المسيح قام بالحقيقة قام
عشانك وعشانى اتهان
عشان يرفع عنى وعنك كل مهان
عشان يطهرنا من كل خطيه
وعشان يمنحنا انا وانت الغفران
ويخلى راسى ورأسك مرفوعه
وعشان يكون لينا ف السما مكان
بس ياترى انا وانت نستاهل التضحيه
ياترى انا وانت نستاهل الغفران
اكيد نستاهل التضحيه عشان الهنا كله حنان
اترفع ع الصليب واتهان
عشان يحسسنا بالامان
اتجلد واتكلل بالشوك ومات
لكن حسب كلامه ف اليوم الثالث قام
غلب الموت وقام المسيح قام
وجريت المجدليه وخبرت انه قام
يلا نجرى انا وانت ونخبر البشريه
ونقول ونحكى عن يسوع فاديك وفاديا
نبشر بصليبه وموته وقيامته
عشان الكل يعرف اد ايه احنا نستاهل التضحيه
بس قبل كل ده ممكن واقفه ✋
ممكن نقوم انا وانت من رقدة الخطيه
ماهو منزلش واتصلب ومات وقام
عشان نفضل كده تحت ذلها
يلا بينا ندوس عليها وقيودها نحلها
ونصرخ ونقول لها
معدش ليكى مكان ف قلوبنا
عشان انتى مش من توبنا
احنا ولاد الملك والسما هو نصيبنا
# م ر ي م #
وأروح على فين... بعد ما فضت كل الجيوب وأصبحت خاوية ... وحسابات البنوك أرصدتها خالية... حتى الذكريات الجميلة دموع جارية... والزهور العاطرة الناضرة من الجهد أصبحت ذابلة... فكيف أمشى وأصبحت خطوات السير متعثرة. مرقس إسـكندر مقار
