|
رد: حــواء فــى استضافــــة ادم والعكـــس
شوية اسئلة على الماشي :) ايه الدول تتمنى ان تزورها ؟ هل انت راضي عن نفسك ؟ هل انت مدمن تفكير ولا بتترك امورك فى ايد ربنا ؟ ماذا تفعل اول شيء اذا ربحت مليون ؟ اوصف نفسك فى سطرين فقط مــاهــو الشــئ الذي ندمــت علــي عمـلــــه؟ بتعرف تطبخ ولا لا لو روحت عند ضيوف وكانوا طابخين كوسة او قلقاس وانت مش بتحبهم وعازمينك مخصوص هتاكل منها ولا هاترفض وانت عارف ان دة هايضايقهم يارب يارب يارب تاكل كوسة غصب عنك ههههههههههه -عضو نشيط ؟ -عضو مفقود... ؟ -عضو واثق من نفسه ؟ -عضو مثقف؟ -عضو نفسك تغير اسمه ؟ -عضو نفسك تضربه هههههه؟ -عضو نفسك تقول له ( برافو عليك )؟ ما هي التجربه الي تتمنى تكرارها؟ شيء قصرت فيه بحيااتكــ وتمنيت الزمن يرجع عشان تكمله ؟ كلمه تتمنى سماعها كل يوم ؟ اكتر صفه شايفها وحشه فيك (بكل صراحة)؟ اكتر صفه شايفها حلوه فيك؟ كلمه علي لسانك بتقولها على طول في كلامك؟ من هو مثلك الاعلى ؟ لما بتكون زعلان بتعمل ايه |
رد: حــواء فــى استضافــــة ادم والعكـــس
ايه ده بس بقولك زملكاوى
يبقى تزودى فى الاسئله وخلى الوان الاحمر على طول فى الاسئله يمكن يقلب اهلاوى بعد كده |
رد: حــواء فــى استضافــــة ادم والعكـــس
هههههههههههههههههههههههههههههههه اصل الدور عليا يا كاتى بعد كدة انا ببص لقدام ههههههههههههههههههههههههه |
رد: حــواء فــى استضافــــة ادم والعكـــس
لا بقولك ايه احنا مبنخافش من الاسئله ولا اى حاجه تانى
متقلقيش من حاجه انا معاك :p:p:p:p هفضل ادعيلك داااااااايما |
رد: حــواء فــى استضافــــة ادم والعكـــس
ادم هرب ياكاتى هههههههههههههههههههههههههههه |
رد: حــواء فــى استضافــــة ادم والعكـــس
هو راح فيييييييين
اين انت ياادم |
رد: حــواء فــى استضافــــة ادم والعكـــس
هى الحرب ابتدت ولا ايه؟ يا ساتر ايه اللون الاستفزازى ده اللى هيخلينى مش هاعرف أفكر فى الأسئلة كويس نداء للشعوب الحرة المحبة للسلام تيجى تساعدنى فى الظروف الصعبة دى وبالنسبة لكلامك يا كاتى أنا أموت وماسيبش الزمالك الزمالك هو حياتى وروحى أنا زمان كنت باذهب لتدريبات الزمالك فى النادى وما زلت باذهب لماتشات الزمالك وعندى مكتبة فيديو فيها ماتشات الزمالك الجميلة خصوصا ماتشات انتصاراته على الأهلى على مر العصور واللى يتخلى عن ناديه كأنه تخلى عن وطنه وبالنسبة لكلامك يا سما أنا أحيى فيك ذكاءك علشان انت عاملة حساب اليوم الرهيب اللى هاتقعى فيه فى ايديا ههههههههههههه وبعدين كاتى باتقولك متخافيش يعنى كاتى هاتعمل ايه لما أنا ابتدى الأسئلة؟ وهاتنقذك ازاى؟ السؤال19 ايه الدول تتمنى ان تزورها ايطاليا...علشان أزور مزار سانت ريتا فى مدينة(كاشيا) فرنسا...علشان أزور مزار سيدة لورد(القديسة برناديت)فى مدينة(لورد)لما ظهرت لها العذراء عام 1858 وكمان...علشان أزور مزار سانت تريز فى مدينة(ليزيو)فى فرنسا أيضا البرتغال...علشان أزور مزار سيدة فاتيما فى مدينة(فاتيما)وأماكن ظهور العذراء للأطفال الثلاثة لوسيا وجاسنت وفرانسوا عندا ظهرت لهم العذراء عام 1917 السؤال20 هل انت راضى عن نفسك مش راضى عن نفسى فى بعض الأوقات وخصوصا الأوقات اللى الواحد بيحصله فيها فتور روحى السؤال21 هل انت مدمن تفكير ولا بتترك امورك فى ايد ربنا أنا بافكر 24 ساعة فى اليوم لدرجة ساعات باحس دماغى هاتنفجر وأوقات التفكير بتستمر وأنا فى القداس صحيح لازم الواحد يترك الأمور فى ايد ربنا لكن ده ميمنعش ان الواحد يفكر..يعنى مثلا التفكير متعب لكن بيفيد فى حاجات كتير ممكن انسان يتخذ قرار وانتهينا لكن فى ناس تانية بعد اتخاذ القرار تفكر جامد اوى وممكن تحس ان القرار غلط أو ربنا ما أعطاش علامات توحى بالسلام وممكن الانسان يحس ان القرار غلط ويتراجع عنه(وأنا من النوع ده) أنا ميهمنيش ان الغى القرار فى آخر لحظة طالما ده انقاذ لىّ السؤال22 ماذا تفعل اول شىء اذا ربحت مليون هاتبرع بجزء كبير لاخوة الرب تانى حاجة جولة فى البلاد اللى أنا قولت أتمنى أزورها ثم احتياجات البيت والأسرة وادخار الباقى السؤال23 اوصف نفسك فى سطرين فقط أنا طالب علم فى مدرسة الحياة اتلقى فيها دروس السعادة والشقاء أنا بالنسبالى أيام الشقاء اكتر...لكن مع المسيح أفضل أيامى القادمة السؤال24 ما هو الشىء الذى ندمت على عمله حاليا ماقدرش أحدد علشان فى بعض الأوقات الواحد كان بيتخذ قرارات سريعة ويندم عليها والحياة بتعلمنا حاجات كتير لان امتحان المدرسة كل سنة لكن امتحان الحياة كل يوم بل كل ساعة السؤال25 بتعرف تطبخ ولا لا طبعا..باطبخ بيض مقلى هههههههههههههه هو أى حاجة أنا أعملها بتبقى من غير طعم السؤال26 لو روحت عند ضيوف وكانوا طابخين كوسة او قلقاس وانت مش بتحبهم وعازمينك مخصوص هتاكل منها ولا هاترفض وانت عارف ان ده هايضايقهم يارب يارب تاكل كوسة غصب عنك هههههههههههه ههههههههههههههههه الله يسامحك يا سما...كلها يومين وهاتقعى فى ايديا معروف ان من اتيكيت الضيافة ان الواحد لما يزور حد ويكون فى دعوة للغذاء مثلا واتقدملنا أكل زى الكوسة وأنا مش باحبها...ممنوع نهائى انى أرفض الأكل(لازم اكله) وطبعا بعد ما هاكل الكوسة...هاذهب أعترف وأتناول هههههههه السؤال27 عضو نشيط هو اللى دايما ينزل مواضيع جديدة عضو مفقود هو العضو اللى غايب عن المنتدى وماحدش حاسس فى المنتدى ان هذا العضو غايب عضو واثق من نفسه هو العضو اللى دايما فى المناسبات بينزل موضيع خاصة بالمناسبة بالاضافة لرده على مواضيع قديمة وجديدة خاصة بنفس المناسبة عضو مثقف هو العضو صاحب المبادىء التى لا تتغير بتغير الزمن عضو نفسك تغير اسمه لا يوجد عضو نفسك تضربه لا يوجد عضو نفسك تقول له(برافو عليك) أعضاء كتير جدا فى المنتدى المفروض اقولهم الكلمة دى السؤال28 ما هى التجربة اللى تتمنى تكرارها هى مش خاصة لنفسى هى خاصة لمصر فى الستينات أيام عبد الناصر مصر كانت فى طريقها الى مشروع عمل قنبلة نووية والدخول فى عصر الذرة بواسطة العلماء الألمان لكن الموسّاد(المخابرات الاسرائلية)والمخابرات المركزية الأمريكية اغتالوا أغلبية العلماء الألمان اللى كانوا بيساعدوا مصر وتوقف المشروع خصوصا بعد نكسة 1967 أتمنى ان المشروع ده يتعمل من تانى لأن أمريكا لا تقدر أن تضرب أى دولة عندها القنبلة الذرية والدليل على ذلك كوريا الشمالية لأن كوريا الشمالية لو أخرجت المخزون اللى عندها ستدمر العالم السؤال29 شىء قصرت فيه بحيااتك وتمنيت الزمن يرجع عشان تكمله بصراحة الحاجة اللى زعلان عليها وبابكى بالدموع عليها حتى الآن هى رحيل والدتى الى السماء من 9سنين لانى حاسس انى قصرت معاها فى حاجات كتير لانى من النوع اللى بازعل بسرعة وخصوصا على حاجات لا تستحق الزعل وأنا علشان أصغر واحد فى اخواتى فكانت دايما تزعل لما بتشوفنى زعلان وكنا دايما نلاقيها لوحدها تصلى لينا بصوت مسموع واحد واحد باسمه وكنا متعودين انها قدامنا على طول أو حاجة شايلنها ونشوفها فى أى وقت وفجأة رحلت ومبقتش معانا أتمنى ان الزمن يرجع وتبقى موجودة وعايشة معانا مكنتش هاسيبها لحظة واحدة لان أعظم شىء فى الدنيا هو الأم ولو صغر العالم كله الأم هتبقى كبيرة وانتهز الفرصة دى واقول لكل حد والدته معاه ماتضيعش دقيقة بعيد عن الوالدة..الدنيا وما فيها ماتساويش دعوة من الأم والدتى عمرها ما زعلت من حد ولا شالت من حد السؤال30 كلمة تتمنى سماعها كل يوم الرب يحفظ خروجك ودخولك من الآن والى الدهر(مزمور8:121) السؤال31 اكتر صفة شايفها وحشة فيك(بكل صراحة) بازعل بسرعة وممكن أزعل من حاجات بسيطة جدا ممكن أكون فى مكان حتى فى الخدمة...ممكن أكون فى مكان وازعل من حاجة واسيب المكان من غير ما حد يعرف انى زعلان ولما بازعل مش باقول لحد أنا زعلان كل اللى باعمله باترك المكان ودى صفة وحشة لكن أعمل ايه..أنا كده هههههههههههه السؤال32 اكتر صفة شايفها حلوه فيك باتعامل مع الناس بكل شياكة واحترام كبير وعلشان كده بازعل لما الاقى بعض الناس بتتعامل معايا بصورة اقل من كده السؤال33 كلمة على لسانك بتقولها على طول فى كلامك ربنا موجود السؤال34 من هو مثلك الاعلى استاذى ومعلمى فى مدارس الأحد زمان من ابتدائى وحتى دخولى الجامعة وتخرجى وكان أمين الخدمة أيضا بتاعنا السؤال35 لما بتكون زعلان بتعمل ايه باحب أكون لوحدى ومحدش جنبى هههههههههه وطبعا باصلى علشان ربنا يخرجنى من الضيقة |
رد: حــواء فــى استضافــــة ادم والعكـــس
زمالك ايه ياعمو ناصر
هو فى حد الايام دى بيشجع الزمالك وبعدين انتصارت الزمالك على الاهلى دى كانت زمان جداااااااااااااا الاهلى وبس والباقى يدس هههههههههههههههههههههههههههههه |
رد: حــواء فــى استضافــــة ادم والعكـــس
كويس يا كاتى وقعتى بلسانك واعترفت وكتبت كمان بخط ايدك انتصارات الزمالك على الأهلى... وبعدين ايه حكاية ادم هرب دى الزملكاوية أبطال عمرهم ما يهربوا كده يا سما تقولى علىّ انى هربت دا انت غبت يوم كامل وكاتى كانت بتبحث عنك ورغم كده أنا مقولتش عليك الكلمة دى وبعدين أنا عمرى ما أهرب وماهربش الا فى حالة واحدة وهى أهرب...لو كنت عايز أهرب ههههههههههههههه |
رد: حــواء فــى استضافــــة ادم والعكـــس
هههههههههههههههههههههههه طيب انا مش كنت هنا يوم بحاله علشان ماعنديش نت لسه اعمل اية انا طيب :) بس احلى حاجة عاجبانى انى بكتب باللون الاحمر وانت مش هاتعرف تكتب باللون الابيض هههههههههههههههههههههههههههه لك الله يا ناصر بس اجاباتك حلوة كتيييييييييييير صبرنا يارب هههههههههههههههههه |
رد: حــواء فــى استضافــــة ادم والعكـــس
سمسمة حببتى غالبة ولا مغلوبة
اعملى حسابك ياروحى الدور هايجى عليكى هههههههههههههههههه |
رد: حــواء فــى استضافــــة ادم والعكـــس
منتى مجربه يافوفه
شوفتى سيباه كده من غير اسئله طيب كده ينفع يقول ايه ادم علينا كده |
رد: حــواء فــى استضافــــة ادم والعكـــس
يا ناااااااااااصر بما دة اخر يوم ليا ههههههههههه خد اتسلى بقى فى شوية الاسئلة الصغيرين دول :) بتعمل اية وقت فراغك ؟ اكتر مكان تحب الذهاب اليه؟ شخص لاترفض له طلبا ؟ صوتك حلو وبترنم ولا مالكش فى الترنيم ؟ -افضل شهـر بالسنة والسبب ؟ شخصيتك ( عصبي ، رومانسي ، ....... )؟ اى قسم تحبه فى المنتدى ؟ |
رد: حــواء فــى استضافــــة ادم والعكـــس
اقتباس:
الدور هاييجى عليا فالرحمة حلوة برضه :) |
رد: حــواء فــى استضافــــة ادم والعكـــس
السؤال36 بتعمل ايه فى وقت فراغك القراءة أهم حاجة عندى وعندنا مكتبة كبيرة فى البيت فيها أكتر من 20 ألف كتاب وبقرأ فى مختلف الموضوعات ووقت الفراغ متوزع بين الوجود مع الأسرة فى المنزل والقراءة والمنتدى ومعرفة آخر الأخبار وأسمع ترانيم وأسمع عبد الحليم وأتفرج على ماتشات الكرة العالمية والدوريات الأوربية من خلال قنوات الجزيرة الرياضية السؤال37 اكتر مكان تحب الذهاب اليه طبعا الكنيسة لكن المكان التانى أحب اتمشى على رجلى وبدون عربية فى مصر الجديدة وخصوصا فى الشتاء السؤال38 شخص لا ترفض له طلبا أى شخص فى أسرتى السؤال39 صوتك حلو وبترنم ولا مالكش فى الترنيم بالنسبة للترانيم أنا أحب كتير كتير أسمع الترانيم الحلوة وبتأثر بيها وخصوصا ترنيمة(مرة تهت بعيدا)بصوت نجيب لبيب وكمان ترنيمة(كيف أنسى)بصوت فاديا وترنيمة(خلّنى قرب الصليب) للمرنمة تيرى وترنيمة(ياسيدى كم كان قاسيا)بصوت ليديا وكمان شاهدت فى شريط فيديو نفس الترنيمة بصوت بنت لبنانية بترنمها فى الكنيسة وكانت فى منتهى الروعة وفى الخدمة باسمع بس الترانيم لكن مش برنم بصوتى السؤال40 افضل شهر بالسنة والسبب افضل شهر فى السنة بالنسبالى هو شهر يناير وروحى المعنوية بتبقى مرتفعة جدا علشان أنا مولود فى شهر يناير ويوم 1 يناير بالتحديد وكمان أنا باحب الشتاء جدا علشان زى ما بيقولوا الشتاء شهر وقور ومحترم ويوم عيد ميلادى باحس ان العالم كله بيعملى الاحتفال وبيحتفل معايا لانه يوم 1 يناير على السنة الجديدة السؤال41 شخصيتك(عصبى-رومانسى...) أنا هادى وخجول جدا ورومانسى جدا جدا وأحب الرومانسية السؤال42 اى قسم تحبه فى المنتدى أحب قسم الموضوعات الروحية |
رد: حــواء فــى استضافــــة ادم والعكـــس
ايه ياسمسمه
ده اخر يوم خدى فرصتك ونزل كمان خلى ادم يتسلى جايه اهدى اهو مااااااااشى |
رد: حــواء فــى استضافــــة ادم والعكـــس
اقتباس:
فى ايه ياكاتى ارحمى يابنتى بس انتى طلعتى جدعة معايا جبتيلى واحد مكملش الاسئلة شاطرة يابت |
رد: حــواء فــى استضافــــة ادم والعكـــس
هههههههه
هو انا اللى منعته ولا ايه وبعدين مين عارف ادم اللى معانا ممكن هو كمان يختفى الله واعلم بس انا بقولها انه لسه فى فرصه معاكى لحد الساعه 12 نزل علشان يتسلى حرام كده يزعل |
رد: حــواء فــى استضافــــة ادم والعكـــس
اين انت ياادم
اليوم ابتده ولسه مفيش ولا سؤال انا بوصيك على سمسمه علشان انا وعتها انى هدعيلها واهو جدعنه منى هوصى عليها كمان عيزاها تخرج بعد 3 ايام دول تقول مفيش سؤال متسئلتهوش حبيبتى ياسما علشان تعرفى غلوتك بس |
رد: حــواء فــى استضافــــة ادم والعكـــس
معلش يا كاتى أنا مروحتش على طول بعد الشغل رحت كم مشوار كده وبعدين جيت واستريحت شوية وأكلت ودلوئتى دخلت المنتدى مع كباية قهوة علشان التركيز وبعدين سما مش شخصية عادية فى المنتدى علشان اسأل أسئلة وخلاص..لازم أكون مستعد للمقابلة اللى هى صعب تتكرر تانى وكمان توصيتك اللى انت قولتى عليها من عنيا قبل ما ابتدى الأسئلة عايز اقول يارب يارب ابعد عنى اللون الأحمر ومتخليش سما تبعد الاجابات باللون الأحمر وكمان تعليقات كاتى تكون بلون تانى وحتى لو كتبوا باللون الأحمر ياريت تحصل معجزة ولما الكلام يوصلى يكون اتغير فى الطريق أو عوامل التعرية أثرت فيه والكلام يوصلى بلون تانى وأنا سعيد يا سما ان اجاباتى عجبتك وياريت أسئلتى كمان تعجبك وأشكرك يا اوفا انك كنت واقفة جنبى فى التلات أيام اللى فاتوا ونبتدى الأسئلة وهى عبارة عن أسئلة وحوارات ومناقشات فى نفس الوقت المجموعة الأولى(16 سؤال) النهارده 1 متى تشعر سما بالسعادة؟وما هى أحلى أوقاتك؟ 2 حلم ما زلت تحلمى به 3 كثير منا يفتقر الى الشعور بالسلام..فما هى الروشتة التى تقدميها لكى يعود السلام الى داخلنا؟؟؟ 4 مين شفيعك؟ومين شفيعتك؟ 5 فى تاريخ سينما الأفلام الدينية العالمية هناك أفلام خالدة مازالت تفتكرها الأجيال ومنها على سبيل المثال(بن هور.والذى فاز ب11 جائزة أوسكار-الرداء-باراباس-شمشون ودليلة-الوصايا العشر-موسى-كوفاديس-الانجيل-مارسلينو-ملك الملوك(اخراج سيسيل دى ميل)...ما هو الفيلم العالمى الدينى(أجنبى)الذى شاهديه وأثر فيك تأثيرا كبيرا؟ 6 هل تشاهدين القنوات الدينية المسيحية؟وايه القناة اللى بتعجبك؟ 7 هناك بعض الكلمات وياريت تعريف ليها من وجهة نظرك الحرية-الفضيلة-المال-الحياة-الابتسامة-الربيع 8 ماذا يعنى بالنسبة ليك منتدى الفرح المسيحى؟ 9 كيف عرفت منتدى الفرح المسيحى؟ 10 لماذا ينتهى الحب الأول بالفشل؟وهل هو وهم؟ قال احسان عبد القدوس عبارته الشهيرة فى بداية الفيلم الخالد(الوسادة الخالية)..قال احسان:(فى حياة كل منا وهم كبير اسمه الحب الأول لا تصدق هذا الوهم فان حبك الأول هو حبك الأخير)..هل انت مع رأى الكاتب الكبير؟ولماذا نتعذب وتنتهى كل الحواديت بالفراق؟..هل انت مع رأى الكاتب الكبير أم لك رأى آخر؟ 11 لو انت مدرسة فى مدرسة بنات ودخلت احدى الفصول فى جدولك والفصل ده كان من ضمن طالباته(...مارى نعيم-مارينا جريس-مارينا مرمر-رونيا-كاتى-اوفا-ماريا-فرونكا-ميرو-شيرين عزيز-ناردين-بنتك انا-بنتك يايسوع-رينا-مرمورة الأمورة-آمال نبيل-نونا-فيرجين-كريستينا)وكان فى فوضى فى الفصل-تفتكرى مين فيهم سواء طالبة أو اكتر تكونى مركزة عليها ان هى متزعمة الفوضى وفى نفس الوقت أيضا مين هى الطالبة اللى انت حاسة انها هادية جدا وملهاش دعوة بالكلام ده وهاتكون واقفة جنبك؟ -وتخيل تانى أيضا نفس الكلام لكن لو انت فى مدرسة أولاد والفصل به(...رامز-مجدى منير-جرجس-مايكل-هانى مشيل-فيمون-بيدو-تيتو-كوجى-ابرام...)-من هو متزعم الفوضى.ومن هو الهادى؟ 12 ما هو أبرز موقف أحسست فيه بيد الرب معك؟ 13 ما هو آخر كتاب قرأتيه؟ 14 ماذا تقولى لمصر فى الظروف الراهنة؟ 15 الشهيد يرى فيه الناس صورة المسيح والشهداء قدموا حياتهم من أجل فادينا الحبيب...هل الخدمة نوع من أنواع الشهادة؟ 16 ايه هى الأكلات المفضلة عندك؟والأكلات اللى مش بتحبيها؟ وكمان ايه هى الفواكهه اللى بتحبيها؟والفواكهه اللى مش بتحبيها؟ نكتفى اليوم بالمجموعة دى وباذن الله بكرة المجموعة التانية |
رد: حــواء فــى استضافــــة ادم والعكـــس
هههههههههههههههه
خلاص ياناصر بشويش على سمسمتى انا قايلالك انها حببتى اهو اى خدمة ياسمسمتى |
رد: حــواء فــى استضافــــة ادم والعكـــس
انا بصراحه مكنتش هعلق انهارده بس قولت لازم تشوف اللون اللى
حضرتك بتحبه الاحمر وعايزه اشكر حضرتك لانك الظاهر كده متوصى فوق متصورت بسما انا معنديش كلام غير ربنا معاكى ياسما اهو زى موعتك |
رد: حــواء فــى استضافــــة ادم والعكـــس
اقتباس:
ههههههههههههه شكرا يا ناصر على الاسئلة الحلوة دى كلها يارب اكون قدرت اجاوب كويس بس انا قولت كل اللى جوايا فعلا وكاتبالك اهو الاجابات باللون الازرق مش الاحمر يعنى رفقا بيا رفقا هههههههههههههههه :) لا براحتك خالص انشالله تجيبلى كل اسئلة الدنيا هاجاوب عليها |
رد: حــواء فــى استضافــــة ادم والعكـــس
اقتباس:
ههههههههههههههه انتى يا اوفا حبيبتى انا عارفة وهاتكونى جنبى :) |
رد: حــواء فــى استضافــــة ادم والعكـــس
اقتباس:
ههههههههههههههههههه ادعيلى يا كاتى يا حبيبتى |
رد: حــواء فــى استضافــــة ادم والعكـــس
حلوة انتصارات الزمالك على الاهلى دة هما كام ماتش يا مستر ناصر دول يتعدو على صوابع الايد هههههههههههههههههه |
رد: حــواء فــى استضافــــة ادم والعكـــس
ايوه كده حد يقوله
وكمان احمر ياهانى ده كتير وبعدين انا منكرتش بس ده كان زمان |
رد: حــواء فــى استضافــــة ادم والعكـــس
ههههههههههههههههه فينك يا ادم |
رد: حــواء فــى استضافــــة ادم والعكـــس
ايه ده حصل حاجة غريبة اوى انت متأكدة يا كاتى انك كتبت باللون الأحمر لانك انت قولتى انك كاتبة باللون الأحمر والكلام عندى باللون الأخضر ده حتى كلام هانى طالع عندى باللون الأخضر..أكيد فى معجزة حصلت ههههههه مفيش داعى يا كاتى حكاية اللون الأحمر ده...ده حتى سما بتقول ان اللون ده بيضايقها ازيك يا هانى معلش أنا معاك ان انتصارات الزمالك على الأهلى أقل لكن الفرق بين الزمالك والأهلى كلمة واحدة هى(الادارة)والزمالك من زمان موعود بالادارات الفاسدة اللى ضيعته كتير وحرمت منه البطولات ومتنساش ان الأهلى قعد 10 سنين(1962-1972)مش عارف يكسب الزمالك بجد يا سما اجاباتك جميلة جدا وكلماتك رائعة جدا ومفيش بعد كده واجاباتك على بعض الأسئلة فيها استفادة لناس كتير وأنا عن نفسى عجبتنى جدا الاجابة على سؤال(الشعور بالسلام)وحاسيت انى استفدت بالاجابة وهابتدى من النهاردة هاطبق الكلام اللى قولتيه فى حياتى وخصوصا لما قولتى اننا لازم نعيش حياة الفرح وسط الضيق والتجارب ونسلم الأمور للرب يسوع وكمان الحاجة اللى كلها تعزية انك لما قولتى انك بتحلمى بالسما وكمان لما تنبأت لمصر ان فى عجائب كتير قريب جدا من رب المجد وكمان الأكلات اللى انت قولتى انك بتحبيها أنا كمان باحبها ماعدا أكلة واحدة انت قولتيها مش قادر أكتب اسمها علشان ما أول ما شفت اسمها على الشاشة وأنا عندى ألم جامد فى بطنى هههههههههههه وأنا سعيد اوى ان الكتابة هاتبقى باللون الأزرق بجد اجابات راقية جدا وبعض الاجابات دروس مستفادة لينا كلنا ونبتدى أسئلة اليوم التانى المجموعة التانية(16 سؤال) 17 ايه هى الترنيمة اللى بتحبى دايما تسمعيها وبتتأثرى بيها؟ 18 ايه هى الألوان اللى بتحبيها؟ 19 ايه هى الدول اللى تتمنى تزوريها؟ وكمان ايه هى المحافظة أو المحافظات داخل البلد اللى تتمنى تزوريها؟ 20 من مثلك الاعلى فى الحياة؟ 21 أفضل يوم تحبيه فى الأسبوع وليه؟ وكمان أفضل شهر فى السنة بتحبيه وليه؟ 22 هل تؤمنين بالحظ؟ 23 ما هى هواياتك؟ 24 أى فريق مصرى تشجعين فى كرة القدم؟ معروف ان احنا فى شهر يونيو داخلين على بطولة كأس العالم لكرة القدم عام 2014 والبطولة تقام كل 4 سنوات وستقام العام القادم فى البرازيل والبرازيل أكبر دولة فازت بكأس العالم(5 مرات)والعالم كل 4 سنوات ينتظر هذا العرس العالمى هاقولك أسماء بعض الدول وياريت تقوللنا مين اللى هيفوز بكأس العالم(البرازيل-ألمانيا-اسبانيا-انجلترا-الأرجنتين-هولندا-فرنسا-ايطاليا) وكمان هاقولك 4 أسماء من اللاعبين مشهورة وتقوللنا مين فيهم اللى هيكون نجم كأس العالم وهل هانشوف بيليه ومارادونا مرة أخرى اللى تألقوا فى البطولات السابقة أسماء اللاعبين(ميسى(الأرجنتين)-نيمار(البرازيل) رونالدو(البرتغال)-ريبيرى(فرنسا) 25 هل تفضلى ان المرأة تنزل الى العمل أم تبقى فى البيت؟ ولماذا؟ 26 متى يكون الكلام حكمة والصمت حكمة؟ 27 ما هى أكبر عيوب الشباب المصرى من وجهة نظرك؟ وما هى النصيحة التى توجهيها للشباب المصرى؟ 28 ما هى الشخصية العالمية(سواء موجودة بيننا أو رحلت) كنت تتمنى انك تقابليها أو تشوفيها؟ وما هى الشخصية المصرية(سواء موجودة بيننا أو رحلت) كنت تتمنى تقابليها أو تشوفيها؟ ما هو القديس اللى كنت تتمنى انك تقابليه شخصيا أثناء حياته على الأرض؟ ما هى القديسة اللى كنت تتمنى انك تقابليها شخصيا أثناء حياتها على الأرض؟ 29 مع ملاحظة أنه مفيش فترة حكم كلها ايجابيات أو كلها سلبيات (جمال عبد الناصر-السادات-حسنى مبارك) مين من الزعماء الثلاثة كان فعلا زعيما لمصر وللعرب وافريقيا وله احترام على مستوى العالم من وجهة نظرك وايه هى الأسباب؟ 30 ما هو المرنم اللى بتحبى تسمعى صوته وتحسى ان صوته جميل جدا فى الترانيم؟ وما هى المرنمة اللى بتحبى تسمعى صوتها وتحسى ان صوتها جميل؟ 31 كيف نعالج مشكلة السقوط المتكرر عند الشباب؟ 32 معروف ان القديسة العذراء مريم هى شفيعتك والعذراء احتملت آلام كثيرة فقد قال عنها سمعان الشيخ:يجوز فى نفسك سيف..والعذراء تعلمنا كيف نسلم ذواتنا لله وكيف نتحمل من أجل الخدمة وكيف نتنازل عن أى شروط مسبقة ياريت تقوللنا بعض التأملات عن آلام العذراء من أول ما كانت طفلة حتى نياحتها مرورا بآلامها تحت الصليب بركة صلوات أم النور فلتكن معنا...آمين وباذن الله بكرة آخر مجموعة من الأسئلة |
رد: حــواء فــى استضافــــة ادم والعكـــس
اقتباس:
ولية كدة يا ناصر ماتخليك شوية كمان النهاردة :) ميرسى بجد على الاسئلة الحلوة دى ياناصر ربنا يفرح قلبك دايما ومنتظرة باقى الاسئلة بكرة |
رد: حــواء فــى استضافــــة ادم والعكـــس
أسئلة اليوم الثالث المجموعة التالتة(8 أسئلة) 33 هل أنت رومانسية؟ 34 كيف نشهد للمسيح فى هذا الوقت دون أن ننفصل عن العالم؟ 35 قولى كلمة ل استاذ رامز مدام مارى نعيم 36 الكلمة دى تقوليها لمين؟ انت فخر لمصر وكل العرب ورنا معاك فى الظروف الصعبة دى 37 الكلمة دى تقوليها لمين؟ انتوا فى قلوبنا دايما وعمرنا ما هننساكم 38 وجهى كلمة لكل عضو وعضوة غايبين عن المنتدى وبالذات اللى كانوا ليهم نشاط كبير فى فترات سابقة 39 ايه هو السؤال اللى كنت تتمنى ان أنا اسأله ومسألتهوش؟ 40 وخصوصا واحنا داخلين على سنة جديدة...سنة 2014 ماذا تريدى من أعضاء المنتدى فى المرحلة المقبلة؟ وفى نهاية هذا اللقاء الرائع أشكرك يا سما على المقابلة الجميلة دى وأشكرك يا كاتى على انك نظمتى المقابلة الرائعة اللى عمرى ما هانساها وكل سنة وانتوا طيبين |
رد: حــواء فــى استضافــــة ادم والعكـــس
اقتباس:
ربنا يخليك يا ناصر ويفرح قلبك وبجد كنت مبسوطة خالص بوجودى هنا وبأسئلتك الحلوة المميزة واستفدت كتير من الاسئلة دى كلها واحب اقولك ان اليوم لسة مش خلص رايح فين يا ادم اسئلتك خلصت ولا اية ههههههههههههههههه :) |
رد: حــواء فــى استضافــــة ادم والعكـــس
...ان اليوم لسه مش خلص رايح فين يا ادم اسئلتك خلصت ولا ايه هههههههههههه هههههههههههه كنت خايف يا سما أكون مشغول فى المساء وعلشان أنا باحب النظام قولت فى نفسى لازم النهاردة كل حاجة تكون بدرى |
رد: حــواء فــى استضافــــة ادم والعكـــس
شكرا لضيوفنا
مستر ناصر وسما |
رد: حــواء فــى استضافــــة ادم والعكـــس
ومعانا انهارده ضيوف جدد
الاشراف العام بيدو توما وخدمة الافتقاد بنتك انا |
رد: حــواء فــى استضافــــة ادم والعكـــس
اهلا بحضرتك
ياادم منور يارب تكون الاسئلة خفيفة ولطيفة عليك وعليا هههههههههههههههههههه بس بداية احب اعرف تحب الاسئلة تكون ازاى |
رد: حــواء فــى استضافــــة ادم والعكـــس
اقتباس:
شكراً جزيلاً أختي العزيزة...وأهلاً بكِ... منورة بوجودك الكريم ... تحب الاسئلة تكون ازاى..؟ بكل ما ترغبين السؤال عنه فأنا جاهز مع الشكر...أختي العزيزة |
رد: حــواء فــى استضافــــة ادم والعكـــس
منورين يا بيدو ويا راندا ربنا يعينكم واحنا معاكم اهوووووووووو :) |
رد: حــواء فــى استضافــــة ادم والعكـــس
نقول يامسهل وربنا يستر
|
رد: حــواء فــى استضافــــة ادم والعكـــس
.. نبـــدآ بـالآسئلـــة الآن .. 1-اسمك الحقيقى و المستعار ؟ 2-سبب اختيارك لهذاالاسم ؟ 3-الهوايات ؟ 4-افضل شهـر بالسنه والسبب ؟ 5-حلمك في الحياة؟ 6-أجمل سنوات مرت عليك؟ 7-البرامج المفضلة؟ 8-شخصيتك ( عصبي ، رومانسي ، ....... )؟ 9-اجمل بلد زرتها ؟ 10-ماهو لونك المفضل ؟ 11-من هو مثلك الاعلى ؟ 12-ماهي حكمتك بالحياة ؟ 13-ماالذي يحزنك ؟ 14-ماالذي يغيظك ؟ 15-ماالذي يفرحك ؟ 16-افضل شخصيه في رأيك ؟ 17-فنانك ومطربك المفضله؟ 18-لو خيروك تكون مشرف أي قسم تختار ؟ 19-من هم الأعضاء اللي تود مصادقتهم ؟ 20-من هم الأعضاء اللي تتمنى تشوفهم؟ 21-من العضو اللي تحب يضيفك لقائمة الأصدقاء ؟ 22-رأيك بـ الصداقـه بيـن الجنسيـن؟ 23-عضو عاجبتك صورته الشخصيه وتوقيعه ؟ 24-عضو نشيط... ؟ 25-عضو مفقود... ؟ 26-عضو واثق من نفسه ؟ 27-عضو داخل مزاجك ؟ 28-عضو تتمنى تلقتي به ؟ 29-عضو مثقف ؟ 30-عضو نفسك تغير اسمه؟ 31-عضو نفسك تكافه ؟ 32-عضو نفسك تقول له ( برافو عليك ) ؟ 33- ليك فى الشعر ؟ 34-ماهو رأيك بالحب ؟ 35- صــف نفســـك بكلمتيـــن فقـــط..! 36 -مــاهــو الشــئ الذي ندمــت علــي عمـلــــه؟!؟ 37 -كـلمـــة تمنيـــــت ان تسـتطيـــع سحـبهــــا؟!؟ 38 -آخـــر شخـــص تتـــذكــــره قبـــل أن تنـــــام؟!؟ 39 -جــريمــة تتمنـــي لـــو تستطيـــع ارتكابهــــا؟!؟ 40 -حمـامة زاجـــل حاملـــة رســالة لـك,,,من من تتمنـى ان تكــون؟!؟ 41-شخـــص لطــالما حـــلمـــت بــــه؟!؟ 42 -دمـعـــه انـذرفــــت رغـمــاً عنـــك؟!؟ 43 -مـوقـــف صــدمــك ولــن تنســــاه؟!؟ 44 -شـخــص تتمنــي الإنتقــام منـــه؟!؟ 45-شــئ او عمــل لا تستطيــع مســامحته؟!؟ 46-شــئ او شخــص غيــّر مجــري حياتـــك؟!؟ 47-حلم لا تستطيـــع تحقيقه؟!؟ 48-كلمة تود سماعها كل يوم؟!؟ 50 -طالع رحله بريه من تاخذ معك ؟؟ 51 - غرق المنتدى ومعك قارب مايشيل الا ثلاثه من تاخذ معك ؟ اتمنى تعجبكم الاسئلة وسوري على الاطالة ... تحيااااتي |
| الساعة الآن 04:02 AM |
Powered by vBulletin® Copyright ©2000 - 2026