|
رد: ديوان الديوان مع روائع الشاعرة souad jaalouk
معليش ما لو مطرح بيناتنا الضجر ... كلّ اللي راح من العمر ... ولو كان بتاني سفر ... رح نبقى نوزّع بسمات ونحكي للهوي خبريات تلوّح بأحلى شالات ... مطرزة من خيطان الشعر نهدات مغزولة من عشق ولوعة وسهر معليش ما لو مطرح بيناتنا الضجر ... - سعاد - |
رد: ديوان الديوان مع روائع الشاعرة souad jaalouk
عم يسألوني... وبيكتروا بالسؤال ليش هيك معك مغيرة الأحوال لو حلفوني .. وبأغلى الناس برب الكاينة وتقلوا الاحمال غير اللي قال لهالجبال كوني ... غير اللي حوّل المحال حقيقة ع المسكوني ما بقول ولو مهما انقال ... لغير اللي مخبى بعيوني ... ولا تسألوني ... خليها فيكون بالحلا ... تايهة ومغرّبة ظنوني .... |
رد: ديوان الديوان مع روائع الشاعرة souad jaalouk
كلماتٌ من القلب وعدْتُ اليوم كما الأمسِ كلماتي أصوغُها بالهمسِ علّ البعض منها يضلّ السبيل ويحمل لدنيا باتت أشبه الحبس حروفاً متناثرةً هي النّبض وجمال الحسّ - سعاد - |
رد: ديوان الديوان مع روائع الشاعرة souad jaalouk
بسمع انا ... حكيني على الواطي بسمع انا ... حكيني بلاطفي شو خطيت بحقك قلّي ... لحتى ذنوبي عم تعدلي ... الشغلة ما بدها عياطك ولا عياطي ... بسمع انا حكيني على الواطي ... شغلة وبحب تعرفها عنّي إنّي ومن زغر سنّي ... لغير الله ما تنازلت لغير الله ما بعترف بذنوبي لغير الله انا ما بقول خاطيي تعودت ع قول الحق وساعة اللي لازم قول لاء تعودت اتحدى القدر وما خلّي عمر الضجر يوصل ويتسرب ليي يضيعني متل القصة المنسيي تعودت من اقدر اشرب وملّي كاسي لغير لقال لهالدني كوني لغير لخالق هالمسكوني ما بيوم حنيت راسي ولا بيوم ضاعت مني الطاسي ولو مهما ومهما تكاترت حواليي الأعادي ومن بعد ما شرحتلك عن حالي فيك تحكي يا غالي انا هيك خلقت وربيت هيك عودني رب البيت من الدني آخود تاري وبرجع بقلك بسمع انا حكيني على الواطي ... |
رد: ديوان الديوان مع روائع الشاعرة souad jaalouk
بيصعب عليي .... امرق جنب بيتك وما لاقي غير السكوت غير صلاة العنكبوت البتصلي للما حدا وبيرد عليها الصدا وبترسم خيالات عن الماضي المات وبتشردني بوهدات وبيعذّب قلبي فيي وبيصعب عليي شوفك بعيد بعيد عن عينيي ولحالك وحيد وشو بيصعب عليي تهجرني وتجافيني وتبعد عن دياري وما تفتكر فيي بيصعب عليي يا اسمر تعلى عليي وتتكبر وتمرق جنب منّي وتغض النظر عنّي بيصعب عليي ... بعدك عن عينيي ... |
رد: ديوان الديوان مع روائع الشاعرة souad jaalouk
غربتنا الإيّام ... سفرتنا بدنية أحلام .... صورتلنا الأوهام ... حقيقة ضاعت متل بصر منام ... ورجعت تخبّر وتقول ... عن هاك الحلم المجهول .... مش هيك ومش معقول .... نترك دني ... نبيع العمر ... نلّف بخيالاتنا ونجول ... ونتكمّش بحفنة تراب مجبول ... من وهم .. من سراب من عاصفة ما لها أصول .. هيي تراب عم يهرب .. .تراب منّا ونحن منّو والسلام ... |
رد: ديوان الديوان مع روائع الشاعرة souad jaalouk
لمّا يا إمّي عنّا نويتِ الرّحيل وحملتِ معك جروح هالقلب العليل ما سألتِ كيف رح منكون من بعد بسمتك ولا كيف رح نتحمّل غربة المستحيل رفعتِ ايديكِ لرب السّما وعينيكي تاهوا بجولات الصلا ونقلّك يا إمّي ردّي علينا تتبسمّي وتخلّي الصدى مطرح صوتك اللي كان منجيرة هنا يرد ويعلق هون تعبان ما بدو منّا حدا يا إمّي يا كل دنيتي وعمري يا إمّي يا رفيقتي بمشوار همّي ليش ... ليش سلّمتِ السلاح وقلّتِ خلص صار لازم إرتاح كفّي الدرب يا سعاد وحدك ليش يا إمّي ..؟ ليش يا سلوتي بإيّام كلها بعدها مليانة شقا وهموم وغربي ما حدا ... ما حدا منهن قلّك إنّي منك إنتي بستمد طاقتي وقوتي يا إمّي شو بدي قول بعد خلص الحكي وصرتي بأبعد أرض من فوق يااا غالية من عند رب الكاينة ضلّك معي وبروحك رافقيني إنتي ولا مرة معي خلفتي وعد سعاد جعلوك |
رد: ديوان الديوان مع روائع الشاعرة souad jaalouk
وع دروب كلها شقا مشينا ونحنا اللي رسمناها بإيدينا قلنا شوي وبيخلص المشوار وبتصير رماد هاك النّار بس الجمر ساكن تحت الرّماد ع مهب أوّل نسيم بيطلع علينا بيشعّل نار الشوق فينا ... وبترجع الدّروب تطوي أمانينا هيي حلم أو صحوة ماضينا معربشة ع خيال معلّقة بآمال بتاخدنا ع مجاهل بعيدي ولوحدها بتعود تودينا |
رد: ديوان الديوان مع روائع الشاعرة souad jaalouk
خرطشت ع الحيطان ع الدفاتر ع الورق حروف مدريي مش مألوفي بمحابر ما بتخطر ع البال من وراق الحبق وقلتلها ع السكت لعندو روحي سعاد |
رد: ديوان الديوان مع روائع الشاعرة souad jaalouk
همسات دافئة ~~~~~~~ رح شيل من سواد اللّيل شلحة صغيري ... وحيكها من ميل لميل .. . وزخرفها بنجم سهيل ولعندك قلها طيري .... |
رد: ديوان الديوان مع روائع الشاعرة souad jaalouk
مجهول ومش معلوم ~~~~~~~~~~~~ ~~~~~~~~~~~~ في شي مش مفهوم مجهول ومش معلوم دقة قلب حيراني من القسى فلتاني بتخبّر روايات خوتاني هيي حلم هيي خيالات علقاني ... بخيوط من وهج القمر المحموم بيرمي قهر ع طاقة بيت من الضو معتم ومحروم ... يمكن بعلم الغيب مجهول ومش معلوم ... |
رد: ديوان الديوان مع روائع الشاعرة souad jaalouk
دموعِك كفّ وعّت فيي النسيان دموعِك خلّت الحجر كومة حنان قديش عليكِ انا قسيت وحاولت إفهمك ونسيت غرقانة ببحر هادر ما منو أمان تعبانة فيكِ الإيّام بتركضي ورا الأوهام بتحاكي بدفا عيونك هاك الأحلام ونحنا لا بل أنا بلحظة ما فيها صفا خلّيت البكي يلوّن عيونك يسرق جمال اللّون ويخونك وإسأل أنا وأنطر ... وتركت الكل من دونك ... والرد فيكِ يتحيّر بدو يقول ويتجبّر دمعوعِك هني خلوني أعرف إني المجنوني قدام عاطفي لإلها إنتِ مسلوبي ... لحتى يهدى فيكِ البركان ويرجع ع جنينتك نيسان ويألف من شذا عينيكِ ألحان من ورد من فلّ من ريحان كفكفي دمع القهر وعيشي جمال العمر وما تخلي ولا إنسان يسرق منك الأمان حقّك تكوني سوسنة ببستان... |
رد: ديوان الديوان مع روائع الشاعرة souad jaalouk
خلص الحكي وخلص البكي ما عاد غير الذكرى المؤلمي خلص الحكي ما عاد تسأل شو بكي صرت قصّة بعيدي فصولها مشربكي خطوطها مقطوعة ومحلّلي خلص الحكي وخلص البكي وهلّق بلش فصل جديد مضمونو وكلماتو بالهنا مزيّني وبحروف من وهج الشمس ملوّني |
رد: ديوان الديوان مع روائع الشاعرة souad jaalouk
قلنا خلص ابتدى المشوار وتركنا ورانا قصص واخبار وتغيّر فينا كلّ المسار أتاري كان وهم عايش بستار وفجأة ومن دون أيّا إنذار توب المسرحيّة داب وهيك اتغيّر كلّ الحساب وجنينة الفلّ ودواير العنّاب من غربة القسا من عذاب دبلوا وصاروا للعدم سجّادة أعذار ومنقول مش وهم أو حلم هيدي حقيقة ناصعة بلا أزرار مشوار كان ... وخلص بنهار يااااا ريت عمرو ما كان هالمشوار كان ضلّ بجنينتي مزهّر نوّار أكتب شعر غربل الأفكار وأوقف ع مطلّ الأماني للكلّ وزّع عطر من شذا الأشعار |
رد: ديوان الديوان مع روائع الشاعرة souad jaalouk
شو بخاف مرة من المرات امرق صدفة جنب هاك الشباك وشوف الدرج العتيق الكان النا اوفى رفيق مغطّى بوراق حمر وصفر بحجار يمّا بشوية صخر شو بخاف هيك ع مفرق طريق تضيع منّا وتهرب حلا العجقات هيك شي مرة من المرات |
رد: ديوان الديوان مع روائع الشاعرة souad jaalouk
ربنا يبارك كل حاجة حلوة بتكتبيها
موهبة اكتر من راااااااائعة ربنا يفرح قلبك ربنا يفرح قلبك يامينا |
رد: ديوان الديوان مع روائع الشاعرة souad jaalouk
شكراً كثيراً لمروركِ الآثر أختي سما أسعدتني وشرّفتني |
رد: ديوان الديوان مع روائع الشاعرة souad jaalouk
كلمات ليست كالكلمات ------------------ ~~~~~~~~~~ تعلّمت من الصمت ان اتكلّم ... تعلّمت من الهدوء .. كم هو جميل في بعض الأحيان جنون الضجيج ... وتعلّمت من الإرتحال ... حنين العودة الى مساكن مستقرّة ... لا تعرف الا الأرض موطئا لأقدامنا ... وتعلّمت من اللّيل ومهابته ... ان استرسل وآخذ وقتي في السهر تحت نور القمر ... وأقطف من خيالات شعاعه خيوطا انسجها على الورق ... نبضات لا تعرف الا الوجد والإنعتاق من عالم الواقع الى عالم هو الحلم الأزرق الجميل ... |
رد: ديوان الديوان مع روائع الشاعرة souad jaalouk
بيع الدني وما تسأل خلي الامل بعينيك يتقل ما في شي حرزان الا انت يا انسان الصعب بالبسمة بيسهل بيع الدني ولا تخلي الجروح تبصم ع جبينك وهدات تلغي الحلا وتهد فيك الروح اللي راح ما بيرجع بتحاكيه ما بيسمع بيهد بيناتكن كل الصروح من هون بيع الدني وشويي ونظرة جميلة لحاضرك يا خيي ملي المطارح بالورد بالضحكات بعجقة حلا عابقة بنظرات لا بترحم ولا بتقول للماضي خطيي بيع الدني وما تقول لاء مش انت بيكون عليك الحق الحق ع اللي كامشها بالمقلوب شادد ع حالو ومضيع المكتوب تعبان ومتعّب اللي حواليه وكانو شارك بعذاب المصلوب وما بعمرو بواب السما بيدق بيع الدني واشتري الحاضر ما تضل هيك على المفرق ناطر لو زرعوها بالوعر فرخت يا ريت بالحفر ... والماضي انت باقي مكسور الخاطر بيع الدني وما تسأل ... خلي بعينيك الامل يتقل ما في شي حرزان الا انت يا انسان ... الصعب بالبسمة بيسهل |
رد: ديوان الديوان مع روائع الشاعرة souad jaalouk
وين إنتِ يا راحة البال ؟ مغادرة ودايماً بترحال كلّ يوم منقول اليوم أتاري أنتِ أبعد من الخيال يا راحة البال منين طريقك دلّيني اعطيني دليلك هالعمر معك صار سلاح جبهة حرب ما كنّا نرتاح ولا كنّا نسمع غير صوت أنينك |
رد: ديوان الديوان مع روائع الشاعرة souad jaalouk
زهقان يا قلب من هم الدني زهقان عاللي مرق بكتاب سمّيتو على علمي النّسيان ... وخزّقت الوراق ... وفرفطت الصّور وتيشرتون على رمال الشطآن ... وسكّرت بواب بوجه الحلم لا أسف ولا نبض حيراااان |
رد: ديوان الديوان مع روائع الشاعرة souad jaalouk
أنا واللّيل وكنت سهرانة بهالليل لوحدي راجع حكايات مرقت من حدي فلفش قصص وروايات احذف اسامي وخبريات ... من مدة كانوا شامة على خدي الا ومرق ع شباكي عصفور وقف على مساكب المنتور وبنظرة حزيني قلي شو بدي ... قربت ع الهدى ومديت يدي نفر مني زعلان وخاطرو مكسور وبنغمة ملايكية غرّد وطار من عندي... |
رد: ديوان الديوان مع روائع الشاعرة souad jaalouk
سنعود يوماااا الى ملاعب كنّا عفناها سنعود يوماااا الى قرىً كنّا نسيناها سنعود يوماااا الى كنف سنديانة ملجانا اسميناها سنعود يومااا بالله قل لي سنعود يوماااا تلك الهنيهات كم تمنياها خرير الساقية عناقيد الدالية شعاع ضوء القمر المنسكب على بوابتنا الحانية همسات الريح تأتي خجولة ناعمة سنعود يوماااا عدني ولو كانت وعوداااا كاذبة |
رد: ديوان الديوان مع روائع الشاعرة souad jaalouk
لن أنتظرك لا .... لن أنتظركَ أبداً بعد ... لقد مللتُ الإنتظار ...لا لا ... لن أقفَ عند نافذة غرفتي أراقب الأقمار ....لا لا ... ولن أدع رفيقاتي يسألنَ عن الأخبار ... ويعدْنَ مكتئباتٍ ، وجوماتٍ لا يعرفْنَ لهنّ قرار ... تعبْتُ وتعب منّي الإنتظار ... حتّى المحطة سئمَتَ وأعلنت الإنتصار .... ومضى فيها آخر ... آخر قطار ... وترك لي رصيفاً صغيراً .. أجلس في زاويته كلّما عاودني الحنين وحاربْتُ الأقدار .... لا .... لن أنتظركَ أبداً بعد ... لقد مللتُ الإنتظار لن أنتظرك ، مضى العمر ولم أشعر باستقرار ... دائماً هائمة أحلامي ، مسافرة خلفك وكأنّها مركب بلا بحّار .... لن أنتظرك أبداً ، فأنا مذ أدمنْتُ هذه الأسفار ... لا همّ لي سوى الإنتظار والإنتظار .... لذلك لن أنتظرك .... فليلي يجب أن يكون له من نهاااااار |
رد: ديوان الديوان مع روائع الشاعرة souad jaalouk
نسيني همّي يا هوا نسيني الغربة والنوى نسيني اللي صار واللي جرى كنا للحلا اغناني للعطر وللاحلام اماني صارت بعيدي ... بعد الارض عن مدار السما وشو بدك فينا يا هوا؟؟؟؟ |
رد: ديوان الديوان مع روائع الشاعرة souad jaalouk
بين اوراقي ودفاتري ... أجلس اراجع افكاري ... امسك ورقة وبغنج اسويها وارمي أخرى كانت لدناي هي البوح وملجأ اسراري خبّأت بها وجدي وأشواقي غبية انا ...كيف سطرْتُ وجدا وولهاً ... وبحبٍ مزيّف شوّهت أشعاري غبية انا ... بلحظة نسيت أسفاري وغرقت بين الورق والدفاتر اسطّر عشقاً كنت أظنه هو سفري نحو حدود الشمس والافلاك والمجرات ..كنت اراه كوكبا سابحا فقط في سماء عشقي وهيامي كنت أظنّه لا يحطّ الرحال الا في محطتي ومداري.... |
رد: ديوان الديوان مع روائع الشاعرة souad jaalouk
علمني ان ااهفو كثيراً اليك علّمني ان لا أفكّر الا فيك علّمني كيف ارتمي بشوق عليك وأنسى نفسي وانا بين يديك علّمني ربّي ان لا اسرّ بقول الا امام عينيك ... علّمني وعلمّني وعلمّني ... فانا كالارض العطشى ... احتاج الى مطر حنانك يبللني ويغسلني ويطرحني ساجدة تحت قدميك . علمني ان ااهفو كثيراً اليك |
رد: ديوان الديوان مع روائع الشاعرة souad jaalouk
تعبت منّا الإيّام وسرقتنا معها الأحلام وصرنا نمشيها بالقلب نعد وتسبقنا الأوهام آهات وشكوى مُرّة الحكي صاير بالمرّة وغماير الورد والياسمين دبلانة وراقو ومصفرّة الدروب مشتاقة ومحتارة عن ولفها تسأل اخبارا تسأل ويرد عليها الصدا ما في حدا ينده ما حدا لا تغلّي السؤال ولا تعاني بالمحال مجنون هالعمر ومكسورة فيه الجرّة |
رد: ديوان الديوان مع روائع الشاعرة souad jaalouk
كمشة ورق ع الأرض مدريين مخطوط فيهون حلا كلّ السنين خربشت ... ومن قلب صادق أمين عصرت فيهون تعب العمر الحزين واليوم مدري وهم عربش عليهن الأنين خزّق الماضي واسرار القلب الدّفين وفرفط حروف كانت الكنز التمين ومرجح صور للغيب خزنة الأمين ليش القسى هالقد ؟؟؟ هيدا قهر يمّا جور ببفرّق العاشقين بعلمي انا بشرع الحب والمحبّين مش هيك ... مش هيك بيكون الحنين |
رد: ديوان الديوان مع روائع الشاعرة souad jaalouk
شموع الحب والرجا ضويناها لعندك يا رب السما وديناها وطلبنا منك بكل خشوع تشفي كلّ متألّم وموجوع يا رب الكاينة يا يسوع آهاتنا صوبك رفعناها شموع الحبّ |
رد: ديوان الديوان مع روائع الشاعرة souad jaalouk
دون تذكرة سفر كم هو متعب هذا النهار .. . ولي حكاية معه اشبه بالانهيار .. . حكاية تختصر كل سنة في الرابع من آذار ، ،،، آهٍ كم هو غريب ان تسافر عبر الزمن ،،، دون تذكرة سفر دون إخطار ... جوازك تذكرة هي كل الاقدار ... متعبة هي المسافات الفارغة ... أطياف تتمايل عند أطراف الاحلام الهاربة ... اصوات تضج نافخة في ابواق خاوية ،،، تعزف عزف الجن في ليال كالحة ... اسألها الرحيل كما الارواح الهائمة ،،، تقف وتعربد وتخفي خلف طياتها ،،، نتفا من وعود اصبحت خيطانها شائكة ... دائما انا مع لعبة الاقدار أكون الفائزة بأدوار البطولة وآخذ منها الجائزة ،،، جائزة لا ولن تكون في حساباتي الجارية ،،، حسبي انها تُفرض عليّ فرضا ،،، وأمشي اليها وأنا مشدودة بأوتار هي الرابحة ،،،، كلمات ضائعة تبحث عن كتاب ،، عن مجلد ،،، عن رحلة عمر كانت وما زالت باحمالها سائرة .. سلام عليك حيث انت ،،، يا سفري المضني ،،، يا رفيقا افهمني انّ الدنيا رحلة في مركب صاغته الايام ... ورحلت وامسكتني شراعه ... |
رد: ديوان الديوان مع روائع الشاعرة souad jaalouk
بعد بيلقى ؟؟؟؟ قولك بعدو قلبي بيلقى ؟؟؟ وبتخلقلي الشّغلة خلقة ... حلّك تفهم عقلاتي ،.. حلّك أفكاري تحلّا ... ومن وقت ما تعاهدنا ع الحبّ البري ... بيناتنا انقطع حبل الحكي .... وصرت ع الطالع وع النازل ... تجي نهار رايق وعشرة مشتكي ... |
رد: ديوان الديوان مع روائع الشاعرة souad jaalouk
لو برجع طفلة زغيري إرجع لإيام الغيري لمن كنت تقهرني وتمرق جنب مني وبالكاد تصبحني كنت برجع لعهدي بوعدك وما بكذب بوعدي لو برجع طفلة زغيري ... لو برجع لايام الحب ايام النطرة على الدرب كان بأول دقاتو القلب بدو يعشق بدو يحب بدو يطير ويعلّي ... يكبر وسعارو يغلّي وتعاتبني وتقلي لاء وحط عليك انا الحق وما احسب حساب الجيري لو برجع طفلة زغيري ... لو برجع طفلة زغيري وعليها انت تغار ... تمنعني احكي مع الجيري وتحاوطني وتحط حصار وتحكيلي حكايا سعيدي عن الجارة ... والجار وقلك انا بقضايا الحب كتير بخيلي ... تزعل انت وتحتار ... وتعلمني واسقط بالاختبار وما تكلّ منّي وما تتعب ... تقول معليش بعدها زغيري بكرة بتصير كبيري ... وبيصير عندها للهوى حساب بتشعر بطعم العذاب ... وهلّق صرت كبيري .... وبعدك بتقول زغيري ... آخ لو برجع طفلة زغيري .... |
رد: ديوان الديوان مع روائع الشاعرة souad jaalouk
مجهود كبير قوي حببتي ربنا يبارك حياتك وخدمتك |
رد: ديوان الديوان مع روائع الشاعرة souad jaalouk
أسافر إلى عينيك ... دائرتي ...محيطي ...فَلكي ... أنتظرُ التّأشيرة ..أنتظرُ قدري ... من عليائي ..من كبريائي أرنو إليك ... لن أنتظر طويلااااا.... فالتّمرّد فيَّ ينتفضُ ثائراااا ... رافضاً كلّ ما يجري في أفلاكك ... وما يدور من همسٍ عليك ... أسافرُ هذه اللّيلة إلى عينيك ... لستُ مغرمةً أو مشتاقةً ... فأنا ما عدْتُ أصدّقُ شيئاً خرَجْتَ من شغاف قلبي ... وما عادَ يعنيني ...لهفي ... واشتياقي ...واشتياقي إليك ... |
رد: ديوان الديوان مع روائع الشاعرة souad jaalouk
مجهود كبير حببتي ربنا يفرح قلبك |
رد: ديوان الديوان مع روائع الشاعرة souad jaalouk
باقة جميلة جداً من أجمل الاشعار يا شاعرتنا العظيمة
ربنا يبارك خدمتك |
رد: ديوان الديوان مع روائع الشاعرة souad jaalouk
ألف شكر أختي الغالية ماري على مروركِ الغالي شرّفتني وأسعدتني |
رد: ديوان الديوان مع روائع الشاعرة souad jaalouk
أستاذي الفاضل مينا شكرااااا كثيراااا هذا كلّه بفضلك أنت الرّب يباركك وألف شكر أيضاً على المرور الغالي |
رد: ديوان الديوان مع روائع الشاعرة souad jaalouk
يا اغمار الورد يا اغمار الورد ويا مساكب الياسمين قديش ليكون عيوني انا مشتاقين .. وقديش بعدت عنكون وتركت ... شلوش الوجد يدبل فيها الحنين ... |
| الساعة الآن 06:10 AM |
Powered by vBulletin® Copyright ©2000 - 2025