مايونيز صيامى بطريقة جديدة



https://upload.chjoy.com/uploads/1439996217061.jpg



يخلط نص كوب ماء مع ملعقة كبيرة نشا
وتحطيهم على النار حتى لحد مايتقل شوية تشليه من على النار وسبيها تبرد
وبعدين تجيبى الخلاط تحطى فيه ملعقة صغيرة سكر و ملعقة صغيرة مستردة و نص ملعقة صغيرة ملح و وتوم ناعم
ونص كوب ماء تدوبى فيه ملعقة كبيرة كرىمر وتضربيهم كويس فى الخلاط مع النشا واثناء الخفق يضاف 2 ملعقة كبيرة خل
وكوب زيت طبعا الزيت يضاف شوية شوية
مش مرة واحدة يعني بالتدريج لحد ماتوصلى للقوام المظبوط

مهلبية البرتقال بالجزر

https://upload.chjoy.com/uploads/143999684921.jpg

الطريقة
عصير برتقال بلدى وجزر مسلوق ومهروس فى الخلاط تحطيهم على النار والسكر حسب المذاق واول ما يغلى ندوب نشا فى مية ونحطة على البرتقال شوية بشوية لغاية لما يتماسك

تورتة الشيكولاته صيامى


https://upload.chjoy.com/uploads/1440066325921.jpg


مقادير الكيك
500م عصير برتقال
150م زيت ذره
٢م ك خل
٢/١كيلو دقيق
٢م ك كاكاو خام
ذرة ملح
اك سكر
كيس بيكنج بودر ....


الطريقة
بتخلطي المكونات الجافه مع بعض الدقيق والكاكاو والبيكنج بودر و الملح والسكر مع بعض
و بعدين تنزلي عليهم بالعصير والزيت والخل و تخلطي كويس جدا
و تحضري صنية مقاس ٢٤ و بطنيها بورق ذبده و تكوني مسخنه الفرن علي ١٨٠د
بتاخد حوال ٤٥د ولما تخرجيها سبيها شويه تهدي
و بعدين اقلبيها علي شبكه و مش اقل من ساعة علشان تقطعي الطبقات
و تسبيها تبرد تاني بعد التقطيع ...


صوص الشكولاته الخارجي
اك سكر
اك مياه
٣م ك كاكاو خام
ا م ك كريم شانتيه بودره
ام ك جيلاتين بودر او شريحة جيلاتين ١٠جرام
١مكعب كبير شكولاته خام
الطريقة
بتاخدي المياه و السكر و الكاكاو علي النار يغلو شويه تضيفي الكريم شانتيه و الشكولاته
و تقلبي مره واحده وتشليه من علي النار و تكوني مدوبه الجيلاتين في ام مياه ذافيه
و تضيفي علي الصوص و تسبيه يهدي و دخلي التلاجة مش اقل من ساعتين
وقبل ما تحطيه علي التورته صفيه كويس علشان مايبقاش فيه كلاكيع ..


الكريمة
ا ك كريم شانتيه خام نباتي بدون سكر
و ٤/١ ا ك مياه ساقعة
و تضربيه كويس
و بعد ما تخلصي تاخدي ٣م ك من الصوص الاعملناه في التلاجة و نقلب كويس وبعدين ندخله التلاجة يجمد شويه و بس ....

بتحطي بين الطبقات كريمه و بعدين تغلفيها كلها كريمه و دخليها التلاجة تكون الكريمه مسكت شويه في الكيكة و بعدين تنزلي عليهم بالصوص بعد ما يكون جمد و تقل تنزلي عليه من نص التورته و ما تعمليش اي حاجة فيه تسبيه ينزل ويغطي التورته براحته و بعدين تدخليها التلاجة تاني ترتاح و ..
وبالهنا

فطير الملاك

https://upload.chjoy.com/uploads/1440068896821.jpg

المقادير
كيلو وربع دقيق
كوب زيت
كوب سكر
معلقه خميرة كبيره
معلقه بيكنج بودر


الطريقة
تضعي البيكنج بودر علي الدقيق وعليهم الزيت وتعجبنى بنفس طريقه الكحك
حتى يمتزج الزيت بالدقيق جيدا ثم تضعي السكر في وعاء وعليه كوب ماء دافي وتقلبيه
كويس وتنزلي بيه علي الدقيق وتعجنى كويس وعليهم معلقه الخميرة مدوبه مع معلقه سكر
وتعجنى كويس وممكن تحتاجى ميه تانى وبعدين سبيها تخمر
وبعد التخمير كوريها وافرديها وضعيها في صاج حتى تخمر وبعدين علي الفرن

المشاركة الأصلية كتبت بواسطة ماريا تى ثيؤتوكوس (المشاركة 1023511) موضوع جامد سما تصدقى انا كنت بدور بالصدفه على اكله صيامى جديده ولقيتنى هنا هجرب الحوواشى الصيامى عجبتنى فكرته بس هلف العيش بورق الفويل علشان مش ينشف فى الفرن ميرسى كتير سما ربنا يخليكى للأمن الغذائى

بسكوت بالبرتقال وجوز الهند صيامى



https://upload.chjoy.com/uploads/1449392589321.jpg

المقادير

• دقيق للعجن ( من 3كوب إلى 3 كوب ونصف )
• باكو بيكنج بودر
• نصف كوب زيت
• كوب سكر
• نصف كوب جوز هند
• برتقالة مقشرة
• ملعقة صغيرة فانيليا

خطوات التحضير

• إضربى فى الخلاط الزيت والسكر والبرتقالة وجوز الهند
• أضيفى الفانيليا لخليط الزيت والبرتقال
• أضيفى الدقيق على مراحل حتى تحصلى على قوام عجينة يصل للفرد
• قطعى العجينة لأشكال ورصيها فى صينية وإخبزيها فى فرن على درجة حرارة 180 ثم قدميها

فطائر صيامى مقلية

https://upload.chjoy.com/uploads/1449393319181.jpg

قرع بالمهلبية صيامى



https://upload.chjoy.com/uploads/1449393437731.jpg

كسكسى صيامى



https://upload.chjoy.com/uploads/1449393772021.jpg

بسبوسة صيامى بالبرتقال



https://upload.chjoy.com/uploads/1449394040751.jpg

سندويتش خضار مشوى مع مايونيز صيامى



https://upload.chjoy.com/uploads/1449394247241.jpg

برجر صيامى



https://upload.chjoy.com/uploads/1449394544741.jpg

فلافل الحمص والنعناع والبقدونس ( صيامى ونباتى )

https://upload.chjoy.com/uploads/1449395020671.jpg

يخنى العدس والخضار ( صيامى ونباتى )



https://upload.chjoy.com/uploads/1449395183641.jpg

كيكة شيكولاتة صيامى

https://upload.chjoy.com/uploads/1449395624031.jpg

المشاركة الأصلية كتبت بواسطة sama smsma (المشاركة 1025586) شطورة يا ماريا انتى :) بألف هنا يا سكر بصى لو انا مش كاتبة فى الوصفة ( توابل سبايسى ) بتاعت الحواوشى يبقى ضيفيها هاتخلى الطعم احلى واى حاجة هاتعمليها فى الصيام يبقى ضيقى عليها التوابل الخاصة بيها مثلا توابل الكفتة انا بعمل بيها كفتة صيامى بتطلع حلوووووة اوى التوابل اللى هى دى https://upload.chjoy.com/uploads/1449392910311.jpeg

المشاركة الأصلية كتبت بواسطة ماريا تى ثيؤتوكوس (المشاركة 1025609) وصفات جامده سما تصدقى فعلا هى كانت عايزه توابل اكتر بس طلعت حلوه صدقينى بس الولاد قالولى جميله اوى يا ماما بس متعملهاش تانى يا حجه ههههههههههه بس على مين دا انا هفضل اخترع كده واهريهم اكلات

المشاركة الأصلية كتبت بواسطة ماريا تى ثيؤتوكوس (المشاركة 1025615) هههههههههه لحمه وفراخ قال ده بعينهم صدقينى وبأمانه يا سما لما بعمل نص الكميه بتتنسف لكن لو عملت الكميه كلها بتكون زى ما هى مش عارفه اعمل ايه هو انا اتجننت من قليل يا بنتى

المشاركة الأصلية كتبت بواسطة ميرو (المشاركة 1025620) جميل جدا سمسما ربنا يبارك حياتك

كفته فول صويا والارز صيامى


المقادير
كوب صغير فول صويا مجروش منقوع فى كوب ماء ساخن
ملح - فلفل - بهارات كفته سبايسى
ملعقتين رز منقوع فى كوب ماء لمده نصف ساعه تقريبا
ثم صفيه و قومى بطحنه فى المطحن


الطريقة
قومى بتصفية الصويا من الماء الزائد و قومى بطحنه فى الكبه مع الرز ليتجانس الخليط معا ثم افرمى بصلة و شبت و قومى باضافتهم للخليط و قومى بتنكيهه كما ترغبين و قومى بتشكيل العجين إلى أصابع و قومى بحفظها فى الفريزر


الطهى :
أدهنى صينيه بالزيت و رصى أصابع الكفتة و أشويها فى الفرن
لما الصينية تطلع من الفرن
ولعى فحمة وضعيها فى وسط الصينية على قشرة بصله وادلقى بسرعه عليها معلقة سمنه سايحة او زيت وغطى الحلة بسرعه واتركي الفحم يندمج مع الكفته
ورشى بقدونس عند التقديم
https://upload.chjoy.com/uploads/1450876488551.jpg

الزلابية
بصوص الشيكولاتة - والشربات - وسكر البودرة


https://upload.chjoy.com/uploads/1460287537091.jpg


مقادير الزلابية
2 كوب دقيق
2 معالق كبار سكر
معلقة كبيرة خميرة
2 معالق كبار زيت
رشة ملح
كوب ماء دافيء وممكن نزود شوية او نقللها شوية على حسب نوع الدقيق . يعنى مانحطش الكباية كلها مرة واحدة
------
الطريقة
نضع رشة الملح على الدقيق ونقلب - نضع الخميرة الفورية - والسكر والزيت ونقلب وبعدين نحط المية شوية شوية ونعجن بصوابعنا وياريت مش نكتر المية علشان العجينة مش تطلع خفيفة وتفرش معاكى وانتى بتحمريها - بعدين سيبيها تخمر في مكان دافيء لمدة ساعه تقريبا او ساعة ونص - بعد ماتخمر نجيب معلقة صغيرة وطبق فيه زيت و نمسك العجينة بايدينا - وكل شوية هانغمس المعلقة بالزيت واحنا بنقطع بيها الزلابيه وننزل بيها في الزيت المغلي ونحمرها ونطلعها في الشربات علطول .
ونطلع حبة على ورق مطبخ ومانحطهاش في الشربات علشان هانرش عليها سكر البودرة او صوص الشيكولاتة بعد كدة
-------------------------------------------


مقادير الشربات
2 كوب سكر
كوب ماء
نصف ليمونة
-----
الطريقة
نضع السكر على النار وعليه المية ومانقلبهومش خالص الا بعد ما يغلى نحط نص ليمونة اول ما يغلي - ونقلب ونسيبه على النار يغلي دقيقتين تقريبا - ونطفي عليه
-------------------------------------------

https://upload.chjoy.com/uploads/1460287474722.jpg

مقادير صوص الشيكولاتة الصيامى
كوب شيكولاتة خام
معلقتين زيت ذرة
نص كوب سكر بودرة او ربع كوب او اقل ( علي حسب المذاق )
فانيليا
معلقة مية نضعها لو لقينا الصوص سميك او معلقتين علي حسب مانتى شايفاها سميكة ولا لأ
--------
طريقة صوص الشيكولاتة
هنضع الشيكولاتة والزيت فى حلة صغيرة على حمام مائى
ونقلبها لحد ماتسيح خالص
ونحط عليها سكر وفانيليا
ونقلب لحد ماتدوب مع بعض وهيبقى عندك احلى صوص
-------
وبالف هنا

سينابون صيامي


المقادير
- ستة أكواب دقيق
- نصف كوب سكر
- نصف كوب زبدة نيبون نباتى
- ملعقة اكل خميرة جافة فورية
- ملعقة صغيرة ملح
- 2 ونصف كوب ماء


الحشــــــــــــــــــــــوة
مربى + جوزة الهند مبشورة + قرفه + سكر مطحون


الطريقة:
تعجن المقادير وتترك العجينه لمدة نصف ساعة حتى تخمر
بعد تخمر العجينة تقسم العجينة الى 6 أو 5 أقسام
يفرد كل قسم ...
ثم يدهن بالزبدة النيبون النباتى السائلة
ثم توضع الحشوة
ممكن إضافة الجوز أو اللوز مع جوزة الهند المبشورة إضافة لحشوة
مربى + قرفه
ثم تلف على شكل اسطواني ...
وتوضع في فرن درجة حرارته اقل من 200 وتترك لمدة 20 الى 30 دقيقه
بعد اخراج الصينية من الفرن ادهنيها بالمربى او بشربات
مخصص للحلويات واتركيها حتى تبرد
https://upload.chjoy.com/uploads/1488473733881.jpg

ازاى نعمل لبن صيامى فى البيت سهل جداااا

لبن جوز الهند الصيامى
ربع كيلو جوز هند
5 اكواب ماء ساخن
ينقع جوز الهند فى الماء الساخن لمدة اربع ساعات ثم يضرب فى الخلاط ويصفى
وبعد كدا بنستخدمة فى جميع الاكلات والوصفات بديل اللبن العادى

https://upload.chjoy.com/uploads/1488474005521.jpg

طريقة صنع كيكة بالشيكولاتة صيامي


المكونات:
1 و½ كوب دقيق
1 كوب سكر
1 كوب ماء
2 ملعقة صغيرة ڨانيليا
2 ملعقة صغيرة حبهان مطحون أو 1 ملعقة قرفة.
½ كوب زيت
3 ملاعق كبيرة كاكاو مر
1 ملعقة بيكاربونات الصودا


طريقة التحضير:
تخلط المكونات السائلة في الخلاط الكهربائي أو بمضرب السيلك، ثم يضاف إليها الموكنات الصلبة.
وبعد تجانس كل المكونات، يصب الخليط في قالب الكيك المدهون بالزيت والدقيق.
تخبز في فرن على حرارة 180 درجة لمدة 15-20 دقيقة.
تخلط المربى بالفاكهة الطازجة وتحشى بها الكيك بعد تقطيعها نصفين، وتزين بالسكر الناعم.
أو تزين بمزيج الكاكاو المر مع القطر الثقيل


https://upload.chjoy.com/uploads/1488483725481.jpg

تورلي البسلة (البازيلاء)

المقادير :-
1- واحد كيلو بسلة .
2- اثنين بصلة كبيرة .
3- اثنين ثمرة جزر .
4- اثنين ثمرة طماطم كبيرة .
5-اثنين حبه بطاطس . ( يمكن اضافه الباذنجان ).
1- ملح وفلفل حسب الطلب .
2- زيت حسب الطلب



الطريقة
1- تقشر البسلة وتغسل .
2- تقشر البصلة وتقطع صغيراً وتقشر البطاطس وتقطع صغيراً يمكن قليها قليلا في مقلاه قبل الخلط ثم يقطع الجزر صغيراً .
3- تعصر الطماطم وتخلط بجميع المقادير السابقة .
4- توضع جميع هذه المقادير في صينية وتوضع في الفرن مع إضافة كوب ماء للخليط السابق وتترك حتى يتم النضج ، وبالهناء والشفاء


https://upload.chjoy.com/uploads/1488483847751.jpg

كريب.. وجبة صيامي خفيفة

1 كوب دقيق
1 كوب لبن صويا
2 ملعقة كبيرة زيت
2 ملعقة صغيرة بيكنج بودر
رشة ملح
2 ملعقة صغيرة سكر أو ملح (حسب رغبتك الحشو حلو أو حادق)


الطريقة:
نضع الدقيق والبيكنج بودر والسكر والملح في الخلاط، ثم نضيف الزيت واللبن.
نخلط المكونات جيدا حتى تصبح العجينة سائلة كثيفة.
نسكب القليل من العجينة في طاسة مدهونة بالزيت، ونوزعها جيدا بتحريك الطاسة في كل الجوانب.
نتركها حتى تتماسك قليلا، ثم نقلبها الناحية الأخرى حتى يصبح لونها ذهبيا.
https://upload.chjoy.com/uploads/148848402041.jpg

باذنجان بالخل والثوم

المقادير:
1 كيلو باذنجان
5 فصوص ثوم
2 ملعقة شاي خل
3 حبة طماطم مقطعة
2 مكعب ماجى
فنجان مرقة خضروات
بقدونس
شطة


الطريقة:
- قطعي الباذنجان شرائح و اقليه في الزيت الى ان يصير لونة ذهبى
– حمري الثوم فى قليل من الزيت حتى يصفر , اضيفي الطماطم و قلبي حتي تتسبك .
– اضيفي الخل و الماجي و المرقة , أخيراً اضيفي الباذنجان و اتركيه علي نار هادئة حتي يتشرب الصوص .
– اضيفي كمية صغيرة من البقدونس و الشطة و قدمي الطبق ساخناً .
https://upload.chjoy.com/uploads/1488484110981.jpg

صينية القرع العسلي بالبشاميل صيامي


المقادير :
( 1 كيلو قرع مقطع مكعبات + 2 كوب سكر + 1 كوب ماء + 3 ملعقة كبيرة نشا +
3 ملعقة كبيرة كريمر + 1 باكو فانيليا +1 ملعقة كبيرة سمن نباتي + 1/2 كوب عين جمل )


الطريقة :
قشري القرع وقطعيه إلى مكعبات ضعيه في طبق عميق وأضيفي إليه السكر غطي الطبق واتركيه جانباً لمدة ساعتين، أو حتى يفرز سائل ويذوب السكر.


على نار متوسطة ضعي القرع والسائل في إناء اتركيه على النار لمدة 10 دقائق أو حتى يطرى ويسهل هرسه بالشوكة أو بملعقة خشبية .


استمري في التقليب والهرس حتى يصبح قوامه بيوريه ارفعي الإناء من على النار وصفي القرع واحتفظي بالشربات جانباً.


في إناء آخر على نار هادئة ضعي مقدار كوب واحد من الشربات وأضيفي له كوب الماء في نفس الوقت أذيبي الكريمر والنشا في ربع كوب ماء،
ثم أضيفي الخليط على الشربات استمري في التقليب باستخدام مضرب سلك يدوي حتى لا تتكون كتل عندما يغلظ القوام أضيفي الفانيليا ثم أضيفي السمن النباتي
ارفعي الإناء من على النار واتركيه جانباً قومي بدهن بايركس بقليل من السمن النباتي أضيفي قطع عين الجمل على القرع الذي قمتي بتصفيته تماماً، ثم افردي القرع
بعين الجمل في الصينية البايركس المعدة مسبقاً، ثم افردي البشاميل الصيامي على الوجه احرصي على توزيعها بالتساويادخلي الصينية الفرن على درجة حرارة 180 .
اتركيها لمدة 15 دقيقة أو حتى يحمر الوجه اخرجي الصينية من الفرن وقدميها ساخنة أو باردة.
https://upload.chjoy.com/uploads/148848436381.jpg

باتيه صيامى


المكونات:
معلقة خميرة بيرة
ملعقة كبيرة سكر
ربع كوب ماء فاتر (للخميرة)
3 كوب كبير دقيق
تلت كوب زيت
ذرة ملح
ماء فاتر للعجن...


للحشو 1
جبنة صيامى و شرائح زيتون اسود و أخضر و فلفلة خضراء مقطة و جزرة مبشورة
الطريقة:
نضع الخميرة فى كوب و نضع معها ملعقة كبيرة سكر و ربع الكوب ماء فاتر و نتركها حتى ترتفع
فى وعاء عميق نضع الدقيق و الزيت و نخلطهم معا جيدا عن طريق فرك بعض الدقيق بكف اليد ثم تناول بعض الآخر و فركه حتى ننتهى من الخلط
نضيف الخميرة و نقلبها جيدا ثم نضيف الزيت و نعجن حتى تتكون العجين
يترك العجين حتى يخمر
نولع الفرن
نفرش المائدة دقيق و نقوم بفرد العجين بالنشابة
نقطع مستطيل كبير حسب الرغبة و نضع فيه الحشوة الأولى و نترك الحواف دون حشو ثم نحضر مستطيل بنفس المقاييس من العجين و نضعه برفق فوق الحشو و نشوك الجوانب بالشوكة حتى يقفل جيدا
الصينية هتكون مدهونه زيت و مرشوشه دقيق
هنرص فيها الباتيه و هنسيب مسافات بينهم
هنحط الصينية فى الفرن لمدة نصف ساعة
نشقر عليها تكون احمرت....تكون احمرت و بالهنا


https://upload.chjoy.com/uploads/1488484797531.jpg