منتدى الفرح المسيحى - مدرسة الفرح المسيحى ( مش لاقى حاجة تشارك بيها الحل هنا )

منتدى الفرح المسيحى (https://www.chjoy.com/vb/index.php)

- أخبار موقع ومنتدى الفرح المسيحى (https://www.chjoy.com/vb/forumdisplay.php?f=169)

رد: مدرسة الفرح المسيحى ( مش لاقى حاجة تشارك بيها الحل هنا )

اشكرك اخى الحبيب مينا :)
لإستكمال نقاط مهمة وسرد التوضيح بسلاسة
حقيقى محبتكم وعطائكم سبب أساسى فى نجاح الخدمة
وترابطنا لرفع مستوى الخدمة وتحفيز وتشجيع البعض
ربنا يبارك خدمتكم ويفرح قلوبكم دايما ...

رد: مدرسة الفرح المسيحى ( مش لاقى حاجة تشارك بيها الحل هنا )

امين الرب يثمر في الخدمة لمجد اسمه

رد: مدرسة الفرح المسيحى ( مش لاقى حاجة تشارك بيها الحل هنا )

آمين
ميرسى على مرورك ..

رد: مدرسة الفرح المسيحى ( مش لاقى حاجة تشارك بيها الحل هنا )

اقتباس:

المشاركة الأصلية كتبت بواسطة mena m.g (المشاركة 1677538)

قبل ما أبدأ فى أى حاجة أحب أشكر كل قائم على هذا الموضوع

أنا من ساعة ما شوفت الموضوع دة الصبح وانا فرحان جداً ان فعلاً فيه محاولات لإعداد جيد للخدام وتكوين شخصياات قادرين على المواصلة والاستمرار ..

فعلاً فيه ناس عندها نشاط كبير وامكانية الخدمة بجدارة لكن مش عارفين يوظفوا نشاطهم دة فين ، وازاى ، وامتى

ندخل فى الموضوع ، بلسان حال خدام كتير كنت منهم ، بيسألوا الأسئلة دى :-
طيب
أنا عايز أخدم بس مش عارف ازاى ؟

أنا عايز أشارك كتير بس أجيب منين موضوعات ؟

أنا عايز أعرف فلان وفلانة بيجيبوا وقت منين لكل المشاركات اليومية دى ؟؟

انا مش عارف أقدم افتقاد ولا ترفيه ولا أوزع وأقسم وقتى فى المنتدى ازاى ؟؟

اجابة أول سؤالين والحل للمشكلة دى تكمن فى :-

1/مصدر دائم للمواضيع التى سيتم نسخها

2/ مصادر متعددة أجمع منها بيانات علشان أقدر أدعم بيها مواضيع من تأليفك

أولاً المصدر الدائم للموضوعات

+ اليوم السابع (هنلاقى فيه مواضيع تنفع لقسم " طب - ثقافى - أخبار - طبخ - تكنولوجيا - كل أقسام المرأة - السياحة - الاقتصاد )

+ المصرى اليوم (هنلاقى فيه مواضيع تنفع لقسم " طب - ثقافى - أخبار - طبخ - تكنولوجيا - كل أقسام المرأة - السياحة - الاقتصاد )

+ مجلة سيدتى ( هنلاقى فيه بالاضافة للسابق موضوعات للعرائس والأزياء)

+ مجلة المجلة + مجلة الجميلة

+ اليوتيوب ( هنلاقى فيه " الترانيم المصورة - العظات - القداسات - كليبات أطفال - درامة ومسرح - ألحان - مقاطع متنوعة )

+ صور جوجل( نختار مثلاً صور للعذراء مريم - السيد المسيح - قديس أو قديسة - حكم وعبارات<دى تنفع لقسم صورة وتعليق > خلفيات موبايل - خلفيات كمبيوتر - كاريكاتير - صور مضحكة .. الخ

\بس نخلى بالنا بالنسبة ببلحث فى (صور جوجل أو اليوتيوب) فى أدوات البحث الوقت يكون منذ 24 ساعة علشان نتأكد أن الصورة جديدة أو الفيديو جديد /

+ المنتديات الأخرى المسيحية ( و دول تقريباً هما اللى بينقلوا مننا ، بس أكيد هتلاقوا مواضيع عندهم جديدة )

+ المنتديات الأخرى العامة ( مثال فتكات وعدلات والشعر العربى والكلام دة برضوا مش هتلاقوا عندهم جديد كتير )

+ الفيسبوك ( معظم البوستات تنفع فى قسم توبيكات " بس لازم نتأكد أن التوبيك مش متكرر لأن فيه كتير بوستات بتكون متكررة - بالاضافة الى الموضوعات الروحية والموضوعات العامة اللى بنشوفها فى صفحات الفيسبوك

+ الواتساب( كلنا عندنا مجموعات على الواتس ونراسل بعض داايماً بموضوعات كتير / ممكن ننشر الحاجات دى -- مع مراعاة برضوا عدم التكرار وان الموضوع يكون مناسب لمنتدانا).

ثانياً مصادر متعددة لجمع معلومات أدعم بيها موضوع هيكون من تأليفك

+ كل المصادر السابقة تقدر تدعم بيها موضوعك الخاص بيك

+ ممكن نستعين بالأيات الكتابية والتفاسير من موقع تكلا هيمانوت
+
ممكن نكتب فى بحث جوجل "اسم الموضوع اللى بتحضر تتكلم عنه" + pdf هيظهرلك كتب ومراجع موثقه تقدر تدعم بيها موضوعك وانت متطمن

+ ممكن تستعين بقى ببرامج تفيدك فى تصميم الصور والفيدوهات زى ( الفوتشوب ، filmora وهكذا )

+ ممكن تشوف المناسبة ايه وتحاول تكتب عنها بنفسك أو تصمم صورة أو فيديو ليه فمثلاً ( احنا فى صيام الرسل تقدر تعمل بحث كامل عن صيام الرسل وتنشره فى المنتدى أو تصمم صورة / فيديو يخص المناسبة دى )

ثالث ورابع سؤال

أنا عايز أعرف فلان وفلانة بيجيبوا وقت منين لكل المشاركات اليومية دى ؟؟

انا مش عارف أقدم افتقاد ولا ترفيه ولا أوزع وأقسم وقتى فى المنتدى ازاى ؟؟

الاجابة هى اختيار الوقت المناسب وتنظيمه

1/ اختيار وقت الفراغ وتحديد مدة معينة ( هنكون مبسوطين انك قاعد 10 ساعات على المنتدى بس دة هيكون على حساب اليوم اللى بعده -- ف دايماً اختار الوقت ومدة مناسبين )

2/ تنظيم المدة دى " نقول مثال ساعيتن "

- هاخد 10د أسأل على أخواتى وأعرف أحوالهم

- 10د كمان أتابع رسايلى على المنتدى

10د أرد على المواضيع بتاعتى بشُكر المرور للمار

40:20د أرد على المشاركات الجديدة بتاعة أخواتى وأشكرهم على خدمتهم وأتعلم منهم

راحة 5 د

40:20 أنشر مواضبع جديدة كما تم توضيح ذلك من قبل

10د مشاركة كل المواضيع الجديدة بتاعتك وبتاعة اخواتك على حسابك فيسبوك أو واتس .. الخ

ونعيد الكرة.

طولت عليكم معلش

ربنا يدينا نعمة ونقدم خدمة هدفها هو تمجيد اسمه القدوس

الله عليك يامينا بجد توضيح رائع من خادم مميز

ربنا يفرح قلبك

رد: مدرسة الفرح المسيحى ( مش لاقى حاجة تشارك بيها الحل هنا )

اقتباس:

المشاركة الأصلية كتبت بواسطة mena m.g (المشاركة 1677538)

بجد يا مينا شرح وتوضيح مميز
واضافة رائعة للافكار الحلوة اللى بتتميز بيها خدمتنا فى المنتدى
ميرسي كتيييير ليك يا مينا

رد: مدرسة الفرح المسيحى ( مش لاقى حاجة تشارك بيها الحل هنا )

أشكركم جميعاً أنا أتعلمت منكم كل دة