منتدى الفرح المسيحى - الاقول الماثورة لاالاباء والامهات

منتدى الفرح المسيحى (https://www.chjoy.com/vb/index.php)

- النكت والفرفشة (https://www.chjoy.com/vb/forumdisplay.php?f=141)

- - الاقول الماثورة لاالاباء والامهات (https://www.chjoy.com/vb/showthread.php?t=124466)

الاقول الماثورة لاالاباء والامهات

اشهر الكلمات التى يقولها الاباء والامهات لابناءهم فى مصر

انت فاكرنا لاقين الفلوس دى في الشارع .

ما تتكلمش بصوت عالي في الحمام .

والله ما انت فالح .. وادي دقني أهه .

ما تنمش غير لما تغسل سنانك .

ما تلزقش في التلفزيون كده .. نظرك هيضيع .

سلم على عمك كويس يا ولد .

يا ابني محدش هينفعك .

ما تطلعش ايدك من الشباك .

قصة الغريق الكاذب اللي كل مره يقول الحقوني ...
لحد ما غرق بجد .

ربنا يرزقك بعيل يوريك اللي ورتهوني .

ما تطلعش على الملايه النظيفه و رجليك متوسخه كده .

نسيت تشرب ؟ نسيت تاكل ؟ نسيت تاخد المصروف ؟
نسيت تعكنن عليا و على امك ؟

طلع ايدك من جيبك و انت بتكلمني .

ايه الا مبالاه و الاستهتار اللي انت عايش فيهم دول

قوم اقرا لك كلمتين ينفعوك .

وطي المدعوق ده شويه .

انت فاكرنا نايمين على ودانا ؟

يا ابني انت مسطول ولا ايه ؟

بلاش أكل بره .

كلمنا لما توصل .

عيـــب ... لازم تحترم اللي أكبر منك .

لو شفت خناقه ما لكش دعوة بيها .

لازم تأكل سلطه .

اوعى تكدب عليا كده تاني مرره .

اوعى حد غريب يديلك حاجه تاكلها و تشربها و تاخدها منه .

يا ابني كلم خالتك العيانه اسأل عليها .

بلاش لعب في الشارع .

ما تعليش صوتك .

وانت فاكر احنا مستنيين منك حاجه .

المسلسل مش هينفعك ...قوم .

ما تقعدش قدام المروحه وانت مستحمي .

كفايه رغي في التليفونات .

بلاش وقفة الشبابيك و البلكونات .

اوعى تقول لحد هات لي حاجة .

كل على مهلك .. وامضغ كويس ... وما تكلش
وانت واقف .. وكل من قدامك ما تحفش .

اطفي التلفزيون وقوم ذاكر .
أو اطفي التلفزيون و خش اوضتك .

ربنا يهديك ربنا يهديك ...

ما تمشيش حافي في السقعة دي

ما فيش مذاكرة على المزيكا .. أو ..
بتذاكر إزاي و البتاع ده شغال جنبك

افرد ظهرك .

ما تتأخرش بعد المدرسه و تقعد تصيع مع أصحابك .

بص كويس و انت بتعدي الشارع .

ومالها الكتب بتاعة الوزاره ؟! او بالنسبة للكليات
ليه كورسات ما انت لوبتحضر محاضراتك كنت فلحت

اللي بيشيل قربه مخرومة بتخر عليه لوحده ..

لو مش فاهم حاجه ارفع ايدك و قول للأستاذ مش فاهم .. متتكسفش .

تقعد في أول صف قدام السبوره .

ما تردش عليا .

مش عايز اسمع صوت .

مالكش دعوة بالسياسة .. وماتمشيش في مظاهرات .

التهديدات المخيفة شكلا و الكارتونية مضمونا :
مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .