منتدى الفرح المسيحى

وتطلعت الى معرفة قصته ولكن فى البداية سألته
عن كيفية ظهوره لى بالجسد كامل الهيئة
بل ويلمسنى فاشعر به دما ولحما كانه بشر
فاجابنى وهو يبتسم :
انها ارادة الله ياابى وله ينبغى الطاعة دائما
فلقد امرنى احد الملائكة بان اظهر لك فى هذه الصورة باذن الله وارادته
وهذه ليست المرة الاولى التى يسمح لى الله ان اظهر لإنسان بجسدى بهذه الهيئة

وسالته عن قصة حياته فقال لى :
انا ياقدس ابونا ابراهيم ابن سعدالله الشماس فى كنيسة مارجرجس
كان ابى شماس صوته جميل كل الناس كانت تحترمه لانه خدوم وطيب وبيحب الكنيسة
كان يحضر كل اسبوع القداس وبعد القداس يقعد يحفظ الشمامسة الصغار الالحان واللغة القبطية
وكان يجمعهم فى خورس الشمامسة ويوزع عليهم الملبس والفطور ويفطر معاهم
وبعدين يحفظهم الالحان وكان دائما ياخذنى معاه وحفظت الحان ومردات كثيرة
ولما حضر سيدنا المطران للكنيسة رشمنى شماس برتبة ابصالتس وكان عمرى 5 سنوات
وفرحت جدا بالرتبة الشماسية وكنت اواظب على القداس وحصص الالحان
وكنت كل يوم اسمع من امى حكاية من حكايات الكتاب المقدس او سيرة قديس من قديسى الكنيسة
وهكذا كانت حياتى سعيدة ودخلت المدرسة الابتدائية ونجحت فى سنة اولى ابتدائى ودخلت سنة تانية ابتدائى
وكان والدى فرحان جدا بانى شماس حافظ الحان كويس وباسمع الكلام
علشان بابا يسوع يفرح بى وكمان كنت شاطر فى المدرسة
ولكن ...
فى مرة كنت ذاهب للمدرسة وانا باعدى الطريق جت عربية كبيرة دهستنى
وقطعت راسى عن جسدى وخرجت روحى عن جسمى
والحقيقة ياابونا لما شفت العربية داخلة على صرخت وقلت يارب استر بسم الصليب
وبعد كده لم اشعر الا بانى مغشى على واخذنى ملاكان من ايدى وكانو منورين خالص
واحد منهم قالى يا ابراهيم كفاية كده ربنا عايز يخليك تدخل الملكوت وتفرح مع القديسين
تعال معانا نوصلك الفردوس وفرحت بالملايكة ورغم ان الناس اتجمعت وصرخت
وكانوا مفزوعين من شكل جسدى الغرقان بالدم الا انى كنت حاسس بفرح عظيم
الملايكة شكلهم حلو والفردوس أجمل وأجمل وانا دلوقت فرحان جدا بحياتى
وباستعد للحياة الابدية مع المسيح بعد يوم القيامة لكن دلوقتى انا بقعد مع القديسين
نسبح ربنا وهما كمان علمونى حاجات كتيرة اوى
وبينما كان ابراهيم يقص على
حكاية انتقاله وحياته الابدية الجميلة
بدأ يصعد ويرتفع نحو السماء وهو لايزال يقص على ما يحدث معه
وكانت كلماته عن الفردوس عجيبة جدا حتى اننى لا استطيع ان افصح عن تفاصيلها ياابى
المهم انه قبل ان يختفى قال لى سلام لك ياابونا ربنا معاك ولا تخف
وبعد ان قال هذا سكت عن الكلام واختفى تماما
فظللت اراقبه واتمنى لو ظهر لى مرة اخرى
فافرح بحديثه الحلو عن الحياة السمائية فى محفل القديسين والملائكة
وبينما انا اتطلع الى السماء واتتبع هذه الروح المباركة ازعجنى شئ.
لم اسمع طيلة حياتى اصواتا متداخلة وصاخبة مثل هذه الاصوات كانت كأنها
صوت رجل وامرأة يتشاجران بصراخ مرتفع وكل منهما يصف الاخر بصفات غاية فى القبح والإنحطاط

وبينما انا اتلفت لابحث عن مصدر هذه الاصوات ....

نُكمل غداً بمشيئة الرب .. إنتظروني