الناس لينا !". .ودا هو اكبر واعمق وأشد من اي جرح هل قابلت حد في حياتك قبل كدا ,ووثقت فيه قوي وانتظرت منه انه يكون شخص أمين عليك, وحد هيقدرك ويفهمك ويراعي مشاعرك ويسندك في طريقك اللي ماشي فيه , وحد بيحبك بجد ؟؟....... ياريت كل اللى يدخل يشاركنا برأيه ويقولنا على الموقف اللى حصل معاه |
رد: اتجرحت قبل كدا ؟
آآآه فكرتني بالذي مضى
بصراحة بنت على النت غدرت بيا وانا كنت واثقة فيها بس خانت الامانة ديه وغدرت بيا انا عندي منتدى ومرة كنا بنتكلم عن منتدى احنا مشتركين فيه وطلبت كلمة السر بتاعتي في المنتدى ده وانا بسذاجتى اديتها وهي كمان اديتني كلمة سرها وبغبائي كنت عملة نفس كلمة السر في منتداى بس كان زيادة عليه رقم ما المهم مرة كنت محتاجة مديرة معايا وانا خلتها شويه مديرة في منتداي وشلتها وكام يوم كدة لقتها سرقت منتداي بانها استخدمت كلمة السر بتاعتي الي انا قولتلها انا بسببها خسرت بنت تانية كانت معنا في المنتدى لانها نائبتني وقالتلي دي غلطتك انك وثقت فيها مانا كنت موجودة وانتي واثقة فيا وهي سابتني واعتذرتلها كتيرر بس مسمحتنيش بس عرفت ارجع منتداي المسروق بحيلة خبيثة وطردتها وفضحتها وحذرت البنات منها لانها بتسرق المنتدياات بس بصراحة من سنتين تقريبا البنت الي سرقت منتداي كلمتني على الايميل وقالتلي انا عايزكي تسمحيني على الي عملته فيكي بس بصراحة مسمحتهاش لان كان ممكن منتداي يضيع بسببها وجهده كله يضيع بس مش عارفة سعات بأنب نفسي اني مسمحتهاش >> بس كنت اعمل الموضوع كان صعب بالنسبة الي |
رد: اتجرحت قبل كدا ؟
كتيررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررر
وسامحوني لعدم ذكر المواقف |
رد: اتجرحت قبل كدا ؟
اول حاجه انا عايزه اعرف الرقم الزياده ده
هههههههههههههه ده يعلمك يامارينا انك متثقيش فى اى حد على طول فى ناس كتير تبان انها كويسه وبعدين بيستغلو الثقه دى والحمدلله انك رجعتيه تانى بس معلش انا رأى انك تسمحيها بس تحرصى منها على قد متقدرى حاول تخلى كلامك معاها محدود ده رأيى وبراحتك انتى بردو |
رد: اتجرحت قبل كدا ؟
اقتباس:
طبعا دى حاجه براحتك انت يامايكل انا قولت شاركو علشان كلنا نتعلم من مواقف بعض |
رد: اتجرحت قبل كدا ؟
اقتباس:
مبقتش كلمة توديني وتجبني وانا اساسا مبكلمهاش خالص وهي اختفت من الحياة النتوية |
رد: اتجرحت قبل كدا ؟
اقتباس:
يخساره كنت عايزه اعرفه هههههههههههههههههه والحمدلله انه الموقف عده على خير ودى تجربه بردو تعلمنا كلنا اننا لازم ناخد حظرنا بس صدقينى موش اللى على النت بس يابنتى ده فى ناس ببقى بعرفها من زمان وبشوفها وتعرفيها شخصيا وبتخونا فى بعض الموافق فمبالك من اللى مشفتهوش خالص تعملى ايه |
رد: اتجرحت قبل كدا ؟
اقتباس:
بس فعلا معاكي حق الواحد مبقاش بيثق في سهولة في حد اليومين دول:mad: حتى ماما علمتني اني مصدقش اي كلام يتقالي وخلاص وهي معاها حق الواحد اعقد ياخد في كلام وبس فعل مفيش عشان يثبت الكلام ده |
رد: اتجرحت قبل كدا ؟
اقتباس:
طبعا ماما عندها حق بس صدقينى موش كل الناس بس الواحد لما بيتخدع فى حد بيشوف الناس كلها موش كويسه وده موش صح احنا اللى اوقات بنختار غلط |
رد: اتجرحت قبل كدا ؟
اكيد انجرجت :(
ومن صحبتى ووحدة تانية بردو صحبتى دى حصلت مشكلة جامد وقالتلى كلام جرحتنى بية جامد قووى وبعدين عرفت انى مليش دعوة بالمشكلة دى وبعدين جاتنى البيت وانا لاسف كنت زعلانة جدا وخليتها تمشى من البيت يعنى طرتها لاسف انا كنت فى حالة مش كويسة :eek: والبنت التانية حصلت موقف كدا وهى اللى فاهمة غلط جامد وهى لاسف مش عارفة لية انا عملت كدا |
رد: اتجرحت قبل كدا ؟
اقتباس:
طيب ليه مشتيها حته لو هيا فاهمه غلط المفروض انك تفهميها موش تمشيها كده هيا هتعرف منيين انها غلطانه المفروض انك تسمعيها وتفهميها انتى بكده تكسبيها من تانى وصحبتك التانيه المفروض طبعا طلما انتى موش غلطانه بردو تفهميها وهيا بقه تختار بعدين |
رد: اتجرحت قبل كدا ؟
اقتباس:
|
رد: اتجرحت قبل كدا ؟
انا بجرح وعمرى ما انجرحت دى صراحه بس مش حكايه معنديش دم لا بالعكس بس علشان انجرح مش هلاقى الدواء ممكن اموت فيها ههههههههه
|
رد: اتجرحت قبل كدا ؟
اقتباس:
طيب اوووك بس المفروض بعد متهدى تدورى بردو وتشوفى المفروض ايه اللى تعمليه علشان تفهملها انه مكنتيش تقصدى وتفهميها الموضوع |
رد: اتجرحت قبل كدا ؟
اقتباس:
بس موش علشان منجرحتش ياجرجس تقوم تجرح ده انت بتقول اهو انك بعد الشر تموت فيها طيب ليه مفكرتش فى اللى بتجرحه وتحطه مكانك |
رد: اتجرحت قبل كدا ؟
يمكن هى او هو تلاقى دواء للجرح لكن انا عارف نفسى مش هلاقى او مش هدور بعد الجرح اوك دا من نظرى
|
رد: اتجرحت قبل كدا ؟
موش عارفه بصراحه نظريه برضو
بس لازم تعرف انى مش موفقاك سورى |
رد: اتجرحت قبل كدا ؟
اقتباس:
بس بصراحه انا لولا انى انجرحت ما كنتش دلوقتى متجوز احلى زوجه في الدنيا وماكنتش كمان عرفت احلى اصحاب في الدنيا |
رد: اتجرحت قبل كدا ؟
اقتباس:
طيب اووووووووكى احكلنا عن موقف حصل معاك ميصحش كده |
رد: اتجرحت قبل كدا ؟
اقتباس:
انا مش عارفة استحملت الحاجات ديه ازاي:confused:ولسه بستحمل وبعدي بمزاجي لاني منجرحتش بس ده انا اتشمت على النت عادي يعني:( |
رد: اتجرحت قبل كدا ؟
انجرحت اكيد وكتيررررررررررررررررر كتير
بس اقول موقف انجرحت من اعز الناس صاحبتي اللي كنت كل يوم نصبح ونقعد ونتحاور مع بعض بس كانت تجرحني في مواقف كتيره وتضايقني وكنت اقولها بصراحه ليه بتعملي معي كده فاكانت تبرر كلامها ولكن موقفها زي ما هو روحت انا قلت للقسيس اللي هي بتواظب عنده فهي تضايقت مني فصارت تعمل بي اشياء كتيرت تضايقني لكن انا كنت اروح للرب يسوع واقوله اللي بقلبي وبدموع لانه عاوزه حل وفي نفس الوقت مش عاوزه اخسرها فكنت دايما اصلي الرب يعمل حل فكان الحل اللي انا مكونتش عاوزاه لكن الرب اراده ذلك هو موتها للاسف......فالذي اريد ان اقوله هنا الذي يزرعه الانسان اياه يحصد كان هذا الموقف صعب جدا شكرا يا غاليه للموضوع |
رد: اتجرحت قبل كدا ؟
انجرحت اكيد وكتيررررررررررررررررر كتير
بس اقول موقف انجرحت من اعز الناس صاحبتي اللي كنت كل يوم نصبح ونقعد ونتحاور مع بعض بس كانت تجرحني في مواقف كتيره وتضايقني وكنت اقولها بصراحه ليه بتعملي معي كده فاكانت تبرر كلامها ولكن موقفها زي ما هو روحت انا قلت للقسيس اللي هي بتواظب عنده فهي تضايقت مني فصارت تعمل بي اشياء كتيرت تضايقني لكن انا كنت اروح للرب يسوع واقوله اللي بقلبي وبدموع لانه عاوزه حل وفي نفس الوقت مش عاوزه اخسرها فكنت دايما اصلي الرب يعمل حل فكان الحل اللي انا مكونتش عاوزاه لكن الرب اراده ذلك هو موتها للاسف......فالذي اريد ان اقوله هنا الذي يزرعه الانسان اياه يحصد كان هذا الموقف صعب جدا شكرا يا غاليه للموضوع |
رد: اتجرحت قبل كدا ؟
ميرسى كاتى على هذه المشاركة وعندى مداخلة بسيطة : ليه الكل حاسس انه أنجرح !!!!!!! لو كل الناس أنجرحت !!!!!!!! طيب يبقى مين اللى جرح ؟؟؟؟؟؟؟ مش يمكن أننا كمان بنجرح غيرنا ومش حاسيين بكده ؟؟؟؟؟؟؟؟؟؟؟؟؟ سؤال لا أقصد به أشخاص أو أسماء . لكن أقصد تبصير العين اللى بتشوف بس جرح الاخرين لينا . .................................................. ....... |
رد: اتجرحت قبل كدا ؟
أكيد
بس الحرج لما يكون من حد قريب بيكون جرح صعب وبياخد وقت كتير لما يخف |
رد: اتجرحت قبل كدا ؟
اقتباس:
سورى على التدخل والتطفل ههههههههههههه كلامك منطقى جدآ هو فيه ناس بتجرح من دون قصد وفيه ناس بتجرح بتعمد يعنى قاصده كده فعلا والتعمد بسبب برضه اما الطرف اللى انجرح ضايق اللى هيجرحه فيكون اللى بيجرح فى اللحظه دى متعمد جرحه او جرحها او قاصد يجرح لاهداف معينه زى مثلا انا اجرح اللى يجرحنى او اجرح حد ضايقنى او غلط فيا او اجرح حد انا مش عايزه فى حياتى وهو مش فاهم كده او يكون فاهم وبيحاول يستغبى شويه صح كتير حالات من الجرح ولكن فى كل الاحوال الجرح هيكون صعب سواء فى الحالتين والعلاج ايه علشان لا ننجرح ولا نجرح اننا منضايقش حد او منسببش حرج او موقف لحد يجرحنا بيه كتيرررر العلاج بس المهم اللى يتفهم كده وشكرا لاضافتى المعلومه دى هههههه |
رد: اتجرحت قبل كدا ؟
كتييييييييييييييييير جدا جدا ومن اعز الناس عليا
كنت بعتبره فى مقام بابا وهيفضل كدة برضه علشان كان عاوز مصلحتى بس معرفش يتكلم بطريقة لطيفىة فى وقتها وبعدين قلى متزعليش وانجرحت مرات تانى كتير بلاش ذكراها علشان بضايقنى لما افتكرها |
رد: اتجرحت قبل كدا ؟
اقتباس:
ميرسى حبيبتى لمشاركتك معانا بس لازم تعرفى انه موش صلاتك هيا اللى عملت كده هو ياقمر ربنا شاف انه جه وقت انتقالها بس كده |
رد: اتجرحت قبل كدا ؟
اقتباس:
ميرسى لمشاركتك حبيبتى انتى بتقولى مش ممكن اننا كمان بنجرح غيرنا ومش حاسيين بكده ؟؟؟؟ انا اقولك فى فرق حبيبتى انك تجرحى حد وانتى موش حاسه بكده او من غير متقصدى وانك تجرحيه بقصد علشان تحرجيه مثلا انا قولتلك حاجه تخصنى وقلتلك ياهيا متقوليش السر ده قدام حد او وقعت فى مشكله وعيزاكى تحليها معايا يعنى باتمنك على اسرارى وبعد كده جيتى قدام الناس وقلتى السر ده او المشكله اللى كنت عيزاكى تسعدينى فيها بكده تكونى ااااااااااايه؟؟؟؟؟؟؟؟ احرجتينى انما من غير قصد دى بتحصل معايا ااااانا كتير كمان بس مش لدرجه اجرح حد لا بس انا دبش كده يعنى لو شايفه انه بيتكلم فى حاجه انا عارفه انه كلام غلط بقوله انك غلطان ولو حسيت انه احرجته من غير مقصد بعتزرله ياريت اكون عرفت اوضحلك الفرق |
رد: اتجرحت قبل كدا ؟
اقتباس:
ميرسى حبيبتى لمشاركتك معانا وبلاش خلاص تقولى علشان متفتكريش انا هناا من قاصده اخليكم تفتكرو مواقف مضيقاكم صدقونى ابدا بس علشان نفضفض مع بعض وكلنا نستفيد |
رد: اتجرحت قبل كدا ؟
اقتباس:
صح ياقمر وبذات لو من ناس من زمان تعرفيهم بس تعرفى بزعل شويه وبعد كده اقول كويس انى عرفتهم الحمدلله انه الموقف ده حصل علشان اعرفهم برغم انها بتكون صدمه جامده |
رد: اتجرحت قبل كدا ؟
تعرفي كمان في الهزار البايخ الي بين الاصدقاء او افراد العائلة
بيبقى فيه نوع من الاحراج والجرح وانا يعني بلاحظها كتير الاصدقاء يتريقوا على بعض وهما مش عارفين انهم بيجرحوا حد ونفس النظام بين افراد العائلة وسعات برده المدرس مع تلميذه ممكن يتريق عليه ويحرجوا قدام زملائه انا مش بحب الهزار الملئ بالتريقة المستمرة |
رد: اتجرحت قبل كدا ؟
كتير قوووووى اتجرحت ولكن انا بردو جرحت ناس اعرفها ياريت اعتذارى يوصل ليها انا آسفة بجد |
رد: اتجرحت قبل كدا ؟
اقتباس:
هو حلو الهزار بس زى مبتقولى انتى كده ميكونش تريقه باستمرار يعنى لو مره اوووك لكن لو استمر الهزار بتريقه على طول ميصحش طبعا وانا اعرف ناس كتير خسرت بعضها بهزارها السخيف دايما لازم يكون فى حدود حته لو فى الهزار |
رد: اتجرحت قبل كدا ؟
اقتباس:
اولا عايزه اشكرك لصراحته بجد لانك بتعترفى انك حرجتى قبل كده بس ممكن اقولك حاجه هو ليه حضرتك مترحيش بنفسك وتعتزرلهم طلما انتى عارفه انك غلطانه انتى عارفه انهم ممكن يحبوكى اكتر من الاول وبكده انتى اللى كسبانه وكمان حضرتك بتقولى انك اتجرحتى قبل كده يعنى حاسه بجرحهم |
رد: اتجرحت قبل كدا ؟
اقتباس:
|
رد: اتجرحت قبل كدا ؟
كتيـــــــــــــــــــــــــــــــــــــــــــــــ ر اووووووووووووووووووووووووووووووى
ناس حبيتهم اوووووووووووى ووثقت فيهم جداااااااااا جداااااااااااااااا كنت بثق فيهم اكتر من نفسي بحكيلهم عن كل اسرارى حتى لو ده هايشوه صورتى قدامهم كتير كانوا بيدوسوا على مشاعرى وانا كنت بعدى عشان مش عايزة اخسرهم مش بس كده ده انا كنت كمان بعتذرلهم مع انى انا المجروحه منهم عمرى مااتاخرت عن اى طلب كانوا بيطلبوه منى لانى حبيتهم من كل قلبى بجد وفى مره بسبب كلمه قلتها بحسن نيه لقيتهم اتحولوا لناس تانى انا معرفهمش داسوا على كرامتى اوووووى عايرونى بكل اسرارى معاهم وللاسف عايرونى بسكوتى لما كانوا بيغلطوا فى حقى وافتكروا ان ده كان ضعف وخوف منهم وصلت انهم يقولولى ان حبهم ليا ده كان شفقه منهم وان الناس مش بتحبنى لذاتى لكن بتحبنى اكراما ليهم وحاجات تانى كتير جرحتنى اوووووووووى اوووووووووووووووى بس انا مش ندمانه على حبى ليهم لكن زعلت على نفسي اوووووووووووووووووووووووى على كل مره كنت بدوس على نفسي عشان خاطرهم وحسيت انى قسيت على نفسي اوووووى كنت فاكره ان الحياه هاتتوقف بعدهم بس يسوع عوضنى بناس اجمل منهم بكتيييييييييييييير وعلى فكره انا لسه لحد دلوقتى بكلمهم عااادى بس للاسف بيكلمونى عشان مصالحهم مش لذاتى واديناااااااا عايشين نتعلم ولسه ياما هاننجرح ونتخان هى دى الدنيا وهى دى الحيااااه |
رد: اتجرحت قبل كدا ؟
اقتباس:
باشكرك على رأيك فى توضيح الفرق , وأسمحى لى أن أقول أن هذا رأيك الشخصى وأنا أحترمه . توجد مسلّمات فى الحياة وقوانين وأعراف ودراسات _ تؤخذ فى الأعتبار فى تحاليل أى أمور تخص الأجتماعيات عموماّ . ومنها على سبيل المثال _ أن أى مشكله بين طرفين , يكون كلا الطرفين مشتركين فيها , قد تختلف النسب , لكن الطرفين لهم مسؤلية لوجود هذه المشكلة بينهم . ومن هذا المنطلق أبديت رأيى والذى هو . الكل يبكى على جرحه , وننسى جرحنا للأخرين . هذا بالأضافه إلى أنه االجزء الثانى من مشاركتك وهى : هل قابلت حد في حياتك قبل كدا , ووثقت فيه قوي وانتظرت منه انه يكون شخص أمين عليك, وحد هيقدرك ويفهمك ويراعي مشاعرك ويسندك في طريقك اللي ماشي فيه , وحد بيحبك بجد ؟؟....... هذا الجزء قد أًغفل تماما فى الردود وكأنه بالفعل ليست هناك غير الجروح نتضور وجعاّ منها . وهذا ما اردت توضيحه فى مشاركتك وهو : +++ النظر بالايجاب وبعين بسيطه لكل الامور . +++ وأغفر لنا ذنوبنا كما نغفر نحن أيضاّ . +++ الأشارة إلى لغة التخاطب الأيجابيه والبعد عن سلبية المشاعر والتى تعود على من يترك نفسه فريسه لها , بالحزن والضيق , وبالأكثر الخوف من الأخرين والبعد عنهم . |
رد: اتجرحت قبل كدا ؟
اقتباس:
يشكرك ياقمر لمشاركتك معانا لازم تعرفى اننا كلنا مرت علينا ناس بشكل ده موش انتى بس موش كل الناس كويسه ولا كلها وحشه وزى مقبلتى ناس وحشه وبتقولى ربنا بعتلك ناس كويسه والحمدلله انك عرفتيهم على حقيقتهم عايزه اقولك على حاجه اقوات كتير احنا اللى بنختار ناس غلط بنأتمنها على اسرارنا |
رد: اتجرحت قبل كدا ؟
اقتباس:
ميرسى حبيبتى على رايك الذى احترمه جداااااا بس انا طرحت الموضوع وكل واحد قال اللى حاسه وفى منهم اللى قال على اللى جرحه الاول وبعدين قال انه قابل ناس كويسه هو مش حكاية فريسه بس انك تثقى فى حد قووى وبعدين يطلع مش قد الثقه دى اكيد دى حاجه بتوجع جدااااااااا دى وجهة نظرى |
رد: اتجرحت قبل كدا ؟
الحياة مدرسه والانسان كل يوم يتعلم من مواقف وتعاملات الاخرين معه..
فكثيراً ماتأتي الطعنه مما لاتظنين انه يغدر بك... وكثير ماينقلب عليكي اعز اصدقائك بسبب حسدهم وكرههم من تفوقك عليهم ...وكثيرا مايسلط الشيطان عليكي احب واحده لقلبك لكي مايفرق بينكم... مشاركه ممتازة الرب يباركك كاتي |
| الساعة الآن 05:02 AM |
Powered by vBulletin® Copyright ©2000 - 2026