منتدى الفرح المسيحى - مع ساندرا وصموئيل

سؤال
محيرنى؟

ساندرا: أنا مبسوطة إن بقى عندى أصدقاء كتير على الفيسبوك.
صموئيل: شىء جميل لأن الإنسان يحب العلاقات الإجتماعية مع الناس.
ساندرا: لكن فيه حاجات محيرانى فى الموضوع ده..
صموئيل: طبعاً لازم تعرفى إنه زى ما ليه مزايا ليه عيوب..
ساندرا: أنا بلاقى نفسى مشغولة كتير بإعجاب وتعليقات الناس..وبيضيع وقت طويل وبيآخد اهتمامى.
صموئيل: الوقت بتاعنا وزنة غالية ربنا أعطاها لنا ولازم نستثمرها كويس وكتاب الإيمان هو الكتاب المقدس اللى بيشبع قلوبنا بكلامه وتعاليمه
ساندرا: يعنى بلاش أفتح الفيسبوك؟
صموئيل: لا لكن كل حاجة تآخد وقتها أنا أقرأ الكتاب المقدس أولاً وبعدين أشوف مذاكرتى وبيتى ولما يبقى عندى وقت ابقى أشوف الفيسبوك ترتيب الأولويات مهم.
ساندرا: لكن الفيسبوك بيعرّفنى أخبار أصحابى.
صموئيل: طبعاً بس لازم نحافظ على الخصوصيات اللى المفروض مش كل الناس تعرفها لأنها أوقات بتبقى تطفل وتدخل فى أمور الناس وتعليقات كتير منها الطيب ومنها فيه كلام ردىء.
ساندرا: لازم أظبط وقتى وعلاقاتى على الفيسبوك وعندى سؤال تانى خليه المرة القادمة..