|
رد: ديوان الديوان مع روائع الشاعرة souad jaalouk
قل شيئا ،، ففي قولك كلّ الرجاء ... قل شيئا ،،، مزّق صمت الاشياء .. لا تتلاعب بحزن طفولي أدماني ... واستنزف منّي لهفي للإختباء ... لم أعد أدري كم من الأخطاء ... في صمتك ارتكبت من معاص وصارت أشلاء ... صرْتُ أُعَدُّ من الشعراء ... نافسْتُ واخترقْتُ عوالم الأدباء .... أناجي القمر ... أناجي النجمات وأدعوها بالاسماء ... قل شيئا فصمتك يدمي القلب ويبعثر الاغفاء .... صمتك يتحدث عن أنباء ... غير الانباء ... وأنا كم غفَرْتُ لك من الذلات ... وطويت صفحات ... لا بل مزقتها من دفاتري وأخفيت الأجزاء ... أصمت بعد .... ففي صمتك جبروت الاحباء ... من قال أنّ الحب صمت وشرود .. وتحطيم العرف وصلاة الانبياء ... العشق كلام منمق ... شارد شرود العواصف والانواء ... كم من حبيب خسر حبيبه في الصمت ... وارتحل الى دنيا أكثر خرساء ... وعُدَّ من ضحايا الصمت ... يفتش في مركب الوحدة في عالم مثلنا ... ليُحسَبَ من الاغبياء .... |
رد: ديوان الديوان مع روائع الشاعرة souad jaalouk
انا لوّنت حروف القصيدي وخليتها تنام وتغفا ع ايدي انا هيك وبكل لهجة عنيدي خرطشت ع الحيطان لحتى مرايا الزمان تبقى معلّقة بمكان وما يحضى فيها انسان وتبقى الذكرى الغالية الوحيدي |
رد: ديوان الديوان مع روائع الشاعرة souad jaalouk
هيهات ترجع هاك اللحظات هيهات هيهات تنده فينا وتوعي البسمات اللي راح ما بيعود ولا بيوم بيحلى العنقود ما زال في بالسما عجقة الغيمات هيهات نعرف قيمة الملقى مجروح فينا معلّق بورقة مرسوم ع حدودها المحترقة اسامينا ... وحروف دايبة بطية الدمعات .. هيهات يوعى فينا الحنين ويهزّ بقسا الماضي .... هيهات |
رد: ديوان الديوان مع روائع الشاعرة souad jaalouk
من وين ؟؟ من وين إنت جيت من وين ؟؟؟ سرقت النّوم سيهرت العين خليتني مع النّجمات اللي بالسّما سهرانة ومجافيني الغفا وعِدّ من شباكي الحزين نواطير الورد رايحين وجايين تسأل بلهفة قلب عاشق مسكين من وين ؟؟؟ من وين إنت جيت من وين ؟؟؟ من وين جيت وعصرت الرّوح وكانت الأحلام خالية من الجروح لوّنتها بألوان عجيبي عنها أنا يا ولفي غريبي متل غربة طير مهاجر جانحو مجروح من وين قلي إنت جيت من وين ؟؟؟ |
رد: ديوان الديوان مع روائع الشاعرة souad jaalouk
زهقان يا قلب من هم الدني زهقان عاللي مرق بكتاب سمّيتو على علمي النّسيان ... وخزّقت الوراق ... وفرفطت الصّور وتيشرتون على رمال الشطآن ... وسكّرت بواب بوجه الحلم لا أسف ولا نبض حيراااان |
رد: ديوان الديوان مع روائع الشاعرة souad jaalouk
بدير الدّفة عليك شو بحب لمن هيك اتلاقى فيك انسى الدني وإغرق بدفا عينيك وان سألوني وكتروا السؤال كيف هيك مغيّرة معك الأحوال بهرب من حالي وبدير الدفة عليك ... |
رد: ديوان الديوان مع روائع الشاعرة souad jaalouk
غيب ع قد ما فيك تغيب غيب ع قد ما بدك تغيب ... فكرك رح تبقى أغلى حبيب ؟... فكرك بعد غيمة صيف ومارقة ؟؟؟ رح تضل رياح الحب تاخود هنا وتجيب ؟؟؟؟ غيب وكتّر الغيبات ... وحرقص فيي الآهات ... مش رح تزهق الطرقات ... القلب بيحمل ومشوارو مش قريب ... غيب وروح بالمرّة .... ولا تسأل عن القهر والحرقة ... صاروا وحياتك بعالم الغيب ... غيب وطوّل وما تعود ... خلصت من دفاترنا الوعود ... حتّى ملّ منّا العتب المشدود ... وصار عنّا أكتر من غريب ... وغيب ع قد ما بدك تغيب ... مش رح تبقى أغلى حبيب ... - سعاد - |
رد: ديوان الديوان مع روائع الشاعرة souad jaalouk
غيب ع قد ما فيك تغيب غيب ع قد ما بدك تغيب ... فكرك رح تبقى أغلى حبيب ؟... فكرك بعد غيمة صيف ومارقة ؟؟؟ رح تضل رياح الحب تاخود هنا وتجيب ؟؟؟؟ غيب وكتّر الغيبات ... وحرقص فيي الآهات ... مش رح تزهق الطرقات ... القلب بيحمل ومشوارو مش قريب ... غيب وروح بالمرّة .... ولا تسأل عن القهر والحرقة ... صاروا وحياتك بعالم الغيب ... غيب وطوّل وما تعود ... خلصت من دفاترنا الوعود ... حتّى ملّ منّا العتب المشدود ... وصار عنّا أكتر من غريب ... وغيب ع قد ما بدك تغيب ... مش رح تبقى أغلى حبيب ... - سعاد - |
رد: ديوان الديوان مع روائع الشاعرة souad jaalouk
عذراً منكَ يا حلمي يشدّني ذاك الحلم البعيد إلى متاهاتٍ أهرب منها دائمااااااا يذكّرني بألعاب هي مسارح النّبض واستراحة المتعب رغماااا أفياء لها في البال نقطة سائحة تلّف في دائرة مفرغة وقناطر كان لي مجلسٌ وغياهب فكر ووشوشات من هنا حيث الهدوء لا يعرف الّا ضجيج أنفاسي السّكرى ياااا حلمي المغادر فجأةً والعائد بعد تلك الرّحلة بالله عليك دع شامات الأمل تتأرجح بين غدٍ وبكرة علّمتها أنا بسكب نورٍ من هالات القمر وصارت لي حكراااا فعذراااااا منك يا حلمي .. فكلّ ما تأرتيه اليوم صار فكرة |
رد: ديوان الديوان مع روائع الشاعرة souad jaalouk
جرح الرّوح إنت وعم تقرّر تروح ... وتترك وراك القسى والجروح ... تبقى التفت لورا شي شوي ... وشوف كيف اتركت القلب مدبوح ... روح ... كفّي طريقك ... وما تعود تسأل عن رفيقك ... هالقضى العمر بلهفة يشتاق ... ويعدّ بلوعة الإيّام وينطر حنينك ... زهقان من غدر العمر صار ع آخر روح - سعاد - |
رد: ديوان الديوان مع روائع الشاعرة souad jaalouk
وبعدنا ... كتير بعدنا ... ضعنا وضيّعنا مطارحنا ... صار الهَنا يسأل بالمخفي عنّا يقول وين ؟؟؟ وين صارت مسارحنا ؟؟؟ سهران... صار القمر معنا ضجرااان .. عم يخبّر وجعنا زعلااان .. فِكْروا يصالحنا ... غرقاااان .. بغربة قساوتنا ... تعبااان ...بيضل يعاتبنا ... - سعاد - |
رد: ديوان الديوان مع روائع الشاعرة souad jaalouk
صوتك القادم من بعيد ... أعاد لي حلمي ... وزيّنه بأجمل الالوان ... صوتك ليس عليّ بجديد ... إنّه بالصّلاة أشبه ،،، لا بل بالعبادة والايمان أحياني ردّ لي نبض الحياة والدم الى الوريد سلبني من أشيائي ... من واقعي ... وأسكنني دار العشق ... والوله ... ودنيا الاحزان ... دائما نحن نفتش عن قاتلنا عن مدمرنا ... عن رجل من حديد ،.. لذلك صوتك أعاد لي نبض المراوغة والعشق المجنون والسفر بعيدا ،، حيث لا ممنوع ولا استئذان .... صوتك القادم من بعيد .... وكأنّه أرجوحة تعلّقت بها أهدابي .... ساعات طوال .. سمّرني حيّرني .... هزّ بي الجمود المسيطر على كياني شتت أفكاري ... كمراهقة على باب العشق أوقفني .... تنتظر يداً تفتح بهدوء وتمتدّ لتدخلني ... صوتك أعاد لي الحياة ... من سباتي أيقظني ... صوتك القادم من بعيد ... - سعاد - |
رد: ديوان الديوان مع روائع الشاعرة souad jaalouk
متمردة كتاباتي طَرَقاتٌ متلاحقةٌ أسمعها على نافذتي ... على ستائري ... على جدران صمتي .. طَرَقاتٌ ملّحةٌ وكأنّها اليقظة من سبات ... جاءت لتضجّ في معبدي وفي صومعتي ... كأنّها خصيصاً لي وحدي .. عجباً !!! تطلعت من حولي !!! نظرت خارج نافذتي ... هدوءٌ وصمتٌ ولا حتّى حفيف ورقة صفراء كانت قبل ضيفة جميلة على غصن شجرتي ... الّا هنا بالقرب منّي وعلى كلّ ما يخصّ حدودي وجدراني ومحيط دائرتي ... ضجيجٌ رهيبٌ !!! منذ متى ؟؟؟؟ لست بداريةٍ ... أقف في وسطه مسلوبة منّي قوتي ... أحاول فهم رموزها ورسائلها ... أضع خطوطا عريضة ولكن ... تعود لتمحى في وسط عاصفة متمّردةٍ ... هي فقط تعرف ماذا تريد منّي وأعرف أنا ... كلّ الكلّ ... بإشاراتي بحكاياتي ... بفيضٍ هو قد يكون من كتاباتي ... عذراااا منك ايّها الضجيج الملّح وغير المبالي ... تقف عندك هنا مجنونة ... متمرّدةٌ كلماتي - سعاد - |
رد: ديوان الديوان مع روائع الشاعرة souad jaalouk
ابتعدْتُ قليلا ... رحلْتً قليلا ... ثمّ عدْتُ .... ولكنّي أضعتُ السبيلا الأماكن ما عادت كما هي ولا الأراجيح المعلّقة ... سمائي تلبّدَت وأرضي أقفرت وقمري المنثور شعاعه غاب عنّي ... وارتضى العزلة بديلا ... |
رد: ديوان الديوان مع روائع الشاعرة souad jaalouk
ومشيت بطريقي ... كفّي الرّحلي الطويلي ... رحلة ما فيها رجوع .. شمعاتها طفيتها بإيدي ... ما عدْت للورا إرجع ... ولا ع نهدات شوق إتسمّع ... ما عاد بدي عيوني تدمع ... الّا لفرحة فصولها سعيدي ... وما عاد بدي قصقص صوَر ... وعلّقهن على حفاف القمر ... وحمّلهن دموع القهر ... وشوف خيالات عنّي بعيدي ... وما عاد بدي اللّيل .... يسرقني بعربية خيل ... وأركض وسابق وينهد منّي الحيل وإرجع وحاملي بقلبي التنهيدي .... |
رد: ديوان الديوان مع روائع الشاعرة souad jaalouk
قالبٌ من حديد منذ زمن وليس ببعيد حلم كان وهو جلّ ما نريد نعيد الشريط تباعا ونعيد ولكن ما من شيء كما كان يعيد زهوة الماضي وفرح الربيع قد يبدو لنا ذاك العيد اصبح لغيرنا وما من مزيد ... الا الاوهام حتى هي بعيدة جرّت معها الأشواق وتركت واقعا يحدّث خطوط الحلم ... الذي يتراقص في عتمة الأفق ويزيد يزيد غيّاً ... يعربد مختالا وكأنّه يضعنا في قالب من حديد |
رد: ديوان الديوان مع روائع الشاعرة souad jaalouk
عصفوري الحزين وكنت سهرانة بهالليل لوحدي راجع حكايات مرقت من حدي فلفش قصص وروايات احذف اسامي وخبريات ... من مدة كانوا شامة على خدي الا ومرق ع شباكي عصفور وقف على مساكب المنتور وبنظرة حزيني قلي شو بدي ... قربت ع الهدى ومديت يدي نفر مني زعلان وخاطرو مكسور وبنغمة ملايكية غرّد وطار من عندي... - سعاد - |
رد: ديوان الديوان مع روائع الشاعرة souad jaalouk
واخترت كفّي المشوار وحدي واخترت كفي المشوار وحدي وشيل من القلب الآه والنهدي وخزّق صور من ماضي عتاق وجمرات الجوى شيلهن من عندي وقلهن للحب وللاشواق بيكفي بقى هالقد بيقدي جرار الحنين كسرتها بيدي وخوابي الحلا نشفت من بعدي... - سعاد - |
رد: ديوان الديوان مع روائع الشاعرة souad jaalouk
يا ريت فينا ننسى والجرح فينا بيقسى يا ريت هالقلب مش قلب شوية حجار او صخرة يا ريت ...يا ريت والله ما بقى نلقى ... يا ريت فينا نمسح الماضي بريشة امل ويعود الفكر فاضي وتيكون الكل فينا راضي نكفي المشوار بفرحة الملقى |
رد: ديوان الديوان مع روائع الشاعرة souad jaalouk
عيناك آهِ من عينيك .... فيهما جمرٌ تحرقني تحطمني وعلى شاطئ بعيد ... تقذفني ... كلّما نظرْتُ اليهما ... كلّما سبحت في بحرهما وجلْتُ مستطلعة بحقلهما ... تراني أقف حائرة .. ذاهلة أمام وهجهما .... عيناك ... وآهٍ منهما ... فيهما ومضة تشعلني كورقة في مهبّ الريح تؤرجحني وعلى جنبات الطرقات ... الغريبة تبعدني ... لا تدعني أنظر إليهما ... فأنا منهما مرارتي وسقمي ... |
رد: ديوان الديوان مع روائع الشاعرة souad jaalouk
طيفٌ يعانق أطراف المستحيل على وقع موسيقى هادئة ... من حكايات الزمن الجميل ... أنفث بعشق ودخان سيجارة ... وأسرح بحلم جد طويل ... أنظر الى الخارج من وراء ستارة ولا ارى الا ظلام الليل ... عجباً ... الشمس مشرقة وساطعة ما لهذا الزائر الدخيل !!! بلمسة يدٍ يمحو أنواري البازغة ... ويعيد حلما كان في العشق بخيل ... عبثا أزيله ... أبعده عن افكاري الشاردة .،، ولكن لا جدوى ... ولا فحوى .. هو دائما قدري ... وعمرا قضى ... يركض ويلملم ساعات لو قدر لها .... ان تعود لما كان يرضى عنها ... ابدا البديل .... هو طيف ... والطّيف دائما ... يعانق أطراف المستحيل ... |
رد: ديوان الديوان مع روائع الشاعرة souad jaalouk
صبّحني الورد وقلّي من قدّامي لا تفلّي ضلّي غامرة الورقات دفيهون بدفا الغمرات وغلّي ببسمتك فينا غلّي صبّحني الورد صبّحني صبّحني مع رفرفة جانح عصفور هربان من دعسة ع الهدى قرّبت بدي اسألو من شو خيفان علّا وحلّق بالفضا وتركني مع مشاتل ورد حيران اسأل ويرد الصّدى صبّحني الورد صبّحني صبّحني ونسمات حلوّة شبّعني فكرو هيك بلمس وراقو يريحني ومن عطرو الغالي يقربني صبّحني الورد بندى خجلان وقلّي ..... ضلّي بقربي ضلّي ... أنا عطر الرّب بيقربني |
رد: ديوان الديوان مع روائع الشاعرة souad jaalouk
هناك ... في تلك القاعة تعلو أصوات تائهة ... أصوات تبحث عن المجهول وعيون تنظر بذهول ... هناك ... حيث الموسيقى الصاخبة تذهب بالعقول هناك ينتظرون وأيديهم متشابكة ... ينتظرون الغد ... السّنة الجديدة ... ينتظرون بذهول .... هناك حيث لا وجود للعيد حيث لا يفهمون معنى العيد ... هناك حيث الكفر والرذيلة ... عندهم العيد ... تراهم يحتفلون ... لا شيء في عقولهم سوى المجون لا شيء يلهيهم سوى الجنون ... عذرك يا طفل العيد هؤلاء أناس لا يفقهون قيمة العيد عيدهم السّكر والتّستر وراء الأقنعة عيدهم الهروب ... الهروب من ذاتهم ... هؤلاء الّذين يمسكون ... عجباً !!! بزمام الأمور ويتركوننا نحن الشّعب المسكين نتخبّط في لججنا المعتمة ... نسير دونما هدف نحو جلجلتنا نرافق المصلوب ... نرافقك يا طفل العيد ياااا هادي القلوب ... نحن نسير منذ عقود ... وبفرح وهم ... هم ما يزالون يقضون الأعياد في التّلهي بأعصاب البلاد ... ولا يفهمون .. فمتى ؟؟؟ متى يفهمون أنّ العيد لنا ونحن أحقّ النّاس فيه متى يعلمون ؟؟؟ متى هؤلاء الجهّال يصمتون !؟!؟ متى عن غيّهم يرجعون !!!؟؟؟ ويدعوننا نحسّ بطعم العيد ... متى ؟؟؟؟ نقف ولا ننظر إلى البعيد نظرة الخائف الخائف من مصير مجنون !!!! ؟؟؟ متى ... ؟؟؟؟ لا أحد يدري .... حتى هم لا يدروووووووووووون ... عذرااااا يا أخوتي لكلماتي الحزينة فهي عصارة وجع مضنٍ زهاء عقوود وعقووود في القلب مكنوووووووون |
رد: ديوان الديوان مع روائع الشاعرة souad jaalouk
لنسترح قليلا ... لنسترح بعد هذه المعركة المضنية .... لنسترح قليلا .... لنلقي بسلاحنا أرضا ونلتقط أنفاسنا العليلة .... لنسترح وكلّ منّا يأخذ من صفاء ذهن هنيهة .... فأرواحنا باتت تشكو هذا الجو الملوّث ... بشكوك أشبه بلحظات الموت الرهيبة ... لنسترح ونسلّم جدلا أنّ هذا ... العراك ان لم يقتلنا فلن يحيينا .... لنسترح ونعلن عن اتفاق ودّي ... فان الياسمين اشتاق لجلساتنا .... تحت أفيائه ويرجو تلاقينا ... لنسترح قليلا ونعود لنعلّق اهداب حبنا قارورة عطر في مساكب وادينا ... أعلمتك ... أمهلتك ... ورجوتك ... منذ ان رأت عيناي تفاصيل التفاصيل ... أنّ معركتي معك خاسرة ... ومعركتك معي خاسرة ... فلم الزهو اذا ... لم الغرور لا يترك مسام أجسادنا ويلقي الرحال معنا ... ويلغي حتّى أسامينا ... لنسترح قليلا ... العمر يمرّ والثواني شاهدة ... انّ هذه الحرب باتت لا بل أصبحت تضنينا ... وتمزّق شراعات الامل المنسكب من خوابينا ... حتّى خوابينا ... نضبت ، وشحّ العطف فيها فما عادت تكفينا ... خذ معي نفسا طويلا .. وهات يدك لنعلنها هدنة ... علّها تطول ... تطول وتحيي الحب من جديد... هذا ما اريده انا وهو ما تريد ... لم يعد هناك متسع ، فالوقت لم يعد طويلا لنسترح .... يا حبيبي لنسترح قليلا .... |
رد: ديوان الديوان مع روائع الشاعرة souad jaalouk
كم مرة انهينا الموضوع ؟؟؟ كم مرّة انهينا الموضوع ؟؟؟؟ وسكّرنا ع الماضي بدموع !!! كم مرّة شِمتِت فينا اللّيالي ... ورجعنا .. وضوّينا شمووووع كم مرّة انهينا الموضوووووع ؟؟؟؟ كم مرّة قلنا وخلفنا الوعد ... ووزّعنا ع الفاضي الورد وأنا أهرب من قولة بعد وإتخبّى بقلبي الموجوووووع ... وكم مرّة دِبنا وتِبْنا ... ونار الغيري حرقتنا ... حتّى مساكب فِلّتنا ... سألتْ بلهفة وولووووووع شو القصّة ؟؟ شو الموضوع ؟؟؟ وكم مرّة سكّرنا كتاب ... وطوينا صفحات العذااااااب ومنرجع بكلمة عتاااااب ... ع الماضي نضوي شموووووع |
رد: ديوان الديوان مع روائع الشاعرة souad jaalouk
لا للرّحيل غالبت اشجاني ... وطلبت منها الرحيل ... صرفتها بقوة ايماني وعاندت المستحيل ... أجبرتها على اقصائي من خارطة الحلم الطويل لكنّها وبكل جبروت الدنيا عادت امامي تختال وتميل ... ما لها ولأيّامي ؟؟؟ كأنّها دائما تهفو وتطلب البديل ... غربة اردتها انا ... لكنّها اعادتني ومحت بيديها السبيل لتترك طرقات غير معبّدة .. ترسم خطوطا وتزيل ... لن أطلب منها هذه المرّة الإختفاء والرحيل ... قدري هي ... تقف معربدة ... تطنّ صنجا ليس له في الأصوات من مثيل ... فحيح أفاع ... نقيق ضفادع ... يصل مع هدأة الليل أتوهمها أنا ... وأساند معها في قتل ذلك الحلم الجميل ..... - سعاد جعلوك - |
رد: ديوان الديوان مع روائع الشاعرة souad jaalouk
ما عاد بدّي ... ما عاد بدي شي من البشر ما عاد غير اللوعة والسهر هالكنت ازرع دروبهن بالحلا والزهر استحلوا مفارق البعد ومشاوير مزينة بآهات السفر ... وما عاد بدي انطر مراسيل من قلب تعبان فرح الملقا تشيل وما عاد بدي ضوي قناديل وشلحات مرّة تصدح مواويل هالقد بيكفي هيك قلّي القدر .... وما عاد بحروفي رح بوح الطير علّق ع الغصن مدبوح وما عاد للحلا بصفحاتي مسموح صارت الكلمي نزف وع آخر روح صارت قصيدي بكتاب شلّعها الهجر .... - سعاد جعلوك - |
رد: ديوان الديوان مع روائع الشاعرة souad jaalouk
شجرة حنيني ... شجرة حنيني كتروا وراقها تلونوا بمية لون وتغيّروا ... صاروا للوعد يشكوا أشواقها وتتحيّر لمين بدهن يتحسروا لملمت عنهن غبار القسا وشوشت فيهن لمسة وفا ونظرة حزينة حملتها ... بركي الخضر وراقها بيتكاتروا وبالسر عنها احمالها بيتفرقوا وبيرجع حنيني ليها الدمعات هني لوحدهن يتفسروا .... - سعاد- |
رد: ديوان الديوان مع روائع الشاعرة souad jaalouk
يا بيي بهالنّهار المجيد بحتار شو بقلّك بيوم العيد اشتقت لدفا كلماتك اشتقت لهنا ضمّاتك اشتقت تكرز عليي وتزيد |
رد: ديوان الديوان مع روائع الشاعرة souad jaalouk
يا اغمار الورد ويا مساكب الياسمين قديش إلكون عيوني انا مشتاقين .. وقديش بعدت عنكون وتركت ... شلوش الوجد يدبل فيها الحنين ... سعاد جعلوك |
رد: ديوان الديوان مع روائع الشاعرة souad jaalouk
رجعت سنابل الخير من عند رب السّما تناغم مع النّسمات وردات الهنا وتعزف أجمل الألحان ع سطوح مشتاقة لسكب الحب من إيد ما بتعرف إلا الزّرع وعلينا نحنا الجنى من إيد غامرة الكون بإلفة ودفا الخير من عندو ومش من عندك او عندي أنا ومهما قلنا واحترنا بعيون الدّمع غالبنا لغير اللي قال لهالمسكوني كوني ما بيوم منعرف الأسرار المخزوني غير ما القلب يسكن فيه سلااام ومحبّة وصدق ووفا سعاد جعلوك |
رد: ديوان الديوان مع روائع الشاعرة souad jaalouk
رسمتك صورة ملوّنة على جسر كلّو آهات وذكريات وحلم مسروق من عجقة خيالات رسمتك صورة ملوّنة ع المي سرقت معها أجمل اللّحظات اكتبتك حلم من دون أيّا حروف لحتّى غيرك ما يعرف تفاصيلو يشوف بس الواقع بعباية الغدر ملفوف غلّف مجاري الدّمع وخنق النّهدات |
رد: ديوان الديوان مع روائع الشاعرة souad jaalouk
كتاب حياتي ... كتابي بإيدي سطرتو وبالريشة حرف وحرف رسمتو بين النقط مجاهل غريبي صوّرتو أشواق .. وحنين ... وفراق .. ودموع ... ولهفة قلب حمّلتو ... كتاب حياتي انا إلفتو ... صفحات غنيي ...بصور كتار ... كتار لوّنتو ... حلم عيون مشتاقة ... هيك عالهدى حلمتو قلوب ولهانة للدفا بخيطان الحلا غزلتو ... وغيمات بيض وسود ... خيّمت ع مفرق مطلّو بنص الدرب تركت الريشة تخط اللّون وتكتب وللدهر تقلّو هودي صفحات عمر ... هالقد انا بعروق مشبوكة قهر ع السكت غربلتو ... |
رد: ديوان الديوان مع روائع الشاعرة souad jaalouk
عرابة المعاني ... يحادثني ... يصف لي الأشياء ... يلونها ... بألوان الدنيا يزخرفها ... سعاد جعلوك وتقريباً إلى حدود الشّمس يوصلها ... يزرع من البحر أهداب العشق ... ويكحّلها ... ومن الشّواطئ اللّازورديّة يخطّ حلماً ويصنفها ... محطاتٌ ... لا بل مساحات من الورد ويعطرها ... كلماتٌ تحاكي الصّلاة في معابدها ... رسمها ... غلّفها بأبهى حللٍٍ وبعد هذا عاد وبعثرها .... حروفاً ضائعة تبحث عن كاتبها ... عن مؤلفها ... يحادثني ... ظنّا منه أنّ الكلمات الّتي بحبّ ينطقها ... ستفعل بي فعل السّحر ... ونسيَ أنّي في عالم الكلمات والمعاني ... أختها وأمّها لا بل أكثر من ذلك ... عرّابتها ... |
رد: ديوان الديوان مع روائع الشاعرة souad jaalouk
هيدي الدّني غرقاني ببحر البكي وسفينة بلا ربّان تايهة بمتاهات ملبّكي تفتّش ع مينا أمين تحطط مرساتها وترتاح من هموم العمر المسودني وهيدي هيي الدّني غربال ما بينقى منو الحكي أوجاع مخباية بعيون ما بتشتكي صرخات مكبوتة بقلب مشتاق لأيّام بيضا مليانة أشواق ما بتعرف الّا العيش الهني مش هيك هيي الدّني الدّني دني بس نحنا كتاب سطورو مسودني ومنقول هيدي هيي الدّني سعاد جعلوك |
رد: ديوان الديوان مع روائع الشاعرة souad jaalouk
مَنْ أنت ؟؟ من أنت ؟ لست أدري ! بل خلتُ نفسي أدري لزمن قصيرٍ مضى ، كنت أسميك طيفاً ... كنت أسميك زائراً دائما يحضرُ ليقولَ لي أنا هنا ... ما زلْتُ هنا ... كنتَ ضيفي في أضغاثِ أحلامي .. أهبّ مذعورةً لأرتشقَ ماء اللّوعة والإختناق .. أمّا اليوم وغداً وإلى الأبد فأصبحت ضيفاً ملازماً أقحمت نفسك في دنياي بعد أن غادرتها كما أتيت من أنت ؟باللّه عليك أنبئني الخبر واكشف أوراقك كلّها وإلّا عد كما كنتَ طيفاً يزورني كما تعودت عليه بعد لأي وعذابات السّنين _كلمات مبعثرة _ سعاد جعلوك |
رد: ديوان الديوان مع روائع الشاعرة souad jaalouk
بالعكس أمورك كلها بالعكس بقلّك شتي بتقلي شمس حلّك تعرف عقلاتي وتراعي فيي جنوني وخواتي وما تتحيّر بين بكرة وأمس بالعكس أمورك كلها بالعكس المطلوب منك تتحمّل وبس ومنّي إشكي همّي ع الهمس وما تسمع لأن أمورك كلها بالعكس - سعاد - |
رد: ديوان الديوان مع روائع الشاعرة souad jaalouk
وعينا ع صوت العصافير وعينا وكل الألم والخوف نسينا وتطلعنا لرب السّما بعيون مترجمة بخطوط زرقا تحكي عن أمانينا souad |
رد: ديوان الديوان مع روائع الشاعرة souad jaalouk
كلمات ليست كالكلمات ------------------ ~~~~~~~~~~ تعلّمت من الصمت ان اتكلّم ... تعلّمت من الهدوء .. كم هو جميل في بعض الأحيان جنون الضجيج ... وتعلّمت من الإرتحال ... حنين العودة الى مساكن مستقرّة ... لا تعرف الا الأرض موطئا لأقدامنا ... وتعلّمت من اللّيل ومهابته ... ان استرسل وآخذ وقتي في السهر تحت نور القمر ... وأقطف من خيالات شعاعه خيوطا انسجها على الورق ... نبضات لا تعرف الا الوجد والإنعتاق من عالم الواقع الى عالم هو الحلم الأزرق الجميل ... - سعاد - |
رد: ديوان الديوان مع روائع الشاعرة souad jaalouk
ياااااا رب وقّف واسمعني شو بدك منّي بعد يعني دوّبت روحي واعطيت أكتر ما عندي يا رب وقّف هالقد بيكفّي ياااا رب انا ومن صغر سنّي أحمل هموم وصبّر العنّي تمرجحت ع بحور ما لها شطآن وحملت تقل بتعجز عنو عوالم الأنس والجنّي ياااااااا رب وقّف شوي وخفّف الحملي بنتك أنا ومحفور بقلبك إسمي يااااا ريت كرمال قلبك المجروح وإيديك الملاني جروح بتمسح ع جبيني وتاخود بكفّي ياااا رب مشتاقة لعندك روح وتاخدني بين ايديك وعندك تخلص الرّحلي يااااااا رب من صوت مخنوق ومدبووووح بنده لقلبك : وقّف شوي واسمعني - سعاد - |
| الساعة الآن 11:30 AM |
Powered by vBulletin® Copyright ©2000 - 2025