|
رد: معجزات القديسة فيلومينا
فيلومينا جميلة لان القديسة فيلومينا عملت معانا معجزه هي والانبا ونس وبشفاعتهم بنتي فيلومينا طلعت من الحضانة كويسة لاني كنت بطلب شفاعتهم دايما وقولت لو بنتي طلعت كويسة من الحضانة هسميها فيلومينا |
رد: معجزات القديسة فيلومينا
بابا كان عنده امساك وبياخد ملين وده غلط عليه لانه عنده مشاكل صحيه تانيه واحنا عايزينه يتدخل الحمام طبيعي من غير ملين غير انه احيانا مبيدخلش الحمام مع انه باخد ملين اتشفعت بالقديسه فيلومينا العجابيه وربنا اتمجد وبدخل الحمام مرة واتنين بس احنا واثقين ان بشفاعه القديسه فيليومينا والشهيد كرياكوس والشهيد ونس والقديس ابانوب والقديس اباهور والقديس زيوس انا بابا يدخل الحمام طبيعي ويبقي احسن وكمان كان تعبان شويه واتشفعنا بيهم وبقي كويس شفاعتهم بابا يدخل الحمام من غير ملين نشكر ربنا |
رد: معجزات القديسة فيلومينا
انهاردة عايزة اقولكم على معجزة حصلتلى بشفاعة القديسة فيلومينا لانى وعدتها انى لو حصلت هكتبها ذى المعجزه الى فاتت انا كنت بشتغل فتره طويلة وسبت الشغل سنيين بس جيت فى الايام دى اتخنقت وكنت كل يوم اقعد ادور على شغل على النت وفى يوم قلتلها انتى الى هتجبيلى الشغل وفعلا هى سمعتنى وجابتلى الشغل ده وعلطول بشفاعة الست العدرة وابونا بترنيوس وابونا فلتاوس والقديسة سريعة الندهة فبلومينا وانا انهاردة طلباها فى حاجة كمان يارب تسمعنى وتتستحيب باسم يسوع المسيح صلولى . معلش طولت عليكم بس هى تستحق اكتر من كدة صلوتها وشفاعتها تكون معانا امين. |
رد: معجزات القديسة فيلومينا
انا زعلت مع جوزي و سيبني البيت...اتشفعت بفيلومينا فتاني يوم جه خدني..بس لسه بطلبك يا فيلومينا علشان تديني طفل يفرحنا انا و جوزي . رحنا لدكاترة قالوا مافيش موانع بس الحال ده بقالو اربع سنين و مش معانا نعمل عملية. نفسي ترفعي ذلي و تصلي عني..انت عارفة كل التفاصيل يا فيلومينا |
رد: معجزات القديسة فيلومينا
انا القديسة عملت معايا معجزات كتير بس لسة محصلش حمل. صلولي بجد لاني محبطة اوي و كذا حاجة ضاغطة عليا في الشغل و شغل جوزي. انا قربت علي اربع سنين متجوزة و بخاف من الدكاترة و زهقت. منتظرة معجزة . مش عارفة بجد اعمل ايه |
رد: معجزات القديسة فيلومينا
اشكرك يا فيلومينا كان في مشاكل في البيت وانا اتشفعت بالقديسة والحمدلله اتحليت بشفاعتها |
رد: معجزات القديسة فيلومينا
اشكرك بجد يا فيلومينا كان في شخص بيطاردنى وكان هايسببلى مشاكل كتير مع اهلى وانا تعبت بسبب الموضوع دا بس بشفاعة القديسة فيلومينا والسيدة العذراء مريم والانبا كاراس والانبا مكاريوس والبابا كيرلس والبابا شنودة واباسخيرون القلينى وابو سيفين ومارجرجس ومارمينا وابونا فلتاؤس وابونا بترونيوس والملاك ميخائيل والقديسة مارينا وابونا سمعان الانبا بولا وابونا سمعان الاخميمى والام سارة انا محبيتش انسي حد من القديسين ببركتهم وقفوا معايا ومنعوا عنى اى ضرر كملى يا فيلومينا ع خير |
رد: معجزات القديسة فيلومينا
انا مكنتش اعرف الشهيدة فيلومينا وفى حد من خدام الشهيدة فيلومينا عرفنى عليها وادانى صور ليها انا ابنى عنده سنة و3 شهور ومش بيمشى خالص اتشفعت بيها ان ابني يمشى وتانى يوم ابنى مشى الحمد الله بشفاعة فيلومينا |
رد: معجزات القديسة فيلومينا
انا عايزة اشكر فيلومينا حبيبتي, انا و جوزي بقالنا 4 سنين بنحاول عشان نحمل و حصل حمل من شهرين بشفاعة فيلومينا و امي العذراء مريم و قديسين كتير بس ربنا ماارادش انه يكمل و البيبي نزل, و انا ندرتلها اني هعملها تمجيد كل يوم لحد ميحصل حمل و صمت صيام العذراء و فعلا النهاردة حللت في البيت و فيه حمل. انا ندرت اني اكتبلها المعجزة علي الصفحة هنا و قولتلها لو جت بنت هسميها علي اسمها لومينا أو فيلومينا. من فضلكم صلولي عشان الحمل يكمل علي خير عشان انا خايفة جدا ليحصل زي المرة اللي فاتت. انا ندرتلها و قولتلها اول ما أولد هنزل مصر و اروح الدير و احط البيبي قدام صورتها و لو ينفع هعمده هناك في الدير. اشكرك يا قديسة يا عظيمة انك فرحتي قلبي و انا خاطية مستهلش. شكرا يا ستي يا عذراء عشان مكسرتيش بخطري. ليتمجدك اسمك يارب. |
رد: معجزات القديسة فيلومينا
انا بشكر القديسة فيلومينا هي لسة عاملة معاى معجزة انا كنت مشغلة الغسالة وبعدين لقتها واقفةومش عايزة تشتغل حاولت اشغلها لكن مش عايزة تشتغل جبت صورة القديسة فيلومينا وحطتها علي الغسالة وقولتها لواشتغلت هكتبلك المعجزة حالا علي صفحتك وبعدين حاولت اشغلها مش عايزة تشتغل سبت الصورة علي الغسالة وحاول جوزى يشغلها اشتغلت شكرا ليكي يا قديسة فيلومينا انتي اللي صلحتيها لاني قولتها احنا مش حمل مصاريف تصليح الغسالة ولا الفلوس اللي هيخدها اللي هيصلحها شكرا انتي قديسة فعلا سريع الاستجابة |
رد: معجزات القديسة فيلومينا
ﻣﺎﻣﺎ ﻛﺎﻧﺖ ﺗﻌﺒﺎﻧﻪ ﺑﺎﻟﻢ ﺷﺪﻳﺪ ﻭﻻﻭﻝ ﻣﺮﺓ ﻓﻲ ﺟﻨﺒﺘﻬﺎ ﻭﻛﺎﻧﺖ ﺗﺼﺮﺥ ﻣﻦ ﺷﺪﺓ ﺍﻻﻟﻢ ﻭﺗﺸﻔﻌﺖ ﺑﺎﻟﻘﺪﻳﺲ ﺍﺑﻮﻧﺎ ﺑﺘﺮﻭﻧﻴﻮﺱ ﻭﺍﻟﺸﻬﻴﺪﺓ ﻓﻴﻠﻮﻣﻴﻨﺎ ﺣﺘﻲ ﺫﻫﺒﺖ ﺍﻟﻲ ﺍﻟﺪﻛﺘﻮﺭ ﻓﻲ ﺍﻟﻴﻮﻡ ﺍﻟﺘﺎﻟﻲ ﻭﻋﻨﺪﻣﺎ ﻛﺸﻒ ﻟﻬﺎ ﻛﺎﻧﺖ ﻻ ﺗﺸﻌﺮ ﺑﺎﻱ ﺍﻟﻢ ﻭﺩﺓ ﺑﺒﺮﻛﺔ ﺍﺑﻮﻧﺎ ﺑﻨﺮﻭﻧﻴﻮﺱ ﻭﺍﻟﺸﻬﻴﺪﺓ ﻓﻴﻠﻮﻣﻴﻨﺎ ﻭﻋﻤﻞ ﻟﻬﺎ ﺍﺷﻌﻪ ﺍﻟﺘﻲ ﺑﻴﻨﺖ ﻭﺟﻮﺩ ﺣﺼﻮﺓ ﺻﻐﻴﺮﺓ ﺟﺪﺍ ﻓﻲ ﺍﻟﺤﺎﻟﺐ ﻭﻋﻨﺪﻣﺎ ﺭﺟﻌﻨﺎ ﺍﻟﺒﻴﺖ ﻧﺰﻟﺖ ﺍﻟﺤﺼﻮﺓ ﻭﻛﺎﻧﺖ ﻻ ﺗﺸﻌﺮ ﺑﺎﻱ ﺍﻟﻢ ﺑﺮﻛﺔ ﺻﻠﻮﺍﺕ ﺍﺑﻮﻧﺎ ﺑﺘﺮﻭﻧﻴﻮﺱ ﻭﺍﻟﺸﻬﻴﺪﺓ ﻓﻴﻠﻮﻣﻴﻨﺎ ﺗﻜﻮﻥ ﻣﻌﻨﺎ. |
رد: معجزات القديسة فيلومينا
انا عاوزة احكى عن معجزة القديسة فيلومينا سريعة الندهة مع بنتى عندها شهر ورفضت تاخد الببرونة واحترت معاهاواتشفعت بالقديسة فيلومينا يوم عيدها وبنتى بعدها علطول قبلت الببرونة السلام ليكى يا قديسة يا جميلة اذكرى بناتى وجوزى عند ربنا يسوع المسيح . |
رد: معجزات القديسة فيلومينا
فيلومينا سريعة الندهة انا عاوزة اشكر حبيبتى فلومينا الجميلة لانها واقفة معاى وكل مااطلبها فى حاجة بلاقيها وبسرعة بتستجيب بس انا طالبة منها طلب تانى ونفسى تسمعنى فيه وتفرح قلبى وتحققه زى ماسمعتنى فى المرات الفاتت شفاعتها تكون معاى ومع أهل بيتى وكل حبايبى واصدقائى |
رد: معجزات القديسة فيلومينا
فيلومينا سريعة الندهة انابشكر القديسه فيلومينا علي وقوفها مع اخويا في الجيش كان المفروض يرحلوا الي سينا فضلت اتشفع بلقديسه فيلومينا وببركتها اخويا فضل في مكانوا ومترحلش بركتها تكون معانا وتكملي باقي فرحتي امين |
رد: معجزات القديسة فيلومينا
شفاعتها تكون معانا
يا بختك ع صداقتك بيها ربنا يفرح قلبك |
رد: معجزات القديسة فيلومينا
فيلومينا سريعة الندهة انا حصلتلي معجزة بشفاعة القديسة فيلومينا.انا بعد ما قريت سيرتها كان عندي صداع ودوخة وتشفعت بيها وحلمت انها بتشيل حاجة مدورة من عيني وبعد ما صحيت الصداع و الدوخة راحو تماما.شكرا للقديسة فيلومينا سريعة الندهة. |
رد: معجزات القديسة فيلومينا
فيلومينا سريعة الندهة اول معجزة ان بنتى كانت تعبانة جدا وماكانتش بتنام بليل بسبب الكحة الجامدة فطلبت من القديسة فيلو مينا انها تخلية تنام بهدوء وتبطل عياط كتييييير والكحة ماتزيدش عليها وفعلا مافيش خمس دقايق ودة حصل . تانى معجزة انتى التلاجة بتاعتنا كانت شبة باظت امبارح وبصراحة ماكانش معانا فلوس اننا نصلحها وطلبت من القديسة فيلومينا والبابا شنودة والبابا كيرلس وابونا فلتاؤس انهم يخلوها تشتغل وفعلا دة حصل ودة ببركة شفاعة ام النور معاهم. |
رد: معجزات القديسة فيلومينا
اقتباس:
شكرا لمرورك الجميل بالموضوع نورتي الموضوع ربنايعوض تعب محبتك بركة صلاتها وشفاعتها فلتكن معاكي و مع الجميع أمين |
رد: معجزات القديسة فيلومينا
فيلومينا سريعة الندهة بشفاعه القديسه العظيمه فيلومينا نجحت ووقفت معايا فعلا ايام الامتحانان وكنت حاسه انها بتسمعني بركاتها مع الجميع |
رد: معجزات القديسة فيلومينا
فيلومينا سريعة الندهة انا عرفت القديسه بالصدفه من خلال اخويا لما جاب صورة ليها وانا مكنتش عايزة اعلقها فى المكان اللى هو علقها فيه وهو اصر بعدها حسيت انها زعلت منى فطلبت منها انها تسامحنى وتعرفنى قصة حياتها وفعلا بعد كام يوم عرفتنى بنفسها من خلال الفيس ومن يومها وبقينا اصدقاء وفى يوم بنت اختى وقعت عليها كوب شاى سخن جدا على رجليها وكانت صعبه جدا والجلد اتشال وانا طلبت شفاعه فيلومينا والبابا كيرلس وتماف ايرينى وابو سفين وعلى الرغم من الدكتورة قالت انها هتسيب اثر لان الحرق من الدرجه الثالثه الاانها مسبتش اثر انا بشكر القديسه فيلومينا والبابا كيرلس وتماف وابوسفين على شفاعتهم وصلاتهم وانا كمان كان عندى حب شباب فى وشى كتير وبشفاعه فيلومينا خف كتير عن الاول وانا ليا عندها طلبات تانيه وواثقه ان ربنا هيستجيب بشفاعتها بركه صلاتها تكون معانا |
رد: معجزات القديسة فيلومينا
فيلومينا سريعة الندهة انا حصلتلى معجزة ان انا ما ليا 7 ايام مش بعرف انام غير الساعة 10 الصبح و دى كانت حاجة مضيقانى جداااااا و خصوصا ان انا داخل على ثانوية عامة ومكنش ينفع انى انام الساعة 10 الصبح بس بشفاعة الشهيدة فيلومينا و العدرا مريم وابونا فلتاؤس والبابا كيرلس والبابا شنودة ومارجرجس بقيت بعرف انام بدرى |
رد: معجزات القديسة فيلومينا
فيلومينا سريعة الندهة انا عرفت القديسة فيلو مينا من علي النت و اتشفعت بيهااا في الامتحانات لانها كنت صعبة اوي و انا كنت خايفة اشيل مواد انا و صحبيتي بس الحمد للة بشفاعة القديسة فيلو مينا و البابا كيرلس و الانبا ابرام و ابونا ابرام عديت صافي. |
رد: معجزات القديسة فيلومينا
فيلومينا سريعة الندهة انا فى اولى تجارة و مش حليت كويس فى الامتحانات الترو الاول وطلبت شفاعتها وقفت معايا و نجحت صافى وانا مستنية توقف معايا ف الترم التانى وتخلينى اجيب تقدير انا قولتلها انها لو وقفت معايا هبعت رسالة بالحكاية و موقف تانى كان اخويا عندة نزيف داخلى وقعد ف المستشفى ينزف 3 ايام ومحدش من الدكاترة كان عارف هو عندة اية و عمل اشاعات كتير لحد ما طلبت فيلومينا و ماما طلبت البابا كيرلس والابنا توماس و القديسة دميانة وفعلا عرفوا اية اللى عندة وعمل عملية كبيرة بس وقفوا النزيف وبقى كويس ببركة شفاعتهم. |
رد: معجزات القديسة فيلومينا
فيلومينا سريعة الندهة بشفاعه القديسه فيلومينا انا نجحت وبتقدير كمان مهنش عليها تزعلنى وفضلت فاكره طلبي لحد معرفت نتيجه وقولتلها لو عوزانى اكتب معجزتك خلينى اشوف معجزه ليكى ع صفحه رئيسيه او صفحتك تنشر حاجه وفعلا لقيت الصفحه قدامى بعد شويه |
رد: معجزات القديسة فيلومينا
فيلومينا سريعة الندهة انا كنت بصلي وبطلب القديسة فيلومينا انا كانت مشكلتي ان بنتي مكنش التنسيق جايب سنها هي مفروض ددخل كي جي 1وهي كانت في نفس المدرسة بلي سكول بس المدرسة قالت لا انا تبع تنسيق من 4\7لحد انهاردة وبعد من التنسيق نزل مرحلة 2 وانا في عزاب بس روحت المدرسة ودي كانت اخر فرصة كنت لازم اعمل المستحيل علشان ددخلوهي سنها 5سنين6شهور13يوم وهما المدرسة عاوزة5سنين 6سهور20يوم صلتي بدموعي وطلب فيلومينا سريعة الندهة تقف معايا ومسبتنيش وقولتلها اعملي معجزة وانا لازم اكتب |
رد: معجزات القديسة فيلومينا
فيلومينا سريعة الندهة انا بشكر بجد القديسه فيلومينا أنها وقفت معايا السنه دي في الأمتحانات في الكليه انا في تالته تربيه اساسي مريت بظروف صعبه ومشاكل أسريه صعبه جدا وكنت داخله ع الأمتحانات تشفعت بالقديسه فيلومينا طبعا والعدرا مريم ومجموعه من الشهدا والقديسين فالحمد لله فرحوني كلهم وجبت6أمتياز و1جيد جدا وبقي تقديري العام جيد جدا وده اول ترم في حياتي اجيب التقادير ديه انا بشكرهم بجد ع وقفتهم معايا في الأمتحانات وبرضوا في مشاكلنافي البيت وانابقولها كملي معايا المسيره في سنه رابعه وفي باقي حياتي |
رد: معجزات القديسة فيلومينا
فيلومينا سريعة الندهة انا عرفت القديسه فيلومينا عن طريق النت وطلبت منها تقف معايه في الامتحانات واعدي صافي لان الامتحانات كانت صعبه والحمدلله هي وقفه معايه وعديت صافي هي وابونا سمعان الانبا بولا وابونا فلتاوس ووكتير من القدسين بركتهم تكون معانا امين |
رد: معجزات القديسة فيلومينا
فيلومينا سريعة الندهة اشكر الشهيدة فيلومينا علي كل حاجه عملتها معايا عايزه اقول ان الشهيدة فيلومينا وقفت معايا في موضوع شقه بقالي 4 سنين منتظرة واشكر الأنبا كاراس والانبا بيشوي والشهيده فيلومينا لأنهم ساعدوني النهارده وكملوا الورق معايا بكل سهولة بعد 4 سنين بركه صلواتهم تكون معاكم ومعانا وليتمجد اسم الرب حقيقي الشهيدة فيلومينا سرعه الندهه ودي ثاني معجزه منها ليا وانا مستهلش كل ده , يارب بركه شفاعه الشهيده فيلومينا تحقق لكل واحد طلبه وتكون معاه متشكره اوووووووووووووي يا حبيبت المسيح فيلومينا . |
رد: معجزات القديسة فيلومينا
فيلومينا سريعة الندهة انا مكنتش اعرف القديسه فيلومينا خالص فا فمره كده لاقيت الجروب وقعدت اقرا عنها وعرفت انها سريعه الندهه فا كان ف موضوع كده نفسى يتم وبقالى كتير بدعى واول ماطلبت القديسه فيلومينا الموضوع ده تم ومشى بسلام وبدعى للقديسه فيلومينا سريعه الندهه انها تكملهولى ع خير وتقف معايا ومع كل الناس امين |
رد: معجزات القديسة فيلومينا
فيلومينا سريعة الندهة . احب اشكر الصفحة دي عشان من خلالها عرفت الشهيدة فيلومينا ومن اول ماشفتها تشديت لها مش عارفة ليه وبقت شفيعة ليه وهي وقفت معايا كان في واحدة قريبتنا ليها فترة مخلفتش وحصل معاها حمل بس للاسف الطفل اتولد في الشهر الثامن وكلنا زعلنا عليه وقعدت في الحضانة تشفعت بالقديسة فيلومينا لما عرفت انها شفيعة الاطفال والقديس ابانوب وابونا فلتاؤس وببركة ربنا والقديسين دول الطفل خرج من الحضانة وبقي كويس الحمدلله |
رد: معجزات القديسة فيلومينا
فيلومينا سريعة الندهة . ببركة فيلومينا مضيعتش المفاتيح بدايه المعجزه , ان احنا بنشطب شقتنا وبابا كان بيكسر في الحيطة بتاعت المطبخ ,جزء من الحيطه اتكسر جامد , ف بابا طلب مني اجيب اسمنت من المنور بتاع العماره ,ف روحت افتح المنور ملقتش مفتاحي فاخدت مفتاح بابا ( مع العلم ان مفاتيح بابا دي عباره عن ميداليه فيها مفاتيح الشغل ومفاتيح البيت ) يعني مفاتيح مهمه جداً , فتحت قفل المنور و دخلت , تحت باب المنور في حفره صغيره جداً بس عميقه لجو و اي حاجه لو وقعت فيها خلاص تبقي راحت ,المفاتيح اللي معايا وقعت في الحفره دي , دخلت البيت جبت شاكوش وكشاف وماما و اختي طلعو معايا المنور , وسعت الحفره دي بالشاكوش و فضلت ادور علي المفاتيح في الرمل و الحفره نفسها وللاسف المفاتيح مش موجودة اختي كانت واقفه جنبي من يأسها راحت قالت ياشهيده فيلومينا المفتاح يجي دلوقتي , ف نفس اللحظه لقيت المفتاح قصادي و في ايدي بركتك يا شهيدة يا عظمية فيلومينا , فعلاً سريعة الندهة ... صلوا من أجلي . |
رد: معجزات القديسة فيلومينا
فيلومينا سريعة الندهة امبارح اداره الشغل كانت بتتصل ب الناس يقولولهم تعالو سلمو حاجه الشغل و سيبو رقمكم لو فيه مكان فاضي بعد كده هنتصل بيكم .... و انا كان من ضمن الكشف اللي المفروض يمشو بس اتشفعت بالقديسه فيلومينا و مسبتنيش بس عاوزها تكمل معايا الفتره اللي جايه علشان فيه كذا موضوع محتاجها معايا فيهم.....صلوا من اجلي . |
رد: معجزات القديسة فيلومينا
فيلومينا سريعة الندهة انا من ساعه ماعرفت الشهيده فيلومينا وانا بتشفع بيها وبقيت شفيعتي... انا كنت خايفه اووي من النتيجه واتشفعت بيها وعدتها اني هكتبها معجزه ع صفحتها والحمدالله نجحت صافي بشفاعه القديسه بركه صلاتها تكون معانا امين |
رد: معجزات القديسة فيلومينا
فيلومينا سريعة الندهة بركة صلوات القديسة العظيمة فيلومينا تكون معنا جميعا امين انا من كام يوم رجلى كانت وجعانى اووووووووووى اخدت فترة كل شوية اتخبط فى مسمار فى المكتب مسمار صلب اتخبط فيه فى ركبتى اكتر من مرة وركبتى فجأة بقت بتنغز عليا وتوجعنى جامد وركبتى حاستها اتلوت شوية ومبقتش قادرة ادوس على رجلى بقيت عاملة زى المشلولة بس اتشفعت بالقديسة العظيمة فيلومينا وحبيبى البابا كيرلس والحمدلله رجلى خفت وبقيت بدوس عليها زى الاول واحسن صلولى بقا لان فى طلبات اهم من الطلبات دى بطلبها من القديسة فيلومينا العظيمة صلولى تحققهالى |
رد: معجزات القديسة فيلومينا
انا بشكرك يا فليومينا. هي حاجة بسيط لكن بنسبالي كبيرة جدا. ماماتي تعبانة ومش بتعرف تنام طول الليل وبتفضل قلقنا. ورحتلها واديتة صورة القديسة فيلومينا والزيت بتاعها. وقالتلة ادهني منو وانشاللة تتمجد معكي وفعلا دهنت وحطيت الصورة. جانبها. وانا بجد صليت للقديسة العظيمة وقالتلة متكسفنيش انا اول مرة اطلب وهي كمان وفعلا نامت الحمداللة وصحيت احسن. نشكر ربنا وبقولة ارجوكي كملي شفاة علي خير ومتعملش قسطرة مدي ايدك انتي علية واشفي يا بنت النور ارجوكي |
رد: معجزات القديسة فيلومينا
فيلومينا سريعة الندهة من فضلكوا انشروا شكرى للقديسة فلومينا عشان كان عندى امتحان صعب و اتشفعت بيها و الامتحان كان قى كتير اجزاء صعبة و لما خرحت لقيت فى احزاء حليتها صح شكرا قديسة فلومينا و مستنبة شفاعتك فى النتيجة |
رد: معجزات القديسة فيلومينا
فيلومينا حبيبت الاطفال انا بشكركم اوي علي محبتكم الي عرفتونا من خلالها علي القديسه العظيمه فيلومينا انا عرفتها عن طريق الصفحه هنا وكنت والاده ليا عشرين يوم وبنتي كان المفروض تاخد حقنه الدرن من اول متولدت بس جتلها الصفرا واجلنا الحقنه شويه ولما كنا خلاص هندهلها تعبت تاني وكانت حالتها صعبه جدا وانا تعبت اوي بسببها لان الحقنه دي ضروريه وبعدت اخدت صوره القديسه فيلومينا وحطيت الموبيل علي بطنها وقولتلها اتصرفي انتي انا هروح وانتي الي تقفي معاها وفعلا يوم الاربع الصبح بنتي بقت احسن واخدت الحقنه وكمان متعبتش منها ولا وجعتها وكانت وقفه معايا الفتره دي كتير اوي بركه وشفاعه القديسه العظيمه بنت النور فيلومينا تكون معانا ومعاكم امين واسفه علي الاطاله |
رد: معجزات القديسة فيلومينا
فيلومينا سريعة الندهة انا اسمي ماري وعايشه في بلد اوروبيه واجهت مشكلة كبيره في تني اطلع رخصه القيادة وامتحنت اكتر من مره وما نجحتش وده كان عاملي مشاكل كثيرة لان معايا اطفال والثلج هنا صعب جدا لكن لما اتشفعت بالقديسه فيلومينا و ابونا فلتاؤس وعملتلهم تمجيد قبل الامتحان نجحت علي طول. |
رد: معجزات القديسة فيلومينا
فيلومينا سريعه الندهه انا النهاردة كان عندي امتحان و كنت تعبانة جدا بقالي كام يوم و النهاردة في اللجنة حسيت بتعب و لحد نص الوقت مكنتش حليت ولا سؤال قولتلها يا فيلومينا يرضيكي اطلع و انا زعلانة و ما احلش حاجة كده خالص انا مش هتشفع غير بيكي و عارفة انك هتساعديني هسيبهالك و فعلا بامانة بعدها بحاجة بسيطة حليت الامتحان كله و انا بجد بشكرها علي وقفتها معايا النهاردة و بطلب منها تتشفعلي في الموضوع اللي نفسي فيه و تحلهولي حتي و لو بقا مستحيل بشفاعتها و شفاعة ابونا فلتاؤس و مارجرجس و الشماس مارك و البابا كيرلس موضوعي يتحل و افرحكم معايا صلولي . |
رد: معجزات القديسة فيلومينا
فيلومينا سريعة الندهة النهاردة ببركه القديسه فلومينا حصلت حاجات عجيبه انا امبارح قولت لو ربنا ةفقنا في الشغل انا اصلي مندوب ادويه وقلت لو ربنا كرمني في الطلبيات هبعت المعجزة للصفحه بتاعتك اليوم مر بسﻻم واكتر من ما اتخيل واطبعلي شغل بشكل مكنتش اتوقعه ودي مش المره الاولي اللي توقف معاي فيها الشهيده العظيمه فلومينا بركه صلواتها وشفاعتها تكون معانا امين |
| الساعة الآن 01:39 AM |
Powered by vBulletin® Copyright ©2000 - 2025