|
رد: اكبر مجموعة ايات من الكتاب المقدس مع التأملات
وقع عليه ليلمسه!!!
فَانْصَرَفَ يَسُوعُ مَعَ تَلاَمِيذِهِ إِلَى الْبَحْرِ، وَتَبِعَهُ جَمْعٌ كَثِيرٌ مِنَ الْجَلِيلِ وَمِنَ الْيَهُودِيَّةِ 8 وَمِنْ أُورُشَلِيمَ وَمِنْ أَدُومِيَّةَ وَمِنْ عَبْرِ الأُرْدُنِّ. وَالَّذِينَ حَوْلَ صُورَ وَصَيْدَاءَ، جَمْعٌ كَثِيرٌ، إِذْ سَمِعُوا كَمْ صَنَعَ أَتَوْا إِلَيْهِ. 9 فَقَالَ لِتَلاَمِيذِهِ أَنْ تُلاَزِمَهُ سَفِينَةٌ صَغِيرَةٌ لِسَبَبِ الْجَمْعِ، كَيْ لاَ يَزْحَمُوهُ، 10 لأَنَّهُ كَانَ قَدْ شَفَى كَثِيرِينَ، حَتَّى وَقَعَ عَلَيْهِ لِيَلْمِسَهُ كُلُّ مَنْ فِيهِ دَاءٌ. 11 وَالأَرْوَاحُ النَّجِسَةُ حِينَمَا نَظَرَتْهُ خَرَّتْ لَهُ وَصَرَخَتْ قَائِلَةً: «إِنَّكَ أَنْتَ ابْنُ اللهِ!». 12 وَأَوْصَاهُمْ كَثِيرًا أَنْ لاَ يُظْهِرُوهُ. بعد صدام يسوع مع الفريسين و الكتبة و الهيروديسين انصرف.. مشي من وجه الشر.. مش خايف لانه واجههم و لكن حتي يتفرغ لخدمته.. ساعات الانصراف ساعة الشر مهم.. فيه اوقات كتير لو طرف انسحب في الوقت المناسب ممكن الامور تتحل.. زوج و زوجة في عراك و صراخ و بكاء.. اب و ابنه زعيق و خناق .. ام و ابنتها تراشق بكلمات و حكايات.. الحل... طرف ينسحب من لحظة الشر حيدي فرصة لاعادة الرؤية بدل من صدام و قرارات و عنف... المسالمة مش ضعف.. المسالمة منتهي القوة و المواجهة بالحق في هدؤ منتهي القوة.. المسيح خد مركب صغير.. حلوة دي... الكنيسة مركب صغير بس هو في داخلها... قلبك مركب صغير ممكن يدخل فيه.. ربنا مش عاوز سفينة تايتنك علشان يخش فيها.. هو بتاع الصغير و الغلبان اروح له و انا شوية خشب علي قدي و هو يبحر بيا لأَنَّهُ كَانَ قَدْ شَفَى كَثِيرِينَ، حَتَّى وَقَعَ عَلَيْهِ لِيَلْمِسَهُ كُلُّ مَنْ فِيهِ دَاءٌ. مالناش حل غيره.. اقع عليه يعني اترمي عليه من غير حسابات..زي طفل بيروح لابوه من غير حسابات لا همه هو لابس ايه و لا منعكش و لا حتي بلبوص ابوه يخش من الباب الواد يفط و يجري يترمي عليه و يبدا بقي يقوله بس رجلي اتعورت النهاردة و بص سنتي اتخلعت.. انا معملش الواجب.. ماما ضربتني.. و يترمي.. اترمي بكل وجعك و دائك و هو يمتلك من القوة رصيد ابدي للشاطر اللي بس ينتزعها... للي معاه الباسوورد بتاعتها.. دموعك تفك الشفرة و تغلبيه يقول حولي عيناك عني لانهما قد غلبتاني.. اترمي بايمان حقيقي انه يقدر.. وسط الغلاء و المر اللي شايفينه عجبتني عظة ا.رفعت بتاع مصر القديمة اللي ناس كتير شيرتها و قال فيها حول غلاء البنزين و الاسعار ان نتعلم ان نصلي حينما تمتد ايدينا لاي شيئ و نقول يابركة يسوع التي فاقت احتياجات الجموع!!! و ان نصدق انه يستطيع ان يعطي بركة حقيقية... كنت بفكر مراتي امبارح ازاي بيت امي ربنا يرحمها و بيت حمايا مليانين بركة.. كنت تخش تلاقي خير كتير و فيض و لحوم و فراخ و فاكهة و مخبوزات و حلويات و بكثرة.. و كانت امي تعقدني لما اطلع لها اول الشهر م.البيت تقولي خلوه معاكم انا لسه ما فتحتش الظرف بتاع الشهر اللي فات.!!!!. و انا كنت باخد تلات اضعافه و باجي اخر الشهر الف حوالين نفسي.. بالورقة و القلم ما فيش حلول.. الحل يركب السفينة و نرمي عليه.... خطية.. مشكلة.. معاناة.... مرض.. احتياج... لما نترمي عليه حناخد قوة... مش شرط قوة شفاء لكن ممكن قوة مساندة.. مش شرط جوزك ينصلح حاله لكن قوة توسع قلبك و تحتملي.. القصة اننا ناخد قوة.. اخر حاجة.. ليه المسيح رفض سجود و شهادة الشياطين.. لانه سجود خوف و ليس خضوع و شهادة رعب تفتقد للحب و التمتع بالعشرة.. و لن يقبل المسيح ان يشهد له احد خوفا او رعبا او رياءا بل لتكن شهادة حب و اختبار ذوقوا و انظروا ما اطيب الرب... لالهنا المجد و الكرامة الي الابد نبيل شحاتة |
رد: اكبر مجموعة ايات من الكتاب المقدس مع التأملات
مد يدك..
1 ثُمَّ دَخَلَ أَيْضًا إِلَى الْمَجْمَعِ، وَكَانَ هُنَاكَ رَجُلٌ يَدُهُ يَابِسَةٌ. 2 فَصَارُوا يُرَاقِبُونَهُ: هَلْ يَشْفِيهِ فِي السَّبْتِ؟ لِكَيْ يَشْتَكُوا عَلَيْهِ. 3 فَقَالَ لِلرَّجُلِ الَّذِي لَهُ الْيَدُ الْيَابِسَةُ: «قُمْ فِي الْوَسْطِ!» 4 ثُمَّ قَالَ لَهُمْ: «هَلْ يَحِلُّ فِي السَّبْتِ فِعْلُ الْخَيْرِ أَوْ فِعْلُ الشَّرِّ؟ تَخْلِيصُ نَفْسٍ أَوْ قَتْلٌ؟». فَسَكَتُوا. 5 فَنَظَرَ حَوْلَهُ إِلَيْهِمْ بِغَضَبٍ، حَزِينًا عَلَى غِلاَظَةِ قُلُوبِهِمْ، وَقَالَ لِلرَّجُلِ: «مُدَّ يَدَكَ». فَمَدَّهَا، فَعَادَتْ يَدُهُ صَحِيحَةً كَالأُخْرَى. 6 فَخَرَجَ الْفَرِّيسِيُّونَ لِلْوَقْتِ مَعَ الْهِيرُودُسِيِّينَ وَتَشَاوَرُوا عَلَيْهِ لِكَيْ يُهْلِكُوهُ. كالعادة صراع الكتبة و الفريسين و مدعي التدين امام حنان و محبة يسوع و روح التدين اللي هو عاوزه من كل واحد فينا... واحد ايده اليمين يابسة و دي حددها القديس لوقا.. و الايد اليمين اشارة الي العجز الانساني و العجز الروحي... مش قادر اتوب.. مش قادر ابطل.. شهوتي مالكاني.. متيبس مش عارف اتقدم و لا اعمل حاجة.. يقول احد الاباء القديسين اليدّ التي مدّها آدم ليأخذ من الشجرة المحرمة غمرها الرب بعصارة الخلاص المليئة بالأعمال الصالحة، فإن كانت قد يبست بالخطية تنال الشفاء للأعمال الصالحة ربنا عاوز رحمة مش عاوز ذبيحة.. غضب لان سكوتهم كان معناها انهم شايفين ان حفظ السبت اهم.. قلب غليظ حجري.. مد يده و صارت صحيحة كالاخري.. كل واحد فينا فيه حتة مشلولة بس كمان فيه حتة حلوة.. كلنا عندنا اشتياق.. ما فيش حد فينا بيعمل خطية بعناد.. جوانا حتة لما بنديها فرصتها بتاخدنا و تسمو بينا... كتير لما كنا نطلع نقدم مؤتمرات تحس انك فيك حاجة بتتحرك للتوبة و الرجوع.. تروح دير.. طبطبة كاهن بابوة تحرك مشاعرك... كلنا فينا يمني مشلولة معطلة الدنيا و اخري صحيحة بس نفعها قليل اوي من غير اليمني.. طبعا ما عجبهمش اللي عمله المسيح لانه بيحط منهج خدمي و كهنوتي عكس سلطانهم و هيبتهم و منفعتهم ..لما تنزل تفتقد.. جميل انك تدعو الشاب للكنيسة و الاجتماع لكن ما تحكمش عليه من شوية قوانين و تبقي عامل زي مخبر جاي م القسم.. بتتناول كام مرة.. بتعترف كل اد ايه.. بتيجي الاجتماع و لا لا.. بنقرا الكتاب المقدس و لا لا.. بتصلي و لا لا.. ادعوه بطريقة يسوع.. شوف وجعه فين و ساعده و هو بعد كده حيبقي صحيحا.. حبه و اشفق عليه مهما كانت سقطاته و افتكر اد ايه ستر و لسة بيستر علينا المسيح طبعا غضب الهروديسين مختلف هم ما يهمهمش السبت في حاجة ا الهيرودسيون، كانوا خايفين عليو سلطان سيدهم الروماني، فاعتبروا أن ما يعلنه السيد المسيح من سلطان روحي هو انهيار لعائلة هيرودس الكبير مع أن السيد أكد بطرق كثيرة أن مملكته ليست من هذا العالم.. فيه واحد تكلمه عن التطوير و التغير يسيب ده كله و يشوف لو حصل ده كرسيه و مكانته حتتاثر و لا ايه.. ربنا يدينا قلب حنين و رحمة و يدينا نحس بالموجوع و نشفق علي الخاطي و نفتكر خطايانا و كم صنع القدير بنا لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
الشيبسي!!!
18 وَكَانَ تَلاَمِيذُ يُوحَنَّا وَالْفَرِّيسِيِّينَ يَصُومُونَ، فَجَاءُوا وَقَالُوا لَهُ: «لِمَاذَا يَصُومُ تَلاَمِيذُ يُوحَنَّا وَالْفَرِّيسِيِّينَ، وَأَمَّا تَلاَمِيذُكَ فَلاَ يَصُومُونَ؟» يمكن دخل تلاميذ يوحنا شوية غيرة لما شافوا معلمهم الناسك يسجد قدام المسيح و يقدم ليه تلاميذه مع ان المسيح في نظرهم مش بنسك يوحنا و لا الزم تلاميذه بالنسك.. كمان السجادة انسحبت خالص من الكتبة و الفريسين و شعبية المسيح في زيادة... تقدر تقول سؤال مش خالص النية بس المسيح نقل الموضوع في مفاهيم جديدة لما جاوب 19 فَقَالَ لَهُمْ يَسُوعُ: «هَلْ يَسْتَطِيعُ بَنُو الْعُرْسِ أَنْ يَصُومُوا وَالْعَرِيسُ مَعَهُمْ؟ مَا دَامَ الْعَرِيسُ مَعَهُمْ لاَ يَسْتَطِيعُونَ أَنْ يَصُومُوا. 20 وَلكِنْ سَتَأْتِي أَيَّامٌ حِينَ يُرْفَعُ الْعَرِيسُ عَنْهُمْ، فَحِينَئِذٍ يَصُومُونَ فِي تِلْكَ الأَيَّامِ. ما قللش من قيمة الصوم خالص و لا اعلن امتناع تلاميذه عنه مطلقا لكنه نقل القصة للتمتع بالعريس السماوي.. كل اصوامنا لو ما بتقربناش من ربنا و تحرر الجسد علشان يتمتع بالعريس تبقي اصوام ناقصة و بلا قيمة.. 21 لَيْسَ أَحَدٌ يَخِيطُ رُقْعَةً مِنْ قِطْعَةٍ جَدِيدَةٍ عَلَى ثَوْبٍ عَتِيق، وَإِلاَّ فَالْمِلْءُ الْجَدِيدُ يَأْخُذُ مِنَ الْعَتِيقِ فَيَصِيرُ الْخَرْقُ أَرْدَأَ. نقلهم لفكر جديد ولاد ربنا حيصوموا بيه لما يتم الفداء.. كل الصوم كان مجرد ترك لاكل لكن بعد نوال الروح القدس بقي انعاشا للقلب و الروح و تمتع بربنا و مقاومة الخطية .. كان قصد ربنا مش حيفيد تلاميذه يصوموا و هم لسه في التوب القديم كانه بيرقعه بحتة جديدة لكن التوب مش حيستحمل اصلا... 22 وَلَيْسَ أَحَدٌ يَجْعَلُ خَمْرًا جَدِيدَةً فِي زِقَاق عَتِيقَةٍ، لِئَلاَّ تَشُقَّ الْخَمْرُ الْجَدِيدَةُ الزِّقَاقَ، فَالْخَمْرُ تَنْصَبُّ وَالزِّقَاقُ تَتْلَفُ. بَلْ يَجْعَلُونَ خَمْرًا جَدِيدَةً فِي زِقَاق جَدِيدَةٍ». الصوم بعد نعمة العهد الجديد له مذاق مختلف.. له بركات مختلفة و هو ده اللي دفع القديسين للصوم و النسك للتحرر من ضيق الجسد و انطلاق الروح في جسد خفيف.. 23 وَاجْتَازَ فِي السَّبْتِ بَيْنَ الزُّرُوعِ، فَابْتَدَأَ تَلاَمِيذُهُ يَقْطِفُونَ السَّنَابِلَ وَهُمْ سَائِرُونَ. 24 فَقَالَ لَهُ الْفَرِّيسِيُّونَ: «انْظُرْ! لِمَاذَا يَفْعَلُونَ فِي السَّبْتِ مَا لاَ يَحِلُّ؟» علي فكرة كان ادعاؤهم كاذب و حرفي.. الشريعة سمحت ان الواحد يفرك شوية قمح طري و ياكله لكن ما يحصدش و التلاميذ كلوا بس الفريسين اعتبروهم بيحصدوا .. هم اعتبروا ان الجمع و الفرك كانها عملية حصاد يدوي ما شافوهاش ان التلاميذ مشغولين بيسوع لدرجة مش عاوزين يضيعوا وقت انهم يعملوا اكل فبياكلوا شوية سنابل.. فيه حاجات ناس كتير بتعملها ببساطة لكن يخرج حماة الايمان و يجرموهم عقيديا و كتابيا و هيصة... مرة اغسطينوس تقريبا شاف لوحة في ايطاليا في كنيسة للعدرا و المسيح مبدعة بس كانت العدرا علي شمال المسيح مش يمينه..اتغاظ اوي و قال يعني الرسام ده يخالف الكتاب اللي قال جلست الملكة عن يمين الملك و الجمال ده كله يروح بجهل و مخالفته للطقس.. وسط ما بيفكر دخلت ست عجوزة ولعت شمعة و سجدت و اتشفعت و مشيت.. يقولك بص كده و قال بينما يتجادل اللاهوتين في علم اللاهوت يتسلل البسطاء للملكوت.. 25 فَقَالَ لَهُمْ: «أَمَا قَرَأْتُمْ قَطُّ مَا فَعَلَهُ دَاوُدُ حِينَ احْتَاجَ وَجَاعَ هُوَ وَالَّذِينَ مَعَهُ؟ 26 كَيْفَ دَخَلَ بَيْتَ اللهِ فِي أَيَّامِ أَبِيَأَثَارَ رَئِيسِ الْكَهَنَةِ، وَأَكَلَ خُبْزَ التَّقْدِمَةِ الَّذِي لاَ يَحِلُّ أَكْلُهُ إِلاَّ لِلْكَهَنَةِ، وَأَعْطَى الَّذِينَ كَانُوا مَعَهُ أَيْضًا». يسوع رد عليهم بقصة يعرفوها بس لو فهموها ما كنش ادانوا التلاميذ فكرهم ان داود لما جاع هو ورجاله أكل الخبز المقدس اللي لا يحل أكله إلاَّ للكهنة. وقطعًا فرك السنابل يوم السبت هو أقل خطورة بكثير من أكل أشخاص عاديين لخبز التقدمة المقدس. وكانت الأرغفة من خبز التقدمة توضع على مائدة خبز الوجوه كل سبت لمدة أسبوع ثم يأكلها الكاهن وأسرته فقط (1صم 1:21-6). 27 ثُمَّ قَالَ لَهُمُ: «السَّبْتُ إِنَّمَا جُعِلَ لأَجْلِ الإِنْسَانِ، لاَ الإِنْسَانُ لأَجْلِ السَّبْتِ. 28 إِذًا ابْنُ الإِنْسَانِ هُوَ رَبُّ السَّبْتِ أَيْضًا». ربنا حط القانون... كل الطقوس و كل العبادات وسيلة من اجل خلاص الانسان و مساعدته لكنها مش الهدف.. علشان كده لو ما عشناش الليتورجيا و التسابيح و الصلوات و الطقوس و فهمنا كل حاجة و حركة بتتعمل خلاصنا فيها ايه يبقي ولا ليها لازمة.. زمااان اول ما اترسم الانبا رافائيل سمعت له عظة عن التوبة في القداس الالهي.. غيرت تماما من طريقة حضوري للقداس و مشاركتي... انت في عين ربنا اهم و اغلي.. ده انا حتجاسر و اقول انت اغلي من الذبيحة نفسها.. تتصور يقولك لو بتحضر قداس و افتكرت ان اخوك زعلان سيب الذبيحة و القداس روح اتصالح مع اخوك و مع جوزك و مع مراتك و مع ولادك و مع اصحابك و مع الخدام اللي بتخدم معاهم و بعدين روح للذبيحة.. يبقي انت اغلي.. يارب نعيش روح الوصية مش حرفية الوصية.. الفارق في الشيبسي!!!! يعني ايه... واحد بياكل شيبسي في الصيام قولت له ده فطاري ده بالكباب اللي يعني لما تقرا تلاقي 6 في الالف مش عارف من ريحة ايه و لا الامر يتاخد ببساطة. .. سمنة روابي صيامي و لا فطاري... و بقينا بنعمل كل الاكل الفطاري صيامي و بقينا ماسكين في الحرف.... القصة كده حرف لكن الروح حاجة تانية... مرة ابونا ميخائيل ابراهيم القديس كان ماشي في افتقاد مع خادم عدوا علي مطعم لقي الخادم ريحة الطعمية فايحة نفسه جابته و كان صيام استاذن ابونا انه يجيب سندويتشين ياكلوهم في الطريق... ابونا قعد محطة اتوبيس من منية السيرج للخلفاوي يفهمه ان الصوم ضبط شهوات الجسد حتي لو اكل صيامي ازاي الانسان في الصوم يحرر جسده علشان ينال بركات عظيمة... لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
13 ثُمَّ خَرَجَ أَيْضًا إِلَى الْبَحْرِ. وَأَتَى إِلَيْهِ كُلُّ الْجَمْعِ فَعَلَّمَهُمْ. 14 وَفِيمَا هُوَ مُجْتَازٌ رَأَى لاَوِيَ بْنَ حَلْفَى جَالِسًا عِنْدَ مَكَانِ الْجِبَايَةِ، فَقَالَ لَهُ: «اتْبَعْنِي». فَقَامَ وَتَبِعَهُ. لم ات لادعو ابرارا !!!! ساعات وسط انشغالنا في العالم و البحث عن الغني بلا مبدأ و بظلم و كسب عدائية الناس و الاستغلال و الالتفاف تحس اننا مربوطين بالخطية و ذاتنا و نبقي مستنين حد ييجي يفك ربطنا دي و يبص علي الانسان الغلبان اللي جوانا مش اللي متلطخ برة بالقنية.. هو ده اللي عمله المسيح.. اتبعني... تستغرب من سرعة استجابة الرجل.. اكيد مش اول مرة يسمع عن يسوع يمكن سمع تعاليمه... يمكن شاف معجزاته.. بس وسط زحمة حياته لم ينعكس علي قرار انه يتغير.. سمع او شاف بس رجع لاهتمامه اللي عايش علشانه.. الجباية و الفلوس..لكن يظهر رغم غناه و سطوته انه من الداخل مش مرتاح زي كتير مننا .. الحل في دعوة يسوع... دعوة يسوع راحة جاذبة.. مر عليا ناس و اصدقاء حياتهم عادية و مالهمش علاقة بربنا و فجأة تلاقيه قبل دعوة يسوع و اتغيرت حياته.. مرة كان لينا واحد صاحب في رحلة خلوة دير الانبا صموئيل المعترف شقاوة و استخفاف باللي بيحصل و كان يقعد يحدف اللي بيصلوا من الرحلة بالحصا من الشباك و يهزر... اخر الرحلة لمحناه قاعد مع راهب ... شبعناه تريقة و كان بيضحك... شهر و عرفنا انه راح نفس الدير و طلب الرهبنة و كمل... اعرف احد الاباء الاساقفة حاليا لما كان علماني..خادم حلو و ابن نكتة و بيشتغل و لما تشوفه تقول يعني شخص حلو اه بس عادي يعني .. ووسط الحياة و بدون تمهيد خد عربيته و راح ع الدير و مارجعش..هو المسيح يعمل كده في القلب اللي يقبل دعوته ينسيه كل اللي تحت رجله و يشعر الانسان انه عاوز يسيب كل حاجة و يبقي معاه...ما قصدش طبعا دعوة للرهبنة لانها عطية خاصة لكن دعوة للتغير.. ما تبصش علي لاوي اللي جواك و امكانياته الضحلة زي حالاتي و لا الضلمة اللي عامية العين بص علي النور اللي لو فتحت له يجتاحك.. يقدر يخليك متي.. 15 وَفِيمَا هُوَ مُتَّكِئٌ فِي بَيْتِهِ كَانَ كَثِيرُونَ مِنَ الْعَشَّارِينَ وَالْخُطَاةِ يَتَّكِئُونَ مَعَ يَسُوعَ وَتَلاَمِيذِهِ، لأَنَّهُمْ كَانُوا كَثِيرِينَ وَتَبِعُوهُ. 16 وَأَمَّا الْكَتَبَةُ وَالْفَرِّيسِيُّونَ فَلَمَّا رَأَوْهُ يَأْكُلُ مَعَ الْعَشَّارِينَ وَالْخُطَاةِ، قَالُوا لِتَلاَمِيذِهِ: «مَا بَالُهُ يَأْكُلُ وَيَشْرَبُ مَعَ الْعَشَّارِينَ وَالْخُطَاةِ؟» بدل ما يتطلع الكتبة والفريسيون إلى متى وأصدقائه العشارين بفرحٍ، لما يشوفوا فيهم القلوب الجعانة و هي بتلتف حوالين "الخبز السماوي"، ربنا يسوع، علشان تشبع بعد جوعٍ وبدل ما يفرحوا بالقلوب اللي كانت جامدة وقاسية بعد ما بقي ليهاالأعماق الملتهبة نحو الأبدية، راحو يهاجموا السيد لأنه يأكل ويشرب مع العشارين والخطاة.. القلب المقفول ما يفرحش بخلاص غيره.. كتير بننفر ولاد ربنا و الشباب من انهم ييجوا ليسوع لما نبصلهم بعيونا المليانة ادانه او لاننا عارفين تاريخهم الغير مشرف و ما نرضاش نبص لهم بعين متحننة زي عين ربنا.. و نحكم و نصنف بس ربنا ليه راي تاني..هم لاموه علشان من وجهة نظرهم بيكسر الناموس لما ياكل معاهم.. ساعات بنهتم بالشكل و العبادة و العقيدة اكتر ما نهتم بالحياة.. علشان كده الكتاب يقول اريد رحمة لا ذبيحة.. ماكانتش غيرة صادقة علي الشريعة قد ما حسد علي المسيح...ساعات ندوس علي نفوس تحت اقدامنا و احنا متمسكين بحرفية التعليم و الدفاع عن الأرثوذكسية و العقيدة مع ان كل اللي محتاجه الشخص ده طبطبة وايد حنينة و حد يقوله انت غالي و جواك حلو انا حاسس بيك و بحبك و ربنا بيحبك و عاوزك .. نهتم بلوم الشباب و البنات علي لبسهم و طريقة كلامهم و ازاي و هم ولاد ربنا و شكل الكنيسة و..و.... مع انهم لو داقوا المسيح كل ده حيتعدل... اعذروني ساعات نقدم المسيح مثل هؤلاء الكتبة و الفريسين ثقيلا و موجع... 17 فَلَمَّا سَمِعَ يَسُوعُ قَالَ لَهُمْ: «لاَ يَحْتَاجُ الأَصِحَّاءُ إِلَى طَبِيبٍ بَلِ الْمَرْضَى. لَمْ آتِ لأَدْعُوَ أَبْرَارًا بَلْ خُطَاةً إِلَى التَّوْبَةِ». حط المسيح هنا قانون الرحمة و الحب و وضع اسس اختياره للي حيدعوه... اللي شايف نفسه صحيح ده مش مدعو.. لكن المريض و الخاطي و الموجوع هم دول المدعوين... حاجة تفرح قلبك النهاردة.. انت مدعو.. انت مدعو للقاء يسوع مهما كانت اعمالك و خطيتك زي حالاتي.. انت هدف ليسوع يسعي اليك.. تحرم نفسك من الدعوة دي لو شايف نفسك كده تمام و انك مش محتاج توبة.. ده لو علي كده الواحد يقف قدامه كل يوم ويقوله فين دعوتي..؟! هو انت مش قلت انك بتاع الخطاة و المرضي.. بص ده انا مليان بلاوي و امراض الدنيا جوايا.. انا جدير بدعوتك و انك تيجي تشفيني.. ايها الطبيب المداو لجراحنا و الامنا اسرع و لا تبطئ لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
13 ثُمَّ خَرَجَ أَيْضًا إِلَى الْبَحْرِ. وَأَتَى إِلَيْهِ كُلُّ الْجَمْعِ فَعَلَّمَهُمْ. 14 وَفِيمَا هُوَ مُجْتَازٌ رَأَى لاَوِيَ بْنَ حَلْفَى جَالِسًا عِنْدَ مَكَانِ الْجِبَايَةِ، فَقَالَ لَهُ: «اتْبَعْنِي». فَقَامَ وَتَبِعَهُ. لم ات لادعو ابرارا !!!! ساعات وسط انشغالنا في العالم و البحث عن الغني بلا مبدأ و بظلم و كسب عدائية الناس و الاستغلال و الالتفاف تحس اننا مربوطين بالخطية و ذاتنا و نبقي مستنين حد ييجي يفك ربطنا دي و يبص علي الانسان الغلبان اللي جوانا مش اللي متلطخ برة بالقنية.. هو ده اللي عمله المسيح.. اتبعني... تستغرب من سرعة استجابة الرجل.. اكيد مش اول مرة يسمع عن يسوع يمكن سمع تعاليمه... يمكن شاف معجزاته.. بس وسط زحمة حياته لم ينعكس علي قرار انه يتغير.. سمع او شاف بس رجع لاهتمامه اللي عايش علشانه.. الجباية و الفلوس..لكن يظهر رغم غناه و سطوته انه من الداخل مش مرتاح زي كتير مننا .. الحل في دعوة يسوع... دعوة يسوع راحة جاذبة.. مر عليا ناس و اصدقاء حياتهم عادية و مالهمش علاقة بربنا و فجأة تلاقيه قبل دعوة يسوع و اتغيرت حياته.. مرة كان لينا واحد صاحب في رحلة خلوة دير الانبا صموئيل المعترف شقاوة و استخفاف باللي بيحصل و كان يقعد يحدف اللي بيصلوا من الرحلة بالحصا من الشباك و يهزر... اخر الرحلة لمحناه قاعد مع راهب ... شبعناه تريقة و كان بيضحك... شهر و عرفنا انه راح نفس الدير و طلب الرهبنة و كمل... اعرف احد الاباء الاساقفة حاليا لما كان علماني..خادم حلو و ابن نكتة و بيشتغل و لما تشوفه تقول يعني شخص حلو اه بس عادي يعني .. ووسط الحياة و بدون تمهيد خد عربيته و راح ع الدير و مارجعش..هو المسيح يعمل كده في القلب اللي يقبل دعوته ينسيه كل اللي تحت رجله و يشعر الانسان انه عاوز يسيب كل حاجة و يبقي معاه...ما قصدش طبعا دعوة للرهبنة لانها عطية خاصة لكن دعوة للتغير.. ما تبصش علي لاوي اللي جواك و امكانياته الضحلة زي حالاتي و لا الضلمة اللي عامية العين بص علي النور اللي لو فتحت له يجتاحك.. يقدر يخليك متي.. 15 وَفِيمَا هُوَ مُتَّكِئٌ فِي بَيْتِهِ كَانَ كَثِيرُونَ مِنَ الْعَشَّارِينَ وَالْخُطَاةِ يَتَّكِئُونَ مَعَ يَسُوعَ وَتَلاَمِيذِهِ، لأَنَّهُمْ كَانُوا كَثِيرِينَ وَتَبِعُوهُ. 16 وَأَمَّا الْكَتَبَةُ وَالْفَرِّيسِيُّونَ فَلَمَّا رَأَوْهُ يَأْكُلُ مَعَ الْعَشَّارِينَ وَالْخُطَاةِ، قَالُوا لِتَلاَمِيذِهِ: «مَا بَالُهُ يَأْكُلُ وَيَشْرَبُ مَعَ الْعَشَّارِينَ وَالْخُطَاةِ؟» بدل ما يتطلع الكتبة والفريسيون إلى متى وأصدقائه العشارين بفرحٍ، لما يشوفوا فيهم القلوب الجعانة و هي بتلتف حوالين "الخبز السماوي"، ربنا يسوع، علشان تشبع بعد جوعٍ وبدل ما يفرحوا بالقلوب اللي كانت جامدة وقاسية بعد ما بقي ليهاالأعماق الملتهبة نحو الأبدية، راحو يهاجموا السيد لأنه يأكل ويشرب مع العشارين والخطاة.. القلب المقفول ما يفرحش بخلاص غيره.. كتير بننفر ولاد ربنا و الشباب من انهم ييجوا ليسوع لما نبصلهم بعيونا المليانة ادانه او لاننا عارفين تاريخهم الغير مشرف و ما نرضاش نبص لهم بعين متحننة زي عين ربنا.. و نحكم و نصنف بس ربنا ليه راي تاني..هم لاموه علشان من وجهة نظرهم بيكسر الناموس لما ياكل معاهم.. ساعات بنهتم بالشكل و العبادة و العقيدة اكتر ما نهتم بالحياة.. علشان كده الكتاب يقول اريد رحمة لا ذبيحة.. ماكانتش غيرة صادقة علي الشريعة قد ما حسد علي المسيح...ساعات ندوس علي نفوس تحت اقدامنا و احنا متمسكين بحرفية التعليم و الدفاع عن الأرثوذكسية و العقيدة مع ان كل اللي محتاجه الشخص ده طبطبة وايد حنينة و حد يقوله انت غالي و جواك حلو انا حاسس بيك و بحبك و ربنا بيحبك و عاوزك .. نهتم بلوم الشباب و البنات علي لبسهم و طريقة كلامهم و ازاي و هم ولاد ربنا و شكل الكنيسة و..و.... مع انهم لو داقوا المسيح كل ده حيتعدل... اعذروني ساعات نقدم المسيح مثل هؤلاء الكتبة و الفريسين ثقيلا و موجع... 17 فَلَمَّا سَمِعَ يَسُوعُ قَالَ لَهُمْ: «لاَ يَحْتَاجُ الأَصِحَّاءُ إِلَى طَبِيبٍ بَلِ الْمَرْضَى. لَمْ آتِ لأَدْعُوَ أَبْرَارًا بَلْ خُطَاةً إِلَى التَّوْبَةِ». حط المسيح هنا قانون الرحمة و الحب و وضع اسس اختياره للي حيدعوه... اللي شايف نفسه صحيح ده مش مدعو.. لكن المريض و الخاطي و الموجوع هم دول المدعوين... حاجة تفرح قلبك النهاردة.. انت مدعو.. انت مدعو للقاء يسوع مهما كانت اعمالك و خطيتك زي حالاتي.. انت هدف ليسوع يسعي اليك.. تحرم نفسك من الدعوة دي لو شايف نفسك كده تمام و انك مش محتاج توبة.. ده لو علي كده الواحد يقف قدامه كل يوم ويقوله فين دعوتي..؟! هو انت مش قلت انك بتاع الخطاة و المرضي.. بص ده انا مليان بلاوي و امراض الدنيا جوايا.. انا جدير بدعوتك و انك تيجي تشفيني.. ايها الطبيب المداو لجراحنا و الامنا اسرع و لا تبطئ لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
يعني ايه " تنضح علي بزوفاك فأطهر " ؟؟
جملة بنقولها في المزمور الخمسين في مقدمة كل صلاة ... بنلاقي كلمة ( تنضح ) و كلمة ( زوفاك ) يمكن مش بنفهمها ... ببساطة في " نبات " إسمه ( الزوفا ) هو نبات عشبي شكله زي الصورة اللي موجودة دي ... النبات ده كان بيستخدم في العهد القديم في ( نضح ) أو ( رش ) الدم .. و أشهر استخدام ليه كان في طقس تطهير الأبرص ( اللي كان يعتبر ملعون في العهد القديم ) ... " يأمر الكاهن ان يؤخذ للمتطهّر عصفوران حيّان طاهران وخشب ارز وقرمز و زوفا . ويأمر الكاهن ان يذبح العصفور الواحد في اناء خزف على ماء حيّ.اما العصفور الحيّ فياخذه مع خشب الارز والقرمز والزوفا ويغمسها مع العصفور الحي في دم العصفور المذبوح على الماء الحيًّ. وينضح ( يرش ) على المتطهر من البرص سبع مرات فيطهره ثم يطلق العصفور الحي على وجه الصحراء. " ( لاويين 14 : 4 - 7 ) و من استخدامات ( الزوفا ) بردو لما ربنا قال لشعب اسرائيل لما كانوا في عبودية فرعون في مصر : "وخذوا باقة زوفا واغمسوها في الدم الذي في الطست ومسوا العتبة العليا والقائمتين بالدم الذي في الطست.وانتم لا يخرج احد منكم من باب بيته حتى الصباح. فان الرب يجتاز ليضرب المصريين.فحين يرى الدم على العتبة العليا والقائمتين يعبر الرب عن الباب ولا يدع المهلك يدخل بيوتكم ليضرب. فتحفظون هذا الامر فريضة لك ولاولادك الى الابد"" ( خروج 12 ) إذن ( الزوفا ) كانت مقترنة دايما بالدم ... في العهد القديم كانت مرتبطة بدم ( الذبائح ) .. أما في العهد الجديد اصبحت مرتبطة بدم ربنا يسوع المسيح الذي سفك عنا ( لمغفرة الخطايا ) .. |
رد: اكبر مجموعة ايات من الكتاب المقدس مع التأملات
بِخَوَافِيهِ يُظَلِّلُكَ، وَتَحْتَ أَجْنِحَتِهِ تَحْتَمِي. تُرْسٌ وَمِجَنٌّ حَقُّهُ... مز ٩١ الله يدللني ...الله يهتم بي كصغير لا يحتمل الحرب و الضيق كثيرا ...اكثر ما يمكنني هو أن ارتعب فقط لصوت الحرب في اذني و اخاف و ارتعش لكنه يحميني بدلال ....الله يرعاني في حنان لا يقدمه بشر و لا يستطيعه انسان ... بخوافيه يظللك ...الخوافي دي ريش صغير ناعم متلاصق في الجزء الداخلي لجناح الطائر ...بيقفل بيه مسام الجناح لو عاوز يطلع في السما و يساعده في الهبوط بسلام أو الاقتراب من الأرض لما يفتح مسام يخلخل الهوا ....يضلل عليا بخوافيه ...يعني ما يسبش هفوة شمس حارقة تمر أو تأذيني .. حاجة ملوكي اوي ... تحت أجنحته تحتمي ....الجناح في الطائر قوي جدا ..و لما يحصل هجوم علي صغاره يفرده فوقهم و يضرب بيهم اللي يقرب منهم و ينقره بمنقاره ...يفرد صليب الحب عليا ...حماية و غفران ...احساس منه بكل الامي ماهو فرد جناحه و جرب .. يفرد جناحه و يديني سلطان بصليبه علي عدوي ....يفرد جناحه و يخطفني و يطير بيا فوق بعيد عن الخطر ...يطير بيا و تصغر ساعتها الأرض في عيني و اتمتع بالسما و السحاب و هو طاير بيا ...ساعات كده لما الروح تبقي منتعشة تحس انك طاير ...انك فوق الارض ...مش عاوز منها حاجة عاوز تقوله خليني كده ...ترنيمة من قلب ..قداس بالروح ...صلاة بعفوية بمشاعر جياشة ..خلوة في دير ...قراية كتاب مقدس بفهم و تأمل .. ... المشكلة أن اللي يمنعنا من التمتع ده تقل خطيتنا و كآبتنا و كراهيتنا و ذاتنا المنتفخة و كرامتنا اللي تتقل وزننا ...علشان يقدر يحلق بينا في السما لازم نبقي صغار ...اللي حيكبر و حيتقل نفسه مش حيطير بيه ...هنا الخطر ...ييجي صقر و لا نسر ينشب مخالبه في اللي شكله صغير لكن تقيل من غير جناح يطير و لا سايب أبوه يشيله علي جناحه و يطير....اللي عاوز يتمتع لازم يبقي صغار .. ترس و مجن حقه ...الترس دائرة معدن قوي صغيرة تتحط علي ايد المبارز يتلقي بيها ضربات سيف الخصم ...و المجن دايرة أو درع اكبر يستخبي تحته المحارب لما العدو يحدف سهام عليه كتيرة ... عدل ربنا و حقه ضمان لحمايتنا ...هو اللي يتلقي الضربات نيابة عنا و يردها ...حقه و عدله حماية لينا نستخبي فيهم من سهام طايشة تتحدف علينا ... دي فكرة طائرة و شهوة عين تطير قدامك ..ده اتهام باطل و دي إشاعة و ده كلام الناس و نظرتهم ليا و دي مكيدة غيظ و ده كلام يسم البدن من القريبين زوج و لا زوجة و لا اولاد و لا رئيس في شغل و لا اي حد من حدافي سهام الكلام و اللوم و كلام الدبش و الإدانة ...بتوع جروح القلب و كسر الخواطر ..بتوع تلفيق التهم و تضليل الحق و تبرئة النفس ... ييجي ربنا بعدله يعمل ترس و مجن ...!!!! دايرة حب تحوطك من كل جانب و تشيل عنك ما تسيبكش ... ريش ناعم و جناح قوي و ترس ومجن ...عاوز ايه تاني دلع اكتر من كده ...خليك من صغاره و انت حتتمتع بحماية ملوكية ما شفتهاش و لا حتشوفها ... نبيل شحاتة |
رد: اكبر مجموعة ايات من الكتاب المقدس مع التأملات
سفر اشعياء..
25.. الاصحاح 10.... حمله يزول عن كتفك 20 وَيَكُونُ فِي ذلِكَ الْيَوْمِ أَنَّ بَقِيَّةَ إِسْرَائِيلَ وَالنَّاجِينَ مِنْ بَيْتِ يَعْقُوبَ لاَ يَعُودُونَ يَتَوَكَّلُونَ أَيْضًا عَلَى ضَارِبِهِمْ، بَلْ يَتَوَكَّلُونَ عَلَى الرَّبِّ قُدُّوسِ إِسْرَائِيلَ بِالْحَقِّ. 21 تَرْجعُ الْبَقِيَّةُ، بَقِيَّةُ يَعْقُوبَ، إِلَى اللهِ الْقَدِيرِ. 22 لأَنَّهُ وَإِنْ كَانَ شَعْبُكَ يَا إِسْرَائِيلُ كَرَمْلِ الْبَحْرِ تَرْجعُ بَقِيَّةٌ مِنْهُ. قَدْ قُضِيَ بِفَنَاءٍ فَائِضٍ بِالْعَدْلِ. 23 لأَنَّ السَّيِّدَ رَبَّ الْجُنُودِ يَصْنَعُ فَنَاءً وَقَضَاءً فِي كُلِّ الأَرْضِ. كعادة ربنا يتكلم علي لسان اشعياء عن خلاص البقية اللي حيفضلوا أمناء لله بعد التأديب و ما يرجعوش يتوكلوا علي ضاربهم يعني يتعلمو الحكمة من التأديب... و اتاكدوا من فساد سياسة أحاز في الاستعانة بملك أشور. .. قَدْ قُضِيَ بِفَنَاءٍ فَائِضٍ بِالْعَدْلِ معناها الحكم بالفناء اللي طلع ضد أشراركم كان بعدل فِي كُلِّ الأَرْضِ..يقصد إسرائيل ويهوذا.. وتشيرالآيات دي لعودة المسبيين وأن الله سمح لهم بهذا السبي للتأديب ولكنه سيعيدهم. وسيستفيد بعض منهم ويعودون لله (وهؤلاء هم البقية) وقد عاد فعلًا من سبي بابل حوالي 43,000. و الآيات دي تشاور علي سر الخلاص الأبدي لما جه المسيح لليهود فآمنت قلة منهم (هم البقية) والأغلبية رفضوا واستمروا في سبي إبليس وفي الأيام الأخيرة تؤمن بالسيد المسيح البقية. وفي آية 20 نشوف التأديب بيجيب ثماره، خلاص اتعلموا انهم ما يلجأوش للبشر بل لقدوس إسرائيل. 24 وَلكِنْ هكَذَا يَقُولُ السَّيِّدُ رَبُّ الْجُنُود لا تخف ْ مِنْ أَشُّورَ يَا شَعْبِي السَّاكِنُ فِي صِهْيَوْنَ. يَضْرِبُكَ بِالْقَضِيبِ، وَيَرْفَعُ عَصَاهُ عَلَيْكَ عَلَى أُسْلُوبِ مِصْرَ. 25 لأَنَّهُ بَعْدَ قَلِيل جِدًّا يَتِمُّ السَّخَطُ وَغَضَبِي فِي إِبَادَتِهِمْ». 26 وَيُقِيمُ عَلَيْهِ رَبُّ الْجُنُودِ سَوْطًا، كَضَرْبَةِ مِدْيَانَ عِنْدَ صَخْرَةِ غُرَابَ، وَعَصَاهُ عَلَى الْبَحْرِ، وَيَرْفَعُهَا عَلَى أُسْلُوبِ مِصْرَ. 27 وَيَكُونُ فِي ذلِكَ الْيَوْمِ أَنَّ حِمْلَهُ يَزُولُ عَنْ كَتِفِكَ، وَنِيرَهُ عَنْ عُنُقِكَ، وَيَتْلَفُ النِّيرُ بِسَبَبِ السَّمَانَةِ. الكلام ده موجه لحزقيا وشعبه لما حاصره جيش أشور. رَبُّ الْجُنُودِ هواللي بيحارب، فلا تخشوا جيش أشور ، (والله بيقول لنا نفس الكلام ما تخافوش من الشيطان هو في يدى) فيه خطايا كتير تقيلة خصوصا اللي تخص الجسد و حب المال و الكراهية صعب الواحد ينتصر فيها علي الشيطان لازم يحول الحرب لربنا... عجبني بوست حد منزله النهارده عن ان النسرازاي بيسحب الافعي للسماء و يقاتلها في ارضه مش ارضها ازاي نرفع الحرب و المشكلة مهما كانت لربنا.. فيه مشاكل كتير مالهاش حل غير الصلاة.. زوج مزعج جدا زوجة غير مريحة.. ابن مش بتاع ربنا.. مشكلة في الرزق و الشغل مالهاش حل.. خدها للسما و اتفرج ربنا يعمل ايه... الله سيبهرك حتي لو بعد شوية حتي لو ما اتحلتش كمشكلة شوف السند و النعمة و حتي لو اتاخرت مش ممكن الحكاية تنتهي كده ماسخة.. ربنا حنين و يعمل لخيرنا ، يؤدب اه و لكن ما يفنييش الساكن في صهيون ... اللي ساكن في صهيون ما يخفش من ضربات التأديب، اللي ثابت في الكنيسة ما يخافش..حتي لو فيه شوية وجع.... يضربك بالقضيب يقصد أشور هي القضيب...لكن ما يفنيش.. النعمة تتخلي لكن ما تفارقش صخرة غراب ... (حصلت في قصة جدعون و قتل جدعون امير مديان اسمه غراب عند الصخرة ) أسلوب مصر.. يعني زي ما كانوا في مصر مسخرين مستعبدين، ومنهوبين.. أشور (الشيطان). حِمْلَهُ يَزُولُ عَنْ كَتِفِك.....اية تفرح دي... كل تجربة كل ضغط من الشيطان حييجي يوم نتحرك منه و يتشال من علي كتفنا.. هات حملك و هو يشيل معاك و عنك و يخف الحمل من علي كتفك يَتْلَفُ النِّيرُ بِسَبَبِ السَّمَانَةِ ... تنتهي قوتهم فيتحرر الشعب وده بسبب كبريائهم (السمانة). وكلمة السمانة ليها معني تاني في العبرية معناها "المسحة" .. ويكون المعني أن الله سيبيد أشور بسبب مواعيده لداود...شيل اشور و حط الشيطان... انت كمان ممسوح و مسيحه بالميرون و بقي فيه سبب و علة انه يحررك و يحررني... علشان كده نتلكك في دي و نقوله من اجل اسمك القدوس الذي دعي علينا.. احنا ممسوحين... احنا بتوعك وولادك.. امسك في دي و اطلبها بلجاجة.. قوله بمكر هو يحبه.. مش علشان خاطري انا ما استاهلش لكن انا عامل عليك.. اسمك ممسوح عليا و ابقي كده مرمي و مكسور كده... وحشة في حقك.. ده انت الهي و ابويا و مسيحي.. مجدا للثالوث القدوس نبيل شحاتة |
رد: اكبر مجموعة ايات من الكتاب المقدس مع التأملات
نغمات علي اوتار سفر اشعياء.. 24 هل تفتخر الفاس علي القاطع بها؟! 12 فَيَكُونُ مَتَى أَكْمَلَ السَّيِّدُ كُلَّ عَمَلِهِ بِجَبَلِ صِهْيَوْنَ وَبِأُورُشَلِيمَ، أَنِّي أُعَاقِبُ ثَمَرَ عَظَمَةِ قَلْبِ مَلِكِ أَشُّورَ وَفَخْرَ رِفْعَةِ عَيْنَيْهِ. 13 لأَنَّهُ قَالَ: «بِقُدْرَةِ يَدِي صَنَعْتُ، وَبِحِكْمَتِي. لأَنِّي فَهِيمٌ. وَنَقَلْتُ تُخُومَ شُعُوبٍ، وَنَهَبْتُ ذَخَائِرَهُمْ، وَحَطَطْتُ الْمُلُوكَ كَبَطَل. 14 فَأَصَابَتْ يَدِي ثَرْوَةَ الشُّعُوبِ كَعُشٍّ، وَكَمَا يُجْمَعُ بَيْضٌ مَهْجُورٌ، جَمَعْتُ أَنَا كُلَّ الأَرْضِ، وَلَمْ يَكُنْ مُرَفْرِفُ جَنَاحٍ وَلاَ فَاتِحُ فَمٍ وَلاَ مُصَفْصِفٌ». تأله ملك أشور في عيني نفسه و تعالت نفسه جدا... ساعات بنتعظم في جبروتنا و كلمة انت مش عارف بتكلم مين و لا انت مش عارف انا اقدر اعمل فيك ايه ...!!! والمعني هنا عن ملك اشور أنه غزا الممالك وجمعها بالساهل من غير مقاومة من قوته و قوة جيشه زي واحد بيجمع بيض مهجور من غير صاحب. ونقلت تخوم شعوب.. دي كانت سياسة أشور في أنه ينقل شعوبا بأكملها إلى أراضٍ تانية علشان تموت المشاعر الوطنية فما يتمردوش عليه للإستقلال عنه...ممكن ناخدها لمعنى روحي و اللي بيعمله معانا الشيطان .. يبعدك عن كنيستك و يبعدك عن خدمتك و يبعدك عن اصحابك اللي بيشجعوك.. و ممكن تتاخد برضه عن وضع العالم قبل الفداء اللي كان بيقبض الشيطان فيها على كل نفس عند موته.. كَمَا يُجْمَعُ بَيْضٌ مَهْجُورٌ ويروح بيها للجحيم. فبسبب الخطية اللي أغوى بها الشيطان أبوينا الأولين إنتقل تخم الإنسان (النصيب المحدد له) من الفردوس إلى الجحيم..و بسبب الخطية ممكن نضيع ابديتنا اللي هو الملك المعد لنا و ميراث ابونا السماوي و ينقله بعد الشر عننا كلنا للجحيم . ولم يكن مرفرف جناح ..معناها من دون أدني مقاومة...مش ساعات تقول لواحد مستقوي " ايه ياعم مالك فارد جنحاتك علينا " ساعات نقع في الخطية باستسلام من غير اي مقاومة ده ساعات نحط القيود في ايدينا بايدينا و الشيطان مالهوش دخل بيتفرج من بعيد... يقولوا لقيوا في الكتابات الأشورية أن ملك أشور من كتر كبرياؤه كان مسمي نفسه ملك الملوك ورب الأرباب. مصفصف..معناها أي يهمس بشفتيه أو يصفر والمعني الكل ساكت...ما حدش بينطق ولا يقاوم و لا يشاور علي الظلم 15 هَلْ تَفْتَخِرُ الْفَأْسُ عَلَى الْقَاطِعِ بِهَا، أَوْ يَتَكَبَّرُ الْمِنْشَارُ عَلَى مُرَدِّدِهِ؟ كَأَنَّ الْقَضِيبَ يُحَرِّكُ رَافِعَهُ! كَأَنَّ الْعَصَا تَرْفَعُ مَنْ لَيْسَ هُوَ عُودًا! ربنا بيوضح هنا ان ما فيش حاجة برة سلطانه و بسماح منه.. أشور هنا مجرد فأس في يده الله ... ساعات ربنا يستخدم الشيطان كأداة تأديب زي قصة ايوب و يسيبني لرغبتي و خطيتي انذل و انكسر لحد ما اجوع و اشتهي التوبة بجد زي الابن الضال .. فبياكد المعني بيكلم ملك اشور و الشيطان بالمعني الروحي.. هل تفتخر على الله.. انت فاكر نفسك مطلق كده وأنت في يد ضابط الكل؟! ،...هو انت اللي بتحرك الكون.. مين اللي بيحرك الفاس دراعه الخشب و لا الايد اللي ماسكاه..المنشار بينشر من حتة الخشبة اللي ماسكاه و لا الايد اللي ماسكة الخشبة و سنونه ... حاجة تطمن لما تعرف ان كل حاجة في ايد ربنا و تحت السيطرة.. علشان كده نصلي ايها السيد الرب الاله ضابط الكل.. 16 لِذلِكَ يُرْسِلُ السَّيِّدُ، سَيِّدُ الْجُنُودِ، عَلَى سِمَانِهِ هُزَالاً، وَيُوقِدُ تَحْتَ مَجْدِهِ وَقِيدًا كَوَقِيدِ النَّارِ. 17 وَيَصِيرُ نُورُ إِسْرَائِيلَ نَارًا وَقُدُّوسُهُ لَهِيبًا، فَيُحْرِقُ وَيَأْكُلُ حَسَكَهُ وَشَوْكَهُ فِي يَوْمٍ وَاحِدٍ، 18 وَيُفْنِي مَجْدَ وَعْرِهِ وَبُسْتَانِهِ، النَّفْسَ وَالْجَسَدَ جَمِيعًا. فَيَكُونُ كَذَوَبَانِ الْمَرِيضِ. 19 وَبَقِيَّةُ أَشْجَارِ وَعْرِهِ تَكُونُ قَلِيلَةً حَتَّى يَكْتُبَهَا صَبِيٌّ. حلوة دي يرسل السيد.. سيد الجنود .. خدها علي ان ربنا بيطمنك في مواجهتك لعدو الخير الشيطان و اللي مستقوي بيه عليك و كل اللي في قلبه شر ناحيتك و ناحية كنيستك سمانه ... يقصد رجال حربه الأشداءوجنوده و اعوانه يصيرون هزالًا..يعني ضعاف.. حصل ده بعد الصليب لما فقد الشيطان قوته وصار لولاد ربنا سلطانا أن يدوسونه، بشرط ما يقبلوش من ايده الخطايا و المغريات اللي بيقدمها لهم. يُوقِدُ تَحْتَ مَجْدِهِ ... يعني يحرق الله جيشه. وَيَصِيرُ نُورُ إِسْرَائِيلَ نَارًا ... الله يؤدب شعبه ولكنه لا يتركه، هو نور لإسرائيل، قدوس يقدس شعبه لكنه نار علي أعدائها علشان كده نقول علي الجسد و الدم في سر التناول نور و نار.. يفني مجد وَعْرِهِ والبُسْتَانِ ...كناية عن عساكر أشور نظراً لكثرتهم، وملك أشور يعتبر جيشه القوى هو مجده ويفتخر به..كل ده حيفني... النَّفْسَ وَالْجَسَدَ .. ابن ربنا ممكن يهلك جسده ولكن نفسه لا تهلك... وَبَقِيَّةُ أَشْجَارِ وَعْرِهِ ..أي أن جيشه اللي كان بلا عدد، و عامل زيً أشجار الوعر يفني و يبقي قليلاً لدرجة يقدر صبي أن يَعُدَّه.... حَتَّى يَكْتُبَهَا صَبِيٌّ. صدق وعوده.. مهما انضرب عليك بفاس تقيل ما تخافش كله في ايد ربنا... اصرخ لالهك القوي فيسحق اعداء روحك تخت اقدامك و الخطية اللي ما كنتش تتخيل تقدر تسيبها حتسيبها و كل بشر مستقوي و بيحارب كنيستك و بيقتل في ولادها الله حيخليهم ضعاف قدامك و قدامها.. الهنا قوي جدا فلا تتكلوا الا عليه و لا تخافوا احد مهما كانت قوته او بطشه مجدا للثالوث القدوس نبيل شحاتة |
رد: اكبر مجموعة ايات من الكتاب المقدس مع التأملات
نغمات علي اوتار سفر اشعياء.. 24 هل تفتخر الفاس علي القاطع بها؟! 12 فَيَكُونُ مَتَى أَكْمَلَ السَّيِّدُ كُلَّ عَمَلِهِ بِجَبَلِ صِهْيَوْنَ وَبِأُورُشَلِيمَ، أَنِّي أُعَاقِبُ ثَمَرَ عَظَمَةِ قَلْبِ مَلِكِ أَشُّورَ وَفَخْرَ رِفْعَةِ عَيْنَيْهِ. 13 لأَنَّهُ قَالَ: «بِقُدْرَةِ يَدِي صَنَعْتُ، وَبِحِكْمَتِي. لأَنِّي فَهِيمٌ. وَنَقَلْتُ تُخُومَ شُعُوبٍ، وَنَهَبْتُ ذَخَائِرَهُمْ، وَحَطَطْتُ الْمُلُوكَ كَبَطَل. 14 فَأَصَابَتْ يَدِي ثَرْوَةَ الشُّعُوبِ كَعُشٍّ، وَكَمَا يُجْمَعُ بَيْضٌ مَهْجُورٌ، جَمَعْتُ أَنَا كُلَّ الأَرْضِ، وَلَمْ يَكُنْ مُرَفْرِفُ جَنَاحٍ وَلاَ فَاتِحُ فَمٍ وَلاَ مُصَفْصِفٌ». تأله ملك أشور في عيني نفسه و تعالت نفسه جدا... ساعات بنتعظم في جبروتنا و كلمة انت مش عارف بتكلم مين و لا انت مش عارف انا اقدر اعمل فيك ايه ...!!! والمعني هنا عن ملك اشور أنه غزا الممالك وجمعها بالساهل من غير مقاومة من قوته و قوة جيشه زي واحد بيجمع بيض مهجور من غير صاحب. ونقلت تخوم شعوب.. دي كانت سياسة أشور في أنه ينقل شعوبا بأكملها إلى أراضٍ تانية علشان تموت المشاعر الوطنية فما يتمردوش عليه للإستقلال عنه...ممكن ناخدها لمعنى روحي و اللي بيعمله معانا الشيطان .. يبعدك عن كنيستك و يبعدك عن خدمتك و يبعدك عن اصحابك اللي بيشجعوك.. و ممكن تتاخد برضه عن وضع العالم قبل الفداء اللي كان بيقبض الشيطان فيها على كل نفس عند موته.. كَمَا يُجْمَعُ بَيْضٌ مَهْجُورٌ ويروح بيها للجحيم. فبسبب الخطية اللي أغوى بها الشيطان أبوينا الأولين إنتقل تخم الإنسان (النصيب المحدد له) من الفردوس إلى الجحيم..و بسبب الخطية ممكن نضيع ابديتنا اللي هو الملك المعد لنا و ميراث ابونا السماوي و ينقله بعد الشر عننا كلنا للجحيم . ولم يكن مرفرف جناح ..معناها من دون أدني مقاومة...مش ساعات تقول لواحد مستقوي " ايه ياعم مالك فارد جنحاتك علينا " ساعات نقع في الخطية باستسلام من غير اي مقاومة ده ساعات نحط القيود في ايدينا بايدينا و الشيطان مالهوش دخل بيتفرج من بعيد... يقولوا لقيوا في الكتابات الأشورية أن ملك أشور من كتر كبرياؤه كان مسمي نفسه ملك الملوك ورب الأرباب. مصفصف..معناها أي يهمس بشفتيه أو يصفر والمعني الكل ساكت...ما حدش بينطق ولا يقاوم و لا يشاور علي الظلم 15 هَلْ تَفْتَخِرُ الْفَأْسُ عَلَى الْقَاطِعِ بِهَا، أَوْ يَتَكَبَّرُ الْمِنْشَارُ عَلَى مُرَدِّدِهِ؟ كَأَنَّ الْقَضِيبَ يُحَرِّكُ رَافِعَهُ! كَأَنَّ الْعَصَا تَرْفَعُ مَنْ لَيْسَ هُوَ عُودًا! ربنا بيوضح هنا ان ما فيش حاجة برة سلطانه و بسماح منه.. أشور هنا مجرد فأس في يده الله ... ساعات ربنا يستخدم الشيطان كأداة تأديب زي قصة ايوب و يسيبني لرغبتي و خطيتي انذل و انكسر لحد ما اجوع و اشتهي التوبة بجد زي الابن الضال .. فبياكد المعني بيكلم ملك اشور و الشيطان بالمعني الروحي.. هل تفتخر على الله.. انت فاكر نفسك مطلق كده وأنت في يد ضابط الكل؟! ،...هو انت اللي بتحرك الكون.. مين اللي بيحرك الفاس دراعه الخشب و لا الايد اللي ماسكاه..المنشار بينشر من حتة الخشبة اللي ماسكاه و لا الايد اللي ماسكة الخشبة و سنونه ... حاجة تطمن لما تعرف ان كل حاجة في ايد ربنا و تحت السيطرة.. علشان كده نصلي ايها السيد الرب الاله ضابط الكل.. 16 لِذلِكَ يُرْسِلُ السَّيِّدُ، سَيِّدُ الْجُنُودِ، عَلَى سِمَانِهِ هُزَالاً، وَيُوقِدُ تَحْتَ مَجْدِهِ وَقِيدًا كَوَقِيدِ النَّارِ. 17 وَيَصِيرُ نُورُ إِسْرَائِيلَ نَارًا وَقُدُّوسُهُ لَهِيبًا، فَيُحْرِقُ وَيَأْكُلُ حَسَكَهُ وَشَوْكَهُ فِي يَوْمٍ وَاحِدٍ، 18 وَيُفْنِي مَجْدَ وَعْرِهِ وَبُسْتَانِهِ، النَّفْسَ وَالْجَسَدَ جَمِيعًا. فَيَكُونُ كَذَوَبَانِ الْمَرِيضِ. 19 وَبَقِيَّةُ أَشْجَارِ وَعْرِهِ تَكُونُ قَلِيلَةً حَتَّى يَكْتُبَهَا صَبِيٌّ. حلوة دي يرسل السيد.. سيد الجنود .. خدها علي ان ربنا بيطمنك في مواجهتك لعدو الخير الشيطان و اللي مستقوي بيه عليك و كل اللي في قلبه شر ناحيتك و ناحية كنيستك سمانه ... يقصد رجال حربه الأشداءوجنوده و اعوانه يصيرون هزالًا..يعني ضعاف.. حصل ده بعد الصليب لما فقد الشيطان قوته وصار لولاد ربنا سلطانا أن يدوسونه، بشرط ما يقبلوش من ايده الخطايا و المغريات اللي بيقدمها لهم. يُوقِدُ تَحْتَ مَجْدِهِ ... يعني يحرق الله جيشه. وَيَصِيرُ نُورُ إِسْرَائِيلَ نَارًا ... الله يؤدب شعبه ولكنه لا يتركه، هو نور لإسرائيل، قدوس يقدس شعبه لكنه نار علي أعدائها علشان كده نقول علي الجسد و الدم في سر التناول نور و نار.. يفني مجد وَعْرِهِ والبُسْتَانِ ...كناية عن عساكر أشور نظراً لكثرتهم، وملك أشور يعتبر جيشه القوى هو مجده ويفتخر به..كل ده حيفني... النَّفْسَ وَالْجَسَدَ .. ابن ربنا ممكن يهلك جسده ولكن نفسه لا تهلك... وَبَقِيَّةُ أَشْجَارِ وَعْرِهِ ..أي أن جيشه اللي كان بلا عدد، و عامل زيً أشجار الوعر يفني و يبقي قليلاً لدرجة يقدر صبي أن يَعُدَّه.... حَتَّى يَكْتُبَهَا صَبِيٌّ. صدق وعوده.. مهما انضرب عليك بفاس تقيل ما تخافش كله في ايد ربنا... اصرخ لالهك القوي فيسحق اعداء روحك تخت اقدامك و الخطية اللي ما كنتش تتخيل تقدر تسيبها حتسيبها و كل بشر مستقوي و بيحارب كنيستك و بيقتل في ولادها الله حيخليهم ضعاف قدامك و قدامها.. الهنا قوي جدا فلا تتكلوا الا عليه و لا تخافوا احد مهما كانت قوته او بطشه مجدا للثالوث القدوس نبيل شحاتة |
رد: اكبر مجموعة ايات من الكتاب المقدس مع التأملات
ليه يتعشي ما يتغداش؟! فيه ايه بتقول في سفر الرؤيا هنَذَا وَاقِفٌ عَلَى الْبَابِ وَأَقْرَعُ. إِنْ سَمِعَ أَحَدٌ صَوْتِي وَفَتَحَ الْبَابَ، أَدْخُلُ إِلَيْهِ وَأَتَعَشَّى مَعَهُ وَهُوَ مَعِي. سالت نفسي سؤال.. ليه يدخل يتعشي و ليه ما يتغداش..؟! ليه ربط دخوله بالعشاء.. و في قصة خروف الفصح برضه تلاقي الاكل بالليل.. العشا مربوط بالليل.. الله حينما يقرع علي ابوابنا يقرع و نحن غارقين في الظلمة فياتي النور الحقيقي ليقرع و يعرض حياة افضل... تؤمن به و تدخله النور يبقي في داخلك و يتعشي معك.. تقدم انت له ما في بيتك مهما كان حقيرا ياخذه و يضعه في يده و يكسر و يقدمه لك بالبركة..و يزيد و يقدم ذاته لك و جسده و دمه في سر الافخارستيا كما حدث في العشاء الاخير اكل اكلهم بس بعدها كسر و قدم لهم و لنا جسد حقيقي و دم حقيقي في سر لا يفهمه الامن امن به و قبله مخلصا و اعطي من الروح القدس.. لانه بدون هذا الايمان و الامتلاء من الروح القدس لن يستطيع احد ان يدرك حقيقة هذا الجسد الحقيقي و الدم الحقيقي ليسوع المسيح الذي نتناوله في القداس.. ساعات بعذر الناس اللي مش فاهمة ايه اللي بيحصل و كل اللي يخش يشوفنا بناكل قربانة و نشرب عصير الكرم... لكن من يدرك معني العشاء... علشان كده تلاقي ان خروف الفصح اللي بيشاور علي الخلاص و كمان علي سر التناول لانه الزمهم ان ياكلوه و لا يبقوا منه للصباح القصة دي او الضربة دي جت بعد ما كمل شر فرعون و ضربه الرب الضربة قبل الاخيرة و هي ضربة الظلام... لان المصريين كانوا يعبدوا الاله رع اله الشمس فضرب الله فرعون بضربة الظلام لانه شمس البر الحقيقي و النور الحقيقي الذي جاء للعالم مخلصا... خد بالك كمان لما يقولك الظلمة لم تدركه... ممكن تتفهم بمعنين مع بعض.... لم تدركه يعني هو بلا خطية كامل النور و ظلمة العالم لم تمسه او تدركه تلحق بيه يعني و كمان الظلمة او كل من في العالم لم يدركه يعني ما فهمش ان ده النور و المخلص الحقيقي.. يقف النور الحقيقي يقرع.. تفتح.. هي دي القصة.. نستجيب بس... كل اللي مطلوب مننا نفتح.. لا قالك البس الاول شبشب و اغسل نفسك حتفتح كده؟! و لا البس هدوم نضيفة ما يصحش!!!! افتح و دخله الاول زي ما انت.. افتح له بعبلي بشكلي بشعري المنكوش و نفسي المشوهة و دموعي او حتي وسخي.. و كل ده ييجي بعد ما يخش ماهو قاعد للعشاء.. كتير ناس تفتح الباب تلاقي ضيف تدخله الصالون و تقول له ثواني تخش تغير هدومها بما يليق بهذا الضيف.. بس بتدخله الاول.. خصوصا هو اللي قرع يعني هو صاحب المبادرة.. هو اللي عاوز ييجي.. دخوله الاول هو اللي حيخلينا نغير هدومنا و تتبدل حياتنا.. هو النور و هو المن الحقيقي.. ساعات بنفهم اية المن ان اباؤكم اكلو المن و ماتو انه بيقلل من قيمة المن او انه طعام بائد زي غيره.. لا لانه هو المن السماوي... و في سفر الرؤيا اللي حيغلب حياكل من قسط المن المخفي...طب يبقي منين هو بائد و منين حياكل منه المنتصرون.؟!!!لا هو يقصد انه كتير ممكن ياكلوه بس برضه يموتوا.. كتير ممكن ياخدوا الجسد و الدم لكن بدون علاقة حقيقية بربنا... عادة.. بركة..باستهتار بدون محاولات جادة للتوبة... بياكلوه اه لكن ما دخلهوش و فتحوا الباب .. دول حيموتوا..زي ماعمل شعب اسرائيل و اللي قال عنهم السيد اكلوا المن و ماتوا.. اللي ما فتحوا لربنا الباب حتي لما اتجسد رفضوه.. ابائهم اللي زودوا الطين بلة و رجعوا يتذمروا حتي علي المن و السلوي لكن اللي يفتح و يدخله و ياكل من ايده يحيا للابد.. المسيح يقرع للي زي حالاتي في ظلمة... تفتح يدخل و ينير و يتعشي... الله قادر ان يحرك قلوبنا فتمتد ايادينا لاكرة الباب لتفتحه و خد بالك فتحة الباب للداخل.. خد بالك يحس نكون بنفتح لبرة و للتظاهر ..الباب مش حيفتح و كاننا بنمنعه بجسمنا و ذاتنا.. و اتخيل لو المسيح بيقرع و انت بتفتح لبرة.. حتزق المسيح.. اللي بيزق لبرة و عاوز ذاته و مجده بيزيح المسيح من سكته من اجل ان يظهر هو لكن اللي بيفتح لجوه مجرد مالمسيح يخطي باقدامه سيجد عمل النعمة و الاستمتاع الحقيقي...و العشاء!!! لالهنا المجد الي الابد نبيل شحاتة |
رد: اكبر مجموعة ايات من الكتاب المقدس مع التأملات
"أذن الرب أن تعرض له هذه التجربة لتكون لمن بعده قدوة صبره ، كأيوب الصديق" (سفر طوبيا 2: 12) .. اصبر .. ربنا سامح بالضيقه لسبب لسه مش هاتفهمه دلوقتي هو عارف هو بيعمل ايه كويس ، خليك واثق فيه وصدقني مش هتندم |
رد: اكبر مجموعة ايات من الكتاب المقدس مع التأملات
أَحَاطَ بِهِ وَلاَحَظَهُ وَصَانَهُ كَحَدَقَةِ عَيْنِهِ.
(تث 32: 10) .. تخيل كده ان ربنا محاوطك و واخد بالو منك كويس اوى و محافظ عليك ذى عنيه بظبط. فا ليه تخاف ؟ ليه تقلق ؟ وهو حاضنك .. مفيش حاجه ممكن تأذيك ، ربنا واخد بالو منك عشان انت مهم اوى عنده عشان انت ابنه ربنا بيحبك اوى و هيحافظ عليك اوى . اطلب منه انه يحيط بك و يبعدك عن الخطيه و يلاحظك لو غلط في حاجه ينبهك و يصونك من الشر اطلب .. وخليك واثق انه سامع https://www.facebook.com/images/emoj.../1/16/2764.png |
رد: اكبر مجموعة ايات من الكتاب المقدس مع التأملات
فَأَكَلَ الْجَمِيعُ وَشَبِعُوا ( مر 6 : 42 ) .. كلنا جاعنين يارب ، جاعنين حب ، جانين امان ، جاعنين راحة بال ، جاعنين فرحة وانت الوحيد القادر انك تشبعنا كلنا ، وتدينا كل اللي بنتمناه واكتر احنا واثقين فيك عشان انت عمرك ما سبتنا قبل كدة ، ولا عمرك هتسيبنا احنا النهاردة بنعترف بالجوع ، وبنعترف بإننا دورنا كتير بعيد عنك وعرفنا الشبع بعيد عنك وهم ، وان حضنك هو البيت الوحيد اللي هنرتاح فيه |
رد: اكبر مجموعة ايات من الكتاب المقدس مع التأملات
محتملين بعضكم بعضا في المحبة (افسس2:4) .. كلنا بنغلط ، كلنا بنضعف وبنقول كلام صعب لبعض اخوك او اختك اللي قالك كلمه صعبه مش وحش هو بس ضعف ، استحمله زي ما في ناس كتير بتستحملك استحمله زي ما ربنا بيستحملك اللي بيحب بجد بيسامح .. سامح وصفي قلبك من كل الحاجات اللي بتعكره صدقني هترتاح |
رد: اكبر مجموعة ايات من الكتاب المقدس مع التأملات
في كل تعب منفعة #*#*#*#*#*#*#*#*# انها كلمة حكمة قالها الحكيم سليمان في سفر الامثال ( 14 : 23 ) في تعب التوبة منفعة #*#*#*#*#*#*#*#*# اي عندما يبل الخاطي سريرة بدموعة مثل داود وعندما يقرع علي صدرة مع العشار نادما قائلا : " اللهم ارحمني انا الخاطي " ( لو 18 : 13 ) وعندما يقوم ويترك الكورة البعيدة ويتعب عائدا لابية قائلا : " يا ابي اخطات الي السماء .. ولست مستحقا بعد ان ادعي لك ابنا " ( لو 15 : 21 ) حينئذ تعب التوبة لا يذهب باطلا بل في كل تعب منفعة فهو يجد قبولا ونعمة فوق نعمة في تعب الصلاة متفعة #*#*#*#*#*#*#*#*# وضع ايليا راسة بين ركبتية وصلي صلاتة السرية الدامعة المتذللة فاستجاب الرب بمطر من السماء انهي مجاعة ثلاثة سنين ونصف في تعب المحبة منفعة #*#*#*#*#*#*#*#*# فتعب المحبة لا يذهب باطلا احبت راعوث الارملة حماتها نعمي الارملة الفقيرة ورجعت معها كافاها الرب بان من نسلها تجسد المسيح في تعب الخدمة منفعة #*#*#*#*#*#*#*#*# تعب الرسول بولس في التبشير في رومية وكان يقبل جميع الذين يدخلون الية معلما بامر الرب يسوع المسيح بكل مجاهرة ( اع 28 : 30 ) تعب وقال عن نفسة : " في الاتعاب اكثر في الضربات اوفر .. ثلاث مرات ضربت بالعصي . مرة رجمت .. في تعب وكد .. في اصوام .. في برد وعري .. " اما المنفعة في ذلك فعبر عنها بقولة : " افتخر بالحري في ضعفاتي لكي تحل علي قوة المسيح " ( 1كو 12 : 9 ) في تجارب الحياة منفعة #*#*#*#*#*#*#*#*# فالتجارب تنقي المؤمن وتكشف لة قوة الرب ومحبتة |
رد: اكبر مجموعة ايات من الكتاب المقدس مع التأملات
"باطل الاباطيل الكل باطل . مالفائده للانسان من كل تعبه الذي يتعبه تحت الشمسي" (جا : 1 : 2 ) .. يابني الغالي .. اناا انهارده بقوولك ان ياحبيبي لازم تحوش عندي في السماا مش في الارض لان كل ده هيجي عليه وقت ويروح منك انت عارف اني بحبك وخايف عليك ، عايز يكونلك نصيب معايا |
رد: اكبر مجموعة ايات من الكتاب المقدس مع التأملات
لما يخبط على قلبك الخوف .. افتحله باب الإيمان
|
رد: اكبر مجموعة ايات من الكتاب المقدس مع التأملات
ولا يمكن هتتركني .. دا وعدك بيطمني https://www.facebook.com/images/emoj...5/24/1f642.png |
رد: اكبر مجموعة ايات من الكتاب المقدس مع التأملات
كلمه منك ترسم فـ قلبى كل حاجة جديدة ومفرحه يارب https://www.facebook.com/images/emoj...5/24/1f642.png https://www.facebook.com/images/emoj....5/24/2764.png https://www.facebook.com/images/emoj...5/24/1f642.png |
رد: اكبر مجموعة ايات من الكتاب المقدس مع التأملات
احْتَرِزْ مِنْ أَنْ تُكَلِّمَ يَعْقُوبَ بِخَيْرٍ أَوْ شَرّ (تك 31: 24) .. ممكن تشيل اسم يعقوب و تحط اسمك فتلاقى ربنا بيقول اوعى تكلم ابنى بخير او شر ، صدّر ربنا ف وش اى حاجه ممكن تأذيك و سيبه هو يتصرف هتلاقيه قام بالواجب و زياده و هيحذر إلى يفكر يأذيك ، ماتخافش ربنا هيقدر يحميك بطريقته . هو بيحبك اوى و انت غالى عنده اوى ، قوى علاقتك بيه ، أعرفه و اتكل عليه و ماتقلقش من حاجه بعد كده |
رد: اكبر مجموعة ايات من الكتاب المقدس مع التأملات
"لا تقل لماذا كانت الايام الاولي خيرا من هذه .لانه ليس عن حكمه تسأل عن هذا" ( جا : 7 : 10 ) .. ابني الغالي .. انت عارف اناا بحبك قد ايه النهارده اناا بقولك سيب بكره عليا وزي ما دبرتلك امبارح هدبرلك بكره ماتقلقش انا معاك ومش هاسيبك وهتلاقي كل الي انت عاوزه عندك ، انا لسه بحبك يابني |
رد: اكبر مجموعة ايات من الكتاب المقدس مع التأملات
"ارمي خبزك علي وجه المياه فانك تجده بعد ايام كثيره " ( جا : 11 : 1 ) .. ابني الغالي .. الخير الي انت بتعمله عشاني مش هيضيع اجره هاتلاقيه حتي لو بعد ايام كتيره واي حاجه انت بتعملها حتي لو بسيطه انا مش بنساها وبفضل فاكرها عشان هعوضك عنهاا كتير في الايام الي جايه انا بحبك https://www.facebook.com/images/emoj....5/16/2764.png |
رد: اكبر مجموعة ايات من الكتاب المقدس مع التأملات
"فيرجع التراب الي الارض كما كان وترجع الروح الي الله الذي اعطاها" ( جا : 12 : 7 ) .. ابني الغالي .. اناا عاوزك ترجعلي قبل ما يفوت الاوان عاوز يبقالك مكان في السما ارجع يابني الغالي عن الخطيه وافتح قلبك وصدقني هاترتاح وحشتني |
رد: اكبر مجموعة ايات من الكتاب المقدس مع التأملات
"تحت ظله اشتهيت ان اجلس وثمرته حلوه لحلقي" (نش : 2 : 3 ) .. تعالي في حضني واتحامي فيا وتحت ظلي اقعد وصدقني ياحبيبي مش هشيلك اي هم .. هشيل عنك همومك مشاكلك بس تعالي انت انا جنبك بس انت اديني الفرصه ادخل قلبك اديني الفرصه اشيل عنك |
رد: اكبر مجموعة ايات من الكتاب المقدس مع التأملات
"اسمعي ايتها السموات واصغي ايتها الارض لان الرب يتكلم" ( إش : 1 : 2) .. حبيبي الغالي .. انهارده انا هاخدك معايا رحله في الدنيا هاوريك قد ايه هي صغيره بنسبه للملكوت هاتحس بتغيير فظيع بس غمض عينك افتح قلبك انا لازم اكون جواك الاول اغير كل الوحش للاحلي يالا ابتدي واحده واحده وانا معاك ومش هاسيبك |
رد: اكبر مجموعة ايات من الكتاب المقدس مع التأملات
"مع كل هذا لم يؤثر غضبه بل يده ممدوده بعد " ( إش : 9 : 21 ) .. هافضل اقولك لحد اخر نفس فيك انك ياحبيبي مهما تعمل هاتفضل غالي ، انت ابني حبيبي مهما عملت انا لسه بحبك ومافيش حاجه هاتغيرني ، انا لسه ايدي ممدوده ليك مش هابعدها عنك ابدا لسه بدبرلك حياتك ماتقلقش |
رد: اكبر مجموعة ايات من الكتاب المقدس مع التأملات
يوميا ببعتلك مليون رسالة يوميا بحاول بكل الطرق اني اخليك تفوق من الغيبوبه اللي انت عايش فيها ، تخرج من الدوامه اللي هاتموتك ! ، كل اللي عايزة انك تعيش .. وانت كل ردودك عليا بتقولي مش عايز ، بلاش دلوقتي ، وقت تاني هو انت بجد مش عايز ! انا صدقني حاسس بيك ومقدر ظروفك ومشاغلك وتعبك حاسس وفاهم كويس جدا كل الحاجات اللي وجعاك بس .. ماينفعش تفضل كدة انا صدقني خايف عليك جدا ياريتك تكون دلوقتي احسن ياريتك ترجع عشان ترتاح ياريت تعيش قبل ما تموت ياريت يا ابني ، ياريت .. |
رد: اكبر مجموعة ايات من الكتاب المقدس مع التأملات
"ويكون في يوم يريحك الرب من تعبك " ( إش : 14 : 3 ) .. هاريحك من تعبك ، هاشيل عنك همومك ومشاكلك الكتير اللي دايما بتفكر فيها ، هامسحلك دموعك الي بتنزل وماحدش بيشوفها او بيحس بيها غيري ، هانت ياحبيبي فاضل شويه وهاترتاح من كل ده صدقني هافضل جنبك مش هاسيبك وهاتفرح من كل قلبك بس انت ارمي حملك عليا |
رد: اكبر مجموعة ايات من الكتاب المقدس مع التأملات
" فقام وانتهر الريح : وقال للبحر : اسكت ابكم ،
فسكنت الريح . وصار هدوء عظيم " ( مر 4 : 39 ) https://www.facebook.com/images/emoj...5/16/1f60a.png هايديك هدوء وسلام عظيم وهاينتهر كل الرياح والعواصف اللي جاية على حياتك .. البحر هيهدا بكلمة منه .. اطلبه وماتخافش https://www.facebook.com/images/emoj...5/16/1f60a.png |
رد: اكبر مجموعة ايات من الكتاب المقدس مع التأملات
هل ينفع اكون صديق الله؟ ابراهيم زمان قال الله عنه انه هو خليله يعني (صديقه) .. ايوة اعتبره الله صديقه الخاص وكان الله بيحكيله عن اسراره زي ما انت بتحكي لصاحبك او صاحبتك. انت كمان الله عايز يكون صديقك، هو قال في تثنية 15:10 "اقتربوا الى الله فيقترب اليكم". كل ما نقرب من الله هيقربلنا ونتمتع بعلاقة صداقة معاه |
رد: اكبر مجموعة ايات من الكتاب المقدس مع التأملات
ورجع يسوع إلى المَجمع (دار العبادة)، فوجد فيه رجلًا يده يابسة. وكان هناك جماعة يراقبونه ليروا هل يشفيه في السبت (يوم الراحة)، فيتهموه. فقال للرجل الذي يده يابسة: «قم في وسط المَجمع!» وقال للحاضرين: «أيحل في السبت عمل الخير أم عمل الشر؟ إنقاذ نفس أم إهلاكها؟» فسكتوا. فأجال يسوع نظره فيهم وهو غاضب حزين لقساوة قلوبهم، وقال للرجل: «مُد يدك!» فمدها فعادت صحيحة كالأخرى. الغضب قوة عظيمة تستطيع تحريك الانسان بشدة ودفعه لأعمال قوية. والسيد المسيح قال "سمعتم أنه قيل لآبائكم: لا تقتل، فمن يقتل يستوجب حكم القاضي. أما أنا فأقول لكم: من غضب على أخيه استوجب حكم القاضي." في هذه المقولة ساوى السيد المسيد من يقتل بمن يغضب، من جهة ما يستوجب الفعل (حكم القاضي)؛ لأن القتل اساسه الغضب فالذي يبدأ بالغضب، ينتهي بالقتل، وبذلك أعاد السيد المسيح الخطايا إلى جذورها في داخل الإنسان. إلا اننا نرى في اكثر من مقطع من الإنجيل مثل المقطع المذكور هنا، ان السيد المسيح نفسه غضب؛ فماذا حدث؟ هل كسر السيد المسيح وصاياه؟... حاشا، بالتأكيد كلا. احبتنا السيد المسيح لم يؤذي انسان واحدًا، بل هو "المُخَلّص" فكيف للمُخَلّص ان يلعب دور المُهلِك؟ كل ما فعله السيد المسيح للإنسان، كان لفائدة الإنسان، بغض النظر عن انتمائه. لذلك نحتاج ان نفهم ما هو "الغضب المُقدّس". كما قلنا ان الغضب هو مشاعر قوية وهذه المشاعر يتم التعبير عنها بشدة. فما الفرق بين غضب القتل والغضب المقدس؟... الفرق بسيط لكن شديد الأهمية، وهو "مركز الغضب". الغضب العادي الذي يقود إلى القتل هو غضب على الشخص نفسه، اما الغضب المقدس هو غضب على حالة خطيئة يعيشها الشخص (فهو غضب على الخطيئة وليس على الشخص) وهذا هو الغضب الذي كان يغضبه المسيح، حيث يقول الانجيل "أجال يسوع نظره فيهم وهو غاضب حزين لقساوة قلوبهم"، فهو غضب على قساوة القلب وليس على الإنسان، وهو غضب ممتزج بالحزن على الأسى الذي تفعله الخطيئة وانعدام الرحمة. والفرق بين نتائج الحالتين عظيم جدًا، فالغضب العادي نهايته القتل - مثلما يَدعي الكثيرون على السياسيين لفسادهم، فنهاية هذا الغضب هو رغبة الشخص بأن يرى السياسي وكل عائلته مرذولًا مسحوقًا معدومًا نتيجة شره؛ اما الغضب المقدس فهو يغضب على الفساد المنتشر في الحكومة، وليس السياسي، ورغبته هي أن يتوب السياسيون الى الله ليستتب العدل والمساواة في المملكة، وليس ليُقتَلوا. وتقول لي: انا لا استطيع ان اتحكم بمشاعري عندما اغضب، فلا استطيع لحضتها ان اقرر على ماذا اغضب، وانا فعلًا اريد دمار هؤلاء السياسيين... اقول لك: بالتأكيد، نعم، فالإناء ينضح بما فيه، والغضب هو عملية نضوح لأوانينا... والشيء الوحيد الذي سيحول غضبك من غضب خطيئة الى غضب مقدس هو تغيير هذا الإناء (تغيير القلب). فعندما يُصبح القلب نظيفًا من خلال ايمانه بالمسيح وخضوعه لتعاليمه، لن تخرج منه افكار شريرة مؤذية للآخر، بل حتى ان الغضب سيتحول من قوة لتدمير الإنسان الى قوة لخلاص الإنسان. فالغضب على الخطيئة يمكن ان يجعلك تُصلّي للسياسي لكي يتوب ويعود عن شره، او يدفعك لتوعية الآخرين على ان الله لا يرضى بالفساد، او (إن كان ذلك ممكنًا) فقد تكون لك الفرصة بالتحدث الى السياسي نفسه لتنبيهه على نتائج شره وكيف انها ستعود عليه وعلى عائلته بالدمار ان لم يُغيّر طريقه، لأن الله لا يرضى بالظلم وهو يسمع صرخة المظلوم. |
رد: اكبر مجموعة ايات من الكتاب المقدس مع التأملات
"ويزداد البائسون فرحآ بالرب" ( إش : 29 : 19 ) .. ابني الغالي .. النهارده بقولك ان كل الحزن والزعل اللي مريت بيه في حياتك هعوضك عنه باضعاف اضعافه فرح وحب وسعاده ابني الغالي .. انا بحبك |
رد: اكبر مجموعة ايات من الكتاب المقدس مع التأملات
"لان الرب عادل ويحب العدل" ( مز : 11 : 1 ) .. ليه سمحت بكده ؟ وانا عملت ايه في حياتي عاشان يحصل معايا كده ؟ ، كتير اوي بنسال الاسئله دي لربنا والاجابه النهاردة في الايه دي ربنا عادل جدا ، وعمره ما هايظلمك ، اصبر هاتفهم .. |
رد: اكبر مجموعة ايات من الكتاب المقدس مع التأملات
"ايضآ يسكن مطمئنآ لانك لن تترك نفسي في الهايه " ( مز : 16 : 9 ) .. عاوزك تطمن ، ماتقلقش انا مش ناسيك ومش هاسيبك صدقني ، انا دايما معاك وجنبك .. عاوزك تعرف اني بفضل سهران جنبك وانت نايم بطبطب عليك مش بسيبك |
رد: اكبر مجموعة ايات من الكتاب المقدس مع التأملات
" الي متي يارب تنساني كل النسيان . الي متي تحجب وجهك عني . الي متي اجعل همومآ في نفسي وحزنآ في قلبي" ( مز : 13 : 1 ) .. انا برغم اني مش ناسيك ، واني اقرب من اي حد ليك لكن صدقني واحشني اوي كلامك معايا اتكلم حتي لو هتقولي اني ناسيك قولي حاسس بايه ، نفسك في ايه ، قولي انك تعبت ، او انك مش عارف تتصرف ازاي ، او انك حتي مش لاقي كلام تقوله قولي اللي جواك وتعالي نتكلم هات ايدك ، ارفع عينك فوق ، وارمي كل حاجة عليا اطمن ، ارتاح .. |
رد: اكبر مجموعة ايات من الكتاب المقدس مع التأملات
إن في قلب كل إنسان منّا خبثٌ خفيٌّ يجعلنا نضع مسرّتنا في الاطلاع على نقائص إخوتنا، و بالتالي الإسراع الى الحكم عليهم، متناسين أن لله وحده دينونة القلوب. فعوضاً عن التقصّي الفضوليّ لضمير الآخرين، لنخلُ الى ضميرنا؛ سنجد فيه، و لا شكّ، أسباباً كثيرة للرِّفق بالقريب و البعيد، و الخوف على أنفسنا. كلّ منا يحمل وزر نفسه، و فقط عن نفسه سيؤدي حساباً لله عليه، (راجع روم 12/14). "لا تدينوا لئلا تدانوا"(متى 1/7). |
رد: اكبر مجموعة ايات من الكتاب المقدس مع التأملات
"يابني لا تسلك في الطريق معهم امنع رجلك عن مسالكهم" ( ام : 1 : 15 ) .. ابني حبيبي .. الطريق الي يكون في الضلمه مش في النور ماتكملش فيه ارجعلي واترمي في حضني انا ، ماتقلقش مش هاسيبك لوحدك هافضل معاك |
رد: اكبر مجموعة ايات من الكتاب المقدس مع التأملات
" لا تخاصم انسان بدون سبب ان لم يكن قد صنع معك شرآ " ( ام : 3 : 30 ) . . النهاردة فكر في كل اللي انت مخاصمهم ، خد قرار وسامحهم واتصالح مع نفسك ومعاهم ، العمر اقصر بكتير من اننا نضيعه في الخصام والزعل والخلاف مع الناس ، النهاردة خد القرار .. ماتقولش بكره |
رد: اكبر مجموعة ايات من الكتاب المقدس مع التأملات
" اذهب الي النمله ايها الكسلان تأمل طرقها وكن حكيمآ التي ليس لها قائد او عريف او متسلط وتعد في الصيف طعامها وتجمع في الحصاد اكلها الي متي تنام ايها الكسلان متي تنهض من نومك " ( ام : 6 : 6 ) .. كفايه كسل .. بص علي النمله واتعلم منها ، بتمشي علي طول في طريقها حتي لو في حاجه هتحاول تمنعها بتكمل .. خليك زيها امشي في طريقي حتي لو قابلتك مشاكل اتاكد اني جنبك ، وان كله لخيرك ، وخليك فاكر دايما اني بحبك |
| الساعة الآن 09:52 PM |
Powered by vBulletin® Copyright ©2000 - 2025