منتدى الفرح المسيحى

هناك قصر جميل وتعيش فيه فتاة جميلة بين ابويها مدلله وكل ماتطلبه والديها يستجيبوا لطلباتها اصلها اميرة
https://upload.chjoy.com/uploads/1466606530091.jpg
والدى اسمه يسوع وشغلته ملك الملوك ومامتى اسمها مريم عايشة عيشة سعيدة وسطهم وفرحانة اووووووى بوجودى معهم كل ماضايق يقعدوا يتكلموا معايا ويحكوا لحد مايخرجوا الضيق اللى جوايا كلمهم مقنع جدا ومريح القلب جدا جدا اصلى زعلى غالى عليهم( اصلى اميرة انا )
https://upload.chjoy.com/uploads/1466606421431.jpg

لما اكون حزينة وبعيط كتير علشان واقعة فى مشكلة ومش لقيالها حل بجرى على بابا يسوع وماما مريم(العدرا) واكلمهم بدموعى القى ماماتى خدتنى فى حضنها ومسحت لى دموعى وتقولى ماتخافيش لكل مشكلى وليها حلها عند ربنا اللى هو بابا يسوع وهو يقدم حلول كتيرة فوق الوصف لدرجة انى ببقى مش مصدقة الحلول المشكلات اللى بقع فيها لاناه بابا يسوع بحلها طبعا بطريقته الخاصة ويقولى انا مقدرش على زعل ابنتى الاميرة (اصلى اميرة انا)
https://upload.chjoy.com/uploads/1466606421452.jpg
https://upload.chjoy.com/uploads/1466606421483.jpg

المهم انا بقى عايزة احكلكوا على القصر اللى انا فيه والناس الحلوة الكتيرة اللى فى بيتنا بصوا بقى
انا كل يوم مش كل يوم يعنى على حسب اليوم اللى انا بستى الاشخاص فيه
فى واحد بابا بيحبه اووووووى كان بيسند راسه على بابا ومامتى كان بيعتبرها مامته وهو يوحنا الحبيب االقديس دا بيعلمنى حاجات كتير زى حصص والدروس بيعمقنى ويحببنى فى بابا يسوع وبيحكيلى على معجزاته الى كان بيعملها مع الصغير والكبير الخاطى والتايب المؤمن والغير مؤمن كان بيحس بالمهم وتعبهم ودا غير اخرج الشياطين وكلامه عن الفردوس والنعيم الابدى وملكه السماوى واخيرا تضحيته من اجلى وكمان يحكيلى عن الرؤيا لحلوة اللى كتبها عن النعيم المكان اللى لازم اجاهد علشان اروحله وعن الحاجات اللى لحلوة اللى شفها يوحنا وكمان رسايلها اللى كتبهاعن محبة ربنا لينا (اصلى اميرة انا)
وكمان فيلسوف اسمه بولس حكالى ازاى ربنا غيره من شاول اسمه القديم وشخصيته الشريرة الى بولس عبد المسيح ورسايله14 وكمان بطرس دا صياد سمك بس بقى صياد للناس ومارمرقس دا كاروز الدديار المصرية اللى بشر بالمسيحة فى مصر ولوقا دا طبيب بيحكيلى على المعجزات اللى شفى فيها بابا يسوع المرضى وكمان يعقوب ورسالته ويهوذا ورسالته بصراحة ببقى مبسوطة اووووووووووى انا واقعدة معهم عرفت ازاى انى انا غاليا على قلب يسوع اصلى اميرة انا عنده

وكمان موسى حكايته مع فرعون وبدء الخليقة ويوسف ودواد وكل الانبياء اللى كانو زمان وعن يشوع وعن راعوث ومعاملتها الحلوة معحماتها والقضاة وحكايتهم وصموئيل وعن الملوك واخبارهم وعن عزرا ونحميا وطوبيا واستير ويهوديت وايوب وصبره ودودا ومزاميره الحلوة وسليمان وامثاله وحكمه واناشيده ويشوع ابن سيراخ واشعياء وارميا ومراثيه وباروخ وحزقيال ودانيال وجب الاسود وهوشع ويوئيل وعاموس وعوبديا ويونان وهروبه من ربنا وميخا وناحوم وحبقوق وصفنيا وحجى وزكريا وملاخى وكل الناس دول اتكلموا عن مجىء ربنا

فى القصر دا بتعرف على ناس كتيييير حلوة بس اوقات ببقى عايزة اسيب القصر واروح حتة تانية لاالتزم فيها بمقابلة مع الناس دى كلها ولا باى حاجة مع بابا وماما واعيش حرة طليقة فى الدنيا وابعد عن القصر
القصة وكل مافيها بتعبر عن
القصر هو حياة الانسان مع ربنا وامه اللى هى العدرا او الكنيسة
والناس دى رسل وكرزين باسم يسوع اللى هو الانجيل والمدوامة على قراة الاسفار دى
https://upload.chjoy.com/uploads/1466606530112.jpg
والاميرة اللى هى النفس البشرية اللى عند ربنا بمثابة الاميرة ومدللة لانه دفع فيها تمن غالى اووووووووووى
واخر حاجة النفس البشرية اللى بتضعف وتبقى عايزة تبعد عن ربنا عايزة وتبقى حرة فاكرة انى كدا حرية مش عبودىة
انا بس حبيت اصور مشهد بسيط مابين ربنا والنفس البشرية اللى بيحيها ربناو عنده كاأميرة مدللة لدى ابوها لانه ضحى بنفسه عشانها واحبها حب كبير
يارب تنال اعجاب حضراتكم
بقلمى