الف سلامه استاذ مكرم-- اشكرك على رسالتك -- ربنا يمد يده بالشفاء التام و يديك قبول و فرح و سلام
و كل سنه و انت طيب بركه ميلاد رب المجد تغمرك و تعمل فيك و من خلالك و يتم شفائك التام حسب مشيئته و باذنه لمجد اسمه القدوس

اختفيت خالص استاذ مكرم-- ربنا يطمنى عليك

كيفك استاذ مكرم -- يا رب تكون بخير و بسلام-

يا رب تكون بخير و بسلام-- يوم جميل عليك اخى

صباح النور و الخير و البركه---
يا رب تكون بخير و بسلام

عمتا -- انا فاهما ان مفيش شى بيحصل صدفه ----
و الحقيقه قبل كدا بحثت شويه ايه الفرق بين كام طائفه --
لكن اول مره اسمع الى قولته دا-- او سمعت و مركزتش--
و موضوع الصور باصبعين دى ! عمرى ما ركزت فى الكلام دا ابدا الحقيقه---
رغم انى بركز فى الرسومات جدا تلقائيا كدا ! و الايقونات و الرسومات... ازاى ملفتش نظرى ...
المهم اشكرك على الموضوع الى محتاج قرائه بهدوء و فهم ..

عندك حق طبعا فى كلامك....
و إلا كانت كل المجهودات على مر العصور بلا معنى و بلا لازما و مجهودات خرجت هبااائا..
دراسات و مجموعات و ابحاث ..مجهودات جباره --- مقدرش انكرهم و لا اقدر انكر اهميتهم..
انا بتكلم على حاجه مزعلانى... و اكيد مليون فى الميه مزعله ربنا الحبيب يسوع
انشقاقات -- اتهامات-- تخوينات-- خوف -- خبث -- وصلت لاحكام كمان-- و اصبح باب السماء و عمل خلاص الرب فى يد البشر يحرم و يبيح--

لو التفريق بين الصح والخطأ مستحيل إلى هذه الدرجة ، يبقى لا فائدة فعلاً من البحث والدراسة.
ولكن الأمر ليس كذلك.
يوجد صح ويوجد خطأ ويمكن التفريق بينهم.
الدراسة ليست صعبة إلى هذه الدرجة، ولكنها تحتاج لأمانة وصدق مع الذات ومثابرة.

تكمله ....
..........
الى حصل ان كل مجموعه راحت على الشط و حفرت حفره--- الى حفر حفره مدوره و الى حفر حفره مستطيله الى حفر تلات حفر فى بعض و الى حفر حفرتين بيصبوا فى واحده -- و كل مجموعه التفت حولين حفرتها-- و فاكررين ان حفرتهم الى حفروها هى الى صح و هى الى هتستوعب اللا محدود--- و تنازعوا و اصبحوا يشكوا فى بعضيهم و يتباروا مين الى اصح منهم-- و يتخابثوا مين الى هيقدر يجر رجل التانى و ينتهز فرصه زرع شكل حفرته فى الاخر....

مش عارفين ان اللامحدود لا يمكن استيعابه بالعقل-------
اللامحدود ممكن معرفته و ادراكه بالقلب---
و هو دا الاهم
تعرف فلان-- ايوا طبعا اعرفه
طب عاشرته : لا ...
يبقى متعرفهوش