|
رد: معجزات القديسة فيلومينا
فيلومينا مفرحة القلوب انا بشكر حبيبه قلبي القديسه فيلومينا عشان وقفت معايا ف ظهور نتيجتي اول ماطلبتها وقفت معايا ونجحتني بجد شكرا اوي |
رد: معجزات القديسة فيلومينا
فيلومينا سريعة الندهة انا كان نفسى ازور القديسة فيلومينا حبيبتى بس مكنتش اعرف مكانها فين وسمعت بالصدفة انها فى دير مارجرجس مصر القديمة قولت لخطيبى يودينى عشان هى بشفاعتها السريعة وحنية قلبها ساعدتنا اننا نتخطب رغم مشاكل كتير بين العيلتين وروحنا فعلا النهارده بس مكنتش عارفة اوصلها خالص وتعبت من كتر المشى عشان مكنتش حافظة الدير كويس روحت ندهت عليها وقولتلها يافيلومينتى بجد انا تعبت وانتى عارفة انا بحبك قد ايه و انى جاية علشانك يهون عليكى تسيبينى امشى زعلانة ويدوب خلصت الجملة وقولنا نمشى ونشوف هانوصل لفين وفعلا لاقيتها ساعدتنى انى اوصلها 5دقايق ولاقيت نفسى قدامها بركة شفاعتها تكون معانا دايما يارب |
رد: معجزات القديسة فيلومينا
سريعة الندهة فيلومينا فى البداية اود ان اشكر القديسة ربنا بشفاعة القديسة فيلومينا وابونا فلتاؤس لوقوفهم معنا دائما زوجى كان تعبان جدا ويشتكى بالم شديد فى المعدة استمر لمدة شهرين والعلاج دون جدوى والدكتور طلب منة عمل منظار وهو لا يريد عملة طلبنا شفاعة ابونا فلتاؤس والقديسة فيلومينا وعملنا تحاليل والحمدللة رغم اصرار الدكتور على عمل المنظار كانت التحاليل قد اظهرت عدم ضرورة عمل المنظار ولكن ظهرت مشكلة جديدة وهى المرارة بها حصاوى متعددة وكنا ذاهبين واحنا عارفين ان الدكتور سيطلب عملية للمرارة ولكن تشفعنا بهم ايضا والحمد للة الدكتور قال لنا مش هنعمل عملية وهناخد علاج والحمد للة وانا اشكرهم واطلب شفاعتهم دايما فى جميع امور حياتنا |
رد: معجزات القديسة فيلومينا
سريعة الندهة فيلومينا انا خالتو كانت تعبانة جايلها نزيف جامد وضختها عالى اتشفعت بلقديسة وقلتلها تتشفع بيها ومن سعتها وهيا فى تحسن مستمر بركة شفاعتها تكون معانا |
رد: معجزات القديسة فيلومينا
فلومينا سريعة الندهة. على طول الاذن تعبانى ومش بسمع منها كويس ليه اكتر من اسبوع وخت العلاج ولا جاب نتيجه خالص امبارح طلبت من القديسه فيلومينا العجائبيه ومار جرجس سريع الندهه النهارده بشفاعتهم مفيش الم وبسمع منها كويس. |
رد: معجزات القديسة فيلومينا
فلومينا سريعة الندهة. سلام المسيح معكم ..انا كنت أنتظر نتيجة امتحان مهم جدا وكنت قلقة جدا جدا بخصوصه ..وظهرت النتيجة اليوم ﻷجد شكوى كبيرة من الطلبة من النتيجة لسوئها الشديد وتدنى الدرجات بها ..فزاد قلقى جدا لدرجة اننى كنت خائفة ان أذهب ﻷرى نتيجتى ..وتشفعت فى هذة اللحظة بالشهيدة فيلومينا وقلت لها أرجوكى قفى معى ولا تتركينى ونذرت ان اكتب المعجزة ..وبالفعل ذهبت ﻷرى النتيجة ووجدتها بالفعل درجة جميلة جدا بالرغم من تدنى الدرجات عامة وسوء النتيجة ..هذا ليس غريبا على الشهيدة فيلومينا التى دائما تساندنى بشفاعتها وطلباتها عنى ..واطلب منها فقط ان تقف معى فى المشكلة الكبيرة التى اعانى منها ..شكرا للشهيدة فيلومينا وليتمجد الرب فى قديسيه ..آمين |
رد: معجزات القديسة فيلومينا
فلومينا سريعة الندهة. سلام المسيح معكم ...الشهيدة فيلومينا صنعت معى معجزة ..انا طالبة جامعية وكان عندى امتحان صعب فى ااحد المواد الغير اساسية ..وكانت هذة المادة من المعروف عنها صعوبتها وان الكل يرسب فيها ..وليس لها كتاب أو مذكرات او اى شئ فهى معتمدة فقط على المعلومات العامة ..فتشفعت بالشهيدة فيلومينا ونذرت ان أرسل المعجزة ..وذهبت للأمتحان ﻷجد ان نصف الامتحان فقط اعرف اجاباته واما الباقى فقد قمت بحله اعتمادا على التخمين فقط ..وخرجنا كلنا من الامتحان ﻷجد شكوى شديدة منه ..وظهرت النتيجة وكانت المفاجأة اننى حصلت على تقدير ممتاز بعيد عن اى حسابات عقلية ..وكنت تقريبا من القلائل الذين حصلوا على هذا التقدير ..شكرا للشهيدة فيلومينا العجائبية صديقتى و حبيبتى وارجو من الجميع ان يطلبونها بإيمان فقط وسوف يرون العجائب. .ليتمجد الرب فى قديسيه .آمين ..ارجو عدم نشر الاسم وشكرا على تعب محبتكم . |
رد: معجزات القديسة فيلومينا
فيلومينا سريعة الندهة. انا عايزةانشر ازاي وقفت معايا القديسة فيلومينا وطمنتني هي وابونا فلتاؤوس وارجو عدم ذكرالاسم اتخبطت في راسي والمتني وكل مادوس علي راسي مكان الخبطة احس مكانها وارم ولقيت بعدها انفي فية دم من جوا في الناحية اللي انا اتخبطت فيها علي راسي خفت جدا لاتكون الخبطةسببت حاجةوبقيت حاسة انة لو عدا يوم ممكن التاني اكتشف حاجة تاني واتشفعت بابونا فلتاؤوس والقديسة فيلومينا انهم يشفوني ومتكونش الخبطة سببت اي حاجة وحشة فطلبت منهم لو خفت راسي والدم اللي في انفي وقف هاكتب لهم دة في صفحة القديسة فيلومينا شكراا ليهم لانهم بعدها بردو وقفوا معايا وفرحوني في موضوع تاني اشكركم جدااااااا. |
رد: معجزات القديسة فيلومينا
فيلومينا سريعة الندهة. أنا عنيا الأتنين كانوا حارقينى جامد وعينى الشمال كانت حمرا فقررت أنى هروح للدكتور لكن طلبت القديسة فيلومينا أنها لو عينى بقيت كويسة تانى يوم لحد بليل هكتب المعجزة على الصفحة وفعلآ يا جماعة تانى يوم قعدت على الكمبيوتر كتير وأشتغلت كروشية فترة طويلة وعنيا بقيت كويسة ولغايت دلوقتى عنيا بطلت تحمر شكرآ ليكى يا فيلومينا يا حبيتى لكن طالبة بشفاعتك تدينى نونو علشان أنا ليا 4 سنين ومفيش حمل أرجوكم صلولى كتير . |
رد: معجزات القديسة فيلومينا
فيلومينا سريعة الندهة. انا عرفت القديسة فيلومينا عن طريق الصدفة في الجروب معرفش لية حسيت براحة نفسية غريبة اول ما ابتديت اشوف صورتها واقرا معجزاتها اول معجزة ان من يومين تيتا كان تعبت فجأة وجالها هبوط في الدورة الدموية وضغطها كان 50_20 يعني مفيش نبض ولا تتحرك وبؤقها مش بيفتح انا قلت خلاص لكن افتكرت علي طول القديسة فيلومينا جبت صورتها وحطيتها عليها ودهنتها بالزيت بتاعها وبقيت بصلي بدموع من غير ما احس مع اني كنت شاكك انا ممكن تحصل معجزة لكن بالفعل تيتا ابتدت تفوق شوية بشوية وتحرك رجلها وايديها وتتكلم بعدين روحنا مستشفي القبطي وعلقولها محاليل وابتدت تروق وتكون كويسة ببركة القديسة فيلومينا والقديسة مارينا واحنا في المستشفي كان فية بنت عاملة عملية تغيير مفصل في الحوض وتعبانة جدا واول ما ادتها صورة القديسة فيلومينا لاقينا البنت ابتدت تمشي تاني يوم العملية مع انها مغيرة مفصل الحوض فعلا قديسة جميلة ومفرحة القلوب انا بطلب منها انها تدينا طفلة جميلة وتفرح قلبنا عشان بقالنا 4 سنين بدون حمل غير مرة وحدة بحقن مجهري والنبض وقف في الشهر الثالث لكن كلي. ايمان انها هتفرح قلبنا بدون عمليات عشان اتهرينا عمليات وتعب وهنسمي البنت فيلومينا مينا عجايبي بركة صلواتها تكون معانا امين . |
رد: معجزات القديسة فيلومينا
فيلومينا سريعه الندهه . انا نجحححححححححححححت يا قديسة يا عظيمة بعد كده انتى شفيعتى فى كل شئ انا اسمى مارسيل والنتيجه طلعت فعلا صح و جبت تقديرات ممتاز وجيد جدا و اقل حاجه جبتها جيييييد انا بجد مبسوطه جدااااا و باتمنى منها تكمل الترم التانى بخييييير وتقرحنى انا وخطيبى يااارب واسفه انى اتاخرت فى نشر المعجزة .. صلولى كتير. |
رد: معجزات القديسة فيلومينا
فيلومينا سريعه الندهه . انا كنت اول مره اعرف سيره الشهيده فيلومينا من خلال صفحتكم ومن وقتها وهى بقت بالنسبه لى هى اللى بتشفع بيها فى كل حاجه ومن فتره حصلت لى مشكله كبيره وبقيت خايفه جدا وحالتى النفسيه بقت سيئه جدا واتشفعت بيها وبقيت بحس فعلا انها واقفه جنبى والمشكله بتتحل بس اخدت وقت بس النهارده اقدر اقول ان المشكله انتهت بشفاعه الشهيده فيلومينا وان المشكله دى مش هتظهر تانى . |
رد: معجزات القديسة فيلومينا
فيلومينا سريعه الندهه . انا حصلت معايا معجزه كبيره بفضل القديسين عليا انا ف اخر سنه ليصانص وفى دكتور متعصب خلانى شيلت مادته 3 مرات وسنه رابعه كمان صعبه اوى اتشفعت بشهدا ليبا وابونا فلتاوس وام النور والبابا كيرلس ومارمينا والبابا شنوده والست دميانه ومارجرجس والانبا كاراس والشهيده فلومينا والانبا مكاريوس والملاك ميخائيل والبابا شنوده وابى فام الجندى وابونا بيشوى كامل وابونا اندراوس وكل القديسين والحمدالله نجحت ربنا يكمل الترم التانى . |
رد: معجزات القديسة فيلومينا
فيلومينا سريعة الندهه . القديسه فيلومينا بدايه معرفتي بيها بعد ولادتي ابني هو دلو قتي 4شهور ومن يوم ما اتولد وهو بيرجع كتير وحجمه بدا يقل مع انه كان طبيعي لما اتولد ولما كشفنا عليه قالوا ارتجاع في المرئ وصليت وطلبت من القديسه حتي تقلل الترجيع واشكر ربنا الترجيع بدا يقل ببركه القديسه فيلومينا وقولت لو قل الترجيع هكتب معجزتها مع ابني بركه شفاعه القديسه تكون معانا . |
رد: معجزات القديسة فيلومينا
فيلومينا سريعة الندهه ( احد معجبين الصفحة ) المعجزة هى كنت انا واختى وابنها البالغ من العمر 5 سنوات ماشين بنشترى ملابس فى شارع زحمه جدا وبعدين فجاه ملاقيناش الولد طبعا فضلنا ندور عليه فى كل مكان مش لاقينة وبعدين كل واحده راحت تدور فى اتجاة وانا بدور قلت يا شهيدة فيلومينا ابعتلنا الولد بسرعة وفعلا اول ما خلصت الجملة لاقيت الولد واقف قدامى شكرت ربنا والقديسه فيلومينا سريعه الندهه . |
رد: معجزات القديسة فيلومينا
فيلومينا سريعة الندهه ( احد معجبين الصفحة ) في يوم امي كانت مريضه جدا هي مريضه بالقلب والضغط والسكر وغضرف وكان عندهابرد شديد واي ادويه بتخدها بتتعب قلبها وفي اليوم ده طلبت شفاعه القديسه وفعلا تاني يوم كانت احسن وذهبت للكنيسه وبدت في تحسن. شكرا للقديسه الجميله فيلومينا سرعة استجابتها |
رد: معجزات القديسة فيلومينا
فيلومينا ومعونة الله انا من سوهاج وتشفعت بالقديسه فيلومينا فى مشكله كبيره جدا فى شغلى لدرجة انها كانت تؤثر على مستقبل شغلى فى الشركه او فى اى شغل اخر وببركة القديسه فيلومينا اتحلت وكمان اتشفعت بيها هى والانبا كاراس والبابا كيرلس والقديس فلتاؤس فى مسابقة التربيه والتعليم فى مدرس مساعد وتم قبولى انا ومراتى ولسه بتشفع بيهم فى الامتحان اللى يأهلنى لستلام الوظيفه صلولى كتير اوى بشفاعة القديسه فيلومينا والانبا كاراس والبابا كيرلس والقمص فلتاؤس السريانى عظيمه هى عطاياك يارب وعظيم ايضا فى قديسيك. |
رد: معجزات القديسة فيلومينا
انهاردا عيد ميلاد بنت من البنات اللي بتخدم معانا في نشر سيرة الشهيدة فيلومينا كانت بالامس تطلب من الشهيدة فيلومينا ان تعيد عليها بنفسها وهذة ستكون اجمل معايدة لها .. وبعدما صلت ونامت واذ بها في نفس الوقت تجد الشهيدة فيلومينا امامها بثوبها الابيض وعلي راسها تاج من الورد الابيض جالسه علي كرسي عظيم وسط السمائين وعندما كانت تقص لنا ما حدث رائحة البخور ملئت المكان فتعزينا جميعا ومجدنا الله ... بركة الشهيدة فيلومينا مفرحة القلوب تكون مع جميعنا امين . |
رد: معجزات القديسة فيلومينا
الشيطان و الشهيدة فيلومينا ( فرنسا - آرس ) ...... كان يوجد كاهن يدعي يوحنا...... مكرم جدا عند شعب مدينة ( آرس - فرنسا ) وكان بينه وبين الشهيدة فيلومينا علاقة قوية جدا حيث قالوا عنه ....: ( انه لم يعرف اي فتاة سوى الفتاة الصغيرة الجميلة الشهيدة فيلومينا التي دائما يتمجد الله علي يده بمعجزات كثيرة بسبب طلباتها ) وانه لم يتكلم عن الكثير من هذة الصداقة التي كانت بينهم ولكن قبل نياحته قال لابنائه هذة الاعجوبة ( وهي انه في احد الايام جاء اليه الشيطان واشعل النيران بالسرير الذي كان يرقد عليه وفي سرعان شديد وانطلقت النار الي صورة الشهيدة فيلومينا فظهرت الشهيدة واطفئت النيران وسرعان ما عاد المكان كما كان كائن لم يكن شئ) . بركة طلبات الشهيدة فيلومينا العجائبية امام عرش النعمة تكون مع جميعنا امين . |
رد: معجزات القديسة فيلومينا
ظهور الشهيدة فيلومينا في ... في يوم 6 مسري الوافق 12 اغسطس 2013 الموافق استشهاد الشهيدة يوليطة المجاهدة ظهرت الشهيدة فيلومينا لاحدي الراهبات التي تدعي بهذا الاسم ( يوليطة ) وعرفتها بنفسها علي العلم ان هذة الام لم تسمع عنها من قبل فرئتها الام واقفة في مكان مليئ بالنباتات الخضراء الجميلة وزهور ذو اللوان جزابة والشهيدة فيلومينا و افقة في وسطها امام قصر كبييييييييير جدا وعندما سالتها الراهبة من انتي قالت لها ( انا الشهيدة فيلومينا ) واختفت فاندهشت الام جدا من ما رئته ولكن هذا كانت علامة سمائية بان الشهيدة فيلومينا جائت لكي تشاركنا الفرح بتدشين اول ايقونة للشهيدة فيلومينا علي يد الانبا روفائيل اسقف وسط القاهرة وسكرتير المجمع المقدس في يوم 6 مسري الموافق 12 اغسطس 2013 اي في نفس اليوم التي ظهرت فيه لهذة الام الراهبة ... وفوجئت الام الراهبة ان احد الامهات مرت عليها واعطتها صورة للشهيدة فيلومينا فاندهشت جدا واخبرت اخوتها الراهبات بما حدث فمجدو الله في الشهيدة العظيمة فيلومينا العجائبية ومن ذاك الحين والشهيدة فيلومينا تقوم باعمال عجائبية كثيرة جدا مع كل من يطلبها بركة صلواتها المقدسة المقبولة امام عرش النعمة تكون مع جميعنا امين . |
رد: معجزات القديسة فيلومينا
فيلومينا علي الورقه كانت توجد طالبه متعلقة جدا بالشهبدة فيلومينا فطبعت لها صورة واخزتها معها في الامتحان ووضعت هذة الصورة تحت ورقة الاجابة واثناء توزيع ورق الاسئله وجدا ان الوضع صعب جدا عليها ف طلبت طلبات الشهيدة فيلومينا لتعينها واذ بها عندما رئت ورقه الاسئله رئت الوجه الشهيدة فيلومينا علي ورقة الاسئله وابتسم لها ابتسامة فائقه للجمال منما بث في قلبها السلام والاطمئنان ... واذ بها بعد الانتهاء من اجبات الاسئله وجدت ان الامتحان كامل الاجابات بجدارة .... بركة شفاعة القديسة العظيمة فيلومينا تكون معانا امين |
رد: معجزات القديسة فيلومينا
اول امس قام بعض الشبان بعمل تمجيد للشهيدة فيلومينا واثناء التمجيد اذ بالشهيدة فيلومينا تبتسم له وتملئ كل الحاضرين بالفرح |
رد: معجزات القديسة فيلومينا
الشهيدة فيلومينا فرحانة انهاردا كان منسي ذاهب الي احد اقارابة ومعة صورة للشهيدة فيلومينا الامس واذ وهو في الطريق يقابل احد معارفة فاعطاه صورة للشهيدة فيلومينا وذهب الي طريقة وفي اثناء نومة في حوال الساعة السابعة صباح اليوم رئي الشهيدة فيلومينا مبتهجة جدا وفرحانة فلم يعرف السبب فذهب للكنيسة فوجد الشخص الذي اعطاة صورة الشهيدة فيلومينا فقال له انه اليوم معمودية ابنته ميرولا اي ام النور وقد عمدوها باسم فيلومينا اي ابنه النور وهذ تماما ما حدث مع الشهيدة فيلومينا انها سميت فيلومينا يوم المعمودية فافهم منسي سر زيارة وفرحة الشهيدة فيلومينا ومجد الله في الشهيدة العجائبية فيلومينا العذراء |
رد: معجزات القديسة فيلومينا
في يوم 10 يناير والموافق عيد ميلاد الشهيدة فيلومينا لعام 2014 كانت توجد طفله تناهذ من العمر 12 سنة وكانت تبكي طالبة من الشهيدة فيلومينا ان تظهر لها واذ ب امها تفاجاء ببكاء الطفله فقالت لها ان الشهيده فيلومينا خرجت لها من الصورة ونظرت اليها بابتسامة جميلة جدا ثم عادت مرة اخري بركة الشهيدة فيلومينا تكون مع جميعنا امين . |
رد: معجزات القديسة فيلومينا
فيلومينا مفرحة الاطفال في يوم 10 يناير 2014 والموافق عيد ميلاد الشهيده فيلومينا تم قص سيرتها وعمل تمجيد لها باحدى الخدمات واذ ب مريم التي تناهذ من العمر 5 سنوات صلت في قلبها وطلبت من الشهيدة فيلومينا ان تاتي اليها وبعد نومها فوجئت بالشهيدة فيلومينا في الحلم تقول لها ( انا القديسة فيلومينا جيت ليكي عشان ماتزعليش ) واذ ب مريم تشم رائحة بخور عطرة جدا في حجرتها ... ليتمجد اسم الرب . بركة الشهيدة فيلومينا العجائبية تكون مع جميعنا امين |
رد: معجزات القديسة فيلومينا
باي باي فيلومينا في يوم السبت 8 فبراير 2014 كان في بنت عندها 14 سنة نفسها تشوف فيلومينا فافضلت تبص لصورتها وتضحك وتعملها باي باي لمدة ساعتين بعدها فوجئت بالشهيدة فيلومينا تبتسم لها في الصورة وترفع يدها اليمني وتبادلها نفس الاشارة ... بركة الشهيدة فيلومينا تكون مع جميعنا امين . |
رد: معجزات القديسة فيلومينا
هذة الاعجوبة في تذكار الشهيدة دميانة في تذكرا الشهيدة دميانة الذي كان منذ شهر تقريباً جائت الشهيدة فيلومينا الي شاب كان يتعلق جدا بسيرتها وسير الشهيدات الاطهار واخذته وسط نومه الي مكان مملوء من اجساد العفيفات وراي راهبات مكرسات باعداد كبيرة يطوفون حول المقصورة فاعلمته الشهيده فيلومينا انهم العذاري الشهيدات الذين استشهدوا مع الشهيدة دميانة يطوفون حول المقصورة تذكاراً لاستشهادهم ثم ارجعته مرة اخري الي حجرته ومجد اسم الرب . بركة صلوات الشهيدة فيلومينا والشهيدة دميانة والاربعين عذراء تكون مع جميعنا امين . |
رد: معجزات القديسة فيلومينا
الشهيدة فيلومينا باركت حجرتها هذة الاعجوبة منذ اسبوع تقريبا كانت هيلانة تتشفع بالشهيدة فيلومينا وتطلب منها ان تظهر لها كما ظهرت لكثيرين من قبل واذ بها تتحدث امام صورتها وهي جالسة علي سريرها وقبل ان تذهب اللي النعاس ظهر نور بهي من صورة الشهيدة وخرجت منها الشهيدة فيلومينا ودارت في كل اركان حجرتها ثم دخلت مرة اخري وكانت رائحة بخور ذكية جدا تملاء المكان ... المجد لك يارب ... بركة الشهيدة فيلومينا العجائبية تكون مع جميعنا امين . |
رد: معجزات القديسة فيلومينا
المجد لك يارب بركة الشهيدة فيلومينا العجائبية تكون مع جميعنا امين . |
رد: معجزات القديسة فيلومينا
بركتها تكون معنا |
رد: معجزات القديسة فيلومينا
بركتها تكون معانا
|
رد: معجزات القديسة فيلومينا
شفاعتك ياقديسة فيلوميناحقيقي قديسة عظيمة وانا بطلب منك لأجل روحي ترتاح في يسوع ويسوع يرتاح فيا وابطل اتعب واحزن وأكتئب والقي سلامي اللي فقدته كتير جوايا
صلي لي ياقديسة |
رد: معجزات القديسة فيلومينا
اقتباس:
|
رد: معجزات القديسة فيلومينا
اقتباس:
|
رد: معجزات القديسة فيلومينا
اقتباس:
|
رد: معجزات القديسة فيلومينا
اقتباس:
ربنا يفرحك http://up.graaam.com/img/a9a70a067e4...06647970d9.gif |
رد: معجزات القديسة فيلومينا
"اُذْكُرُوا مُرْشِدِيكُمُ الَّذِينَ كَلَّمُوكُمْ بِكَلِمَةِ اللهِ. انْظُرُوا إِلَى نِهَايَةِ سِيرَتِهِمْ فَتَمَثَّلُوا بِإِيمَانِهِمْ."
ربنا يبارك خدمتك |
رد: معجزات القديسة فيلومينا
فليتمجد أسم الرب
ميرسى ربنا يبارك تعب محبتك |
رد: معجزات القديسة فيلومينا
ابنتي عندها تسع سنين وكانت دايما تشتكي من اللوز و تاخد مضاد حيوي عالطول و من حوالي سنتين كنت اول مرة ازور القديسة فلومينا بعد ما سمعت عنها كثيرا و ابنتي كانت في الصباح تعبانة اوي ذهبنا للكنيسة و هناك الراهبة اخرجت لنا رفات جسد القديس العظيم مارجرجس و هناك طلبت من العذراء مريم و القديسة فومينا والبطل مارجرجس انهم يشفوا ابنتي من اللوز و متحتاجش عملية و قلت لهم انا مش هاحتمل بنتي تدخل عمليات و دهنت ابنتي بزيت القدبسة فلومينا وقلت ليها اشفي ابنتي وهاكتب المعجزة ليتمجد اسم الرب و فعلا من سنتين وابنتي لم تمرض باللوز و امبارح فقط حست بالاللام فهمت اني لم اكتب المعجزة في الصباح كتبت المعجزة لك المجد يا الهي بشفاعة جميع قديسيك
|
رد: معجزات القديسة فيلومينا
اقتباس:
بركه صلواتهم تفرح قلبك |
| الساعة الآن 04:07 AM |
Powered by vBulletin® Copyright ©2000 - 2025