|
رد: اكبر مجموعة ايات من الكتاب المقدس مع التأملات
17 وَفِيمَا هُوَ خَارِجٌ إِلَى الطَّرِيقِ، رَكَضَ وَاحِدٌ وَجَثَا لَهُ وَسَأَلَهُ: «أَيُّهَا الْمُعَلِّمُ الصَّالِحُ، مَاذَا أَعْمَلُ لأَرِثَ الْحَيَاةَ الأَبَدِيَّةَ؟» 18 فَقَالَ لَهُ يَسُوعُ: «لِمَاذَا تَدْعُونِي صَالِحًا؟ لَيْسَ أَحَدٌ صَالِحًا إِلاَّ وَاحِدٌ وَهُوَ اللهُ. 19 أَنْتَ تَعْرِفُ الْوَصَايَا: لاَ تَزْنِ. لاَ تَقْتُلْ. لاَ تَسْرِقْ. لاَ تَشْهَدْ بِالزُّورِ. لاَ تَسْلُبْ. أَكْرِمْ أَبَاكَ وَأُمَّكَ». 20 فَأَجَابَ وَقَالَ لَهُ: «يَا مُعَلِّمُ، هذِهِ كُلُّهَا حَفِظْتُهَا مُنْذُ حَدَاثَتِي». 21 فَنَظَرَ إِلَيْهِ يَسُوعُ وَأَحَبَّهُ، وَقَالَ لَهُ: «يُعْوِزُكَ شَيْءٌ وَاحِدٌ: اِذْهَبْ بِعْ كُلَّ مَا لَكَ وَأَعْطِ الْفُقَرَاءَ، فَيَكُونَ لَكَ كَنْزٌ فِي السَّمَاءِ، وَتَعَالَ اتْبَعْنِي حَامِلاً الصَّلِيبَ». 22 فَاغْتَمَّ عَلَى الْقَوْلِ وَمَضَى حَزِينًا، لأَنَّهُ كَانَ ذَا أَمْوَال كَثِيرَةٍ. 23 فَنَظَرَ يَسُوعُ حَوْلَهُ وَقَالَ لِتَلاَمِيذِهِ: «مَا أَعْسَرَ دُخُولَ ذَوِي الأَمْوَالِ إِلَى مَلَكُوتِ اللهِ!» 24 فَتَحَيَّرَ التَّلاَمِيذُ مِنْ كَلاَمِهِ. فَأَجَابَ يَسُوعُ أَيْضًا وَقَالَ لَهُمْ: «يَا بَنِيَّ، مَا أَعْسَرَ دُخُولَ الْمُتَّكِلِينَ عَلَى الأَمْوَالِ إِلَى مَلَكُوتِ اللهِ! 25 مُرُورُ جَمَل مِنْ ثَقْبِ إِبْرَةٍ أَيْسَرُ مِنْ أَنْ يَدْخُلَ غَنِيٌّ إِلَى مَلَكُوتِ اللهِ» الشاب ده رغم غناه لكن يمثل كل نفس مش محورها المسيح ..نجاحات و غني و مال و خدمة و سلطة و وضع مجتمعي بس ما فيش شبع فيه حتة ناقصة ..علشان كده خرج للطريق ..الطريق هو المسيح ..يمكن سمع عنه و عن معجزاته ..حب يروح لحد ذو قدرات خاصة يمكن يشبع روحه ..بس ما كنوش يعرف أن المسيح المخلص ابن الله و علشان كده حب يوجه قلبه أنه إذا قاله ايها المعلم الصالح علي سبيل المجاملة لا هو فعلا الصالح و الراعي الصالح و الله الصالح .. يمكن حس رغم غناه انه محتاج غني روحي أو شبع مختلف ..ساعات تلاقي اثرياء لهم صداقات مع آباء روحيين يمكن علشان يريحوا ضمايرهم أو يمكن علشان بيحسوا بالأمان اللي مش موفراه فلوسهم و قليل اللي بيبقوا عاوزين خلاص بجد و أبدية بجد ..سأله اعمل ايه علشان أورث الأبدية ...رد عليه المسيح برد لم يتوقعه أنه يحفظ الوصية و قصد بيها الناموس و ذكر له الوصايا ...مارضاش يكسر الناموس لأنه جه مكملا..بس خد بالك الآباء يقولولك الوصية مش في ذاتها هي اللي توصل المسيح المختفي في الوصية هو اللي يوصل ..كل وصية ما فيهاش روح يسوع مجرد فروض جامدة لا يستطيع أحد أن يشبع من خلالها ...و ده اللي قاله الشاب أنه حفظها منذ حداثته و كأنه بيقوله بس برضه ما شبعتش قام المسيح بين له روحه اللي في الوصية خصوصا أنه حبه لتمسكه بالوصية و أنه أجاب بما يفعل فعلا لكن كان شايف أن فيه حتة هي مربط الفرس ...قاله بيع كل مالك ووزعه علي الفقراء و تعالي اتبعني ربنا مش عاوز فلوسنا لأنه هو اصلا اللي عطهالنا لكن ربنا شاف فيه محبة المال و أنه بحثه عن الأبدية رغم التزامه بالوصية شيء تكميلي ...زي ما اسر كتير و ناس كتير بتروح يوم في الاسبوع تتناول في القداس كجزء من جدول الحياة زي النادي و المدرسة كمان فيه قداس ..تعلق مبتور ناقص فكرة الصليب اللي هي منتهي الحب لدرجة تنسي نفسك ..و كان المسيح بيقوله يعني ببساطة لو انت فعلا الأبدية شغلاك و فعلا بتعمل الوصية ...خلاص ما تتعلقش بالارضيات و نخلص من السجن اللي انت فيه سيبك من غناك و تعالي اتبعني ..ما استحملش ...يقولك اغتم ...يعني ركبه الغم و الحزن ...لأنه حسم الأمر في لحظة ...مش حقدر اسيب الغني و لا مالي و ليه يطلب الطلب الصعب ده ..ما كان يقولي ادي صدقة مثلا لكن شقا عمري اسيبه كده بسهولة ...انها حب القنية و الاعتماد علي المال ...فيه ناس صعب اوي عليها تخرج فلوس لربنا صعب عليها اوي تتنازل عن شوية هدوم و كراكيب ...ده فيه امهات يجي ولادها كبروا و اللبس صغر و عاوزين يطلعوه للكنيسة ..تقولهم لا التي شيرت ده البسيه في البيت و الجزمة دي حرام حصلحهالك و البلوفر ده البسيه من تحت في الشتا ...فيه بيوت مليانة أكوام لبس و مقتنيات مالهاش مكان و بتزاحم سكان البيت و لما بيجي يطلع حاجة كأنه بيطلع من جلده ...و فيه اللي راكن شوية فلوس هم امانه ...يقولك للزمن ..ربنا كمالة لكن لو وضع في اختيار الغم يركبنا ...علشان كده علق يسوع أن التعلق بالمال و القنية صعب يبقوا جسر للسما ...مش مستحيل لان فيه اغنياء ابرار و قديسين بس الأمر صعب..و قال المثل دخول جمل من ثقب إبرة ايسر ...فيه تفسير بيقول فيه باب المدينة اورشليم فيه باب صغير ..الصبح يفتحوا الباب الكبير و عند الغروب يقفلوه و يفتحوا الصغير اللي اسمه ثقب إبرة علشان يعدي الناس اللي اتاخرت منه فلو واحد معاه جمل و اتاخر كان يضطر ينزل حمولة الحمل و ينخ الحمل و يحشره حشر علشان يعدي بالعافية و فيه قالوا جمل ده اسم نوع حبال تستخدم في السفن صعب تعدي من ثقب إبرة ...ربنا يبعد حن حب المال و القنية حتي لا تختنق انفاسنا بما نملك و نموت .. لالهنا المجد و الكرامة نبيل شحاتة |
رد: اكبر مجموعة ايات من الكتاب المقدس مع التأملات
17 وَفِيمَا هُوَ خَارِجٌ إِلَى الطَّرِيقِ، رَكَضَ وَاحِدٌ وَجَثَا لَهُ وَسَأَلَهُ: «أَيُّهَا الْمُعَلِّمُ الصَّالِحُ، مَاذَا أَعْمَلُ لأَرِثَ الْحَيَاةَ الأَبَدِيَّةَ؟» 18 فَقَالَ لَهُ يَسُوعُ: «لِمَاذَا تَدْعُونِي صَالِحًا؟ لَيْسَ أَحَدٌ صَالِحًا إِلاَّ وَاحِدٌ وَهُوَ اللهُ. 19 أَنْتَ تَعْرِفُ الْوَصَايَا: لاَ تَزْنِ. لاَ تَقْتُلْ. لاَ تَسْرِقْ. لاَ تَشْهَدْ بِالزُّورِ. لاَ تَسْلُبْ. أَكْرِمْ أَبَاكَ وَأُمَّكَ». 20 فَأَجَابَ وَقَالَ لَهُ: «يَا مُعَلِّمُ، هذِهِ كُلُّهَا حَفِظْتُهَا مُنْذُ حَدَاثَتِي». 21 فَنَظَرَ إِلَيْهِ يَسُوعُ وَأَحَبَّهُ، وَقَالَ لَهُ: «يُعْوِزُكَ شَيْءٌ وَاحِدٌ: اِذْهَبْ بِعْ كُلَّ مَا لَكَ وَأَعْطِ الْفُقَرَاءَ، فَيَكُونَ لَكَ كَنْزٌ فِي السَّمَاءِ، وَتَعَالَ اتْبَعْنِي حَامِلاً الصَّلِيبَ». 22 فَاغْتَمَّ عَلَى الْقَوْلِ وَمَضَى حَزِينًا، لأَنَّهُ كَانَ ذَا أَمْوَال كَثِيرَةٍ. 23 فَنَظَرَ يَسُوعُ حَوْلَهُ وَقَالَ لِتَلاَمِيذِهِ: «مَا أَعْسَرَ دُخُولَ ذَوِي الأَمْوَالِ إِلَى مَلَكُوتِ اللهِ!» 24 فَتَحَيَّرَ التَّلاَمِيذُ مِنْ كَلاَمِهِ. فَأَجَابَ يَسُوعُ أَيْضًا وَقَالَ لَهُمْ: «يَا بَنِيَّ، مَا أَعْسَرَ دُخُولَ الْمُتَّكِلِينَ عَلَى الأَمْوَالِ إِلَى مَلَكُوتِ اللهِ! 25 مُرُورُ جَمَل مِنْ ثَقْبِ إِبْرَةٍ أَيْسَرُ مِنْ أَنْ يَدْخُلَ غَنِيٌّ إِلَى مَلَكُوتِ اللهِ» الشاب ده رغم غناه لكن يمثل كل نفس مش محورها المسيح ..نجاحات و غني و مال و خدمة و سلطة و وضع مجتمعي بس ما فيش شبع فيه حتة ناقصة ..علشان كده خرج للطريق ..الطريق هو المسيح ..يمكن سمع عنه و عن معجزاته ..حب يروح لحد ذو قدرات خاصة يمكن يشبع روحه ..بس ما كنوش يعرف أن المسيح المخلص ابن الله و علشان كده حب يوجه قلبه أنه إذا قاله ايها المعلم الصالح علي سبيل المجاملة لا هو فعلا الصالح و الراعي الصالح و الله الصالح .. يمكن حس رغم غناه انه محتاج غني روحي أو شبع مختلف ..ساعات تلاقي اثرياء لهم صداقات مع آباء روحيين يمكن علشان يريحوا ضمايرهم أو يمكن علشان بيحسوا بالأمان اللي مش موفراه فلوسهم و قليل اللي بيبقوا عاوزين خلاص بجد و أبدية بجد ..سأله اعمل ايه علشان أورث الأبدية ...رد عليه المسيح برد لم يتوقعه أنه يحفظ الوصية و قصد بيها الناموس و ذكر له الوصايا ...مارضاش يكسر الناموس لأنه جه مكملا..بس خد بالك الآباء يقولولك الوصية مش في ذاتها هي اللي توصل المسيح المختفي في الوصية هو اللي يوصل ..كل وصية ما فيهاش روح يسوع مجرد فروض جامدة لا يستطيع أحد أن يشبع من خلالها ...و ده اللي قاله الشاب أنه حفظها منذ حداثته و كأنه بيقوله بس برضه ما شبعتش قام المسيح بين له روحه اللي في الوصية خصوصا أنه حبه لتمسكه بالوصية و أنه أجاب بما يفعل فعلا لكن كان شايف أن فيه حتة هي مربط الفرس ...قاله بيع كل مالك ووزعه علي الفقراء و تعالي اتبعني ربنا مش عاوز فلوسنا لأنه هو اصلا اللي عطهالنا لكن ربنا شاف فيه محبة المال و أنه بحثه عن الأبدية رغم التزامه بالوصية شيء تكميلي ...زي ما اسر كتير و ناس كتير بتروح يوم في الاسبوع تتناول في القداس كجزء من جدول الحياة زي النادي و المدرسة كمان فيه قداس ..تعلق مبتور ناقص فكرة الصليب اللي هي منتهي الحب لدرجة تنسي نفسك ..و كان المسيح بيقوله يعني ببساطة لو انت فعلا الأبدية شغلاك و فعلا بتعمل الوصية ...خلاص ما تتعلقش بالارضيات و نخلص من السجن اللي انت فيه سيبك من غناك و تعالي اتبعني ..ما استحملش ...يقولك اغتم ...يعني ركبه الغم و الحزن ...لأنه حسم الأمر في لحظة ...مش حقدر اسيب الغني و لا مالي و ليه يطلب الطلب الصعب ده ..ما كان يقولي ادي صدقة مثلا لكن شقا عمري اسيبه كده بسهولة ...انها حب القنية و الاعتماد علي المال ...فيه ناس صعب اوي عليها تخرج فلوس لربنا صعب عليها اوي تتنازل عن شوية هدوم و كراكيب ...ده فيه امهات يجي ولادها كبروا و اللبس صغر و عاوزين يطلعوه للكنيسة ..تقولهم لا التي شيرت ده البسيه في البيت و الجزمة دي حرام حصلحهالك و البلوفر ده البسيه من تحت في الشتا ...فيه بيوت مليانة أكوام لبس و مقتنيات مالهاش مكان و بتزاحم سكان البيت و لما بيجي يطلع حاجة كأنه بيطلع من جلده ...و فيه اللي راكن شوية فلوس هم امانه ...يقولك للزمن ..ربنا كمالة لكن لو وضع في اختيار الغم يركبنا ...علشان كده علق يسوع أن التعلق بالمال و القنية صعب يبقوا جسر للسما ...مش مستحيل لان فيه اغنياء ابرار و قديسين بس الأمر صعب..و قال المثل دخول جمل من ثقب إبرة ايسر ...فيه تفسير بيقول فيه باب المدينة اورشليم فيه باب صغير ..الصبح يفتحوا الباب الكبير و عند الغروب يقفلوه و يفتحوا الصغير اللي اسمه ثقب إبرة علشان يعدي الناس اللي اتاخرت منه فلو واحد معاه جمل و اتاخر كان يضطر ينزل حمولة الحمل و ينخ الحمل و يحشره حشر علشان يعدي بالعافية و فيه قالوا جمل ده اسم نوع حبال تستخدم في السفن صعب تعدي من ثقب إبرة ...ربنا يبعد حن حب المال و القنية حتي لا تختنق انفاسنا بما نملك و نموت .. لالهنا المجد و الكرامة نبيل شحاتة |
رد: اكبر مجموعة ايات من الكتاب المقدس مع التأملات
اني أشفق علي الجمع
فِي تِلْكَ الأَيَّامِ إِذْ كَانَ الْجَمْعُ كَثِيرًا جِدًّا، وَلَمْ يَكُنْ لَهُمْ مَا يَأْكُلُونَ، دَعَا يَسُوعُ تَلاَمِيذَهُ وَقَالَ لَهُمْ: 2 «إِنِّي أُشْفِقُ عَلَى الْجَمْعِ، لأَنَّ الآنَ لَهُمْ ثَلاَثَةَ أَيَّامٍ يَمْكُثُونَ مَعِي وَلَيْسَ لَهُمْ مَا يَأْكُلُونَ. 3 وَإِنْ صَرَفْتُهُمْ إِلَى بُيُوتِهِمْ صَائِمِينَ يُخَوِّرُونَ فِي الطَّرِيقِ، لأَنَّ قَوْمًا مِنْهُمْ جَاءُوا مِنْ بَعِيدٍ». 4 فَأَجَابَهُ تَلاَمِيذُهُ: «مِنْ أَيْنَ يَسْتَطِيعُ أَحَدٌ أَنْ يُشْبِعَ هؤُلاَءِ خُبْزًا هُنَا فِي الْبَرِّيَّةِ؟» 5 فَسَأَلَهُمْ: «كَمْ عِنْدَكُمْ مِنَ الْخُبْزِ؟» فَقَالُوا: «سَبْعَةٌ». 6 فَأَمَرَ الْجَمْعَ أَنْ يَتَّكِئُوا عَلَى الأَرْضِ، وَأَخَذَ السَّبْعَ خُبْزَاتٍ وَشَكَرَ وَكَسَرَ وَأَعْطَى تَلاَمِيذَهُ لِيُقَدِّمُوا، فَقَدَّمُوا إِلَى الْجَمْعِ. 7 وَكَانَ مَعَهُمْ قَلِيلٌ مِنْ صِغَارِ السَّمَكِ، فَبَارَكَ وَقَالَ أَنْ يُقَدِّمُوا هذِهِ أَيْضًا. 8 فَأَكَلُوا وَشَبِعُوا. ثُمَّ رَفَعُوا فَضَلاَتِ الْكِسَرِ: سَبْعَةَ سِلاَل. 9 وَكَانَ الآكِلُونَ نَحْوَ أَرْبَعَةِ آلاَفٍ. ثُمَّ صَرَفَهُمْ. شوية تاملات كده في الفرق بين الخمس خبزات و سمكتين و السبعة أرغفة و قليل من السمك ..دول معجزتين عملهم السيد المسيح الأولي اتعملت لليهود و التانية للأمم .. اول حاجة من حيث المادة اللي استخدمها السيد في المعجزتين..الأولي الخمس خبزات والسمكتان اما المعجزة الثانية سبع خبزات وقليل من السمك المشبع هو شخص المسيح نفسه فقد قدم نفسه لليهود خلال الخمس خبزت اى من خلال اسفار موسى الخمسه التى تحوى الناموس الذى غايته المسيح وايضا الخمس خبزات تشير الى الحواس الخمسه الذى من خلالهم التقى السيد باليهود فقد(رأوه -ولمسوه - وسمعوه - وتزوقو حلاوته -وتنسمو رائحته الذكية ) ---أما المعجزة الثانيه نلاقي سبع خبزات فالأمم لم تنعم بأسفار موسى الخمسه ولا رأوا السيد فى وسطهم بالجسد لكى يلمسوه بالحواس لكن تمتعو بيه من خلال الكرازه بالروح القدس اللي اعلن النبى اشعياء عطاياه السبع(روح الرب -روح الحكمه والفهم- روح المشوره والقوة -روح المعرفة ومخافة الرب )إش11-2الروح القدس هو اللي يقدم للأمم مسيحنا المشبع ثانيا بالنسبة للسمك فى المعجزة الاولى سمكتان وهذا اشاره الى العهدين القديم والجديد اللتين تشبعا جموع الكنيسه المقدسه اما بالنسبة للمعجزة الثانيه قليل من صغار السمك اشاره الى انه قدم لهم الكرازة من خلال التلاميذ القطيع الصغير تالت حاجة في معجزة الخمس خبزات "أمر الجموع أن يتّكِئوا على العشب" لكن في المعجزة التانية "أمر الجموع أن يتّكِئوا على الأرض" (مت 15: 35) العشب يُشير إلى الجسد (إش 40: 6، رو 8: 6). احنا مش ممكن نلتقي بالسيّد المسيح مادمنا نعيش حسب الجسد، لنُخضع الجسد لنفوسنا بالروح القدس ونتكئ عليه، فيكون خادمًا مطيعًا، يعمل في انسجام مع الروح، لا في مقاومة لها، ساعتها ننعم بالروحيّات. أما بالنسبة للأمم فقد اتّكأوا على الأرض، لان الأمم بوثنيتهم و شرورهم صاروا كالأرض اللي تحت سلطان ابليس ، عبدوا الآلهة الباطلة فصاروا باطلين. انحطَّت حياتهم وأفكارهم إلى الأرض، علشان كده مش حينعموا بالطعام السماوي، إن لم يتّكئوا على الأرض و خلوها تحتهم لا أن يُستعبدوا هم ليها و شهواتها أما من جهة الأرقام فإن المعجزة الأولى أشبعت 5000 رجلاً، إشارة إلى أسفار موسى الخمسة (5) أي أشبعت الذين عاشوا في الناموس أما في المعجزة الثانية فقد أشبع 4000 رجلاً إشارة إلى شبع العالم في جهاته الأربع واخيرا في اختصار كده نقول أن السيّد المسيح هو سرّ شبعنا .. يمسك بالسمكتين والخمس خبزات ليُشبع اليهود، أوبالقليل من السمك والسبع خبزات ليُشبع الأمم. يسوع يُشبع الجميع ولا يترك إنسانًا قادمًا إليه يرجع جائعًا! حلوة اوي اني أشفق علي الجمع .....لئلا يخوروا .. طول مانت مع يسوع و في دايرته انت في دايرة رحمته و شفقته ...مهما كنت متألم و خلاص علي وشك انك تسقط و تخور...حيشفق و مش حيمشيك فاضي ...حيلحقك حتي لو بعد تلات ايام ..حتي لو خلصت الاكل بتاعك أو كنت اصلا مش عامل حسابك ...التلات أيام دول يشاوروا علي القبر ..و الموت ..موت الخطية ..موت التجربة ...موت الضيق و قلة الحيلة ..لسه فيه امل ...أنه حيشفق ..حيمد أيده في القليل المتبقي و يشبعك .. زاني و شهواني و بتاع جسدك زي حالاتي و خلاص بتهلك بس لسه عندك قليل من صغار السمك ..شوية رحمة باقية ..شوية خدمة ..شوية صلاة و شوية جهاد ساذج ..حياخدهم و يبارك فيهم ببركة مسيانية مش اي بركة..بركة تخلي الزاني بتول ..بركة تدي فيض و تفيض ..عشمي و خلي ده رجاكم أنه قلبه حنين و بيعرف يشفق ..أنه مش حيسمح نخور في الطريق ..مش حيخلينا نخيب في اخر ايامنا و لا تمد ايدينا للشر علشان نعيش في غلاء و ايام صعبة ..مش حيخلينا نستسلم و نبيع إيماننا القليل و الصغير زي السمك و نضيع ..حيكمل و يشبع .. لالهنا المجد و الكرامة نبيل شحاتة |
رد: اكبر مجموعة ايات من الكتاب المقدس مع التأملات
كيف لا تفهمون ؟!
وَلِلْوَقْتِ دَخَلَ السَّفِينَةَ مَعَ تَلاَمِيذِهِ وَجَاءَ إِلَى نَوَاحِي دَلْمَانُوثَةَ. 11 فَخَرَجَ الْفَرِّيسِيُّونَ وَابْتَدَأُوا يُحَاوِرُونَهُ طَالِبِينَ مِنْهُ آيَةً مِنَ السَّمَاءِ، لِكَيْ يُجَرِّبُوهُ. 12 فَتَنَهَّدَ بِرُوحِهِ وَقَالَ: «لِمَاذَا يَطْلُبُ هذَا الْجِيلُ آيَةً؟ اَلْحَقَّ أَقُولُ لَكُمْ: لَنْ يُعْطَى هذَا الْجِيلُ آيَةً!» 13 ثُمَّ تَرَكَهُمْ وَدَخَلَ أَيْضًا السَّفِينَةَ وَمَضَى إِلَى الْعَبْرِ. 14 وَنَسُوا أَنْ يَأْخُذُوا خُبْزًا، وَلَمْ يَكُنْ مَعَهُمْ فِي السَّفِينَةِ إِلاَّ رَغِيفٌ وَاحِدٌ. 15 وَأَوْصَاهُمْ قَائِلاً: «انْظُرُوا! وَتَحَرَّزُوا مِنْ خَمِيرِ الْفَرِّيسِيِّينَ وَخَمِيرِ هِيرُودُسَ» 16 فَفَكَّرُوا قَائِلِينَ بَعْضُهُمْ لِبَعْضٍ: «لَيْسَ عِنْدَنَا خُبْزٌ». 17 فَعَلِمَ يَسُوعُ وَقَالَ لَهُمْ: «لِمَاذَا تُفَكِّرُونَ أَنْ لَيْسَ عِنْدَكُمْ خُبْزٌ؟ أَلاَ تَشْعُرُونَ بَعْدُ وَلاَ تَفْهَمُونَ؟ أَحَتَّى الآنَ قُلُوبُكُمْ غَلِيظَةٌ؟ 18 أَلَكُمْ أَعْيُنٌ وَلاَ تُبْصِرُونَ، وَلَكُمْ آذَانٌ وَلاَ تَسْمَعُونَ، وَلاَ تَذْكُرُونَ؟ 19 حِينَ كَسَّرْتُ الأَرْغِفَةَ الْخَمْسَةَ لِلْخَمْسَةِ الآلاَفِ، كَمْ قُفَّةً مَمْلُوَّةً كِسَرًا رَفَعْتُمْ؟» قَالُوا لَهُ: «اثْنَتَيْ عَشْرَةَ». 20 «وَحِينَ السَّبْعَةِ لِلأَرْبَعَةِ الآلاَفِ، كَمْ سَلَّ كِسَرٍ مَمْلُوًّا رَفَعْتُمْ؟» قَالُوا: «سَبْعَةً». 21 فَقَالَ لَهُمْ: «كَيْفَ لاَ تَفْهَمُونَ؟» بغض النظر عن عناد الفريسين و محاولتهم لاصطياد المخلص و الاعتراض عليه و تجربته زي جذورهم و جدودهم لما جربوه في البرية و اتذمروا لما عطشوا و ضرب موسي الصخرة في حوريب زي ما ربنا قال له علشان تطلع مية .. يقول موسى النبي ساعتها "ودعا اسم الموضع مسّة ومريبة من أجل مخاصمة بني إسرائيل ومن أجل تجربتهم للرب، قائلين: أفي وسطنا الرب أم لا؟" (خر 17: 7). لحد دلوقتي بنطلب نتأكد هو ربنا معانا و لا لا ..لحد دلوقتي بنتشكك أنه يقدر يكون لنا منفذ ..أنه موجود معانا بالحقيقة ..اتنهد يسوع موجوع من غلاظة القلب ..ليه نعوز ايات و ليه حياتنا تمشي بس بالمعجزات ..ليه مربوطين بالدنيا و عاوزين نحصر علاقتنا بربنا في شوية عطايا مادية هو وعد انها حتزاد لنا ..و اننا افضل من عصافير كتيرة ...سؤال يوجعني كاب لو بناتي سالوني هو انت بتحبنا يابابا ..؟! بعد كل ده ..لسه بتسالوا ...حتي التلاميذ رغم تعلقهم بالمسيح بس وقتها لسه مش قادرين يفهموا أنه خبز الحياة علشان كده لما تكلم عن الخمير بتاع الفريسين و خمير هيرودس يقصد بيه شرهم و عنادهم و مقاومتهم للنعمة المرسلة من فوق ..برضه فكروا مع نفسهم بالماديات ..ما معهمش غير رغيف واحد و هم في السفينة و لو امتنعوا عن الخمير بتاع الفريسين حياكلوا منين ؟! لو ما كلناش من ايد العالم حناكل من ايد مين ؟! يسوع سألهم شوية أسئلة انا ححطها قدام نفسي و قدامكم و اسيب الإجابة لكل واحد مع نفسه ..لان المسيح سألها و ما جاوبش عليها ...ساب الإجابة لينا السؤال الاول ..لِمَاذَا تُفَكِّرُونَ أَنْ لَيْسَ عِنْدَكُمْ خُبْزٌ؟ السؤال التاني ..أَلاَ تَشْعُرُونَ بَعْدُ وَلاَ تَفْهَمُونَ؟ السؤال التالت ..أَحَتَّى الآنَ قُلُوبُكُمْ غَلِيظَةٌ؟ السؤال الرابع أَلَكُمْ أَعْيُنٌ وَلاَ تُبْصِرُونَ، وَلَكُمْ آذَانٌ وَلاَ تَسْمَعُونَ، السؤال الخامس .... وَلاَ تَذْكُرُونَ؟ السؤال السادس .. حِينَ كَسَّرْتُ الأَرْغِفَةَ الْخَمْسَةَ لِلْخَمْسَةِ الآلاَفِ، كَمْ قُفَّةً مَمْلُوَّةً كِسَرًا رَفَعْتُمْ؟» «وَحِينَ السَّبْعَةِ لِلأَرْبَعَةِ الآلاَفِ، كَمْ سَلَّ كِسَرٍ مَمْلُوًّا رَفَعْتُمْ؟» السؤال السابع «كَيْفَ لاَ تَفْهَمُونَ؟» فليراجع كل واحد مننا نفسه ..لحد أمتي حنتعامل مع المسيح بالخبز و العطايا بس و لحد أمتي مش راضين نحس بيه و نفهم قصده في حياتنا و لحد أمتي قلوبنا غليظة و قاسية ولحد أمتي شايفين و بنسمع و مش راضين نخش العمق معاه و لامتي حنفضل ننسي خيراته و سنده و ستره و نرتبك عند كل تجربة أو ضيقة و هو عمره ما سابنا..؟!!كم قفة شيلناه بعد ما شبعنا و اد ايه سد معانا و ربي ولادنا و ما حوجناش رغم الغلاء و الضيق و كام سلة بقيت رغم خطيتنا واحنا ما نستخقش خيره اصلا خيره اللي عمره ما رهنه بخطيتنا زي الأمم ووثنيتنا وعبادتنا لذاتنا ..لحد أمتي حيسطر علينا الغباء الروحي و مش قادرين نفهم محبته الفائقة لينا ...أسئلة يتحسر فيها قلبه الرقيق علي ما صرنا عليه ..بندور علي صورة بتنزل زيت و هو نفسه موضوع علي المذبح دم و جسد حقيقي ..بندور علي الفتات و هو هيأ لنا مائدة ...أشفق عليك يا سيد من غبائي و تحجر قلبي ...غيرني يايسوع و لا تضجر أو تمل مني لاني لن احتمل يوما أن أقول حبيبي تحول و عبر ..طلبته فما وجدته لالهنا المجد و الكرامة نبيل شحاتة |
رد: اكبر مجموعة ايات من الكتاب المقدس مع التأملات
جليا
وَجَاءَ إِلَى بَيْتِ صَيْدَا، فَقَدَّمُوا إِلَيْهِ أَعْمَى وَطَلَبُوا إِلَيْهِ أَنْ يَلْمِسَهُ، 23 فَأَخَذَ بِيَدِ الأَعْمَى وَأَخْرَجَهُ إِلَى خَارِجِ الْقَرْيَةِ، وَتَفَلَ فِي عَيْنَيْهِ، وَوَضَعَ يَدَيْهِ عَلَيْهِ وَسَأَلَهُ: هَلْ أَبْصَرَ شَيْئًا؟ 24 فَتَطَلَّعَ وَقَالَ: «أُبْصِرُ النَّاسَ كَأَشْجَارٍ يَمْشُونَ». 25 ثُمَّ وَضَعَ يَدَيْهِ أَيْضًا عَلَى عَيْنَيْهِ، وَجَعَلَهُ يَتَطَلَّعُ. فَعَادَ صَحِيحًا وَأَبْصَرَ كُلَّ إِنْسَانٍ جَلِيًّا. 26 فَأَرْسَلَهُ إِلَى بَيْتِهِ قَائِلاً: «لاَ تَدْخُلِ الْقَرْيَةَ، وَلاَ تَقُلْ لأَحَدٍ فِي الْقَرْيَةِ». هذا الاعمي يرمز للقلب المبتعد عن الله و يحيا في ظلمة الجسد ..قرية صيدا كانت في عبادة الأوثان إشارة إلي سيطرة ابليس بشهواته ...فيه حاجات كتير بتعمينا و تخلينا نمشي متخبطين ...اختيارات ..عاطفة ...شهوات .. اول طريق للشفاء أن تسلم نفسك المسيح من غير تجمل و لا عناد ..بعماى كده اروحله ..و اسيبه ياخد بايدي و يبعدني عن القرية ...لازم نبعد عن دائرة الشر اولا ..كل خطية و كل شهوة و كل عادات جنسية أو ادمان مصدرها اننا بنفضل في دائرة الشر ..في القرية ... بحتفظ بصور علاقة قديمة و رسائل بعتهالي علي الواتساب او صورة مغرية سابتهالي أو صحبة شر يعلم بيها ربنا أو مكان منحرف متعود اني اسهر فيه .. بفضل في دائرة الأسباب اللي ديما بتضعف إرادتنا علشان كده اول حاجة ربنا عملها خده بره القرية .. يبدأ ربنا في العلاج ..مد أيده و تفل و قولنا التفل أو استخدام اللعاب كان أمر متعارف عليه وقتها طبيا و لم يكن نوع من الفعل الذي يثير الاشمئزاز ربما حاليا ... اللي يثير تعجبك و استفسار ازاي ما شافش علي طول و ايه التدرج ده ؟! هو المسيح ما يقدرش يشفي علي طول ... ؟! ممكن يكون قلة ايمان من الرجل ..ممكن يكون لأنه اعمي مخه لم يخزن صورا من الحياة يقدر يستدعيها لما شاف لأول مرة فافتكر الناس اشجار أو شافهم بطريقة غير كاملة الوضوح ...ساعات تبدأ علاقة مع ربنا و يبدأ الشفاء في حياتنا بس لسه الأمور بتبقي من غير تمييز ..علشان كده تحتاج عمل ايد يسوع تاني و مزيد من النعمة و الاستنارة ..علي فكرة يسوع لما سأله هل ابصر شيئا مش لان يسوع مش عارف لكن من أجل دفعه لمزيد من الايمان و الثقة اللي بيهم باخد شفاء كامل ..زي ما سال ادم اين انت مكنش مش عارف هو فين بس بيحثه علي الاعتراف و التوبة ..أو يسأل ايليا ما بالك ههنا يا ايليا علشان يخش مع ايليا في حوار عن حقيقة مشكلة ايليا أنه خاف و احبط ..ساعات تكتسب ثقة في الدكتور لما يحط أيده علي الوجع و يقولك حاسس هنا بايه فتفهم أنه عرف الداء أو لو بتعمل نضارة و تلاقي الدكتور بيزود عدسة أو بيعدل وضعها و يقولك ..كده انت شايف احسن ...أو يسالك ايه الاخبار .. أو انت كده شايف أوضح ...!!! احنا عاوزين الاستنارة بتاعة المسيح لنري كل انسان جليا ...جليا معناها بوضوح اوي .. ساعات تبقي شايفة جوزك بس مش جليا شايفة مناطق ضعفه و تشوهاته بس لكن مش شايفة الجانب الحلو اللي فيه ..كده انت مش شايفاه جليا ..ساعات تشوف كل ضعف في مراتك و تخنت و مش واحدة بالها من البيت و عصبية مع الأولاد بس مش شايف فيها طيبتها و قناعتها و محبتها ليك و تحملها معاك أعباء الحياة يبقي مش شايفها جليا محتاج ايد يسوع ...ساعات تشوف ابنك فاشل لمجرد أنه مش محقق درجات حلوة او بنتك منفلتة و مش مؤدبة علشان بترد بكلمات يمكن مش بتعرف تختارها لكن حقانية او مش بيعجبك لبسها ..كده مش شايفه و لا شايفاها جليا ..محتاج لمسة يسوع تشوف باقي قدراته و مواهبه و تشوفي انها خدومة اد ايه و محبة و مجتهدة ...قبل ما تتسرع في الحكم ..محتاجين نشوف جليا .. لا تدخل القرية ...ما ترجعيش تاني لدايرة الضلمة و الخطية و ما تقولش لحد في القرية لأنهم تحت تأثير الوثن و الخطية ممكن يشككوك في النعمة اللي خدتها ...يعني ممكن كانوا ساعتها يقولوا له أنه سحر مش شفاء كمان النعمة حلو انها تبقي جوانا في علاقة خاصة بربنا .. لالهنا كل المجد و الكرامة نبيل شحاتة |
رد: اكبر مجموعة ايات من الكتاب المقدس مع التأملات
انت المسيح
ثُمَّ خَرَجَ يَسُوعُ وَتَلامِيذُهُ إِلَى قُرَى قَيْصَرِيَّةِ فِيلُبُّسَ. وَفِي الطَّرِيقِ سَأَلَ تَلاَمِيذَهُ قِائِلاً لَهُمْ: «مَنْ يَقُولُ النَّاسُ إِنِّي أَنَا؟» 28 فَأَجَابُوا: «يُوحَنَّا الْمَعْمَدَانُ. وَآخَرُونَ: إِيلِيَّا. وَآخَرُونَ: وَاحِدٌ مِنَ الأَنْبِيَاءِ». 29 فَقَالَ لَهُمْ: «وَأَنْتُمْ، مَنْ تَقُولُونَ إِنِّي أَنَا؟» فَأَجَابَ بُطْرُسُ وَقَالَ لَهُ: «أَنْتَ الْمَسِيحُ!» 30 فَانْتَهَرَهُمْ كَيْ لاَ يَقُولُوا لأَحَدٍ عَنْه القديس يوحنا الذهبي الفم بيقول في تفسيره لسؤال يسوع تلاميذه عن شخصه من يكون لقد قادهم إلى مشاعر أسمى وأفكار أعلى بخصوص شخصه حتى لا يكونوا كبقية الجموع و الناس ..اولاد الله مختلفين ليه الجموع ماشافتش في يسوع إلا إيليا أو إرميا أو يوحنا المعمدان؟ شافت فيه إيليا لأن ايليا أُختطف إلى السماء؛ و أن رجوعه علامة مجىء المخلص لكن المسيح ليس كإيليا المسيح لم يُختطف إلي السما لكنه جاء منها. الأول أُختطف إلى السماء، أما يسوع فلا يحسب خلسة أن يكون معادلًا لله (في 2: 6). الأول ايليا انتقم بالنار التي طلبها (1 مل 18: 38) والثاني أحب خلاص المسيئين إليه لا هلاكهم. طب ليه اعتقدوا أنه إرميا؟ ربما لأنه تقدس من الرحم (إر 1: 4)، لكن المسيح ليس كإرميا. الأول تقدس، أما يسوع فهو يقّدس، ارميا قديس لكن يسوع قدوس لماذا ظنه الشعب يوحنا المعمدان ؟ ربما لأن يوحنا عرف الرب وهو في بطن أمه ، لكن المسيح ليس كيوحنا. يوحنا سجد وهو بعد في الرحم، والثاني هو المسجود له. الأول عمّد بالماء، وأما المسيح فبالروح. الأول نادى بالتوبة والثاني غفر كل خطية .. الناس الذين لم يأخذوا الروح كل توصيفهم المسيح قايم علي أنه مجرد بشر أو نبي متميز و قديس صاحب كرامات و معجزات ...لكن اللي أعطوا من الروح أن يؤمنوا يروه أنه المسيح ..ابن الله ...الله المتجسد ..محدش بيفكر بمنطق الجسد أنه الله المتجسد ..محدش قادر يفهم التجسد و ازاي الله ظهر في الجسد و ازاي ولادة من عدرا من غير زواج و ازاي الله يبقي زينا انسان ياكل و يشرب و ينام و ازاي و هو متجسد ماليء الكون برضه و ازاي و ازاي ....ببساطة اللي بيؤمن يعطي فهم الروح و تصديقه و اللي لا يؤمن يدخل في الجدل و عدم التصديق ... طب ليه ينتهرهم لما قالوا عنه أنه المسيح ...؟! اولا لأنه مش عاوز يفسد عمل الخلاص و عاوز يتمم الصلب و الموت و القيامة و الصعود ..لو عرفوا أنه رب المجد ما كنوش صلبوه ...تاني حاجة لو كرزوا بيه كابن الله أو الله الكلمة ..صعب لما يتصلب أو يذوق الموت بالجسد حد يصدقهم ..كان مستني الحكاية تتحكي علي بعض لحد الصليب و القيامة علشان ما يبقاش الله مجرد فكرة لكن حياة تتعاش ....علشان الكرازة تبقي يسوع حبك خلقك غلطت فداك و عطاك حياة و بعدها يقول التلاميذ للي بيسمعوهم و ادي الحياة تقدروا تعيشوها ياللا اتعمدوا ياللا خدوا جسده و دمه ياللا لو غلطتوا توبوا ودمه يمسح الخطايا ..كل ده ماكنش ينفع قبل ما المسيح يتمم الخلاص ..لو وقفت الكرازة عند أن المسيح بس ابن الله أو الله المتجسد و لا كلنا نستفيد حاجة و لا كانت لينا حياة لالهنا المجد و الكرامة الي الابد امين نبيل شحاتة |
رد: اكبر مجموعة ايات من الكتاب المقدس مع التأملات
و يتبعني
وَابْتَدَأَ يُعَلِّمُهُمْ أَنَّ ابْنَ الإِنْسَانِ يَنْبَغِي أَنْ يَتَأَلَّمَ كَثِيرًا، وَيُرْفَضَ مِنَ الشُّيُوخِ وَرُؤَسَاءِ الْكَهَنَةِ وَالْكَتَبَةِ، وَيُقْتَلَ، وَبَعْدَ ثَلاَثَةِ أَيَّامٍ يَقُومُ. 32 وَقَالَ الْقَوْلَ عَلاَنِيَةً. فَأَخَذَهُ بُطْرُسُ إِلَيْهِ وَابْتَدَأَ يَنْتَهِرُهُ. 33 فَالْتَفَتَ وَأَبْصَرَ تَلاَمِيذَهُ، فَانْتَهَرَ بُطْرُسَ قَائِلاً: «اذْهَبْ عَنِّي يَا شَيْطَانُ! لأَنَّكَ لاَ تَهْتَمُّ بِمَا للهِ لكِنْ بِمَا لِلنَّاسِ». 34 وَدَعَا الْجَمْعَ مَعَ تَلاَمِيذِهِ وَقَالَ لَهُمْ: «مَنْ أَرَادَ أَنْ يَأْتِيَ وَرَائِي فَلْيُنْكِرْ نَفْسَهُ وَيَحْمِلْ صَلِيبَهُ وَيَتْبَعْنِي. 35 فَإِنَّ مَنْ أَرَادَ أَنْ يُخَلِّصَ نَفْسَهُ يُهْلِكُهَا، وَمَنْ يُهْلِكُ نَفْسَهُ مِنْ أَجْلِي وَمِنْ أَجْلِ الإِنْجِيلِ فَهُوَ يُخَلِّصُهَا. 36 لأَنَّهُ مَاذَا يَنْتَفِعُ الإِنْسَانُ لَوْ رَبِحَ الْعَالَمَ كُلَّهُ وَخَسِرَ نَفْسَهُ؟ 37 أَوْ مَاذَا يُعْطِي الإِنْسَانُ فِدَاءً عَنْ نَفْسِهِ؟ 38 لأَنَّ مَنِ اسْتَحَى بِي وَبِكَلاَمِي فِي هذَا الْجِيلِ الْفَاسِقِ الْخَاطِئِ، فَإِنَّ ابْنَ الإِنْسَانِ يَسْتَحِي بِهِ مَتَى جَاءَ بِمَجْدِ أَبِيهِ مَعَ الْمَلاَئِكَةِ الْقِدِّيسِينَ». اللي قاله بطرس هو فكر اليهود و فكر كل رافض للإيمان .. كل اللي رافض المسيح مخلصا و فاديا عنده مشكلة في أنه يقبل الامه و تجسده ..مش قادر يستوعب يعني ايه الله يذوق الموت بالجسد أو يتجسد اصلا .. يقول أحد الآباء تعليقا علي انتهار يسوع لبطرس و كلامه عن الامه و صلبه و قيامته.لقد عرف مقدار الجهد الذي يحتاج إليه التلاميذ ليؤمنوا بآلامه وقيامته، لذلك استحسن أن يقوم بنفسه بتأكيد آلامه وقيامته لهم، وليكون ذلك بداية وسببًا لميلاد الإيمان فيهم.. بعد كده دعانا لشركة الصليب ...و اساله بالذمة يارب دي دعوة ؟! يعني بتدعوني لايه يعني ..الم ووجع في تبعيتك ليه ؟! و أنكر نفسي ليه امال حب قريبك كنفسك دي اللي معناها ضمنيا اني احب نفسي اوديها فين ...و بعدين انا كاب لما ادي بنتي هبة أو عطية اديها الم ؟!!!!! يعني وهب لكم لا أن تؤمنوا به فقط بل تتالموا من أجله ؟! و ايه كل ما الدنيا تضيق و اتظلم يقول لي معلش صليب ... و ايه كل زوج يطلع عين مراته يقولوا لها معلش صليبك و لا زوجة مزعجة أو آباء مزعجين أو أبناء جاحدين يقول معلش ..صليبك ... ليه تعب و صليب و الم و انكسار ..؟! خلونا الاول نصلح كذا مفهوم اولا الصليب مش مجرد الم و اضطهاد و الا نبقي مرضي نفسيين بنحب إيلام النفس ..الصليب أقصي تعبير عن الحب .. لأنه يقول كده ..هكذا احب الله العالم ...ازاى ؟! يقول حتي بذل ابنه الوحيد ...الصليب تعبير عن أقصي معاني الحب كمان الصليب معناه إخضاع إرادتنا لإرادته ؟! ليه لأنه لما صلي حب أن أبيه يعبر الكاس لكن في الاخر قال له لتكن لا ارادتي بل ارادتك ...طب ما يسبب ارادتي ...في الحقيقة طلعت ارادتي للموت و إرادته للحياة يقول كده القداس يوم ما سابني لارادتي رحت رميت نفسي في حضن الموت و الشيطان انا اختطفت لنفسي قضية الموت فاكلت بارادتي وحدي ... كمان الصليب معناه اني بحب نفسي لاني لما احبه حتي المنتهي و أخضع جسدي ليه و كمان ارادتي و اتعلق بيع لدرجة أن أتعاب الدنيا و الضيقات و رفضي من العالم اعتبرها مرحلة فقط تمسكي بيه و تجاوز المعطلات دي تخليني اخلص و طالما حخلص يعني ححيا الأبدية و طالما طلبت حياة لنفسي مش موت يبقي بحبها .. تنكر نفسك علشانه قوم هو يرفعها و يمجدها ..ده مسمي نفسه اله ابراهيم و اسحق و يعقوب ..ده يقول لتلاميذه أن الأعمال اللي حيعملوها أعظم من أعماله ..تهلك نفسك من اجله..دي بلغة العالم ..البنت اللي تمشي سكة ربنا و الشاب اللي يجتهد في الاستقامة يقولك العالم عنهم ..دفنت نفسها بالحيا ...مش عايش حياته ..كان العالم بيقول عنهم أنهم هلكوا و المسيح يقول معلش اهلك بلغة العالم علشان تربح السما .. احسبوها كده ..حنعيش اد ايه و عملنا ما بدالنا و كل اللي اشتهيناه عملناه و جت لحظة اللقاء ساعاتها ايه اللي ممكن يفدينا ..ايه اللي ممكن يدينا حق دخول السما ...انا معنديش اللي يفديني و لا املكه لكن عندي الفادي اللي ممكن يقدم نفسه عوضا عن نفسي ... مش معني انك حشمة و لا انك مش شاب روش انك تمشي واخد جنب و مستحي من وصية يسوع ...ما تستحيش من كلمة ربنا و لا ايمانك و لا طريقك علشان يسوع كمان يستعلنك قدام الملائكة و السما و يقول ابني اللي فضل يمجدني طول ما هو ع الأرض مش ابني اللي كان مستعر مني و من كلامي ...ما فيش حاجة توجع قلب الاب الا اذا ولاده استحوا من نسبهم ليه أو أنه ابوهم حتي لو كان في عين العالم فقير ..شيل صليبك و صلي يساعدك و لما يتقل صلي يبعت لك قيرواني يخفف عليك شيله لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
وَلاَ تُشَاكِلُوا هذَا الدَّهْرَ، بَلْ تَغَيَّرُوا عَنْ شَكْلِكُمْ بِتَجْدِيدِ أَذْهَانِكُمْ، لِتَخْتَبِرُوا مَا هِيَ إِرَادَةُ اللهِ: الصَّالِحَةُ الْمَرْضِيَّةُ الْكَامِلَةُ. " رو ١٢ :٢ الآية دي ديما تشغل بالي ...يعني ايه اجدد ذهني ..لغاية ما لقيت فكرة بسيطة سارة بنتي قررت من شهرين تلعب كرة قدم بالنادي و انا شجعتها رغم انها مش موهوبة لكن طالما عاوزة و فيه إمكانية قلت تلعب رياضة و تتعلم ...مشيت كان بها اديها اتعلمت و كسبنا ميسي جديد حريمي ...ما مشيتش هي لوحدها حتزهق و مش حتكمل ...انا بحب اشجعهم علي اي هواية يفكروا فيها لحد ما يكتشفوا مواهبهم و إمكانياتهم...المهم بوصلها التمرين و كبرت في نافوخي بدل ما بقعد ساعتين فاضي بتفرج عليها اني اخسس وزني و العب حاجة بحبها بس مش بعرف العبها أو اروح لها عند العودة فقط ...قلت اتعلم تنس ...كنت زمان جربته ٤ مرات كده و ما كملتش ...اتعرفت علي مدرب سنه ٦٢ لكنه اكثر شبابا من الذين في الثلاثينات ....تخصص تعليم الكبار سنا أمثالي و كان زمان في الاردن ١٩ سنة بيعلم ولاد العاهل الأردني و بيدرب في نادي هناك ... ابتديت اتعلم ..!! و مشكلته معايا اني بلعب قبل كده تنس طاولة .. و قواعد التنس مختلفة جملة و تفصيلا عن تنس الطاولة و كانت كل حركاتي و لعبي بالمضرب بخبرات تنس الطاولة و طبعا الكورة ما كانتش بتوصل و كانت فقرة التدريب عامل فيها زي فيلم عودة الندلة و لعب عبلة كامل ...كان كل شوية يوقف التدريب و يناديني و يشرح لي انا بعمل ايه و المفروض اعمل ايه و ازاي اغير فكري و ذهني عن اللي عارفه عن تنس الطاولة ...مرة يا عيني زهق و قالي يا ا. نبيل انا بتكلم في وادي و انت في وادي تاني...كنت بقوله أنا فاهمك بس مش عارف اتوافق بين اللي فهمته ذهنيا و حركة جسمي اللي ليها خبرات تنس الطاولة ....بقيت و انا بتعلم اقول لنفسي بصوت عالي لنفسي عند كل لعبة ...افرد ايدك ..رجلك اليمين ...هات المضرب ورا ...و اكرر تعليمات المدرب بصوت عالي و انا بلعب كل لعبة و اغير تفكيري من تنس الطاولة لتنس بس .. و كل مرة بقيت اركز اني ادرب ذهني علي التعليم الجديد ...فيه لعب من كتر ما كنت بفشل خصوصا الباك كان بيصعب عليا الولد اللي بيلم الكور خصوصا اتصورت للحظة اني مش ممكن اعرف ارد الكورة و كل مرة يكرر عليا اني اغير ذهني و اركز ..وانا احاول .. دلوقتي اتعلمت مبادىء اللعبة و بقت الكرة رايحة بيني و بينه و ابتدي يعلمني مهارات اللعبة و كتير يصفق لي علي رد كور كنت مش متخيل اني حعرف اردها .. الرغي ده كله علشان اشرح ازاي فهمت تغيير اذهانكم دي ... كتير بنفضل نلف في حلقة مفرغة لاننا مش راضين نغير ذهننا ... كتير بنتعامل مع ربنا بنفس الأفكار القديمة عنه ...أنه معرفته مكلفة ووصيته تقيلة أو أن وجوده يعني ما نتالمش و لا نتجربش أو وجوده مجرد وجودنا في خدمة و طلب شفاعة قديسين أو سداد نذور أو طلب معجزات و تخيل علي طول الطريق أنه بيدير حياتنا بالمعجزات ..كتير بنتعامل مع نفسنا بمخاصمة و ما نحبهاش و مش راضين نبص الا علي تشوهاتها او مناطق حرمانها و مش راضين نغير ذهننا فندور علي مناطق الجمال اللي فيها أو الجزء اللي عندنا و مش محرومين منه ... كتير بندير خلافاتنا الأسرية مثلا بغباء و نقع في فشل متكرر و صدام لأننا بنفكر بنفس الذهن العتيق ...فكر مسبق و خبرات مسبقة سواء جزء منها حقيقي او خيال فكرة أو عقيدة ذهنية بلا منطق و لكن متمسكين بيها ...زي منطق أن الرجل لا يامن له نسائيا او أن الزوج دائما بيخبي اسرار أو تتعامل الزوجة بمنطق أنه ما بقاش يحبها زي زمان فتفضل عينيها مقفولة بالذهن العتيق مش راضية تستقبل اي تعبيرات حب خارج نطاق ما اعتادت عليه أو زوج يتصور غباء الزوجة و عدم قدرتها علي فهمه و يبني الحوار علي هذا العتيق و لا يجدد لا في طرحه للموضوع فربما طريقته هي السبب و في كل مرة نفس الكلمات و الخناق و الزعيق ...يتقلب الحوار لعراك و اتهامات مرسلة و يدخل في نطاق الغضب الذي بلا عقل لان كل طرف مش راضي يغير ذهنه و يبص بطريقة تانية او يفهم الموضوع مش بفكر المؤامرة ( تنس الطاولة ) لكن برؤية جديدة و قواعد جديدة ( التنس ) و ده اكيد بيحصل في تربية ولادنا ..كتير بنمارس خدمتنا بنفس الطريقة اللي اتعودنا عليها و بذهن عتيق و ادوات و اداء خبراتنا القديمة ( تنس الطاولة ) و ما بنجددش ذهننا و نغير أساليب ادائنا لتتناسب مع تغير الأجيال و طبيعة الشباب حاليا ( التنس) .. ده اللي يعمله تجديد الذهن ..في الاول ارتباك بينه و بين الفعل الحقيقي لكن الاصرار علي تجديد الذهن بياخد استنارة الروح القدس و ندخل في اختبار يخلينا نصدق و ندوق حاجة جديدة حتي لو فيه تغصب....زي ما عملت كده ..غيرت ذهني و اتغصبت الاول لإخضاع جسمي للأداء الحركي المناسب للذهن الجديد و كل مرة الكورة بتوصل بتشجع اكتر و اصدق اكتر و بعدين دخل الموضوع في تلقائية اللعب ما بقتش اقول كل مرة لنفسي افرد ايدك و لا رجلك اليمين ...بالعكس ابتديت استمتع و العب بمهارة اكتر ..حتروح الكنيسة غصب شوية حتصلي و انت مالكش مزاج تصلي و حتمسك أجبية و انا مش متعود و حتغير ذهنك اللي بيقولك صلي بالطريقة اللي تعجبك و لما يجيلك مزاج ...و بعد شوية حتلاقي أعماق في اللي بتعمله و حتبقي بتعمله من غير ما تفكر ..حتلاقي جسمك بيصحي بدري تروح القداس و حتلاقي ايدك بتترفع تقول مزمور ..ممكن كده نوصل لاختبار إرادة الله و بعد شوية نلاقي نفسنا ما بنقولش عاوزين نعرف إرادة الله في الموضوع ده لأنه خلاص بقة بقت مختبرة و اللعب بقي تلقائي ووضع المضرب بقي عفوي و ندخل في منطقة التلذذ بربنا و الاستمتاع بيه .. مرضية دي تنفع الاتنين ترضي المدرب و ترضيني ...ترضي ربنا و انا ارضي و اشكر حتي لو في تعب و الم بس لما جددت ذهني و أخضعت نفسي اروح و فعل التجديد ده دخلت في منطقة الاختبار و العشرة ...غيروا ذهنكم ..غيروا ذهنكم في مفاهيمكم عن ربنا ...غيري ذهنك عن نفسك و عن طريقة ادارتك الحياة و عن جوزك شوفيه بعين جديدة و أنه مش مجرد كائن ذكوري مزعج أو تنازل عن محبتك ...غيري ذهنك في خدمتك لولادك و أنهم مش مجرد مسئولية و هم و انك الفيليبينية اللي جابها ابوهم ....اطبخي و نضفي و ساعدي في المذاكرة كل ده بحب ..حتلاقي لغتك اختلفت و هم كمان بيتغيروا .. و بدل حتتطفحوا ايه و لا ارحموا اهلي شوية و لموا هدومكم و لا تنقلبي نونة المجنونة و رابطة شعرك سلعوة و انت بتذاكريلهم و عصبية و اتهامات و عدم تصديقهم و تكذيبهم علي طول الخط حتلاقي دنيتك بقت اسهل و خرجتي بره الضغط اللي انت سجنتي نفسك فيه لما اقتنيني فكرة انك ضيعتي عمرك و زهرة شبابك اللي انقطفت بدري و بصي علي نعمة امومتك اللي اتحرم منها ناس ...بصي علي حالك لو جوزك اللي مش طايقاه ساب الدنيا و رحل .... انت غير مفاهيمك عن ربنا و أنه مجرد قيود ...بص علي مراتك بطريقة مختلفة غير متصيد النقائص ... بص علي ولادك بذهن جديد أنهم بيتغيروا و ليهم منطق لازم نسمعه علي الاقل و نقبل الاختلاف ...غير ذهنك في إدارة شغلك و غير طريقة طرحك الحلول في المشاكل ... بكده الكورة تعدي الشبكة و تفضل رايحة جاية و يمكن تصيب نقطة و تحقق انتصار كنت ما تتصورش انك تحققه لأنك مسجون في فكرك القديم و فشل انت رسمت قضبانه.... نبيل شحاتة |
رد: اكبر مجموعة ايات من الكتاب المقدس مع التأملات
وَلاَ تُشَاكِلُوا هذَا الدَّهْرَ، بَلْ تَغَيَّرُوا عَنْ شَكْلِكُمْ بِتَجْدِيدِ أَذْهَانِكُمْ، لِتَخْتَبِرُوا مَا هِيَ إِرَادَةُ اللهِ: الصَّالِحَةُ الْمَرْضِيَّةُ الْكَامِلَةُ. " رو ١٢ :٢ الآية دي ديما تشغل بالي ...يعني ايه اجدد ذهني ..لغاية ما لقيت فكرة بسيطة سارة بنتي قررت من شهرين تلعب كرة قدم بالنادي و انا شجعتها رغم انها مش موهوبة لكن طالما عاوزة و فيه إمكانية قلت تلعب رياضة و تتعلم ...مشيت كان بها اديها اتعلمت و كسبنا ميسي جديد حريمي ...ما مشيتش هي لوحدها حتزهق و مش حتكمل ...انا بحب اشجعهم علي اي هواية يفكروا فيها لحد ما يكتشفوا مواهبهم و إمكانياتهم...المهم بوصلها التمرين و كبرت في نافوخي بدل ما بقعد ساعتين فاضي بتفرج عليها اني اخسس وزني و العب حاجة بحبها بس مش بعرف العبها أو اروح لها عند العودة فقط ...قلت اتعلم تنس ...كنت زمان جربته ٤ مرات كده و ما كملتش ...اتعرفت علي مدرب سنه ٦٢ لكنه اكثر شبابا من الذين في الثلاثينات ....تخصص تعليم الكبار سنا أمثالي و كان زمان في الاردن ١٩ سنة بيعلم ولاد العاهل الأردني و بيدرب في نادي هناك ... ابتديت اتعلم ..!! و مشكلته معايا اني بلعب قبل كده تنس طاولة .. و قواعد التنس مختلفة جملة و تفصيلا عن تنس الطاولة و كانت كل حركاتي و لعبي بالمضرب بخبرات تنس الطاولة و طبعا الكورة ما كانتش بتوصل و كانت فقرة التدريب عامل فيها زي فيلم عودة الندلة و لعب عبلة كامل ...كان كل شوية يوقف التدريب و يناديني و يشرح لي انا بعمل ايه و المفروض اعمل ايه و ازاي اغير فكري و ذهني عن اللي عارفه عن تنس الطاولة ...مرة يا عيني زهق و قالي يا ا. نبيل انا بتكلم في وادي و انت في وادي تاني...كنت بقوله أنا فاهمك بس مش عارف اتوافق بين اللي فهمته ذهنيا و حركة جسمي اللي ليها خبرات تنس الطاولة ....بقيت و انا بتعلم اقول لنفسي بصوت عالي لنفسي عند كل لعبة ...افرد ايدك ..رجلك اليمين ...هات المضرب ورا ...و اكرر تعليمات المدرب بصوت عالي و انا بلعب كل لعبة و اغير تفكيري من تنس الطاولة لتنس بس .. و كل مرة بقيت اركز اني ادرب ذهني علي التعليم الجديد ...فيه لعب من كتر ما كنت بفشل خصوصا الباك كان بيصعب عليا الولد اللي بيلم الكور خصوصا اتصورت للحظة اني مش ممكن اعرف ارد الكورة و كل مرة يكرر عليا اني اغير ذهني و اركز ..وانا احاول .. دلوقتي اتعلمت مبادىء اللعبة و بقت الكرة رايحة بيني و بينه و ابتدي يعلمني مهارات اللعبة و كتير يصفق لي علي رد كور كنت مش متخيل اني حعرف اردها .. الرغي ده كله علشان اشرح ازاي فهمت تغيير اذهانكم دي ... كتير بنفضل نلف في حلقة مفرغة لاننا مش راضين نغير ذهننا ... كتير بنتعامل مع ربنا بنفس الأفكار القديمة عنه ...أنه معرفته مكلفة ووصيته تقيلة أو أن وجوده يعني ما نتالمش و لا نتجربش أو وجوده مجرد وجودنا في خدمة و طلب شفاعة قديسين أو سداد نذور أو طلب معجزات و تخيل علي طول الطريق أنه بيدير حياتنا بالمعجزات ..كتير بنتعامل مع نفسنا بمخاصمة و ما نحبهاش و مش راضين نبص الا علي تشوهاتها او مناطق حرمانها و مش راضين نغير ذهننا فندور علي مناطق الجمال اللي فيها أو الجزء اللي عندنا و مش محرومين منه ... كتير بندير خلافاتنا الأسرية مثلا بغباء و نقع في فشل متكرر و صدام لأننا بنفكر بنفس الذهن العتيق ...فكر مسبق و خبرات مسبقة سواء جزء منها حقيقي او خيال فكرة أو عقيدة ذهنية بلا منطق و لكن متمسكين بيها ...زي منطق أن الرجل لا يامن له نسائيا او أن الزوج دائما بيخبي اسرار أو تتعامل الزوجة بمنطق أنه ما بقاش يحبها زي زمان فتفضل عينيها مقفولة بالذهن العتيق مش راضية تستقبل اي تعبيرات حب خارج نطاق ما اعتادت عليه أو زوج يتصور غباء الزوجة و عدم قدرتها علي فهمه و يبني الحوار علي هذا العتيق و لا يجدد لا في طرحه للموضوع فربما طريقته هي السبب و في كل مرة نفس الكلمات و الخناق و الزعيق ...يتقلب الحوار لعراك و اتهامات مرسلة و يدخل في نطاق الغضب الذي بلا عقل لان كل طرف مش راضي يغير ذهنه و يبص بطريقة تانية او يفهم الموضوع مش بفكر المؤامرة ( تنس الطاولة ) لكن برؤية جديدة و قواعد جديدة ( التنس ) و ده اكيد بيحصل في تربية ولادنا ..كتير بنمارس خدمتنا بنفس الطريقة اللي اتعودنا عليها و بذهن عتيق و ادوات و اداء خبراتنا القديمة ( تنس الطاولة ) و ما بنجددش ذهننا و نغير أساليب ادائنا لتتناسب مع تغير الأجيال و طبيعة الشباب حاليا ( التنس) .. ده اللي يعمله تجديد الذهن ..في الاول ارتباك بينه و بين الفعل الحقيقي لكن الاصرار علي تجديد الذهن بياخد استنارة الروح القدس و ندخل في اختبار يخلينا نصدق و ندوق حاجة جديدة حتي لو فيه تغصب....زي ما عملت كده ..غيرت ذهني و اتغصبت الاول لإخضاع جسمي للأداء الحركي المناسب للذهن الجديد و كل مرة الكورة بتوصل بتشجع اكتر و اصدق اكتر و بعدين دخل الموضوع في تلقائية اللعب ما بقتش اقول كل مرة لنفسي افرد ايدك و لا رجلك اليمين ...بالعكس ابتديت استمتع و العب بمهارة اكتر ..حتروح الكنيسة غصب شوية حتصلي و انت مالكش مزاج تصلي و حتمسك أجبية و انا مش متعود و حتغير ذهنك اللي بيقولك صلي بالطريقة اللي تعجبك و لما يجيلك مزاج ...و بعد شوية حتلاقي أعماق في اللي بتعمله و حتبقي بتعمله من غير ما تفكر ..حتلاقي جسمك بيصحي بدري تروح القداس و حتلاقي ايدك بتترفع تقول مزمور ..ممكن كده نوصل لاختبار إرادة الله و بعد شوية نلاقي نفسنا ما بنقولش عاوزين نعرف إرادة الله في الموضوع ده لأنه خلاص بقة بقت مختبرة و اللعب بقي تلقائي ووضع المضرب بقي عفوي و ندخل في منطقة التلذذ بربنا و الاستمتاع بيه .. مرضية دي تنفع الاتنين ترضي المدرب و ترضيني ...ترضي ربنا و انا ارضي و اشكر حتي لو في تعب و الم بس لما جددت ذهني و أخضعت نفسي اروح و فعل التجديد ده دخلت في منطقة الاختبار و العشرة ...غيروا ذهنكم ..غيروا ذهنكم في مفاهيمكم عن ربنا ...غيري ذهنك عن نفسك و عن طريقة ادارتك الحياة و عن جوزك شوفيه بعين جديدة و أنه مش مجرد كائن ذكوري مزعج أو تنازل عن محبتك ...غيري ذهنك في خدمتك لولادك و أنهم مش مجرد مسئولية و هم و انك الفيليبينية اللي جابها ابوهم ....اطبخي و نضفي و ساعدي في المذاكرة كل ده بحب ..حتلاقي لغتك اختلفت و هم كمان بيتغيروا .. و بدل حتتطفحوا ايه و لا ارحموا اهلي شوية و لموا هدومكم و لا تنقلبي نونة المجنونة و رابطة شعرك سلعوة و انت بتذاكريلهم و عصبية و اتهامات و عدم تصديقهم و تكذيبهم علي طول الخط حتلاقي دنيتك بقت اسهل و خرجتي بره الضغط اللي انت سجنتي نفسك فيه لما اقتنيني فكرة انك ضيعتي عمرك و زهرة شبابك اللي انقطفت بدري و بصي علي نعمة امومتك اللي اتحرم منها ناس ...بصي علي حالك لو جوزك اللي مش طايقاه ساب الدنيا و رحل .... انت غير مفاهيمك عن ربنا و أنه مجرد قيود ...بص علي مراتك بطريقة مختلفة غير متصيد النقائص ... بص علي ولادك بذهن جديد أنهم بيتغيروا و ليهم منطق لازم نسمعه علي الاقل و نقبل الاختلاف ...غير ذهنك في إدارة شغلك و غير طريقة طرحك الحلول في المشاكل ... بكده الكورة تعدي الشبكة و تفضل رايحة جاية و يمكن تصيب نقطة و تحقق انتصار كنت ما تتصورش انك تحققه لأنك مسجون في فكرك القديم و فشل انت رسمت قضبانه.... نبيل شحاتة |
رد: اكبر مجموعة ايات من الكتاب المقدس مع التأملات
الحق
27 وَجَاءُوا أَيْضًا إِلَى أُورُشَلِيمَ. وَفِيمَا هُوَ يَمْشِي فِي الْهَيْكَلِ، أَقْبَلَ إِلَيْهِ رُؤَسَاءُ الْكَهَنَةِ وَالْكَتَبَةُ وَالشُّيُوخُ، 28 وَقَالُوا لَهُ: «بِأَيِّ سُلْطَانٍ تَفْعَلُ هذَا؟ وَمَنْ أَعْطَاكَ هذَا السُّلْطَانَ حَتَّى تَفْعَلَ هذَا؟» 29 فَأَجَابَ يَسُوعُ وَقَالَ لَهُمْ: «وَأَنَا أَيْضًا أَسْأَلُكُمْ كَلِمَةً وَاحِدَةً. أَجِيبُونِي، فَأَقُولَ لَكُمْ بِأَيِّ سُلْطَانٍ أَفْعَلُ هذَا 30 مَعْمُودِيَّةُ يُوحَنَّا: مِنَ السَّمَاءِ كَانَتْ أَمْ مِنَ النَّاسِ؟ أَجِيبُونِي». 31 فَفَكَّرُوا فِي أَنْفُسِهِمْ قَائِلِينَ: «إِنْ قُلْنَا: مِنَ السَّمَاءِ، يَقُولُ: فَلِمَاذَا لَمْ تُؤْمِنُوا بِهِ؟ 32 وَإِنْ قُلْنَا: مِنَ النَّاسِ». فَخَافُوا الشَّعْبَ. لأَنَّ يُوحَنَّا كَانَ عِنْدَ الْجَمِيعِ أَنَّهُ بِالْحَقِيقَةِ نَبِيٌّ. 33 فَأَجَابُوا وَقَالوا لِيَسوع: «لاَ نَعْلَمُ». فَأجَابَ يَسُوعُ وَقَالَ لَهُمْ: «وَلاَ أَنَا أَقُولُ لَكُمْ بِأَيِّ سُلْطَانٍ أَفْعَلُ هذَا». اقتربوا إليه بشرٍ يسألوه: "من أعطاك هذا السلطان.؟ماذا يعني هذا؟ يقولون: أنك تعلم في الهيكل وأنت من سبط يهوذا لا تُحسب بين الخدام كالكهنة بمعنى آخر من أقامك معلمًا أو من سامك رئيس كهنة؟ وضعوا هذا السؤال ليصطادوه بكلمة، لأنه لو قال أنه سلطانه الذاتي يمسكوه كمجدفٍ، وإن قال أنه من آخر يتشكك الناس فيه، إذ رأوه يعمل أعمالًا إلهية! اكيد فهم يسوع داخلهم الشرير فاوقعهم في شرهم بسؤاله الغير متوقع فقدم لهم سؤالًا بخصوص معمودية يوحنا، إذ اعتاد اليهود أن يتهموا الأنبياء الحقيقيين أنهم كذبة. فإذ ارتبك الفريسيون وخافوا من اتهام يوحنا أنه نبي كاذب توقفوا عن الإجابة،لانهم لو قالوا عن معمودية يوحنا المعمدان من الناس ..يوحنا اللي شهد الناس ليه كنبي و اتهموه كاذب لهاج الشعب و لو قالوا من ربنا حيقولهم طب ما امنتوش بيا ليه إذ يوحنا نفسه شهد عنه أنه أعظم منه و أنه العريس الحقيقي..امتنعوا عن الإجابة ... فأعلنوا أنهم لا يطلبون الحق، ولا يستحقون أن يتعرفوا عليه، لهذا لم يجيبهم السيد على سؤالهم ا. ويقدم لنا القديس أغسطينوس تعليلًا لعدم إجابة السيد سؤالهم بقوله: [أغلقوا الباب على أنفسهم بادعائهم الجهل لما يعرفون، لهذا لم يفتح لهم لأنهم لم يقرعوا، إذ قيل "اقرعوا يفتح لكم" (مت 7: 7). أما هم فليس فقط لم يقرعوا، إنما أنكروا ما يعرفونه، فأحكموا غلق الباب في وجوههم.] كتير بنرفض الحق لان اعترافنا بيه يديننا ..ساعات بنعوج المستقيم علشان ما نتحطش في موقف اللوم ..كتير بنمثل دور الضحية و احنا الجناة ...لما بنرفض نعترف بالحقيقة بنرفض الاستنارة و تصحيح الخطأ..و الدافع ديما الذات و الكرامة و الانا ... ربنا هو الحق ...هو قال عن نفسه كده انا الطريق و الحق و الحياة ...و كان زمان يقولوا عن اتباع يسوع أنهم جماعة الطريق ...طريق ربنا واضح لا يحتاج تأويل و لا لف و دوران ..الصح شايفينه بس مش راضين نعترف بيه لأننا حنحط نفسنا تحت مسئوليه الإصلاح و التعديل ...ناس كتير بتوجد مبررات للخطأ و ماتنطقش الحق ..زوج غلط بس يرمي علي مراته أنها السبب و العكس ..ناس شايفة الحق و ماشية في العوج بحجة كله ماشي كده و انا مش المسيح و انا مش نبي ...الحياة سهلة جدا للي حيشاور علي الحق و صعبة جدا للي بيقلب الحقيقة ..اللي حيقفل عينه عن الحقيقة مش حيعلن المسيح نفسه ليه و حيفضل حجر عثرة لرغباته و ذاته ...لو قاس كل واحد أفعاله بميزان الحق حيقدر يرجع عن الخطأ و الخطية أو علي الاقل يعترف أنه مخطئ و ضعيف مش عارف يرجع فياخد قوة ...لكن فيه ناس صحها نفسها و فكرها و ترفض تراجع خطواتها فتفضل مسجونة في قضبان الضلمة ..ربنا نور لكن كتير نحطة تحت المكيال لأنه لو حطناه علي المكيال حينور و يظهر الغش اللي فينا و خداعنا و البقع السوداء اللي في نيتنا و حياتنا ...سوال في القداس بيرعب ...اين هي قلوبكم ...؟! لو قلت عند الرب طب مخاصم اخوك ليه طب ممرر عيشة مراتك ليه طب منكدة علي بيتك و جوزك وولادك ليه ... الحق معناه تواجه الحقيقة ...هم شايفين الحق بس رافضينه لان الكذب مخليهم عميان خايفين علي مجدهم و كرامتهم ...احنا بنروح للمسكنات لكن الحق زي مشرط الجراح اللي يشيل الورم و ينضف تقيحات دواخلنا ..الذكي يستسلم للطبيب الحقيقي و يعلن الحق ...كم انا مذنب و كم انا مخزي لله و رافض اشاور علي الحق لأنه حيستذنبني... يارب اديني أدرك الحق و اشهد ليه و أصدقه و أدعوه ...اديني شجاعة المواجهة ..لنفسي و للناس ..ساعتها حجري و أقوله أخطأت و ساعتها بس حلاقي حضن دافي مفتوح ...نحن صناع الأكاذيب و مصدقينها لدرجة بنحولها لحقيقة زايفة ...لكل فاقد سلام و مضطرب و موجوع ...شاور علي الحق ..ايوب فضل يعوج و يقول لربنا انا كويس ليه حاطط ايدك عليا ..هات لي خطية و انا احطها اكليل ...صدق كذبة أنه بار و كامل بس لما اتضع و اعترف تصالح مع الله و مع نفسه لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
الحق
27 وَجَاءُوا أَيْضًا إِلَى أُورُشَلِيمَ. وَفِيمَا هُوَ يَمْشِي فِي الْهَيْكَلِ، أَقْبَلَ إِلَيْهِ رُؤَسَاءُ الْكَهَنَةِ وَالْكَتَبَةُ وَالشُّيُوخُ، 28 وَقَالُوا لَهُ: «بِأَيِّ سُلْطَانٍ تَفْعَلُ هذَا؟ وَمَنْ أَعْطَاكَ هذَا السُّلْطَانَ حَتَّى تَفْعَلَ هذَا؟» 29 فَأَجَابَ يَسُوعُ وَقَالَ لَهُمْ: «وَأَنَا أَيْضًا أَسْأَلُكُمْ كَلِمَةً وَاحِدَةً. أَجِيبُونِي، فَأَقُولَ لَكُمْ بِأَيِّ سُلْطَانٍ أَفْعَلُ هذَا 30 مَعْمُودِيَّةُ يُوحَنَّا: مِنَ السَّمَاءِ كَانَتْ أَمْ مِنَ النَّاسِ؟ أَجِيبُونِي». 31 فَفَكَّرُوا فِي أَنْفُسِهِمْ قَائِلِينَ: «إِنْ قُلْنَا: مِنَ السَّمَاءِ، يَقُولُ: فَلِمَاذَا لَمْ تُؤْمِنُوا بِهِ؟ 32 وَإِنْ قُلْنَا: مِنَ النَّاسِ». فَخَافُوا الشَّعْبَ. لأَنَّ يُوحَنَّا كَانَ عِنْدَ الْجَمِيعِ أَنَّهُ بِالْحَقِيقَةِ نَبِيٌّ. 33 فَأَجَابُوا وَقَالوا لِيَسوع: «لاَ نَعْلَمُ». فَأجَابَ يَسُوعُ وَقَالَ لَهُمْ: «وَلاَ أَنَا أَقُولُ لَكُمْ بِأَيِّ سُلْطَانٍ أَفْعَلُ هذَا». اقتربوا إليه بشرٍ يسألوه: "من أعطاك هذا السلطان.؟ماذا يعني هذا؟ يقولون: أنك تعلم في الهيكل وأنت من سبط يهوذا لا تُحسب بين الخدام كالكهنة بمعنى آخر من أقامك معلمًا أو من سامك رئيس كهنة؟ وضعوا هذا السؤال ليصطادوه بكلمة، لأنه لو قال أنه سلطانه الذاتي يمسكوه كمجدفٍ، وإن قال أنه من آخر يتشكك الناس فيه، إذ رأوه يعمل أعمالًا إلهية! اكيد فهم يسوع داخلهم الشرير فاوقعهم في شرهم بسؤاله الغير متوقع فقدم لهم سؤالًا بخصوص معمودية يوحنا، إذ اعتاد اليهود أن يتهموا الأنبياء الحقيقيين أنهم كذبة. فإذ ارتبك الفريسيون وخافوا من اتهام يوحنا أنه نبي كاذب توقفوا عن الإجابة،لانهم لو قالوا عن معمودية يوحنا المعمدان من الناس ..يوحنا اللي شهد الناس ليه كنبي و اتهموه كاذب لهاج الشعب و لو قالوا من ربنا حيقولهم طب ما امنتوش بيا ليه إذ يوحنا نفسه شهد عنه أنه أعظم منه و أنه العريس الحقيقي..امتنعوا عن الإجابة ... فأعلنوا أنهم لا يطلبون الحق، ولا يستحقون أن يتعرفوا عليه، لهذا لم يجيبهم السيد على سؤالهم ا. ويقدم لنا القديس أغسطينوس تعليلًا لعدم إجابة السيد سؤالهم بقوله: [أغلقوا الباب على أنفسهم بادعائهم الجهل لما يعرفون، لهذا لم يفتح لهم لأنهم لم يقرعوا، إذ قيل "اقرعوا يفتح لكم" (مت 7: 7). أما هم فليس فقط لم يقرعوا، إنما أنكروا ما يعرفونه، فأحكموا غلق الباب في وجوههم.] كتير بنرفض الحق لان اعترافنا بيه يديننا ..ساعات بنعوج المستقيم علشان ما نتحطش في موقف اللوم ..كتير بنمثل دور الضحية و احنا الجناة ...لما بنرفض نعترف بالحقيقة بنرفض الاستنارة و تصحيح الخطأ..و الدافع ديما الذات و الكرامة و الانا ... ربنا هو الحق ...هو قال عن نفسه كده انا الطريق و الحق و الحياة ...و كان زمان يقولوا عن اتباع يسوع أنهم جماعة الطريق ...طريق ربنا واضح لا يحتاج تأويل و لا لف و دوران ..الصح شايفينه بس مش راضين نعترف بيه لأننا حنحط نفسنا تحت مسئوليه الإصلاح و التعديل ...ناس كتير بتوجد مبررات للخطأ و ماتنطقش الحق ..زوج غلط بس يرمي علي مراته أنها السبب و العكس ..ناس شايفة الحق و ماشية في العوج بحجة كله ماشي كده و انا مش المسيح و انا مش نبي ...الحياة سهلة جدا للي حيشاور علي الحق و صعبة جدا للي بيقلب الحقيقة ..اللي حيقفل عينه عن الحقيقة مش حيعلن المسيح نفسه ليه و حيفضل حجر عثرة لرغباته و ذاته ...لو قاس كل واحد أفعاله بميزان الحق حيقدر يرجع عن الخطأ و الخطية أو علي الاقل يعترف أنه مخطئ و ضعيف مش عارف يرجع فياخد قوة ...لكن فيه ناس صحها نفسها و فكرها و ترفض تراجع خطواتها فتفضل مسجونة في قضبان الضلمة ..ربنا نور لكن كتير نحطة تحت المكيال لأنه لو حطناه علي المكيال حينور و يظهر الغش اللي فينا و خداعنا و البقع السوداء اللي في نيتنا و حياتنا ...سوال في القداس بيرعب ...اين هي قلوبكم ...؟! لو قلت عند الرب طب مخاصم اخوك ليه طب ممرر عيشة مراتك ليه طب منكدة علي بيتك و جوزك وولادك ليه ... الحق معناه تواجه الحقيقة ...هم شايفين الحق بس رافضينه لان الكذب مخليهم عميان خايفين علي مجدهم و كرامتهم ...احنا بنروح للمسكنات لكن الحق زي مشرط الجراح اللي يشيل الورم و ينضف تقيحات دواخلنا ..الذكي يستسلم للطبيب الحقيقي و يعلن الحق ...كم انا مذنب و كم انا مخزي لله و رافض اشاور علي الحق لأنه حيستذنبني... يارب اديني أدرك الحق و اشهد ليه و أصدقه و أدعوه ...اديني شجاعة المواجهة ..لنفسي و للناس ..ساعتها حجري و أقوله أخطأت و ساعتها بس حلاقي حضن دافي مفتوح ...نحن صناع الأكاذيب و مصدقينها لدرجة بنحولها لحقيقة زايفة ...لكل فاقد سلام و مضطرب و موجوع ...شاور علي الحق ..ايوب فضل يعوج و يقول لربنا انا كويس ليه حاطط ايدك عليا ..هات لي خطية و انا احطها اكليل ...صدق كذبة أنه بار و كامل بس لما اتضع و اعترف تصالح مع الله و مع نفسه لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
حجر الزاوية
وَابْتَدَأَ يَقُولُ لَهُمْ بِأَمْثَال: «إِنْسَانٌ غَرَسَ كَرْمًا وَأَحَاطَهُ بِسِيَاجٍ، وَحَفَرَ حَوْضَ مَعْصَرَةٍ، وَبَنَى بُرْجًا، وَسَلَّمَهُ إِلَى كَرَّامِينَ وَسَافَرَ. 2 ثُمَّ أَرْسَلَ إِلَى الْكَرَّامِينَ فِي الْوَقْتِ عَبْدًا لِيَأْخُذَ مِنَ الْكَرَّامِينَ مِنْ ثَمَرِ الْكَرْمِ، 3 فَأَخَذُوهُ وَجَلَدُوهُ وَأَرْسَلُوهُ فَارِغًا. 4 ثُمَّ أَرْسَلَ إِلَيْهِمْ أَيْضًا عَبْدًا آخَرَ، فَرَجَمُوهُ وَشَجُّوهُ وَأَرْسَلُوهُ مُهَانًا. 5 ثُمَّ أَرْسَلَ أَيْضًا آخَرَ، فَقَتَلُوهُ. ثُمَّ آخَرِينَ كَثِيرِينَ، فَجَلَدُوا مِنْهُمْ بَعْضًا وَقَتَلُوا بَعْضًا. 6 فَإِذْ كَانَ لَهُ أَيْضًا ابْنٌ وَاحِدٌ حَبِيبٌ إِلَيْهِ ،أَرْسَلَهُ أَيْضًا إِلَيْهِمْ أَخِيرًا، قَائِلاً: إِنَّهُمْ يَهَابُونَ ابْنِي! 7 وَلكِنَّ أُولئِكَ الْكَرَّامِينَ قَالُوا فِيمَا بَيْنَهُمْ: هذَا هُوَ الْوَارِثُ! هَلُمُّوا نَقْتُلْهُ فَيَكُونَ لَنَا الْمِيرَاثُ! 8 فَأَخَذُوهُ وَقَتَلُوهُ وَأَخْرَجُوهُ خَارِجَ الْكَرْمِ. 9 فَمَاذَا يَفْعَلُ صَاحِبُ الْكَرْمِ؟ يَأْتِي وَيُهْلِكُ الْكَرَّامِينَ، وَيُعْطِي الْكَرْمَ إِلَى آخَرِينَ. 10 أَمَا قَرَأْتُمْ هذَا الْمَكْتُوبَ: الْحَجَرُ الَّذِي رَفَضَهُ الْبَنَّاؤُونَ، هُوَ قَدْ صَارَ رَأْسَ الزَّاوِيَةِ؟ 11 مِنْ قِبَلِ الرَّبِّ كَانَ هذَا، وَهُوَ عَجِيبٌ فِي أَعْيُنِنَا!» 12 فَطَلَبُوا أَنْ يُمْسِكُوهُ، وَلكِنَّهُمْ خَافُوا مِنَ الْجَمْعِ، لأَنَّهُمْ عَرَفُوا أَنَّهُ قَالَ الْمَثَلَ عَلَيْهِمْ. فَتَرَكُوهُ وَمَضَوْا. هذا المثل معروف لاغلبنا ... لهذا دعونا نلتقط بعض حبات الروح الله هو الذى يبدأ ... محبة ربنا تظهر انه بداية كل شىء ...هو الذى ياتى و يدعو و ينادينى هو اللى غرس ... اعطانا البنوة بالمعمودية و اعطانا روحه بالميرون هو اللى حوط بسياج ... الملائكة و شفاعة القديسين هو اللى حفر حوض المعصرة ... انه المذبح الذى فيه كرمه الذى فيه الحياة هو اللى بنى برج .. البرج اشارة الى اورشليم السمائية .. الى اسم ربنا البرج الحصين الذى يحتمى فيهاولاده و يتمنعون ربنا ديما صاحب البداية ... محبته الحقيقة هى محرك اتضاعه لايحسب الا اشواقه الى قلوبنا .. نخطىء فيدعونا للرجوع ..نرجع فيقبلنا و يعطينا الغفران .. نحيا معه فيمتنعنا و فى كل ده هو البادىء ...حتى فى التوبة يقول توبنى يارب فاتوب يعنى ابدا انت كعادتك و انا اتوب .. احنا محبتنا ضيقة جدا و يتعطلها ذواتنا و كرامتنا ... لكن الله نحن نخاصمه و هو يصالحنا ..نحن نخطىء و هو يعرض الغفران و النسيان ... نصمت فيدعونا للحوار و يقول تعالوا نتحاجج ... محبة فائقة بلا حدود .. سافر دى مش معناها رفع ايده ... سافر دى معناها ترك الحرية كاملة .. الله اعطى لنا الامكانيات و تركنا فى حرية كاملة ... لا ليتربص بينا و يتصيد اخطاءنا ربنا ما بيعملش كمين للانسان لكن بيحترمه و بيقدره كشخص ليه حق الاختيار ...منتهى الحب ان يفعل كل الخير لينا ثم يترك لنا الاختيار ...ساعات ندى فقراء او اللى بيساعدونا فى البيت و بعدين نطلب منهم حاجة بس نطلبها بمنطق كسر العين و ياويلهم لو اعتذروا او ما عملوهاش ...ديما خيرنا و عطاءنا مشروط و مقيد ... لكن محبة ربنا كاملة و حقيقية سافر دى تدى كمان معنى طول اناة ربنا و صبره ... مساحة من الوقت هى عمرك يعطينا فرصة ان نهتم بالكرم الذى بين ايادينا .... زمن توبة ..زمن رجوع .. كرم خدمتنا ..كرم بيوتنا .. ساعات بشوف فى حالات الوفاة زوجة منكبة على الصندوق او اخ على صندوق اخوه او زوج على صندوق زوجته و همهمات اعتذارات و سامحنى و سامحينى و هستيرية حزن و صراخ ان يسمع و لا يسمع ...طب ما هو كان قدامك و كان قدامك و كانت قدامك ... ارسل عبيده ...دول خدامه ..دول كهنته اللى بنستخف بكلامهم و نرفض نصحهم و نقاوم ارشادهم ...دول الخادم اللى يفتقدك و انت تقوله حاجى انشاء الله و انت فى قلبك بتزحلقه ...ده ابونا اللى بيوصيك تعدلى حياتك في بيتك و مع ولادك و جوزك و انتى تقولى له انشاء الله صلى لى و انتى فى قلبك ستزدادى عنادا ...ده ابونا اللى بيقولك ابعد عن الشر و انت مصر تتمسك بيه ... النص بيشاور على الانبياء اللى رفضهم اليهود و قتلوهم .. الخطورة ... الذى عندك ينزع و يعطى لاخر .. يهلك الكرامين دى تخوف الكل .. و بعدين يدى امل للاخرين ... للغلابة و اللى ما خدوش حظهم من الدنيا .. للى على قدهم فى الحياة الروحية .. حيديهم فرصتهم و يسندهم بس المرة دى بنفسه ... الحجر الذى رفضه البناؤن صار راس الزاوية ... اتقال اثناء بناء هيكل سليمان البناؤون شافوا حجر ضخم فرفضوه و ركنوه فى احتقار لانه من وجه نظرهم مش حيعرفوا يستخدموه فى البناء لكن احتاجوا يحطوا حجر فى الزاوية كاساس للهيكل رجعوا للحجر اللى رفضوه فى الول يبقى من ضمن حجار البناء و خلوه هو الاساس و حجر الزاوية ... ابنك اللى شايف امكانياته ضعيفة ممكن يبقى حجر زاوية ...مراتك اللى بتستغباها و شايف نفسك بتفهم اكتر ممكن تبقى حجر زاوية ..جوزك اللى مش مشبع و صغير فى عينك ممكن يبقى حجر زاوية ... ارجع تانى و افحص حجارتك يحسم تكون محتقر حجر هو راس الزاوية من قبل الرب كان هذا ... الخلاص من عند ربنا ...ما فيش حاجة حتتعدل فى حياتنا الا لما ربنا يعدلها ...كان عجيب فى اعيننا ... خلاص الله عجيب ...تدخلات الله عجيبة لانها لا تخضع لمنطق بشر .. لانه بعد ما جلدوه و صلبوه و ذاق الموت قام ...اعطانا الخلاص العجيب فى اعيننا ... لالهنا المجد و الكرامة نبيل شحاتة |
رد: اكبر مجموعة ايات من الكتاب المقدس مع التأملات
لا يزوجون
ثُمَّ أَرْسَلُوا إِلَيْهِ قَوْمًا مِنَ الْفَرِّيسِيِّينَ وَالْهِيرُودُسِيِّينَ لِكَيْ يَصْطَادُوهُ بِكِلْمَةٍ. 14 فَلَمَّا جَاءُوا قَالُوا لَهُ: «يَا مُعَلِّمُ، نَعْلَمُ أَنَّكَ صَادِقٌ وَلاَ تُبَالِي بِأَحَدٍ، لأَنَّكَ لاَ تَنْظُرُ إِلَى وُجُوهِ النَّاسِ، بَلْ بِالْحَقِّ تُعَلِّمُ طَرِيقَ اللهِ. أَيَجُوزُ أَنْ تُعْطَى جِزْيَةٌ لِقَيْصَرَ أَمْ لاَ؟ نُعْطِي أَمْ لاَ نُعْطِي؟» 15 فَعَلِمَ رِيَاءَهُمْ، وَقَالَ لَهُمْ: «لِمَاذَا تُجَرِّبُونَنِي؟ اِيتُونِي بِدِينَارٍ لأَنْظُرَهُ.» 16 فَأَتَوْا بِهِ. فَقَالَ لَهُمْ: «لِمَنْ هذِهِ الصُّورَةُ وَالْكِتَابَةُ؟» فَقَالُوا لَهُ: «لِقَيْصَرَ». 17 فَأَجَابَ يَسُوعُ وَقَالَ لَهُمْ: «أَعْطُوا مَا لِقَيْصَرَ لِقَيْصَرَ وَمَا للهِ للهِ». فَتَعَجَّبُوا مِنْهُ. 18 وَجَاءَ إِلَيْهِ قَوْمٌ مِنَ الصَّدُّوقِيِّينَ، الَّذِينَ يَقُولُونَ لَيْسَ قِيَامَةٌ، وَسَأَلُوهُ قَائِلِينَ: 19 «يَا مُعَلِّمُ، كَتَبَ لَنَا مُوسَى: إِنْ مَاتَ لأَحَدٍ أَخٌ، وَتَرَكَ امْرَأَةً وَلَمْ يُخَلِّفْ أَوْلاَدًا، أَنْ يَأْخُذَ أَخُوهُ امْرَأَتَهُ، وَيُقِيمَ نَسْلاً لأَخِيهِ. 20 فَكَانَ سَبْعَةُ إِخْوَةٍ. أَخَذَ الأَوَّلُ امْرَأَةً وَمَاتَ، وَلَمْ يَتْرُكْ نَسْلاً. 21 فَأَخَذَهَا الثَّانِي وَمَاتَ، وَلَمْ يَتْرُكْ هُوَ أَيْضًا نَسْلاً. وَهكَذَا الثَّالِثُ. 22 فَأَخَذَهَا السَّبْعَةُ، وَلَمْ يَتْرُكُوا نَسْلاً. وَآخِرَ الْكُلِّ مَاتَتِ الْمَرْأَةُ أَيْضًا. 23 فَفِي الْقِيَامَةِ، مَتَى قَامُوا، لِمَنْ مِنْهُمْ تَكُونُ زَوْجَةً؟ لأَنَّهَا كَانَتْ زَوْجَةً لِلسَّبْعَةِ». 24 فَأَجَابَ يَسُوعُ وقَالَ لَهُمْ: «أَلَيْسَ لِهذَا تَضِلُّونَ، إِذْ لاَ تَعْرِفُونَ الْكُتُبَ وَلاَ قُوَّةَ اللهِ؟ 25 لأَنَّهُمْ مَتَى قَامُوا مِنَ الأَمْوَاتِ لاَ يُزَوِّجُونَ وَلاَ يُزَوَّجُونَ، بَلْ يَكُونُونَ كَمَلاَئِكَةٍ فِي السَّمَاوَاتِ. 26 وَأَمَّا مِنْ جِهَةِ الأَمْوَاتِ إِنَّهُمْ يَقُومُونَ: أَفَمَا قَرَأْتُمْ فِي كِتَابِ مُوسَى، فِي أَمْرِ الْعُلَّيْقَةِ، كَيْفَ كَلَّمَهُ اللهُ قَائِلاً: أَنَا إِلهُ إِبْرَاهِيمَ وَإِلهُ إِسْحَاقَ وَإِلهُ يَعْقُوبَ؟ 27 لَيْسَ هُوَ إِلهَ أَمْوَاتٍ بَلْ إِلهُ أَحْيَاءٍ. فَأَنْتُمْ إِذًا تَضِلُّونَ كَثِيرًا!». الفريسين ...دول حزب او مجموعة دينية يهودية متزمتة متمسكة بالحرف لها عبادة ظاهرية و ديما المسيح كان يوبخهم على عباداتهم الشكلية الهيروديسين .. دول حزب او مجموعة سياسية تتبع هيرودس الكبير و منهم فريسين و صدوقيين و دول كان ليهم امال ان الامة اليهودية خلاصها على ايد ال او نسل هيرودس قيصر ساعتها كان اسمه طيباريوس و ده كان مشهور بالقسوة و كانت الجزية مفروضة على كل راس ..اليهود كانوا متعصبين و شايفين ان الجزية ضد الشريعة و الهيروديسين كانوا موافقين شكلا نوع من التملق للرومان لحد ما ياخدوا اللى عاوزينه يبقى الكمين اللى عاملينه للمسيح لو قال لا ما تدوش الجزية يشتكيه الهيروديسين و لو قال ادوا الجزية يقع مع اليهود اللى هو منهم و يبداوا ينفضوا عنه و يبعدوا عن تعاليمه ...وابتدوا الكمين بنعومة و مكر بقولهم يا معلم نعلم انك صادق و لا تبالى باحد بالبلدى كده بيسخنوه علشان لا يحذر و يندفع فى الرد فيخطىء .. و كانهم بيقولوا له قول ما ندفعش انت ما بيهمكش حد .. طبعا قدموله عملة الرومان لانهم كانوا تحت الاستعمار و قال قوله الشهير مال قيصر لقيصر و مال الله لله .. اعلن السيد المسيح ان المسيحية لا تبحث عن ملك ارضى و لا لها علاقة بالسياسة بل على كل مسيحى الخضوع للقوانين طالما لا تتعارض مع طاعة الله .. الصديقون ...دول فرقة يهودية دينية منسوبين لواحد اسمه صادوق اللى عاش ايام داود و ايامه كانت عيلته هى اللى حافظة رياسة الكهنوت ...دول كانوا اغنياء و متعلمين و اصحاب مراكز و احبوا الثقافة اليونانية و كان ليهم بعد سياسى و مادى علشان كده كانوا رافضين فكرة عودة الروح للجسد فى القيامة و رافضين اصلا فكرة القيامة و كانوا بينكروا اسفار العهد القديم الا اسفار موسى الخمسة علشان كده المسيح رد عليهم باية من اسفار موسى اللى بيؤمنوا بيها فكرة اخو الزوج يتجوز مرات اخوه ...كانت وصية فى حالة ان اتفق اخوة انهم يسكنوا مع بعض و بعدين مات واحد و بقت مراته ارملة هنا يتزوجها احوه و يرعاها و ينسب البكر باسم اخيه علشان ما تخرجش الارض لاجنبى ....يعنى كانت وصية مربوطة بشرط ان الاخوة يسكنوا مع بعض اذا سكن اخوة معا و مات واحد منهم و ليس له ابن فلا تصر امراة الميت الى خارج لرجل اجنبي اخو زوجها يدخل عليها و يتخذها لنفسه زوجة و يقوم لها بواجب اخي الزوج تث 25 - 5 يعنى حكاية اخو جوزها يتجوزها حالة خاصة طبعا افترضوا الصدوقيون حكاية خيالية معقدة للسخرية من حكاية القيامة من الاموات و حطوها فى مخنق مادى يتفق و فكرهم الضيق انه ازاى يبقى فيه قيامة و الاجساد تقوم و هل حيبقى فيه جواز و جنس ؟!! و علشان كده حطوا حكاية معقدة ... هى زوجة لكل واحد طب بقة لو قامت حتبقى زوجة مين ؟ فكر جسدى ساذج و قلب مقفول على شهوات الجسد بس فاعلن ايماننا ... اولا قالهم انهم جهلاء بالكتب اللى بيؤمنوا بيها و ذكر ليهم اية ان ربنا اله احياء و ليس اموات و دى تخلينا نفتش عن ربنا فى الكتاب المقدس و ندور لى الحقيقة ...مش معقول يكون ابراهيم فنى و لا اسحق معدلهوش وجود لما مات و ربنا ينسب نفسه ليهم ....شرحلهم جزء تانى روحى بعيد عن عيونهم المقفولة و المنحصرة فى الجسد بس ...ان الانسان حيقوم بجسده صحيح لكن مش جسد ترابى على وضعه الحالى لا .. لكن نورانى و يتحد بروحه اللى فارقته و يبقى انسان ممجد لان جسده مختلف مش محتاج ياكل و لا يشرب و لا يتزوج و لا يمارس جنس لانه سيكون فى مجد ابدى و سعادة لا علاقة لها بالماديات و ده حيحصل مش علشان الجنس قلة ادب و لا الاكل حرام مثلا ...لا ؟ لان الهدف من الجنس انتهى ... الاصل ان الجنس يجيب نسل و كمان علاقة تخلى الاتنين واحد علشان كده بيحصل فى سر الزواج اللى بيه بقى الاتنين واحد فبقى الجنس بينهم بياكد الوحدانية و بقوا جسد واحد ... طب الابدية خلاص حنبقى كلنا واحد ... ليكون الجميع واحد كما انك انت فيا و انا فيك ليكون الجميع واحدا فينا ...!! خلاص نطلع فوق بقينا واحد فمبقاش فيه احتياج لاى حاجة فى الارض كانت بتخلينا نبقى واحد ... يعنى مش حنعترف فوق و نتوب لانه خلاص ما فيش خطية و مش حنغلط و لا ننفصل عن ربنا لاننا بقينا واحد ... مش حيبقى فيه رجاء و لا ايمان لانه خلاص اللى بنرجوه حصل و اللى بنؤمن بيه و ما كناش شايفينه خلاص شوفناه .. اللى تبقى بس المحبة لانها ابدية علشان كده بولس قال الايمان و الرجاء و المحبة هذه الثلاثة و لكن اعظمهن المحبة ...خلاص الجسم ده اللى تعب و شقى و انهد حيله فى لقمة عيش و خطايا ووجع و قيام و سقوط حيبقى جسد ممجد ما فيهوش طلبات الجسد الترابى علشان كده قال لهم زى ملايكة السماء .. انشغالهم بربنا و بالعرش و بالتسبيح و الفرح المتجدد اللى مش حينتهى ... جنس ايه ساعتها ؟!! ده يقولك بس عن القديسين اللى كانت عينهم ربنا يكشفلهم شوية عن بهاء السماء يجيلهم حالة دهش و كانهم منفصلين عن العالم بالساعات و يرجعوا و يفتكروا انهم سرحوا ثوانى .. خد بالك ربنا اله احياء ... الجسم اللى مش حيموت تانى لازم يبقى بشكل ابدى الزمن ما يشتغلش فيه علشان كده مش حيبقى ترابى و كل اللى يخص التراب مش حيبقى فيه مش لانها حاجات وحشة لكن لان الغرض منها خلص لما نوصل بالسلامة لالهنا المجد و الكرامة نبيل شحاتة |
رد: اكبر مجموعة ايات من الكتاب المقدس مع التأملات
رحمة لا ذبيحة
فَجَاءَ وَاحِدٌ مِنَ الْكَتَبَةِ وَسَمِعَهُمْ يَتَحَاوَرُونَ، فَلَمَّا رَأَى أَنَّهُ أَجَابَهُمْ حَسَنًا، سَأَلَهُ: «أَيَّةُ وَصِيَّةٍ هِيَ أَوَّلُ الْكُلِّ؟» 29 فَأَجَابَهُ يَسُوعُ: «إِنَّ أَوَّلَ كُلِّ الْوَصَايَا هِيَ: اسْمَعْ يَا إِسْرَائِيلُ. الرَّبُّ إِلهُنَا رَبٌّ وَاحِدٌ. 30 وَتُحِبُّ الرَّبَّ إِلهَكَ مِنْ كُلِّ قَلْبِكَ، وَمِنْ كُلِّ نَفْسِكَ، وَمِنْ كُلِّ فِكْرِكَ، وَمِنْ كُلِّ قُدْرَتِكَ. هذِهِ هِيَ الْوَصِيَّةُ الأُولَى. 31 وَثَانِيَةٌ مِثْلُهَا هِيَ: تُحِبُّ قَرِيبَكَ كَنَفْسِكَ. لَيْسَ وَصِيَّةٌ أُخْرَى أَعْظَمَ مِنْ هَاتَيْنِ». 32 فَقَالَ لَهُ الْكَاتِبُ: «جَيِّدًا يَا مُعَلِّمُ. بِالْحَقِّ قُلْتَ، لأَنَّهُ اللهُ وَاحِدٌ وَلَيْسَ آخَرُ سِوَاهُ. 33 وَمَحَبَّتُهُ مِنْ كُلِّ الْقَلْبِ، وَمِنْ كُلِّ الْفَهْمِ، وَمِنْ كُلِّ النَّفْسِ، وَمِنْ كُلِّ الْقُدْرَةِ، وَمَحَبَّةُ الْقَرِيبِ كَالنَّفْسِ، هِيَ أَفْضَلُ مِنْ جَمِيعِ الْمُحْرَقَاتِ وَالذَّبَائِحِ». 34 فَلَمَّا رَآهُ يَسُوعُ أَنَّهُ أَجَابَ بِعَقْل، قَالَ لَهُ: «لَسْتَ بَعِيدًا عَنْ مَلَكُوتِ اللهِ». وَلَمْ يَجْسُرْ أَحَدٌ بَعْدَ ذلِكَ أَنْ يَسْأَلَهُ! ربما جملة السيد المسيح لهذا الكاتب تقول انه لم يسال بخبث لكن بانجذاب للمسيح لما شافه بيجاوب بطريقة روحية فائقة و يظهر ان سؤال ايه الوصية اللى فوق الكل دى كانت منطقة حوار بينهم و بين بعض ككتبة و فريسين فى مناقشات فلسفية و اظهار العقل و المنطق .. و ساعات احنا نقسم الوصايا الى وصية ثقيلة و وصية خفيفة فجه المسيح يشرح بمفهوم مفعم بالروحانية شرح له السيد مفهوم الوصية بشكل عام و ان الوصايا تمثل وحدة واحدة لا يمكن فصلها عن بعضها البعض،ان الرب الله واحد ايمانا بالواحد ده من خلال محبتنا ليه و محبتنا ليه دى مافيهاش انفصال عن محبتنا لاخوتنا او ترجمة محبتنا ليه او من ضمن تعبيرنا عن محبتنا ليه محبة الاخر .. اصل السماء هى تمام الحب و لو فيه واحد مش بيحب او قلبه ضيق تجاه الاخر طب ده حيعيش معاه فى الابدية ازاى ؟!! خد بالك رد الكاتب ده عبارة عن تكرار للوصية و للى قاله المسيح بس بمعنى جديد ...مستنير ...علشان كده اضاف هى افضل من جميع المحرقات و الذبائح ..هذه هى الحقيقة ان الله يريد رحمة لا ذبيحة ..شرحها مرة فى انجيل متى لما قال فَلَوْ عَلِمْتُمْ مَا هُوَ: إِنِّي أُرِيدُ رَحْمَةً لاَ ذَبِيحَةً، لَمَا حَكَمْتُمْ عَلَى الأَبْرِيَاءِ!.. فيه ناس بحسب الوصية و حسب الاعراف و حسب المبادىء تقول خاطىء و ما ينفعش يخدم و ده غير اللى كنا فاكرينه ..ده نزل من نظرنا ..!! لكن الله يعرف الدافع و يفحص الموضوع بشكل كامل فيبرئه ...و عطاهم مثل أن الكهنة في السبت في الهيكل يدنسون السبت وهم أبرياء و كان يقصد ان الكهنة المفروض السبت ده مقدس و ما حدش بيعمل فيه حاجة بس لو صادف السبت ده اليوم الثامن لطفل فطبيعى اهله يقدموا ذبيحة و الكهنة يقوموا بعملهم يذبحوا و يسلخوها و شيها و ختان الطفل ...كلها اعمال لو اتقيمت بمنطق انها كسر للسبت يبقى يتحكم عليهم انهم دنسوه و كسروا الوصية لكن بيعملوا العمل ده جوه الهيكل مش براه و علشان كده ما اتحسبش ليهم خطية لان المولود اهم من السبت ..مش كل اللى ما بيرحش الكنيسة فى المناسبات مقصر ممكن يكون بيخدم اهل البيت و بيقدم رحمة مش ذبيحة ...مش كل اللى تسمعه عن حد او من شكوى حد تحكم عليه مانتش عارف اصل الحكاية ايه !!! عجبتنى قصة اتحكت بصورها على الفيسبوك عن واحدة زنجية فقيرة جدا في أمريكا ولادها ما كلوش ليومين راحت السوبر ماركت حبت تشترى 5 بيضات لم تجد معها ما يكفى اضطرت ان تسرقهم ووضعتهم فى حقيبتها .. اتكسر البيض و انكشفت و لكن ظابط الشرطة اراد ان يعرف ما الذى يجعل امرأة تبلغ من العمر 47 سنة تفعل ذلك و لما عرف السبب دفع تمن ال 5 بيضات و اشترى طعاما لها و ابنائها و ذهب اليها مساء و معه طعاما للبيت على وعد الا تسرق ثانية ...فعل رحمة غير حياة انسان 180 درجة ... الرحمة التى تخترق قلب الله هى ان تقدم خيرا فى وقت يرى الجميع ان تقدم فيه شرا و لن يلومك احد لالهنا المجد و الكرامة الى الابد امين نبيل شحاتة |
رد: اكبر مجموعة ايات من الكتاب المقدس مع التأملات
12 يَا رَبُّ، تَجْعَلُ لَنَا سَلاَمًا لأَنَّكَ كُلَّ أَعْمَالِنَا صَنَعْتَهَا لَنَا....
كل اعمالنا صنعتها لنا ...يعني بالبلدي كده ما بعرفش اعمل حاجة ... كل اعمالنا انت اللي بتعملها.. انت بتعمل كل حاجة ..انت قلت تكون زي الاطفال.. و انا رغم شيبتي طفل ...بس مش طفل في قلبه و نقاوته لا ...طفل في شقاوته و بهدلته ...طفل ... حتاخد منه ايه يارب غير مصايب و لخبطة و يوسخ نفسه و يكسر ... و أمه و أبوه يصلحوا و ينضفوا ...ده حتي لو ضجرت الام و نسيت رضيعها انت ما بتنساش ... كل اعمالنا صنعتها لنا ....باظت مني حياتي ...حتي لو باظت مع بناتي معرفتش اربيهم كويس و لا مع مراتي و اتخرب البيت و لا في خدمتي ديما مقصر و لا في شهوتي ساقط و متممرغ ...ميت واحد يقول انت السبب ..ماشي انا السبب و باظت ...خلاص كده ؟! ...لا ...يَا رَبُّ، تَجْعَلُ لَنَا سَلاَمًا لأَنَّكَ كُلَّ أَعْمَالِنَا صَنَعْتَهَا لَنَا مستني ايه من لعازر اللي انتن حيقوم يفك نفسه و يرجع حياته ....مستني ايه من مفلوج مالهوش حد يسنده و لا يزقه ...وحيد و خطيته سبب بلوته ..باظت ...ماشي ...حيعمل ايه ..يموت نفسه ..؟! يَا رَبُّ، تَجْعَلُ لَنَا سَلاَمًا لأَنَّكَ كُلَّ أَعْمَالِنَا صَنَعْتَهَا لَنَا مستني ايه من مجدلية و لا سامرية ..مستني ايه من شمشون و هو في حضن دليلة .. ؟! يَا رَبُّ، تَجْعَلُ لَنَا سَلاَمًا لأَنَّكَ كُلَّ أَعْمَالِنَا صَنَعْتَهَا لَنَا بص يارب انا جربت نفسي و فهمت إن ما فيش حاجة بالنسبة لي حتنفع ...صلاة و صليت ..جهاد روحي عملت علي قدي ...بحاول مع نفسي...شغل بجتهد اني اغير و أوسع رزقي ...بحاول في كل اتجاهات حياتي بس صدقني فشلت ..مش عارف اعدلها ....ايه خلاص كده ..خلصت ...طب اللي انت كتبته ده ايه ...وهم !!! كلام نسكن بيه نفوسنا المجروحة و لا حقيقة ...انا متمسك بالآية دي ...يَا رَبُّ، تَجْعَلُ لَنَا سَلاَمًا لأَنَّكَ كُلَّ أَعْمَالِنَا صَنَعْتَهَا لَنَا....اعمالنا صنعتها لنا ...ياللا صلح اللي اتخرب و اللي انكسر و اللي انجرح و اللي اتشوه ...طفل و باظت منه ...أبوه حيعمل عقله بعقله و لا حيعمله الصح و يعلمه ...شوف يارب ما تستناش مني حتي الفلسين ...انا بتاع الخنازير ...انا الاعمي اللي ع الطريق ...حيعمل عينين لنفسه ؟! يَا رَبُّ، تَجْعَلُ لَنَا سَلاَمًا لأَنَّكَ كُلَّ أَعْمَالِنَا صَنَعْتَهَالَنَا بهذا اصلي و علي هذه اتكلم و اتكل و انتظر نبيل شحاتة |
رد: اكبر مجموعة ايات من الكتاب المقدس مع التأملات
الكاسي السموات سحابًا
المهيئ للأرض مطرًا المنبت الجبال عشبًا المعطي للبهائم طعامًا لفراخ الغربان التي تصرخ." مز ١٤٧ اشمعني فراخ الغربان ....يقال انه بمجرد فقس البيض و ظهور الصغار تفزع الأم لان لونهم مختلف بلا ريش فتبعد و لا تقدم لهم طعاما ..فتصرخ فراخ الغربان جوعا ..و قيل إن عينها تفرز مادة لزجة تسقط نحو افواهها فتلتقط الحشرات الصغيرة التي تلتصق بها و تبتلعها إلي أن يبدأ ريشها ينمو فيأنس لها والديها و يهتموا بهم .. تخيل معايا كده بشوية حسابات بسيطة ... الغراب موجود في مكان مرتفع و مهجور قد يزيد حجمه عن 10متر.. فوق المكان ده يوجد العش الذي مساحته تقريبا10سم ... في العش ده توجد فراخ الغربان ... كل فرخ لا يزيد عن ٣ سم ... رأس فرخ الغراب لا تزيد عن 1سم ... المساحة ما بين العين و المنقار لا تزيد عن ٥ مللي ... الذبابة أو الحشرة اللي ممكن يبلعها الفرخ لا تزيد عن ٥ مللي و الا يتخنق ما يعرفش يبلعها ... ... فكر كده بالعقل اللي بتفكر بيه و معطل ايمانك و ثقتك بربنا ......ما هو احتمال أن تصطدم ذبابة تطير في هذه المساحة من الهواء بفرخ غراب يطل برأسه من العش؟!!!!! مش بجسم فرخ الغراب كله لا .... لكن تصطدم بالمنطقة بين عينه و منقاره اللي هي ٥ مللي ؟!!!!!!!! و حتى لو افترضنا أنها ذبابة منحوسة لهذه الدرجة و طايرة قريب من الفرخ ده ... طب هي البعيدة عمياء ؟!!!! يعني مش عارفة تميز الفرخ ده فتحود في مسارها لتتفاداه ؟! لا يوجد إلا احتمال واحد ... أن يكون الله هو من ساقها بيديه الحانية لتكون وجبة لفرخ غراب يبكي من شدة الجوع ... لتكون مجرد حلقة في سلسلة غذائية في نظام محكم أسسه هو بيده ... الله الذي يعطي البهائم طعامها............ و فراخ الغربان التي تدعوه ... و كأن صراخ فرخ الغراب مش لامه اللي تركته بل صراخ لالهه ...ربنا اعتبره كده أن صراخ الفرخ ده ليه هو .. (( التي تدعوه )) اذا كان رزقك ضيق بالعقل و حاولت بفهمك و لم تستطع أن تزيده قامة ...اذا كنت ضعيفا مثلي منبوذ من اقرب الناس اليك مكسور القلب ..مرفوض ... ليس لك امكانيات أو جناح تحلق به ..اذا كانت عيونك مغلقة لم تبصر بعد ... ليس لك إلا أن تصرخ... نعم اصرخ و سيعتبر الله صراخك مناداة له شخصيا و دعوة لشخصه لا غيره ... اصرخ فصرخاتك هي ما تبقت لك للحياة .. و لاتملك غيرها ...فاصرخ من القلب .. و قل مع المزمور من الاعماق صرخت اليك يارب يارب اسمع صوتي ... سيسمع و لن يخزيك ابدا ...انا اصرخ لك ياسيدي ..اصرخ اليك كمن ليس له نجاة الا انت .. نبيل شحاتةhttps://upload.chjoy.com/uploads/1508925150691.jpg |
رد: اكبر مجموعة ايات من الكتاب المقدس مع التأملات
انفتح..
ثُمَّ خَرَجَ أَيْضًا مِنْ تُخُومِ صُورَ وَصَيْدَاءَ، وَجَاءَ إِلَى بَحْرِ الْجَلِيلِ فِي وَسْطِ حُدُودِ الْمُدُنِ الْعَشْرِ. 32 وَجَاءُوا إِلَيْهِ بِأَصَمَّ أَعْقَدَ، وَطَلَبُوا إِلَيْهِ أَنْ يَضَعَ يَدَهُ عَلَيْهِ. 33 فَأَخَذَهُ مِنْ بَيْنِ الْجَمْعِ عَلَى نَاحِيَةٍ، وَوَضَعَ أَصَابِعَهُ فِي أُذُنَيْهِ وَتَفَلَ وَلَمَسَ لِسَانَهُ، 34 وَرَفَعَ نَظَرَهُ نَحْوَ السَّمَاءِ، وَأَنَّ وَقَالَ لَهُ: «إِفَّثَا». أَيِ انْفَتِحْ. 35 وَلِلْوَقْتِ انْفَتَحَتْ أُذْنَاهُ، وَانْحَلَّ رِبَاطُ لِسَانِهِ، وَتَكَلَّمَ مُسْتَقِيمًا. 36 فَأَوْصَاهُمْ أَنْ لاَ يَقُولُوا لأَحَدٍ. وَلكِنْ عَلَى قَدْرِ مَا أَوْصَاهُمْ كَانُوا يُنَادُونَ أَكْثَرَ كَثِيرًا. 37 وَبُهِتُوا إِلَى الْغَايَةِ قَائِلِينَ: «إِنَّهُ عَمِلَ كُلَّ شَيْءٍ حَسَنًا! جَعَلَ الصُّمَّ يَسْمَعُونَ وَالْخُرْسَ يَتَكَلَّمُونَ». المعجزة دي فيها حاجات عملها المسيح غريبة ..خده علي جنب ..حط أصابعه في ودنه و تفل و لمس لسانه ...في الحقيقة تفل دي و لمس لسانه حاليا مش اجمل حاجة يعني و عمل مش اي حد يقبله ...اولا خلونا نمشي حتة حتة ... أصم يعني ما بيسمعش و أعقد يعني ثقيل اللسان و الاتنين دول يخلوه في سجن نفسي و كلماته عبارة عن همهمات و اصوات اقرب للصفير و بصوت عالي متقطع لأنه مش بيسمع نفسه و ما يعرفش يضبط التون ..الحالة دي تخليه بيراقب وشوش الناس و يحاول يقرأ تعبيرات وشهم يمكن يعرف يتواصل و ده بيؤلمه اكيد لاحساس العجز خصوصا لو لقي الناس بتشاور عليه أو بتتكلم من وراه أو بتضحك و هي بتتكلم عليه ...و علشان كده ربنا خده علي جنب علشان يجنبه فضول الناس اللي واقفة تتفرج ازاي حيشفيه ..و كان لازم يسوع يعمل معاه حركات جسدية خاصة يفهمها لأنه لا سامع يسوع و لا عارف يكلمه ...علشان كده لمسه بأصابعه في أذنه ..عاوز يقوله أنه عارف ألمه و حيشفيه و اكيد اللمسة دي كان فيها قوة من نوع قوة نازفة الدم .. لمسة تثير انتباهه و تحفزه ..طب و حكاية تفل دي في الحقيقة ممكن تتضايق و مش عاوز اقول يعني حاجة تثير الاشمئزاز لو بتتعمل دلوقتي ..بس لو عرفت أنه في الزمن ده كان فيه اعتقاد طبي أن اللعاب مادة شفاء و كان يستخدم في العلاج و علشان كده أتذكر أن الكلاب كانت تلحس جروح الفقير ...و كأن يسوع بيقوله أنه سيقدم له شفاء لحل عقدة لسانه.... تفل دى تفكر بالخلق .. خد بالك العزلة دي فيها خبرة خاصة مش حينساها .. كمان يسوع خلاه رفع نظره نحو السما ما هو اكيدلما شاف يسوع بيبص لفوق هو كمان بص لفوق عاوز يشوف المسيح بيبص علي ايه و لا بيستدعي القوة منين ..اجمل ما في المسيح يسحبك من الدنيا و يخليك تبص ع السما .. للوقت يعني اول ما ربنا يقول يحصل علي طول ..سمع و انحل لسانه ..قال ايه ..ايه اول كلمة قالها ليسوع .. اتكلم و لا ما صدقش فبكي و لا اترمي في حضن يسوع و لا ابتسم و لا سجد ..انا اتفرجت علي فيديو لحالات كتير لاطفال بيزرعوا لهم سماعات في ودنهم .. اول ما طفل أصم اول ما يجربوله السماعة و اول ما بيسمع الصوت حالة الدهشة و الفرح و الإثارة اللي بتنتابه ... احاسيس خاصة لهذا الانسان اكيد حنعرفها منه لما نطلع السما وصاهم ما يقولوش لحد علشان عاوز القصة ما تبقاش تبعية انفعالية و معجزات هو كان عاوز يفهموا عمله الخلاصي وده حييجي بعد شوية ..كمان زي ما قولنا بيخفي ساعات لاهوته و يربك الشيطان علشان يفضل حائر إذا كان هو المخلص و لا لا حتي لا يفسد له الخلاص أو يعطله ..و علشان يباغته علي الصليب لكي يسحقه و يقيده .. صلي لربنا ..قوله انا أصم مش عارف اسمع صوتك وش العالم و دوشته حاجز في وداني و لساني تقيل في الكلام معاك و تسبيحك ...انا عاوز لمسة صباعك و عاوز شفائك ...انا كتير ببقي نفسي اتكلم معاك بس بقف عاجز مش عارف اقول ايه و عاوز اسمع صوتك مش عارف عاوز مني ايه ...ما تخدني كده علي جنب و دخلني في خبرة حياة و عشرة معاك ...انا بستغرب اوي من واحد زي الأنبا بولا اللي ما شافش انسان ٩٠ سنة بيقول ايه لربنا كل يوم و ايه الحديث يعني .. و الناس القديسين اللي بيصلوا لربنا ساعات بيقولوا ايه ...احنا لسانا أعقد و ودانا صماء ..محتاجين لمسة شفا .. لالهنا المجد و الكرامة نبيل شحاتة |
رد: اكبر مجموعة ايات من الكتاب المقدس مع التأملات
نعم ياسيد ..!!
ثُمَّ قَامَ مِنْ هُنَاكَ وَمَضَى إِلَى تُخُومِ صُورَ وَصَيْدَاءَ، وَدَخَلَ بَيْتًا وَهُوَ يُرِيدُ أَنْ لاَ يَعْلَمَ أَحَدٌ، فَلَمْ يَقْدِرْ أَنْ يَخْتَفِيَ، 25 لأَنَّ امْرَأَةً كَانَ بِابْنَتِهَا رُوحٌ نَجِسٌ سَمِعَتْ بِهِ، فَأَتَتْ وَخَرَّتْ عِنْدَ قَدَمَيْهِ. 26 وَكَانَتْ الامْرَأَةُ أُمَمِيَّةً، وَفِي جِنْسِهَا فِينِيقِيَّةً سُورِيَّةً. فَسَأَلَتْهُ أَنْ يُخْرِجَ الشَّيْطَانَ مِنِ ابْنَتِهَا. 27 وَأَمَّا يَسُوعُ فَقَالَ لَهَا: «دَعِي الْبَنِينَ أَوَّلاً يَشْبَعُونَ، لأَنَّهُ لَيْسَ حَسَنًا أَنْ يُؤْخَذَ خُبْزُ الْبَنِينَ وَيُطْرَحَ لِلْكِلاَبِ». 28 فَأَجَابَتْ وَقَالَتْ لَهُ: «نَعَمْ، يَا سَيِّدُ! وَالْكِلاَبُ أَيْضًا تَحْتَ الْمَائِدَةِ تَأْكُلُ مِنْ فُتَاتِ الْبَنِينَ!». 29 فَقَالَ لَهَا: «لأَجْلِ هذِهِ الْكَلِمَةِ، اذْهَبِي. قَدْ خَرَجَ الشَّيْطَانُ مِنِ ابْنَتِكِ». 30 فَذَهَبَتْ إِلَى بَيْتِهَا وَوَجَدَتِ الشَّيْطَانَ قَدْ خَرَجَ، وَالابْنَةَ مَطْرُوحَةً عَلَى الْفِرَاشِ. 31 ثُمَّ خَرَجَ أَيْضًا مِنْ تُخُومِ صُورَ وَصَيْدَاءَ، وَجَاءَ إِلَى بَحْرِ الْجَلِيلِ فِي وَسْطِ حُدُودِ الْمُدُنِ الْعَشْرِ. ما استريحش المسيح للعبادة الشكلية و حكاية غسل الايادى دى فقام و مشى و راح لصور و صيدا يعنى ساب خاصته و راح للامم ... لما ربنا يلاقيك مشغول و مرتبك بحاجات ظاهرية ما يرتحش و يقوم و يبعد ...طب يدخل بيت و يختفى ليه لانه لسه ماكانش وقت كرازة الامم و كانه بس بيديهم عربون الخلاص كمان رد عملى على ظاهرية العبادة و نقص الحب و الرحمة عند اليهود فراح للى اليهود بيشوفوهم منتهى النجاسة و كانهم كلاب .. تيجى المرأة السورية و يظهر سمعت عن يسوع فابتدت تصرخ له ان يرحمها لان ابنتها بها روح نجس و فى انجيل متى تقول مجنونة جدا .. خد بالك قالت زى ما سمعت يابن داود ارحمني هى مش من اليهود تعرف مين داود او مش متعمقة فى الايمان و لا الناموس ...لكن ايمانها يخليها تعدى المنطق و الفهم و تصدق بس ...هات طفل كده و شاور له على يسوع و قول له مين ده يقولك بابا يسوع .. هو مصدقها ببساطة و لا مدرك تجسد و لا فداء كل اللى يعرفه هو ده بابا يسوع اللى يعرف يعمل كل حاجة و بيحبه و بيحميه .. فى الاول حسب نص انجيل متى ما ردش المسيح و فضلت تصرخ لدرجة ان التلاميذ قالوا له مشيها ..عمالة تصرخ ورانا ..و بدل ما المسيح يمشيها يرد عليها برد شكله قاسى اوى ..خلى البنين يشبعوا الاول و ما ينفعش ناخد خبز البنين و نطرحه للكلاب ... طبعا يسوع صمته الول اللى يبان تجاهل و الجملة القاسية دى ما يقصدش معناها لكن بيقدم ليها فكر اليهود عنها و عن جنسها و بيدين فيها اليهود و خاصته اللى جه ليها و رفضته .. سكت الاول و ماردش لحد ما التلاميذ طلبوا منه كده انه يتدخل و دى بداية رسالتهم الى حب يعلمهالهم و يحطهم على اول الطريق للكرازة انهم سيكرزوا للامم و للوثنين كمان ردد الكلام الى كان بيتداوله اليهود لا عن قناعة لكن لكى يكسر هذا الكبرياء و العجرفة باستعلان ايمان هذه المرأة .. خد بالك شعب كنهان ده كان شعبا ملعونا من ايام نوح و منه نسل سدوم و عمورة و كان شعبا مستفحل فى الخطية و النجاسة و الشذوذ حتى مع الحيوانات .. اكيد ان السيد المسيح ما قالش هذه الجملة بطريقة قاسية او صادمة للمرأة بدليل انها اكملت الحوار ...هو عرض لها ما يراه اليهود و ما هى حقيقة و لكن بطريقة تحثها على التوبة و الاستمرار مش انها تنفر و تمشى ... ممكن خادم يلفت نظر واحد او شاب بطريقة منفرة تخليه يعاند و خادم حنين يشاور على الغلط طريقة تدفع للتوبة ...فيه ابونا يزقك على التوبة و يكشف الخطية مش بينتقصك لكن بيشجعك تتخلص منها ..عاوزة الحتة دى قلب حنين و حكمة و حب حقيقى ... فيه زوجة تمسك جوزها تهريه تانيب و ملامة لدرجة تخليه يتعصب و يزعق و يسيب البيت غضبان و فيه زوجة بحكمة تلومه و تعاتبه بس وهو فى حضنها و بين ايديها فتقتنيه ... كمان اكيد السيد عارف انها مش حتتراجع بالعكس كان عاوز يقدمها فى شكل يزكيها بيه ..و يرفعها بعد ما تتوب .. نعم ياسيد ... دى علامة الموافقة منها .. ده اعتراف ضمنى ان جذورها فى النجاسة و من شعب مرفوض ... ما هللتش للمسيح و قالت له كلاب ايه و نجاسة ايه .. ليه شايفنى بمشى على اربعة و لا بهوهو ..!!! انت مخلص انت ؟ مالى .. هو انا مش بنت تسعة زى بقية الخلق .. لا ما عاندتش .. اتضعت قوم ربنا حيرفعها ...نعم ياسيد ... ايوه و انا بضم صوتى ليها و بقوله معاها ... نعم ياسيد ..انا باكد على كلامك ... ايوة انا زى الكلاب من جهة الاستحقاق لخلاصك و نعمك عليا بس هى القصة مش واقفة على استحقاقى لا ... دى واقفة على رحمتك اللى تخلى الكلاب تبقى قريبة من مائدة البنين و لما يشبعوا و ده حقهم ما هم ولادك و قديسين اكتر منى و بيحبوك بجد ...برضه فيه شوية فتافيت كده تلحسهم الكلاب برضى ...انا يارب مستحيل ابقى زى العدرا و لا مارجرجس و لا مارمينا و لا القديسين الحلوين دول و لا زى ليديا و لا فادى ولا عم نبيل حارس كنيستك و لا اى حد من ولادك اللى مشرفينك بس برضه انا ابنك حتى لو عاق بس يعنى مش حتموتنى من الجوع حتى لو مش نضيف حتى لو يعنى وصلت فى مزبلة خطيتى زى الكلاب برضه رحمتك على الكلاب واسعة ...انا مش حقدر ابقى فى مجد الانبا بيشوى و لا الشهيدة دميانة لكن معلش خدنى السما و لو اخر الصفوف ..ادينى الفتات و انا راضى ..صحيح مش ده طموحى بس للاسف دى امكانياتى .. فى انجيل متى كرم السيد ايمان هذه المرأة و قال لها عظيم هو ايمانك .. و فى انجيل مرقس يشاور انه علشان الكلمة دى و الاعتراف الحلو ده و التوبة اللى من القلب دى حتاخد من يسوع كل البركة ... خرج الشيطان من ابنتك .. يا صديقى صر على صراخك و لا تيأس .. حتى لو لم يجيبك اولا .. حتى لو كان الرد شكله عنيفا ... اتمسك برحمته و لا تطلقه ان لم يباركك .. النهاية سعيدة ..سيخرج الشيطان من ابنتك ..من نفسك ..من جوزك ..من مراتك .. من خدمتك ..من اللى واجعك ... مشكلتنا اننا مش بنعرف نلح على ربنا و ما تزعلوش كاننا كده تنكين فى طلباتنا !!!! نطلب مره و خلاص ... فيه زوجة نص طلباتها من جوزها و لا يعمل حاجة .. ليه .. ؟ تقولك انا ما طلبش او ما اكررش الطلب .. تناكة .. !! ما يمكن نسى ..ما يمكن ماجله مايمكن حيجيب احسن من اللى طلبتيه .. او زوج يقول حاجة و مراته ما تعملهاش من اول مره يروح يقولها انا مش قلت كذا ..خلا ص مش عاوز من وشك حاجة ..!!! و تجيبله مراته الحاجة و لا تعمله الشاى اللى طلبه يتعذرن و يقول مش طافح و يمشى ... الامور ما تجيش كده !! ربنا اب و يحب ياخد و يدى مع ولاده ...حب مش ذل ... بنتى تقولى عاوزة كذا ... ارد ليه انشاء الله ؟ تقولى علشان كذا و كذا ... و بدلع كده تقول ايه يا بابا .. اهزر و ارد ايه يابابا .. ككبو !! ..هرتونى مصاريف .. تهزر و تبوس و تحضن و يالولو اصلى نفسى فيها .. و انا احضن و اطبطب و اقول عينى .. انا بهزر معاكى و ازود على طلبها و ازيد ..عاوز استمتع بحبها ... عارفين ليه طلباتنا مش مجابة بسرعة مع ربنا علشان احنا ما بنعملش حاجة معاه غير اننا بنطلب و لانه بيحبنا ما بيصدق يبقى لنا طلب و يطول هو علشان نفضل قدامه اطول فترة و نكرر الوقوف و الحوار ...عارفين لو كنا اصلا بنقف نكلمه من غير حاجة و نحب فيه كده و يبقى هو محور حياتنا طلباتنا تتنفذ كده بطرقعة صباع لو فيها خيرنا طبعا ...انا كنت استعجب لما اسمع عن البابا كيرلس يقول لحد مثلا مارمينا حيجيلك النهارده او حبعتله مارمينا ... كده من غير تكليف و كده بالسرعة دى ...ااااه اصلهم اصحاب و بيتكلموا على طول فمافيش مقدمات بقه لسه ... نعم ياسيد ..و الكلاب ايضا تحت المائدة تاكل من فتات البنين لالهنا المجد و الكرامة نبيل شحاتة |
رد: اكبر مجموعة ايات من الكتاب المقدس مع التأملات
ذلك ينجس الإنسان
وَاجْتَمَعَ إِلَيْهِ الْفَرِّيسِيُّونَ وَقَوْمٌ مِنَ الْكَتَبَةِ قَادِمِينَ مِنْ أُورُشَلِيمَ. 2 وَلَمَّا رَأَوْا بَعْضًا مِنْ تَلاَمِيذِهِ يَأْكُلُونَ خُبْزًا بِأَيْدٍ دَنِسَةٍ، أَيْ غَيْرِ مَغْسُولَةٍ، لاَمُوا. 3 لأَنَّ الْفَرِّيسِيِّينَ وَكُلَّ الْيَهُودِ إِنْ لَمْ يَغْسِلُوا أَيْدِيَهُمْ بِاعْتِنَاءٍ، لاَ يَأْكُلُونَ، مُتَمَسِّكِينَ بِتَقْلِيدِ الشُّيُوخِ. 4 وَمِنَ السُّوقِ إِنْ لَمْ يَغْتَسِلُوا لاَ يَأْكُلُونَ. وَأَشْيَاءُ أُخْرَى كَثِيرَةٌ تَسَلَّمُوهَا لِلتَّمَسُّكِ بِهَا، مِنْ غَسْلِ كُؤُوسٍ وَأَبَارِيقَ وَآنِيَةِ نُحَاسٍ وَأَسِرَّةٍ. 5 ثُمَّ سَأَلَهُ الْفَرِّيسِيُّونَ وَالْكَتَبَةُ: «لِمَاذَا لاَ يَسْلُكُ تَلاَمِيذُكَ حَسَبَ تَقْلِيدِ الشُّيُوخِ، بَلْ يَأْكُلُونَ خُبْزًا بِأَيْدٍ غَيْرِ مَغْسُولَةٍ؟» 6 فَأَجَابَ وَقَالَ لَهُمْ: «حَسَنًا تَنَبَّأَ إِشَعْيَاءُ عَنْكُمْ أَنْتُمُ الْمُرَائِينَ! كَمَا هُوَ مَكْتُوبٌ: هذَا الشَّعْبُ يُكْرِمُنِي بِشَفَتَيْهِ، وَأَمَّا قَلْبُهُ فَمُبْتَعِدٌ عَنِّي بَعِيدًا، 7 وَبَاطِلاً يَعْبُدُونَنِي وَهُمْ يُعَلِّمُونَ تَعَالِيمَ هِيَ وَصَايَا النَّاسِ. 8 لأَنَّكُمْ تَرَكْتُمْ وَصِيَّةَ اللهِ وَتَتَمَسَّكُونَ بِتَقْلِيدِ النَّاسِ: غَسْلَ الأَبَارِيقِ وَالْكُؤُوسِ، وَأُمُورًا أُخَرَ كَثِيرَةً مِثْلَ هذِهِ تَفْعَلُونَ». 9 ثُمَّ قَالَ لَهُمْ: «حَسَنًا! رَفَضْتُمْ وَصِيَّةَ اللهِ لِتَحْفَظُوا تَقْلِيدَكُمْ! 10 لأَنَّ مُوسَى قَالَ: أَكْرِمْ أَبَاكَ وَأُمَّكَ، وَمَنْ يَشْتِمُ أَبًا أَوْ أُمًّا فَلْيَمُتْ مَوْتًا. 11 وَأَمَّا أَنْتُمْ فَتَقُولُونَ: إِنْ قَالَ إِنْسَانٌ لأَبِيهِ أَوْ أُمِّهِ: قُرْبَانٌ، أَيْ هَدِيَّةٌ، هُوَ الَّذِي تَنْتَفِعُ بِهِ مِنِّي 12 فَلاَ تَدَعُونَهُ فِي مَا بَعْدُ يَفْعَلُ شَيْئًا لأَبِيهِ أَوْ أُمِّهِ. 13 مُبْطِلِينَ كَلاَمَ اللهِ بِتَقْلِيدِكُمُ الَّذِي سَلَّمْتُمُوهُ. وَأُمُورًا كَثِيرَةً مِثْلَ هذِهِ تَفْعَلُونَ». 14 ثُمَّ دَعَا كُلَّ الْجَمْعِ وَقَالَ لَهُمُ: «اسْمَعُوا مِنِّي كُلُّكُمْ وَافْهَمُوا. 15 لَيْسَ شَيْءٌ مِنْ خَارِجِ الإِنْسَانِ إِذَا دَخَلَ فِيهِ يَقْدِرُ أَنْ يُنَجِّسَهُ، لكِنَّ الأَشْيَاءَ الَّتِي تَخْرُجُ مِنْهُ هِيَ الَّتِي تُنَجِّسُ الإِنْسَانَ. 16 إِنْ كَانَ لأَحَدٍ أُذْنَانِ لِلسَّمْعِ، فَلْيَسْمَعْ». 17 وَلَمَّا دَخَلَ مِنْ عِنْدِ الْجَمْعِ إِلَى الْبَيْتِ، سَأَلَهُ تَلاَمِيذُهُ عَنِ الْمَثَلِ. 18 فَقَالَ لَهُمْ: «أَفَأَنْتُمْ أَيْضًا هكَذَا غَيْرُ فَاهِمِينَ؟ أَمَا تَفْهَمُونَ أَنَّ كُلَّ مَا يَدْخُلُ الإِنْسَانَ مِنْ خَارِجٍ لاَ يَقْدِرُ أَنْ يُنَجِّسَهُ، 19 لأَنَّهُ لاَ يَدْخُلُ إِلَى قَلْبِهِ بَلْ إِلَى الْجَوْفِ، ثُمَّ يَخْرُجُ إِلَى الْخَلاَءِ، وَذلِكَ يُطَهِّرُ كُلَّ الأَطْعِمَةِ». 20 ثُمَّ قَالَ: «إِنَّ الَّذِي يَخْرُجُ مِنَ الإِنْسَانِ ذلِكَ يُنَجِّسُ الإِنْسَانَ. 21 لأَنَّهُ مِنَ الدَّاخِلِ، مِنْ قُلُوبِ النَّاسِ، تَخْرُجُ الأَفْكَارُ الشِّرِّيرَةُ: زِنىً، فِسْقٌ، قَتْلٌ، 22 سِرْقَةٌ، طَمَعٌ، خُبْثٌ، مَكْرٌ، عَهَارَةٌ، عَيْنٌ شِرِّيرَةٌ، تَجْدِيفٌ، كِبْرِيَاءُ، جَهْلٌ. 23 جَمِيعُ هذِهِ الشُّرُورِ تَخْرُجُ مِنَ الدَّاخِلِ وَتُنَجِّسُ الإِنْسَانَ». يغسل اليهودي يديه للتطهير يجيب مية في آناء حجري طاهر طقسيًا، ثم يرفع الشخص يديه إلى أعلى ويصب عليها كمية من المية و بعدين يخفضهما لتحت ويصب كمية أخرى من الماء من على المعصمين لتنزل إلى الأصابع فيطهّر طقسيًا. وكان اليهودي يعتقد أنه ما لم يفعل ذلك وبدقة يمتلكه روح نجس اسمه شيبتا، ثم يُصاب بالفقر والهلاك. خد بالك هم قالوا إن التلاميذ كسروا مش وصية ربنا لكن تقليد الشيوخ و ربنا ما عارضش الغسل لكن كشف ليهم ريائهم ..و قال لهم انهم بدل ما يعلموا الناس وصية اكرم ايام و امك و يشجعوهم يعولوا آبائهم راحوا قالوا للي مش عاوز يعول أهله تعالي قدم عنهم قربان للمذبح و ادفع عنهم للهيكل و كده انت تمام ..طبعا لأنهم كانوا بياخدوا من الذبائح و العطايا خصوصا القادة ليهم نصيب كبير ... يسوع يرفض العبادة الشكلية و التظاهر ..علشان كده ديما يدور علي جذور اللي بتعمله و هدفه قبل ما يقيم عملك ...تعطي ماشي بس حط المقياس المعطي المسرور ...لان ممكن ندي متغصبين و لا خايفين دي ما تعجبعوش..حتصلي حط معاها تصلي في الخفاء و تدخل مخدعك و ما تكررش الكلام باطلا ...ابتدأ يشرح أن المشكلة مش في الاكل و الشرب و أن مش ده اللي ينجس الإنسان ...مش معناها الدنيا تبقي سداح مداح في الصوم مثلا ...لا ..بس مثلا واحد بياكل شيبسي فالتاني يقوله فطاري ده بريحة الكباب و تقرأ تلاقي معرفش نسبة كام في الألف رائحة كباب .. و اللي بيقوله ده تلاقيه مخاصم و منكد ع البيت و عين مش طاهرة و رشاوي ..و حاجات كتير ...مش معناها ما ندققش لكن تفتكروا مين ينجس اكتر الشيبسي و لا المصائب دي ... ربنا عاوز قلب و رحمة ...ربنا مش عاوز شوية التزامات روحية شكلية من غير روح .. ربنا عطا قائمة للنجاسة الحقيقية اللي منبعها الداخل و القلب و العقل..و قال إن دي اللي تنجس الإنسان ..اول ما تلاقي نفسك انشغلت بالحرف و نسيت الروح اعرف انك بتبعد ..علموا ولادكم الحشمة اه بس دي تيجي من جوة الاول ..البنت اللي ماشية في سكة ربنا تقدر تحدد ايه المناسب و ايه مش مناسب ..الكنيسة مش حتحط قائمة بلبس الصديقات و لبس الزناديق....و لا حتقول كريم نيفيا حلال و ايفا حرام و لا الجيبة تحت الركبة بشير و نص و اقل من كده تبقي خاطية .. علموا ولادكم يتملوا روحيا و يشبعوا عاطفيا و يتثقفوا عقليا ساعتها يعرفوا يختاروا ..لكن نعلمهم الظاهر و غسل الايادي من غير روح نضيعهم و نخليهم مرائيين و بوشين . لالهنا كل مجد و كرامة نبيل شحاتة |
رد: اكبر مجموعة ايات من الكتاب المقدس مع التأملات
ذلك ينجس الإنسان
وَاجْتَمَعَ إِلَيْهِ الْفَرِّيسِيُّونَ وَقَوْمٌ مِنَ الْكَتَبَةِ قَادِمِينَ مِنْ أُورُشَلِيمَ. 2 وَلَمَّا رَأَوْا بَعْضًا مِنْ تَلاَمِيذِهِ يَأْكُلُونَ خُبْزًا بِأَيْدٍ دَنِسَةٍ، أَيْ غَيْرِ مَغْسُولَةٍ، لاَمُوا. 3 لأَنَّ الْفَرِّيسِيِّينَ وَكُلَّ الْيَهُودِ إِنْ لَمْ يَغْسِلُوا أَيْدِيَهُمْ بِاعْتِنَاءٍ، لاَ يَأْكُلُونَ، مُتَمَسِّكِينَ بِتَقْلِيدِ الشُّيُوخِ. 4 وَمِنَ السُّوقِ إِنْ لَمْ يَغْتَسِلُوا لاَ يَأْكُلُونَ. وَأَشْيَاءُ أُخْرَى كَثِيرَةٌ تَسَلَّمُوهَا لِلتَّمَسُّكِ بِهَا، مِنْ غَسْلِ كُؤُوسٍ وَأَبَارِيقَ وَآنِيَةِ نُحَاسٍ وَأَسِرَّةٍ. 5 ثُمَّ سَأَلَهُ الْفَرِّيسِيُّونَ وَالْكَتَبَةُ: «لِمَاذَا لاَ يَسْلُكُ تَلاَمِيذُكَ حَسَبَ تَقْلِيدِ الشُّيُوخِ، بَلْ يَأْكُلُونَ خُبْزًا بِأَيْدٍ غَيْرِ مَغْسُولَةٍ؟» 6 فَأَجَابَ وَقَالَ لَهُمْ: «حَسَنًا تَنَبَّأَ إِشَعْيَاءُ عَنْكُمْ أَنْتُمُ الْمُرَائِينَ! كَمَا هُوَ مَكْتُوبٌ: هذَا الشَّعْبُ يُكْرِمُنِي بِشَفَتَيْهِ، وَأَمَّا قَلْبُهُ فَمُبْتَعِدٌ عَنِّي بَعِيدًا، 7 وَبَاطِلاً يَعْبُدُونَنِي وَهُمْ يُعَلِّمُونَ تَعَالِيمَ هِيَ وَصَايَا النَّاسِ. 8 لأَنَّكُمْ تَرَكْتُمْ وَصِيَّةَ اللهِ وَتَتَمَسَّكُونَ بِتَقْلِيدِ النَّاسِ: غَسْلَ الأَبَارِيقِ وَالْكُؤُوسِ، وَأُمُورًا أُخَرَ كَثِيرَةً مِثْلَ هذِهِ تَفْعَلُونَ». 9 ثُمَّ قَالَ لَهُمْ: «حَسَنًا! رَفَضْتُمْ وَصِيَّةَ اللهِ لِتَحْفَظُوا تَقْلِيدَكُمْ! 10 لأَنَّ مُوسَى قَالَ: أَكْرِمْ أَبَاكَ وَأُمَّكَ، وَمَنْ يَشْتِمُ أَبًا أَوْ أُمًّا فَلْيَمُتْ مَوْتًا. 11 وَأَمَّا أَنْتُمْ فَتَقُولُونَ: إِنْ قَالَ إِنْسَانٌ لأَبِيهِ أَوْ أُمِّهِ: قُرْبَانٌ، أَيْ هَدِيَّةٌ، هُوَ الَّذِي تَنْتَفِعُ بِهِ مِنِّي 12 فَلاَ تَدَعُونَهُ فِي مَا بَعْدُ يَفْعَلُ شَيْئًا لأَبِيهِ أَوْ أُمِّهِ. 13 مُبْطِلِينَ كَلاَمَ اللهِ بِتَقْلِيدِكُمُ الَّذِي سَلَّمْتُمُوهُ. وَأُمُورًا كَثِيرَةً مِثْلَ هذِهِ تَفْعَلُونَ». 14 ثُمَّ دَعَا كُلَّ الْجَمْعِ وَقَالَ لَهُمُ: «اسْمَعُوا مِنِّي كُلُّكُمْ وَافْهَمُوا. 15 لَيْسَ شَيْءٌ مِنْ خَارِجِ الإِنْسَانِ إِذَا دَخَلَ فِيهِ يَقْدِرُ أَنْ يُنَجِّسَهُ، لكِنَّ الأَشْيَاءَ الَّتِي تَخْرُجُ مِنْهُ هِيَ الَّتِي تُنَجِّسُ الإِنْسَانَ. 16 إِنْ كَانَ لأَحَدٍ أُذْنَانِ لِلسَّمْعِ، فَلْيَسْمَعْ». 17 وَلَمَّا دَخَلَ مِنْ عِنْدِ الْجَمْعِ إِلَى الْبَيْتِ، سَأَلَهُ تَلاَمِيذُهُ عَنِ الْمَثَلِ. 18 فَقَالَ لَهُمْ: «أَفَأَنْتُمْ أَيْضًا هكَذَا غَيْرُ فَاهِمِينَ؟ أَمَا تَفْهَمُونَ أَنَّ كُلَّ مَا يَدْخُلُ الإِنْسَانَ مِنْ خَارِجٍ لاَ يَقْدِرُ أَنْ يُنَجِّسَهُ، 19 لأَنَّهُ لاَ يَدْخُلُ إِلَى قَلْبِهِ بَلْ إِلَى الْجَوْفِ، ثُمَّ يَخْرُجُ إِلَى الْخَلاَءِ، وَذلِكَ يُطَهِّرُ كُلَّ الأَطْعِمَةِ». 20 ثُمَّ قَالَ: «إِنَّ الَّذِي يَخْرُجُ مِنَ الإِنْسَانِ ذلِكَ يُنَجِّسُ الإِنْسَانَ. 21 لأَنَّهُ مِنَ الدَّاخِلِ، مِنْ قُلُوبِ النَّاسِ، تَخْرُجُ الأَفْكَارُ الشِّرِّيرَةُ: زِنىً، فِسْقٌ، قَتْلٌ، 22 سِرْقَةٌ، طَمَعٌ، خُبْثٌ، مَكْرٌ، عَهَارَةٌ، عَيْنٌ شِرِّيرَةٌ، تَجْدِيفٌ، كِبْرِيَاءُ، جَهْلٌ. 23 جَمِيعُ هذِهِ الشُّرُورِ تَخْرُجُ مِنَ الدَّاخِلِ وَتُنَجِّسُ الإِنْسَانَ». يغسل اليهودي يديه للتطهير يجيب مية في آناء حجري طاهر طقسيًا، ثم يرفع الشخص يديه إلى أعلى ويصب عليها كمية من المية و بعدين يخفضهما لتحت ويصب كمية أخرى من الماء من على المعصمين لتنزل إلى الأصابع فيطهّر طقسيًا. وكان اليهودي يعتقد أنه ما لم يفعل ذلك وبدقة يمتلكه روح نجس اسمه شيبتا، ثم يُصاب بالفقر والهلاك. خد بالك هم قالوا إن التلاميذ كسروا مش وصية ربنا لكن تقليد الشيوخ و ربنا ما عارضش الغسل لكن كشف ليهم ريائهم ..و قال لهم انهم بدل ما يعلموا الناس وصية اكرم ايام و امك و يشجعوهم يعولوا آبائهم راحوا قالوا للي مش عاوز يعول أهله تعالي قدم عنهم قربان للمذبح و ادفع عنهم للهيكل و كده انت تمام ..طبعا لأنهم كانوا بياخدوا من الذبائح و العطايا خصوصا القادة ليهم نصيب كبير ... يسوع يرفض العبادة الشكلية و التظاهر ..علشان كده ديما يدور علي جذور اللي بتعمله و هدفه قبل ما يقيم عملك ...تعطي ماشي بس حط المقياس المعطي المسرور ...لان ممكن ندي متغصبين و لا خايفين دي ما تعجبعوش..حتصلي حط معاها تصلي في الخفاء و تدخل مخدعك و ما تكررش الكلام باطلا ...ابتدأ يشرح أن المشكلة مش في الاكل و الشرب و أن مش ده اللي ينجس الإنسان ...مش معناها الدنيا تبقي سداح مداح في الصوم مثلا ...لا ..بس مثلا واحد بياكل شيبسي فالتاني يقوله فطاري ده بريحة الكباب و تقرأ تلاقي معرفش نسبة كام في الألف رائحة كباب .. و اللي بيقوله ده تلاقيه مخاصم و منكد ع البيت و عين مش طاهرة و رشاوي ..و حاجات كتير ...مش معناها ما ندققش لكن تفتكروا مين ينجس اكتر الشيبسي و لا المصائب دي ... ربنا عاوز قلب و رحمة ...ربنا مش عاوز شوية التزامات روحية شكلية من غير روح .. ربنا عطا قائمة للنجاسة الحقيقية اللي منبعها الداخل و القلب و العقل..و قال إن دي اللي تنجس الإنسان ..اول ما تلاقي نفسك انشغلت بالحرف و نسيت الروح اعرف انك بتبعد ..علموا ولادكم الحشمة اه بس دي تيجي من جوة الاول ..البنت اللي ماشية في سكة ربنا تقدر تحدد ايه المناسب و ايه مش مناسب ..الكنيسة مش حتحط قائمة بلبس الصديقات و لبس الزناديق....و لا حتقول كريم نيفيا حلال و ايفا حرام و لا الجيبة تحت الركبة بشير و نص و اقل من كده تبقي خاطية .. علموا ولادكم يتملوا روحيا و يشبعوا عاطفيا و يتثقفوا عقليا ساعتها يعرفوا يختاروا ..لكن نعلمهم الظاهر و غسل الايادي من غير روح نضيعهم و نخليهم مرائيين و بوشين . لالهنا كل مجد و كرامة نبيل شحاتة |
رد: اكبر مجموعة ايات من الكتاب المقدس مع التأملات
ثقوا ..انا هو ..لا تخافوا
نغمة ٢٥ وَلِلْوَقْتِ أَلْزَمَ تَلاَمِيذَهُ أَنْ يَدْخُلُوا السَّفِينَةَ وَيَسْبِقُوا إِلَى الْعَبْرِ، إِلَى بَيْتِ صَيْدَا، حَتَّى يَكُونَ قَدْ صَرَفَ الْجَمْعَ. 46 وَبَعْدَمَا وَدَّعَهُمْ مَضَى إِلَى الْجَبَلِ لِيُصَلِّيَ. 47 وَلَمَّا صَارَ الْمَسَاءُ كَانَتِ السَّفِينَةُ فِي وَسْطِ الْبَحْرِ، وَهُوَ عَلَى الْبَرِّ وَحْدَهُ. 48 وَرَآهُمْ مُعَذَّبِينَ فِي الْجَذْفِ، لأَنَّ الرِّيحَ كَانَتْ ضِدَّهُمْ. وَنَحْوَ الْهَزِيعِ الرَّابِعِ مِنَ اللَّيْلِ أَتَاهُمْ مَاشِيًا عَلَى الْبَحْرِ، وَأَرَادَ أَنْ يَتَجَاوَزَهُمْ. 49 فَلَمَّا رَأَوْهُ مَاشِيًا عَلَى الْبَحْرِ ظَنُّوهُ خَيَالاً، فَصَرَخُوا. 50 لأَنَّ الْجَمِيعَ رَأَوْهُ وَاضْطَرَبُوا. فَلِلْوَقْتِ كَلَّمَهُمْ وَقَالَ لَهُمْ: «ثِقُوا! أَنَا هُوَ. لاَ تَخَافُوا». 51 فَصَعِدَ إِلَيْهِمْ إِلَى السَّفِينَةِ فَسَكَنَتِ الرِّيحُ، فَبُهِتُوا وَتَعَجَّبُوا فِي أَنْفُسِهِمْ جِدًّا إِلَى الْغَايَةِ، 52 لأَنَّهُمْ لَمْ يَفْهَمُوا بِالأَرْغِفَةِ إِذْ كَانَتْ قُلُوبُهُمْ غَلِيظَةً. 53 فَلَمَّا عَبَرُوا جَاءُوا إِلَى أَرْضِ جَنِّيسَارَتَ وَأَرْسَوْا. 54 وَلَمَّا خَرَجُوا مِنَ السَّفِينَةِ لِلْوَقْتِ عَرَفُوهُ. 55 فَطَافُوا جَمِيعَ تِلْكَ الْكُورَةِ الْمُحِيطَةِ، وَابْتَدَأُوا يَحْمِلُونَ الْمَرْضَى عَلَى أَسِرَّةٍ إِلَى حَيْثُ سَمِعُوا أَنَّهُ هُنَاكَ. 56 وَحَيْثُمَا دَخَلَ إِلَى قُرىً أَوْ مُدُنٍ أَوْ ضِيَاعٍ، وَضَعُوا الْمَرْضَى فِي الأَسْوَاقِ، وَطَلَبُوا إِلَيْهِ أَنْ يَلْمِسُوا وَلَوْ هُدْبَ ثَوْبِهِ. وَكُلُّ مَنْ لَمَسَهُ شُفِيَ. المعجزة دي كانت بتربكني و ابقي متغاظ... لعدة أسباب .. اولا الزمهم ...يعني بالبلدي كده شدد عليهم أمرهم ..طب تلزمهم و انت عارف اكيد أن البحر هيهيج ليه ..!!! و يقولك بقوا في نص البحر لوحدهم ..البحر يشاور علي العالم و الضيق ..يعني تسيبنا كده في العالم نخبط ؟! ده كوم و الكوم التاني أنه يقولك رآهم معذبين في الجذف .. و الريح ضدهم ...يارب احنا موجوعين اوي في العالم و الضيق و الاضطهادات ..و ريح عمال ياخدنا و يودينا طب ليه يايسوع .؟؟؟! .شوفتهم معذبين و دول ولادك و تلاميذك بسرعة تنزل تلحقهم .. لا و فوق كده يقولك حيتدخل خلاص اهه مش مهم هزيع رابع هزيع رابع المهم يتدخل ..لا يقولك راحلهم ماشي ع المية و دى حاجة تخوف و تفزع وسط ضلمة و الساعة تلاتة بعد نص الليل و ريح و مركب في مشاكل لا و ايه مش مثلا يطمنهم ..يقول حاجة ..بدل كلمة انا هو لا تخافوا لا يقولك أراد أن يتجاوزهم ...ياوقعة ...الزمهم و سابهم و شايفهم و اتاخر عليهم و عاوز يتجاوزهم ..!!!! الترتيبة دي تمشي ازاي بس مع أنه الراعي و أنه الاب الحنين و أنه سريع المعونة ...؟! خد بالك الأول عاوز اقولك الحل كان معاهم في السفينة و الحل اللي يخرجهم من الورطة دي بطرقعة صباع؟!! لما بسال الشباب و حتي الكبار ايه اللي كان معاهم ...يقولوا مجاديف زيادة ...الشراع .. الدفة ...و حاجات كتير كأنهم كانوا راكبين تايتنك..!!! الحل كان معاهم في السفينة ...كانوا لسة شايلين معاهم ١٢ قفة كسر ..كانوا لسه شايفينه خالق ...لو بصوا بس علي الكسر و فكروا أنه الخالق ..كانوا اتاكدوا طالما الزمهم بالدخول يبقي هو يقدر يعطيهم حياة و نجاة حتي لو المركب غرقت يقدر من الخشب المتكسر يبني بكلمة عشرات المراكب ..علشان كده دي ما كانتش قسوة من يسوع ..لا كان بيعلمهم درس بمستوي ايماني اكبر ..بنتي لما تحبي كانت لازم تمسك صباع أيدي ..بس كان لازم اسيبها تحبي لوحدها حتي لو وقعت و انجرحت جرح بسيط انا محاوطها ..تفضل تعيط و ترفس بس بعد شوية يطمنها مجرد وجودي مش أيدي ..خبراتها قالت لو حتقع في ثانية بشيلها ..يبقي تحبي و تقوي عضلات رجليها و تنمو و تتشدد و كفاية عليها تبص عليا كل شوية تطمن اني موجود ...كان لازم درس عملي لان زي ما الكتاب قال لسه قلوبهم غليظة ما فهموش من الارغفة أنه الخالق مش مجرد نبي له سلطان ...لو بنتي ما حبتش و اتعلمت انها تعتمد علي ذاتها و تقوم و اللي يطمنها تأكدها اني ديما عيني عليها حتي لو مش شايفاني و فضلت تقولي شيلني شيلني و انا طاوعتها كانت تتكسح ما تعرفش تمشي ...القلب لما يتقفل يفتكره خيال ...القلب لما يتقفل يفتكره بستاني ...القلب لما يتقفل يفتكره اتخلي وسابنا و شال أيده ....علشان كده عطاهم الحل...ثقوا ...انا هو ...لا تخافوا ...خلي المثلث ده أيقونة علي قلبك و عصابة علي راسك ..ثق ..هو ..ما تخافش ..اللي مضيعنا ..بنتشكك و مش بنصدق أنه هو و نطلب ميت دليل و نجري ورا معجزات و نتيجة تشككنا و عدم إدراكنا لحقيقته جوانا و رعايته لينا بنخاف .. اتبهدلت و ضاع عمري و لسه في الخطية و لسه بكافح و ضاع حقي و معملتش حاجة للزمن و زهقت و تعبت و الأحوال ما بتتغيرش ..عشرين سنة جواز و هو زي ما هو و هي زي ما هي ...مشاكل بقالها سنين هديت حيلنا ..هو فين ؟! ..هو علي الجبل ..شايف و يصلي لأبيه أن يرسل تعزية و تشدد لحد ما تيجي اللحظة الفارقة ..طب و ليه المرمطة و العطلة يعني بعد ما الريح هدت حيلهم لسه بقة حيجدفوا و يروحوا ارض جينسارت لا هو بمجرد ما ركب السفينة و قبلوه الريح تصمت و يلاقوا نفسهم في وجهتهم ..يقولك اول طفل خلفه يوسف بعد أزمته و مرمطته سماه منسي يقولك لأن الله انساني شدني ...انساك و سنينك اللي راحت و حقك ...كل ده رده و رد معاه فهم لماذا صنع هكذا فتاكدت أنه صالح و للابد رحمته .. و كملت الحكاية بأن اللي عرفوه و قبلوه صنع عندهم قوات و شفاء و كان بيطوف الاماكن و الناس تجيبله المرضي و يشيلوهم بسرايرهم و نفس اللي عملته نازفة الدم عمله ناس كتير .. ثقوا ..انا هو ...لا تخافوا بالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
و شبعوا
فَلَمَّا خَرَجَ يَسُوعُ رَأَى جَمْعًا كَثِيرًا، فَتَحَنَّنَ عَلَيْهِمْ إِذْ كَانُوا كَخِرَافٍ لاَ رَاعِيَ لَهَا، فَابْتَدَأَ يُعَلِّمُهُمْ كَثِيرًا. 35 وَبَعْدَ سَاعَاتٍ كَثِيرَةٍ تَقَدَّمَ إِلَيْهِ تَلاَمِيذُهُ قَائِلِينَ: «الْمَوْضِعُ خَلاَءٌ وَالْوَقْتُ مَضَى. 36 اِصْرِفْهُمْ لِكَيْ يَمْضُوا إِلَى الضِّيَاعِ وَالْقُرَى حَوَالَيْنَا وَيَبْتَاعُوا لَهُمْ خُبْزًا، لأَنْ لَيْسَ عِنْدَهُمْ مَا يَأْكُلُونَ». 37 فَأَجَابَ وَقَالَ لَهُمْ: «أَعْطُوهُمْ أَنْتُمْ لِيَأْكُلُوا». فَقَالُوا لَهُ: «أَنَمْضِي وَنَبْتَاعُ خُبْزًا بِمِئَتَيْ دِينَارٍ وَنُعْطِيَهُمْ لِيَأْكُلُوا؟» 38 فَقَالَ لَهُمْ: «كَمْ رَغِيفًا عِنْدَكُمُ؟ اذْهَبُوا وَانْظُرُوا». وَلَمَّا عَلِمُوا قَالُوا: «خَمْسَةٌ وَسَمَكَتَانِ». 39 فَأَمَرَهُمْ أَنْ يَجْعَلُوا الْجَمِيعَ يَتَّكِئُونَ رِفَاقًا رِفَاقًا عَلَى الْعُشْبِ الأَخْضَرِ. 40 فَاتَّكَأُوا صُفُوفًا صُفُوفًا: مِئَةً مِئَةً وَخَمْسِينَ خَمْسِينَ. 41 فَأَخَذَ الأَرْغِفَةَ الْخَمْسَةَ وَالسَّمَكَتَيْنِ، وَرَفَعَ نَظَرَهُ نَحْوَ السَّمَاءِ، وَبَارَكَ ثُمَّ كَسَّرَ الأَرْغِفَةَ، وَأَعْطَى تَلاَمِيذَهُ لِيُقَدِّمُوا إِلَيْهِمْ، وَقَسَّمَ السَّمَكَتَيْنِ لِلْجَمِيعِ، 42 فَأَكَلَ الْجَمِيعُ وَشَبِعُوا. 43 ثُمَّ رَفَعُوا مِنَ الْكِسَرِ اثْنَتَيْ عَشْرَةَ قُفَّةً مَمْلُوَّةً، وَمِنَ السَّمَكِ. 44 وَكَانَ الَّذِينَ أَكَلُوا مِنَ الأَرْغِفَةِ نَحْوَ خَمْسَةِ آلاَفِ رَجُلٍ. المعجزة معروفة و الاكثر شهرة عندنا عن الأخري التي تمت ب ٧ خبزات و قليل من السمك و اشبع وقتها أربعة آلاف رجل غير النساء و الاولاد ..اللي نعرفها و بنكررها اكتر الخمس خبزات و السمكتين .. اصرفهم لكي يمضوا ...حال الخدام لما يعجزوا و يرفعوا أيديهم و يتنصلوا من المسئولية ...ساعات يبقي فيه ولد مشاكس او بنت متعبة في الخدمة و يتعب منهم الخدام و لا حد من إخوة الرب أو عيلة علي قد حالها و محتاجة سند الكنيسة أو مريض و يحتاج أدوية غالية .....وبعدين تلاقي خادم كده يحلها بفهلوة يقولك علي فكرة دول مش في مربع الكنيسة بتاعتنا دول تبع كنيسة العدرا واحد مننا يروح الخدام العدرا يسلمهم الاسماء دي و نشطبهم من عندنا ..عجز و قلة حيلة و ترييح بال ..مع أن المسيح قال لهم اعطوهم انتم لياكلوا ... و طالما قال يعني بالمسيح يقدروا و هو مش بيقولهم علشان يحقر منهم أو يسخر من إمكانياتهم زي ما بعض المفسرين بيشرحوا ...لا ربنا مش اللي يحقر مني و يظهر ضعفي و عجزي بالعكس ده بيدعوني اشترك معاه بالقليل اللي عندي والمفروض لما يقولهم كده يقولوا له احنا معندناش اللي يكفيهم لكن انت تقدر تشبعهم حنجيبلك الحاجة و اتصرف ... لكن حسبوها بالورقة و القلم ٢٠٠دينار عيش بس و ياريت حيكفي ده حاف و كل واحد حياخد حتة ..و اصلا حيجيبوا منين ٢٠٠ دينار !!! مرة كان الخدام بيجهزوا اغابي رفاع لاخوة ربنا و بعدين عمالين يحسبوا و يفنطوا و يختصروا لان الفلوس ع القد ..و بيقولوا واحد جبنة رومي و واحد بفتيك و بسكوتة و علبة عصير ...ابونا من النوع اللي مجرب ربنا رد و قال لا جبنة ايه و بتاع ايه ..احنا نعمل علبة كده فيها حتة مكرونة باشميل كبيرة و تلات حتت لحمة و باكو شيكولاتة و تفحاية و علبة عصير ...رد عليه الخدام بابونا ده مستحيل احنا حنجيب منين لخمسمائة واحد كل ده و تلات حتت لحمة ...قال بس اكتبوا اللي بقوله ده و ربنا حيفيض ..خرجت الناس تضرب أخماس في اسداس و اللي يقولك كده باظت و نحاول ناخد دعم من الكنيسة و اصلا مش حيرضوا ..و ابونا بيتكلم من جيبه ..و برضه الحكمة مطلوبة ..المهم يوم الاغابي الناس جت و معاها أقصي حاجة قدروا عليها صواني مكرونة بالباشميل بيوت كتير شاركت و ابتدوا يعدوا حتت اللحمة لقيوها بالعافية تكفي حتة واحدة ..لسه حيخش امين الخدمة لابونا يقوله بغيظ ازاي اتورطنا و كأنه عاوز يقوله اتصرف مش قدسك فردت صدرك و داخل يقوله نشتري جبنة رومي و نعمل ساندويتشات و نلحق نحل ...قبل ما يخش اوضة ابونا ..ولد و بنت جايين شايلين شنطة هاندباك كبيرة و بينهجوا و العرق نازل و بيقولوا له ا.فلان بابا و ماما باعتين دول لخدمة النهاردة ...يفتح الشنطة كلها لحمة بفتيك .... اتوزع علي العلب ٤ حتت بدل ٣ و زاد و فاض و الخدام نفسهم كلوا و شبعوا و اتبقي... اختبروا ربنا في سر البركة ...البركة دي كلمة تتلمس و تتعاش ما تتحسبش ..الجيل القديم كان جيل بركة ...عجبني واعظ مصر القديمة ا.رفعت لما قال للناس الحل السحري لمواجهة الغلاء أن قبل ما تلمس اي حاجة تستدعي بركة يسوع الذي اشبع الجموع بخمس خبزات و سمكتين ... المسيح أمرهم يجلسوا الناس مجموعات ...علشان كذا حاجة ....اولا ما يحصلش تزاحم و القوي يحصل علي طعام و الضعيف لا ...كمان علشان يبعد روح التحزب و الانقسام ما هو مش شرط كل خمسين عارفين بعض بس ياكلوا مع بعض و يبقوا واحد زي ما بنتناول و نثبت فيه كلنا ...بركة ربنا الميديا بتاعتها الحب و قبول الآخر حلو حكاية يخلوهم يقعدوا علي العشب الاخضر ..الله يدلل أولاده و يقعدهم كده زي ما كان ادم قاعد و بياكل من ايد ربنا ...و ابتدأ يقسم الارغفة و السمكتين و يعطي التلاميذ ..طبعا مش كل اللي أكلوا عرفوا المعجزة بتفاصيلها لكن تلاميذه شافوا ازاي الحاجة في أيده ما بتخلصش و بتتكاثر ..الحاجة اللي بتتكاثر معناها حياة .. فيها حياة ..المسيح يعطي حياة ..علشان كده المعجزة دي بتشاور علي الافخارستيا و التناول ..ناكل جسده و نشرب دمه تكون لنا حياة و تتكاثر الكنيسة و تنمو ....كمان المعجزة تقولك ربنا بيحترمك ما يلغكش..هات اللي عندك مهما كان صغير و هو يفيض به ...شوية صلوات متقطعة ...ماشي ...قراية مش منتظمة للكتاب ماشي ....اعمال رحمة ماشي ... جهاد و شوية مطانيات و محاولة ضبط الجسد ماشي ...صوم و محاولة لترويض النفس ماشي .. كلمة حلوة و تشجيع ماشي ...متحملة جوزك و متحمل مراتك شوية ماشي ...واخد بالك من بيتك و انتي واحدة بالك من ولادك ماشي ...خدمة ع القد ماشي ...هات اللي عندك ...و هو يكبر و يكمل ... لكن قدم ما عندك بفقره بقلة حيلته ..أمن ...و قدم له ما عندك ...و خد من أيده اشبع و اشبع الاخرين و حيفيض اللي يملأ ١٢ قفة ... من الخبز و السمك ...خد بالك الكتاب دقيق ...الفيض كان في الاتنين السمك و الخبز مش السمك خلص و اتبقي العيش مثلا ...عمل الله كامل ...و لو الخمس آلاف دول كانوا خمسة مليون كانوا شبعوا و لو خمسة مليار كانوا شبعوا ...ما تعولش الهم و تحسبها ...حتتجوز ازاي و حتجهز بناتك ازاي و ازاي حتواجه الاسعار و الغلاء ...حط اللي عندك في أيده و قوله اتصرف ...ياللي شبعت بتاع ٢٠ الف بسمكتين و خمس خبزات تقدر تشبع ٤ أشخاص و لا شوف اسرتك كام و حط المبلغ اللي في ايدك قدامه و طلع منه عشوره ..علشان تقوله انك مؤمن بيه و مصدق مواعيده و ان اللي في ايدك اصلا مش مكفي و كمان بتنقصه بالعشور و هو يكمل بقه و صدق ربنا عمره عمره ما يبات مديون ...عاوز تغتني و تشبع و ما تتحوجش ادي بفيض و من غير حساب ... لالهنا المجد و الكرامة نبيل شحاتة |
رد: اكبر مجموعة ايات من الكتاب المقدس مع التأملات
استريحوا قليلا ..
فَسَمِعَ هِيرُودُسُ الْمَلِكُ، لأَنَّ اسْمَهُ صَارَ مَشْهُورًا. وَقَالَ: «إِنَّ يُوحَنَّا الْمَعْمَدَانَ قَامَ مِنَ الأَمْوَاتِ وَلِذلِكَ تُعْمَلُ بِهِ الْقُوَّاتُ». 15 قَالَ آخَرُونَ: «إِنَّهُ إِيلِيَّا». وَقَالَ آخَرُونَ: «إِنَّهُ نَبِيٌّ أَوْ كَأَحَدِ الأَنْبِيَاءِ». 16 وَلكِنْ لَمَّا سَمِعَ هِيرُودُسُ قَالَ: «هذَا هُوَ يُوحَنَّا الَّذِي قَطَعْتُ أَنَا رَأْسَهُ. إِنَّهُ قَامَ مِنَ الأَمْوَاتِ!» 17 لأَنَّ هِيرُودُسَ نَفْسَهُ كَانَ قَدْ أَرْسَلَ وَأَمْسَكَ يُوحَنَّا وَأَوْثَقَهُ فِي السِّجْنِ مِنْ أَجْلِ هِيرُودِيَّا امْرَأَةِ فِيلُبُّسَ أَخِيهِ، إِذْ كَانَ قَدْ تَزَوَّجَ بِهَا. 18 لأَنَّ يُوحَنَّا كَانَ يَقُولُ لِهِيرُودُسَ: «لاَ يَحِلُّ أَنْ تَكُونَ لَكَ امْرَأَةُ أَخِيكَ» 19 فَحَنِقَتْ هِيرُودِيَّا عَلَيْهِ، وَأَرَادَتْ أَنْ تَقْتُلَهُ وَلَمْ تَقْدِرْ، 20 لأَنَّ هِيرُودُسَ كَانَ يَهَابُ يُوحَنَّا عَالِمًا أَنَّهُ رَجُلٌ بَارٌّ وَقِدِّيسٌ، وَكَانَ يَحْفَظُهُ. وَإِذْ سَمِعَهُ، فَعَلَ كَثِيرًا، وَسَمِعَهُ بِسُرُورٍ. 21 وَإِذْ كَانَ يَوْمٌ مُوافِقٌ، لَمَّا صَنَعَ هِيرُودُسُ فِي مَوْلِدِهِ عَشَاءً لِعُظَمَائِهِ وَقُوَّادِ الأُلُوفِ وَوُجُوهِ الْجَلِيلِ، 22 دَخَلَتِ ابْنَةُ هِيرُودِيَّا وَرَقَصَتْ، فَسَرَّتْ هِيرُودُسَ وَالْمُتَّكِئِينَ مَعَهُ. فَقَالَ الْمَلِكُ لِلصَّبِيَّةِ: «مَهْمَا أَرَدْتِ اطْلُبِي مِنِّي فَأُعْطِيَكِ». 23 وَأَقْسَمَ لَهَا أَنْ «مَهْمَا طَلَبْتِ مِنِّي لأُعْطِيَنَّكِ حَتَّى نِصْفَ مَمْلَكَتِي». 24 فَخَرَجَتْ وَقَالَتْ لأُمِّهَا: «مَاذَا أَطْلُبُ؟» فَقَالَتْ: «رَأْسَ يُوحَنَّا الْمَعْمَدَانِ». 25 فَدَخَلَتْ لِلْوَقْتِ بِسُرْعَةٍ إِلَى الْمَلِكِ وَطَلَبَتْ قَائِلَةً: «أُرِيدُ أَنْ تُعْطِيَنِي حَالاً رَأْسَ يُوحَنَّا الْمَعْمَدَانِ عَلَى طَبَق». 26 فَحَزِنَ الْمَلِكُ جِدًّا. وَلأَجْلِ الأَقْسَامِ وَالْمُتَّكِئِينَ لَمْ يُرِدْ أَنْ يَرُدَّهَا. 27 فَلِلْوَقْتِ أَرْسَلَ الْمَلِكُ سَيَّافًا وَأَمَرَ أَنْ يُؤْتَى بِرَأْسِهِ. 28 فَمَضَى وَقَطَعَ رَأْسَهُ فِي السِّجْنِ. وَأَتَى بِرَأْسِهِ عَلَى طَبَق وَأَعْطَاهُ لِلصَّبِيَّةِ، وَالصَّبِيَّةُ أَعْطَتْهُ لأُمِّهَا. فكر هيرودس ناحية المسيح كان فكر سائد بين اليهود أن بعض القديسين خصوصا اللي استشهدوا ممكن يقوموا و ياخدوا سلطان من ربنا ..كمان كان الرعب جواه و مطاردة صوت الحق يوحنا له في قلبه ..لا يحل لك .. نظرة اليهود المسيح كانت تلات زوايا .. الزاوية الأولي للخائفين زي هيرودس و اللي تحت الخطية لان هيرودس كان اتزوج مرات أخيه فيلبس في حياته يعني أخيه ما متش ..و دول شايفينه نبي قائم أو شهيد قديس قام الزاوية التانية الماديين اللي مستنين حرفيا مجىء ايليا قبل المسيح علشان المسيح ييجي و يملكهم الارض و المسكونة و يرد الملك لإسرائيل ....و ده فكر لحد دلوقتي موجود عندهم الزاوية التالتة .. نظرة اليائسيين، هؤلاء الذين في يأسهم عاش إسرائيل قرابة 300 عامًا بلا نبي ظنوا في السيد أنه أحد الأنبياء و حكي القديس مرقس قصة استشهاد يوحنا المعمدان و اللي هيرودس ما قلش ساعتها أنه حيقطع راسه تمن رقصة لكن أشاع أنه خائن للدولة و محرض ضد الملك ... يوحنا صوت الحق ...الذي شهد له المسيح ..و الذي شهد هو للسيح ..يقتل ظلما ...ليه يارب ما تدخلش..ليه حاجات كتير هيرودس ينتصر ..ليه الظلم يسود ...انت فين ؟! .. منتهي الإحباط و الضيق و الحزن و الوجع ...علشان كده الآية اللي جاية مهمة .. وَلَمَّا سَمِعَ تَلاَمِيذُهُ، جَاءُوا وَرَفَعُوا جُثَّتَهُ وَوَضَعُوهَا فِي قَبْرٍ. 30 وَاجْتَمَعَ الرُّسُلُ إِلَى يَسُوعَ وَأَخْبَرُوهُ بِكُلِّ شَيْءٍ، كُلِّ مَا فَعَلُوا وَكُلِّ مَا عَلَّمُوا. 31 فَقَالَ لَهُمْ: «تَعَالَوْا أَنْتُمْ مُنْفَرِدِينَ إِلَى مَوْضِعٍ خَلاَءٍ وَاسْتَرِيحُوا قَلِيلاً». لأَنَّ الْقَادِمِينَ وَالذَّاهِبِينَ كَانُوا كَثِيرِينَ، وَلَمْ تَتَيَسَّرْ لَهُمْ فُرْصَةٌ لِلأَكْلِ. 32 فَمَضَوْا فِي السَّفِينَةِ إِلَى مَوْضِعٍ خَلاَءٍ مُنْفَرِدِينَ. استريحوا قليلا ...مش حينفع الحياة تتاخد علي الأعصاب كده ..مش حينفع نكمل الطريق و احنا محبطين و يائسين كده ...يقول تعالوا منفردين علي جنب كده في موضع خلاء بعيد عن المشغولية و اي اهتمامات ارتاحوا شوية ...كلنا نحتاج اللحظة دي ...و لازم نوفرها ..مش مهم عزلة المكان ممكن ناخد راحة في موضع خلاء في البيت ...لازم قعده معاه لوحدنا ..لازم نتغذي و نهدأ علشان نكمل الطريق ...ديما اقول للزوجات اللي بتشتكي من ضغوط البيت و الاولاد و الزوج و الشغل ..اقول لها اختاري وقت و لو نص ساعة ارتاحي فيها ..مش تنامي لا ...اعملي حاجة بتحبيها..ارسمي ...اسمعي موسيقي ..استرخي ..اعمليلك حاجة سخنة و خدي حمامك و استرخي ...بقول للزوج ..خد وقت خلاء مع نفسك ..بأي طريقة ..لازم نميل شوية لموضع خلاء و نرتاح قليلا ...وقت خلاء النفس و الروح و استعادة التوازن مهمة اوي لاستكمال الطريق ...الخادم اللي ديما يصدر ووعظ و خدمة و ما بيرتاحش في موضع خلاء و يتغذي و يتقوت حيخور و يضعف و تضعف خدمته ... حلو للشباب أنه يطلع خلوات للاديرة ..بس خلوات بجد مش رحلة أصحاب و خلاص ...لازم تستريحوا قليلا .. ربنا بيقدر قوي النفس المكسورة و يحترم حزنها ...ديما اقول ما حدش يملي مشاعر علي حد .. احترموا مشاعر الآخرين زي ما هي يعني نعزي فنقول للي باباها مات ... ما تزعليش ..كلنا رايحين ...هو بابا فين ما هو في السما ...احنا نفرحله ...هو بيتشفعلك ...بيزعل لما بيشوفك بتعيطي ..و اي كلام و هري ...سيبوا الحزن ياخد مساحته ...طبطبوا علي الناس في وجعها و صلوا لهم يتسندوا من غير وعظ و كلام نظري أو حتي ايماني مش وقته ...لكل شيء تحت السماء وقت ...فاكر المقالة اللي كتبتها عن انتقال ليديا بالعدرا ارض الجولف و صعقت ساعتها من رقم المشاهدة و التشيير اللي عدا ساعتها ٢٢٠ الف و انا اصلا لما بكتب بفضفض مش بهتم اوي باللايكات و لا نسبة المشاهدة لاني بفضفض مع القريبين مني ..و لان الموضوع مش طبيعي سالت نفسي هو ليه الناس شيرت و شافت ...لقيتني كاتب الاحاسيس الحقيقية وقتها لكل واحد صلي و ربنا ما استجابش للصلاة و خد ليديا ...صرخة لربنا كانت جوة كل واحد ...ساعات نحتاج نقول ااااه ما حدش يكتمها و لا يفلسفها ...اسمعها و حسها و احضن الموجوع اللي بيقولها و صلي له و بس ...استريحوا قليلا ... خد بالك الراحة حالة مؤقته من أجل استكمال مشقة الحياة إلي أن نرتاح راحة أبدية لا تنتهي لالهنا المجد و الكرامة الي الابد نبيل شحاتة |
رد: اكبر مجموعة ايات من الكتاب المقدس مع التأملات
استريحوا قليلا ..
فَسَمِعَ هِيرُودُسُ الْمَلِكُ، لأَنَّ اسْمَهُ صَارَ مَشْهُورًا. وَقَالَ: «إِنَّ يُوحَنَّا الْمَعْمَدَانَ قَامَ مِنَ الأَمْوَاتِ وَلِذلِكَ تُعْمَلُ بِهِ الْقُوَّاتُ». 15 قَالَ آخَرُونَ: «إِنَّهُ إِيلِيَّا». وَقَالَ آخَرُونَ: «إِنَّهُ نَبِيٌّ أَوْ كَأَحَدِ الأَنْبِيَاءِ». 16 وَلكِنْ لَمَّا سَمِعَ هِيرُودُسُ قَالَ: «هذَا هُوَ يُوحَنَّا الَّذِي قَطَعْتُ أَنَا رَأْسَهُ. إِنَّهُ قَامَ مِنَ الأَمْوَاتِ!» 17 لأَنَّ هِيرُودُسَ نَفْسَهُ كَانَ قَدْ أَرْسَلَ وَأَمْسَكَ يُوحَنَّا وَأَوْثَقَهُ فِي السِّجْنِ مِنْ أَجْلِ هِيرُودِيَّا امْرَأَةِ فِيلُبُّسَ أَخِيهِ، إِذْ كَانَ قَدْ تَزَوَّجَ بِهَا. 18 لأَنَّ يُوحَنَّا كَانَ يَقُولُ لِهِيرُودُسَ: «لاَ يَحِلُّ أَنْ تَكُونَ لَكَ امْرَأَةُ أَخِيكَ» 19 فَحَنِقَتْ هِيرُودِيَّا عَلَيْهِ، وَأَرَادَتْ أَنْ تَقْتُلَهُ وَلَمْ تَقْدِرْ، 20 لأَنَّ هِيرُودُسَ كَانَ يَهَابُ يُوحَنَّا عَالِمًا أَنَّهُ رَجُلٌ بَارٌّ وَقِدِّيسٌ، وَكَانَ يَحْفَظُهُ. وَإِذْ سَمِعَهُ، فَعَلَ كَثِيرًا، وَسَمِعَهُ بِسُرُورٍ. 21 وَإِذْ كَانَ يَوْمٌ مُوافِقٌ، لَمَّا صَنَعَ هِيرُودُسُ فِي مَوْلِدِهِ عَشَاءً لِعُظَمَائِهِ وَقُوَّادِ الأُلُوفِ وَوُجُوهِ الْجَلِيلِ، 22 دَخَلَتِ ابْنَةُ هِيرُودِيَّا وَرَقَصَتْ، فَسَرَّتْ هِيرُودُسَ وَالْمُتَّكِئِينَ مَعَهُ. فَقَالَ الْمَلِكُ لِلصَّبِيَّةِ: «مَهْمَا أَرَدْتِ اطْلُبِي مِنِّي فَأُعْطِيَكِ». 23 وَأَقْسَمَ لَهَا أَنْ «مَهْمَا طَلَبْتِ مِنِّي لأُعْطِيَنَّكِ حَتَّى نِصْفَ مَمْلَكَتِي». 24 فَخَرَجَتْ وَقَالَتْ لأُمِّهَا: «مَاذَا أَطْلُبُ؟» فَقَالَتْ: «رَأْسَ يُوحَنَّا الْمَعْمَدَانِ». 25 فَدَخَلَتْ لِلْوَقْتِ بِسُرْعَةٍ إِلَى الْمَلِكِ وَطَلَبَتْ قَائِلَةً: «أُرِيدُ أَنْ تُعْطِيَنِي حَالاً رَأْسَ يُوحَنَّا الْمَعْمَدَانِ عَلَى طَبَق». 26 فَحَزِنَ الْمَلِكُ جِدًّا. وَلأَجْلِ الأَقْسَامِ وَالْمُتَّكِئِينَ لَمْ يُرِدْ أَنْ يَرُدَّهَا. 27 فَلِلْوَقْتِ أَرْسَلَ الْمَلِكُ سَيَّافًا وَأَمَرَ أَنْ يُؤْتَى بِرَأْسِهِ. 28 فَمَضَى وَقَطَعَ رَأْسَهُ فِي السِّجْنِ. وَأَتَى بِرَأْسِهِ عَلَى طَبَق وَأَعْطَاهُ لِلصَّبِيَّةِ، وَالصَّبِيَّةُ أَعْطَتْهُ لأُمِّهَا. فكر هيرودس ناحية المسيح كان فكر سائد بين اليهود أن بعض القديسين خصوصا اللي استشهدوا ممكن يقوموا و ياخدوا سلطان من ربنا ..كمان كان الرعب جواه و مطاردة صوت الحق يوحنا له في قلبه ..لا يحل لك .. نظرة اليهود المسيح كانت تلات زوايا .. الزاوية الأولي للخائفين زي هيرودس و اللي تحت الخطية لان هيرودس كان اتزوج مرات أخيه فيلبس في حياته يعني أخيه ما متش ..و دول شايفينه نبي قائم أو شهيد قديس قام الزاوية التانية الماديين اللي مستنين حرفيا مجىء ايليا قبل المسيح علشان المسيح ييجي و يملكهم الارض و المسكونة و يرد الملك لإسرائيل ....و ده فكر لحد دلوقتي موجود عندهم الزاوية التالتة .. نظرة اليائسيين، هؤلاء الذين في يأسهم عاش إسرائيل قرابة 300 عامًا بلا نبي ظنوا في السيد أنه أحد الأنبياء و حكي القديس مرقس قصة استشهاد يوحنا المعمدان و اللي هيرودس ما قلش ساعتها أنه حيقطع راسه تمن رقصة لكن أشاع أنه خائن للدولة و محرض ضد الملك ... يوحنا صوت الحق ...الذي شهد له المسيح ..و الذي شهد هو للسيح ..يقتل ظلما ...ليه يارب ما تدخلش..ليه حاجات كتير هيرودس ينتصر ..ليه الظلم يسود ...انت فين ؟! .. منتهي الإحباط و الضيق و الحزن و الوجع ...علشان كده الآية اللي جاية مهمة .. وَلَمَّا سَمِعَ تَلاَمِيذُهُ، جَاءُوا وَرَفَعُوا جُثَّتَهُ وَوَضَعُوهَا فِي قَبْرٍ. 30 وَاجْتَمَعَ الرُّسُلُ إِلَى يَسُوعَ وَأَخْبَرُوهُ بِكُلِّ شَيْءٍ، كُلِّ مَا فَعَلُوا وَكُلِّ مَا عَلَّمُوا. 31 فَقَالَ لَهُمْ: «تَعَالَوْا أَنْتُمْ مُنْفَرِدِينَ إِلَى مَوْضِعٍ خَلاَءٍ وَاسْتَرِيحُوا قَلِيلاً». لأَنَّ الْقَادِمِينَ وَالذَّاهِبِينَ كَانُوا كَثِيرِينَ، وَلَمْ تَتَيَسَّرْ لَهُمْ فُرْصَةٌ لِلأَكْلِ. 32 فَمَضَوْا فِي السَّفِينَةِ إِلَى مَوْضِعٍ خَلاَءٍ مُنْفَرِدِينَ. استريحوا قليلا ...مش حينفع الحياة تتاخد علي الأعصاب كده ..مش حينفع نكمل الطريق و احنا محبطين و يائسين كده ...يقول تعالوا منفردين علي جنب كده في موضع خلاء بعيد عن المشغولية و اي اهتمامات ارتاحوا شوية ...كلنا نحتاج اللحظة دي ...و لازم نوفرها ..مش مهم عزلة المكان ممكن ناخد راحة في موضع خلاء في البيت ...لازم قعده معاه لوحدنا ..لازم نتغذي و نهدأ علشان نكمل الطريق ...ديما اقول للزوجات اللي بتشتكي من ضغوط البيت و الاولاد و الزوج و الشغل ..اقول لها اختاري وقت و لو نص ساعة ارتاحي فيها ..مش تنامي لا ...اعملي حاجة بتحبيها..ارسمي ...اسمعي موسيقي ..استرخي ..اعمليلك حاجة سخنة و خدي حمامك و استرخي ...بقول للزوج ..خد وقت خلاء مع نفسك ..بأي طريقة ..لازم نميل شوية لموضع خلاء و نرتاح قليلا ...وقت خلاء النفس و الروح و استعادة التوازن مهمة اوي لاستكمال الطريق ...الخادم اللي ديما يصدر ووعظ و خدمة و ما بيرتاحش في موضع خلاء و يتغذي و يتقوت حيخور و يضعف و تضعف خدمته ... حلو للشباب أنه يطلع خلوات للاديرة ..بس خلوات بجد مش رحلة أصحاب و خلاص ...لازم تستريحوا قليلا .. ربنا بيقدر قوي النفس المكسورة و يحترم حزنها ...ديما اقول ما حدش يملي مشاعر علي حد .. احترموا مشاعر الآخرين زي ما هي يعني نعزي فنقول للي باباها مات ... ما تزعليش ..كلنا رايحين ...هو بابا فين ما هو في السما ...احنا نفرحله ...هو بيتشفعلك ...بيزعل لما بيشوفك بتعيطي ..و اي كلام و هري ...سيبوا الحزن ياخد مساحته ...طبطبوا علي الناس في وجعها و صلوا لهم يتسندوا من غير وعظ و كلام نظري أو حتي ايماني مش وقته ...لكل شيء تحت السماء وقت ...فاكر المقالة اللي كتبتها عن انتقال ليديا بالعدرا ارض الجولف و صعقت ساعتها من رقم المشاهدة و التشيير اللي عدا ساعتها ٢٢٠ الف و انا اصلا لما بكتب بفضفض مش بهتم اوي باللايكات و لا نسبة المشاهدة لاني بفضفض مع القريبين مني ..و لان الموضوع مش طبيعي سالت نفسي هو ليه الناس شيرت و شافت ...لقيتني كاتب الاحاسيس الحقيقية وقتها لكل واحد صلي و ربنا ما استجابش للصلاة و خد ليديا ...صرخة لربنا كانت جوة كل واحد ...ساعات نحتاج نقول ااااه ما حدش يكتمها و لا يفلسفها ...اسمعها و حسها و احضن الموجوع اللي بيقولها و صلي له و بس ...استريحوا قليلا ... خد بالك الراحة حالة مؤقته من أجل استكمال مشقة الحياة إلي أن نرتاح راحة أبدية لا تنتهي لالهنا المجد و الكرامة الي الابد نبيل شحاتة |
رد: اكبر مجموعة ايات من الكتاب المقدس مع التأملات
ارسلهم اتنين اتنين..
وَدَعَا الاثْنَيْ عَشَرَ وَابْتَدَأَ يُرْسِلُهُمُ اثْنَيْنِ اثْنَيْنِ، وَأَعْطَاهُمْ سُلْطَانًا عَلَى الأَرْوَاحِ النَّجِسَةِ، 8 وَأَوْصَاهُمْ أَنْ لاَ يَحْمِلُوا شَيْئًا لِلطَّرِيقِ غَيْرَ عَصًا فَقَطْ، لاَ مِزْوَدًا وَلاَ خُبْزًا وَلاَ نُحَاسًا فِي الْمِنْطَقَةِ. 9 بَلْ يَكُونُوا مَشْدُودِينَ بِنِعَال، وَلاَ يَلْبَسُوا ثَوْبَيْنِ. 10 وَقَالَ لَهُمْ: «حَيْثُمَا دَخَلْتُمْ بَيْتًا فَأَقِيمُوا فِيهِ حَتَّى تَخْرُجُوا مِنْ هُنَاكَ. 11 وَكُلُّ مَنْ لاَ يَقْبَلُكُمْ وَلاَ يَسْمَعُ لَكُمْ، فَاخْرُجُوا مِنْ هُنَاكَ وَانْفُضُوا التُّرَابَ الَّذِي تَحْتَ أَرْجُلِكُمْ شَهَادَةً عَلَيْهِمْ. اَلْحَقَّ أَقُولُ لَكُمْ: سَتَكُونُ لأَرْضِ سَدُومَ وَعَمُورَةَ يَوْمَ الدِّينِ حَالَةٌ أَكْثَرُ احْتِمَالاً مِمَّا لِتِلْكَ الْمَدِينَةِ». 12 فَخَرَجُوا وَصَارُوا يَكْرِزُونَ أَنْ يَتُوبُوا. 13 وَأَخْرَجُوا شَيَاطِينَ كَثِيرَةً، وَدَهَنُوا بِزَيْتٍ مَرْضَى كَثِيرِينَ فَشَفَوْهُمْ. رفض اليهود للسيد ما قللتش من محبته للبشر فابتدأ يرسل تلاميذه للكرازة ..هم في اصحاح ٣ اختارهم و عاينوا محبته و عجائبه و دلوقتي يرسلهم و يهبهم سلطانًا على الأرواح النجسة. مش كفاية سماع الكلمة ولا مشاهدة أعماله ولا الوجود معه وملازمته إنما الحاجة دلوقتي ملحة لتمتعهم بسلطان لهدم مملكة الشر وإقامة مملكة النور. فيه شوية ملاحظات علي إرسالية يسوع لتلاميذه ... أولًا: أرسلهم اثنين اثنين، كقول الكتاب: "اثنان خير من واحد، لأن لهما أجرة لتعبهما صالحة. لأن إن وقع أحدهما يقيمه رفيقه. وويل لمن هو وحده إن وقع إذ ليس ثانٍ ليقيمه" (جا 4: 9-10). و يمكن اتنين علشان ينشغل واحد منهم بكلمة الوعظ ويكون الآخر مصليًا له، فتلتحم الكلمة بالصلاة فيكون لها ثمرها...الخدمة كده .. يشوع يحارب و يد موسي تصلي ورقم اثنين يشير إلى المحبة، إذ هي إرسالية حب مقدمة من الله للبشر. يقول البابا غريغوريوس (الكبير): أرسل الرب تلاميذه للكرازة اثنين اثنين، لوجود وصيتين عن الحب: حب الله وحب قريبنا، والمحبة لا يمكن أن تقوم بين أقل من اثنين. بهذا أعلن لنا أن من ليس له محبة نحو قريبه يلزمه ألا يقبل عمل الكرازة بأية وسيلة علشان الخدمة تنجح لازم الناس تشوف و تلمس المحبة بين الخدام مش صراعات و تمركزية..اول ما نلاقي خدمة متكعبلة معناها فيه حب ناقص بين الخدام و بين القادة الكنيسة هي بيت المحبة مش حتقدر تكرز في العالم من غير ما تحمل روح الحب في خدامها وكل شعبها. خلال هذا الحب يتمجد الله مباركًا كل عمل مهما بدا صغير وبدون المحبة تفقد الخدمة كل طاقتها....مهما عملنا و أنشطة و رحلات و وسائل جذب ...كنيستنا الصغيرة كمان اللي هي بيتنا لازم يبقي فيه حب ولادنا عاوزين نربيهم في المسيح يبقي لازم البيت فيه حب و اتضاع و تقديم ...اتنين اتنين ..بابا و ماما ..اخوات ...اتنين اتنين ...أصحاب ..اتنين اتنين ... "أعطاهم سلطانًا على الأرواح النجسة" إن كان عدو الخير قد ملك على قلب الإنسان فالحاجة شديدة و ضرورية للسلطان ضد هذا العدو. بمعنى آخر المعركة الحقيقية موقعها القلب وطرفاها الله والشيطان، مافيش عداوة بين التلاميذ وأي إنسان مهما كان شريرًا أو مقاومًا، إنما العداوة ضد عدو الخير نفسه اللي يخدع القلوب ويحوّلها لحسابه...علشان كده لازم نتحمل ولادنا بحب و ما تخدش الأمور بشخصنة ..ما يبقاش لينا مواقف خاصة ضد ولادنا و لا الشباب البعيد .. السيد المسيح وهب تلاميذه سلطانًا على الشياطين كمنحة منه للعمل، بس مقابل العطية الإلهية دي سألهم أن يعلنوا ثقتهم فيه و يعبروا عن ده بعدم الاهتمام باحتياجات هذا العالم، فتكون كرازتهم مش بالفم وحده، ولكن بتجردهم وثقتهم بالله اللي يعولهم ويهتم بيهم...علشان كده مجانا اخذتم مجانا أعطوا ...مرة كان عندي خدمة في مؤتمر و بعد ما خلصت لقيت امين الخدمة بيكرمش ١٠٠ ج و بيحطها في أيدي و بيقولي البنزين اللي تعبت بيه و جيت ههههههههه ..ضحكت و قلت له افرض بحط ٩٥ طبعا عملها بمحبة و بساطة بس انا رفضت ...لاني انا المستفيد و باخد بركة .....القصة مش ذات خالص ..تاخد بالك أن الوصية بالنسبة للتلاميذ مشددة، فلا يحملوا حتى المزود الذي فيه الضرورات، ولا الخبز وهو أساسي في الطعام، ولا نحاسًا في المنطقة، اليهود اتعودوا أن يحملوا العملات الصغيرة في منطقة نحاس في وسطهم زي حزام كده ...يسوع بيمنعهم من قليل القليل.. ليه يارب ....؟! لاني انا سحابتهم بالنهار و عمود النار وياهم بالليل ... كنت لسه بتفرج علي فيلم الراهب الصامت أو ابونا يسطس القديس اللي ديما كان يسأل الساعة كام .. و ازاي ركب القطار و ما معهوش الأجرة و لما نزله المحصل القطار ما تحركش ...ربنا غني اوي ..ما تعولش هم الخدمة حتجيب منين ..الخدمة حتجيب من جيب ابوها السماوي ..و ده فياض بلا حساب أو منطق خامسًا: أوصاهم أن يكونوا مشددين بنعال، ولا يلبسوا ثوبين [9]. فقد اعتاد اليهودي أن يلبس خمسة حاجات هي: أ. القميص أو اللباس الداخلي. ب. الرداء الخارجي أو عباءة أو شملة، يرتديها في النهار ويتغطى بها ليلًا. ج. المنطقة تربط على القميص والرداء معًا. د. اللباس للرأس، أي عمامة بيضاء أو زرقاء أو سوداء. ه. النعل أو الصندل. يطالبهم السيد بأن يشدوا نعالهم،يعني بيوصيهم التحرك المستمر والعمل الكرزاي غير المنقطع، فيكون الكارز سائرًا بنعليه بغير توقف، خصوصا أن طريق الكرازة مملوء بالأشواك. بعض الآباء شافوها أن شدّ النعال الداخلية للقلب يشير إلى الاستنارة للتعرف على طريق الرب كقول المرتل: "سراج لرجلي كلامك ونور لسبيلي"، فلا تتسخ أعماقنا بتراب هذا العالم ودنسه. هكذا يليق بالكارز و الخادم أن يشد الحذاء الداخلي الحق، بعد أن يخلع نعليه القديمين، متخليًا عن جلد الحيوانات الميتة التي منها تُصنع النعال ينهينا السيد المسيح عن ارتداء ثوبين، فإن من لبس المسيح لا يليق به أن يلبس العالم كثوبٍ يرتديه. من اختفى في الرب مقدسًا لا يعود يلبس محبة الزمنيات.و العالم و الشهرة و المجد الذاتي ايه البيت اللي يدخلوا فيه و ما يسبهوش...؟! الآباء قالوا هذا البيت الذي دخلناه ويلزم أن نقيم فيه حتى نخرج من هناك ما هو إلا الحياة الإنجيلية الكنسية.. لانها حياة ملائكية، قبلناه كبيت روحي، نعيش فيه لنحيا في السماوات، و ما نسبهوش لغاية ما نخرج من العالم لننعم بالسماوات عينها. و حكاية نفض التراب يقول القديس يوحنا الذهبي الفم في هذا التصرف "علامة مرعبة"، تجعل التلاميذ لا يفقدون جراءتهم بل يزدادون شجاعة، فإنهم يعلنون أنهم ينفضون كل ما هو مادي، يتركون لهم ترابهم وفكرهم الأرضي، ليعيشوا ملتصقين بما هو سماوي...قول كلمة ربنا و ما تخافش و قول الحق و ما تخافش و لا تجامل علي حساب ربنا و لاترضي الناس علي حساب ربنا ...مرة كنت في حفل تأبين قداسة البابا شنودة في جمعية صوفية عزمني مستشار امير رمزي علشان اقول شعر كنت كتبته و قولته في احتفالية الكشافة ...و قعدوا يقولوا احنا واحد و كلنا بندعو لله الواحد ..رفعت أيدي و قلت احنا واحد في بعض المبادئ الإنسانية .. رحمة و محبة و تعايش لكن مش واحد في الإيمان و علموا ولادكم اننا مختلفين تماما في الإيمان لكن علموهم احترام الاختلاف ..نحن لانؤمن بالمسيح عيسي الذي تؤمنون به لكن نؤمن أنه الله المتجسد و قلت لهم اكيد فيه ناس معانا بتقول في سرها استغفر الله العظيم ..بس انا مش حجاملكم في ايماني لكن احترم انسانيتكم و احبكم و اعرف اعيش معاكم و نسند بعض في الحياة ...حصل صمت شوية و بعدين عبد الحليم قنديل خد الكلمة و قال لي احترم شجاعتك و ايمانك ...أيوة احنا مختلفين و من هنا البداية ازاي نعلم نفسنا نحترم الاختلاف و نعمق المعاني الإنسانية . كان محور كرازة التلاميذ "ملكوت السماوات"، طريقه التوبة الصادقة النابعة عن الإيمان بالسيد الذي يملك في القلب، أما ثمر الكرازة دي شفاء النفس والجسد. تُشفى النفس بإخراج الشياطين،مش شرط يعني يكون ساكن المدعو شيطان لكن الخطية شيطان و التوبة اخراج شيطان .. ويُشفى الجسد بموهبة الشفاء خلال الدهن بالزيت. خد بالك أن عملية الدهن بالزيت ما كانتش عملية فردية قام بها تلميذ دون آخر، بل هو عمل جماعي، قام به التلاميذ جميعًا أثناء عملهم الكرازي. فلا بُد أن تكون هناك وصية إلهية ألزمتهم بها عند إرسالهم.الوصية دي كشفها معلمنا يعقوب في رسالته لما قال "أمريض أحد بينكم فليدع قسوس الكنيسة ويدهنوه بزيت..."..دي أية للي مش عاجبهم اسرار الكنيسة و عمل الكهنوت المقدس .. الجميل أن ربنا يدي ولاده نعم و بركات هو نفسه ما مارسهاش ما سمعناش أنه كان بيدهن بالزيت ... لكن الأعمال اللي عملها يديها لولاده و أعظم منها ..لسه شايف فيلم نسر البرية و الزيت اللي بيدهنه ابونا فلتاؤوس و كان سبب في شفاء مرضي و اخراج شياطين ...قوة و عمل سري للي عنده ايمان حيستفيد اللي بيشككوا هم الخسرانين .. لالهنا المجد و الكرامة نبيل شحاتة |
رد: اكبر مجموعة ايات من الكتاب المقدس مع التأملات
وجاء الي وطنه
وَخَرَجَ مِنْ هُنَاكَ وَجَاءَ إِلَى وَطَنِهِ وَتَبِعَهُ تَلاَمِيذُهُ. 2 وَلَمَّا كَانَ السَّبْتُ، ابْتَدَأَ يُعَلِّمُ فِي الْمَجْمَعِ. وَكَثِيرُونَ إِذْ سَمِعُوا بُهِتُوا قَائِلِينَ: «مِنْ أَيْنَ لِهذَا هذِهِ؟ وَمَا هذِهِ الْحِكْمَةُ الَّتِي أُعْطِيَتْ لَهُ حَتَّى تَجْرِيَ عَلَى يَدَيْهِ قُوَّاتٌ مِثْلُ هذِهِ؟ 3 أَلَيْسَ هذَا هُوَ النَّجَّارَ ابْنَ مَرْيَمَ، وَأَخُو يَعْقُوبَ وَيُوسِي وَيَهُوذَا وَسِمْعَانَ؟ أَوَلَيْسَتْ أَخَوَاتُهُ ههُنَا عِنْدَنَا؟» فَكَانُوا يَعْثُرُونَ بِهِ. 4 فَقَالَ لَهُمْ يَسُوعُ: «لَيْسَ نَبِيٌّ بِلاَ كَرَامَةٍ إِلاَّ فِي وَطَنِهِ وَبَيْنَ أَقْرِبَائِهِ وَفِي بَيْتِهِ». 5 وَلَمْ يَقْدِرْ أَنْ يَصْنَعَ هُنَاكَ وَلاَ قُوَّةً وَاحِدَةً، غَيْرَ أَنَّهُ وَضَعَ يَدَيْهِ عَلَى مَرْضَى قَلِيلِينَ فَشَفَاهُمْ. 6 وَتَعَجَّبَ مِنْ عَدَمِ إِيمَانِهِمْ. وَصَارَ يَطُوفُ الْقُرَى الْمُحِيطَةَ يُعَلِّمُ. جاء إلى وطنه ..طبعا يقصد الناصرة لكن خدها بمعني أعمق ..الله يريد أن يرجع إلي وطنه ..قلبك ...لأنك هيكل الله و هو ساكن فيه ...لما بنغلط ما بيستحملش لأنه كلي القداسة بيحجب وجهه لحين ...سيبه يرجع وطنه و لا تقاومه ...راحته فيك و راحتك فيه .. طبعا منتهي التحقير من اليهود لشخص ربنا يسوع ...من اين لهذا ..هذه ؟! زي ما تقول تحقير لحد بقه حتة البتاعة ده ينجح مثلا في الانترفيو..!!!! و لكنه الفقير ليغنينا ...ملئ الحكمة ..ملىء القوة ..تعليمه بسلطان ..كنت زمان ما فهمش يعني ايه تعليم بسلطان لغاية ما عرفت المعني لما كنت تبص علي عينين البابا كيرلس السادس تحس أنه فيه سلطان في كلمته كأنه بيامرك مش بينصحك ..و لما قابلت قداسة البابا شنودة الثالث بتاع ٨ مرات تلاقي برضه هيبة و سلطان كده في كلامه ..دي حاجة تتحس.. اللي معقد الناس اللي قلبهم مقفول و مش فاهمين حقيقة إيماننا هي نفس مشكلة اليهود ..بقة ابن مريم بالجسد و اللي عمره علي الارض معروف ده اله ..؟!! نجار يبقي اله ..؟! في الحقيقة هي العكس ..اله بقة ابن مريم ..اله تجسد..اله بقي نجار ..الكبير ممكن يقبل يصغر لكن صغير ما يكبرش ...رئيس جمهورية زي السيسي ممكن يلبس لبس كناس و يكنس في الشارع و يحس بالكناسين لكنه و هو كناس رئيس جمهورية و ليه سلطة و يوقع بصفته رئيس دولة ..لكن هات كناس يروح القصر الجمهورى و يقعد علي مكتب السيسي يتقفش و يتحاكم بانتحال شخصية رئيس ...الله يتجسد مش انسان بقى اله ..هو ده معني التجسد ببساطة .. ما فيش كرامة لنبي فى وطنه ... كتير يبقي بيتك اكتر مكان بيحقر فيك ..انت حتعلمنى ؟! ..ييجوا يشوفوا الخادمة في البيت عاملة ازاي ...خلاص بقالك حس في البيت و انت كنت لسة اول امبارح بشورت .. وسط عنادي و مقاومتي لعمل المسيح فيا بمنع بركات و نعم كتير ...معملش ولا قوة واحدة مع أن قبلها قوات عظيمة عملها و آخرهم نازفة الدم اللي انتزعت قوة و ابنة يايرس ..و مع هذا يسوع ده حنين اوي قلبه ما يستحملش يقولك حط أيده علي مرضي قليلين و شفاهم..يظهر كانوا عندهم شوية ايمان ..ساعات كاب أو كام ناخد قرار بعقوبة لولادنا ...بس بعد شوية فيه حنية تغلبنا ..تلاقينا نحوم حواليهم كده ...اسال مراتي ..هي كلت ؟! ..أو اقولها تبقي تخليها تروح بس ما تتاخرش و قولي لها انك اترجتيني...ربنا بيحبنا كاب و اي اب ...ابوة تفوق الخيال .. صار يطوف القري المحيطة يعلم ...تقولك ربنا بيهتم بالصغير زي الكبير ..يشتاق للقلب الكبير و المتعالي زي المدينة و المجمع و يشتاق للغلبان و الصغير زي القرية الصغيرة ...ربنا عاوزك و انت خادم كبير وواعظ و شماس و ليك خدمة و شايف نفسك و عاوزك و انت مالكش فيها و يادوبك بتاع أبانا الذي في السموات ... انجيل النهاردة يقولك .. ما تعاندش علشان ما تعطلش قوات كثيرة يقدر يعملها في حياتك .. الله يفتقدنا صغار و كبار لا تلتفت لمعطلات بيتك و انت ماشي في سكة ربنا لأنه ما فيش نبي بكرامة في بيته لك رجاء أن النعمة لا تغلق أبوابها تماما بل هناك بقية بدليل أنه شفي قليلين .. لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
وجاء الي وطنه
وَخَرَجَ مِنْ هُنَاكَ وَجَاءَ إِلَى وَطَنِهِ وَتَبِعَهُ تَلاَمِيذُهُ. 2 وَلَمَّا كَانَ السَّبْتُ، ابْتَدَأَ يُعَلِّمُ فِي الْمَجْمَعِ. وَكَثِيرُونَ إِذْ سَمِعُوا بُهِتُوا قَائِلِينَ: «مِنْ أَيْنَ لِهذَا هذِهِ؟ وَمَا هذِهِ الْحِكْمَةُ الَّتِي أُعْطِيَتْ لَهُ حَتَّى تَجْرِيَ عَلَى يَدَيْهِ قُوَّاتٌ مِثْلُ هذِهِ؟ 3 أَلَيْسَ هذَا هُوَ النَّجَّارَ ابْنَ مَرْيَمَ، وَأَخُو يَعْقُوبَ وَيُوسِي وَيَهُوذَا وَسِمْعَانَ؟ أَوَلَيْسَتْ أَخَوَاتُهُ ههُنَا عِنْدَنَا؟» فَكَانُوا يَعْثُرُونَ بِهِ. 4 فَقَالَ لَهُمْ يَسُوعُ: «لَيْسَ نَبِيٌّ بِلاَ كَرَامَةٍ إِلاَّ فِي وَطَنِهِ وَبَيْنَ أَقْرِبَائِهِ وَفِي بَيْتِهِ». 5 وَلَمْ يَقْدِرْ أَنْ يَصْنَعَ هُنَاكَ وَلاَ قُوَّةً وَاحِدَةً، غَيْرَ أَنَّهُ وَضَعَ يَدَيْهِ عَلَى مَرْضَى قَلِيلِينَ فَشَفَاهُمْ. 6 وَتَعَجَّبَ مِنْ عَدَمِ إِيمَانِهِمْ. وَصَارَ يَطُوفُ الْقُرَى الْمُحِيطَةَ يُعَلِّمُ. جاء إلى وطنه ..طبعا يقصد الناصرة لكن خدها بمعني أعمق ..الله يريد أن يرجع إلي وطنه ..قلبك ...لأنك هيكل الله و هو ساكن فيه ...لما بنغلط ما بيستحملش لأنه كلي القداسة بيحجب وجهه لحين ...سيبه يرجع وطنه و لا تقاومه ...راحته فيك و راحتك فيه .. طبعا منتهي التحقير من اليهود لشخص ربنا يسوع ...من اين لهذا ..هذه ؟! زي ما تقول تحقير لحد بقه حتة البتاعة ده ينجح مثلا في الانترفيو..!!!! و لكنه الفقير ليغنينا ...ملئ الحكمة ..ملىء القوة ..تعليمه بسلطان ..كنت زمان ما فهمش يعني ايه تعليم بسلطان لغاية ما عرفت المعني لما كنت تبص علي عينين البابا كيرلس السادس تحس أنه فيه سلطان في كلمته كأنه بيامرك مش بينصحك ..و لما قابلت قداسة البابا شنودة الثالث بتاع ٨ مرات تلاقي برضه هيبة و سلطان كده في كلامه ..دي حاجة تتحس.. اللي معقد الناس اللي قلبهم مقفول و مش فاهمين حقيقة إيماننا هي نفس مشكلة اليهود ..بقة ابن مريم بالجسد و اللي عمره علي الارض معروف ده اله ..؟!! نجار يبقي اله ..؟! في الحقيقة هي العكس ..اله بقة ابن مريم ..اله تجسد..اله بقي نجار ..الكبير ممكن يقبل يصغر لكن صغير ما يكبرش ...رئيس جمهورية زي السيسي ممكن يلبس لبس كناس و يكنس في الشارع و يحس بالكناسين لكنه و هو كناس رئيس جمهورية و ليه سلطة و يوقع بصفته رئيس دولة ..لكن هات كناس يروح القصر الجمهورى و يقعد علي مكتب السيسي يتقفش و يتحاكم بانتحال شخصية رئيس ...الله يتجسد مش انسان بقى اله ..هو ده معني التجسد ببساطة .. ما فيش كرامة لنبي فى وطنه ... كتير يبقي بيتك اكتر مكان بيحقر فيك ..انت حتعلمنى ؟! ..ييجوا يشوفوا الخادمة في البيت عاملة ازاي ...خلاص بقالك حس في البيت و انت كنت لسة اول امبارح بشورت .. وسط عنادي و مقاومتي لعمل المسيح فيا بمنع بركات و نعم كتير ...معملش ولا قوة واحدة مع أن قبلها قوات عظيمة عملها و آخرهم نازفة الدم اللي انتزعت قوة و ابنة يايرس ..و مع هذا يسوع ده حنين اوي قلبه ما يستحملش يقولك حط أيده علي مرضي قليلين و شفاهم..يظهر كانوا عندهم شوية ايمان ..ساعات كاب أو كام ناخد قرار بعقوبة لولادنا ...بس بعد شوية فيه حنية تغلبنا ..تلاقينا نحوم حواليهم كده ...اسال مراتي ..هي كلت ؟! ..أو اقولها تبقي تخليها تروح بس ما تتاخرش و قولي لها انك اترجتيني...ربنا بيحبنا كاب و اي اب ...ابوة تفوق الخيال .. صار يطوف القري المحيطة يعلم ...تقولك ربنا بيهتم بالصغير زي الكبير ..يشتاق للقلب الكبير و المتعالي زي المدينة و المجمع و يشتاق للغلبان و الصغير زي القرية الصغيرة ...ربنا عاوزك و انت خادم كبير وواعظ و شماس و ليك خدمة و شايف نفسك و عاوزك و انت مالكش فيها و يادوبك بتاع أبانا الذي في السموات ... انجيل النهاردة يقولك .. ما تعاندش علشان ما تعطلش قوات كثيرة يقدر يعملها في حياتك .. الله يفتقدنا صغار و كبار لا تلتفت لمعطلات بيتك و انت ماشي في سكة ربنا لأنه ما فيش نبي بكرامة في بيته لك رجاء أن النعمة لا تغلق أبوابها تماما بل هناك بقية بدليل أنه شفي قليلين .. لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
لا تخف..أمن فقط
1 وَلَمَّا اجْتَازَ يَسُوعُ فِي السَّفِينَةِ أَيْضًا إِلَى الْعَبْرِ، اجْتَمَعَ إِلَيْهِ جَمْعٌ كَثِيرٌ، وَكَانَ عِنْدَ الْبَحْرِ. 22 وَإِذَا وَاحِدٌ مِنْ رُؤَسَاءِ الْمَجْمَعِ اسْمُهُ يَايِرُسُ جَاءَ. وَلَمَّا رَآهُ خَرَّ عِنْدَ قَدَمَيْهِ، 23 وَطَلَبَ إِلَيْهِ كَثِيرًا قَائِلاً: «ابْنَتِي الصَّغِيرَةُ عَلَى آخِرِ نَسَمَةٍ. لَيْتَكَ تَأْتِي وَتَضَعُ يَدَكَ عَلَيْهَا لِتُشْفَى فَتَحْيَا!». 24 فَمَضَى مَعَهُ وَتَبِعَهُ جَمْعٌ كَثِيرٌ وَكَانُوا يَزْحَمُونَهُ. وَبَيْنَمَا هُوَ يَتَكَلَّمُ جَاءُوا مِنْ دَارِ رَئِيسِ الْمَجْمَعِ قَائِلِينَ: «ابْنَتُكَ مَاتَتْ. لِمَاذَا تُتْعِبُ الْمُعَلِّمَ بَعْدُ؟» 36 فَسَمِعَ يَسُوعُ لِوَقْتِهِ الْكَلِمَةَ الَّتِي قِيلَتْ، فَقَالَ لِرَئِيسِ الْمَجْمَعِ: «لاَ تَخَفْ! آمِنْ فَقَطْ». 37 وَلَمْ يَدَعْ أَحَدًا يَتْبَعُهُ إِلاَّ بُطْرُسَ وَيَعْقُوبَ، وَيُوحَنَّا أَخَا يَعْقُوبَ. 38 فَجَاءَ إِلَى بَيْتِ رَئِيسِ الْمَجْمَعِ وَرَأَى ضَجِيجًا. يَبْكُونَ وَيُوَلْوِلُونَ كَثِيرًا. 39 فَدَخَلَ وَقَالَ لَهُمْ: «لِمَاذَا تَضِجُّونَ وَتَبْكُونَ؟ لَمْ تَمُتِ الصَّبِيَّةُ لكِنَّهَا نَائِمَةٌ». 40 فَضَحِكُوا عَلَيْهِ. أَمَّا هُوَ فَأَخْرَجَ الْجَمِيعَ، وَأَخَذَ أَبَا الصَّبِيَّةِ وَأُمَّهَا وَالَّذِينَ مَعَهُ وَدَخَلَ حَيْثُ كَانَتِ الصَّبِيَّةُ مُضْطَجِعَةً، 41 وَأَمْسَكَ بِيَدِ الصَّبِيَّةِ وَقَالَ لَهَا: «طَلِيثَا، قُومِي!». الَّذِي تَفْسِيرُهُ: يَا صَبِيَّةُ، لَكِ أَقُولُ: قُومِي! 42 وَلِلْوَقْتِ قَامَتِ الصَّبِيَّةُ وَمَشَتْ، لأَنَّهَا كَانَتِ ابْنَةَ اثْنَتَيْ عَشْرَةَ سَنَةً. فَبُهِتُوا بَهَتًا عَظِيمًا. 43 فَأَوْصَاهُمْ كَثِيرًا أَنْ لاَ يَعْلَمَ أَحَدٌ بِذلِكَ. وَقَالَ أَنْ تُعْطَى لِتَأْكُلَ. إقامة ابنة يايرس معروفة بس تعالوا نبحر الي العمق .. اكيد يايرس دخل في صراع نفسي أنه يسبب بنته في حالتها و لا يروح للمسيح بنفسه .. وَطَلَبَ إِلَيْهِ كَثِيرًا قَائِلاً: «ابْنَتِي الصَّغِيرَةُ عَلَى آخِرِ نَسَمَةٍ. لَيْتَكَ تَأْتِي وَتَضَعُ يَدَكَ عَلَيْهَا لِتُشْفَى فَتَحْيَا!». حالة حرجة .. نفسي بتضيع..اللي لسه متعلمة الطريق الروحي وقعت في خطية عظيمة و بقيت في اخر نسمة ... بيتي يارب في اخر نسمة أسرة مكسورة و كل واحد في وادي ..اخر نسمة ...بنتي و ابني بيروحوا مني مسروقين في سكة هلاك و اصحابهم مضيعينهم..اخر نسمة ..معدش يحبني زي الاول شغله و خروجاته و ليه علاقة بغيري و علاقتي بيه بتنهار..اخر نسمة ...شغلي بيتدمر ..ديون و غلاء و مش قادر ..اخر نسمة ..انا في حكم الموت شكلي عايش بس جوايا ميت ..اخر نسمة ...فشلت و الفرصة دى اخر نسمة ...الحل ... اجري و اترمي عند أقدام المخلص و ما تقعدش تندب و تنتحب .. اطلب أن يضع يده لتشفي..صلي سيب دموعك تحررك من خوفك ...حيسمع و ينصت و يشفق و يأتي ...اه جميل نقول لبعض صلي لي لكن من باب أولي اصلي انا ..احكي انا ...انا اقدر واحد يشرح مشكلته و ألمه و اللي مش حعرف احكيه حيحسني و يشعر بتنهداتي .. مش ممكن تروح للمسيح بمصيبتك وورطتك و يتخلي خصوصا لو كان ليك ايمان ..الايمان عامل زي الدلو اللي تخرج بيه مية الحياة من ينبوع الحياة الذي لا يفرغ و لا يشقق.. طب ليه يسوع ما قلش كلمة فتبرأ البنت زي ما عملت قبل كده ...غالبا لأنه عرف انها ماتت بعد خروج إليها و مع هذا لن يرده .فارغا.. الوحيد اللي مش ممكن يقولك جملة جاي لي بعد ايه بعد ما خربت مالطة ؟! .تخرب الدنيا مش مهم هو وحده يبنيها تاني ..ليه طرق خلاص و نجاة لا تخطر علي قلب بشر .. اكيد يايرس كانت نفسيته بتتحطم و هو شايف المسيح بيمشى ببطء علشان الزحام و زاد و غطي كمان شفاء نازفة الدم ووقوف المسيح ...يارب بسرعة ...يارب مش حستحمل كده ..البنت بتموت ...الحل كان في الكلمة اللي قالهاله في الاول ...لا تخف ...أمن فقط ...و الزحام ده يقولك أن الإنسان ما يفكرش غير في نفسه ..يمكن الأنانية في طلب الأبدية حاجة حلوة بس الزحمة علشان كل واحد عاوز يشفي و مش مهم اخوه ... الصدمة ....ساعات تدخل ربنا في احتياج و موضوع و تلاقيها باظت و انقلبت اكتر ..ابنتك ماتت ...يالها من صدمة ... و قبل ما يشعر بندم أنه تذلل ليسوع أو يشمت فيه الفريسين اللي كانوا في أشد الغيظ أن يسجد رئيس مجمع أمام هذا الفقير ..عاجله بسند يحسن يخور.. لا تخف ..أمن فقط ...بس دي ماتت ..انا سقطت بالفعل في الخطية ما بقتش فكرة ..دي مراتي سابت البيت ..ده جوزي انفصل عني..ده انا اترفدت ...ده انا افتقرت و خسرت كل اللي معايا ..ده ابني بقي مدمن ..دي بنتي فقدت نفسها .. انا ضعت ...لا تخف ..أمن فقط ...اامن ازاي بس بقولك ماتت ...معلش هو مانح الحياة ..زمان اول ما ابويا مات ساب لنا ورشة و كانت مديونة و كان فيه حاجة اسمها ضريبة تركات طلبت ساعتها مننا ٣٠٠ الف ج في ١٩٨٥ و اصلا الورشة باللي فيها ما تجبش ٣٠ الف و ساعتها كنت في كنيسة الأنبا شنودة رئيس المتوحدين و بداية معرفتي بابونا بطرس ...شكيت له و قلت له يصلي لي قالي روح علي أيقونة الأنبا شنودة و هو حيعمل معاك شغل جامد ...رحت و صليت بيتنا حيتخرب حنضيع ..يومين و زادت الطينة بلة اتبعت التقدير بنموذج ١٨ و ده تقدير أولي بس لازم تطعن عليه.. طعنا و رحت تاني قالي ما تخفش ...صلي صليت ..شهر و جه نموذج ١٩ و ده ربط نهائي بنفس الرقم ٣٠٠ الف ج ...ما فيش حل غير المحكمة و دي اخر حاجة نلجأ لها و جري العرف أنه باقصي خيال يعني ممكن يدفعونا النص يعني ١٥٠ الف ..مصيبة ..خراب ..رحت اعاتب الأنبا شنودة و أقوله اجيلك بدل ما تحلها تقفلها و تخربها...و قبل النطق بالحكم يطلع قانون اعفاء من ضريبة التركات و يحدد حاجة اسمها رسم ايلولة و نستفيد من هذا القانون لأنه ما صدرش حكم لسه و مش بس كده لان المأمورية قدرت رسمي الورشة فالرسوم تتحسب علي تقدير المأمورية و دفعنا ٣٠٠ ج بس !!!!!!!! لو كان القانون طلع و احنا لسه ما وصلتناش النماذج كان ممكن المأمورية تغالي في التقدير فندفع رسوم ايلولة توصل ٣٠ الف بس ربنا عمل كده بشكل انها خربت ...ماتت ..لكن في أيده حياة ..دفعنا ٣٠٠ ج بس ...من ساعتها انا مرتبط بالكنيسة دي و ابونا بطرس لحد النهاردة و بصلي اسبوع الالام هناك .. ساعات نسمع كلمة ربنا و تاخدها بسخرية تضحك و كان المشكلة أعظم منه ..هو ابونا ده ما فيش في بقه غير صلي ..ما فيش حلول عملية ؟! .. زي ما عمل اللي كانوا بيعزوا و يندبوا و خصوصا دي صبية يعني حاجة تقطع القلب ..دخل يسوع و معاه الناس بس اللي يستاهلوا يعاينوا قوة لاهوته و مجده .. مسك بايد الصبية ..نقل من حياته لموتها.. يا صبية قومي ..طالما ما قلش اسمها حط اسمك و حطي اسمك ..يا نبيل قوم يا ماريا قومي يا امل قومي يا سارة قومي يا اي حد قوم ...المسيح يمد أيده ليك و بيقولك قوم ..انفض الموت عنك و قوم ..انفض الياس و الكآبة و قوم ..انفض الفشل و قوم ..و يقول ادوها تاكل ....الميت في خطيته و زناه و شهواته زي حالاتي لما ربنا يعيده الحياة تاني بكلمته و يقوم لازم ياكل علشان تفضل الحياة فيه ...كل جسده و اشرب دمه تحيا فيه و هو فيك ..كلمة ربنا تتاكل ما تتقريش يقول ليوحنا في الرؤيا خد السفر و كله مش اقراه ...اللي تكتب له حياة من جديد لازم يتغذي و ياكل .. محصلة النهاردة ..أمن فقط ...لا تخف ..لم تمت .. امسك بيد الصبية ..لك اقول قومي ..للوقت قامت ..مشيت ..لتأكل لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
كوني صحيحة
وَامْرَأَةٌ بِنَزْفِ دَمٍ مُنْذُ اثْنَتَيْ عَشْرَةَ سَنَةً، 26 وَقَدْ تَأَلَّمَتْ كَثِيرًا مِنْ أَطِبَّاءَ كَثِيرِينَ، وَأَنْفَقَتْ كُلَّ مَا عِنْدَهَا وَلَمْ تَنْتَفِعْ شَيْئًا، بَلْ صَارَتْ إِلَى حَال أَرْدَأَ. 27 لَمَّا سَمِعَتْ بِيَسُوعَ، جَاءَتْ فِي الْجَمْعِ مِنْ وَرَاءٍ، وَمَسَّتْ ثَوْبَهُ، 28 لأَنَّهَا قَالَتْ: «إِنْ مَسَسْتُ وَلَوْ ثِيَابَهُ شُفِيتُ». 29 فَلِلْوَقْتِ جَفَّ يَنْبُوعُ دَمِهَا، وَعَلِمَتْ فِي جِسْمِهَا أَنَّهَا قَدْ بَرِئَتْ مِنَ الدَّاءِ. 30 فَلِلْوَقْتِ الْتَفَتَ يَسُوعُ بَيْنَ الْجَمْعِ شَاعِرًا فِي نَفْسِهِ بِالْقُوَّةِ الَّتِي خَرَجَتْ مِنْهُ، وَقَالَ: «مَنْ لَمَسَ ثِيَابِي؟» 31 فَقَالَ لَهُ تَلاَمِيذُهُ: «أَنْتَ تَنْظُرُ الْجَمْعَ يَزْحَمُكَ، وَتَقُولُ: مَنْ لَمَسَنِي؟» 32 وَكَانَ يَنْظُرُ حَوْلَهُ لِيَرَى الَّتِي فَعَلَتْ هذَا. 33 وَأَمَّا الْمَرْأَةُ فَجَاءَتْ وَهِيَ خَائِفَةٌ وَمُرْتَعِدَةٌ، عَالِمَةً بِمَا حَصَلَ لَهَا، فَخَرَّتْ وَقَالَتْ لَهُ الْحَقَّ كُلَّهُ. 34 فَقَالَ لَهَا: «يَا ابْنَةُ، إِيمَانُكِ قَدْ شَفَاكِ، اذْهَبِي بِسَلاَمٍ وَكُونِي صَحِيحَةً مِنْ دَائِكِ». انا حبيت اخد معجزة نازفة الدم علي بعض و نبقي ناخد ابنة يايرس علي بعض ... قصة معروفة جدا لكن خلونا ندور في العمق ... اولا مشكلة هذه المرأة ٣ مشكلات ...جسدية و روحية و اجتماعية جسدية ...اتناشر سنة تعاني من نزف دم نسائي لا يتوقف و ده يجعلها تعاني من انيميا شديدة و ضعف و هزال و فقد مناعة و بالطبع لم يكن الطب متقدم زي دلوقتي بدليل انها راحت لدكاترة كتير المشكلة التانية روحية و هي أنها حسب الشريعة نجسه لا تقترب الهيكل و لا تستطيع أن تقدم ذبائح أو تمارس عبادات زي ما جه في سفر لاويين ...طبعا علي الهامش كده المسيحية ما فيهاش نجاسة و احتياج تطهير فالكل صار طاهرا بدم يسوع و ما فيش مثلا سيدة في period ما تصليش أو ما تصومش أو ما تمسكش كتاب مقدس و لو فيه حرص انها ما تتناولش مش للنجاسة لكن لأن الجسد كأنه في حالة عدم استعداد زي ما تاكل متأخر او تشرب بعد نص الليل و تبقي مش جاهز للتناول المشكلة التالتة العزلة المجتمعية نتيجة انها في الشريعة نجسة فاللي يسلم عليها يتنجس ويحتاج يتطهر في المساء و يغسل ثيابه و اللي تلمسه أو يلمسها حتي سريرها و اشيائها تعتبر نجسة «وَإِذَا كَانَتِ امْرَأَةٌ يَسِيلُ سَيْلُ دَمِهَا أَيَّامًا كَثِيرَةً فِي غَيْرِ وَقْتِ طَمْثِهَا، أَوْ إِذَا سَالَ بَعْدَ طَمْثِهَا، فَتَكُونُ كُلَّ أَيَّامِ سَيَلاَنِ نَجَاسَتِهَا كَمَا فِي أَيَّامِ طَمْثِهَا. إِنَّهَا نَجِسَةٌ. 26 كُلُّ فِرَاشٍ تَضْطَجِعُ عَلَيْهِ كُلَّ أَيَّامِ سَيْلِهَا يَكُونُ لَهَا كَفِرَاشِ طَمْثِهَا. وَكُلُّ الأَمْتِعَةِ الَّتِي تَجْلِسُ عَلَيْهَا تَكُونُ نَجِسَةً كَنَجَاسَةِ طَمْثِهَا. 27 وَكُلُّ مَنْ مَسَّهُنَّ يَكُونُ نَجِسًا، فَيَغْسِلُ ثِيَابَهُ وَيَسْتَحِمُّ بِمَاءٍ، وَيَكُونُ نَجِسًا إِلَى الْمَسَاءِ. 28 وَإِذَا طَهُرَتْ مِنْ سَيْلِهَا تَحْسُبُ، لِنَفْسِهَا سَبْعَةَ أَيَّامٍ ثُمَّ تَطْهُرُ. 29 وَفِي الْيَوْمِ الثَّامِنِ تَأْخُذُ لِنَفْسِهَا يَمَامَتَيْنِ أَوْ فَرْخَيْ حَمَامٍ، وَتَأْتِي بِهِمَا إِلَى الْكَاهِنِ إِلَى بَابِ خَيْمَةِ الاجْتِمَاعِ. 30 فَيَعْمَلُ الْكَاهِنُ: الْوَاحِدَ ذَبِيحَةَ خَطِيَّةٍ، وَالآخَرَ مُحْرَقَةً. وَيُكَفِّرُ عَنْهَا الْكَاهِنُ أَمَامَ الرَّبِّ مِنْ سَيْلِ نَجَاسَتِهَا. أتصور معايا كده واحدة حياتها متحطمة كده في صحتها و حياتها و عبادتها...اكيد ياس و وجع و الام و حزن ...زاد و غطي مرمطة دكاترة و امل شفاء دائم الانكسار و خلص الموضوع كمان انها افتقرت و خسرت فلوسها في محاولة علاجها ... ساعات نبقي بننزف اتناشر سنة و محدش حاسس بينا ..!!! اتناشر سنة نفسك تبقي ام و مش قادرة و بتتقطعي!!! اتناشر سنة محدش اتقدم لك و بقياسات البشر انتي في عنوسة و شايفة عينيهم اللي بيشفقوا عليكي و يتمصمصوا صعبانية أن قرفتك وحشة .. و كل ما تحضري فرح تبقي مكسورة ..!!!!اتناشر سنة نكد و خناق ما يبطلش و جوزك ما سمعكيش فيهم كلمة حلوة ..اتناشر سنة انت اخر واحد في البيت محسوس بيه كاب و كزوج ..مجرد مصروف بيت و خزنة للاولاد ..اتناشر سنة لا اب بيحضن و لا ام تصاحب و لا اخ بيسند و لا اخت حنينة ... احساس مرير بغربة و لا حتي صديق يطبطب ...اتناشر سنة في خطية ممرمطاك و كاسرة طهارتك و كاسرة نفسك قدام نفسك و قدام ربنا و لا عارف تعترف و لا عارف تتوب و لا عارف تتناول و لا عارف تصلي ...اتناشر سنة محروم من السلام و الحب و الفرح ...اتناشر سنة بننزف وجع و انين ...اتناشر سنة فارقك فيها اللي بتحبه و كان وليفك في الحياة و سندك و متعلقة بيه نفسك .. يا غادرك للسما و الموت سرقه منك يا خانك و باعك و كسر قلبك ...اتناشر سنة بتسال ربنا كل يوم ما بتاخدنيش ليه و تريحني طالما مش عاوز تحل لي مشكلتي أو تفك أسري أو تشفيني ... هذه السيدة سمعت عن يسوع .!!! كلنا سمعنا عن يسوع ..الف عظة عن يسوع الف كتاب عن يسوع الف ترنيمة عن يسوع بس السمع عن يسوع ما فيهوش شفاء ..!!!!! لازم تلمس يسوع ...هو ده الحل ...اننا نختبره اختبار شخصي ..و الاختبار بلا حسابات أو قيود ..لا حسبت حتنجس كام واحد في الزحمة لغاية ما تلمسه و لا اصلا حتنجسه لما تلمسه و لا لا ..يمكن علشان كده قالت المس هدب ثوبه فيتنجس توبه بس لكن هو لا علشان كده اتخضت لما سأله مين لمسني كأنها بتقوله هي نجاستي وصلتك ؟!!! ..حست انها لقطة النهاية يا تكون أو ما تكونش..ما حسبتش انها بضعف جسمها و امكانياتها الهزيلة حتعافر ازاي و توصله ...ازاي اروح له بزناي و شري و زبالتي ووساختي ... الناس شايفاني في صورة بس هو اللي عارف الحقيقة و ساترها ...ازاي اصلي و انا مابستحملش خمس دقايق...لكنه قرار الشفاء ...اريد ان اشفي.... اشمعني هدب ثوبه يعني مش كمه مثلا و لا ثوبه و خلاص ؟!!!!!!! كانوا زمان يحطوا عصابة أو شريط لونه اسمانجوني يعني سماوي علي هدب الثوب أو ديل الجلابية بالبلدي علشان يفكرهم بالشريعة و الالتزام بيها ..ديل الجلابية يجر في الارض لكن العصابة أو الشريط ده بيشاور علي السما و كأنها دعوة عيشوا في الارض و انتوا بتوع السما ... و كان اللي حاطط العصابة دي يفترض فيه أنه تقي و ملتزم بالناموس..علشان كده ببساطتها قالت المس الحتة البركة اللي في لبسه ..زي ما ساعات ببساطة و انا بلف الجمعة العظيمة في الزفة في كنيسة الأنبا شنودة زي ما متعود لسنين الاقي ستات كبار يشدو البطرشيل اللي لابسه كشماس و يبوسوه أو يحطوه علي عينيهم ..مش بيمجدوني انا لا اصلا ما يعرفونيش ... بس هم عارفين أن اللبس ده بتاع الشماس اللي بيقف قدام المذبح و الذبيحة فبياخدوا بركة .. لمست يسوع ...العجيب يقولك شعر بقوة خرجت منه ...اولا دي تقولك أنه بيعمل المعجزات بقوة تخرج منه كمان تقولك مش اي لمسة تنتزع القوة دي منه ما هو فيه الف واحد مزاحمين و بيلمسوه و يخبطوه كمان و ده اللي جنن التلاميذ لما سألهم مين لمسني.... بس هو كان بيسال عن لمسة خاصة .. دي بالذات خدت قوة ..فيه لمسة كدة تنتزع مراحم الله ..فيه دمعة كده ما يستحملهاش يسوع و يقولك حولي عيناك عني لأنهما قد غلبتاني ...فيه اعتراف كده ما يقدرش فيه ربنا غير يغفر ...فيه كسرة ما ينفعش فيها ربنا غير أنه يقومك من الارض و يسند أو يقع علي عنقك و يقبلك ... فيه بنت كده تعرف تطلع اللي عاوزاه من ابوها ...كتير بيصلوا بس فيه حد بيصلي و ياخد قوة ..علشان كده الكنيسة الملهمة حطت الليتورجيا و قالت لك صلي صلاتك الخاصة بس كمان صلي بالليتورجيا علشان الكنيسة عارفة ازاي تنتزع منه قوة .. النهاردة كلمة ربنا بتطمنك ...مهما كانت حالتك و حياتك و ظروفك و نزفك...سيجف ينبوع دمك و نزفك ..ستنال شفاء ..ستبرأ..سيمنحك سلام ..سيردك صحيحا و حيخليكي صحيحة ..سيذهب عنك الداء ..الخطية هي داءك ..المرض داءك ..الجوع العاطفي داءك ..الحرمان داءك ..القلق و الاضطراب داءك ..الخوف داءك ..؟!!! كله ده بلمسة منه ستشفي ..ما فيش مشكلة مهما تعظمت جدا حتي اتناشر سنة و ليس لها حل الا عند يسوع ..قم و استجمع قواك و اترمي بين الأرجل لكي تلمس هدب يسوع ... خش في علاقة اللمس و الاختبار مش الفذلكة و الافتخار .. ياحبيبي قلبي ينزف وقد تراخت قوتي .. صرت فقيرا موجوعا و اضعت ايامي و سنيني في خطيتي.. الالم قصتي يا حبيبي و إن لم استطع لمس هدبك لضعفي ..لا تردني بل أشفق ..و اقترب مني فانت الرفيق الأوحد في محنتي .. فاقصي ما استطيعه أن امد يدي...اكرر ... أقصي ما استطيعه يايسوع لمستي... نبيل شحاتة |
رد: اكبر مجموعة ايات من الكتاب المقدس مع التأملات
كوني صحيحة
وَامْرَأَةٌ بِنَزْفِ دَمٍ مُنْذُ اثْنَتَيْ عَشْرَةَ سَنَةً، 26 وَقَدْ تَأَلَّمَتْ كَثِيرًا مِنْ أَطِبَّاءَ كَثِيرِينَ، وَأَنْفَقَتْ كُلَّ مَا عِنْدَهَا وَلَمْ تَنْتَفِعْ شَيْئًا، بَلْ صَارَتْ إِلَى حَال أَرْدَأَ. 27 لَمَّا سَمِعَتْ بِيَسُوعَ، جَاءَتْ فِي الْجَمْعِ مِنْ وَرَاءٍ، وَمَسَّتْ ثَوْبَهُ، 28 لأَنَّهَا قَالَتْ: «إِنْ مَسَسْتُ وَلَوْ ثِيَابَهُ شُفِيتُ». 29 فَلِلْوَقْتِ جَفَّ يَنْبُوعُ دَمِهَا، وَعَلِمَتْ فِي جِسْمِهَا أَنَّهَا قَدْ بَرِئَتْ مِنَ الدَّاءِ. 30 فَلِلْوَقْتِ الْتَفَتَ يَسُوعُ بَيْنَ الْجَمْعِ شَاعِرًا فِي نَفْسِهِ بِالْقُوَّةِ الَّتِي خَرَجَتْ مِنْهُ، وَقَالَ: «مَنْ لَمَسَ ثِيَابِي؟» 31 فَقَالَ لَهُ تَلاَمِيذُهُ: «أَنْتَ تَنْظُرُ الْجَمْعَ يَزْحَمُكَ، وَتَقُولُ: مَنْ لَمَسَنِي؟» 32 وَكَانَ يَنْظُرُ حَوْلَهُ لِيَرَى الَّتِي فَعَلَتْ هذَا. 33 وَأَمَّا الْمَرْأَةُ فَجَاءَتْ وَهِيَ خَائِفَةٌ وَمُرْتَعِدَةٌ، عَالِمَةً بِمَا حَصَلَ لَهَا، فَخَرَّتْ وَقَالَتْ لَهُ الْحَقَّ كُلَّهُ. 34 فَقَالَ لَهَا: «يَا ابْنَةُ، إِيمَانُكِ قَدْ شَفَاكِ، اذْهَبِي بِسَلاَمٍ وَكُونِي صَحِيحَةً مِنْ دَائِكِ». انا حبيت اخد معجزة نازفة الدم علي بعض و نبقي ناخد ابنة يايرس علي بعض ... قصة معروفة جدا لكن خلونا ندور في العمق ... اولا مشكلة هذه المرأة ٣ مشكلات ...جسدية و روحية و اجتماعية جسدية ...اتناشر سنة تعاني من نزف دم نسائي لا يتوقف و ده يجعلها تعاني من انيميا شديدة و ضعف و هزال و فقد مناعة و بالطبع لم يكن الطب متقدم زي دلوقتي بدليل انها راحت لدكاترة كتير المشكلة التانية روحية و هي أنها حسب الشريعة نجسه لا تقترب الهيكل و لا تستطيع أن تقدم ذبائح أو تمارس عبادات زي ما جه في سفر لاويين ...طبعا علي الهامش كده المسيحية ما فيهاش نجاسة و احتياج تطهير فالكل صار طاهرا بدم يسوع و ما فيش مثلا سيدة في period ما تصليش أو ما تصومش أو ما تمسكش كتاب مقدس و لو فيه حرص انها ما تتناولش مش للنجاسة لكن لأن الجسد كأنه في حالة عدم استعداد زي ما تاكل متأخر او تشرب بعد نص الليل و تبقي مش جاهز للتناول المشكلة التالتة العزلة المجتمعية نتيجة انها في الشريعة نجسة فاللي يسلم عليها يتنجس ويحتاج يتطهر في المساء و يغسل ثيابه و اللي تلمسه أو يلمسها حتي سريرها و اشيائها تعتبر نجسة «وَإِذَا كَانَتِ امْرَأَةٌ يَسِيلُ سَيْلُ دَمِهَا أَيَّامًا كَثِيرَةً فِي غَيْرِ وَقْتِ طَمْثِهَا، أَوْ إِذَا سَالَ بَعْدَ طَمْثِهَا، فَتَكُونُ كُلَّ أَيَّامِ سَيَلاَنِ نَجَاسَتِهَا كَمَا فِي أَيَّامِ طَمْثِهَا. إِنَّهَا نَجِسَةٌ. 26 كُلُّ فِرَاشٍ تَضْطَجِعُ عَلَيْهِ كُلَّ أَيَّامِ سَيْلِهَا يَكُونُ لَهَا كَفِرَاشِ طَمْثِهَا. وَكُلُّ الأَمْتِعَةِ الَّتِي تَجْلِسُ عَلَيْهَا تَكُونُ نَجِسَةً كَنَجَاسَةِ طَمْثِهَا. 27 وَكُلُّ مَنْ مَسَّهُنَّ يَكُونُ نَجِسًا، فَيَغْسِلُ ثِيَابَهُ وَيَسْتَحِمُّ بِمَاءٍ، وَيَكُونُ نَجِسًا إِلَى الْمَسَاءِ. 28 وَإِذَا طَهُرَتْ مِنْ سَيْلِهَا تَحْسُبُ، لِنَفْسِهَا سَبْعَةَ أَيَّامٍ ثُمَّ تَطْهُرُ. 29 وَفِي الْيَوْمِ الثَّامِنِ تَأْخُذُ لِنَفْسِهَا يَمَامَتَيْنِ أَوْ فَرْخَيْ حَمَامٍ، وَتَأْتِي بِهِمَا إِلَى الْكَاهِنِ إِلَى بَابِ خَيْمَةِ الاجْتِمَاعِ. 30 فَيَعْمَلُ الْكَاهِنُ: الْوَاحِدَ ذَبِيحَةَ خَطِيَّةٍ، وَالآخَرَ مُحْرَقَةً. وَيُكَفِّرُ عَنْهَا الْكَاهِنُ أَمَامَ الرَّبِّ مِنْ سَيْلِ نَجَاسَتِهَا. أتصور معايا كده واحدة حياتها متحطمة كده في صحتها و حياتها و عبادتها...اكيد ياس و وجع و الام و حزن ...زاد و غطي مرمطة دكاترة و امل شفاء دائم الانكسار و خلص الموضوع كمان انها افتقرت و خسرت فلوسها في محاولة علاجها ... ساعات نبقي بننزف اتناشر سنة و محدش حاسس بينا ..!!! اتناشر سنة نفسك تبقي ام و مش قادرة و بتتقطعي!!! اتناشر سنة محدش اتقدم لك و بقياسات البشر انتي في عنوسة و شايفة عينيهم اللي بيشفقوا عليكي و يتمصمصوا صعبانية أن قرفتك وحشة .. و كل ما تحضري فرح تبقي مكسورة ..!!!!اتناشر سنة نكد و خناق ما يبطلش و جوزك ما سمعكيش فيهم كلمة حلوة ..اتناشر سنة انت اخر واحد في البيت محسوس بيه كاب و كزوج ..مجرد مصروف بيت و خزنة للاولاد ..اتناشر سنة لا اب بيحضن و لا ام تصاحب و لا اخ بيسند و لا اخت حنينة ... احساس مرير بغربة و لا حتي صديق يطبطب ...اتناشر سنة في خطية ممرمطاك و كاسرة طهارتك و كاسرة نفسك قدام نفسك و قدام ربنا و لا عارف تعترف و لا عارف تتوب و لا عارف تتناول و لا عارف تصلي ...اتناشر سنة محروم من السلام و الحب و الفرح ...اتناشر سنة بننزف وجع و انين ...اتناشر سنة فارقك فيها اللي بتحبه و كان وليفك في الحياة و سندك و متعلقة بيه نفسك .. يا غادرك للسما و الموت سرقه منك يا خانك و باعك و كسر قلبك ...اتناشر سنة بتسال ربنا كل يوم ما بتاخدنيش ليه و تريحني طالما مش عاوز تحل لي مشكلتي أو تفك أسري أو تشفيني ... هذه السيدة سمعت عن يسوع .!!! كلنا سمعنا عن يسوع ..الف عظة عن يسوع الف كتاب عن يسوع الف ترنيمة عن يسوع بس السمع عن يسوع ما فيهوش شفاء ..!!!!! لازم تلمس يسوع ...هو ده الحل ...اننا نختبره اختبار شخصي ..و الاختبار بلا حسابات أو قيود ..لا حسبت حتنجس كام واحد في الزحمة لغاية ما تلمسه و لا اصلا حتنجسه لما تلمسه و لا لا ..يمكن علشان كده قالت المس هدب ثوبه فيتنجس توبه بس لكن هو لا علشان كده اتخضت لما سأله مين لمسني كأنها بتقوله هي نجاستي وصلتك ؟!!! ..حست انها لقطة النهاية يا تكون أو ما تكونش..ما حسبتش انها بضعف جسمها و امكانياتها الهزيلة حتعافر ازاي و توصله ...ازاي اروح له بزناي و شري و زبالتي ووساختي ... الناس شايفاني في صورة بس هو اللي عارف الحقيقة و ساترها ...ازاي اصلي و انا مابستحملش خمس دقايق...لكنه قرار الشفاء ...اريد ان اشفي.... اشمعني هدب ثوبه يعني مش كمه مثلا و لا ثوبه و خلاص ؟!!!!!!! كانوا زمان يحطوا عصابة أو شريط لونه اسمانجوني يعني سماوي علي هدب الثوب أو ديل الجلابية بالبلدي علشان يفكرهم بالشريعة و الالتزام بيها ..ديل الجلابية يجر في الارض لكن العصابة أو الشريط ده بيشاور علي السما و كأنها دعوة عيشوا في الارض و انتوا بتوع السما ... و كان اللي حاطط العصابة دي يفترض فيه أنه تقي و ملتزم بالناموس..علشان كده ببساطتها قالت المس الحتة البركة اللي في لبسه ..زي ما ساعات ببساطة و انا بلف الجمعة العظيمة في الزفة في كنيسة الأنبا شنودة زي ما متعود لسنين الاقي ستات كبار يشدو البطرشيل اللي لابسه كشماس و يبوسوه أو يحطوه علي عينيهم ..مش بيمجدوني انا لا اصلا ما يعرفونيش ... بس هم عارفين أن اللبس ده بتاع الشماس اللي بيقف قدام المذبح و الذبيحة فبياخدوا بركة .. لمست يسوع ...العجيب يقولك شعر بقوة خرجت منه ...اولا دي تقولك أنه بيعمل المعجزات بقوة تخرج منه كمان تقولك مش اي لمسة تنتزع القوة دي منه ما هو فيه الف واحد مزاحمين و بيلمسوه و يخبطوه كمان و ده اللي جنن التلاميذ لما سألهم مين لمسني.... بس هو كان بيسال عن لمسة خاصة .. دي بالذات خدت قوة ..فيه لمسة كدة تنتزع مراحم الله ..فيه دمعة كده ما يستحملهاش يسوع و يقولك حولي عيناك عني لأنهما قد غلبتاني ...فيه اعتراف كده ما يقدرش فيه ربنا غير يغفر ...فيه كسرة ما ينفعش فيها ربنا غير أنه يقومك من الارض و يسند أو يقع علي عنقك و يقبلك ... فيه بنت كده تعرف تطلع اللي عاوزاه من ابوها ...كتير بيصلوا بس فيه حد بيصلي و ياخد قوة ..علشان كده الكنيسة الملهمة حطت الليتورجيا و قالت لك صلي صلاتك الخاصة بس كمان صلي بالليتورجيا علشان الكنيسة عارفة ازاي تنتزع منه قوة .. النهاردة كلمة ربنا بتطمنك ...مهما كانت حالتك و حياتك و ظروفك و نزفك...سيجف ينبوع دمك و نزفك ..ستنال شفاء ..ستبرأ..سيمنحك سلام ..سيردك صحيحا و حيخليكي صحيحة ..سيذهب عنك الداء ..الخطية هي داءك ..المرض داءك ..الجوع العاطفي داءك ..الحرمان داءك ..القلق و الاضطراب داءك ..الخوف داءك ..؟!!! كله ده بلمسة منه ستشفي ..ما فيش مشكلة مهما تعظمت جدا حتي اتناشر سنة و ليس لها حل الا عند يسوع ..قم و استجمع قواك و اترمي بين الأرجل لكي تلمس هدب يسوع ... خش في علاقة اللمس و الاختبار مش الفذلكة و الافتخار .. ياحبيبي قلبي ينزف وقد تراخت قوتي .. صرت فقيرا موجوعا و اضعت ايامي و سنيني في خطيتي.. الالم قصتي يا حبيبي و إن لم استطع لمس هدبك لضعفي ..لا تردني بل أشفق ..و اقترب مني فانت الرفيق الأوحد في محنتي .. فاقصي ما استطيعه أن امد يدي...اكرر ... أقصي ما استطيعه يايسوع لمستي... نبيل شحاتة |
رد: اكبر مجموعة ايات من الكتاب المقدس مع التأملات
وَجَاءُوا إِلَى عَبْرِ الْبَحْرِ إِلَى كُورَةِ الْجَدَرِيِّينَ.
2 وَلَمَّا خَرَجَ مِنَ السَّفِينَةِ لِلْوَقْتِ اسْتَقْبَلَهُ مِنَ الْقُبُورِ إِنْسَانٌ بِهِ رُوحٌ نَجِسٌ، 3 كَانَ مَسْكَنُهُ فِي الْقُبُورِ، وَلَمْ يَقْدِرْ أَحَدٌ أَنْ يَرْبِطَهُ وَلاَ بِسَلاَسِلَ، 4 لأَنَّهُ قَدْ رُبِطَ كَثِيرًا بِقُيُودٍ وَسَلاَسِلَ فَقَطَّعَ السَّلاَسِلَ وَكَسَّرَ الْقُيُودَ، فَلَمْ يَقْدِرْ أَحَدٌ أَنْ يُذَلِّلَهُ. 5 وَكَانَ دَائِمًا لَيْلاً وَنَهَارًا فِي الْجِبَالِ وَفِي الْقُبُورِ، يَصِيحُ وَيُجَرِّحُ نَفْسَهُ بِالْحِجَارَةِ. 6 فَلَمَّا رَأَى يَسُوعَ مِنْ بَعِيدٍ رَكَضَ وَسَجَدَ لَهُ، 7 وَصَرَخَ بِصَوْتٍ عَظِيمٍ وَقَالَ: «مَا لِي وَلَكَ يَا يَسُوعُ ابْنَ اللهِ الْعَلِيِّ؟ أَسْتَحْلِفُكَ بِاللهِ أَنْ لاَ تُعَذِّبَنِي!» 8 لأَنَّهُ قَالَ لَهُ: «اخْرُجْ مِنَ الإِنْسَانِ يَا أَيُّهَا الرُّوحُ النَّجِسُ». 9 وَسَأَلَهُ: «مَا اسْمُكَ؟» فَأَجَابَ قِائِلاً: «اسْمِي لَجِئُونُ، لأَنَّنَا كَثِيرُونَ». 10 وَطَلَبَ إِلَيْهِ كَثِيرًا أَنْ لاَ يُرْسِلَهُمْ إِلَى خَارِجِ الْكُورَةِ. 11 وَكَانَ هُنَاكَ عِنْدَ الْجِبَالِ قَطِيعٌ كَبِيرٌ مِنَ الْخَنَازِيرِ يَرْعَى، 12 فَطَلَبَ إِلَيْهِ كُلُّ الشَّيَاطِينِ قَائِلِينَ: «أَرْسِلْنَا إِلَى الْخَنَازِيرِ لِنَدْخُلَ فِيهَا». 13 فَأَذِنَ لَهُمْ يَسُوعُ لِلْوَقْتِ. فَخَرَجَتِ الأَرْوَاحُ النَّجِسَةُ وَدَخَلَتْ فِي الْخَنَازِيرِ، فَانْدَفَعَ الْقَطِيعُ مِنْ عَلَى الْجُرْفِ إِلَى الْبَحْرِ. وَكَانَ نَحْوَ أَلْفَيْنِ، فَاخْتَنَقَ فِي الْبَحْرِ. 14 وَأَمَّا رُعَاةُ الْخَنَازِيرِ فَهَرَبُوا وَأَخْبَرُوا فِي الْمَدِينَةِ وَفِي الضِّيَاعِ. فَخَرَجُوا لِيَرَوْا مَا جَرَى. 15 وَجَاءُوا إِلَى يَسُوعَ فَنَظَرُوا الْمَجْنُونَ الَّذِي كَانَ فِيهِ اللَّجِئُونُ جَالِسًا وَلاَبِسًا وَعَاقِلاً، فَخَافُوا. 16 فَحَدَّثَهُمُ الَّذِينَ رَأَوْا كَيْفَ جَرَى لِلْمَجْنُونِ وَعَنِ الْخَنَازِيرِ. 17 فَابْتَدَأُوا يَطْلُبُونَ إِلَيْهِ أَنْ يَمْضِيَ مِنْ تُخُومِهِمْ. 18 وَلَمَّا دَخَلَ السَّفِينَةَ طَلَبَ إِلَيْهِ الَّذِي كَانَ مَجْنُونًا أَنْ يَكُونَ مَعَهُ، 19 فَلَمْ يَدَعْهُ يَسُوعُ، بَلْ قَالَ لَهُ: «اذْهَبْ إِلَى بَيْتِكَ وَإِلَى أَهْلِكَ، وَأَخْبِرْهُمْ كَمْ صَنَعَ الرَّبُّ بِكَ وَرَحِمَكَ». 20 فَمَضَى وَابْتَدَأَ يُنَادِي فِي الْعَشْرِ الْمُدُنِ كَمْ صَنَعَ بِهِ يَسُوعُ. فَتَعَجَّبَ الْجَمِيعُ. كقصة إلي حد ما معروفة لاغلبنا بس خلونا نشاور علي كام حاجة ..القصة دي لما اتحكت في انجيل مني اتحكت علي أنهم اتنين و هنا و في انجيل لوقا اتحكت علي أنه واحد ...هم كانوا اتنين و الحدث واحد بس القديس مرقس و لوقا ذكر واحد منهم و اللي غالبا كان واخد شهرة في المنطقة و اللي عانت منه الناس و الاصعب ..ساعات نذكر نفس الحدث بس واحد مننا يركز علي حتة ..ده علشان اللي بيشككوا في الكتاب المقدس ...يعني ممكن اقول فيه حادثة في شبرا راح فيها كتير و انت تحكي تقول امبارح فيه بنت قطعت قلبي راحت في حادثة في شبرا ...احنا الاتنين بنقول نفس الحدث .. "كان مسكنه في القبور، ولم يقدر أحد أن يربطه ولا بسلاسل... وكان دائمًا ليلًا ونهارًا في الجبال وفي القبور يصيح ويجرح نفسه بالحجارة" [3-5] ..دي قوة الشيطان و حالة الماسور بالخطية..جنون الخطية ..جنون العادات ..جنون الادمان ...كلنا نفسنا نعيش في الطهارة بس تلاقي الجسد و الفكر مافيش حاجة عارفة تضبطهم و لا تتحكم فيهم ..الشر اللي مش عاوزينه. بنعمله..ياما بنغلط غلطات جوانا مش عاوزينها بس جنون .. اكتر واحد مجروح من الشر اللي بيعمله مش اللي اتعمل فيه...اللي كل عليك حقك.. اه انت موجوع و مظلوم بس هو متجرح..فاقد الحياة كظالم و عايش في وحدة بخطيته..اللي حاولوا يقيدوه دول يشاوروا علي خدام الظاهر اللي من غير سلطان اللي بيخدموا بقدراتهم ...شوية يقيدوه لكن سرعان ما يكسر قيوده ...محدش فكر فيه كإنسان فكروا ازاي يتقوا شره بس ربنا يحفظنا اللي يسلم نفسه للشيطان يضيع ..يقولك في سفر الرؤيا عنه من مثل الوحش من يستطيع أن يحاربه ...بس اتطمن قوته علي اللي بايعله نفسه و مستسلم لكن احنا ..!!! لا ...ربنا عاطينا نعمة خلينا متبتين فيها ..قاوموا ابليس يهرب منكم ...استطيع كل شيء في المسيح الذي يقويني ..ما تسبش نفسك يتملك منك لدرجة أنه يسلبك ارادتك و يفقدك عقلك بجنون و بقسوة .. صلي انك تبقي في الحماية و صلي للي شايفه عياره فلت و مالهوش كبير و لا ضابط ...مسكين يا عيني ..ماسور و مجنون جدا .. زمان اليهود كانوا عندهم معتقد أن الشياطين تسكن تلات حتت..القبور و الاماكن الخربة و اعماق البحر و ادي المسيح راح لمعقل الشيطان يكسره و يحرر ابنه من أيده ...يقدر ..مهما قطعت شوط طويل في خطية لسنين ...يقدر .. صراخ الشيطان في المجنون ...علامة علي ارتباك حساباته اول ما المسيح يدخل و أنه مرعوب من اسم يسوع و اللي يفكر أنه ضامنه في الجحيم يجي يسوع يخلصه في ثانية .. لما سأله يسوع ما اسمك مش لأنه عاوز يعرف لكن علشان يكشف للناس قسوة هذا الشرير و عنفه..لجئون يعني كتير ..الإنسان اللي يسبب نفسه للشر شيطان يسلم شيطان و خطية تجر خطية ..الواحد في زبالته خطايا و لا في يوم أتصور أنه يقع فيها بس حاجة بتجر حاجة و الزيت بيفضي و الروح بينطفي ..و لجئون يقول عليها البعض فرقة عسكرية يعني ...حرب مش سهلة .. آخر حاجة طلبوا منه أن يأذن لهم أن يدخلوا الخنازير ...الخنازير في الوقت ده من الحيوانات النجسة لليهود ..و طبعا حيشتهي الشيطان ايه يرتبط بيه غير النجاسة ...خد بالك اول ما دخلوا في الخنازير لم تحتمل و يبدو انها حاولت تتخلص من الأرواح الشريرة و هذه الطاقة المخيفة ..يمكن أحست بسخونة أو شيىء قاسي لا يحتمل فرمت نفسها في المية بفكرها الغريزي.. و هي حيوانات لا تجيد السباحة .. اختنقت ..وده يقولك أنه حتي الشياطين لما كانت ساكنة في الانسان اللي حصلت معاه المعجزة كانوا تحت قيد لأنه مجرد ما أطلقت يداهم اجتاحوا ٢٠٠٠ خنزير .. رعاة الخنازير ما يهمهمش غير المكسب و العالم بالنسبة لهم يهلك انسان و ما يخسروش تجارتهم ..لكن راعي الخراف مشاعره حاجة تانية ...يترك ٩٩ و يدور علي واحد ....خد بالك استئذان الشياطين من المسيح معناه أنه ضابط الكل ..اوع تفتكر الدنيا سايبة..و لا حد يقولك انت ما تعرفش انا اعمل فيك ايه ..؟! قوله لم يكن ليك الا اذا اعطيت من فوق و لو لم يأمر الرب و لا تقدر ... اخيرا ..بعد الرجوع ...بعد التوبة ..لما تختار تبقي مع المسيح ...تقعد يعني تستقر و تستريح و عاقل يعني تملك ارادتك و لابس يعني مستور و متغطي بالمجد اللي ربنا يديهولك ..و مش بس كده ده انت تكرز و تقول للناس تعالوا شوفوا المسيح ...القلب القاسي عامل زي رعاة الخنازير بدل ما ينبهروا و يتعلقوا بالمسيح كل اللي فكروا فيه تجارتهم ...ساعات فيه حاجات تعطل علاقتي بربنا ..ساعات تبقي مش عاوز تتناول و لا تعترف و لا تقرأ الكتاب المقدس لان فيه حاجة متعلق بيها و مش عاوز تستغني عنها فبتقول للمسيح اخرج برة تخومي ...علي فكرة المسيح ما قاومهمش ..خرج و دخل السفينة ...كنيسته .. فيض الحب ...المسيح يقول المجنون اذهب الي بيتك و اهلك و قول لهم كم صنع بك ربنا و رحمك و ده يروح لعشر مدن اللي بتشاور علي الأمم و اللي بعاد عن اسم يسوع ...لما ربنا يدخل حياتك بيتك و اهلك أولي بكرازتك و اهتمامك ..كتير نسيب بيوتنا و نخدم برة علشان برة بناخد مجد ...ساعات بتكسف من نفسي لما اعد كام مرة دعوت مراتي و بناتي نقرا كتاب مقدس مع بعض و لا نقف نصلي ...قليل اوي ..بس فالح احاضر و اخدم برة ...عارفة ..لما المسيح يخش حياتك ...جوزك يلاقيكي بشارة مفرحة و تغيير حقيقي و تستقر حياتك ..مراتك تلمس فيك حنيتك و النعمة اللي استقرت فيك و ولادك يمدحوا ثوبك اللي لبسته ثوب الحكمة و الهدؤ و الطمأنينة لغيرك ..اكيد المجنون ده كان مخوف الناس و راعبهم ...فيه أية توصي الزوج في يشوع بن سيراخ علشان الرجالة اللي بس عمالين يسخروا من زوجاتهم أنهن نكديات و كل اللي نمسك فيه وصية الفرح استقبليه ببشاشة طب الكتاب كمان بيقولك لاتكون كاسد في بيتك و كمجنون بين اهلك... يعني الجنون مش بعيد عننا و الغضب يفقد الإنسان السيطرة و يقطع السلاسل و يفقد عقله ..من ضمن جمل الغضب ما تخلوش الواحد يخرج برة هدومه ...صدقني لو ركزت حتلاقي فيه اوقات الشر بيتملك علينا و تبقي زي مجنون الجدريين .. ربنا يرحمنا و يفتقدنا في قبورنا و ينقذنا من جنوننا .. و يطرد كل شر من نفوسنا و بيوتنا امين لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
اسكت ..ابكم
وَقَالَ لَهُمْ فِي ذلِكَ الْيَوْمِ لَمَّا كَانَ الْمَسَاءُ: «لِنَجْتَزْ إِلَى الْعَبْرِ». 36 فَصَرَفُوا الْجَمْعَ وَأَخَذُوهُ كَمَا كَانَ فِي السَّفِينَةِ. وَكَانَتْ مَعَهُ أَيْضًا سُفُنٌ أُخْرَى صَغِيرَةٌ. 37 فَحَدَثَ نَوْءُ رِيحٍ عَظِيمٌ، فَكَانَتِ الأَمْوَاجُ تَضْرِبُ إِلَى السَّفِينَةِ حَتَّى صَارَتْ تَمْتَلِئُ. 38 وَكَانَ هُوَ فِي الْمُؤَخَّرِ عَلَى وِسَادَةٍ نَائِمًا. فَأَيْقَظُوهُ وَقَالُوا لَهُ: «يَا مُعَلِّمُ، أَمَا يَهُمُّكَ أَنَّنَا نَهْلِكُ؟» 39 فَقَامَ وَانْتَهَرَ الرِّيحَ، وَقَالَ لِلْبَحْرِ: «اسْكُتْ! اِبْكَمْ!». فَسَكَنَتِ الرِّيحُ وَصَارَ هُدُوءٌ عَظِيمٌ. 40 وَقَالَ لَهُمْ: «مَا بَالُكُمْ خَائِفِينَ هكَذَا؟ كَيْفَ لاَ إِيمَانَ لَكُمْ؟» 41 فَخَافُوا خَوْفًا عَظِيمًا، وَقَالُوا بَعْضُهُمْ لِبَعْضٍ: «مَنْ هُوَ هذَا؟ فَإِنَّ الرِّيحَ أَيْضًا وَالْبَحْرَ يُطِيعَانِهِ!». الحدث ده كلنا عارفينه بس خلينا نشاور علي كام حاجة... وَكَانَ هُوَ فِي الْمُؤَخَّرِ عَلَى وِسَادَةٍ نَائِمًا....الكتاب قال نايم علي وسادة ...يعني مخدة ...تفتكر يعني الموضوع مستاهل أنه يقول نايم علي مخدة ...عادي ما كل الناس بتنام علي مخدة ..ليه يذكرها؟! لانها في الحقيقة للمسيح مش عادي ..كأنها حدث طاريء ..لان ابن الانسان ما كنش عنده مكان يسند فيه راسه..ديما يجول يصنع خيرا و بعدين يطلع يصلي في الجبل و يخطف ساعات نوم قليلة .. الحاجة التانية ...ليه التلاميذ اول ما البحر هاج ما راحوش يصحوه ..؟! كأنهم نسيوا أنه الخالق و المعجزات .. و اعتمدوا علي خبراتهم ماهم بحارة و صيادين ..اخر واحد نروحله ربنا ..نحاول و نجاهد و معارف و واسطة و تدابير و لما نفشل نروحله و نقول ربنا يتصرف بقة احنا تعبنا ...!!! طب من الاول ...لا.. نسيبه في مؤخر المركب ..في مؤخر حياتنا .. و آخر المتمة نعاتبه ..و هو سايبنا ليه ..تعبنا ..اتخنقنا ...طب من الاول ..و طالما المسيح قال إن ليس لهم ايمان يبقي فعلا كانوا مش مصدقين أنه يقدر ...كتير نقول أيوة بس بالعقل كده يعني ربنا حيحلها ازااااي؟! ..بالعقل ..؟!! لا ربنا فوق العقل و فوق المنطق ..ربنا يشق في البحر طريق ...ربنا يقدر يشبع ألوف و لو كانوا ملايين برضه كان شبعهم بالخمس خبزات و سمكتين ...اطلب و عمق طلبك ..ربنا يقدر يشتغل في تفاصيل حياتنا و يهتم باللي نتصور أنه مش مهم ...تتصور لما بطرس اتسجن و بعتله ملاك يخرجه يقول للملاك خد بالك لما تصحيه قول له البس شبشبك ...و ده وقته !!! هو كده ربنا يدلل أولاده ...يصعب عليا لما ابقي ماشي معايا بنتي و تقولي خايفة ارد بمنتهي الحسم بابا معاكي و خايفة..؟!يسوع يقدر ..خد بالك بكلمة قالها للبحر و الريح ..كاروك بالعبرية أو ابكم أو اخرس ..بس كده ..ااه لو فيه رياح و موج في البيت و لا الشغل و لا بين أصحاب و لا بين زوجين و طلع واحد منهم ناصح و جري علي المذبح و صحاه بدموعه و صلاته و قاله الحقنا المركب حيغرق و امتلىء.. و قبل ما نتفذلك و ده يقول أنا حعلمها الادب و دي تقول حنكد عليه عيشته و لا ابن ينفض و يضيع و لا بنت تترمي في عاطفة مش مظبوطة ..يستيقظ و يقول كلمة واحدة ..ابكم ...ربنا يقدر يقول للغلاء ابكم ..ربنا يقدر يقول لقلة الشغل ابكم ..ربنا يقدر يقول للخطية و لا عادة و لا شهوة مجننة الواحد و كسراه ابكم ..حطوا ربنا في مقدمة السفينة و خلوه ربان الرحلة مش بالفهلوة و الخبرة حتمشي ... خدت بالك من السفن الصغيرة اللي طلعت جنب سفينة المسيح ..اهم دول ما حسبوهاش..مشيوا وراه و خلاص ..اكيد نالهم من الريح و الموج اكتر من سفينة المسيح بس تتصور حصلت لهم نفس النجاة ..طول ما انت في الدايرة فرصة انقاذك قائمة ..مش عارف تبقي في سفينة المسيح خليك جنبه ...قريب منه ..و إن لم تعرفي اخرجي علي اثار الغنم .. ساعات لما نفسي تكتئب و اخويا يقولي وصلنا للسن ده و لسه ما عملناش حاجة و لا شوية فلوس نركنها..يرجع تاني و يقول نشكر ربنا شايلنا و مغطينا ...الاحسن نعمل حاجة نركنها و نتسند عليها و هو يبقي في مؤخر السفينة و لا نلقي عليه اتعابنا و بكلمة منه يعطي الحل و المنفذ ... باسم يسوع تقدر تقول للشيطان ابكم ...باسم يسوع ليك نجاة حتي لو زي حالاتي اتمليت و علي وشك الغرق من خطايا و شهوات و اوجاع ... دورنا بس نصحيه..هذا الذي لا ينعس و لا ينام ..اللي نام بالجسد لكن لاهوته لا ينام ...كل ما تقفل خالص و تتملي بص علي مؤخر السفينة و اجري عليه اوقظه .... اللذيذ في ربنا ..يحل المشكلة و بعدين يعاتب..مش زينا ياويله اللي يقع تحت ايدينا ..نذله و نعايره قبل ما نساعده ...تقع في ايدك يارب و لا اقعش في ايد بشر لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
اسكت ..ابكم
وَقَالَ لَهُمْ فِي ذلِكَ الْيَوْمِ لَمَّا كَانَ الْمَسَاءُ: «لِنَجْتَزْ إِلَى الْعَبْرِ». 36 فَصَرَفُوا الْجَمْعَ وَأَخَذُوهُ كَمَا كَانَ فِي السَّفِينَةِ. وَكَانَتْ مَعَهُ أَيْضًا سُفُنٌ أُخْرَى صَغِيرَةٌ. 37 فَحَدَثَ نَوْءُ رِيحٍ عَظِيمٌ، فَكَانَتِ الأَمْوَاجُ تَضْرِبُ إِلَى السَّفِينَةِ حَتَّى صَارَتْ تَمْتَلِئُ. 38 وَكَانَ هُوَ فِي الْمُؤَخَّرِ عَلَى وِسَادَةٍ نَائِمًا. فَأَيْقَظُوهُ وَقَالُوا لَهُ: «يَا مُعَلِّمُ، أَمَا يَهُمُّكَ أَنَّنَا نَهْلِكُ؟» 39 فَقَامَ وَانْتَهَرَ الرِّيحَ، وَقَالَ لِلْبَحْرِ: «اسْكُتْ! اِبْكَمْ!». فَسَكَنَتِ الرِّيحُ وَصَارَ هُدُوءٌ عَظِيمٌ. 40 وَقَالَ لَهُمْ: «مَا بَالُكُمْ خَائِفِينَ هكَذَا؟ كَيْفَ لاَ إِيمَانَ لَكُمْ؟» 41 فَخَافُوا خَوْفًا عَظِيمًا، وَقَالُوا بَعْضُهُمْ لِبَعْضٍ: «مَنْ هُوَ هذَا؟ فَإِنَّ الرِّيحَ أَيْضًا وَالْبَحْرَ يُطِيعَانِهِ!». الحدث ده كلنا عارفينه بس خلينا نشاور علي كام حاجة... وَكَانَ هُوَ فِي الْمُؤَخَّرِ عَلَى وِسَادَةٍ نَائِمًا....الكتاب قال نايم علي وسادة ...يعني مخدة ...تفتكر يعني الموضوع مستاهل أنه يقول نايم علي مخدة ...عادي ما كل الناس بتنام علي مخدة ..ليه يذكرها؟! لانها في الحقيقة للمسيح مش عادي ..كأنها حدث طاريء ..لان ابن الانسان ما كنش عنده مكان يسند فيه راسه..ديما يجول يصنع خيرا و بعدين يطلع يصلي في الجبل و يخطف ساعات نوم قليلة .. الحاجة التانية ...ليه التلاميذ اول ما البحر هاج ما راحوش يصحوه ..؟! كأنهم نسيوا أنه الخالق و المعجزات .. و اعتمدوا علي خبراتهم ماهم بحارة و صيادين ..اخر واحد نروحله ربنا ..نحاول و نجاهد و معارف و واسطة و تدابير و لما نفشل نروحله و نقول ربنا يتصرف بقة احنا تعبنا ...!!! طب من الاول ...لا.. نسيبه في مؤخر المركب ..في مؤخر حياتنا .. و آخر المتمة نعاتبه ..و هو سايبنا ليه ..تعبنا ..اتخنقنا ...طب من الاول ..و طالما المسيح قال إن ليس لهم ايمان يبقي فعلا كانوا مش مصدقين أنه يقدر ...كتير نقول أيوة بس بالعقل كده يعني ربنا حيحلها ازااااي؟! ..بالعقل ..؟!! لا ربنا فوق العقل و فوق المنطق ..ربنا يشق في البحر طريق ...ربنا يقدر يشبع ألوف و لو كانوا ملايين برضه كان شبعهم بالخمس خبزات و سمكتين ...اطلب و عمق طلبك ..ربنا يقدر يشتغل في تفاصيل حياتنا و يهتم باللي نتصور أنه مش مهم ...تتصور لما بطرس اتسجن و بعتله ملاك يخرجه يقول للملاك خد بالك لما تصحيه قول له البس شبشبك ...و ده وقته !!! هو كده ربنا يدلل أولاده ...يصعب عليا لما ابقي ماشي معايا بنتي و تقولي خايفة ارد بمنتهي الحسم بابا معاكي و خايفة..؟!يسوع يقدر ..خد بالك بكلمة قالها للبحر و الريح ..كاروك بالعبرية أو ابكم أو اخرس ..بس كده ..ااه لو فيه رياح و موج في البيت و لا الشغل و لا بين أصحاب و لا بين زوجين و طلع واحد منهم ناصح و جري علي المذبح و صحاه بدموعه و صلاته و قاله الحقنا المركب حيغرق و امتلىء.. و قبل ما نتفذلك و ده يقول أنا حعلمها الادب و دي تقول حنكد عليه عيشته و لا ابن ينفض و يضيع و لا بنت تترمي في عاطفة مش مظبوطة ..يستيقظ و يقول كلمة واحدة ..ابكم ...ربنا يقدر يقول للغلاء ابكم ..ربنا يقدر يقول لقلة الشغل ابكم ..ربنا يقدر يقول للخطية و لا عادة و لا شهوة مجننة الواحد و كسراه ابكم ..حطوا ربنا في مقدمة السفينة و خلوه ربان الرحلة مش بالفهلوة و الخبرة حتمشي ... خدت بالك من السفن الصغيرة اللي طلعت جنب سفينة المسيح ..اهم دول ما حسبوهاش..مشيوا وراه و خلاص ..اكيد نالهم من الريح و الموج اكتر من سفينة المسيح بس تتصور حصلت لهم نفس النجاة ..طول ما انت في الدايرة فرصة انقاذك قائمة ..مش عارف تبقي في سفينة المسيح خليك جنبه ...قريب منه ..و إن لم تعرفي اخرجي علي اثار الغنم .. ساعات لما نفسي تكتئب و اخويا يقولي وصلنا للسن ده و لسه ما عملناش حاجة و لا شوية فلوس نركنها..يرجع تاني و يقول نشكر ربنا شايلنا و مغطينا ...الاحسن نعمل حاجة نركنها و نتسند عليها و هو يبقي في مؤخر السفينة و لا نلقي عليه اتعابنا و بكلمة منه يعطي الحل و المنفذ ... باسم يسوع تقدر تقول للشيطان ابكم ...باسم يسوع ليك نجاة حتي لو زي حالاتي اتمليت و علي وشك الغرق من خطايا و شهوات و اوجاع ... دورنا بس نصحيه..هذا الذي لا ينعس و لا ينام ..اللي نام بالجسد لكن لاهوته لا ينام ...كل ما تقفل خالص و تتملي بص علي مؤخر السفينة و اجري عليه اوقظه .... اللذيذ في ربنا ..يحل المشكلة و بعدين يعاتب..مش زينا ياويله اللي يقع تحت ايدينا ..نذله و نعايره قبل ما نساعده ...تقع في ايدك يارب و لا اقعش في ايد بشر لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
30 وَقَالَ: «بِمَاذَا نُشَبِّهُ مَلَكُوتَ اللهِ؟ أَوْ بِأَيِّ مَثَل نُمَثِّلُهُ؟
31 مِثْلُ حَبَّةِ خَرْدَل، مَتَى زُرِعَتْ فِي الأَرْضِ فَهِيَ أَصْغَرُ جَمِيعِ الْبُزُورِ الَّتِي عَلَى الأَرْضِ. 32 وَلكِنْ مَتَى زُرِعَتْ تَطْلُعُ وَتَصِيرُ أَكْبَرَ جَمِيعِ الْبُقُولِ، وَتَصْنَعُ أَغْصَانًا كَبِيرَةً، حَتَّى تَسْتَطِيعَ طُيُورُ السَّمَاءِ أَنْ تَتَآوَى تَحْتَ ظِلِّهَا». 33 وَبِأَمْثَال كَثِيرَةٍ مِثْلِ هذِهِ كَانَ يُكَلِّمُهُمْ حَسْبَمَا كَانُوا يَسْتَطِيعُونَ أَنْ يَسْمَعُوا، 34 وَبِدُونِ مَثَل لَمْ يَكُنْ يُكَلِّمُهُمْ. وَأَمَّا عَلَى انْفِرَادٍ فَكَانَ يُفَسِّرُ لِتَلاَمِيذِهِ كُلَّ شَيْءٍ. استخدم السيد حبة الخردل في المثل لنفعها اذا تم عصرها أو دفنها في الارض ...و ببساطة كدة بيشاور علي مبدأ جميل ..في الروحيات كل حاجة يتدرج و تكبر ..الايمان بيكبر ..الجهاد بيكبر ..الفهم بيكبر ..الخدمة بتكبر..ما تستهونش بعملك الصغير و محبتك لربنا الصغيرة و جهادك اللي علي قدك .. الكنيسة ابتدت صغيرة و شوف كبرت و بقت شجرة عظيمة يتظلل بيها مومنين العالم كله ... كمان في الحياة ..ياما مشاريع صغيرة كبرت ..انا فاكر صاحب سلسلة لابوار كان بيحكي علي بداياته و ازاي كان بيقول لمراته ياتري حيجي يوم نطلع في اليوم ١٢٠ قطعة جاتوه ..وصل بنعمة ربنا عنده ٢٢ فرع ..ما تتنازلش عن حلمك ..اتمسك بيه و اجتهد و سيب ربنا ينمي ..نرجع للروحيات..مهما كنت شايف نفسك صغير و بلا قامة و خطية صغيرة بتوقعك ...معلش امسك فيه و دب جذورك في الارض و استحمل شوية مرمطة الريح و انت لسه عودك اخضر بكرة لما تبقي شجرة مش حتتهز لا بريح و لا شوية هوا ..غصونك بس اللي حتتهز و لما حتتهز حتنزل ثمر .. يسوع يتكلم بامثال ودي كانت عادة اليهود لكن يكشف اسرار الملكوت للي عنده ايمان و بيدور علي الحقيقة بجد ...فيه ناس بتقرا مثلا من برة عقيدتنا سفر النشيد علي أنه علاقة إباحية و رموز مكشوفة و بيتصيدوا الحروف ..دول يسوع ما يفسرش ليهم بيسيبهم علي عماهم..لأنهم لا يبحثون عنه بالحقيقة .. و انت بتقرا الكتاب خلي ايمانك و ثقتك هي المحركة ليك مش السفسطائية و الجدل ..اكيد لازم نفهم ..لكن الكتاب يقول بالإيمان نفهم ... ربنا بيحبنا و لو احنا محبوبين عنده حيكشف سره لينا ..زي ما عمل مع ابراهيم لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
وَقَالَ لَهُمُ: «انْظُرُوا مَا تَسْمَعُونَ! بِالْكَيْلِ الَّذِي بِهِ تَكِيلُونَ يُكَالُ لَكُمْ وَيُزَادُ لَكُمْ أَيُّهَا السَّامِعُونَ.
25 لأَنَّ مَنْ لَهُ سَيُعْطَى، وَأَمَّا مَنْ لَيْسَ لَهُ فَالَّذِي عِنْدَهُ سَيُؤْخَذُ مِنْهُ». هل يؤتى بسراج ليوضع تحت مكيال.. مجد المسيح و عمله فى حياتنا لن يُخفى، بل سيُعرف في كل العالم، علشان كده يقول ليروا اعمالكم فيمجدوا اباكم الذى فى السموات طب يارب يمجدونى انا ما انا اللى عملت !!!! لا طبعا انا معملتش ده هو عمل بيا و فيا هو مين اللى اداكى صوت حلو ترنمى هو مين اداك نعمة الوعظ و التعليم هو مين اللى بينجح طرقك انت و لا هو ؟ كمان يقصد تعاليمه سيعرفها الجميع وستعلن للعالم عن طريق تلاميذه وعن طريقنا نحن لما نطبقها والمسيح هو الذي سيظهر فينا، نورًا في أعمالنا وكلماتنا و تصرفاتنا و لبسنا و اكلنا . يارب غلبتنى معاك !!! شوية تقولى ان عملى يبقى فى الخفاء و شوية تقول انتم نور العالم و ما نحطش السراج تحت المكيال و لا السرير .... ؟ !!!!!!!!!!! لا طبعا المسيح يطلب أن تكون حياتنا في الخفاء، أي كل صلواتنا وأصوامنا في الخفاء، ولكن معنى الكلام ده اننا ما ندورش على مجد شخصي لينا، ندور عن مجد المسيح في أي عمل نقوم به، السراج هو كلمة الله (المسيح هو كلمة الله) وهو تعاليم السيد المسيح التي علينا أن ننشرها ولا نخفيها. المكيال... يستخدم للبيع والشراء (لكيل البذار ويسع كيلة قمح) بيشاور على محبة المال و العالم و القنية يعنى ما تخدش نور الروح القدس اللى فيك و تخفيه تحت هموم العالم و انشغاله و السرير يشاور على الكسل ... "في الليل على فراشي طلبت من تحبه نفسي طلبته فما وجدته".. طبيعى مش حتلاقيه ... ربنا بتاع النشاط و التعب من اجله بِالْكَيْلِ الَّذِي بِهِ تَكِيلُونَ يُكَالُ لَكُمْ وَيُزَادُ لَكُمْ أَيُّهَا السَّامِعُونَ... ينفع يبقى قانون روحى و برضه حياتى و اجتماعى ...تجتهد فى الروح و تتعب تاخد نعمة بفيض ... تغفر للناس يتغفرلك .. و اغفر لنا كما نغفر نحن ... اهى ده تطبيف عملى للاية .. كمان زى ما تحب تتعامل عامل الناس فى حياتك و شغلك ... حتسمع كلمة ربنا بجدية و اهتمام تاخد حتسمع بكسل و تراخى و تهمل في حياتك الروحية تزداد فقراً، من هو ليس أميناً ويجحد الرب زى اليهود ساعتها فاللى عندهم اتاخد منهم وراحت منهم أورشليم وهيكلهم، وفقدوا حكمتهم وفهمهم للناموس فبعد أن كانوا يفهمون النبوات وينتظرون المسيح، صاروا يجهلون كل حاجة .. وَقَالَ: «هكَذَا مَلَكُوتُ اللهِ: كَأَنَّ إِنْسَانًا يُلْقِي الْبِذَارَ عَلَى الأَرْضِ، 27 وَيَنَامُ وَيَقُومُ لَيْلاً وَنَهَارًا، وَالْبِذَارُ يَطْلُعُ وَيَنْمُو، وَهُوَ لاَ يَعْلَمُ كَيْفَ، 28 لأَنَّ الأَرْضَ مِنْ ذَاتِهَا تَأْتِي بِثَمَرٍ. أَوَّلاً نَبَاتًا، ثُمَّ سُنْبُلاً، ثُمَّ قَمْحًا مَلآنَ فِي السُّنْبُلِ. 29 وَأَمَّا مَتَى أَدْرَكَ الثَّمَرُ، فَلِلْوَقْتِ يُرْسِلُ الْمِنْجَلَ لأَنَّ الْحَصَادَ قَدْ حَضَرَ». القديس مرقس هو الوحيد الذي يذكر هذا المثل "البذور التي تنمو في السر" وهو مقابل لمثل الخميرة. إستصعب التلاميذ العمل، وكيف يقدمون نورًا للعالم، علشان كده اكد لهم السيد هنا أن العمل الكرازي، وعمل الخدمة هو عمل إلهي مستمر، له فاعليته في حياة الآخرين. الكارز أو الخادم يلقي الكلمة في القلوب والله ينميها كيف؟ نحن نجهل طريقة نمو البذار، ولكننا نرى نتائجها وربما بعد مدة. النمو هو عمل الروح القدس في النفس مش عمل الخادم. فالخادم يجهل كيف تنمو الكلمة... حتى التوبة و التخلص من الخطية عمل الهى .. توبنى يارب فاتوب ...تفضل تجاهد و تقع و تقوم و فجأة تلاقى النعمة زارتك و الخطية اللى مغلباك ربنا نصرك عليها ... العمل الروحى عمل تراكمى و الحياة مع ربنا تراكميه مش مجرد لقطة و لا لحظة .. زى ما فاكر بنتى ماريا لما كانت بتحبى كنت كل ما اشوفها بتحبى و مش عارفة تمشى اقول البت دى حتمشى امتى لغاية ما فى يوم فجأة لقيتها رايحة بين الترابيزة و الكنبة مشى رايحة جاية ...قلت ركبها جوست مشى و لا ايه ؟!! طبعا مشيها جه نتيجة نمو عضلاات رجليها و اعصابها اثناء الحبى و كانت الثمرة انها مشيت .. ما تزعلش لو بتروح القداس و بتزهق و لا مش بتتعزى ما تزعلش لو صليت و ما خدتش او بتجاهد و لسه زى حالاتى ماسور من خطية ...البذرة فى الارض و كل اللى بنعمله عمالين نسقى فيها و النعمة عمالة تنمى فى الخفاء لغاية ما الخضار يطلع و تجنى عمل ربنا فى حياتك ...تعبت فى الخدمة و مر عليك فصل الشباب اربع سنين خدمة و انت مش شايف انك نفعتهم فى حاجة و لا حصل لهم اى تغيير !! معلش بكرة يكبروا و النعمة تزورهم و اللى رميته جواهم يبقى مخزون ربنا يكبره ... فيه اية تقول فى المستقبل يتاصل يعقوب ... يعنى بكرة يكبر .. بتصلى لجوزك ربنا يهديه و يحنن قلبه ..بتصلى ربنا يخفف من حدة مراتك و الخناق و النكد ..بتصلى علشان ربنا يعدل من سلوك ولادك ..ما تخافش و ما توقفش ... اغسطينوس ابن الدموع رجع بعد عشرين سنة .. البذرة رمتها امه و فضلت بدموعها تسقى سنين و النعمة زارت فبقى القديس العظيم ...ربنا حيرد كل واحد اترمت فيه بذار المحبة بجد و اتسقت باخلاص و حب و صبر ... اللى فارقنا حيرجع و اللى قسى حيتحنن .. صلوا و ما تقعدوش تراقبوا البذرة يوم بيومه سيبوها شوية لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
الزارع
1 وَابْتَدَأَ أَيْضًا يُعَلِّمُ عِنْدَ الْبَحْرِ، فَاجْتَمَعَ إِلَيْهِ جَمْعٌ كَثِيرٌ حَتَّى إِنَّهُ دَخَلَ السَّفِينَةَ وَجَلَسَ عَلَى الْبَحْرِ، وَالْجَمْعُ كُلُّهُ كَانَ عِنْدَ الْبَحْرِ عَلَى الأَرْضِ. 2 فَكَانَ يُعَلِّمُهُمْ كَثِيرًا بِأَمْثَال. وَقَالَ لَهُمْ فِي تَعْلِيمِهِ: «اسْمَعُوا! هُوَذَا الزَّارِعُ قَدْ خَرَجَ لِيَزْرَعَ، 4 وَفِيمَا هُوَ يَزْرَعُ سَقَطَ بَعْضٌ عَلَى الطَّرِيقِ، فَجَاءَتْ طُيُورُ السَّمَاءِ وَأَكَلَتْهُ. 5 وَسَقَطَ آخَرُ عَلَى مَكَانٍ مُحْجِرٍ، حَيْثُ لَمْ تَكُنْ لَهُ تُرْبَةٌ كَثِيرَةٌ، فَنَبَتَ حَالاً إِذْ لَمْ يَكُنْ لَهُ عُمْقُ أَرْضٍ. 6 وَلكِنْ لَمَّا أَشْرَقَتِ الشَّمْسُ احْتَرَقَ، وَإِذْ لَمْ يَكُنْ لَهُ أَصْلٌ جَفَّ. 7 وَسَقَطَ آخَرُ فِي الشَّوْكِ، فَطَلَعَ الشَّوْكُ وَخَنَقَهُ فَلَمْ يُعْطِ ثَمَرًا. 8 وَسَقَطَ آخَرُ فِي الأَرْضِ الْجَيِّدَةِ، فَأَعْطَى ثَمَرًا يَصْعَدُ وَيَنْمُو، فَأَتَى وَاحِدٌ بِثَلاَثِينَ وَآخَرُ بِسِتِّينَ وَآخَرُ بِمِئَةٍ». 9 ثُمَّ قَالَ لَهُمْ: «مَنْ لَهُ أُذُنَانِ لِلسَّمْعِ، فَلْيَسْمَعْ» 10 وَلَمَّا كَانَ وَحْدَهُ سَأَلَهُ الَّذِينَ حَوْلَهُ مَعَ الاثْنَيْ عَشَرَ عَنِ الْمَثَلِ، 11 فَقَالَ لَهُمْ: «قَدْ أُعْطِيَ لَكُمْ أَنْ تَعْرِفُوا سِرَّ مَلَكُوتِ اللهِ. وَأَمَّا الَّذِينَ هُمْ مِنْ خَارِجٍ فَبِالأَمْثَالِ يَكُونُ لَهُمْ كُلُّ شَيْءٍ، 12 لِكَيْ يُبْصِرُوا مُبْصِرِينَ وَلاَ يَنْظُرُوا، وَيَسْمَعُوا سَامِعِينَ وَلاَ يَفْهَمُوا، لِئَلاَّ يَرْجِعُوا فَتُغْفَرَ لَهُمْ خَطَايَاهُمْ». 13 ثُمَّ قَالَ لَهُمْ: «أَمَا تَعْلَمُونَ هذَا الْمَثَلَ؟ فَكَيْفَ تَعْرِفُونَ جَمِيعَ الأَمْثَالِ؟ 14 اَلزَّارِعُ يَزْرَعُ الْكَلِمَةَ. 15 وَهؤُلاَءِ هُمُ الَّذِينَ عَلَى الطَّرِيقِ: حَيْثُ تُزْرَعُ الْكَلِمَةُ، وَحِينَمَا يَسْمَعُونَ يَأْتِي الشَّيْطَانُ لِلْوَقْتِ وَيَنْزِعُ الْكَلِمَةَ الْمَزْرُوعَةَ فِي قُلُوبِهِمْ. 16 وَهؤُلاَءِ كَذلِكَ هُمُ الَّذِينَ زُرِعُوا عَلَى الأَمَاكِنِ الْمُحْجِرَةِ: الَّذِينَ حِينَمَا يَسْمَعُونَ الْكَلِمَةَ يَقْبَلُونَهَا لِلْوَقْتِ بِفَرَحٍ، 17 وَلكِنْ لَيْسَ لَهُمْ أَصْلٌ فِي ذَوَاتِهِمْ، بَلْ هُمْ إِلَى حِينٍ. فَبَعْدَ ذلِكَ إِذَا حَدَثَ ضِيقٌ أَوِ اضْطِهَادٌ مِنْ أَجْلِ الْكَلِمَةِ، فَلِلْوَقْتِ يَعْثُرُونَ. 18 وَهؤُلاَءِ هُمُ الَّذِينَ زُرِعُوا بَيْنَ الشَّوْكِ: هؤُلاَءِ هُمُ الَّذِينَ يَسْمَعُونَ الْكَلِمَةَ، 19 وَهُمُومُ هذَا الْعَالَمِ وَغُرُورُ الْغِنَى وَشَهَوَاتُ سَائِرِ الأَشْيَاءِ تَدْخُلُ وَتَخْنُقُ الْكَلِمَةَ فَتَصِيرُ بِلاَ ثَمَرٍ. 20 وَهؤُلاَءِ هُمُ الَّذِينَ زُرِعُوا عَلَى الأَرْضِ الْجَيِّدَةِ: الَّذِينَ يَسْمَعُونَ الْكَلِمَةَ وَيَقْبَلُونَهَا، وَيُثْمِرُونَ: وَاحِدٌ ثَلاَثِينَ وَآخَرُ سِتِّينَ وَآخَرُ مِئَةً». فعليا السيد المسيح نفسه فسر المثل و ما فيش تفسير بعد تفسير رب المجد ..لكن شوية نقاط ناخد بالنا منها .. يقعد المسيح يدي ضهره للبحر اللي بيشاور علي اضطرابات العالم و اللي يسمع كلمته يبقي قاعد علي أرض صلبة و لا يهمه البحر ...كمان يسوع كان بيعمل كده علشان صوته يوصل للناس تنقله الرياح ... كتير بنبقي علي الطريق ..نسمع الكلمة ويمكن ننفعل بيها بس انشغالنا و اهتمامنا بالعالم يخلي الشيطان ياخد بركتها مننا ...تخرج من القداس متعزي..و تقف تسلم و تتكلم و تهزر و هوووب البركة راحت ...كان زمان فيه قديس يقول لتلاميذه بعد القداس فروا يا اولادي فروا يعني اهربوا يقولوا له من ايه يا أبانا يقول لهم من هذا فروا و يشاور علي فمه... ساعات كمان نسمع و ننفعل و نفرح بالكلمة بس عاطفيا بدون قرار تغيير أو رغبة حقيقية ..و يفضل القلب متحجر و مقيد بخطيته و مشغولياته.... ما فيش جذور في العلاقة بربنا..نفرح بيسوع الحنين و بتاع التوبة و اللي يغنينا و يسعدنا ..بس عند أول تجربة ...أول شمس تحرق ...نتراجع...طول ما هو باسطنا معاه ..بيجي حدث مش علي هوانا ندور وشنا..فكيتي خطوبة نبعد ..نزلت بمادة و لا سقطت نبعد ..مرض و لا مشكلة في شغل نبعد ...مالناش عمق مع ربنا و حتي لما بنحكم بتاخد بالظاهر... يسوع فسر الشوك ...و أن طبيعي الارض اللي وضعت في الشرير حتنبت ايه غير شوك شيطان يورطنا و يثقل علينا ...شغل و اقساط و مصاريف و غلاء و علاج و مش واخدين حقنا و خلافات في البيت و الشغل و عيشة ضيقة و احنا عاملين زي الورقة في مهب الريح نخرج من دي ننشغل بدي و نسيب دي لدي .. و جبنا عربية نخش علي الشاليه و بعدها نامن ولادنا و بعدين عاوزين الآلاف تبقي ملايين و تور مربوط في ساقية زي ما ابويا كان يقول عمال يدور و يلف في نفس الدائرة ..بس يسوع لازم نخرجله خارج المحلة ..لازم نتحرر من قيودنا ..بص علي قداس بتحضره و انت مرتبط بميعاد و قداس بتحضره و مش هامك الوقت ..الاول ما بتبقاش علي بعضك و تبص في الساعة و ياويل ابونا لو نغم لحن و لا زود حتة و مصيبة لو المعلم و الشمامسة قالوا لحن طويل ..و التاني تحس انك في السما ... زمن بيعدي و انشغال يخنق الروح و يسجننا في العالم .. و اخيرا الارض الجيدة اللي علامتها جودة الثمر ووفرته ..عاوز تربي ولادك خليك ملتصق بربنا حيثمر فيهم و يبقوا زي أغصان الزيتون حول مائدتك .. عاوز تبقي غني خليك معاه و هو يغنيك يا اما بعطايا أو يغنيك عن الاحتياج ..كل الحاجات دي فوق البيعة ..عاوز تقيس علي اي أرض انت ..قيس بالثمر و ثمر الروح محبة و فرح و سلام ووداعة و لطف و حاجات كتير لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
الزارع
1 وَابْتَدَأَ أَيْضًا يُعَلِّمُ عِنْدَ الْبَحْرِ، فَاجْتَمَعَ إِلَيْهِ جَمْعٌ كَثِيرٌ حَتَّى إِنَّهُ دَخَلَ السَّفِينَةَ وَجَلَسَ عَلَى الْبَحْرِ، وَالْجَمْعُ كُلُّهُ كَانَ عِنْدَ الْبَحْرِ عَلَى الأَرْضِ. 2 فَكَانَ يُعَلِّمُهُمْ كَثِيرًا بِأَمْثَال. وَقَالَ لَهُمْ فِي تَعْلِيمِهِ: «اسْمَعُوا! هُوَذَا الزَّارِعُ قَدْ خَرَجَ لِيَزْرَعَ، 4 وَفِيمَا هُوَ يَزْرَعُ سَقَطَ بَعْضٌ عَلَى الطَّرِيقِ، فَجَاءَتْ طُيُورُ السَّمَاءِ وَأَكَلَتْهُ. 5 وَسَقَطَ آخَرُ عَلَى مَكَانٍ مُحْجِرٍ، حَيْثُ لَمْ تَكُنْ لَهُ تُرْبَةٌ كَثِيرَةٌ، فَنَبَتَ حَالاً إِذْ لَمْ يَكُنْ لَهُ عُمْقُ أَرْضٍ. 6 وَلكِنْ لَمَّا أَشْرَقَتِ الشَّمْسُ احْتَرَقَ، وَإِذْ لَمْ يَكُنْ لَهُ أَصْلٌ جَفَّ. 7 وَسَقَطَ آخَرُ فِي الشَّوْكِ، فَطَلَعَ الشَّوْكُ وَخَنَقَهُ فَلَمْ يُعْطِ ثَمَرًا. 8 وَسَقَطَ آخَرُ فِي الأَرْضِ الْجَيِّدَةِ، فَأَعْطَى ثَمَرًا يَصْعَدُ وَيَنْمُو، فَأَتَى وَاحِدٌ بِثَلاَثِينَ وَآخَرُ بِسِتِّينَ وَآخَرُ بِمِئَةٍ». 9 ثُمَّ قَالَ لَهُمْ: «مَنْ لَهُ أُذُنَانِ لِلسَّمْعِ، فَلْيَسْمَعْ» 10 وَلَمَّا كَانَ وَحْدَهُ سَأَلَهُ الَّذِينَ حَوْلَهُ مَعَ الاثْنَيْ عَشَرَ عَنِ الْمَثَلِ، 11 فَقَالَ لَهُمْ: «قَدْ أُعْطِيَ لَكُمْ أَنْ تَعْرِفُوا سِرَّ مَلَكُوتِ اللهِ. وَأَمَّا الَّذِينَ هُمْ مِنْ خَارِجٍ فَبِالأَمْثَالِ يَكُونُ لَهُمْ كُلُّ شَيْءٍ، 12 لِكَيْ يُبْصِرُوا مُبْصِرِينَ وَلاَ يَنْظُرُوا، وَيَسْمَعُوا سَامِعِينَ وَلاَ يَفْهَمُوا، لِئَلاَّ يَرْجِعُوا فَتُغْفَرَ لَهُمْ خَطَايَاهُمْ». 13 ثُمَّ قَالَ لَهُمْ: «أَمَا تَعْلَمُونَ هذَا الْمَثَلَ؟ فَكَيْفَ تَعْرِفُونَ جَمِيعَ الأَمْثَالِ؟ 14 اَلزَّارِعُ يَزْرَعُ الْكَلِمَةَ. 15 وَهؤُلاَءِ هُمُ الَّذِينَ عَلَى الطَّرِيقِ: حَيْثُ تُزْرَعُ الْكَلِمَةُ، وَحِينَمَا يَسْمَعُونَ يَأْتِي الشَّيْطَانُ لِلْوَقْتِ وَيَنْزِعُ الْكَلِمَةَ الْمَزْرُوعَةَ فِي قُلُوبِهِمْ. 16 وَهؤُلاَءِ كَذلِكَ هُمُ الَّذِينَ زُرِعُوا عَلَى الأَمَاكِنِ الْمُحْجِرَةِ: الَّذِينَ حِينَمَا يَسْمَعُونَ الْكَلِمَةَ يَقْبَلُونَهَا لِلْوَقْتِ بِفَرَحٍ، 17 وَلكِنْ لَيْسَ لَهُمْ أَصْلٌ فِي ذَوَاتِهِمْ، بَلْ هُمْ إِلَى حِينٍ. فَبَعْدَ ذلِكَ إِذَا حَدَثَ ضِيقٌ أَوِ اضْطِهَادٌ مِنْ أَجْلِ الْكَلِمَةِ، فَلِلْوَقْتِ يَعْثُرُونَ. 18 وَهؤُلاَءِ هُمُ الَّذِينَ زُرِعُوا بَيْنَ الشَّوْكِ: هؤُلاَءِ هُمُ الَّذِينَ يَسْمَعُونَ الْكَلِمَةَ، 19 وَهُمُومُ هذَا الْعَالَمِ وَغُرُورُ الْغِنَى وَشَهَوَاتُ سَائِرِ الأَشْيَاءِ تَدْخُلُ وَتَخْنُقُ الْكَلِمَةَ فَتَصِيرُ بِلاَ ثَمَرٍ. 20 وَهؤُلاَءِ هُمُ الَّذِينَ زُرِعُوا عَلَى الأَرْضِ الْجَيِّدَةِ: الَّذِينَ يَسْمَعُونَ الْكَلِمَةَ وَيَقْبَلُونَهَا، وَيُثْمِرُونَ: وَاحِدٌ ثَلاَثِينَ وَآخَرُ سِتِّينَ وَآخَرُ مِئَةً». فعليا السيد المسيح نفسه فسر المثل و ما فيش تفسير بعد تفسير رب المجد ..لكن شوية نقاط ناخد بالنا منها .. يقعد المسيح يدي ضهره للبحر اللي بيشاور علي اضطرابات العالم و اللي يسمع كلمته يبقي قاعد علي أرض صلبة و لا يهمه البحر ...كمان يسوع كان بيعمل كده علشان صوته يوصل للناس تنقله الرياح ... كتير بنبقي علي الطريق ..نسمع الكلمة ويمكن ننفعل بيها بس انشغالنا و اهتمامنا بالعالم يخلي الشيطان ياخد بركتها مننا ...تخرج من القداس متعزي..و تقف تسلم و تتكلم و تهزر و هوووب البركة راحت ...كان زمان فيه قديس يقول لتلاميذه بعد القداس فروا يا اولادي فروا يعني اهربوا يقولوا له من ايه يا أبانا يقول لهم من هذا فروا و يشاور علي فمه... ساعات كمان نسمع و ننفعل و نفرح بالكلمة بس عاطفيا بدون قرار تغيير أو رغبة حقيقية ..و يفضل القلب متحجر و مقيد بخطيته و مشغولياته.... ما فيش جذور في العلاقة بربنا..نفرح بيسوع الحنين و بتاع التوبة و اللي يغنينا و يسعدنا ..بس عند أول تجربة ...أول شمس تحرق ...نتراجع...طول ما هو باسطنا معاه ..بيجي حدث مش علي هوانا ندور وشنا..فكيتي خطوبة نبعد ..نزلت بمادة و لا سقطت نبعد ..مرض و لا مشكلة في شغل نبعد ...مالناش عمق مع ربنا و حتي لما بنحكم بتاخد بالظاهر... يسوع فسر الشوك ...و أن طبيعي الارض اللي وضعت في الشرير حتنبت ايه غير شوك شيطان يورطنا و يثقل علينا ...شغل و اقساط و مصاريف و غلاء و علاج و مش واخدين حقنا و خلافات في البيت و الشغل و عيشة ضيقة و احنا عاملين زي الورقة في مهب الريح نخرج من دي ننشغل بدي و نسيب دي لدي .. و جبنا عربية نخش علي الشاليه و بعدها نامن ولادنا و بعدين عاوزين الآلاف تبقي ملايين و تور مربوط في ساقية زي ما ابويا كان يقول عمال يدور و يلف في نفس الدائرة ..بس يسوع لازم نخرجله خارج المحلة ..لازم نتحرر من قيودنا ..بص علي قداس بتحضره و انت مرتبط بميعاد و قداس بتحضره و مش هامك الوقت ..الاول ما بتبقاش علي بعضك و تبص في الساعة و ياويل ابونا لو نغم لحن و لا زود حتة و مصيبة لو المعلم و الشمامسة قالوا لحن طويل ..و التاني تحس انك في السما ... زمن بيعدي و انشغال يخنق الروح و يسجننا في العالم .. و اخيرا الارض الجيدة اللي علامتها جودة الثمر ووفرته ..عاوز تربي ولادك خليك ملتصق بربنا حيثمر فيهم و يبقوا زي أغصان الزيتون حول مائدتك .. عاوز تبقي غني خليك معاه و هو يغنيك يا اما بعطايا أو يغنيك عن الاحتياج ..كل الحاجات دي فوق البيعة ..عاوز تقيس علي اي أرض انت ..قيس بالثمر و ثمر الروح محبة و فرح و سلام ووداعة و لطف و حاجات كتير لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
27 لاَ يَسْتَطِيعُ أَحَدٌ أَنْ يَدْخُلَ بَيْتَ قَوِيٍّ وَيَنْهَبَ أَمْتِعَتَهُ، إِنْ لَمْ يَرْبِطِ الْقَوِيَّ أَوَّلاً، وَحِينَئِذٍ يَنْهَبُ بَيْتَهُ.
28 اَلْحَقَّ أَقُولُ لَكُمْ: إِنَّ جَمِيعَ الْخَطَايَا تُغْفَرُ لِبَنِي الْبَشَرِ، وَالتَّجَادِيفَ الَّتِي يُجَدِّفُونَهَا. 29 وَلكِنْ مَنْ جَدَّفَ عَلَى الرُّوحِ الْقُدُسِ فَلَيْسَ لَهُ مَغْفِرَةٌ إِلَى الأَبَدِ، بَلْ هُوَ مُسْتَوْجِبٌ دَيْنُونَةً أَبَدِيَّةً». 30 لأَنَّهُمْ قَالُوا: «إِنَّ مَعَهُ رُوحًا نَجِسًا». 31 فَجَاءَتْ حِينَئِذٍ إِخْوَتُهُ وَأُمُّهُ وَوَقَفُوا خَارِجًا وَأَرْسَلُوا إِلَيْهِ يَدْعُونَهُ. 32 وَكَانَ الْجَمْعُ جَالِسًا حَوْلَهُ، فَقَالُوا لَهُ: «هُوَذَا أُمُّكَ وَإِخْوَتُكَ خَارِجًا يَطْلُبُونَكَ». 33 فَأَجَابَهُمْ قِائِلاً: «مَنْ أُمِّي وَإِخْوَتِي؟» 34 ثُمَّ نَظَرَ حَوْلَهُ إِلَى الْجَالِسِينَ وَقَالَ: «هَا أُمِّي وَإِخْوَتِي، 35 لأَنَّ مَنْ يَصْنَعُ مَشِيئَةَ اللهِ هُوَ أَخِي وَأُخْتِي وَأُمِّي». يسوع يشرح هنا انه اكيد ليس بالشيطان يخرج الشياطين لكن بقدرته الالهية و قوة لاهوته.. و في السكة عطانا طريقة للخلاص من الخطية المسيطرة.. ان القوي يتربط الاول و بعدين تتنهب امتعته... الشيطان حارب الانسان و نهب بيته، و خد كل طاقاته وإمكانياته ومواهبه لتعمل لحساب مملكة الشر. العدو القوي لن يخرج، ولا تًسحب منه أمتعته التي اغتصبها ما لم يُربط أولا... علشان كده جه المسيح و خلصنا و ربطه و استردنا و عطانا الحرية من جديد... اي خطية ليها مدخل قوي.. لازم يتربط... شهوة يمكن يكون مدخلها عين و مشاهدات اباحية او عاطفة مش حلوة... اربط دي و بعدين استرد طهارتك.. شجار في البيت و خصام و حياة مكسورة بين الزوجين و بين الاولاد... القوي هنا الذات و الكرامة و الانا... اكسر الذات و اربطها و نسيبنا من الكبرياء.. ما تكلمنيش كده.. وطي صوتك.. انا مش شغالة عندك.. انا زهقت.. انا و انا و انا.... اول ما تتربط الانا يخش السلام و نسترد الحوار الهادي و الابتسامة.. خدمة واقعة وراها روح انقسام و ذات و عدم محبة و بحث عن سلطة و رئاسة و مظهرية و فلسفة و تدبير عقلاني فقط... اربط القوي و نركع عند رجلين ربنا و نقدم بعض نعرف نسترد ولادنا و خدمتنا تثمر.. اخر جزءفي الاصحاح.. يسوع ما لغاش و لا حصر من قرابة الجسد لكنه اراد التاكيد علي ان من يصنع مشيئة الآب هو من له الاولويه حتي علي اقرب الاقارب من الناحية الجسديه.ماقلش ليست هذه امي او تكلم باسلوب له فظاظة لكن قال من هي امي ومن هم اخوتي من يصنع مشيئة الآب هم امي واخوتي.. طبعا العدرا مريم هي الوحيدة اللي تجمع انها امه بالجسد و امه بالروح لانها صنعت مشيئة ابيه و لم يجد في البشرية كلها في ماضيها و حاضرها و مستقبلها من يفوقها... تتصور ربنا عطينا فرصة نبقي اخواته و امه.. محرومة من الخلفة.. عندك فرصة تبقي ام يسوع... اخدمي الاطفال و ولاده و لما تحبيهم بجد حتسمعي ان كل اللي عمل حاجة لولادي بي قد فعلتم.. يعني امومتك لولادك بالخدمة و حتي لولادك بالجسد من اجل المسيح تخليك تتمتعي بامومة يسوع.. لالهنا كل المجد نبيل شحاتة |
رد: اكبر مجموعة ايات من الكتاب المقدس مع التأملات
21 وَلَمَّا سَمِعَ أَقْرِبَاؤُهُ خَرَجُوا لِيُمْسِكُوهُ، لأَنَّهُمْ قَالُوا: «إِنَّهُ مُخْتَلٌ!».
22 وَأَمَّا الْكَتَبَةُ الَّذِينَ نَزَلُوا مِنْ أُورُشَلِيمَ فَقَالُوا: «إِنَّ مَعَهُ بَعْلَزَبُولَ! وَإِنَّهُ بِرَئِيسِ الشَّيَاطِينِ يُخْرِجُ الشَّيَاطِينَ». 23 فَدَعَاهُمْ وَقَالَ لَهُمْ بِأَمْثَال: «كَيْفَ يَقْدِرُ شَيْطَانٌ أَنْ يُخْرِجَ شَيْطَانًا؟ 24 وَإِنِ انْقَسَمَتْ مَمْلَكَةٌ عَلَى ذَاتِهَا لاَ تَقْدِرُ تِلْكَ الْمَمْلَكَةُ أَنْ تَثْبُتَ. 25 وَإِنِ انْقَسَمَ بَيْتٌ عَلَى ذَاتِهِ لاَ يَقْدِرُ ذلِكَ الْبَيْتُ أَنْ يَثْبُتَ. 26 وَإِنْ قَامَ الشَّيْطَانُ عَلَى ذَاتِهِ وَانْقَسَمَ لاَ يَقْدِرُ أَنْ يَثْبُتَ، بَلْ يَكُونُ لَهُ انْقِضَاءٌ. اقارب يسوع يتهموه بالجنون و خرجوا يمسكوه منعا للفضيحة او غضب الكتبة و الكهنة و الفريسين عليهم.. مع انهم قرايبه... ساعات اللي يحارب الانسان اهل بيته... اب او ام ييجي ابنهم يختار طريق ربنا او يحس بدعوة للرهبنة تقوم الدنيا و تقعد.. او ام ما ترضاش ولادها يصوموا خصوصا في الامتحانات او اصحاب تيجي تمشي في سكة ربنا و ترفض تعمل لخبطة بيعملوها تسمع التريقة علي ودنه... يا مؤمن.. بركاتك.. بكرة تنزل زيت.. او حد يقولك انت حتدروش.. او تبقي لسة متناولة و تلاقي ضغط اسري زيادة و طلبات ساعات تبقي مستغلة او مستفزة علشان لو ما اتعملتش يتقالك امال متناولة علي ايه و لا بتروحي كنيسة تعملي ايه.. يجوا يشوفوا... و بدل ما يساعدوكي و يشجعوكي يندموكي علي اليوم اللي اخترتي فيه ربنا... لما تحسي الاحساس ده معلش افتكر و افتكري ان يسوع نفسه اتهمه قرايبه بالجنون.. بعلزبول كان اسم اطلقه اليهود علي الشيطان اصل الكلمة بعلزبوب او اله الذباب و كانوا يقصدوا ان الشيطان ده اله الزباله... و بسذاجة اتهموا المسيح انه بيخرج شياطين بالشيطان يسوع رد بحكمة و بديهية.. ان الشيطان لا ينقسم علي شيطان لان لهم هدف واحد افساد ملكوت الله و اسقاط اولاده.. و قال لهم حقيقة روحية و مجتمعية.. كل مملكة تنقسم علي ذاتها تخرب... ليه ولادنا شايفينهم متعبين و منفصلين عننا لاننا احنا منقسمين... راي للاب و راي للام.. خناق و شجار و انقسام و الاولاد بتضيع.. حل بيوتنا اننا نتحد في ربنا.. حتي الدول.. تنقسم علي نفسها تخرب.. بص علي سوريا و ليبيا و العراق.. لكن بص كده علي اليابان تلاقي هدف قومي واحد و كل واحد ليه دور.. الكنيسة الاولي كنيسة قوية جدا لانها واحدة.. ادم كان شايف حوا حتة منه اول ما وقعوا و انقسموا خربت الحياة.. اول حاجة عملها ادم اللي كان لسه من شوية بيقول لحم من لحمي و عظم من عظمي و حبها اول ما انقسم باعها... قال تموت و اعيش انا و قال لربنا المرأة التي اعطيتني... يا ادم!!!!!! زي ما واحد لسة بيرتبط يخنف و يحلو ههههههههههههه و يتلكك يمسك ايد حبيبته و يفضل ماسكها عامل انه بيعديها الشارع... بعد الجواز و المشاكل هو ماشي قدام و هي وراه او قاعدين في العربية ماسكة موبايل و هو بيسمع اف ام... مني قلب ربنا نبقي واحد.. يقول كده ليكون الجميع واحدا... الشيطان يمتلك فضيلة العمل الجماعي و من اجل تحقيق الهدف ينكر ذاته يعني شيطان فشل يوقع ابن ربنا في الشهوة يسيب مكانه لشيطان تاني يوقعه في الكبرياء.. مش يقول له اختصاصي و انت ليه تدخل.. المهم يوقعوه... اه لو الفكر ده بقة في الخدمة... ده خادم بيعرف يتكلم يسيبوه يوعظ و ده يفتقد و ده يرنم و ده يهتم بولاد ده حتي لو مش في فصله..لكن كلنا بنوعظ و نرنم و مقسمين الخدمة جزر منعزلة و كل واحد في جزيرته مالهوش دعوة بالتاني واياكش حد يقرب من حتتي... ربنا يدينا نفهم ان قوتنا في وحدتنا مع بعض و فيه.. علشان كده ما سمحش ان عظمة منه تنكسر... طب اللي استحمل الالم ده كله فارقة اوي عظمة ما تنكسرش... يقولك اصل المسيح الراس و الكنيسة جسده ما ينفعش حتة من جسده تتفتت و لا تتكسر و لا تنفصل.. علي عينه ان يهوذا يهلك.. علي عينه ان خروف يضيع... علشان كده انت غالي عليه جدا.. حتة منه... و هو ده يفهمك حاجات كتيرة من الطقس ليه نصوم مع بعض و نتناول مع بعض و نحزن علي بعض و نفرح لبعض... دي وصية ربنا لينا نبقي واحد لالهنا كل المجد و الكرامة نبيل شحاتة |
رد: اكبر مجموعة ايات من الكتاب المقدس مع التأملات
13 ثُمَّ صَعِدَ إِلَى الْجَبَلِ وَدَعَا الَّذِينَ أَرَادَهُمْ فَذَهَبُوا إِلَيْهِ.
14 وَأَقَامَ اثْنَيْ عَشَرَ لِيَكُونُوا مَعَهُ، وَلِيُرْسِلَهُمْ لِيَكْرِزُوا، 15 وَيَكُونَ لَهُمْ سُلْطَانٌ عَلَى شِفَاءِ الأَمْرَاضِ وَإِخْرَاجِ الشَّيَاطِينِ. 16 وَجَعَلَ لِسِمْعَانَ اسْمَ بُطْرُسَ. 17 وَيَعْقُوبَ بْنَ زَبْدِي وَيُوحَنَّا أَخَا يَعْقُوبَ، وَجَعَلَ لَهُمَا اسْمَ بُوَانَرْجِسَ أَيِ ابْنَيِ الرَّعْدِ. 18 وَأَنْدَرَاوُسَ، وَفِيلُبُّسَ، وَبَرْثُولَمَاوُسَ، وَمَتَّى، وَتُومَا، وَيَعْقُوبَ بْنَ حَلْفَى، وَتَدَّاوُسَ، وَسِمْعَانَ الْقَانَوِيَّ، 19 وَيَهُوذَا الإِسْخَرْيُوطِيَّ الَّذِي أَسْلَمَهُ. ثُمَّ أَتَوْا إِلَى بَيْتٍ. 20 فَاجْتَمَعَ أَيْضًا جَمْعٌ حَتَّى لَمْ يَقْدِرُوا وَلاَ عَلَى أَكْلِ خُبْزٍ. تلاقي يسوع لما جه يختار تلاميذه حصل ده بعد حاجتين.. اول حاجة بعد ما انتهر الشياطين اللي شهدوا ليه انه ابن الله لكن الله لم يقبل شهادتهم و لا كرازتهم لانهم ليسوا خالصين النية و سيضلوا الشعب.. ساعات فيه طرق بدايتها شكلها روحي لكن جوهرها بعيد عن الحقيقة.. ساعات خدام و انا علي راسهم نخدم لمجد ذاتنا نستخدم اسم المسيح و الشهادة ليه علشان نعمل شعبية و ناخد كرامة... تاني حاجة اختياره للتلاميذ جه بعد ما صلي زي ما القديس لوقا قال عن نفس الحدث... صلي لكي يرسخ في مفهوم الخدمة ان من ياتي ليخدم الله ليس بمقياس بشري بل باختيار الهي... زمان مرة دعاني الانبا رافائيل للخدمة معاه وما كنتش اعرفه و ساعتها يمكن سمع عني لاني كنت بحاضر في الاسر الجامعية و الكنايس و ليا خدمة شباب جامعة في مارمرقس و قابلت نيافته في مؤتمر لينا و ناس اعتبرت ان الدعوة دي و منهم كاهن انها تمهيد انه عاوز يرسمني... كان ليا اشتياق للتخصيص و يبقي ربنا هو خدمتي و شغلي.. بس يظهر عجبني الدور و الشهوة دخلت في قلبي الخايب بتاع الكرامة و شباب من اللي كنت بخدمهم سخنوني وقالوا انهم لو بقيت قسيس حيعترفوا عندي و انهم حيطلبوا من سيدنا اني اتخصص في خدمة شباب و كبرت الحكاية جوايا بخطية و نرجسية لدرجة اني ما منعتش واحد يبعت جواب للانبا رافائيل يحثه علي اختياري لما عرفت انه حيعمل كده قال يعني انا معرفش.. و عدي وقت و عدت رسامات وتم اختيار ناس بلغة الخدام مش ظاهرين او خدمتهم هادية و مش بالبروباجندا الخايبة بتاعتي و عرفت ساعتها ان الروح القدس بيستنضف اللي يدعوه لهذه الخدمة و ان ربنا مش شايفني في العباية و ان رد فعلي الداخلي كان فيه شهوة شخصية مش حب كامل لربنا... اختيار ربنا مختلف خالص عن اختيار الناس... الناس تزن اللسان اما الله يزن القلب.. الناس تقول شاول يكش ربنا ياخده و لا ينتقم منه اللي مدوق الكنيسة اضطهاد و ربنا شايفه بولس.. متي العشار... الناس تكرهه و ظالم و ربنا شايف فيه متي الرسول... اختيار الله دائما لناس يعمل فيهم و بيهم مش ناس تفتكر انها بقوتها و فصاحتها بتخدم من اجله.. ربنا غير بعض اسماء من التلاميذ علشان يقول انه هو اله العهد القديم اللي خلي ابرام ابراهيم و يعقوب اسرائيل و ساراي سارة... بطرس يعني صخرة لانه تمتع باعلان الاب ان المسيح ابن الله ودُعي يعقوب ويوحنا ابني الرعد لأنهما صارا كمن في السماوات يحملان طبيعة الرعد السماوي و الإنذارات كمان يقال انهم اللي قالوا للمسيح لما السامرة رفضته ان تنزل نار من السما و تحرق السامرة تاديبا "أندراوس" في اليونانية تعني "قوة" أو "بسالة"، إشارة إلى التصاقه بربنا و شجاعته في الشهادة . و"فيلبس" معناه "فم مصباح"، إشارة إلى إشراقه بالنور خلال كلمات الرب الصادرة من فمه. "برثلماوس" تعني "ابن من يتعلق بالماء"، يمكن إشارة إلى التمتع بالبنوة لله خلال مياه المعمودية. "متى" تعني "هبة" أو "عطية" قدمها له ربنا مش بمغفرة خطاياه بس لكن باختياره رسولًا. "توما" تعني أعماقًا"، فإن من له معرفة بسلطان إلهي يدخل إلى الأعماق. "يعقوب بن حلفى" تعني "المتعقب أو المجاهد المتعلم". "تداوس" تعني "من يحرس القلب" أو الساهر بقلبه، وهو بعينه يهوذا أخ يعقوب المدعو أخ الرب."سمعان القانوي ويهوذا الإسخريوطي"، الأول يشير إلى الاستماع أو الطاعة منسوبًا لقرية قانا الجليل، ويهوذا منسوبًا إلى قريته "سوخار". الله يعطينا ان نكون عجينة لينة في ايده يشكلنا في صورة الوعاء اللي هو عاوزه مش اللي انا اشتهيه.. لالهنا كل المجد والكرامة نبيل شحاتة |
| الساعة الآن 05:36 PM |
Powered by vBulletin® Copyright ©2000 - 2025