لما جوزك يقولك:_:(:(
وانتى بتعملى ايه يافايزه طول النهار غير انك قاعدة مع العيال ..
لا طبختى النهارده والشغالة هى اللى روقت البيت !!

مش قادر يستوعب ان فقرة العيال دى فيلم رعب لا ينتهى :mad::mad:

تقومى لابسة زى الشاطرة يا فايزه ..
وتقولى:_ فايز انا نازلة لحد الكوافير :cool::cool:..

هيجيله ذبحة صدرية فى الاول .. متهتميش بالتفاصيل .. هيعيش متقلقيش:rolleyes::rolleyes:

وتروحى بقى تصبغلك شعرك وتعملك مانكير فى ست ساعات - بصوت انور السادات -
وتغسلك شعرك فى تمانية وتعملك مساج لراسك اللى كلها خلاياها بالداخل محترقة وكل الاسلاك ملمسة وعريانة .. :eek::eek:

ترجعى تلاقى فايز احول وشعره ابيض وحالته تصعب على الكافر .. :d:d
مش خسارة فى طيبة قلبه اللى كل يوم هربان على القهوة ومفرفش مع اصحابه
وانتى لابسة فى المذاكرة
وتحمى العيال وتعشيها وتنيميها
وتفكرى هتطبخى ايه بكرة
وتلمى الغسيل اللى هيتغسل
وتجرى ورا البواب يجيب عيش السندوتشات
وتكوى هدوم المدرسة ..
وفايز يرجع تعشيه وتفقرى هتموتى وتنامى ما انتى هلكانة

وساعات قليلة وهيبدأ يوم جديد طويل وتتربطى فى الساقية
وتصبحى منهكة جسديا تماما ..
وتسمعى سخافاته المرهقة نفسيا كمان

المهم بقى انتى بتعملى ايه يافايزه !:eek::eek::eek:

ههههههههههههههههه

ربنا مطول روح فايزة علشان متخلص عليك

هههههههههههههههه

معاكي يا رورو متابعة حببتي

يا سلام ....
انتي عايشة معايا يا رينا ولا ايه ؟؟؟؟
ولا يمكن أنا فايزة ؟؟؟؟؟؟
الفقرة دي بالذات صح جدااااااااااا
ميرسي يا رينا حبيبتي .. ربنا يفرح قلبك